Category: Uncategorized

Umwana w'umuhungu w'imyaka 14 wo mu Karere ka Kayonza mu Murenge wa Mwiri, yagiye kwamurura inyoni mu muceri aza gusangwa mu mazi yapfuye.

Byabaye kuri iki Cyumweru tariki ya 26 Ugushyingo 2023 mu Murenge wa Mwiri, mu Karere ka Kayonza.

Ubuyobozi buvuga ko Mushiki w'uyu mwana ariwe watanze amakuru ko musaza we yavuye mu rugo mu gitondo cya kare agiye gucunga umuceri, nyuma y'amasaha make bagatabazwa bababwira ko apfuye.

Uyu mwana wapfuye yaguye mu mazi ari kumwe na bagenzi be babiri, ndetse ubwo yagwagamo batabaje abantu bakuru bari bari aho hafi,  bahageze bagerageza ku mutabara ariko basanga yashizemo umwuka.

ubuyobozi bwongera kwihanangiriza abaturage bakoresha abana mu kurinda umuceri no mu bindi bikorwa nk'ibi baba batemerewe.

Source : https://yegob.rw/umwana-wumuhungu-yazindutse-mu-cya-kare-ajya-kurinda-umuceri-mu-murima-ababyeyi-baje-basanga-yapfiriye-mu-murima/

Urukiko Rwisumbuye rwa Gasabo rwaburanishije Ubujurire bwa Pasiteri Harelimana Joseph uzwi nka Apôtre Yongwe ku cyemezo cyo kumufunga by'agateganyo.

Ubushinjacyaha bwari bwagejeje Apôtre Yongwe mu Rukiko rw'Ibanze rwa Gasabo busaba ko afungwa by'agateganyo kubera icyaha akurikiranyweho cyo kwihesha ikintu cy'undi hakoreshejwe uburiganya.

Bwari bwagaragaje ko kumufunga by'agateganyo ari bwo buryo bwo gutuma adakomeza gukora icyo cyaha ndetse bikaba bitatuma abangamira iperereza.

Urukiko rw'Ibanze rwa Gasabo rwategetse ko afungwa by'agateganyo iminsi 30 ngo kuko hari impamvu zikomeye zituma akekwaho icyaha cyo kwihesha ikintu cy'undi hakoreshejwe uburiganya ku wa 26 Ukwakira 2023.

Uregwa yahise ajuririra icyemezo cy'Urukiko cyo kumufunga by'agateganyo kubera ko atishimiye icyemezo cy'Urukiko hashingiwe ku kuba bamwe mu bamureze bari bafitanye amasezerano.

Yagaragaje ko kandi yajuriye kubera ko amategeko y'ifungwa ry'agateganyo atubahirijwe ndetse no kuba amashusho Urukiko rwashingiyeho atari akwiye kuba impamvu zikomeye zituma akekwaho icyaha.

Apôtre Yongwe yavuze ko ibyashingiweho ari amashusho yagaragaye ari kubwiriza mu Itorero rya Four Square Church yari amaze umwaka akozwe, yagaragaye ashishikariza abantu gutanga ituro.

Yagaragaje ayo mashusho Yongwe agaragaramo ashishikariza abantu gutanga amaturo koko ariko byakozwe hari abantu benshi, bityo ko iyo biza kuba bigize icyaha aba yarahise atabwa muri yombi.

Yavuze ko na we uwo munsi yatuye ikoti rye kuko na we yumvaga yishimye, anagaragaza ko urwo rusengero yarimo rutari urwe ahubwo yamaze kubwiriza arataha bityo ko atari akwiye gukurikiranwaho icyaha cyo kwihesha ikintu cy'undi hakoreshejwe uburiganya ku byo atatwaye.

Ikindi kiganiro ni icyakozwe aganira n'Umuyoboro wa YouTube wa Yago TV Show cyari kimaze igihe kigera ku mwaka gikozwe, akavuga ko ayo mashusho atari gushingirwaho afungwa iminsi 30 kuko cyari ikiganiro gisanzwe.

Ubushinjacyaha bwari bwagaragaje ko Apôtre Yongwe asengera abantu bakamuha amaturo akoresheje ibikangisho gusa we yavuze ko atari ukuri kuko benshi bamusaba kumusengera atabazi.

Yigereranyije n'Intumwa y'Imana Pawulo yabwirizaga ubutumwa bwiza akaboha n'amahema kuko na we afite n'ikigo cya Yongwe Media ayobora.

Ibyo bituma umusabye kumusengera amwereka ibyakwangirika cyangwa ibyakoreshwa mu gihe bagiye kumusengera 'insimburamubyizi' kandi abo asengera baba babyemeye.

Kuba Urukiko ruvuga ko abantu abasengera ntibakire, yavuze ko atari Imana ngo asubize ibyifuzo byabo.

Ati 'Ibyanjye ni ugusenga Imana ikabasubiza, nk'uko nanjye maze iminsi mfunzwe nsenga ngo Imana insubize. Na mbere y'uko mbasengera bari bazi ko ntari Imana cyangwa Yesu wapfuye akazuka.'

Apôtre Yongwe yavuze ko bamwe mu bamureze bafitanye amasezerano y'imikoranire bityo ko bitakabaye impamvu yo kumukurikiranaho icyaha.

Yagaragaje nk'uwitwa Bugingo wamureze kandi nyamara baragiranye amasezerano y'imikoranire ashingiye kumenyekanisha indirimbo ze no kuzamura impano yo kuririmba.

Undi ni Ngabonziza Jean Pierre bamaranye ukwezi amusengera urugo rwe rwarasenyutse, nyuma aza kumuguriza miliyoni 2,5 Frw, atinda kumwishyura byatumye undi yitabaza Abunzi.

Apôtre Yongwe yongeye kubwira Urukiko ko aho asengera nta biciro biriho bigaragaza ko umuntu ugiye gusengera iwe abanza kwishyura amafaranga runaka.

Me Nzayisenga yavuze ko batishimiye icyemezo cy'Urukiko rw'Ibanze rwa Gasabo rwategetse ko afungwa by'agateganyo kuko kuri bo basanga nta mpamvu yatuma afungwa by'agateganyo.

Ati 'Dusanga ibyo abwiriza bitari bikwiye kuba bigize icyaha ukurikije amategeko u Rwanda rugenderaho. Kuba ibyo abwiriza ari byo abigishwa be bagiye bizera bagatanga amaturo twumva bitaba icyaha.'

Yagaragaje ko Yongwe ashobora kugira ibyo ategekwa ndetse ko hari n'umuntu wemeye kumwishingira.

Mugenzi we yavuze ko umuntu aba ari umunyagitinyiro bityo ko kumufunga bisaba kuba hari impamvu zikomeye kandi zidashidikanywaho zituma akekwaho icyaha.

Yagaragaje ko kandi amaturo kuyahabwa bitagize icyaha kuko n'abandi bakomeje kuyatanga.

Ati 'Amaturo kuyakira si icyaha, n'ejo ku Cyumweru barayatanze. Kereka iyo bagaragaza we (Apôtre Yongwe) atari akwiye guhabwa amaturo.'

Yagaragaje ko nta mpamvu zikomeye zituma akekwaho icyaha cyo kwihesha ikintu cy'undi hakoreshejwe uburiganya, asaba umucamanza mu Rukiko Rwisumbuye kuzasuzumana ubushishozi dosiye ya Herelimana Joseph rugategeka ko icyemezo cy'Urukiko rw'Ibanze rwa Gasabo gihinduka.

Ubushinjacyaha buhawe umwanya, bwavuze ko inshingano z'ubupasitori yahawe, yazitwayemo nabi ashaka inyungu ze bwite aho kuba inyungu z'itorero. Bwavuze ko ari imyitwarire iteye isoni ikwiye guhanirwa.

Yagaragaje ko ibikorwa yakoze mu bihe bitandukanye bigize icyaha cyo kwihesha ikintu cy'undi hakoreshejwe uburiganya kuko yabanzaga kubwira abantu ko yabakorera ibitangaza ariko abamugannye akabaca amafaranga.

Ku bijyanye n'umwishingizi Ubushinjacyaha bwavuze ko nta cyo bwabivugaho kuko atari yatanzwe mu rubanza rwa mbere kandi bari kuburana ku bujurire bwarwo.

Icyemezo cy'Urukiko kizasomwa ku wa 4 Ukuboza 2023.

Source : https://yegob.rw/na-mbere-yuko-mbasengera-bari-bazi-ko-ntari-imana-cyangwa-yesu-wapfuye-akazuka-mu-myenda-yabagororwa-harelimana-joseph-uzwi-nka-apotre-yongwe-yigaramye-abo-yatekeye-umutwe-yitwaje-amas/

Mu kigo cy'ubutore cya Nkumba kiri mu karere ka Burera, hatangijwe itorero Isonga ry'Abanyamabanga nshingwabikorwa b'imirenge, uturere intara n'Umujyi wa Kigali.

Ministeri y'ubutegetsi bw'igihugu yababwiye ko muri iri torero bakwiye kongera kwigiramo uburyo bwiza kandi bwihuse bwo gukemura ibibazo bikibangamiye umuturage.

Ni itorero ryaherukaga mu mwaka wa 2017. Abanyamabanga nshingwabikorwa baryitabiriye bavuga ko ari umwanya mwiza bitezemo kwigiranaho mu kunoza inshingano zabo.Imibare igaragaza ko Abanyarwanda 38.2% bari mu bukene mu gihe 16% ku ijana bari mu bukene bukabije.

Umunyamabanga wa Leta muri minisiteri y'Ubutegetsi bw'Igihugu Kayisire Marie Solange, yabwiye Intore z'Isonga ko iki ari kimwe mu bibazo bakwiye kwihutira gukemura.

Iri torero Isonga rizatorezwamo intore 451, bikaba biteganijwe ko rizamara icyumweru.

Source : https://yegob.rw/ba-gitifu-bimirenge-bajyanwe-mu-kigo-cyubutore-cya-nkumba-mu-karere-ka-burera-mu-itorero/

Impera z'icyumweru nibwo hakinwe umunsi wa 11 wa shampiyona y'u Rwanda, ni umunsi wasize amakipe arimo APR FC , Rayon Sports na Kiyovu SC zitakaje amanota abiri muri atatu bahataniraga.

Duhereye ku munsi wo kuwa Gatanu, ikipe ya Gorilla FC yararanye amanota atatu, ni nyuma yo gutsinda ikipe ya Etoile de l'Est igitego kimwe ku busa.

Bucyeye bwaho, ikipe ya Police FC yo yatsindiye Amagaju mu ntara y'amajyepfo ibitego bibiri kuri kimwe , ni ibitego bya Police byatsinzwe Bigirimana Abedi ndetse na Akuki Djibrine.

Ikipe ya Etincelles FC yari yakiriye ikipe ya Rayon Sports umukino urangira amakipe yombi arangije umukino ari igitego kimwe kuri kimwe.

Ikipe ya Bugesera FC yari iheruka kubona umotoza mushya Haringingo Francis yo yatsindiwe mu rugo n'ikipe ya Marines FC igitego kimwe ku busa.

APR FC yo yari yakiriye ikipe ya AS Kigali umukino ubera kuri Kigali Pele Stadium, ni umukino warangiye amakipe yombi anganyije igitego kimwe kuri kimwe.

Ku ruhande rw'ikipe y'Ingabo z'igihugu yari yatsindiwe na Rutahizamu wayo Victor Mbaoma, kuri AS Kigali yo yatsindiwe na Ishimwe Fiston.

Umukino wahuje ikipe ya Kiyovu SC na Sunrise FC ukabera I Nyagatare Ntabwo wakinwe ku wa gatandatu kuko imvura yaguye ari nyinshi bituma wimurirwa ku cyumweru, uyu mukino warangiye amakipe yombi anganyije ubusa ku busa.

Kuri iki cyumweru, ikipe ya Mukura VS yo yakinaga na Muhazi United, amakipe yombi akaba yakiniye i Huye umukino urangira ari ubusa ku busa.

Umunsi wa 11 wasojwe na Gasogi United itsinda ikipe ya Musanze FC ibitego bibiri ku busa byatsinzwe na Henock na Djoumeko.

Kugeza ubu Musanze FC iracyayoboye urutonde rwa Shampiyona n'amanota 23 ikurikiwE na APR FC na Police FC zo zifite amanota 22.

Kuri uyu wa Kabiri Police irakina na Rayon Sports mu mukino wa shampiyona w'umunsi wa gatanu utarabereye igihe kuko yo na APR FC izakina na Sunrise FC kuwa gatatu bari mu mikino Nyafurika.

The post Rayon Sports, APR FC, na Kiyovu SC zatsikiye, Police FC na Gasogi zibona intsinzi y'umunsi wa 11 wa PNL appeared first on RUSHYASHYA.

Source : https://rushyashya.net/rayon-sports-apr-fc-na-kiyovu-sc-zatsikiye-police-fc-na-gasogi-zibona-intsinzi-yumunsi-wa-11-wa-pnl/?utm_source=rss&utm_medium=rss&utm_campaign=rayon-sports-apr-fc-na-kiyovu-sc-zatsikiye-police-fc-na-gasogi-zibona-intsinzi-yumunsi-wa-11-wa-pnl

The post 'Abansabaga kubasengera bari babizi ko ntari Imana' Apostle Yongwe mu nujurire appeared first on FLASH RADIO&TV.

Source : https://flash.rw/2023/11/27/abansabaga-kubasengera-bari-babizi-ko-ntari-imana-apostle-yongwe-mu-nujurire/?utm_source=rss&utm_medium=rss&utm_campaign=abansabaga-kubasengera-bari-babizi-ko-ntari-imana-apostle-yongwe-mu-nujurire

Mu mashusho y'iyi ndirimbo harimo 'Scenes' zidasanzwe aho aba bombi Embarambamba na Pasitri William , bamera nk'abari kurwana na Satani nyamara barimo kurwana bo ubwabo.Ni amashusho abagaragaz bari mu mazi asa nabi cyane bambaye imyero , ndetse banatwara moto mu buryo butera ubwoba ababareba.

 

Umuhanzi Chris Embarambamba amaze kwamamara mu gukora amashusho atangaje ndetse asigira benshi amatsiko no kwibaza niba ntabikomere yasigaranye.Kimwe n'ayo yandi mashusho , Embarambamba , yashyize Pasiteri William muri iyi Si, ubundi bahurira muyo bise 'Nyonga' idasanzwe.

 

Benshi mu barebye aya mashusho , bakomeje gushinja , William na Embarambamba gukoresha imbaraga nyinshi mu mikino baba bakina, gutwara moto nabi ndetse no kwerekana imico itari myiza bitwaje ko ari indirimbo bari gukora.

 

Ubwo yavugaga kubyo bamushinja , Embarambamba yagaragaje ko uko yitwaye aribwo buryo bwe akoresha bwo kuramya no kwegerana n'Imana ye.

 

Ubutumwa bukubiye muri iyi ndirimbo , bugamije gukwiza imishwaro satani n'ibigeragezo bye bikava kubana b'Imana.

 

Aganira n'itangazamakuru, yavuze ko akimara gushyira hanze aya mashusho, Youtube Channel ye bahise bayisiba ndetse bakanamuhana gusa ngo agahita akoresha Channel y'Itorero rya New Life Church muri iki gihugu cya Kenya.

The post Harimo kwivuruguta mubyondo ! Umuramyi Embarambamba yahuje imbaraga na Pasiteri William Getumbe bakorana indirimbo bise 'Nyonga' — VIDEO appeared first on The Custom Reports.

Source : https://thecustomreports.com/harimo-kwivuruguta-mubyondo-umuramyi-embarambamba-yahuje-imbaraga-na-pasiteri-william-getumbe-bakorana-indirimbo-bise-nyonga-video/

Ubushinjacyaha bumukurikiranyeho icyaha cyo kwihesha ikintu cy’undi hakoreshejwe uburiganya. Yatawe muri yombi ku itariki 01 Ukwakira 2023 nta muntu watanze ikirego. Ubugenzacyaha bwakiriye ikirego cya mbere amaze iminsi 5 afunze. Kuko ikirego cyaregewe ku itariki 6 Ukwakira 2023. 

Apôtre Yongwe yatunzwe n’amaturo kuva mu 2013 nk’uko yabibwiye Urukiko rw'Ibanze rwa Gasabo ku itariki 23 Ukwakira 2023.

Harerimana Joseph wamamaye nka Apôtre Yongwe ni umuvugabutumwa wahoze muri ADEPR  nyuma aza gushinga itorero rye. Yanashinze televiziyo ayita Yongwe Tv. Yatawe muri yombi yitegura gusubukura itorero rye ryari ryarafunzwe mu gihe habaga umukwabo wo kureba amatorero atujuje ibisabwa na RGB.

Urubanza rurakomeje… 

Source : https://inyarwanda.com/inkuru/136950/apotre-yongwe-yajuriye-ku-cyemezo-cyo-gufungwa-iminsi-30-yagateganyo-136950.html

Ubushakashatsi bwakozwe na New Port Academy buvuga ko abana bangana na 6500 bari hagati y’imyaka 10 na 14 babaye imbata zo gukoresha ibiyobyabwenge birimo itabi, inzoga n’ibindi,binyuze muri filime bareba ziganjemo gukoresha ibiyobyabwenge.

Bugaragaza ko abiganjemo urubyiruko bigana abo bakinnyi ba filime bakanywa ibiyobyabwenge bagakora n’indi mico mibi yakinwe, batekereza ko bibagira intwari n’abanyambaraga kubera ibyamamare bafana.

Imwe mu mico ikunze kugaragara yangiza benshi bari muri sinema n’abakunzi bazo nk’abafana harimo: Gukoresha inzoga mu buryo bukabije, kubatwa n’itabi, gukina batukana, gukina biyahura, gukina bagaragara mu bikorwa byangiza abantu nk’ubwicanyi n’ibindi.

Mu Rwanda bihagaze gute

Ku wa 5 Tariki ya 12 Nyakanga mu 2023 mu Mudugudu wa Kaniga Umurenge wa Kinigi mu Karere ka Musanze, umwana w’imyaka 11 yiganye imwe muri filime z’umunyarwenya uzwi nka “Mitsutsu” akina yiyahura,nawe yimanika mu kagozi arapfa.

Umwana muto yiganye Mitsutsu yiyahura arapfa

Ikinyamakuru Umuseke kivuga ko uyu mwana wakundaga uyu munyarwenya ,yamwiganye yiyahura bikarangira ahasize ubuzima ku myaka 11 y’ubukure.

Umwe mu bana bamubonye avuga ko yiziritse umukandara mu giti ashyiramo umutwe maze asa nk'unyerera, biza kurangira ashizemo umwuka.

Yagize ati 'Yari ari kwigana filime ya Mitsutsu maze amanika umukandara, amaze kuwumanika mpita njya guhamagara mama nsanga byarangiye.'

Umunyamabanga nshingwabikorwa w’Akagari ka Kaguhu Ishimwe Aime yatangajeko uyu mwana yiganaga abanyarwenya bazwi nka Mitsutsu na Nsabi, bimuviramo urupfu.

Ati” Abana bakubwirako barimo bigana abo bita ngo ni Nsabi na Mitsutsu”.

“Byabaye bitunguranye. Icyo dusaba ababyeyi ni ukuba hafi y’abana babo, haba mu materefoni Nama televiziyo, bakababwira ko hari ibintu badakwiye kureba, hatazagira undi bihitana”.

Umuyobozi Mukuru w’Ihuriro ry’Abakinnyi ba Filime mu Rwanda ‘President of Actors Union’ RAU, Mugisha James yatangarije InyaRwanda inama yafasha abakurikira filime.

Ati ” Twabwira abazikurikira ko bakumva ko ibyo babona muri filime biba byakinwe aho kubifata nk’ukuri”

Yakomeje ati ” Niyo mpamvu byitwa gukina filime.Ni ugukina, ntibakabifate nk’ ibintu byabaye”.

Yashishikarije ababyeyi kwigisha abana bakamenya amasomo yatanzwe muri filime aho kubikurikiza bakaba bakwiyangiriza kubera ubwana.

Mu kiganiro n’umwe mu bakinnyi ba filime nyarwanda Regero Norbert uzwi nka Digidigi muri filime ya Papa Sava,yatanze inama ku bantu babarizwa muri uyu mwuga.

Yavuze ko abakinnyi ba filime bakwiye gukina ibintu bidasiga abantu mu gihirahiro kuko bamwe babakurikira bashobora kuyoberwa icyo bakwiye gukora

Ati ” Abantu bakwiye gukina ibintu bidasiga ababireba mu gihirahiro, kuko akenshi ibyo dukina ari imfashanyigisho. Iyo ukinnye ibintu bigora abantu mu mahitamo yabo kandi rimwe na rimwe mwakinnye imico mibi, hari abayikurikiza igihe byakinwe n’umuntu bafatiraho icyitegererezo cyangwa bakunda. Rero ni byiza gutegura ibyubaka sosiyete nyarwanda kuruta ibiyisenya”.

Uyu mukinnyi wa filime atangaza ko gukina filime zivuga ku bikorwa bibi bikwiye gusozwa bagaragaza ingaruka mbi zabyo, bityo bigafasha abakurikirana filime barimo n’abana bato kwirinda iyo myitwarire.

Yakomeje asaba ko abakinnyi ba filime batekereza ku bantu babakurikira bigatuma bategura filime zubaka umuryango nyarwanda.

Bimwe mu bikorwa bigaragara muri filime bigiraho ingaruka abana bazikurikira cyane cyane abataragira ubushobozi bwo gufata imyanzuro ihamye

Source : https://inyarwanda.com/inkuru/136828/umwe-yishyize-mu-kagozi-ikorosi-mu-mubano-wa-sinema-nyarwanda-nabankunzi-bayo-136828.html

Mu karere ka Bugesera mu murenge wa Nyamata mu kagali ka Kanazi haravugwa inkuru y'umukobwa urimo kwirukanwa n'ababyeyi kubera kubabyariraho abana batanu ku bagabo batandukanye.

Uyu mukobwa witwa Muhawenimana Martha ufite imyaka 31 avuga ko kubyarira mu rugo abana batanu ntakibazo kirimo.

Nyina umubyara avuga ko atazibivamo kubera ko kubarera bigoye kuko asanzwe afite n'abandi bana.

Ubuyobozi bw'akarere ka Bugesera buravuga ko butari buzi iby'aya makuru.

Source : https://yegob.rw/abuzukuru-bamaze-kuba-benshi-nyamata-hari-ababyeyi-bafashe-umwanzuro-wo-kwirukana-umukobwa-wabo-kubera-ubwinshi-bwabana-amaze-kuhabyarira-kandi-ku-bagabo-batandukanye/

Mu karere ka Kayonza mu murenge wa Murundi haravugwa inkuru y'umukobwa w'Imyaka 18 ushinja umuganga kumukuriramo inda bikanga kandi yamwishyuye.

Uyu mukobwa utuye mu Murenge wa Murundi arashinja Umuganga wo kubitaro bya Gahini witwa Daniel Urimubenshi kumukuriramo inda bikanga, akanga kumusubiza ibihumbi 25FRW yari yabanje kumuha.

Bari bumvikanye ko azamwishyura ibihumbi 40 Rwf aba amwushyuye ibihumbi 25Rwf. Ubuyobozi bw'Ibitaro bukavuga ko butabizi bugiye kubikurikirana.

Source : https://yegob.rw/umukobwa-arashinja-umuganga-wo-ku-bitaro-bya-gahini-kumurya-utwe-nyuma-yo-kumwemerera-ko-azamukuriramo-inda/