Webrwanda Backend

Category: Uncategorized

  • RDC : Umwe mu bashyigikiye Martin Fayulu yakubiswe n’abapolisi mu muhanda rwagati #rwanda #RwOT

    Ni nyuma y’uko kuri uyu wa Gatatu tariki 27 Ukuboza 2023, mu bice binyuranye muri Repubulika Iharanira Demokarasi ya Congo habaye imyigaragambyo y’abashyigikiye bamwe mu bakandida bahanganye na Tshisekedi mu matora y’Umukuru w’Igihugu, batari kunyurwa n’ibiri kuva mu matora.

    Abigaragambije kuri uyu wa Gatatu, barimo abashyigikiye Martin Fayulu bakoreye imyigaragambyo ku cyicaro cy’ishyaka rye.

    Gusa Martin Fayulu yavuze ko yababajwe n’ibyakorewe umwe mu bamushyigikiye wakubiswe n’abapolisi bamugaraguye mu muhanda, bamukubita imigeri ya butini.

    Mu butumwa yatambukije kuri X, yavuze ko uko Abapolisi bahohoteye abamushyigikiye tariki 20/05/2023, ari na ko babikoze kuri uyu wa Gatatu.

    Ati 'Polisi ya Félix Tshisekedi kuri uyu wa Gatatu tariki 27 Ukuboza imbere y’icyicaro gikuru cya ECiDé, yongeye gukora ubugome. Oya, ibi nta muntu uzabyemera, ntituzemera amatora y’ubujura ya Denis Kadima ndetse n’amajwi ye y’ibinyoma.'

    Martin Fayulu yakomeje avuga ko Abanyekongo bahagurukiye kurwanya aya manyanga yo mu matora ndetse n’akarengane gakorerwa bamwe mu Banyekongo.

    UKWEZI.RW

    Source : http://www.ukwezi.rw/Mu-mahanga/article/RDC-Umwe-mu-bashyigikiye-Martin-Fayulu-yakubiswe-n-abapolisi-mu-muhanda-rwagati

  • Haribazwa impamvu Perezida Museveni yakiriye Umujenerali ukuriye abarwanyi bahanganye na Leta ya Sudani #rwanda #RwOT

    Perezida Museveni yabitangaje kuri uyu wa Gatatu tariki 27 Ukuboza ko yakiriye iwe mu rugo uyu wahoze ari Umuyobozi Wungirije w’inzibacyuho muri Sudani.

    Mu butumwa bwe, Museveni yagize ati 'Nahaye ikaze mu Gihugu iwanjye mu rugo muri Rwakitura Gen Mohamed Hamdan Dagalo wahoze ari Umuyobozi Mukuru Wungirije w’Akanama k’Inzibacyuho muri Sudan.'

    Museveni yakomeje agira ati 'Mu biganiro twagiranye, yanyuriyemo muri macye uko umwuka wifashe muri Sudani.'

    Umutwe wa RSF umaze iminsi uhanganye n’ingabo za Leta ya Sudani mu mirwano imaze kugwamo abatari bacye, aho yadutse nyuma y’uko mu buyobozi bw’inzibacyuho havutse umwuka utari mwiza watumye abajenerali bamwe biyemeza guhangana na Leta.

    Bamwe mu banyapolitiki bibajije icyatumye Museveni yakira uyu Mujenerali uhanganye na Leta ya kiriya Gihugu, bavuga ko byatunguranye.

    Ni mu gihe abandi basesenguzi bo bavuga ko Museveni yaba yitabajwe mu guhosha ibibazo biri muri Sudani dore ko ari umwe mu bafite ubunararibonye muri Politiki y’akarere, wakunze kujya aniyambazwa n’impande zifite ibyo zitumvikanaho mu Bihugu byo mu karere.

    UKWEZI.RW

    Source : http://www.ukwezi.rw/Mu-mahanga/article/Haribazwa-impamvu-Perezida-Museveni-yakiriye-Umujenerali-ukuriye-abarwanyi-bahanganye-na-Leta-ya-Sudani

  • Hashyizwe hanze ingengabihe y’uburyo abanyeshuri bazasubira ku mashuri bigamo bacumbikiwe #rwanda #RwOT

    Ni mu gihe habura icyumweru kimwe ngo abanyeshuri barangire igihembwe cya kabiri cy’umwak w’amashuri wa 2023-2024, kizatangira tariki 08 Mutarama 2024.

    Ikigo cy’Igihugu gishinzwe Ibizamini n’Ubugenzuzi bw’Amashuri NESA, cyashyize hanze ingengabihe y’uburyo abanyeshuri bazakora ingendo zo gusubira ku bigo by’amashuri bigaho bacumbikiwe.

    ku munsi wa mbere w’izi ngendo, tariki 04 Mutarama 2024, hateganyijwe ingendo z’abanyeshuri biga mu bigo byo mu Turere twa Nyanza na Kamonyi mu Ntara y’Amajyepfo, aka Ngororero mu Ntara y’Iburengerazuba, mu Turere twa Musanze na Burera mu ntara y’Amajyaruguru, ndetse na Nyagatare na Gatsibo mu Ntara y’Iburasirazuba.

    DORE UKO GAHUNDA YOSE ITEYE

    UKWEZI.RW

    Source : http://www.ukwezi.rw/Mu-rwanda/article/Hashyizwe-hanze-ingengabihe-y-uburyo-abanyeshuri-bazasubira-ku-mashuri-bigamo-bacumbikiwe

  • Israel Mbonyi yakoze mu nganzo nyuma yo kwand… – #rwanda #RwOT

    Mbonyi yashyize hanze iyi ndirimbo kuri uyu wa Kane tariki 28 Ukuboza 2023. Ni imwe mu ndirimbo yafatiye amashusho mu Intare Conference Arena i Rusororo.

    Muri iyi ndirimbo ihimbaza Imana yise 'Niyo' hari aho agira ati 'Murebe inkike ziraguye, iminyururu iracika imbohe zikabohoka, mubwire abantu ibyo mwumvishe, mubabwire ibyo mubona, iyo niyo ibikora.'

    Agakomeza ati 'Murebe indwara zirahunze, impumyi zihumuka, ibirema bikagenda, mubwira ibyo mwumvishe, mubabwire ibyo mubona, iyo niyo ibikora.'

    Mu ijoro ryo ku wa Mbere tariki 25 Ukuboza 2023, Israel Mbonyi yakoreye amateka muri BK Arena ku nshuro ya kabiri mu gitaramo ngaruka mwaka yise 'Icyambu Live Concert.'

    Ni igitaramo ategura mu rwego rwo gufasha Abakristo kwizihiza byihariye umunsi wa Noheli wizihizwa ku Isi hose buri tariki 25 Ukuboza.

    Iki gitaramo cyahuje abarenga ibihumbi icyenda barimo abiganjemo abo mu bihugu byo mu Karere k'Afurika y'Iburasirazuba, muri Amerika n'ahandi.

    Ni igitaramo cyatumye Israel Mbonyi yongera kwandika amateka, kuko amatike yo kwinjira yashize mbere y'iminsi ibiri.

    Mu butumwa bwo kuri Twitter, Ambasaderi Nduhungirehe yavuze ko bimaze kugagaraga ko 'BK Arena imaze kuba nto kuri Israel Mbonyi.'

    Yibukije ko Israel Mbonyi ariwe ufite igikombe cy'umuhanzi mwiza w'umugabo w'umwaka wa 2023 mu bihembo bya Isango na Muzika Awards, kandi ko yanatwaye igikombe cy'umuhanzi w'indirimbo zihimbaza Imana (Gospel Singer of the year).

    Nduhungirehe yavuze ko ashingiye ku bwitabire bw'iki gitaramo, ategereje kuzabona Israel Mbonyi akorera iki gitaramo muri Sitade Amahoro 'yuzuye abantu. Yungamo ati 'Wakoze cyane Israel Mbonyi ku bw'igitaramo cyiza.'

    Nyuma yo gukora iki gitaramo, Israel Mbonyi yabwiye itangazamakuru ko anezerewe, kandi ko ashima Imana kuko uko yasengeye iki gitaramo ‘ariko cyagenze’.

    Ati “Uko nasengeye ibi bintu niko nyine Imana yabikoze. Urumva, twabonye benshi bakizwa, umunezero w’Imana wari uhari, ibintu twapanze gukora, uko ‘set up’ twayishakaga, byari byiza pe, byari byiza kurenza ibyo nasengeye.”

    Israel Mbonyi yavuze ko afite umwete wo gukomeza gukorera Imana, kandi ko mu 2024 afite album nyinshi agomba gushyira hanze. Ati “Ntabwo ndumva muri njyewe indirimbo zashize.”

    Uyu munyamuziki yavuze ko imyandikire ye y’indirimbo ituruka ku kuba atindana n’Imana mu isengesho. Ati “Uko utindana n’ikintu ugenda usa nacyo. Iyo utinda mu bintu by’Imana ugenda usa n’ibintu by’Imana. N’iyo witsamuye n’ibyo biza, n’iyo urose n’ibyo biza.”

    Yavuze ariko kandi ko byanaturutse ku kuba ubuzima bwe bwubakiye ku kuba yarakuriye mu rusengero. Ati “Iyo njya kwandika rero ibinza hafi n’ibyo ng’ibyo.”

    Israel Mbonyi avuga ko adafite gushidikanya muri we, ko mu 2024 azataramira muri bimwe mu bihugu bya EAC, kuko 'uyu muhamagaro uranezeza'.

    Israel Mbonyi yashyize hanze amashusho y'indirimbo 'Niyo' nyuma y'iminsi mike yanditse amateka avuguruye muri BK Arena

    Iyi ndirimbo Israel Mbonyi yasohoye ni imwe mu ndirimbo yakoreye mu Intare Conference Arena

    Israel Mbonyi asobanura ko mu 2024 azashyize imbere gukomeza gukora indirimbo zifasha benshi





     

    KANDA HANO UREBE AMASHUSHO Y'INDIRIMBO 'NIYO' YA ISRAEL MBONYI

    “>


    Source : https://inyarwanda.com/inkuru/138044/israel-mbonyi-yakoze-mu-nganzo-nyuma-yo-gukorera-amateka-muri-bk-arena-video-138044.html

  • Minisiteri y’urubyiruko yashimiye abahanzi mugususurutsa abatura rwanda mu minsi mikuru

     


    Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah, yashimiye abahanzi Nyarwanda bamaze iminsi basururutsa Abaturarwanda, bakabafasha kunogerwa n’iminsi mikuru.

    Mu bahanzi bashimiwe na Minisitiri Utumatwishima, barimo Umuhanzi Nyarwanda Innocent uzwi nka Yago Pondat uherutse gushyira hanze album ye ya mbere yise “Suwejo” mu gitaramo cyabaye mu cyumweru gishize tariki 22 Ukuboza 2023.

    source;Fils Mutabazi

  • Umukobwa wa Perezida William Ruto wa Kenya, Charlene Ruto, aravugwa mu rukundo rumaze kugera kure n’umuramyi Daddy Owino.



    Nairobi News yanditse ko ku wa Gatanu tariki ya 23 Ukuboza Owino yajyanye Charlene iwabo mu ntara ya Kakamega, mu rwego rwo kumwereka nyina umubyara.

    Urukundo hagati ya Charlene Ruto n’uriya muramyi rwatangiye kuvugwa mu minsi yashize, nyuma yo kugaragara kenshi bari kumwe mu bikorwa by’ubugiraneza.

    Nairobi News ivuga ko ifite amafoto yafashwe ubwo uriya mukobwa wa Perezida Ruto yerekwaga umuryango wa Owino.

    Ni Charlene Ruto wari uherekejwe n’itsinda ry’abasirikare bashinzwe kumucungira umutekano ndetse na bamwe mu ncuti ze za hafi.

    source;Fils Mutabazi

  • Inkuru .7 christiano akomeje kwandika amateka

    Rutahizamu Cristiano Ronaldo yongeye kwandika amateka atarakorwa n’undi mukinnyi, akaba agiye kurangiza umwaka ayoboye abandi mu bitego byinshi.

    Ronaldo usanzwe akinira muri Arabia Saudite mu ikipe ya Al Nasrr, yujuje ibitego 53 muri uyu mwaka wa 2023.Ibintu benshi bakomeje kugenda bashima bavuga ko ugereranyije n’imyaka ye ari ku rwego rwo hejuru.Ni ibitego yujuje mu mukino ikipe ye yaraye ikinnyemo na Al-Ittihad, aho iyi kipe ya Cristiano anabereye Kapiteni, yatsinze ibitego 5-2.

    Mu bitego 5 bya Al Nasrr harimo bibiri bya Cristiano biri no mu byatumye aca agahigo kadafitwe nundi wariwe wese.

    Kuva uyu mukinnyi yagera muri iyi shampiyona yo muri Arabia Saudite, yatangiye gukomera no gukundwa na benshi.Ni nyuma y’uko amakipe yo muri iki gihugu yagiye igura abakinnyi bakomeye barimo uyu Ronaldo,Benzema na Ngolo Kante bombi bakina muri iyi kipe ya Al-Ittihad yanyagiwe bitanu.

    Kugeza ubu Cristiano Ronaldo afite ibitego 53 akaba arusha igitego kimwe Harry Kane ukinira Bayern Munich yo mu Budage kuko we afite ibitego 52, mu gihe Kylian Mbappé na Erling Haaland banganya ibitego 50 bakaba ari bo bakurikiraho ku rutonde.

    source;Fils Mutabazi

  • Congo kinshasa : Abaturage batangiye kwirara mu mihanda bamagana ibyavuye mu matora

     


    Amashusho ari kuri X arerekana abaturage bo mu Murwa mukuru wa DRC, Kinshasa, bamagana ibyo bita kwiba amatora cyangwa Fraude Electoral nk’uko babyise.

    Batwitse amapine bajya mu mihanda babwira itangazamakuru ko batakwemera ko amajwi yabo ahabwa uwo batatoye.

    Mbere y’uko kwigaragambya, hari hatanzwe umuburo w’uko Guverinoma itari bwihanganire abigaragambya kuko bihungabanya umutekano.

    Minisitiri w’ubutegetsi bw’igihugu akaba na Visi Perezida wa DRC Peter Kazadi yari yasabye abashaka kwigaragambya ko bagana inkiko aho guhungabanya umutekano.

    Uko bigaragara ntabwo bumviye uwo muburo kuko hari n’ahandi muri iki gihugu abantu bigaragambije bavuga ko ubutegetsi bwibiye amajwi Felix Tshisekedi none abakandida nka Moïse Katumbi bakaba baratsinzwe.

    Mu bice bimwe bya DRC imidugararo hagati y’abaturage na Polisi yatangiye ahagana saa tanu z’amanywa.

    Urubyiruko rwatangiye ruterana amabuye n’abapolisi, abapolisi bakabatera ibyuka biryana mu maso.

    Hari bamwe mu baturage batawe muri yombi.

  • Mu masaha 24 abagera 241 muri gaza bamaze gupfa



    Ubutegetsi bwa Hamas buravuga ko ibitero bya Israel muri Gaza byahitanye abantu 241 mu gihe abagera kuri 382 bakomeretse mu gihe kingana n’amasaha 24 gusa.

    Ni mu gihe Israel yatangaje ko ku munsi wo ku wa Kabiri tariki 26 Ukuboza 2023 yarashe ahantu harenga 100.
    Umuyobozi w’igisirikare cya Israel, Lt Gen Herzi Halevi yavuze ko intambara ihuza igihugu cye na Hamas izakomeza mu mezi yandi atari macye.
     Ibiturika bikomeye byumvikanye kandi ku mbibi zose Gaza ihana na Israel mu masaha y’igitondo kuri uyu wa Gatatu.
    Minisiteri y’Ubuzima muri Palestine ivuga ko mu gihe iyi ntambara imaze, abanya-Palestine bagera ku 20.915 bamaze kwicwa, abenshi bakaba ari abana n’abagore.
    Perezida wa Palestine, Mahmoud Abbas yatangaje ko iyi ntambara ari icyaha ndengakamere ku baturage b’igihugu cye.
    Yavuze ko intambara yo muri Gaza irenze kwitwa ikiza kandi ko inarenze intambara yo kurimbura, asaba amahanga guha agaciro abanye-Palestine bari kurimburwa na Israel.
    source;Fils Mutabazi

  • Umwaka uko wagenze muri sport mu Rwanda 2023

     



    Mu gihe hasozwa umwaka wa 2023, siporo nyarwanda yaranzwe na byinshi bitandukanye birimo ibyiza haba muri ruhago dore ko ari yo ikunzwe cyane kurusha izindi siporo, ariko no mu yindi mikino hagaragaramo abitwaye neza bahesha igihugu ishema mu ruhando mpuzamahanga.

    Abakinyi cyangwa amakipe yahagarariye igihugu mu bihe bitandukanye ndetse n’amarushanwa atandukanye, aha akaba ari ho haherwa harebwa abitwaye neza mu gutuma intego igihugu cyihaye mu kuzamura siporo zigerwaho.

    Muri iyi inkuru Imvaho Nshya yagerageje kwegeranya bamwe muri bo babashije guhiga abandi mu mikino, by’umwihariko bamwe bikaba ari ubwa mbere bari bageze kuri urwo rwego.   

                  Umupira w’amaguru

    Amavubi yabonye itsinzi nyuma y’imyaka 2

    Muri uyu mwaka wa 2023 ni bwo ikipe y’igihugu Amavubi yongeye kubona intsinzi mu marushanwa mpuzamahanga nyuma yo gutsinda Afurika y’Efpo ibitego bibiri ku busa mu gushaka itike y’igikombe cy’Isi cya 2026 kizabera muri Amerika, Canada na Mexico.

    Abanyarwanda benshi bakunda Amavubi bongeye kumwenyura nyuma y’igihe barabuze intsinzi dore ko amavubi yaherukaga gutsinda umukino tariki 24 Werurwe 2021 batsinda Mozambique gushaka itike y’igikombe cy’Afurika cyabereye muri Cameroun.

    APR FC yegukanye Igikombe cya Shampiyona ku nshuro ya kane yikurikiranya.

    Muri Gicurasi uyu mwaka ikipe y’ingabo z’igihugu APR FC yegukanye igikombe cya shampiyona cya 2022-2023 kiba igikombe cya kane itwaye yikurikiranya.

    Yegukanye igikombe ifite amanota 63 n’ibitego 26 izigamye, aho yanganyaga na Kiyovu Sports ya kabiri, ariko yo izigamye ibitego 17.

    Rayon Sports yegukanye Igikombe cy’amahoro

    Muri Kamena uyu mwaka Rayon Sports yegukanye igikombe cy’amahoro itsinze umukeba APR FC igitego 1-0 nyuma y’imyaka 7 mu mukino wabereye kuri Stade mpuzamahanga ya Huye, inatwara icya Super Cup kandi byombi ibitwara itsinze mukeba wayo, APR FC.

    Rayon Sports kandi yegukanye igikombe cya RNIT Savings Cup itsinze Kiyovu Sports 3-0, yaraherukaga kuyitsinda mu 201
    Rayon Sports yegukanye igikombe cy’amahoro nyuma y’imyaka 7 itsinze APR FC

    Uretse iyi kipe y’abagabo, Rayon Sports WFC na yo yatwaye Igikombe cya Shampiyona y’Abagore mu Cyiciro cya kabiri, none ubu iri gukina Icyiciro cya mbere ndetse inganya amanota na AS Kigali WFC imaze hafi imyaka 12 yarigaruriye ruhago y’abagore.

            PSG Academy Rwanda yegukanye ibikombe bibiri by’Isi

    Zimwe mu mpinduka ziri kugaragara muri siporo y’u Rwanda ni ukubaka imikino ihereye ku bana bakiri bato. Ku ruhande rwa ruhago ntitwakwibagirwa kuvuga ko Irerero rya PSG mu Rwanda ryahesheje igihugu ishema mu Gikombe cy’Isi cy’uyu mwaka gihuza amarerero y’Ikipe ya Paris Saint-Germain mu Bufaransa.

    Uyu mwaka muri Kamena, ni bwo PSG Academy Rwanda yongeye kwitabira aya marushanwa, yegukana ibikombe bibiri mu batarengeje imyaka 11 ndetse n’abatarengeje imyaka 13 nyuma yo gutsinda Brésil ku mukino wa nyuma.
    Uwikunda Samuel yashyizwe mu basifuzi 25 ba CAF

    Muri Gicurasi, Impuzamashyirahamwe y’Umupira w’Amaguru ku Mugabane w’Afurika (CAF) yashyize Abanyarwanda babiri; Mukansanga Salima na Uwikunda Samuel ku rutonde rw’abasifuzi b’abanyamwuga 25.

    Urutonde rwa CAF rwerekana ko aba basifuzi barimo 20 b’abagabo mu gihe abagore ari batanu, bose basinye amasezerano y’umwaka umwe ndetse bazajya bahembwa n’iyi Mpuzamashyirahamwe ya Ruhago Nyafurika.

    Iyi yari inkuru nziza kuri Uwikunda Samuel w’imyaka 36, wabaye umusifuzi mpuzamahanga kuva mu 2017 ndetse akaba aheruka gutoranywa mu basifuzi bo hagati bazasifura Igikombe cy’Afurika cya 2023 muri Côte d’Ivoire.
    Mukansanga wasifuye Igikombe cy’Isi cy’Abagore mu mpeshyi, we yari asanzwe kuri uru rutonde kuva mu 2022 ndetse na we azasifura CAN 2023 izabera muri Cote d’Ivoire guhera tariki 13 Mutarama- 14 Gashyantare 2024, akaba ari mu bakoresha ikoranabuhanga ry’amashusho rizwi nka VAR.

         VOLLEYBALL

    Ikipe y’Igihugu y’abagore yitwaye neza ku rwego Nyafurika

    Ikipe y’igihugu y’abagore mu mukino wa Volleyball muri uyu mwaka wa 2023 nayo yahesheje ishema igihugu mu mukino y’igikombe cy’Afurika cyabereye Cameroun aho yasoreje ku mwanya wa kane nyuma yo gutsindwa n’iya Cameroun amaseti 3-1.

    Ikipe y’Igihugu y’u Rwanda yasoje ku mwanya wa kane mu gikombe cy’Afurika

    Muri iri rushanwa Munezero Valentine ukinira APR W VC akaba na Kapiteni w’Ikipe y’Igihugu y’Abagore yahembwe nk’umukinnyi mwiza mu gutangiza umukino.

             Umukino w’amagare

    Mwamikazi Djazilla yegukanye Shampiyona Nyafurika ya Mountain Bike

    Umunyarwandakazi Mwamikazi Djazilla yabaye umukinnyi mwiza muri uyu mwaka wa 2023 kuko yegukanye amarushanwa atandukanye harimo ay’imbere mu gihugu ndetse n’andi mpuzamahanga.

    Irikomeye uyu mukobwa yitabiriye ni iryabaye muri Kamena 2023, ubwo yajyaga muri Afurika y’Epfo mu Mujyi wa Johannesburg agatwara umudali wa Zahabu muri Shampiyona y’Amagare yo mu Misozi “2023 CAC MTB African Championships”, ariko mu batarengeje imyaka 23.

             Henok Mulubrhan yegukanye Tour du Rwanda 2023 yarebwe na Perezida Kagame

    Muri Gashyantare uyu mwaka Umunya-Eritrea Henok Mulubrhan ukinira Green Project-Bardiani CSF-Faizanè yo mu Butaliyani, yegukanye Tour du Rwanda 2023 yitabiriwe na Perezida Paul Kagame ku i Rebero.

    Umutesi Uwase Magnifique yegukanye imidali ya Zahabu mu gusiganwa ku maguru

    Umunyarwandakazi Umutesi Uwase Magnifique w’imyaka 18, wiga kuri Groupe Scolaire Remera- Rukoma mu Karere ka Kamonyi, yahiriwe n’uyu mwaka wa 2023 kuko yegukanye imidali ibiri ya Zahabu nyuma yo kuba uwa mbere mu gusiganwa ku maguru intera ya metero 100 na metero 400 mu Mikino ya FEASSSA ihuza ibigo by’amashuri yo muri Afurika y’Iburasirazuba, uyu mwaka yabereye i Huye muri Kanama.

    Mu gusiganwa metero 100, Magnifique yakoresheje amasegonda 12 yasize ibice bitandatu Rebecca Juma wo muri Kenya, naho muri metero 400 akoresha amasegonda 55,5 yasize amasegonda 2,1 Umunya-Uganda Anamu Vicky wamukurikiye.

    Uyu mukobwa benshi bakeka ko ari umuhungu iyo bataramuvugisha, uyu ni wo mwaka yahishuyemo ko iyo abwiwe atyo bimutera imbaraga zo gukora cyane kandi mu myaka ikurikira azakora andi mateka.


      

               CRICKET

    Ishimwe Henriette ukina Cricket yanikiye abanyamahanga

    Ishimwe Henriette ukinira Ikipe y’Igihugu y’u Rwanda muri Cricket, yahawe Igihembo cy’Umukinnyi Mwiza w’Ukwezi kwa Werurwe ku Isi muri uyu mwaka wa 2023.

    Ni igihembo yari ahanganiye na Ravina Oa ndetse na Sibona Jimmy, bombi bakinira Ibirwa bya Papouasie-Nouvelle-Guinée biherereye ku Mugabane wa Oceania.

    Ishimwe w’imyaka 19, wegukanye iki gihembo, yabigezeho abikesha kwitwara neza mu mikino Ikipe y’Igihugu ya Cricket mu bagore yitabiriye muri Nigeria.

    Muri iyi mikino, u Rwanda rwasoreje ku mwanya wa kabiri nyuma yo gutsindirwa ku mukino wa nyuma na Nigeria ku kinyuranyo cy’amanota icyenda. Uyu mukobwa kandi yakoze amateka yo gutsinda ‘hat-trick’ (gusohora abakinnyi ku dupira dutatu twikurikiranya).



                        EALA Games 2023

    Mu Kuboza 2023, u Rwanda rwakiriye imikino ihuza Inteko Zishinga Amategeko zo mu Karere k’Afurika y’Iburasirazuba, izwi nka EALA Games.

    Hon Mukabalisa na Rwaka bitwaye neza muri mikino ya EALA

    Depite Mukabalisa Germaine yegukanye umudali wa zahabu mu gusiganwa metero 400 mu gihe Depite Rwaka Pierre Claver yawegukanye muri Darts bakina bicaye, mu Mikino ihuza Inteko Zishinga Amategeko z’ibihugu byo mu Muryango w’Afurika y’Iburasirazuba (EAC).

    Muri iyi mikino yabaye ku nshuro ya 13 ndetse ikabera mu Rwanda, byari ku nshuro ya kabiri yikurikiranya Mukabalisa abasha kuyitwaramo neza nyuma y’aho mu 2022 yegukanye umudali w’Umuringa.



                         

                                          Handball

    U Rwanda rwakoze andi mateka yo kwitabira bwa mbere igikombe cy’isi.

    Hari ku wa Gatanu tariki ya 2 Nzeri 2022 muri BK Arena, ubwo u Rwanda rwandikaga amateka mu mukino wa Handball, aho rwabonye itike y’igikombe cy’Isi cyagombaga kubera muri Croatia mu 2023, nyuma yo kunganya na Algeria ibitego 30-30.

    Mu mikino irindwi u Rwanda rwakinnye mu gikombe cy’Isi, rwasoje irushanwa rutsinzemo itatu rutsindwa ine, mu mikino y’amatsinda u Rwanda rwatsinzwe itatu (Portugal, Croatia na Algeria), ruza kujya mu mikino yo guhatanira imyanya, muri iyo mikino u Rwanda rwatsinzemo itatu irimo Maroc, Nouvelle Zélande ndetse na Leta Zunze Ubumwe z’Amerika, rusoza ku mwanya wa 27



          

             Abatarengeje imyaka 17 begukanye igikombe muri Tanzania

    Ikipe y’u Rwanda y’abangavu batarengeje imyaka 17 yegukanye igikombe itsinze u Burundi ibitego 32-13, mu mikino y’Akarere ka gatanu muri Handball yasojwe tariki 30 Mata 2023 muri Tanzania, bibahesha itike yo kwerekeza ku rwego rw’Afurika, aho begukanye umwanya wa gatatu muri Afurika mu irushanwa ryabereye muri Côte d’Ivoire.

    U Rwanda rwegukanye umwanya wa gatatu muri Afurika i Brazzaville

    Nyuma yo kwegukana igikombe cy’akarere ka gatanu mu batarengeje imyaka 20 i Nairobi muri Kenya, u Rwanda rwabonye itike yo guhatanira iki gikombe cy’Afurika cyabereye i Brazzaville, irushanwa riza kurangira u Rwanda rwegukanye umwanya wa gatatu.

    Basketball

    U Rwanda rwakiriye AfroBasket mu bagore

    Muri Kanama uyu mwaka u Rwanda rwakiriye igikombe cy’Afurika cy’abagore, AFRO BASKET WOMEN 2023, aho ndetse rwaje kwegukana umwanya wa 4 nyuma yo gutsindwa na Mali mu mukino wo guhatanira umwanya wa 3, aho u 8 rwari rwaratsinzwe na Nigeria muri ½.



             U Rwanda rwegukana umudali wa bronze muri AfroCan 2023

    Muri Nyakanga uyu mwaka, Ikipe y’igihuguy’u Rwanda ya Basketball y’abagabo yegukanye umudali wa Bronze mu irushanwa Nyafurika rya Basketball ‘FIBA AFROCAN2023″ ryaberaga muri Angola nyuma yo gutsinda Repubulika Iharanira Demokarasi ya Congo (RDC) amanota 82 -73. Mu mukino wo guhatanira umwanya wa gatatu.

    REG WBBC yasoreje ku mwanya wa kane mu mikino Nyafurika

    Mu Kuboza uyu mwaka REG W BBC yasoreje ku mwanya wa kane mu mukino nyafurka ya ‘FIBA Africa Women’s Basketball League’ yaberaga mu Misiri nyuma yo gutsindwa na Inter Clube yo muri Angola amanota 83-68 mu mukino wo guhatanira umwanya wa gatatu.

           APR BBC yegukanye igikombe cya shampiyona nyuma y’imyaka 14

    Muri Nzeri uyu mwaka nyuma y’imyaka 14 APR BBC yongeye kwegukana igikombe cya shampiyona nyuma yo gutsinda REG BBC imikino 4-0 mu mikino y’akamarampaka ibona itike yo guhagararira u Rwanda mu mukino ya BAL 2024.

    APR WBBC yegukanye igikombe cya shampiyona nyuma yo gutsinda REG WBBC imikino 4 kuri 1 mu mikino ya kamarampaka