Nyuma yuko Cristiano Ronaldo atangaje ko umwe mu bantu bambere bamutera ishama kuri iyi Si ko ari Mama we, kuri ubu yamuhaye impano y'imodoka.
Cristiano Ronaldo yahaye Mama we impano y'imodoka yo mu bwoko bwa Porsche Cayenne Black.
Ni impano yamuhaye kuwa 31 /12 /2023 ubwo uyu mubyeyi we Maria Dolores, yagiraga isabukuru y'amavuko, yuzuza imyaka 69.
Source : https://yegob.rw/cristiano-ronaldo-yatunguye-mama-we-amuha-impano-yingurukabutaka/
Biragoye ko bamwohereza yo! Umukinnyi wa APR FC nyuma yumujinya amaze iminsi aterwa n'umutoza yasabye ubuyobozi ko bwamutiza mu ikipe ikomeye hano mu Rwanda
Rutahizamu w'ikipe ya APR FC, Bizimana Yanick yasabye ubuyobozi bw'iyi kipe ko bwamurekura akigira mu ikipe ya Mukura Victory Sports bitewe ni uko nta mwanya ahabwa na Thierry Froger utoza iyi kipe.
Uyu mukinnyi umwaka ushize niwe wari uyoboye ubusatirizi bw'ikipe ya APR FC ndetse anasoza ari we ufite ibitego byinshi muri iyi kipe birenga 8 ariko kugeza ubu umutoza mushya wa APR FC Thierry Froger yanze kumugirira icyizere ngo amuhereze umwanya.
Uyu rutahizamu ubona abahabwa amahirwe yo gukina ntakintu bamurusha, twamenya amakuru ko yasabye ubuyobozi ko yatsizwa muri Mukura Victory Sports akajyayo kwigaragaza kugirango yongere abone indi kipe Kandi ikomeye.
Mukura Victory Sports isanzwe ifitanye ubushuti na APR FC dushobora kubona na Bizimana Yanick ayerekejemo dore ko hari n'abandi batijweyo mu myaka ishize barimo na Imanishimwe Djabel ndetse ahita anagira amahirwe yerekeza hanze y'u Rwanda.
Â
Â
Byamusabye guhindura inkweto: Mohamed Salah yaraye akoze ibidasanzwe mbere yo kuza gukina imikino y'igikombe cy'Afurika.
Rutahizamu w'ikipe ya Liverpool FC akaba umukinnyi ukomeye cyane w'ikipe y'igihugu ya Misiri (Egypt) Mohamed Salah mu ijoro rya cyeye yaraye yigaragaje ku rwego rwo hejuru afasha ikipe ye ya Liverpool FC gutsinda Newcastle united ibitego 4-2 byatumye ikaba umwanya wa mbere muri Premier League n'amanota 45 ikaba ikurikiwe na Aston Villa ifite amanota 42.
Mohamed Salah ugiye gusiga ikipe ye ihanganye no gushaka uburyo yagumana umwanya wa mbere akaza gukina imikino y'igikombe cy'Afurika mu gice cya mbere muri uyu mukino yahushije penaliti gusa mu gice cya kabiri yagarutse yahinduye inkweto yari yambaye mu gice cya mbere maze atsinda ibitego bibiri atanga n'umupira wavuyemo igitego.
Uyu mukinnyi agiye kuza gukina imikino y'igikombe cy'Afurika amaze gutsinda ibitego 14 n'imipira 8 yatanze yavuyemo ibitego.
Ni umuhango wabaye kuri iki Cyumweru tariki 01 Mutarama 2024, muri resitora imwe yo mu Mujyi wa Kigali, nk’uko byemejwe na bamwe mu nshuti zabo.
Naomie yagaragaje ibyishimo byo kuba umukunzi we yamwambitse impeta y’urukundo bakaba bagiye kubana nk’umugabo n’umugore nk’uko byahoze ari inzozi zabo.
Yagize ati 'Sinjye uzarota mbanye nawe ubuzima bwanjye bwose busigaye.'
Uyu musore witwa Michael Tesfay na we yagaragaje ibyishimo byo kuba umukunzi we yamubwiye Yego ubwo yamusabaga ko bazashyingiranwa.
Aba bombi bamaze igihe mu rukundo, bakunze kubigaragaza kenshi by’umwihariko mu bikorwa bakunze kwitabira birimo imikino ya Basketball, baba bari kumwe agatoki ku kandi.
UKWEZI.RW
Mu cyumweru gishize ubwo Perezida Ndayishimiye yagiranaga ikiganiro n’abanyamakuru ndetse na bamwe mu baturage, yavuze ko u Rwanda rufasha umutwe wa RED Tabara uherutse kugaba igitero mu Burundi ukivugana abagera muri 20.
Perezida Ndayishimiye yavuze ko izi nyeshyamba zihabwa ubufasha bwose, burimo imyitozo, ibikoresho ndetse n’amafaranga, kandi avuga ko babihabwa n’u Rwanda.
Kuki abivuze muri iki gihe ?
Ni ibirego byubuwe nyuma y’uko umutwe wa M23 ugizwe n’Abanyekongo umaze iminsi uhanganye na FARDC, ugaragaje ko mu bo bahanganye hiyongereyemo n’abasirikare b’u Burundi.
Uyu mutwe kandi wavuze kenshi ko FARDC irwana ifatanyije n’umutwe wa FLDR ugizwe na bamwe mu bakoze Jenoside yakorewe Abatutsi mu Rwanda, ndetse ukaba warakomeje guhungabanya umutekano w’u Rwanda.
Uyu mutwe wa FDLR kandi ni kenshi wagerageje guhungabanya umutekano w’u Rwanda, ndetse ukaba warizejwe na Perezida Felix Tshisekedi ko azawufasha bagatera u Rwanda.
Kuba igisirikare cy’u Burundi na cyo cyinjiye mu mikoranire na FDLR, ubwabyo bituma iki Gihugu cy’u Burundi na cyo kigaragara nk’ikibazo ku Rwanda.
Perezida Ndayishimiye kandi kuba ari mu mikoranire na Felix Tshisekedi wa Repubulika Iharanira Demokarasi ya Congo umaze igihe agaragaza ko yifuza gutera u Rwanda, na byo bigaragaza ko u Burundi bwatangiye gutana.
Ibi byose biri mu byatumye Perezida Evariste Ndayishimiye abona ko Leta y’u Rwanda yatangiye kumukemanga kubera kwinjira muri iyi mikoranire ifite imigambi mibisha ku Rwanda, ari na byo byatumye atangira kwitanguranwa agaragaza u Rwanda nk’ikibazo.
Mu byatangajwe na Perezida Evariste Ndayishimiye kandi, yavuze ko Igihugu cye gishobora gufata izindi ngamba zishoboka mu guhagararika ibyo bibazo, ku buryo hari abaketse ko iki Gihugu cyaba kigiye kongera gufunga umupaka ugihuza n’u Rwanda.
UKWEZI.RW
Azabagora! Umukinnyi watandukanye na Rayon Sports nyuma yo kuyihesha ibikombe yatangaje amagambo akomeje kuvugisha benshi.
Umunyezamu w'ikipe y'igihugu y'u Rwanda Amavubi Hakizimana Adolphe uherutse gutandukana n'ikipe ya Rayon Sports yari amazemo imyaka ine yose akinira akerekeza muri AS Kigali yagiye ku mbuga nkoranyambaga ze maze atangaza amagambo menshi ashimira Rayon Sports ibyo yamugejejeho mu myaka ine yose ayimazeno aboneraho no gutangaza ko azayifana igihe atakinnye bisobanuye ko azayigora igihe cyose azabari mu kibuga.
Imba mutima z'umunyezamu mushya wa AS Kigali Hakizimana Adolphe nyuma yo kuva muri Rayon Sports:
Bimwe mu byo abakunzi b'uyu mukinnyi bamukurira ku rubuga rwa Instagram bagiye batangaza bamwifuriza ishya n'ihirwe:
APR FC itsinzwe nk'idahari Thierry Froger yerekana ko nta bushobozi, Victor Mbaoma ahabwa igihembo cy'umukinnyi waguze imyitwarire myiza mu mukino ahabwa asaga ibihumbi 200 by'amashiringi.
Ni imikino ikipe ya APR FC yakinnye kuri uyu wa mbere muri Mapinduzi Cup ariko itangiye nabi itsindwa ibitego 3-1 n'ikipe ya Singda fountain Gate nubwo ari yo yabanje igitego cya mbere.
Ikipe ya APR FC yatangiye itsinda igitego cyatsinzwe na Mbaoma ariko ntabwo byigeze bimara igihe kinini kuko uwitwa Hervis Lupia yahise yishyura ndetse hajyamo n'ibindi kugeza bibaye 3-1.
Ikipe ya APR FC umukino ukurikiye izakina n'ikipe ya Simba SC, ikibazwa ni ibitego naho ishobora gutsindwa mu gihe itsinzwe na Singda fountain Gate benshi bemeza ko idakomeye cyane.
Abo bantu bane barimo babiri bazize impanuka zabereye mu Turere twa Nyagatare na Musanze, mu gihe abandi babiri bazize urugomo.
Byemewe n’Umuvugizi wa Polisi y’u Rwanda, ACP Rutikanga Boniface, wavuze ko impanuka yabereye mu Karere ka Musanze yatewe n’umuntu wari uryamye mu muhanda, ubwo imodoka yazaga undi akajya kumukuramo, igahita ibagonga bombi, umwe ahita ahasiga ubuzima.
Ati 'Uwari uryamye mu muhanda yapfuye uwageragezaga kumukuramo we arakomereka bikomeye ariko umushoferi we nubwo yari yagerageje gutoroka, yaje gufatwa.'
Ni mu gihe undi wazize impanuka we yasanzwe mu Karere ka Nyagatare yamaze gushiramo umwuka ariko bigaragara ko yazize impanuka, mu gihe ikinyabiziga cyamwivuganye kikiri gushakishwa.
Nanone kandi mu Murenge wa Gahara mu Karere ka Kirehe, habaye urupfu rw’umugore wishwe n’umugabo we biturutse ku kuba yaramufuhiye nyuma yo kumva ari kuvugana n’abandi kuri telefone, akamuniga kugeza ashizemo umwuka.
Ni mu gihe mu Karere ka Rwamagana hari undi na we wazize urugomo, ubwo yakubitwaga inkoni mu mutwe n’uwo basangiraga, ariko ageze mu rugo ahita yitaba Imana.
Polisi y’u Rwanda ivuga kandi ko uretse aba bazize impanuka n’urugomo, yanataye muri yombi abantu batandatu batawe muri yombi kubera ubujura, barimo bane bafatiwe mu Mujyi wa Kigali bakekwaho kwambura telefone abantu, ndetse n’undi umwe wo mu Karere ka Muhanga wafashwe yiba ibishyimbo by’umuturage.
UKWEZI.RW
Ni umukino wabaye kuri uyu wa mbere saa yine z’ijoro ubera ku kibuga cya Liverpool, Anfield.
Ikipe ya Liverpool yatangiye umukino iri hejuru cyane ndetse yamaze iminota 3 ya mbere yaciriye umurongo ntarengwa Newcastle United ari nako abakinnyi nka Trent Alexander Arnold bagerageza uburyo imbere y’izamu barekura amashoti.
Ku munota wa 11 Liverpool yarase igitego cyabazwe aho Mohammed Salah yahaye umupira Darwin Nunez arekura ishoti maze umunyezamu arikuramo umupira usanga Curtis Jones nawe arongera arashota ariko myugariro wa Newcastle United aritambika arikuramo.
Kuwa 20 Liverpool yabonye penariti ku ikosa Luis Díaz yakoreweho mu rubuga rw’amahina, iterwa na Mohammed Salah ariko Dubravaka ayikuramo.
Newcastle United yaje kubona uburyo bwa mbere imbere y’izamu aho Joelinton yazamukanye umupira yiruka ahereza Alexander Isak ariko agiye gushyira kwa Gordon myugariro wa Liverpool Joe Gomez aratabara.
Mu gice cya kabiri ku munota wa 50 Liverpool yaje ifungura amazamu ku gitego cya Mohammed Salah ahawe umupira na Darwin Nunez ariko ntabwo ibyishimo byatinze kubera ko nyuma y’iminota 5 gusa Newcastle United yahise ibishyura ku gitego cya Alexander Isak.
Liverpool yakomeje kwiharira umupira ishaka igitego cya 2 gusa bigakomeza kuyigora. Yakibonye ku munota wa 74 gitsinzwe na Curtis Jones ahawe umupira na Diogo Jota.
Kuwa 78 Cody Gakpo wari winjiye mu kibuga asimbuye yatsinze igitego cya 3 ahawe umupira na Mohammed Salah ariko bidatinze Newcastle United nayo ihita itsinda icya 2 gitsinzwe na Sven Botman kuri koroneri yatewe na Sean Longstaff.
Kuwa 86 Mohammed Salah yatsinze igitego cya 4 kuri penariti yakorewe Diogo Jota umunyezamu wa Newcastle United amutegera mu rubuga rw’amahina.
Umukino warangiye Liverpool ihaye ubunani abafana bayo itsinda ibitego 4-2 iguma ku mwanya wa mbere n’amanota 45 naho Newcastle United ijya ku mwanya wa 9 n’amanota 29.
Tonzi wamamaye mu ndirimbo “Humura” akomeje gushyira uduhigo ku tundi dore ko yihariye ako kuba umuhanzi uticisha irungu abakunzi be, agashyira hanze indirimbo nshya nibura rimwe mu kwezi. Kuri ubu abaye umuhanzi wa mbere mu Rwanda ushyize hanze Album mu ntangiriro za 2024 mu gihe abandi bagihugiye ku kurya iminsi mikuru.
Ni Album ye ya cyenda yise “Respect”, ikaba ikubiyeho indirimbo 15 zirimo iyo yakoranye n’abanyamuziki 15 bo muri Gospel. Hari hashize igihe ateguza abakunzi ba muzika iyi Album, none irashyize irasohoka. Yayise “Respect” bivuye mu ijambo Imana yivugiye muri Yesaya 42:8 ko ntawe basangye icyubahiro.
Mu kiganiro na inyaRwanda, Tonzi yagize ati “Ni byo koko nasanze mu buzima Imana irihariye, ibyo ikora birihariye, ni Imana ikwiriye kubahwa mbibona mu buzima bwanjye bwa buri munsi uburyo Imana inyitaho, indinda by’umwihariko uburyo umuntu wese uriho ari uyemera ari utayemera ariho kuko yaremwe n’Imana”.Â
Yunzemo ati “Rero Umuremyi wanjye akwiriye Icyubahiro noneho yaturemeye kudukunda kandi Imana ngo itura mu mashimwe. Aho rero niho nahisemo guhora mbwira Imana yanjye ko ikwiye #Respect (Icyubahiro), irihariye mu byo ikora. Ndi umuhamya”.
Iyo witegereje ifoto (Cover) yakoreshejwe kuri iyi Album idasanzwe, ubona Tonzi mu isura y’umusirikare bitewe n’indoro. Hari n’abamubonye nk’umunyacyubahiro ukomeye, ndetse ku mbuga nkoranyambaga bamwe bavuga ko abakumbuje Umwamilazi Elizabeth II uherutse gutanga kubera uburyo yambaye ingofero nk’uko nawe yajyaga ayambara.Â
Uyu muhanzikazi avuga ko yabikoze mu gushimangira ko mu gihe cyo gutanga amabwiriza nta mikino iba igomba kuzamo. [Yabanje guseka], ati “Buriya se!, reka ndebe…lol ni byo iyo ugiye gutanga order nta mikino kama jeshi, nifotoza iriya foto ni ubuhamya, nayifotoje n’izindi ntazi ko nzazikoresha kuri Album;
Noneho Imana impishuriye izina rya Album nsanga ayo mafoto ahuye neza na message birantangaza kuko uwo ni umuteguro mutagatifu. Hamwe na Team dukorana nabo byarabatangaje ukuntu byahuriranye.Â
Nawe urabibona niba Imana yivugira ko ikwiriye kubahwa ubwo umwana wayo iyo abibwira abandi bana bayo aba abishimangira kugira ngo ntitukibagirwe guha Imana icyubahiro kuko kubaho nibyo dukora dushobozwa Nayo”.
Kuba ashyize hanze iyi Album kuri Bonane – umunsi w’ibyishimo ku Isi hose aho baba bishimira kwinjira mu mwaka mushya n’ingamba nshya, yasobanuye ko ari cyo gihe n’ubundi “nifuzaga ko Album izasohoka uyu mwaka ariko umunsi nagombaga gukoraho igitaramo bihurirana n’izindi gahunda ku buryo kubihuza bitari gukunda”.
Uwitonze, umubyeyi w’abana batatu yabyaranye n’umugabo we Alpha Gatarayiha umufasha cyane mu muziki, avuga ko yahise yimurira iyo gahunda muri 2024 “kuko n’ubundi gahunda niyo gukomeza kwamamaza inkuru nziza binyuze mu ndirimbo, gutangirana n’umwaka turi mu cyubahiro cy’Imana ni umunyenga”.
Tonzi aragira ati “2024 ndatekereza ko iyi niyo Album ya mbere isohotse iriho indirimbo 15 zuzuye icyubahiro cy’Imana ndayibatuye abantu bose bazi ko kubaho ari Imana ibiduha, ndetse hariho indirimbo isohokanye n’amashusho itwinjiza mu mwaka dushima Imana.”Â
Afata iyi ndirimbo ye “Warabikoze” yabimburiye izindi kuri Album ye ya cyenda, nk’isengesho rikomeye ry’ibyo Imana yakoze. Ati “Ndayibatuye ndetse na Album ubu yasohotse 12h10am iri kuri ‘Digital platforms’ zose ndetse n’abari mu Rwanda nabashyiriyeho uburyo bayibona, bworoshye cyane”.Â
Tonzi yahishuye ko mu byo ateganya gukora muri 2024 harimo n’igitaramo cye bwite. Ni inkuru iri buryohere abari busome iyi nkuru bose kuko aheruka igitaramo kera kandi ahora abisabwa kenshi n’abakunzi be. Ati “Kandi ndabategurira igitaramo vuba, ibyiza ni byinshi muri uyu mwaka kubera Imana, nzagenda mbibagezaho”.
“Respct” ni murumuna wa Album umunani (8) umuhanzikazi Tonzi amaze gushyira hanze. Imfura muri zo ni “Humura” yitiriye indirimbo ye yamufunguriye umuryango w’ubwamamare. Album icyenda za Tonzi ni: Humura, Wambereye Imana, Wastahili, Izina, I am a Victor, Amatsiko, Akira, Amakuru na Respect yageze hanze mu masaha macye ashize.
Gutunga Album ya 9 ya Tonzi ni ukwishyura 10,000 Frw, ukayibona utiriwe uva aho uri kuko iboneka mu buryo bw’ikoranabuhanga rya MTN Pay muri ubu buryo: *182*8*1*687603# [Alsavort] ugashyiramo umubare w’amafaranga anganga n’ibihumbi icumi y’amanyarwanda.
Ibyo gusa ntibihagije ngo wemererwe gutunga iyi Album y’umunyabigwi Tonzi, ahubwo hashyizweho na nimero ya Whatsapp wandikiraho ubutumwa bugufi ariyo: 0791687603 ugahabwa ubutumwa burimo Code na Link ikwemerera gutunga Album “Respect’.
Ni Album iriho indirimbo 15 ari zo: “Respect”, “Nshobozwa” Ft Gerald M; “Merci”, “Warabikoze”, “Umbeshejeho”, “Uwirata”, “Nimeonja”, “Ndashima” ft Muyango, “Niyo”, “Ubwami”, “Ndakwizera”, “Nahisemo”, “Wageze” na “Kora” yakoranye n’bahanzi 15.
Abo bahanzi bumvikana kuri “Kora” ni Tonzi, Dj Spin, Josh Ishimwe, Alfred Kwizera, Sano Olivier, See Muzik, Brian Blessed, Favour, Aguilaaa, Gilbert Heaven, Yves Bisengimana, Eddie Mico, Linda Kamikazi, Manzi Olivier, Rachel Rwibasira na Grace de Jesus.
Tonzi afata gute umwaka wa 2024 ?
Bamwe bise amazina atandukanye umwaka wa 2024. Tonzi umaze imyaka irenga 20 mu muziki wo kuramya Imana, nawe hari uko yawise nk’uko yabidutangarije ati “Umwaka 2024 kuri njye usobanuye “Ubuntu bugeretse ku bundi bwo kugirirwa neza n’Imana”.Â
Ati “Ni umwaka wo gukomeza gukorera mu cyubahiro n’uburinzi bw’Imana ndetse no gukomeza kubwira abarushye n’abaremerewe ko hari Imana ishoboye kandi ishoboza mu rugendo turimo, ikanabafasha kubaho mu buzima busobanutse bufite intego kuko kubaho utazi impamvu uriho biragatsindwa”.Â
Yikije ku mihigo ye muri uyu mwaka mushya, ati: “Ni umwaka wo gukora neza bishoboka, kugerageza gukomeza kugira abantu mfata akaboko nkabafasha kugera ku rwego rusumbyeho, gukomeza guharanira amahoro no kuyatanga aho bishoboka, gukorera igihugu cyanjye, nkomeza kugira uruhare mu impinduka nziza zibereye ikiremwa muntu kubaho m’ ubuzima Imana ishaka ko tubaho mbifashijwe nayo”.
Tonzi ni inararibonye mu muziki arambyemo ndetse akaba n’umuyobozi ukomeye dore ko ari Umuyobozi Wungirije w’Inama y’Igihugu y’Abahanzi iyoborwa na Niragire Marie France washinze Genesis Tv. Mu mboni ze yavuze uko abona umuziki mu 2014. Ati “Umuziki uko nywubona, umuziki ukozwe neza ufite ubutumwa bwiza ni ubuzima.”Â
“Nawe ibaze ariko ko ibindi byose bizashira hagasigara kuririmba. Rero umuziki ni umuyoboro ukomeye Imana ikoresha ngo abo yaremye babeho neza. Isi itarimo umuziki sinzi uko byagenda. Mu mwuka, abantu benshi nshingiye ku buhamya bagenda bahinduka kandi bagakomezwa n’indirimbo zibegereza Imana;
Kandi zibafasha mu isanamitima, kunezerwa kuko Imana ikunda kutubona twishimye. Rero umuziki ni intwaro ikomeye muri iyi si Imana ikoresha ibinyujije muri twe turabiyishimira icyo kizere gihambaye yatugiriye”.Â
Mu gusoza ikiganiro twagiranye, Tonzi yagize ati “Abantu mwese, abakunzi ba InyaRwanda, mbifurije umwaka mushya muhire, kandi mbashimira inyaRwanda ku ruhare mugira kugira ngo inkuru nziza ikomeze yamamare”.Â
“Ndashimira Umuryango wanjye wose, team dukorana umunsi ku munsi, Imana ibahe imigisha myinshi abo twakoranye kuri Album bose ya Respect Imana ikomeze kubagirira neza. Ndashimira cyane Producer Camarade na team yose yo mu Umucyo production na Radio, Mok Vybz, Didier Touch na Sam (River Studio);
Nicolas na Bob Pro bamfashije muri zimwe mu ndirimbo gukora Mix& Mastering, Eliel Filmz, Enock Zera wakoze video y’iyi ndirimbo “Warabikoze”, Himbaza Drama Team twakoranye muri iyi ndirimbo, abahanzi bose twakoranye collabo;
Label yanjye Alpha Entertainment, Life Lenz Media, ndabashimira cyane, n’abandi mwese mwagize uruhare kugira ngo Album #Respect ibashe gusohoka. Ntibyari byoroshye ariko byari bikwiye”.Â
Ku ikubitiro, Tonzi yashyize hanze indirimbo nshya “Warabikoze” imwe muri 15 ziri kuri Album ye nshya yise “Respect’. Aririmbamo ngo Warabikoze ibyo nasengeye. Warakoze Mana. Icyubahiro n’amashimwe byose ni ibyawe. Nzamuye amashimwe, warabikoze”.
“Wampaye imbaraga mu rugendo ndashikama” Tonzi mu ndirimbo ‘Warabikoze’
Album nshya ya Tonzi iriho indirimbo 15 zirimo iyo yakoranye n’abanyamuziki 15
Album “Respect” ya Tonzi wayitunga iwawe mu rugo ku 10,000 Frw gusa