Webrwanda Backend

Category: Uncategorized

  • 'Ingabo z'u Burundi na Kongo Kinshasa zikorana na FDLR' Raporo ya Loni #rwanda #RwOT

    Raporo y'Impuguke za Loni yashyizwe hanze ku wa 03 Mutarama 2024, yagarutse ku bibazo by'umutekano muke mu Burasirazuba bwa Congo, ishimangira ko hari ubufatanye bweruye Ingabo za Congo (FARDC) hamwe n'iz'u Burundi ziha imitwe yitwaje intwaro.

    Raporo ya Loni isobanura ko Guverinoma ya Congo ariyo yashinze umutwe wa Wazalendo ubarizwamo abarwanyi bo mu mitwe itandukanye irimo na FDLR, kugira ngo bayifashe mu rugamba rwo kurwanya umutwe wa M23. Iyi raporo ivuga ko Gen Peter Cirimwami ariwe wagize uruhare rukomeye mu bikorwa byo guhuza ba Wazalendo na FDLR.

    Muri Nzeri, Cirimwami Nkuba yagizwe Guverineri wa gisirikare w'agateganyo w'Intara ya Kivu ya Ruguru ya RDC, itegekwa n'igisirikare kuva mu 2021. Uyu mugabo akomoka mu Ntara ya Kivu y'Amajyepfo, ni uwo mu bwoko bw'Abashi, wamaze igihe kinini akorera mu Burasirazuba bw'iki gihugu.

    Cirimwami yavuzwe cyane mu itangazamakuru muri Mata 2022 ubwo yagirwaga Umukuru w'ibikorwa bya gisirikare byo kurwanya inyeshyamba mu Ntara za Kivu y'Epfo na Kivu na Ruguru bizwi nka Sokola II. Hari hashize igihe gito imirwano y'ingabo za leta n'umutwe wa M23 yubuye.

    Bivugwa ko muri Nzeri mu matariki 22 na 23, yari i Goma ari kumwe na bamwe mu bagize imitwe yitwaje intwaro muri Congo by'umwihariko ibarizwa muri Wazalendo. Abo barwanyi bari bacumbikiwe mu Mujyi wa Goma, inzu zabo zirinzwe n'abasirikare ba FARDC. Raporo ivuga kandi ko abo barwanyi bagiye batwarwa mu ndege bagiye mu bice bitandukanye kandi ko byakorwaga n'Igisirikare cya FARDC.

    Ibyo biganiro byabo ngo byari bigamije gushyiraho uburyo bw'imikoranire aho FARDC-Wazalendo igomba gufatanya mu kurwanya M23, umutwe leta ya Congo ishimangira ko ufashwa n'u Rwanda.

    Muri iyo nama, hemerejwemo uduce iyo mitwe igomba gukoreramo. Abarwanyi bari bitabiriye bari bageze muri batanu, kandi buri umwe yari afite umutwe ahagarariye, ndetse bamwe muri bo impuguke za Loni zivuga ko bafatiwe ibihano mpuzamahanga nka Guidon Shimiray Mwisa, umuyobozi w'umutwe NDC-Rénové.

    Hashize icyumweru iyo nama ibaye, ba Wazalendo bagabye igitero mu bice bya M23. Raporo ivuga ko ibyo bitero byagabwe amabwiriza atanzwe n'Ibiro bya Guverineri wa Kivu y'Amajyaruguru.

    Raporo ya Loni ivuga ko igisirikare cya Congo cyatanze intwaro, ibikoresho bikenewe ndetse n'amafaranga kuri abo bayobozi ba Wazalendo hamwe n'abarwanyi babo kugira ngo babashe gutera.

    Ngo kwifashisha Wazalendo, wari umugambi 'ushyigikiwe n'abayobozi bo hejuru mu gisirikare bari bijeje ko bagomba kugera ku ntsinzi mbere y'amatora ya Perezida wa Repubulika aheruka'.

    Impuguke zigira ziti 'Mu gihe iyi raporo yandikwaga, impande zose zihanganye, zari zararenze ku mahame yo guhagarika imirwano zinjiyemo muri Werurwe 2023'.

    Cirimwami abajijwe ku mikoranire ya FARDC na Wazalendo [muri raporo bitwa Volontaires pour la défense de la patrie: VDP: Abakorerabushake biyemeje kurengera igihugu], yasubije impuguke za Loni ko kwifashisha ba Wazalendo, bitari mu 'mugambi wa Guverinoma ariko ko byasembuwe n'ubushotoranyi bwa M23'.

    Raporo igaragaza kandi imikorere y'umutwe wa M23 mu mayeri yawo ya gisirikare. Bivugwa ko mbere y'ibitero bya Wazalendo mu Ukwakira, uyu mutwe wari ufite intego yo gufata Ikibuga cy'Indege cya Kavumu muri Kivu y'Epfo hamwe n'imijyi irimo Goma na Bukavu.

    Ngo muri icyo gihe kandi, M23 yari isoje imyitozo y'amezi atatu yo gutyaza ingabo zayo, yari yatangiye muri Gicurasi muri Tshanzu muri Kivu y'Amajyaruguru.

    Abasirikare b'uyu mutwe bari baratojwe uburyo bashobora kurwanira mu duce tw'imijyi. Itsinda ryihariye mu mirwanire ryashyizweho, riyoborwa na Majoro Mirindi na Colonel Ngabo. Bivugwa ko bombi biciwe mu mirwano yabereye mu gace ka Kilolirwe mu Ukwakira. Nubwo ngo M23 yapfushije abarwanyi, yabashije kugumana ibirindiro byayo muri Kivu y'Amajyaruguru.

    Imikoranire ya RDC n'u Burundi ntirasobanuka

    Raporo yagarutse kandi ku mikoranire y'Ingabo za RDC n'iz'u Burundi ziri muri Congo. Nyuma y'amezi menshi ashize, M23 yashinje Ingabo z'u Burundi [FNDB] zoherejwe mu butumwa bwa EAC, kuba zaratangiye kurwana ku ruhande rwa Congo, ibintu bihabanye n'ibyagenwaga n'ubutumwa bwazo.

    Ingabo z'u Burundi zamaganye ibyo birego inshuro nyinshi.

    Na n'ubu imikoranire y'Ingabo z'u Burundi n'iza FARDC ntirasobanuka by'umwihariko kuva muri Kanama umwaka ushize ubwo ibihugu byombi byasinyanaga amasezerano mu bya gisirikare.

    Aya masezerano avuga ko impande zombi zemeranyije gukomeza ubufatanye bwazo mu bitero bihuriweho bishobora kuba byakwibasira uruhande rumwe cyangwa urundi.

    Avuga ko mu gihe 'haba habayeho ibitero byibasira uruhande rumwe, urundi rwiteguye gutanga ubufasha'.

    Ingabo za Congo zibasiye bikomeye umutwe wa EAC ziwushinja ko nta kintu wabashije gukora mu kurwanya umutwe wa M23. Byatumye Guverinoma ya RDC ihita yihutira gushaka ubufasha ku Burundi, ari nabyo byatumye Ingabo z'u Burundi ziguma muri Congo.

    Raporo ya Loni igaragaza ko abasirikare 1070 b'u Burundi bari muri Congo kandi ko barwana bambaye impuzankano ya FARDC. Boherejwe muri icyo gihugu mu ibanga rikomeye guhera mu Ukwakira 2023.

    Bivugwa ko bari mu bice bya Sake na Kitchanga kandi ko bagiyeyo binyuranyije n'amahame yagengaga ingabo za EAC.

    Aba basirikare bageze muri RDC tariki 21 Nzeri, batwawe n'indege ya Iliouchine y'igisirikare cya Congo. Bahise batangira gufatanya na FARDC hamwe na Wazalendo mu rugamba rwo kurwanya umutwe wa M23.

    Hagati y'itariki ya 21 na 24 Nzeri, iyi ndege y'Ingabo za Congo yakoze ingendo eshanu mu Burundi igwa i Goma. Igisirikare cy'u Burundi cyarabihakanye gusa Raporo ivuga ko Gen Cirimwami ariwe wahaye amabwiriza Ingabo z'u Burundi zari muri Congo bikozwe ku mabwiriza yari akuye ku bayobozi be bakuru mu gisirikare.

    IGIHE

    The post 'Ingabo z'u Burundi na Kongo Kinshasa zikorana na FDLR' Raporo ya Loni appeared first on FLASH RADIO&TV.

    Source : https://flash.rw/2024/01/04/ingabo-zu-burundi-na-kongo-kinshasa-zikorana-na-fdlr-raporo-ya-loni/?utm_source=rss&utm_medium=rss&utm_campaign=ingabo-zu-burundi-na-kongo-kinshasa-zikorana-na-fdlr-raporo-ya-loni

  • Israel mu mugambi wo kwimurira abanya Gaza muri Arabia Saoudite na Congo Brazzaville #rwanda #RwOT

    Leta ya Israel irimo kuvugana n'ibihugu byinshi ngo ibyoherezemo impunzi zahunze agace ka Gaza imaze igihe icocagiraho ibisasu. Mu bihugu irimo kuvugana kwakira izo mpunzi harimo na Congo Brazaville nk'uko ibinyamakuru byaho bibivuga.

    Abantu hafi miliyoni ebyiri bamaze kuva mu byabo muri Gaza nyuma y'amezi hafi atatu y'intambara kuri Gaza.

    Zman Israel — ishami ry'ikinyamakuru cya Times of Israel ryandika mu Igiheburayo — ivuga ko uwo mugambi minisitiri w'intebe Benjamin Netanyahu yawushinze abaminisitiri be ngo bawukurikirane.

    Zman ivuga ko abantu ibihumbi amagana bo muri Gaza intambara nirangira bashobora kwimurirwa mu bindi bihugu ku bushake bwabo, ko Tel Aviv irimo kuvugana n'ibihugu byinshi birimo Arabia Saoudite na Congo.

    Igice kinini cya Gaza ubu cyabaye amatongo nyuma y'ibisasu by'urutavanaho by'igisirikare cya Israel, intambara muri Gaza imaze kugwamo abarenga ibihumbi 22 nk'uko leta ya Hamas itegeka Gaza ibivuga.

    Abahunze intambara, abenshi bari mu nkambi ziri mu gace k'amajyepfo ya Gaza aho babayeho mu buryo budakwiye kandi batungwa n'inkunga y'imiryango ifasha imbabare.

    Ikinyamakuru Zman kivuga ko ishyaka rya Likud — rifatwa nk'iriri ku butegetsi muri Israel — ririmo gushyira imbaraga muri uwo mugambi wo kwimurira abanyeGaza babishaka mu bindi bihugu.

    Zman ivuga ko kuwa mbere w'iki cyumweru, Benjamin Netanyahu yatangaje ko 'ikibazo ubu ni ibihugu bizemera kubakira kandi turimo kubikoraho'.

    Ibihugu bya Congo na Arabia Saoudite ntacyo biratangaza kuri iyi nkuru y'uko byegerewe na Israel ngo yakire impunzi zo muri Gaza.

    Zman ivuga ko yamenye ko igihugu cy'ibanze kiri mu biganiro by'ibanga na Israel ngo cyakire ibihumbi amagana by'impunzi za Gaza ari Congo. Ndetse gisubiramo umwe mu bategetsi muri Israel avuga ati: 'Congo izaba yiteguye kubakira, kandi turimo kuganira n'ibindi bihugu'.

    Abategetsi ba Israel bavuga ko nyuma y'iyi ntambara Hamas itazongera gutegeka agace ka Gaza kandi ko Israel itazongera kwemera ko hari imirimo ikorerwa muri Gaza ahubwo abazahatura bazatungwa n'imfashanyo y'amahanga gusa.

    Israel kandi ivuga ko abazasigara batuye muri Gaza nta hantu bazaba bemerewe kujya, ko Israel izahagarika imigenderanire yose hagati yayo na Gaza, igafunga inzira y'inyanja, kandi ikagurira imbere muri Gaza imbibi zari zisanzwe zizwi.

    Israel irateganya gukaza mu buryo bushoboka umutekano nyuma y'ibitero bya Hamas muri Israel byo kuwa 07 Ukwakira(10) umwaka ushize, ari nabyo yahereyeho ivuga ko ishaka kurandura Hamas muri Gaza.

    Ntibizwi neza niba koko hari abanya-Gaza bashaka kwimurirwa mu bindi bihugu nk'uko Israel ibivuga. Ibihugu byavuzwe nabyo ntibiragira icyo bivuga kuri uwo mugambi.

    The post Israel mu mugambi wo kwimurira abanya Gaza muri Arabia Saoudite na Congo Brazzaville appeared first on FLASH RADIO&TV.

    Source : https://flash.rw/2024/01/04/israel-mu-mugambi-wo-kwimurira-abanya-gaza-muri-arabia-saoudite-na-congo-brazzaville/?utm_source=rss&utm_medium=rss&utm_campaign=israel-mu-mugambi-wo-kwimurira-abanya-gaza-muri-arabia-saoudite-na-congo-brazzaville

  • Amakuru y’isoko ry’igura n’igurisha ry’Abakinnyi muri Manchester united. – YEGOB #rwanda #RwOT

    Ikinyamakuru bita daily mail kiratangaza ko Manchester united ishaka kongerera Amasezerano umukinnyi wayo ukina yugarira Aaron Wan-Bissaka bakanjya bamuhemba £90,000 ku cyumweru.

     

    ikinyamakuru bita Sky sports kiratangaza ko umusore wa Manchester united Jadon Sancho ikipe ya Dortmund yavuyemo muri 2021 yifuza ko yaba yarangije ibiganiro na Manchester united kugirango mu cyumweru gitaha uyu musore azagaragare ku cyibuga cy'imyitozo cya Dortmund. Manchester united isinyisha Jadon Sancho yari yamutanzeho £73m.

     

    ikinyamakuru bita the evening standard kiratangaza ko Manchester united ishaka umukinnyi ukina kuruhande wa Crystal Palace witwa Michael Olise bivungwa ko ariwe mukinnyi ushobora kuba uwambere usinyishijwe na Sir Jim Ratcliffe uherutse gushyiramo imigabane ya 25% muri iyi kipe ndetse akayemerera ko azayongereramo abakinnyi muri uku kwezi kwa Mutarama .

    Source : https://yegob.rw/amakuru-yisoko-ryigura-nigurisha-ryabakinnyi-muri-manchester-united/

  • APR FC izagenda yikandagira! Ikipe ya Simba SC ibifashijwemo na Willy Essomba Onana wabiciye bigacika muri Rayon Sports yahannye Singida iherutse gutsinda Nyamukandagira ibitego bitatu – YEGOB #rwanda #RwOT

    APR FC izagenda yikandagira! Ikipe ya Simba SC ibifashijwemo na Willy Essomba Onana wabiciye bigacika muri Rayon Sports yahannye Singida iherutse gutsinda Nyamukandagira ibitego bitatu.

    Ikipe ya Simba SC yo mu gihugu cya Tanzania ikomeje guhana amakipe ubutitsa mu mikino y'igikombe cya Mapinduzi Cup iri kubera Zanzibar muri Tanzania aho iyi kipe iyoboye itsinda B riherereyemo ikipe ya APR FC ya hano mu Rwanda, mu ijoro rya cyeye ikipe ya Simba SC yafashe Singida iherutse gutsinda APR FC ibitego 3-1 maze iyitsinda ibitego 2-0 mu mukino igice cya mbere cyari cyarangiye amakipe yombi anganya 0-0.

    Ibi byatumye abantu batandukanye batangira kubona ko ikipe y'Ingabo z'Igihugu APR FC ishobora guhura n'akazi katoroshye mu mukino uzayihuza na Simba SC bitewe n'uko ikipe yabatsinze ibitego bitatu yageze imbere ya Simba ikaba intsina ngufi.

    APR FC nayo ihagaze neza cyane n'ubwo umukino wa mbere yari yatsinzwe ibitego 3-1 na Singida dore ko ku munsi w'ejo yafashe ikipe ya JKU FC yo muri Zanzibar ikayitsinda ibitego 3-1 byatumye ikatisha itike yo gukina imikino ya 1/4 cy'imikino y'igikombe cya Mapinduzi Cup.

    Ibitego by'ikipe ya Simba SC batsinze ikipe ya Singida byatsinzwe na Leander Willy Essomba Onana ku munota wa 50 w'umukino mu gihe igitego cya kabiri cyatsinzwe na Luis Miquissone ku munota wa 59 w'umukino.

    Uyu mukino uraje inshinga abakunzi b'umupira w'amaguru uzahuza APR FC na Simba SC uzaba kuri uyu wa gatanu tariki 05 Mutarama 2024 isaa 19h15.

    Source : https://yegob.rw/apr-fc-izagenda-yikandagira-ikipe-ya-simba-sc-ibifashijwemo-na-willy-essomba-onana-wabiciye-bigacika-muri-rayon-sports-yahannye-singida-iherutse-gutsinda-nyamukandagira-ibitego-bitatu/

  • Abakinnyi ba Sunrise FC basuye perezida wa bo wari ufunzwe bamusezeranya impano ikomeye #rwanda #RwOT

    Nyuma y’uko perezida wa Sunrise FC, Hillary Hodari afunguwe, abakinnyi b’iyi kipe baraye bamusuye bamusezeranya impano yo gutsinda Police FC mu mukino ufungura imikino yo kwishyura ya shampiyona.

    Tariki ya 4 Ukuboza 2023 ni bwo Umuyobozi wa Koperative icuruza Amata n’ibiyakomokaho i Nyagatare, NDMC [Nyagatare Dairy Marketing Cooperative] akaba na Perezida wa Sunrise FC, Hodari Hilary yatawe muri yombi.

    Akurikiranyweho ibyaha bifitanye isano no kunyereza umutungo urenga miliyoni 160 Frw.

    Tariki ya 28 Ukuboza 2023 Urukiko rw’Ibanze rwa Nyagatare rwategetse ko akurikiranwa adafunzwe iminsi 30 y’agateganyo.

    Ku munsi w’ejo hashize, ikipe ya Sunrise FC iyobowe n’umutoza mukuru wa yo, Jackson Mayanja basuye perezida w’iyi kipe mu rugo iwe.

    Bishimiye kuba yongeye kugaruka afunguwe nyuma y’ibyumweru bitatu yamaze mu maboko atari ye.

    Nk’impano bamusezeranyije kuzamuba, ni ukumutsindira Police FC mu mukino w’umunsi wa 16, ukazaba ari umukino uzaba ufungura imikino yo kwishyura ya shampiyona ya 2023-24 uzaba tariki ya 14 Mutarama 2024 kuri Golgotha Stadium.

    we are very happy that our president is back and fully motivated for the second round!#SunriseFC pic.twitter.com/FleiPNofTJ

    — SUNRISE FOOTBALL CLUB PREDATORS (@Sunrisefc_rw) January 3, 2024

    Abakinnyi ba Sunrise FC basuye perezida wa yo

    Umutoza wa Jackson Mayanja na perezida wa Sunrise FC, Hillary Hodari

    Source : http://isimbi.rw/siporo/article/abakinnyi-ba-sunrise-fc-basuye-perezida-wa-bo-wari-ufunzwe-bamusezeranya-impano-ikomeye

  • S. Africa : Ibyatangajwe n’uwahoze ari umusirikare kuri Perezida bigafatwa nk’agasuzuguro bishobora kumukoraho #rwanda #RwOT

    Sylvester Mangolele wahoze ari umusirikare ku rwego rwa Ofisiye ndetse ari no mu myanya y’ubuyobozi bwacyo, aherutse kugaragara mu mashusho asabamo Perezida Ramaphosa kuva ku butegetsi ku neza.

    Mu mashusho yacicikanye ku mbuga nkoranyambaga, uyu Sylvester Mangolele yavugaga ko Ramaphosa nategura ku neza, aza kubona ibimubaho mu masaha 48.

    Cyril Ramaphosa yakunze kugawa na bamwe mu badashyigikiye ubutegetsi mu Gihugu cye cya Afurika y’Epfo, ndetse bavuga ko yari akwiye kwegura.

    Nyuma y’uko uyu wahoze ari umuyobozi mu gisirikare amuhaye nyirantarengwa y’iminsi ibiri, igisirikare cya Afurika y’Epfo cyamaganiye kure ibyo yatangaje.

    Siphiwe Dlamini usanzwe ari Umuvugizi w’igisirikare cya Afurika y’Epfo, yavuze ko ibyakozwe n’uyu wahoze mu ngabo ari agasuzuguro atari akwiye kugaragaza imbere y’Umukuru w’Igihugu.

    UKWEZI.RW

    Source : http://www.ukwezi.rw/Mu-mahanga/article/S-Africa-Ibyatangajwe-n-uwahoze-ari-umusirikare-kuri-Perezida-bigafatwa-nk-agasuzuguro-bishobora-kumukoraho

  • Gicumbi : Haburijwemo umugambi wo kwiyahura wari ugiye gukorwa n’ukorera urwego rwa Leta #rwanda #RwOT

    Uwo mugabo witwa Jean Paul usanzwe ashinzwe kwakira abagana (Customer Care) ubuyobozi bw’Umurenge wa Ruvune, yari agiye kwiyambura ubuzima mu ijoro ryacyeye kuri uyu wa Gatatu tariki 03 Mutarama 2023.

    Amakuru avuga ko uyu mugabo asanzwe afitanye amakimbirane n’umugore we, ndetse ko bari mu nzira zo kwaka gatanya.

    Mu ijoro ryo kuri uyu wa Gatatu, uyu mugabo yagiranye intonganya n’umugore we, amubwira ko agiye kwiyahura, ari na bwo hahitaga hiyambazwa polisi yahamagawe kuri polisi.

    Polisi yihutiye kuhagera ihita ijyana uyu mugabo mu Bitaro bya Byumba kugira ngo akurikiranwe n’abaganga, banamuganirize.

    UKWEZI.RW

    Source : http://www.ukwezi.rw/Mu-rwanda/article/Gicumbi-Haburijwemo-umugambi-wo-kwiyahura-wari-ugiye-gukorwa-n-ukorera-urwego-rwa-Leta

  • VIDEO : Ashyize hanze ukuri kutavugwa ku minsi mikuru iraza abantu amajoro abandi ikabasigira ubukene #rwanda #RwOT

    Uyu musesenguzi ukunze kwibanda ku kwigira kwa Afurika n’Abatuye uyu Mugabane, avuga ko ibyo Abanyafurika bakora byinshi biterwa no kutamenya.

    By’umwihariko ku kwizihiza umunsi mukuru wa Noheli wibutsa ivuka rya Yezu/Yesu, Dr Rusa avuga ko ikibazo abantu bafite ari uko batamenye ko amadini ari politiki, ifasha abanyaburayi gukomeza kuba imbata ya bamwe.

    Avuga ko idini atari inzira yo kubaka ruho nk’uko abanyamadini babivuga, kuko uwariyobotse atagera aho ngo asoze amasomo, ahubwo ko ayakomeza ubuzima bwe bwose.

    Ati 'Iyo ugiye kwiga imodoka, urayimenya wabona perimi uzitwara, ariko iyobokamana uziga buri Cyumweru kuva ufite imyaka irindwi urinde ugira imyaka 80 ukijya kwiga. Kuki icyo kintu abantu bakibaza ?'

    Ku bijyanye n’uburyo Abanyafurika bizihiza iminsi mikuru irimo na Noheli, Dr Rusa avuga ko bibangamye, kuko bituma basesagura kandi bitari ngombwa.

    Ati 'Utakaza umwanya munini udakora, kandi umunsi umwe ushobora gukonsoma ibintu wagakoreye amezi atatu. Uzabaze nk’abantu bakora mu nganda z’inzoga, imibare y’ibyo bacuruza muri iyi minsi usanga yikubye gatatu. Nk’ubu BRALIRWA iguhaye raporo y’igicuruzo yakoreye muri Noheli na Bonane wasanga kiruta icyo mu kwa gatanu inshuro eshatu, izaruta iyo mu kwa mbere inshuro enye.'

    Avuga ko nubwo abantu bizihiza iyi minsi mikuru bakanayitakarizamo amikoro menshi, batanumva impamvu yayo.

    Avuga ko nka Noheli yizihizwa tariki 25 Ukuboza, atari yo tariki Yezu/Yesu yavukiyeho nk’uko bivugwa, ndetse ko umuntu asubije amaso inyuma atasanga itariki ya 01 Mutarama yizihizwa nk’ubunani, ari wo munsi wa mbere utangira umwaka.

    IYUMVIRE UBUSESENGUZI BWOSE HANO

    UKWEZI.RW

    Source : http://www.ukwezi.rw/Mu-rwanda/article/VIDEO-Ashyize-hanze-ukuri-kutavugwa-ku-minsi-mikuru-iraza-abantu-amajoro-abandi-ikabasigira-ubukene

  • APR FC yatsinze umukino wayo wa Kabiri yakinaga na JKU muri Mapinduzi Cup iri kubera Zanzibar #rwanda #RwOT

    Guhera tariki ya 28 Ukuboza 2023 nibwo mu gihugu cya Zanzibar hatangiye irushanwa rihuza ibihugu byo muri Afurika y'i Burasirazuba.

    Ku ruhande rw'u Rwanda, ikipe y'ingabo z'igihugu niyo iri muri iyi mikino ndetse ikaba yaraye ikinnye umukino wayo wa Kabiri, ni umukino batsinzemo ikipe ya JKU ibitego 3-1.

    Ni ibitego byatsinzwe na Niyibizi Ramadhan watsinze ibitego bibiri muri uyu mukiko ndetse ikindi gitego kimwe gitsindwa na Victor Mbaoma.

    Wari umukino wa Kabiri iyi kipe yakinaga kuko umukino wa mbere, APR FC yari yatsinzwe na Singida Fontein Gate ibitego 3-1.

    Muri uyu mukino, warangiye rutahizamu Niyibizi Ramadhan atowe nk'umukinnyi mwiza w'umukino naho Banga Bindjeme we yatowe nk'umukinnyi witwaye neza kuri bagenzi be.

    Mu wundi mukino wo mu itsinda rimwe na APR FC. Ikipe ya Simba Sports Club yatsinze Singida ibitego 2-0 harimo icyatsinzwe na Leandre Willy Onana na Luis Micquison.

    Umukino usoza amatsinda urakinwa kuri uyu wa Gatanu aho APR FC izahura na Simba SC naho JKU ikazahura na Singida Fontein Gate.

    Kugeza ubu Simba SC ifite amanota atandatu, irakurikirwa na APR FC na Singida zose zifite amanota atatu hagasoza JKU yo itarabona inota na rimwe.

    The post APR FC yatsinze umukino wayo wa Kabiri yakinaga na JKU muri Mapinduzi Cup iri kubera Zanzibar appeared first on RUSHYASHYA.

    Source : https://rushyashya.net/apr-fc-yatsinze-umukino-wayo-wa-kabiri-yakinaga-na-jku-muri-mapinduzi-cup-iri-kubera-zanzibar/?utm_source=rss&utm_medium=rss&utm_campaign=apr-fc-yatsinze-umukino-wayo-wa-kabiri-yakinaga-na-jku-muri-mapinduzi-cup-iri-kubera-zanzibar

  • Ibitaravuzwe ku igenda rya Adolphe wari wamaze kwemera kongerera amasezerano Rayon Sports #rwanda #RwOT

    Benshi batunguwe n’inkuru isoza umwaka wa 2023 ubwo umunyezamu wa Hakizimana Adolphe yatunguranaga agasinyira ikipe ya AS Kigali mu gihe yari yamaze kumvikana na Rayon Sports kuyongerera amasezerano.

    Tariki ya 31 Ukuboza 2023 ni bwo AS Kigali yatangaje ko yamaze kurangizanya n’uwari umunyezamu wa Rayon Sports, Hakizimana Adolphe nyuma y’uko yari asoje amasezerano ye y’imyaka 4 muri iyi kipe yambara ubururu n’umweru.

    Ni nkuru yatunguranye cyane kuko uyu munyezamo yari yamaze kumvikana na Rayon Sports kongera amasezerano cyane ko aye yari yarangiye tariki ya 9 Ukuboza 2023 kuko yari yasinye tariki ya 9 Ukuboza 2019.

    Haje inkuru z’uko uyu munyezamu ari we wanze gusinyira Rayon Sports kuko umunsi bamuhaye wageze agahita akuraho telefoni ikipe ikamubura cyane ko yagombaga gusinya tariki ya 28 Ukuboza 2023.

    Gusa amakuru ISIMBI yamenye ni uko aya makuru atandukanye n’ukuri, ahubwo iyi kipe ari yo isa niyagiye biguru ntege mu kongerera amasezerano Hakizimana Adolphe birangira afashe undi mwanzuro.

    Amakuru yizewe ni uko Hakizimana Adolphe mbere yo gusinyira AS Kigali yahamagaye muri Rayon Sports ariko akabura umuntu umwitaba.

    Bivugwa ko ku wa Kane yabababuze ndetse no ku wa Gatanu tariki ya 29 Ukuboza 2023 mbere yo gufata umwanzuro wo gusinyira AS Kigali yahamagaye umunyamabanga wa Rayon Sports, Patrick Namenye inshuro zigera muri 3 ariko ntiyamwitaba kugeza afashe umwanzuro wo kwerekeza muri AS Kigali yamwerekaga ko imukeneye.

    Abari hafi y’uyu munyezamu bakubwira ko Adolphe Hakizima iyo aba akeneye kuva muri Rayon Sports atari gutegereza ukwezi kose nyuma y’uko amasezerano ye arangiye cyane ko n’umukino usoza igice kibanza cya shampiyona wabaye tariki ya 12 Ukuboza 2023 wo banganyijemo na Kiyovu Sports 1-1 yawukinnye amasezerano yararangiye.

    Hakizimana Adolphe yari yemeye kongera amasezerano muri Rayon Sports birangira yerekeje muri AS Kigali

    Source : http://isimbi.rw/siporo/article/ibitaravuzwe-ku-igenda-rya-adolphe-wari-wamaze-kwemera-kongerera-amasezerano-gikundiro