Category: Uncategorized

Kanzayire Console uzwi nka Shangazi, wari umufana ukomeye cyane w’ikipe ya APR FC yitabye Imana azize uburwayi.

Ku gicamunsi cyo kuri iki Cyumweru tariki ya 21 Mutarama 2024 nibwo inkuru y’incamugongo yamenyekanye ko uyu mubyeyi yitabye Imana.

Shangazi wabarizwaga mu itsinda rya ‘Online Fan Club’ akaba yaguye mu bitaro bya Gisirikare i Kanombe aho yari arwariye.

Uyu mubyeyi akaba yari amaze igihe arwaye ikibyimba mu muhogo aho mu ntangiriro za 2022 yarimo ashaka ubufasha bwo kujya kwivuriza mu Buhinde kuko mu Rwanda bari bamubwiye ko batabasha kumuvura.

Yamaze igihe arwiye i Kanombe, nyuma aza kujya mu rugo aba ari ho arwarira, yaje kongera kuremba asubira mu bitaro ubu akaba ari ho yaguye.

Shangazi umukunzi wa APR FC yitabye Imana

Ikipe y’igihugu y’u ya Handball yatsinze umukino wa mbere mu gikombe cy’Afurika ibitego 36-25 bya Zambia isoza ku mwanya wa 3 mu itsinda A.

Uyu munsi ni bwo u Rwanda rwakinnye umukino usoza itsinda A mu gikombe cy’Afurika cya Handball kimaze iminsi kibera mu Misiri muri Cairo Stadium.

Muri Gymnase ya 2, u Rwanda rwakinnye na Zambia zihatanira umwanya wa 3, ni nyuma y’uko zombi zatsinzwe imikino ya DR Congo na Cape Verde.

Ikipe ya 3 muri itsinda ikaba yari ifite amahirwe yo guhura n’ikipe ya 4 mu itsinda C muri ‘President Cup’ igikombe gihatanirwa n’amakipe atarabashije kugera muri 1/4, ni mu gihe ikipe ya kane izahura n’iya 3 mu itsinda C.

Umukino watangiye amakipe yombi afungana cyane aho igitego cya mbere cyabonetse ku munota wa 3 gitsinzwe na Zambia.

Kuva icyo gihe Zambia yagiye igenda imbere y’u Rwanda kugeza ku munota wa 10 ubwo ikipe y’igihugu y’u Rwanda yari yamaze kujya imbere ifite ibitego 6-4.

Binyuze mu basore b’u Rwanda nka Mbesutunguwe, Kubwimana na Yves babyaje umusaruro amahirwe babonye, byatumye u Rwanda rukomeza kugenda imbere ya Zambia ndetse ruzamura ikinyuranyo cy’ibitego, amakipe ajya kuruhuka, u Rwanda ruyoboye n’ibitego 18-12.

Abasore b’u Rwanda bakaba mu gice cya kabiri bihagazeho bakomeza kongera ikinyuranyo cy’ibitego, umukino urangira u Rwanda rutsinze ibitego 36-25.

Mbesutunguwe Samuel wafashije cyane u Rwanda muri uyu mukino akaba yatowe nk’umukinnyi w’umukino akaba ari na we watsinze ibitego byinshi muri uyu mukino.

Ndayisaba Etienne w’u Rwanda na Syakwayi Prichard wa Zambia buri umwe akaba yatsinze ibitego 7.

Gutsinda uyu mukino bivuze ko u Rwanda rwasoje ku mwanya wa 3 mu itsinda n’aho Zambia isoza ku mwanya wa nyuma ni mu gihe Cape Verde na DR Congo zigiye gukina zishakamo uyobora itsinda.

U Rwanda muri President Cup rukaba ruzahura na Ganon yabaye iya nyuma mu itsinda C n’aho Zambia ihure na Libya yabaye iya 3.

U Rwanda rwatsinze Umukino wa mbere mu gikombe cy’Afurika cya Handball

Iyi nzu yahiye, iherereye mu Mudugudu wa Mbagira mu Kagari ka Kamashangi mu Murenge wa Kamembe kuri uyu wa Gatandatu tariki 20 Mutarama 2024.

Nta muntu wagiriye ikibazo muri iyi nkongi yibasiye iyi nzu ya Nyirahabiyambere Mwadjum, kuko abari bayirimo bakijijwe n’amaguru ubwo inkongi yadukaga, bakagerageza kuzima bafatanyije n’abaturanyi ariko bikaba iby’ubusa.

Abaturanyi bageze aho batabaza inzego z’ibanze, nazo zishyiraho akazo, ari nab wo Polisi yazaga izanye kizimyamoto, ariko isanga yakongotse irayizimya kugira ngo iyi nkongi idafata izinzi nzu ziyegereye.

Nubwo hahise hatangira iperereza ry’icyateye iyi nkongi, ariko birakekwa ko ari ibibazo by’amashanyarazi.

Iyi nzu yari isakaje amabati 80, ibaye iya kane yibasiwe n’inkongi y’umuriro muri aka gace mu gihe cy’amezi abiri.

Iyi nkongi yibasiye inzu y’umuturage mu Ntara y’Iburengerazuba, ku munsi mu Ntara y’Amajyaruguru mu Karere ka Gakenke, na ho hadutse inkongi yibasiye ikigo cy’Ishuri, yo yanahitanye ubuzima bw’umwana w’umunyeshuri wigaga muri iri shuri.

UKWEZI.RW

Igitaramo cy’Itorero Ibihame by’Imana, cyabaye kuri uyu wa Gatandatu tariki 20 Mutarama 2024, cyagaragayemo ibikorwa binyuranye, birimo imbyino gakondo, ndetse n’umukino ushushanya ibigwi byo kwagura u Rwanda no kururasanira.

Muri iki gitaramo cyabereye ahazwi nka Camp Kigali, cyari kibaye ku munsi wa kabiri, aho kuri uyu wa Gatandatu cyagarukaga ku butwari bw’abagize ibikorwa byatumye u Rwanda rugera aho rugeze uyu munsi.

Cyari gifite umwihariko w’abamugariye ku rugamba rwo kubohora u Rwanda, bari baje kwihera ijisho imbyino gakondo, aho bari baherekejwe na Genera Patrick Nyamvumba wabaye Umugaba Mukuru wa RDF.

Ni igitaramo kandi cyagaragazaga umuco n’amateka by’u Rwanda, bibumbatiye ukubaho kw’Abanyarwanda, by’umwihariko kurangwa n’ubutwari.

Photos/Igihe

UKWEZI.RW

Iki cyumweru kiri kugana ku musozo, cyabereye kibi umutwe wa M23 kubera ibitero bya rurangiza by’indege wagiye ugabwaho birimo icy’igiherutse guhitana abakomando bayo babiri bari basanzwe bafite imyanya mu buyobozi bw’uyu mutwe.

Aba bakomando ba M23 barimo Colonel Castro Elise Mberabagabo wari ushinzwe ubutasi bw’uyu mutwe basize ubuzima mu gico batezwe na FARDC yongereye ingufu n’ingabo za SADC, bishwe ubwo bari bagiye kuganiriza abaturage.

Mu mpera z’iki cyumweru, kuri uyu wa Gatandatu tariki 20 Mutarama 2024, umutwe wa M23 washyizeho igihe ntarengwa cyo kuba ibikorwa byahagaze mu bice ugenzura.

Ibi bikorwa byo muri Rutshuru, bizajya bihagarara kuva saa kumi n’ebyiri n’igice z’umugoroba kugeza saa kumi n’ebyiri za mu gitondo, birimo ingendo zo mu muhanda, iby’ubucuruzi, amasengesho, ndetse no gutwara abagenzi mu modoka no kuri moto, utubari, amasoko ndetse n’ibikorwa by’amasengesho.

Ni icyemezo M23 ivuga ko kigamije kurushaho gucungira neza umutekano abaturage n’ibyabo, aho cyatangiye kubahirizwa kuri uyu wa Gatandatu tariki 20 Mutarama 2024.

UKWEZI.RW

Bwa mbere rutahizamu wa Rayon Sports ukomoka muri Maroc, Youssef Rharb yashyize hanze amafoto y’ubukwe bwe na Issay Fatima.

Amakuru avuga ko ari ubukwe bwabaye mu mpera z’Ukuboza 2023 ari na yo mpamvu yatinze kugaruka gutangira akazi kuko yari yasabye uruhushya.

Youssef akaba yasangije abamukurikira amafoto y’ubukwe bwe na Fatima aho yaherekejwe n’amagambo meza y’urukundo.

Ati “Imana ishimwe kuba ngaragaye mu buryo bwanjye, no kuba ari wowe ngiye kumarana na we ubuzima bwanjye. Imana ishimwe ku bw’iyi ntambwe twateye turi kumwe, guhera ubu tugiye gufatana ibiganza twakira ibiza byose turi kumwe. Ndagukunda.”

Youssef Rharb yakiniye Rayon Sports bwa mbere mu mwaka w’imikino wa 2021-22, bidateye kabiri yahise atandukana na yo, yaje kugaruka muri iyi kipe mu mwaka w’imikino wa 2023-24 aho yayisinyiye muri Nyakanga 2023.

Youssef yakoze ubukwe na Fatima

Yamwambitse impeta y’urudashira

Umwaka wa 2024 wabaye uw’amata n’ubuki kuri The Ben wawutangiranye indirimbo nshya ndetse iherekeza ubukwe bwe n’umugore we Uwicyeza Pamella.

Iyi ndirimbo yakiriwe neza n’abantu bari bategereje igihe kinini ko uyu muhanzi akora mu nganzo. Iyi ndirimbo yahise akora amateka yo kurebwa n’abantu bangana na Miliyoni mu minsi ine, agahigo kari karakozwe na “Why” The Ben yakoranye na Diamond Platnumz ndetse na “My Vow’ ya Meddy.

Kuri ubu iyi ndirimbo yujuje Miliyoni eshatu y’abayirebye mu gihe kingana n’ukwezi, iza yiyongera ku ndirimbo nke zo mu Rwanda zari zarabikoze zirimo “Dusuma’ ya Meddy na Otile Brown, ‘Why’ ya The Ben na Diamond Platnumz, “My Vow’ ya Meddy na ‘Fou de toi’ ya Element, Ross Kana na Bruce Melodie nazo zabashije gukora aya mateka.

The Ben mu kiganiro kigufi yagiranye na InyaRwanda, yavuze ko yishimiye uko abantu bamwakiriye nyuma y’igihe kinini adashyira hanze indirimbo ye bwite.

Ati “Abantu banyakiriye neza, nubwo n’ubundi nari nsanzwe mpari (araseka).

Urumva nari nsanzwe nkora indirimbo ziganjemo izo nahuriyemo n’abandi bantu, mu myaka itatu irenga, nari ntarakora indirimbo njyenyine. Urumva ko abantu bari bakumbuye uwo The Ben.

Rero abantu banyakiriye neza, ‘Ni Forever’ bayakiriye neza. Ni nayo mpamvu nyine barimo kuyireba umunsi ku munsi”.

The Ben abajijwe ikigiye gukurikira kuri iyi ndirimbo, yagize ati “Ni byinshi, nababwiye ko uyu mwaka wa 2024 uzaba urimo ibikorwa byinshi bya The Ben. Ku wa 14 Gashyantare 2024 mfite igitaramo gikomeye muri Uganda, rero byinshi biraje vuba aha kandi ndanahura n’abanyarwanda muri Rwanda Day. Tuzagirana ibihe byiza”.

The Ben yatangiye umwaka afite urugo 


The Ben ari myiteguro yo gutaramira abazitabira Rwanda Day ndetse afite igitaramo gikomeye i Bugande

Reba Ni forever yujuje miliyoni eshatu mu kwezi

“>

Uyu mugabo yavutse tariki 28 Ukuboza mu 1981 avukira ahitwa Saint-André-de-Cubzac mu Bufaransa.

Julien Mette yatangiye gutoza akiri muto afite imyaka 22 gusa ahera mu makipe yo kumashuri atandukanye n’ubundi y’iwabo mu Bufaransa.

Mu 2006 yahise ajya gutoza mu ikipe ya FC Libourne ikina shampiyona y’icyiciro cya kabiri mu Bufaransa,atoza abana b’iyi kipe haba mu batarengeje imyaka 15 ndetse na 19.

Nyuma Julien Mette yakomereje mu ikipe y’abato ya Blanquefort ndetse na Jeunesse Villenavaise. Mu 2016 ibyo gutoza abakiri bato yahise abivamo ajya kuba umutoza Mukuru mu ikipe ikina shampiyona y’icyiciro cya mbere muri Repubilika Iharanira Demokarasi ya Congo,Tongo FC.

Mu mwaka yahamaze ntabwo ibintu byagenze neza kubera ko iyi kipe yarangirije ku mwanya wa 14 mu makipe 20 muri shampiyona maze muri Mata 2017 aza gusezera kuri aka kazi.

Mu ntangiriro za 2018 Julien Mette yahise agirwa umuyobozi wa siporo(sporting director) mu ikipe ya AS Otoho ndetse ubwo yari kuri izi nshingano iyi kipe yabashije gukina imikino ya CAF Champions League.

Nyuma y’umwaka gusa uyu mutoza yahise ahabwa akazi ko gutoza ikipe y’igihugu ya Djibouti asimbuye Umunya-Tunisia wayitozaga witwa Noureddine Gharsalli wari wirukanwe nta mukino atsinze mu mikino 5 yari amaze gutoza.

Julien Mette akigera ku nshingano zo gutoza ikipe y’igihugu ya Djibouti yatangiye neza atsinda umukino we wa mbere ndetse ananganya umukino we wa 2 yakinagamo na Eswatini mu gushaka itike y’igikombe cy’Isi cya 2022 cyabereye muri Quatar.

Nubwo yatangiye neza ariko indi mikino 6 yakurikiyeho yahise ayitsindwa bituma aza no kwirukanwa muri 2021. 

Julien Mette nyuma yo kwirukanwa n’ikipe y’igihugu ya Djibouti yahise asubira muri Repubilika Iharanira Demokarasi ya Congo gutoza ikipe ya AS Otoho anayifasha kwegukana igikombe cya shampiyona.

Ubwo yatwaranaga iki gikombe na AS Otoho yagize anagirwa umutoza mwiza w’umwaka witwaye neza kurusha abandi. 

Uyu mutoza wageze mu Rwanda ku wa Gatanu nijoro,aje gutoza ikipe ya Rayon Sports atari uko AS Otoho yamwirukanye ahubwo mu kiganiro n’itangazamakuru yavuze ko ubuzima bwo muri Repubilika Iharanira Demokarasi ya Congo bugoye dore ko butamwereraga kubonana n’umuryango we nk’uko abyifuza akaba ariyo mpamvu yaretse gukomeza kuyitoza.

Ku munsi w’ejo kuwa Gatandatu, Julien Mette ufite Licence UEFA A yarebye umukino we wa mbere wa shampiyona aho ikipe ya AS Kigali yatsindaga Kiyovu Sports igitego 1-0. Nk’uko amakuru abivuga yasinyiye Rayon Sports amasezerano y’amezi 6 narangira azongerwa andi masezerano y’igihe kirekire bijyanye n’uko azitwara.

Julien Mette,umutoza mushya wa Rayon Sports

Amaze imyaka irenga 20 ari muri uyu mwuga wo gutoza

Julien Mette arikumwe n’umunyamabanga wa Rayon Sports,Namenye Patrick ku munsi w’ejo barebye umukino AS Kigali yatsinzemo Kiyovu Sports