Category: Uncategorized

Ryashyizweho akadomo mu ijoro ryo kuri uyu wa Gatandatu tariki 27 Mutarama 2024, mu gitaramo cyahuje abiganjemo abakiri bato cyabereye muri Kigali Conference and Exhibition Village ahazwi nka Camp Kigali.

Iri serukiramuco ryari rimaze iminsi itatu ribera muri Institut Français kuva tariki 24 Mutarama 2024. Habereye ibikorwa birimo nko kugaragaza ibihangano by'abahanzi by'abanyafurika, ikinamico, ibiganiro n'abana bikomoza ku muco n'ibindi.

Ni ku nshuro ya kabiri ryari ribaye ryubakiye ku nsinganyamatsiko yo kugaragaza uruhare rw'ubuhanzi mu kubanisha abantu 'Art, as a tool Humanity.'

Ryari ryitezweho abanyamuziki barangajwe imbere na Josh Ishimwe uzwi mu ndirimbo zo kuramya no guhimbaza Imana, utigeze agaragara ahabereye iki gitaramo.

Umuyobozi wa Iteka Youth Organization, Niyonzima Yannick yagarutse ku rugendo rwagejeje ku gutegura iri serukiramuco ry'ubuhanzi.

Yavuze ko barajwe ishinga no gufasha abahanzi bo mu bihugu bitandukanye byo muri Afurika n'ahandi kugaragaza impano z'abo, hanatezwa imbere abakiri bato.

Iri serukiramuco rirangwa n'ibikorwa birimo kumurika imideli, imbyino z'abahanzi, kumurika n'ibindi bikorwa bishamikiye ku buhanzi n'ibindi bigaragaza 'uruhare rw'ubuhanzi mu kubungabunga amahoro no kunga ubumwe'.

Niyonzima yavuze ko Afurika igihura n'imbogamizi zizitira benshi muri sosiyete, ari nayo mpamvu hakenewe ubushake bwa buri umwe kubaka Afurika nziza.

Yavuze ko hari icyizere cy'uko ubuhanzi bwo muri Afurika buzagera ku rwego rwiza, ubundi ashima abafatanyabikorwa n'abandi babateye inkunga.

Ati 'Dufite ibihamya by'ahashije kandi biratwereka y'uko n'umwaka utaha bizagenda neza. Ndashima cyane abateye inkunga iki gikorwa.'

Iri serukiramuco ryaririmbyemo Chorale Christus Regnat izwi cyane muri Kiliziya Gatolika. Yavuze ko 'Dushimishijwe no kwifatanya na Iteka Youth Organisations yateguye iri serukiramuco.'

Iyi korali yaherukaga gukora igitaramo cyayo, yaririmbye indirimbo esheshatu mu gihe bamaze ku rubyiniro, basoza bakurikirwa ingofero.

Bitaye cyane ku ndirimbo z'abo zamamaye zirimo nka 'Hallelluajah Messiah', 'Nibutse ko udukunda', 'Oui Seigneur', 'Ziravumera', 'Abatoya ntibagapfe' ndetse na 'Zamnina Mina Zangalewa'.

Itorero Intayoberana ryinjiriye mu murishyo w'ingoma witwa 'Agasiga' waherekejwe n'umwiyereko w'abahungu n'abakobwa.

Hakurikiyeho imbyino 'Muriho' n'izindi ziganjemo ikinimba cya Byumba, Intwatwa, Umushayayo n'imbyino z'inka.

Banifashishije umuhamirizo w'intore wari urangajwe imbere n'amakondera, ingaraba ndetse na ruhage.

Iki gitaramo cy'iri serukiramuco ryashyizwe akadomo ahagana saa tanu n'igice z'ijoro n'itorero rya Himbaza Club rizwi cyane mu kuvuga ingoma zo mu Burundi, ariko babanjirijwe ku rubyiniro n'andi matsinda yo mu Burundi ariko Abeza b'Akaranga, Club Intwari, Umuti Band n'abandi.

Iri serukiramuco rizakomeza kuba buri mwaka, kandi buri gihe bazajya bashingira ku bitekerezo by'abantu mu rwego rwo kuryubaka. Umwaka utaha batekereza kuzifashisha abahanzi bo mu bindi bihugu mu rwego rwo kwagura iri serukiramuco.

Rifite intego yo kugaragaza impano no kumenyekanisha umuco nyafurika, kugaragaza uruhare rw'umuco mu kongera kubaka no gusigasira ubumwe.

Muri rusange rirangwa n'ibikorwa birimo imbyino, ubugeni, imyambarire, ikinamico n'ibindi binyuranye bifasha abaryitabira gususuruka.  

Ngoboka Cyriaque uri mu baririmbyi bo muri Chorale Christus Regnat y’ibigwi muri Kiliziya Gatolika

Abaririmbyi ba Chorale Christus Regnat bagaragaje ko bishimiye gutumirwa muri iri serukiramuco

Nzoyisenga Omer wo muri Club Intwali, ni umwe mu batanze ibyishimo muri iki gitaramo

Ni ubwa mbere Michael aririmbye muri iri serukiramuco ryubakiye ku buhanzi bushimangira ubumwe

Michael Makembe yagiye mu bafana mbarwa bitabiriye iki gitaramo abahereza impano z’indabo yari yitwaje

Ababyinnyi b’Itorero Intayoberana bagaragaje ubuhanga muri iki gitaramo cyabereye muri Camp Kigali 

Ababyinnyi b’abakobwa Itorero Intayoberana

Abasore ba Himbaza Club bakoresheje imbaraga nyinshi mu murishyo w’ingoma 

Umuyobozi wa Iteka Youth Organisations, Yannick Nizeyimana yanyuzwe n’ubuhanga bwa Himbaza Club

Himbaza Club yavuzwe cyane nyuma yo kwitabira ‘East Africa’s Got Takent’






Bamwe mu bitabiriye iri serukiramuco bagaragaje kunyurwa 

Ababyinnyi b’Itorero Abeza b’Akaranga

Iki gitaramo cy’iri serukiramuco kitabiriwe n’abantu mbarwa

Kanda hano urebe amafoto menshi y’igitaramo “Iteka African Cultural Festival”

AMAFOTO: Freddy Rwigema-InyaRwanda.com

Ibi KNC yabitangaje nyuma y’umukino wa shampiyona Gasogi United yatsinzwemo na AS Kigali igitego 1-0. Aganira n’itangazamakuru nyuma y’umukino nk’uko asanzwe abikora, uyu muyobozi yatangaje ko Gasogi United itazongera kubaho ukundi kuko atazongera gushora mu mupira wo mu Rwanda.

Yagize ati: “Mushobora kuba mugiye gutungurwa n’ibyo ngiye kubabwira, ikipe ya Gasogi United ndayisheshe guhera uyu munsi. Ntabwo dushobora kuzajya dukina ubona ibintu biraho, twihanganiye imisifurire inshuro nyinshi ariko ibi ntabwo twabyemera ari mu bijyanye n’iterambere cyangwa ibindi byose.

Ikipe yitwa Gasogi United nayiseshe. Icyo tugiye kureba ni ukureba abo dufitiye amafaranga, abakinnyi bashaka kugenda bagende, ntabwo tuzongera gushora na rimwe mu mupira wo mu Rwanda.”

Gasogi United isenyutse iri ku mwanya wa 8 n’amanota 22. Umwaka w’imikino 2019-20, ni bwo Gasogi United yatangiye gukina icyiciro cya mbere ikaba itari yakamanutseho na rimwe.

KNC yavuze ko abenshi bashobora kuvuga ko icyemezo yafashe kigayitse ariko nta kundi

Ni gahunda yatangijwe kuri uyu wa Gatandatu taliki 27 Mutarama 2024 mu nzu mberabyombi ya Kaminuza y'u Rwanda ishami rya Huye. Yitabiriwe n’Abanyacyubahiro batandukanye barangajwe imbere na Minisitiri Bizimana Jean Damascene wari umushyitsi mukuru.

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascene, mu ijambo rye yatangiye abwira urubyiruko ko uyu mwaka wa 2024 ari umwaka udasanzwe kuko u Rwanda rufitemo ibikorwa byinshi bifite icyo bisabanura ndetse by’ingirakamaro.

Muri ibyo bikorwa harimo kwibuka ku nshuro ya 30 Jenoside yakarewe Abatutsi muri Mata 1994, ndetse no Kwibohora ku nshuro 30, akaba ari nayo mpamvu hatangijwe iyi gahunda ya “Rubyiruko Menya Amateka Yawe”.

Minisitiri Bizimana yakomeje avuga ko iyi gahunda izakomeza mu gihugu hose kugira ngo urubyiruko rusobanurirwe amateka dore ko nta bantu bashobora kubaho batazi amateka yabo. Ati: “Iki gikorwa twifuje ko gitangirira hano muri Kaminuza y'u Rwanda Ishami rya Huye kubera ko ni igikorwa tuzakorera muri buri Ntara”.

“Buri Ntara hazajya haba igikorwa nk'iki kigenewe cyane cyane urubyiruko kugira ngo rukangurirwe kumenya amateka yarwo. Murabizi no mu Kinyarwanda hari imigani myinshi ibisobanura. Murabizi abanyarwanda baravuga ngo 'utazi aho ava ntabwo amenya aho ajya. 

Bivuze ko umuntu awo ariwe wese agomba kumenya amateka, atari ay'igihugu gusa n'amateka y'umuryango wawe ndetse n'amateka yaho utuye. Ntabwo abantu bashobora kubaho batazi amateka yabo, amateka abafasha kubaho kugira ngo bayigireho mu kumenya ibyiza bakabikomeza no mu kumenya ibyabaye bibi bakabikosora ariko no kugira icyerekezo …

Abanyarwanda bakongera bakagira bati 'utaganiriye na se ntabwo amenya icyo sekuru yasize avuze'. Ibyo birabereka ko amateka n'umuco ni ibintu bigenda biba uruhererekane kandi ikindi ni uko buriya igihugu cyose kugira ngo gikomere n'abantu bose kugira ngo bashobore kubaho babayeho neza biyubashye, ni uko babaho mu muco. Umuco kandi ujyana n'indangagaciro, iyo tuvuze ubutwari, ishyaka, gukunda igihugu, umurava…”

Yakomeje avga ko “igihugu cyose iyo kitubakiye ku muco wacyo kirazima, iyo tuvuga ngo Rubyiruko Menya Amateka, ni ukugira ngo bibafashe kumenya izo ndangagaciro n'amateka y'igihugu cyacu ariko mumenye n'igihe indangagaciro zishwe kandi zicwa n'abantu bize bagakwiye kuba urumuri rw'abaturage'.

Dr Bizimana Jean Damascene yakomeje avuga ko kuri ubu urubyiruko rufite amahirwe yo kuba rwaravukiye mu gihugu kiyobowe neza, kibigisha ubuzima n'Indangagaciro anatanga urugero ku muhanzi Rugamba Cyprien wahimbye indirimbo akayita 'NTUMPEHO'.

Yabwiye uru rubyiruko ko urubwira kwanga u Rwanda, rukwiriye kumubwira ngo ‘Ntumpeho’. Yatanze ingero z'abantu bari bakomeye bo mu karere ka Huye no muri Kaminuza Nkuru y'u Rwanda bagize uruhare rukomeye muri Jenoside yakorewe Abatutsi.

Yasoje yongera gusaba urubyiruko gukunda igihugu, kugikorera no kukirinda ndetse no kuba Abanyarwanda bafite indangagaciro.

Nyuma ya Minisitiri w'Ubumwe bw'Abanyarwanda n'Inshingano Mboneragihugu hakurikiyeho, ikiganiro cyarimo Numukobwa Assoumpta warokokeye Jenoside yakorewe Abatutsi muri Kaminuza Nkuru y'u Rwanda ndetse na Dufitumukiza Anaclet,Umurinzi w'igihango , basangiza urubyiruko ubuzima babayemo mu gihe cya Jenoside yakorewe Abatutsi mu 1994, barusaba kurwanya ivangura n'amacakubiri.

Urubyiruko rutandukanye rwaganiriye na InyaRwanda rwagaragaje ko rwiteguye guhangana n'abavuga nabi u Rwanda cyane cyane binyuze ku mbuga nkoranyambaga, biyemeza kwimakaza intero ya 'NTUMPEHO'.

Mbere yuko haba ibi biganiro, hari habanje gukorwa Umuganda udasanzwe wabereye mu murenge wa Kinazi n'ubundi mu karere ka Huye, waterewemo ibiti bigera ku bihumbi 13 ukaba witabiriwe n'abaturage batandukanye biganjemo urubyiruko rwaturutse muri UR Huye ndetse n’abayobozi batandukanye n’ubundi barangajwe imbere na Minisitiri wa MINUBUMWE, Dr Bizimana Jean Damascene.

Hanabaye igikorwa cyo kwibuka abigaga ndetse n’abakoraga muri Kaminuza Nkuru y'u Rwanda bishwe muri Jenoside yakorewe Abatutsi mu 1994.

Iyi gahunda ya Minisiteri y'Ubumwe bw'Abanyarwanda n'Inshingano Mboneragihugu yiswe “Rubyiruko Menya Amateka Yawe” izakomereza no mu zindi Ntara zigize u Rwanda ndetse hanaterwa ibiti aho biteganyijwe ko hazaterwa ibiti birenga Miliyoni.

Ubwo habaga igikorwa cyo gutera ibiti mu muhanda

Urubyiruko rutandukanye rurimo abiga mu bigo binyuranye byo mu karere ka Huye rukurikirana ikiganiro

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascene asobanurira urubyiruko byinshi ku mateka y’u Rwanda

Numukobwa Assoumpta warokokeye Jenoside yakorewe Abatutsi mu 1994 muri Kaminuza Nkuru y'u Rwanda yatanze ubuhamya n’uko yarokotse

Abanyeshuri ba UR Huye biyemeje kwimakaza intero ‘NTUMPEHO’ ku basebya u Rwanda

Rayon Sports yamaze kwemeza ko yatandukanye na rutahizamu w’Umugande, Joackiam Ojera werekeje gukina mu Misiri.

Rayon Sports yamaze gusohora itangazo ishimira uyu mukinnyi wari uyimazemo umwaka, uburyo yitwaye bamwifuriza guhirwa mu Misiri agiye gukina.

Nubwo batavuze ikipe, amakuru avuga ko ari mu ikipe ya Al Mokawloon Al Arab SC ikina mu cyiciro cya mbere mu Misiri.

Agiye nyuma y’uko uyu mukinnyi wageze muri Rayon Sports mu ntangiriro za 2023 akayikinira imikino yo kwishyura ya 2022-23 akayifasha kwegukana igikombe cy’Amahoro, mbere y’uko umwaka wa 2023-24 utangira yari yongereye amasezerano y’imyaka 2. Bivugwa ko Rayon Sports yishyuwe ibihumbi 20 by’Amadorali kugira ngo imurekure.

Ibi byabaye mu ijoro ryo ku wa 24 rishyira ku wa 25 Mutarama, aho umugabo n’umugore we ndetse n’abana babo babiri, bose bitabye Imana.

Amakuru ava mu baturanyi b’uyu muryango, avuga ko iyi nzu yatwitswe n’umugabo biturutse ku makimbirane yari afitanye n’umugore we akoresheje lisansi, aho umugabo yahoraga umugore we kuba abana babo yarababyaranye n’abandi bagabo.

Umwe mu baturage yagize ati ' Yamubwiraga ko ari kumurerera abana be we atamubyarira.'

Umuyobozi w’Umudugudu wa Mulindi, Ntama Eugene, avuga ko ntakibazo kizwi bari bafitanye gusa ko ibyakozwe n’umugabo byari byateguwe.

Ati 'Umugabo nyiri urugo asa nk’uwari wabiteguye kuko yakoresheje lisansi. Haje inzego zose, dugamagara polisi, na RIB muri iryo joro. Abari bagihumeka bajyanwa kwa muganga n’Imbangukiragutabara zaje kubatwara i Kanombe, nyuma umwana wari washize umwuka bamujyana mu Bitaro bya Kacyiru.'

Nyuma nibwo abana, umugore n’umugabo bose baje kwitaba Imana, kubera guhira muri iyi nkongi y’umuriro yibasiye inzu babagamo.

Pasiteri Ezra Mpyisi yatabarutse kuri uyu wa Gatandatu tariki 27 Mutarama 2024 nk’uko byemejwe n’umuryango we.

Ezra Mpyisi uzwi cyane mu nyigisho z’ijambo ry’Imana, yari n’umwe watangaga ibiganiro bigaruka ku mateka yo hambere by’umwihariko ayo ku gihe cy’Ubwami dore ko yanagize imyanya inyuranye Ibwami.

Atabarutse ku myaka 102, nyuma y’iminsi micye abuzukuru be bamuritse fimi bamukoreye yiswe 'Sogokuru’.

Mu minsi ishize, hari ibihuha byatambutse ku mbuga nkoranyambaga ko yatabarutse, ariko aza kubihakana, avuga ko ariko atanatewe ubwoba no kwitahira, kuko igihe nikigera azatabaruka ndetse ko n’uwo wamubitse agihumeka na we azapfa.

UKWEZI.RW

Ni umukino wabereye kuri sitade ya Kigali Pele Stadium kuri uyu wa Gatandatu tariki 27 Mutarama 2024 aho Gasogi United ariyo yari yakiriye.

Uko umukino wagenze mu nshamake

Ku munota wa 5 gusa, rutahizamu wa Gasogi United Balako Christian ntabwo yatinze kwerekana ko ashobora kuba akaze, aho yafashe umupira imbere y’izamu, ukubita umutambiko. 

Ku munota wa 22 Dusingizimana yazamukanye umupira yambukiranya ikibuga mo kabiri, arinda agera imbere y’izamu, arekura ishoti rikomeye umupira uca iruhande rw’izamu.

Ku munota wa 42, AS Kigali yabonye igitego, ku mupira Muderi Akabar yihereye abakinnyi ba Gasogi United ufatwa na Serge wahise ahereza Benedata Janvier warebanaga n’izamu neza, umupira awutereka  mu izamu.

Umusifuzi yongeyo iminota 4 nayo irangira nta mpinduka, amakipe ajya kuruhuka.

Ku munota wa 55 Gasogi United yabonye kufura yatewe na Muderi Akbar, ayitereka mu nguni y’izamu, umupira Hakizimana arirambura awushyira muri koroneri.

Ku munota wa 65, amatara ya sitade yaje kuzima kuko amavuta yari abaye make. Ku munota wa 74, umukino waje gukomeza ariko amatara yo muri sitade bayacana igice.

Ku munota wa 90 AS Kigali yahushije igitego ku mupira wazamukanwe Ssekisambu awukata neza ashakisha Ebeni nawe wahise ashota adahagaritse umupira uca kuruhande.

Ku munota wa 98″ umusifuzi yongeyeho iminota 4 y’inyongera, gusa muri iyo minota Hakizimana Adolphe yabonyemo ikarita y’umuhondo kubera gutinza umukino.

Umukino waje kurangira AS Kigali ifite igitego 1 ku busa bwa Gasogi United ndetse ihita yegukana amanota 3.

Abakinnyi 11 Gasogi United yabanje mu kibuga

Dauda Ibrahima
Niyitegeka Idrissa
Udahemuka Jean
Nshimiyimana Marc Govin
Mugisha Joseph
Niyongira Danny
Muderi Akbar
Lisele Lisombo Cedric
Balako panzi Christian

Abakinnyi 11 As Kigali yabanje mu kibuga

Hakizimana Adolphe
Benedata Janvier
Ndayishimiye
Akayezu Jean Bosco
Kayiranga Leon
Dusingizimana Gilbert
Kevin Ebene
Alain Serge
Raphael Osaluwe
Erisa Ssekisambu
Kone Lotin Felix

Mu gice cya kabiri ahagana ku munota wa 65, umuriro waje kubura iminota 9

Guy Bukasa utoza AS Kigali, yakinaga n’ikipe yabereye umutoza 

Nyuma yo kuganira ku bibazo bitandukanye byugarije umuryango, ku nshuro ya kabiri hagiye kubaho umugoroba wahariwe imiryango. Kuri iyi nshuro, abazitabira uyu mugoroba wiswe ‘Kigali Family Night,’ bazaganirizwa kuri kimwe mu bibazo bitatu bitera amakimbirane mu ngo, icyo kikaba ari imitungo.

Ku nshuro ya mbere, mu baganirije imiryango ndetse n'abandi babashije kwitabira harimo Dr. Muyombo Thomas, Pst. Hortence Mazimpaka uyobora itorero rya Believers Worship Center akaba n'umushoramari ndetse n'umuryango w'icyitegererezo wa Ngarambe.

Kuri ubu mu batumirwa bazaganiriza abazitabira uyu mugoroba uzaba kuri iki Cyumweru tariki 28 Mutarama 2024 harimo, Prof. Alfred Bizoza inzobere mu by'ubukungu kandi akaba asanzwe avuga ku byerekeranye n'umuryango, Couple ya Olivier ndetse na Carine Karangwa, izatanga ubuhamya bw'uko bo bakoresha umutungo w'urugo rwabo, 'kugirango ibiganiro byacu bibe atari ukuvuga amagambo gusa ariko ari no kuvuga ibintu koko bibera mu rugo.'

Agashya gahari ni uko guhera ejo ku isaha y’i saa kumi, hazabaho umwanya munini wo kuganira, abitabiriye bagahabwa umwanya uhagije wo kuvuga ibibari ku mutima, akarusho kandi bakaba baranashyiriweho n’uburyo bwo kubaza ibibazo buborohereza kubaza ibibazo ariko ntihamenyekane ko aribo babibajije.

Hubert Sugira watangije iyi gahunda aganira na InyaRwanda yagize ati: 'Imitungo iteza ibibazo byinshi mu miryango cyane rwose, ariko ubundi ntabwo ariko byari bikwiye. Imwe mu mpamvu rero, iterwa no kugira ubumenyi buke no kuba ibintu by'umutungo abantu babifata nka kirazira, ntibabiganire neza.'

Mu rwego rwo kumara abantu impungenge kandi, yanakomoje ku kibazo kijyanye n’uko ubushize abantu bitabiriye ku kigero cyo hejuru bakaruta ubushobozi bw'icyumba cyari cyateguwe, avuga ko abantu bazitabira ari abahwanye n’umubare wiyandikishije mu gihe cyagenwe gusa.

Kugira ngo hakumirwe iki kibazo hakiri kare kandi, bafatanije ibyumba bibiri kugira ngo hongerwe umubare w'abagomba kwitabira.

Kwinjira muri iyi gahunda cyangwa se uyu mugoroba wiswe 'Kigali Family Night' uzabera kuri Park Inn Hotel mu Mujyi wa Kigali, ni ukwishyura ibihumbi 25 Frw ku muntu umwe. Watangira kwiyandikisha unyuze ku rubuga rwa www.kigalifamily.com ari na ho unyura uguze amatike.

Reba hano amwe mu mafoto yaranze “Kigali Family Night Edition 1”

Biraba biryoshye kuri iki cyumweru muri Kigali Family Night