Category: Uncategorized

Nelly Mukazayire ari mu bihumbi by'abantu bitabiriye itangwa ry'ibi bihembo mu muhango wabaye mu ijoro ryo ku Cyumweru tariki 4 Gashyantare 2024, mu Mujyi wa Los Angeles muri Leta Zunze Ubumwe za Amerika. Ibihembo byatanzwe mu byiciro 94.

Ibi bihembo byatanzwe ku nshuro ya 66, byegukanwa n'abarimo Miley Cyrus, SZA, Billie Eilish na Taylor Swift batwaye ibihembo bikuru. Umuhanzikazi Tyla uherutse i Kigali mu bitaramo bya Giants of Africa, yegukanye Grammy ye ya mbere ku myaka 22 mu cyiciro cya best African performance.

Mu ijambo rye yagize ati 'Ibi birarenze! Sinigeze ntekereza ko natsindira Grammy ku myaka 22!'

Mu ijoro ryo kuri uyu wa Mbere tariki 5 Gashyantare 2024, Ikigo cy'Igihugu cy'Iterambere (RDB), cyatangaje ko Nelly Mukazayire yagiranye ibiganiro byihariye na Perezida wa Recording Academy itegura Grammy Awards, Panos Panay n’abandi bayobozi bo muri Afurika y'Epfo na Kenya ku guteza imbere inganda ndangamuco muri Afurika.

Mu butumwa bwo kuri X [Yahoze ari Twitter], Nelly Mukazayire yavuze ko Inganda Ndangamuco ari umurongo mwiza wo guteza imbere impano, guhanga imirimo n'izamuka ry'ubukungu. Yizeza ubufatanye bwiza na Recording Academy itegura Grammy Awards.

Mu Ukwakira 2023, urubuga 'Africa Intelligence' rwasohoye inkuru ivuga ko umugabane wa Afurika ugiye kujya wakira ibirori bya Grammy Awards binyuze mu mushinga wa Recording Awards uzatangira hagati ya 2025 na 2026.

Uyu mushinga ugamije kwagura ibi bihembo bisanzwe bizatangirwa muri Leta Zunze Ubumwe za Amerika, bikagera no mu bindi bihugu.

Africa Intelligence yagaragaje ko muri Afurika imijyi yatoranyijwe kwakira ibirori bya Grammy Award ari itanu irimo: Kigali, Nairobi muri Kenya, Abidjan muri Côte d’Ivoire, Johannesburg muri Afurika y'Epfo ndetse na Lagos muri Nigeria.

Biteganyijwe ko Umujyi wa Abidjan wo muri Côte d’Ivoire uzakoreshwa nk'icyicaro cya Grammy Awards, ku bahanzi bo muri Afurika mu bihugu bikoresha Igifaransa.

Ibiganiro Nelly Mukazayire wo mu Ikigo cy'Igihugu cy'Iterambere yagiranye Panos Panay uyobora Recording Academy itegura Grammy Awards bishimangira ko igihe kizagera ibihembo bya Grammy Awards bigatangirwa i Kigali.

Umuyobozi Mukuru Wungirije w'Ikigo cy'Igihugu Gishinzwe Iterambere (RDB), Nelly Mukazayire yagiranye ibiganiro byihariye na Perezida wa Recording Academy itegura Grammy Awards, Bwana Panos Panay [Uri ibumoso]
 

Urutonde rw'abegukanye ibihembo bya Grammy Awards ku nshuro ya 66

1.Album y’umwaka

Uwatsinze: Taylor Swift – Midnights

Boygenius – The Record

Janelle Monáe – The Age of Pleasure

Jon Batiste – World Music Radio

Lana Del Rey – Did You Know That There’s a Tunnel Under Ocean Blvd

Miley Cyrus – Endless Summer Vacation

Olivia Rodrigo – Guts

SZA — SOS

2.Amajwi y’umwaka

Uwatsinze: Miley Cyrus – Flowers

Billie Eilish – What Was I Made For?

Boygenius – Not Strong Enough

Jon Batiste – Worship

Olivia Rodrigo – Vampire

SZA – Kill Bill

Taylor Swift – Anti-Hero

Victoria Monét – On My Mama

3.Indirimbo y’umwaka

Uwatsinze: Billie Eilish – What Was I Made For?

Dua Lipa – Dance the Night

Jon Batiste – Butterfly

Lana Del Rey – A&W

Miley Cyrus – Flowers

Olivia Rodrigo – Vampire

SZA – Kill Bill

Taylor Swift – Anti-Hero

 

4.Umuhanzi mushya mwiza

Uwatsinze: Victoria Monét

Coco Jones

Gracie Abrams

Fred Again..

Ice Spice

Jelly Roll

Noah Kahan

The War and Treaty

 

5.Pop solo ‘performance’ nziza

Uwatsinze: Miley Cyrus – Flowers

Billie Eilish – What Was I Made For?

Doja Cat – Paint the Town Red

Olivia Rodrigo – Vampire

Taylor Swift – Anti-Hero

 

6.Pop duo/group ‘performance’ nziza

Uwatsinze: SZA na Phoebe Bridgers – Ghost in the Machine

Labrinth Featuring Billie Eilish – Never Felt So Alone

Lana Del Rey Featuring Jon Batiste – Candy Necklace

Miley Cyrus Featuring Brandi Carlile – Thousand Miles

Taylor Swift Featuring Ice Spice – Karma

 

7.Album nziza ya pop mu majwi

Uwatsinze: Taylor Swift – Midnights

Kelly Clarkson – Chemistry

Miley Cyrus – Endless Summer Vacation

Olivia Rodrigo – Guts

Ed Sheeran – – (Subtract)

 

8.Indirimbo nziza ya R&B

Uwatsinze: SZA – Snooze

Coco Jones – ICU

Halle – Angel

Robert Glasper ft. SiR & Alex Isley – Back to Love

Victoria Monét – On My Mama

 

9.Performance nziza ya R&B

Uwatsinze: Coco Jones – ICU

Chris Brown – Summer Too Hot

Robert Glasper Featuring Sir & Alex Isley – Back to Love

SZA – Kill Bill

Victoria Monét – How Does It Make You Feel

 

10.Album nziza ya R&B

Uwatsinze: Victoria Monét – Jaguar II

Babyface – Girls Night Out

Coco Jones – What I Didn’t Tell You

Emily King – Special Occasion

Summer Walker – Clear 2: Soft Life EP

 

11.Indirimbo nziza ya rap

Killer Mike ft André 3000, Future and Eryn Allen Kane – Scientists & Engineers

Doja Cat – Attention

Nicki Minaj & Ice Spice ft Aqua – Barbie World

Lil Uzi Vert – Just Wanna Rock

Drake & 21 Savage – Rich Flex

 

12.Performance nziza ya rap

Killer Mike ft André 3000, Future and Eryn Allen Kane – Scientists & Engineers

Baby Keem feat Kendrick Lamar – The Hillbilles

Black Thought – Love Letter

Drake & 21 Savage – Rich Flex

Coi Leray — Players

13.Album nziza ya rap

Uwatsinze: Killer Mike – Michael

Drake & 21 Savage – Her Loss

Metro Boomin – Heroes & Villains

Nas – King’s Disease III

Travis Scott — Utopia

 

14.Imbyino nziza ya pop

Uwatsinze: Kylie Minogue – Padam Padam

David Guetta, Anne-Marie & Coi Leray – Baby Don’t Hurt Me

Calvin Harris & Ellie Goulding – Miracle

Bebe Rexha & David Guetta – One In A Million

Troye Sivan — Rush

 

15.Perfomance nziza ya rock

Uwatsinze: Boygenius – Not Strong Enough

Arctic Monkeys – Sculptures of Anything Goes

Black Pumas – More Than a Love Song

Foo Fighters – Rescued

Metallica – Lux Æterna

 

16.Indirimbo nziza ya rock

Uwatsinze: Boygenius – Not Strong Enough

The Rolling Stones – Angry

Olivia Rodrigo – Ballad of a Homeschooled Girl

Queens of the Stone Age – Emotion Sickness

Foo Fighters – Rescued

 

17.Album nziza ya rock

Uwatsinze: Paramore – This Is Why

Foo Fighters – But Here We Are

Greta Van Fleet – Starcatcher

Metallica – 72 Seasons

Queens of the Stone Age – In Times New Roman…

 

18.Performance nziza ya muzika ya Africa

Uwatsinze: Tyla – Water

Asake & Olamide – Amapiano

Burna Boy – City Boys

Davido ft Musa Keys – Unavailable

Ayra Starr — Rush

 

19.Album nziza ya country

Uwatsinze: Lainey Wilson – Bell Bottom Country

Brothers Osborne – Brothers Osborne

Kelsea Ballerini – Rolling Up the Welcome Mat

Tyler Childers – Rustin’ in the Rain

Zach Bryan – Zach Bryan

 

20.Indirimbo nziza ya country

Uwatsinze: Chris Stapleton – White Horse

Brandy Clark – Buried

Morgan Wallen – Last Night

Tyler Childers – In Your Love

Zach Bryan ft Kacey Musgraves – I Remember Everything

 

21.Video nziza ya muzika

Uwatsinze: The Beatles – I’m Only Sleeping

Tyler Childers – In Your Love

Billie Eilish – What Was I Made For

Kendrick Lamar – Count Me Out

Troye Sivan – Rush

 

22.Igihembo cyiswe Dr Dre Global Impact

Uwatsinze: Jay-Z

 

Umuyobozi Mukuru Wungirije w'Ikigo cy'Igihugu Gishinzwe Iterambere (RDB), Nelly Mukazayire yijeje ubufatanye bwiza na Recording Academy itegura Grammy Awards

Nelly Mukazayire yavuze ko guteza imbere abari mu nganda ndangamuco birema imirimo n'ubukungu bukazamuka

Umuhanzikazi Tyla wo muri Afurika y'Epfo yegukanye Grammy Awards ye ya mbere

Bikubiye mu itangazo ryashyizwe hanze na Ambasade ya USA muri Repubulika Iharanira Demokarasi ya Congo kuri uyu wa Mbere tariki 05 Gashyantare 2024.

Iri tangazo rya Ambasade ya USA i Kinshasa, ritangira rivuga ko iki Gihugu cyishimira gukorana n’abafatanyabikorwa bo mu karere mu guhagarika ibibazo biri mu burasirazuba bwa DRC.

Riti 'Turasaba imitwe yose yitwaje intwari itari iya Leta, irimo na M23 yafatiwe ibihano na USA guhagarika imirwano kandi igashyira hasi intwaro.'

America kandi yongeye gushinja u Rwanda gufasha umutwe wa M23, kuko muri iri tangazo ryayo, yarusabye guhagarika gufasha uyu mutwe ngo kandi 'rugahita rukura abasirikare b’u Rwanda bari ku butaka bwa Congo.'

Iri tangazo rikomeza rivuga ko ngo ingabo z’u Rwanda zifasha M23, ngo biri mu bitiza umurindi ibibazo by’umutekano biri mu burasirazuba bwa Congo, rigasoza rivuga ko iki Gihugu cya USA kitahwemye kuvuga ko Ibihugu bigomba kubaha ubusugire bw’ikindi.

Ni mu gihe u Rwanda rwahakanye kenshi ko ntaho ruhuriye n’ibibazo biri mu burasirazuba bwa Congo, ndetse Perezida Paul Kagame ubwo yatangiza Inama y’Igihugu y’Umushyikirano iheruka mu kwezi gushize, akaba yarongeye kubishimangira ko nta na rimwe u Rwanda rwigeze ruba nyirabayazana w’ibi bibazo.

UKWEZI.RW

Ibi bitangajwe nyuma y’iminsi micye Charles III ajyanywe kwa muganga kuvurwa Prostate, ndetse bigatangazwa ko kubagwa kwe kwagenze neza, kuko yaje no gutaha.

Mu itangazo ryashyizwe hanze kuri uyu wa 05 Gashyantare 2024, Ingoro y’Ubwami bw’u Bwongereza, yatangaje ko Umwami yasanganywe indwara ya Cancer nyuma y’uku kuvurwa kwe.

Muri iri tangazo, Ingoro y’Umwami yagize ati 'Nyiricyubahiro uyu munsi yatangiye ingengabihe ihoraho y’ubuvuzi, kandi muri icyo gihe yasabwe n’abaganga kuba ahagaritse inshingano zatumaga ajya mu ruhame.'

Gusa ngo muri iki gihe nubwo azaba atagaragara mu ruhame, azakomeza inshingano z’ubwami ndetse n’izindi zose zirebana n’ubuzima bw’Igihugu.

Ingoro y’Umwami yavuze ko Charles III ashimira itsinda ry’abaganga be, kuko bakomeje gukora ibishoboka byose bakamuha ubuvuzi, ku buryo 'yizeye kongera kugaruka mu nshingano zituma agaragara mu ruhame mu gihe cya vuba gishoboka.'

Nanone Ubwami buvuga Umwami yahisemo gutangaza aya makuru y’uburwayi bwe, kugira ngo hatagira ababwuriraho bagahimba amakuru anyuranye n’ukuri, ndetse bikaba bizanafasha abandi bose bafite uburwayi bwa Cancer.

UKWEZI.RW

Byatangajwe na Minisitiri w’Intebe Wungirije akaba na Minisitiri w’Umutekano, Jean Pierre Bemba ubwo iyi nama Nkuru y’Umutekano yateranye kuri uyu wa Mbere tariki 05 Gashyantare yari ihumuje.

Yavuze ko Perezida Félix Tshisekedi yatumije iyi Nama Nkuru y’Umutekano kugira ngo hasuzumwe ibikorwa bya Gisirikare muri Kivuga ya Ruguru.

By’umwihariko Jean Pierre Bemba, yavuze ko muri iyi nama hafatiwemo ingamba zikomeye zirebana n’uko urugamba ruhagaze muri iki gihe.

Yagize ati 'Inama Nkuru y’Ingabo yatanze ubutumwa ku baturage bose b’Umujyi wa Goma, ko hari gukorwa ibishoboka byose kugira ngo Umujyi wa Goma udafatwa.'

Ikindi kandi ngo ni uko abantu batagomba kumira bunguri ibyo basoma ku mbuga nkoranyamaba, ngo 'kuko bishobora kuzamura icyoba mu bantu cyangwa bakaba bacika intege.'

Jean Pierre Bemba uherutse kwemeza ko igisirikare cy’Igihugu cyabo cyagaragaje ko gifite intege nke imbere y’umutwe wa M23, ubu yavuze ko ntako FARDC itari gukora.

Iyi Nama Nkuru y’umutekano muri RDC yateranye mu gihe umutwe wa M23 ukomeje gufata ibindi bice byiyongera ku byo wari usanzwe ugenzura, ndetse ukaba wamaze kugota umujyi wa Goma, aho bamwe bafite ubwoba ko isaha n’isaba uyu mutwe wafata uyu mujyi.

UKWEZI.RW

Ni Urubanza rwaburanishijwe n’Urukiko rw’ibanze rwa Gasabo kuri uyu wa 05 Gashyantare, 2024.

Ubushinjacyaha bwasabye ko Karuranga Jane afungwa by’agateganyo kubera impamvu zikomeye zituma akekwaho ibyaha ndetse n’izituma akurikiranwa afunzwe by’agateganyo.

Bwanagaragaje ko uyu mukozi yari ashinzwe abakozi muri Kaminuza y’u Rwanda ariko aza guhindura amanota y’umwe mu bari bakoze ikizamini cy’akazi mu ishami ry’ubuvuzi aratsinda kandi mu by’ukuri yari yatsinzwe.

Ubushinjacyaha bwabwiye urukiko ko uwo mukozi yari yahawe n’abakoresheje ibizamini amanota 67.3% Karuranga aza kubihindura akamuha 70.5%, bituma agaragara nk’uwatsinze ikizamini ndetse ahabwa akazi.

Abashinjacyaha babwiye urukiko ko mu ibazwa rye mu Bushinjacyaha no mu Bugenzacyaha yemeye ko yahinduye amanota y’uwo mukozi ariko ko yabikoze mu gukosora amakosa y’imibare yari yakozwe mu gihe cyo guteranya amanota y’uwo mukozi.

N’ubwo ngo yabivuze atyo, bamwe mu bari mu itsinda ryatanze amanota bagaragaje ko nta kwibeshya kwari kwabayemo, ko byakozwe n’umuntu ku giti cye.

Ubushinjacyaha bwagaragaje ko bumukurikiranyeho guhimba no guhindura inyandiko, kuzimanganya ibimenyetso ndetse no gukoresha ububasha ahabwa mu nyungu ze bwite.

Bwasabye ko yakurikiranwa afunzwe kuko ari bwo buryo bwatuma atabangamira iperereza rigikomeje ku byo akurikiranyweho.

Karuranga Jane we mu kwisobanura, yavuze ko atahimbye amanota nk’uko Ubushinjacyaha bubivuga, ahubwo ko yakosoye amakosa yarimo kandi yari abifitiye ububasha nk’umukozi ushinzwe abandi.

Yagaragaje ko ibizamini by’akazi byakozwe birarangaira akora raporo y’abatsinze ariko aje kugenzura nyuma asanga harabayemo amakosa yo kwibeshya mu mibare kuri umwe mu bakozi, arabihindura abikorera raporo abigeza ku bayobozi barabyemera barabisinya.

Avuga ko nta nyungu yari abifitemo kuko uwo mukozi yari umunyamahanga kandi batari baziranye cyangwa ngo hagire icyo bamuha ku buryo yakoresheje ububasha bwe mu nyungu ze bwite.

Ku bijyanye no guhisha ibimenyetso, Karuranga Jane yavuze ko ntabyo yahishe kuko yanasatswe inshuro nyinshi ndetse n’ibyo yakoze byinshi bikaba byarifashishije ikoranabuhanga.

Karuranga yagaragaje ko uwo mukozi yahawe akazi muri Kaminuza y’u Rwanda akitwara neza kuko yaje guhembwa nk’umukozi w’indashyikirwa.

Yasabye gukurikiranwa adafunzwe kuko afite uburwayi bw’umuvuduko w’amaraso n’igifu akanagira umwana urwaye yitaho mu bitaro bya CARAES- Ndera.

Umwunganira nawe yagaragaje ko habayeho ikosa ryaturutse ku kazi kenshi n’ubwihutirwe bw’akazi bwari buhari, ashimangira ko mu myaka 25 yari amaze muri Kaminuza yari asanzwe ari inyangamugayo.

Uyu munyamategeko yunze mu ry’umukiliya we avuga ko hakozwe raporo kuri telefoni ye, hagamijwe kureba niba hari aho yahuriraga n’uwo mukozi mushya ariko ngo ko nta hantu byagaragaje.

Avuga ko ibyabaye byafatwa nk’ikosa ry’imyitwarire aho kuba icyaha nshinjabyaha.

Yashimangiye kandi ko mu gihe urukiko rwabibona ukundi, rwagira ibyo rumutegeka agomba kubahiriza kandi ngo afite umuvandimwe wemeye kumubera umwishingizi ariko agakurikiranwa ari hanze.

Urukiko rwahise rupfundikira urubanza, rwemeza ko ruzasoma icyemezo cyarwo tariki 09 Gashyantare 2024.

Perezida Evariste Ndayishimiye yabitangarije mu kiganiro yagiranye n’abahagarariye Ibihugu byabo n’imiryango mpuzamahanga mu Burundi, cyabaye mu mpera z’icyumweru gishize.

Ndayishimiye yabaye nk’uregera aba badipolamate u Rwanda, ashinja gufasha umutwe wa RED-Tabara, wagabye igitero mu Burundi ukivugana abarenga 20.

Yabwiye aba bahagarariye Ibihugu byabo n’Imiryango Mpuzamahanga, ko ibikorwa by’iterabwoba bitigeze biha agahenge Igihugu cyabo.

Ati 'Twasoje umwaka mu cyunamo cy’abana bacu, ababyeyi bacu, abavandimwe ndetse na bashiki bacu bazize igitero cy’iterabwoba cyateguriwe mu Gihugu cy’u Rwanda duturanye.'

Perezida Ndayishimiye yavuze ko u Rwanda ari rwo rushaka aba barwanyi, rukabaha imyitozo ndetse n’ibikoresho.

Yagize ati 'Twatunguwe cyane no kubona iki gihugu cy’u Rwanda duturanye gishaka ibyihebe mu nkambi y’impunzi ya Mahama, kikabaha imyitozo, kikabibungabunga ndetse kikanabiha intwaro cyitwikiriye amategeko mpuzamahanga yo kurengera impunzi.'

Ni mu gihe u Rwanda rwo rwamaganye ibi birego rushinjwa n’u Burundi, aho rwavuze ko ntaho ruhuriye n’uwo ari we wese urwanya ubutegetsi bw’iki Gihugu cy’igituranyi.

Nyuma y’uko u Burundi bushinja u Rwanda gufasha uyu mutwe wa RED-Tabara, iki Gihugu cyahise kinafunga imipaka igihuza n’u Rwanda, ndetse bamwe mu Banyarwanda bari mu Burundi batangira kuhahurira n’ibibazo kuko bamwe bafunzwe ndetse hakaba n’abafungiye ahatazwi.

Iyo utekereje isura y’umunyamakuru akaba n’umujyanama w’abahanzi Irene Mulindahabi, mu mutwe wawe hazamo umuntu ufite indangururamajwi (Microphone) mu kuboko kw’iburyo ariko ukw’ibumoso kutagaragara, kwanagaragara, ntubone ikiganza.

Iyo wihaye intego yo kugenzura neza ngo urebe uko kuboko kundi, ujya mu mafoto n’amashusho bye nabwo ugasanga ntabwo ukuboko kw’ibumoso kugaragara neza.

Ibi byabereye urujijo abamukurikira bibaza niba uku kuboko gufite ubumuga ndetse bamwe batangira gutekereza ko yaba ari ko yahisemo kugaragara kuri Camera kugira ngo atandukane n’abandi mu misusire. Icyakora si ko byagenze.

Ukuboko kwa Irene Mulindahabi gufite ubumuga!

Nkivuga ibi uhise utekereza ko Mulindahabi yaba yaravukanye ubu bumuga cyangwa akabugira bitewe n’uburwayi runaka. Gusa byose sibyo kuko ubu burwayi bwatewe n’ubumenyi buke bw’abaganga.

Mu kiganiro Irene Mulindahabi yatangiye ku muyoboro wa YouTube ye ‘MIE Empire’, ubwo uyu munyamakuru yamurikaga ikiganiro gishya yise “Mie Chopper’, yasabye abantu kumubaza ibibazo bitandukanye.

Abenshi bahurije ku mpamvu ukuboko kwe kw’ibumoso adakunze kukwerekana kuri Camera cyangwa se mu ruhame. M. Irene yavuze ko yari yaririnze kukivugaho kuko yatekerezaga ko ari ikintu cyakora ku mitima ya benshi ndetse kigahindura ibintu byinshi.

Mulindahabi yagize ati “Mvuka navutse nk’umwana meze neza nta kibazo na kimwe kandi n’uko meze nshima Imana kuko niyo ingize uwo ndiwe, niyo nkesha ubuzima.

Muzabona abantu bavuga ngo ‘Imana’ abandi bajye kuyibeshyera, abandi bitwikire amazina bafite, bayibeshyera ariko njye Imana mbabwira narabibonye”.

Yakomeje agira ati”Navukiye hariya hepfo ku bitaro bya Muhima. Hari ahantu bafite service mbi cyane, sinzi niba byarahindutse ariko njyewe mfite ibimenyetso ko bari bafite serizisi mbi mu gihe twavukaga. 

Abahavukiye bikagenda neza sinzi gusa njyewe ntabwo byagenze neza. Icyakora nshimira Imana ko nabayeho kandi umugambi wari uwayo.

Irene Mulindahabi yavuze ko yavutse adafite ikibazo na kimwe ariko kubera amikoro macye bigatuma hari abaganga bamwigiraho gukingira bikamugiraho ingaruka.

Ati “Navutse neza nta kibazo, hanyuma umubyeyi aza kujya kunkingiza bisanzwe nk’abandi bana bato b’impinja. Aho ni naho habaye ikibazo.

Bazanaga abaganga barimo kwimenyereza umwuga baje kwiga gukingira abantu, bagashaka abana bamwe na bamwe bo kwigiraho niko nabyita.

Birumvikana ko umwana bafataga wo kwigiraho ari wa mwana wo muri ya miryango itishoboye, atazajya kubarega kandi nanjye nari ndi muri iyo miryango”.

Irene Mulindahabi yavuze ko umubyeyi we atari asobanukiwe ibyo gukingira ku buryo atari kumenya niba uwo muntu ari umwiga birangira mu bana bigiweho harimo na Irene, ibintu byamugizeho ikibazo.

Ati “Njyewe yanyigiyeho, atera aho badatera, imitsi yanjye yo mu kuboko irangirika”.

Irene Mulindahabi avuga ko kubera nta kivugira yari afite, nta kundi byari kugenda, yabanye n’ubwo bumuga ndetse ko imikorere ye byasabaga ko akoresha ukuboko kumwe.

Avuga ko akiri umwana yasengaga Imana ayisaba kuzamuha umurimo yakora neza utarimo gukoresha amaboko kuko yari amaze kubona ko atabishobora.

Irene ashima Imana yamuhaye impano yo kuba umunyamakuru kuko imirimo y’amaboko atari ayishoboye.

Irene Mulindahabi yatewe nabi urushinge bimuviramo kugira ubumuga bw’ukuboko bw’ibumoso

Irene Mulindahabi yahoze asaba Imana kuzamuha umurimo yakora neza adakoresheje amaboko

Irene Mulindahabi avuga ko atakongera kwivuriza cyangwa ngo avurize uwe ku bitaro bya Muhima

Tariki 15 Ugushyingo, nibwo Ikipe ya Bugesera FC yatangaje ko yasinyishije umutoza Haringingo Francis wagombaga kubafasha mu mikino ya shampiyona ndetse n’igikombe cy’Amahoro, kuko Eric Nshimiyimana bavuga ko yatangiye nabi shampiyona ndetse umusaruro we utamwemerera kugumana ikipe. Eric Nshimiyimana yasize iyi kipe iri ku mwanya wa 10 n’amanota 9 mu mikino 10 yari amaze gukina.

Bugesera FC yari yatangiye umwaka w’imikino yegukana igikombe cy’intara y’Iburasirazuba 

Haringingo Francis kuva yagera muri Bugesera FC, amaze gukina imikino 9 afitemo amanota 8 ndetse ikipe imaze gusubira ho inyuma imyanya 5 ugendeye ku mwanya wa Eric Nshimiyimana yayisizeho.

Haringingo se nawe yagenda?

Haringingo Francis ni umwe mu batoza bamenyereye shampiyona y’u Rwanda, gusa akaba umutoza utamenyereye gufata ikipe muri shampiyona hagati. Urebye aho yanyuze hose Haringingo Francis ni umutoza wiyubakira ikipe ndetse akagira uruhare mu igurwa ryayo ubundi ashaka amanota hakiri kare.

Haringingo ntabwo umusaruro we umuvuganira n’ubwo ikipe ye ifite n’ubukene butubutse

Bugesera FC iri kugana ahabi, ndetse nta n’icyizere iri gutanga cyo kuva mu gace irimo kuko mu mikino ine iheruka ya shampiyona, ifitemo amanota 2 gusa.

Usibye no kubura umusaruro,  abakinnyi ba Bugesera FC bari mu bihe bigoye kuko bamaze hafi amezi ane badahembwa, ndetse umuntu yavuga ko biri mu bigize umusaruro muke iyi kipe ifite.

Bugesera FC mu mikino ya vuba aha ifite, igomba gukina na Kiyovu Sports, Gasogi United na APR FC, akaba ari ho hazatanga ubusobanuro ku hazaza ha Haringingo Francis ndetse na Bugesera FC. 

Umusaruro wa Haringingo Francis na Eric Nshimiyimana yasimbuye mwawusanga aha mu buryo bw’imibare

Umunya-Eritrea Henok Mulubrhan wari witezwe muri Tour du Rwanda 2024, nta kiyitabiriye nyuma yo kubagwa urutugu.

Henok wegukanye Tour du Rwanda 2023 agomba kumara ibyumweru bitatu adakina nyuma kubagwa igufwa ry’urutugu rw’ibumoso.

Ku wa Gatanu, tariki ya 2 Gashyantare ni bwo uyu mukinnyi ukinira ikipe ya Astana Qazaqstan aheruka kwerekezamo ku masezerano y’imyaka ibiri, yakoze impanuka ubwo yagwaga hamwe n’abandi benshi mu isiganwa rya AlUla Tour.

Igufwa ry’urutugu rwe rw’ibumoso ryahise ryangirika akaba yarabazwe ku wa Mbere w’iki cyumweru.

Ikipe ye yagize iti “Uyu munsi, Henok Mulubrhan yabazwe ku igufa ryo mu rutugu rw’ibumoso kandi byagenze neza. Ubu, umukinnyi agiye kugira ibyumweru bitatu byo gukira mbere yo gusubira mu myitozo.”

Henok watwaye Tour du Rwanda 2023 akinira Green Project-Bardiani CSF-Faizanè, yari kuzakina Tour du Rwanda 2024 ari kumwe na Astana Qazaqstan Dev Team.

Ni umwe mu mazina akomeye yari ategerejwe mu rw’imisozi 1000 mu byumweru bibiri biri imbere ubwo Tour du Rwanda izaba iba ku nshuro ya 16 tariki ya 18-25 Gashyantare 2024.

Abarenga ibihumbi 6 baturutse mu nguni zose z'isi kuwa 02 na 03 Gashyantare 2024 bahuriye muri Leta Zunze Ubumw z'Amerika muri Rwanda Day 2024.

Muri iki gikorwa cyari kibaye ku nshuro ya 11, higiwemo byinshi bigamije gukomeza guteza imbere u Rwanda n'abarutuye.

Abantu bakozwe ku mutima n'impanuro za Perezida Kagame wavuze ko u Rwanda rutajya rwibagirwa abo rwibarutse kandi n’abo rwibarutse nabo batagakwiye kurwibagirwa.

Uretse ibiganiro bitandukanye byatanzwe hari n'ibikorwa byateguwe byayiherekeje birimo iby'imyidagaduro, imikino n'ibijyana n'ishoramari.

Ku ruhande rw'imyidagaduro The Ben akaba ari umwe mu baserutse neza mu gitaramo cyaherekeje Rwanda Day.

Kuri uyu wa 06 Gashyantare The Ben yakomoje ku ishimwe rimwuzuye ati'N'ubu ndacyiyumvisha neza urukundo neretswe muri DC.'

Agaragaza ko u Rwanda ari ahantu hadasanzwe ati'Abanyarwanda turi uburabyo bwiza cyane muri garden (Rwanda) nziza cyane nakwita Eden.'

Asoza asaba ko abantu bakwiriye guhuriza hamwe ati'Mureke dukomeze kwimakaza urukundo, umwete, ubumwe n'iterambere. Urukundo rwanjye kuri mwese ntirugira iherezo'The Ben yasabye abanyarwanda guhuriza hamwe bagafatanya kubaka u Rwanda yagereranije na Edeni ivugwa mu bitabo byeraThe Ben yataramiye abarenga ibihumbi 6 bitabiriye Rwanda Day 2024