Nyabugogo: Kazungu yakubise umugeri munda h'umudamu utwite maze Imbangukiragutaba ihagera yaguye igihumure anavirirana amaraso.
Umunyerondo ufata abazunguzayi muri Nyabugogo, uzwi ku izina rya Kazungu yakubise umugore utwite agwa igihumure, ahita ajyanwa kwa muganga igitaraganya.
Imbangukiragutaba yahageze uyu mudamu arimo avirirana amaraso kubera umugeri yakubiswe mu nda kandi atwite bituma aruka amaraso.
Gasogi United y'umukire Kakooza Nkuliza Charles uzwi nka KNC isezereye APR FC mu mukino y'igikombe cy'Amahoro.
Hari mu mukono wa 1/4, aho warangiye ari 0-0, bitabaza penaliti birangira Gasogi United ikomeje kuri penaliti 4-3.
Mbere y'uyu mukino, KNC yari yatangaje ko Gasogi United izatuma inzozi APR FC yari ifite zo gutwara igikombe cy'Amahoro n'icyashampiyona zitaba impamo.
Ikipe ya Rayon Sports WFC yatsinze Tiger WFC ibitego 17-0 mu mukino wo kwishyura mu gikombe cy'Amahoro.
Abatsinze ibitego harimo MUKESHIMANA Dorothée watsinze 3, MUKANDAYISENGA Jeannine 7, KANKINDI Fatuma na KAYITESI Alodie, UWANYIRIGIRA Sifa, NIBAGWIRE Libellée, Mary Chavinda Gibi buri wese yatsinze 1, ndetse na UWIRINGIYIMANA Rosine watsinze 2.
Rayon Sports WFC yasezereye Tiger WFC ku giteranyo cy'ibitego 20-0, kuko umukino ubanza warangiye Rayon itsinze 3-0.
Â
Kuri uyu wa Gatatu tariki ya 21 Gashyantare nibwo hasojwe imikino ya 1/4 cy'igikombe cy'Amahoro 2024, aho mu makipe akomeye harimo APR FC na Mukura VS zasezerewe.
Ni imikino yakinwe yo kwishyura yaje isanga iyari yabanje, i Huye mu ntara y'Amajyepfo ikipe ha Mukura yahatsindiwe na Bugesera FC igitego kimwe ku busa.
Ni igitego cyatsinzwe na Gakiza Aimee bityo iyi kipe ikomeza ku gitego kimwe kubusa mu mikino yombi kuko umukino ubanza wabereye i Bugesera amakipe yombi yari yasoje ari 0-0.
I Nyamirambo kuri Kigali Pele Stadium, ikipe ya Police FC yahaboneye itike yo gukina imikino ya kimwe cya Kabiri isezereye ikipe ya Gorilla FC ku bitego 4-1 mu mikino yombi.
Umukino wo kwishyura warangiye Police FC itsinze ibitego 2-1, ni ibitego byatsinzwe na Isamila Molo na Chukwuma Odiri ku ruhande rwa Police FC.
Ibi bitego bije bisanga ibindi 2-0 yari yatsinze mu mukino ubanza nawo wari wabereye kuri iyi Sitade yahoze yitwa Kigali Stadium.
Nyuma y'uwo mukino, Gasogi United yari yakiriye APR FC umukino urangira amakipe yombi anganya ubusa ku busa kimwe nk'uko umukino ubanza nawo wari wagenze.
Nk'uko amategeko abiteganya, iyo amakipe anganyije hahiya hitabazwa za Penaliti, aha nibo Gasogi United yaboneye intsinzi kuko yatsine penaliti 4 kuri 3.
Usibye iyi mikino yabaye uyu munsi, kuri uyu wa Kabiri, Rayon Sports yari yasezereye Vision FC ku giteranyo cy'ibitego 5-1 kuko mu mukino ubanza byarangiye ari 2-0 naho mueo kwishyura biba 3-1.
Muri 1/2 kizakinwa mu kwezi gutaha, ikipe ya Police FC izahura na Gasogi United yo izahure na Bugesera FC.
The post APR FC na Mukura VS mu makipe yasezerewe muri 1/4 cy'igikombe cy'Amahoro, Police, Rayon na Gasogi mu yageze muri 1/2 appeared first on RUSHYASHYA.
Ni umukino wabaye kuri uyu wa Gatatu Saa kumi n’ebyiri kuri Kigali Pelé Stadium aho Gasogi United ariyo yari yakiriye.
Watangiye ikipe ya APR FC ihererekanya ariko ikabikorera mu kibuga hagati abakinnyi nka Ismail Pitchou na Alain Bacca babonana neza ariko kugera imbere y'izamu ntibikunde.Â
Ku munota wa 18 Uwitwa Victor Mbaoma yarekuye ishoti riremereye ryashoboraga kuvamo n'igitego ariko ba myugariro ba Gasogi United barishyira muri koroneri itagize ikivamo.
Ikipe y'ingabo z'igihugu yakomeje gusatira cyane kurusha Gasogi United inarata uburyo bwinshi imbere y'izamu nk’aho Apam Bemol yazamuye umupira mwiza ashaka Victor Mbaoma ariko ararangara birangira umupira atagize icyo awumaza.
Mbere yuko igice cya mbere kirangira Gasogi United nayo yabonye uburyo bwiza imbere y'izamu rya APR FC aho uwitwa Panzi yarahawe umupira mwiza mu rubuga rw'amahina ariko awirutseho agiye kuwufata aranyerera uramurengana.
Mu gice cya kabiri ikipe y’Ingabo z’igihugu yaje ikomeza gusatira ariko umunyezamu wa Gasogi United, Dauda akitwara neza ayikuramo.
Umukino wakomeje Gasogi United nayo inyuzamo igasitira binyuze cyane kuri rutahizamu wayo, Panzi gusa ibijyanye n’igitego bikomeza kuba ikibazo.
Bigeze mu minota 75 amakipe yombi yatangiye kugabanya gusatira aho yatanyiga ko hari iyakwinjizwa igitego bikaza kugorana kwishyura.
Habura iminota micye ngo umukino urangire Mugisha Gilbert wari winjiye mu kibuga asimbuye yabonye amahirwe imbere y’izamu ariko arekuye ishoti rinyura impande y’izamu gato cyane ndetse abantu muri sitade bari bahaguritse bazi ko igitego cyagiyemo.
Umukino warangiye amakipe yombi anganya 0-0 bituma hahita hitabazwa penariti kugira ngo hamenyekane ikipe ikomeza muri 1/2 dore ko n’umukino ubanza wari warangiye nabwo ari 0-0.
Kuri penariti ikipe ya Gasogi United yahise yinjiza 4 naho APR FC yinjiza 3 ihita iyesezerera gutyo.
Muri 1/2 biteganyijwe ko Gasogi United izahura na Police FC yasezereye Gorilla FC muri 1/4.
Abakinnyi 11 ba APR FC babanje mu kibugaÂ
Abakinnyi 11 ba Gasogi United babanje mu kibugaÂ
Gasogi United yasezereye APR FC kuri penariti 4-3 mu mukino wo kwishyura wa 1/4 w’igikombe cy’Amahoro ihita ikomeza muri 1/2
Bumwe buryo APR FC yabonye imbere y’izamu ariko umunyezamu wa Gasogi United akabyitwaramo neza
Ubwo abafana binjiraga muri Kigali Pelé Stadium imvura igwa
Umutoza wa APR FC Thierry Froger n’umwungiriza, babara uko umukino uhagaze nubwo byarangiye basezerewe na Gasogi United kuri penaritiÂ
Gasogi itanze ibyishimo itsinda APR FC
 Kirasa Alain utoza Gasogi United,abwira abakinnyi be uko bitwara mu mukinoÂ
AMAFOTO: Ngabo Serge-InyaRwandaÂ
Guhera tariki 18 Gashyantare 2024 mu Rwanda hari kubera isiganwa ry’amagare ngarukamwaka rizenguruka ibice bigize u Rwanda rya Tour du Rwanda 2024.
Kuri uyu wa Gatatu nibwo hakinwaga agace ka 4 kavaga mu karere ka Karongi Kagera i Rubavu ku ntera y’ibilometero bingana na 93.Â
Byarangiye kegukanwe n’Umubiligi William usanzwe ari umukinnyi wa Soudal Quick-Step Devo Team.Â
Nubwo uyu mukinnyi ariwe wegukanye agace ariko ntabwo ariwe wahembwe gusa kubera ko hatangwa ibihembo no ku bandi bakinnyi baba bitwaye neza.
Muri ibi bihembo harimo n’igitangwa na MTN ibinyujije muri MOMO aho iri guhemba umukinnyi mwiza ukiri muto w’Umyafurika muri iyi Tour du Rwanda.
Uyu munsi cyatwawe na Aklilu Arefayne usanzwe ukinira Eritrea n’ubundi wanagitwaye mu duce duheruka 3 duheruka.
Uyu mukinnyi wavutse muri 2004 asanzwe akinira ikipe ya Wanty-ReUz-Technord yo mu Bubiligi.
Muri Tour du Rwanda, MTN irakangurira abakiriya bayo gahunda ya 'BivaMomoTima'
Ubu bukangurambaga bumaze imyaka ibiri, bugamije gushishikariza abantu kohererezanya amafaranga bakoresheje telephone.
Umuyobozi wa MTN Mobile Money muri MTN Rwanda, Chantal Kagame uyobora ati 'Ni ho hantu tugiye gushyira imbaraga, 2024 uzaba umwaka w'impano gusa nk'uko twabibabwiye.'
'Kwizigamira no kuguriza ni kimwe mu bintu tuzibandaho kuko tuzi ko bigira uruhare mu gukura k'ubukungu bw'Igihugu, kandi bifasha n'abakitiya bacu kuva ku rwego rumwe bakajya ku rundi, ari abatangira ubucuruzi, ari abashaka kwizigamira kugira ngo abana babo bazabashe kujya ku ishuri; turimo kureba ngo ni gute twakwigisha abantu kwizigamira bitabababaje.'
Jean Paul Musugi ushinzwe ubucuruzi muri MoMo, avuga ko abakiriya bazajya binjira muri iyi poromosiyo bakanze *182*16#, ubundi bishyure bakoresheje MoMo Pay inshuro nyinshi zishoboka.
Ati 'Abacuruzi na bo turabashishikariza gusaba ababagana kubishyura kuri MoMo pay zabo kugira ngo babashe kubona ibihembo.'
Buri cyumweru hazajya hatangwa ibihembo birimo amafaranga ibihumbi 100 Frw, ibihumbi 500 Frw, ndetse Miliyoni 1 Frw, ndetse na moto.
Aklilu Arefayne wahembwe na MTN ibinyujije muri MOMOÂ
Ku nshuro ya gatatu yikurikiranya, Mugisha Moise yongeye kurangiriza mu gikundi cya mbere cya Tour du Rwanda. Kuri uyu wa Gatatu ubwo hakinwaga agace ka 4 ka Tour du Rwanda 2024, Mugisha Moise yongeye kuba umukinnyi w’umunyarwanda uje hafi.
Mugisha Moise yaje ku mwanya wa 18 anganya ibihe na William Junior Lecerf wabaye uwa mbere akoresheje amasaha 2, iminota 19 n’amagonda 22. Nyuma y’aka gace, Mugisha Moise aganira n’itangazamakuru, yavuze ko kuba bafite amarushanwa make biri mu bituma bari kugorwa cyane.
Yagize ati: “Aba bakinnyi bavuye mu masiganwa akomeye, nk’ubu hari abakinnyi turi gukina nabo kuva uyu mwaka watangira bamaze gukina amasiganwa arenze abiri. Njyewe iri ni isiganwa rya mbere ndi gukina urumva ko tutari ku rwego rumwe.Â
Nibura umuntu agerageza gusoreza hamwe nabo kugira ngo ibihe bikomeze kungana, naho gutsinda byo birakomeye ariko birashoboka kuko haracyabura iminsi ine yose”.
Mugisha Moise agaruka ku gace kazakinwa kuri uyu wa Kane, yavuze ko bazakoresha imbaraga zabo zose. Ati: “Ejo nabyo birashoboka umuntu gukina ku giti cye, iyo ugerageza kwihanganira uburibwe bw’umusozi, hari byinshi wakora, ariyo mpamvu navuga ko ejo hashobora kuba ikintu kandi gikomeye cy’impinduka.
Kuri ubu, Mugisha Moise ni we munyarwanda uza hafi ku rutonde rusange, aho ari ku mwanya wa 17 akaba arushwa amasegonda 7 n’umukinnyi wa mbere.
Perezida wa Komisiyo y'Umuryango w'Afrika Yunze Ubumwe, Moussa Faki Mahamat, arasaba 'ibihugu by'ibihangange' kureka gukomeza kwivanga mu bibazo by'Abanyafrika ubwabo, by'umwihariko ibibazo byo mu bihugu byo mu Karere k'Ibiyaga Bigari.
Iyi ni imwe mu ngingo nyamukuru zikubiye mu itangazo Bwana Moussa Faki Mahamat yashyize ahagaragara kuri uyu wa gatatu, tariki 21 Gashyantare 2024, kimwe n'abandi bayobozi bo hirya no hino kusi, nawe akaba asanga ikibazo cyo mu burasirazuba bwa Kongo kidashobora gukemurwa n'intambara.
Perezida wa Komisiyo y'Umuryango w'Afrika Yunze Ubumwe kandi anahangayikishijwe n'ubushyamirane bukomeje gukaza umurego hagati ya Kongo-Kinshasa n'uRwanda, agashishikariza ibi bihugu byombi guha agaciro inzira y'ibiganiro amazi atararenga inkombe, nk'uko bibisabwa na Perezida wa Angola, João Lourenço, Umuhuza muri iki kizazo.
The post Moussa Faki Mahamat arasaba ibihugu by'ibihangange kureka gukomeza kwivanga mu bibazo by'Abanyafurika ubwabo appeared first on RUSHYASHYA.
APR FC yasszerewe na Gasogi United ntiyabasha kugera muri 1/2 cy’Igikombe cy’Amahoro cya 2024, yuzuza imyaka 7 itagitwara.
Kuri uyu wa Gatatu ni bwo habaye imikino 3 yari isigaye ya 1/4, ni nyuma y’uko ejo hashize Rayon Sports yari yasezereye Vision FC ku giteranyo cy’ibitego 5-1.
Uyu munsi Police FC ikaba yatsinze Gorilla FC 2-1 ihita igera muri 1/2 ku giteranyo cy’ibitego 4-1, ni nyuma y’uko kandi na Bugesera FC yakatishije iyi tike itsinze Mukura VS 1-0.
Hari hakurikiyeho umukino wa APR FC na Gasogi United wabaye saa 18h00′ zo kuri uyu wa Gatatu tariki ya 21 Werurwe 2024 ubera kuri Kigali Pelé Stadium.
Nyuma y’uko amakipe yombi yari yanganyije ubusa ku busa mu mukino ubanza wabaye mu cyumweru gishize.
Benshi bumvaga ari umukino ushobora kuza korogera ikipe y’Ingabo z’Igihugu ariko siko byagenze kuko yagerageje iminota 90 yarangiye itabashije kureba mu izamu.
Ni nako kandi ikipe ya Gasogi United na yo itorohewe n’ubwugarizi bwa APR FC ndetse n’umunyezamu Pavelh Ndzila. Umukino warangiye ari ubusa ku busa.
Byahise biba ngombwa ko hitabazwa penaliti maze Gasogi United ikomeza muri 1/2 kuri penaliti 4-3. Ruboneka Bosco na Victor Mbaoma bazihushije ni mu gihe Omborenga Fitina, Ishimwe Christian na Nshimirimana Ismaïl Pitchou ari bo bazinjije.
Ku ruhande rwa Gasogi United Iradukunda Axel, Mbirizi Eric, Yao Henock na Mugisha Rama Joseph bazinjije, Kabanda Serge arayihusha.
Nyuma yo gusezererwa, APR FC ikaba yujuje imyaka 7 itegukana iki gikombe, ikaba iheruka kugitwara 2017.
Muri 1/2, Rayon Sports izahura na Bugesera FC n’aho Police FC ihure na Gasogi United.
Kuri uyu wa Gatatu tariki 21 Gashyantare, ni bwo irushanwa rwaTour du Rwanda ryakomezaga, hakinwa agace ka kane. Aka gace, kahagurutse mu karere ka Karongi kerekeza mu Karere ka Rubavu.Â
Rwari urugendo rwa Kirometero 93, aho Williams Lecerf ukinira Soudal Quick-Step, ariwe wegukanye aka gace, akoresheje amasaha 2 iminota 19 n’amasegonda 22.
Nyuma y’iri siganwa, Mayor wa Rubavu yagiranye ikiganiro n’itangazamakuru, yemeza ko kwakira Tour du Rwanda ari ikimenyetso cy’amahoro u Rwanda rufite.Â
Yagize ati: “Nk’akarere ka Rubavu twishimiye kwakira isiganwa rya Tour du Rwanda, kandi murabona ko abaturage bishimye. Kwakira Tour du Rwanda biragaragaza ko dufite amahoro, umunyarwanda hano i Rubavu ndetse n’i Rusizi ameze neza nta kibazo afite arajya mu kazi. Ubu baje kureba igare, mu kanya barajya mu kazi kabo, nta kibazo bafite bari mu mahoro turaryamye kandi namwe muryame musinzire.”
DR Congo imaze iminsi igaragaza ubushotoranyi ku Rwanda by’umwihariko mu Karere ka Rubavu aho ingabo za Leta y’iki gihugu zigerageza kwinjira mu Rwanda ku bwende, ndetse bakanarurasaho, ariko bagasanga umutekano w’u Rwanda ntunyeganyega.
