Category: Uncategorized

Kuri uyu wa Gatandatu tariki 02 Werurwe 2024 ni bwo Killaman na Shemsa bamaze imyaka 8 babana bakoze umuhango wo gusaba no gukwa wabereye kuri Romantic Garden mu mujyi wa Kigali.

Uyu mugabo ufite izina rikomeye muri sinema nyarwanda, yahisemo Fuadi usanzwe ari umunyamakuru wa B&B Umwezi nka 'Parrain' we.

Yaherekejwe kandi n'inkumi zirimo Nyambo Jesca na Nelly Umulisa, bosa bakaba bamaze gushinga imizi mu myidagaduro.

Ku ruhande rw'abahungu bamwambariye harimo Bamenya, Rocky Kimomo, Fally Merci, Shaffy, Dr Nsabi na Mitsutsu.

Ibirori byo gusaba no gukwa byaranzwe n'ibiganiro byiza by'abasaza baserukiye imiryango yombi, biyoborwa na Julius Chita na Joshua.

Umuziki wagiye uvangwa mu buryo bwiza hananyuramo abahanzi ba gakondo.

Nyuma y'umuhango wo gusaba no gukwa, Shemsa na Killaman bakiriye imiryango, inshuti n'abavandimwe.

KANDA HANO UREBE UKO ABASORE BASERUTSE

KANDA HANO UREBE UKO INGANZO NGARI YASERUTSE

Ibyamamare byari byinshi mu baherekeje Killaman guhera kuri Rocky Kimomo

Nyambo Jesca na Nelly Umulisa bari mu bakobwa baherekeje Killaman Byari akanyamuneza mu bitabiriye bose yaba Killaman n’umugeni we Shemsa basanzwe bafitanye abana n’abandi baje babaherekeje

Igitego kimwe rukumbi cya Sharaf Eldin Shiboub Ali Abdelrahman cyahesheje intsinzi APR FC imbere ya Etincelles igumya kuyobora urutonde rwa shampiyona.

APR FC yari iyoboye urutonde irusha Rayon Sports ya kabiri amanota 7 ndetse inafite umukino w’ikirarane, yari yakiriye Etincelles FC kuri Kigali Pelé Stadium saa 18h30′.

Iminota ya mbere y’umukino, APR FC yarimo isatira ishaka igitego hakiri kare, ni nako Etincelles yanyuzagamo igasatira ariko amakipe yombi ntiyabasha kuyabyaza umusaruro.

Iminota 15 ya nyuma y’igice cya mbere, Etincelles yari yashyize igitutu kuri APR FC ndetse igenda ibona amahirwe ariko ntiyayabyaza umusaruro bajya kuruhuka ari ubusa ku busa.

APR FC yinjiye mu gice cya kabiri ishaka igitego ndetse iza kukibona ku munota 55 gitsinzwe na Shiboub ku mupira yari ahawe na Omborenga Fitina.

Ku munota wa 60 Kwitonda Alain Bacca yagerageje ishoti rikomeye yatereye inyuma y’urubuga rw’amahina ariko umunyezamu awushyira muri koruneri itagize icyo itanga.

APR FC yakomeje gushaka igitego cya kabiri ariko biranga umukino urangira ari igitego kimwe ku busa.

Indi mikino y’umunsi wa 23 yabaye, Musanze FC yatsinze Muhazi United 1-0, Gorilla FC inganya na Amagaju 1-1, Bugesera itsindwa na Mukura VS 2-0.

Gahunda y’umunsi wa 23

Ku wa Gatanu tariki ya 1 Werurwe 2024

AS Kigali 0-1 Etoile del’Est
Kiyovu Sports 2-1 Police FC

Ku wa Gatandatu tariki ya 2 Werurwe 2024

Bugesera FC 0-2 Mukura VS
Gorilla FC 1-+ Amagaju FC
APR FC vs Etincelles FC
Musanze FC 1-0 Rwamagana City

Ku Cyumweru tariki ya 3 Werurwe 2024

Gasogi United vs Marines FC
Sunrise FC vs Rayon Sports

Kuri uyu wa Gatandatu tarik 02 Werurwe 2024 imikino ya shampiyona y’icyiciro cya mbere mu Bwongereza yo ku munsi wa 27 yatangiye gukinwa.

Saa kumi n’imwe zuzuye ni bwo Nottingham Forest yakiriye Liverpool kuri City Ground. Ni umukino watangiye ubona ikipe ya Liverpool ihererekanya neza ari nako abakinnyi bayo nka Cody Gakpo na Boby Clark bagerageza uburyo imbere y’izamu bakarekura amashoti ariko ntabakundire ngo agane mu izamu neza.

Ku munota wa 23 ikipe ya Nottingham Forest nayo yabonye uburyo bwa mbere bwari buremereye ku mupira Antony Elanga yabonye ari wenyine ahawe umupira na Divock Origi ariruka, ageze imbere y’izamu agiye kurekura ishoti, Kelleher aratabara awumukuraho.

Liverpool yakomeje gukina ubona irusha Nottingham Forest ariko ibijyanye n’igitego biranga burundu bituma igice cya mbere kirangira ari 0-0.

Mu minota ya mbere y’igice cya kabiri ikipe ya Nottingham Forest yaje yahinduye ibintu ariyo ikina neza kurusha Liverpool.

Ku munota wa 57 Jurgen Klopp yakoze impinduka mu kibuga havamo Bob Clark na Andre Robertson hajyamo Darwin Nunez na Endo Wataru.

Nottingham Forest yakomeje gukina inyuzamo ikagera imbere y’izamu binashoboka ko yabona igitego nk’aho Taiwo Awoniyi yabonye umupira ari mu rubuga rw’amahina, gusa aratinda ba myugariro ba Liverpool bamukuraho umupira.

Mu minota ya nyuma y’umukino ikipe ya Liverpool yasatiriye cyane binyuze ku bakinnyi barimo Darwin Nunez na Luis Díaz ariko kubona igitego biranga burundu dore ko n’umunyezamu wa Nottingham Forest yari yabaye ibamba.

Akagozi kaje gucika umukino ugiye kurangira, Liverpool ibona igitego cyatsinzwe na Darwin Nunez ku mupira yahawe na Alex Mac Allister.

Umukino warangiye Nottingham Forest itsinzwe igitego 1-0 bituma Liverpool ikomeza kuyobora urutonde rwa shampiyona n’amanota 62 mu gihe Manchester City na Arsenal zizikurikiye zo zikaba zitarakina.

Indi mikino ikomeye yabaye, ikipe ya Chelsea yanganyije na Brentford ibitego 2-2 naho Tottenham Hotspur itsinda Crystal Palace ibitego 3-1.

Darwin Nunez watabaye Liverpool ku munota wa nyuma yishimira igitego 

Niyonshuti Yannick umaze kwamamara muri Sinema Nyarwanda nka Killer Man yasabye anakwa umugore we Shemsa.

Ni umuhango wabaye mu gitondo cyo kuri uyu wa Gatandatu tariki ya 2 Werurwe 2024 ubera muri Romantic Garden ku Gisozi.

Nyuma yo gusaba no gukwa hakurkiyeho kwiyakira aho na byo bigomba kubera muri Romantic Garden.

Intore Masamba, akaba ari we wasohoye umugeni ni mu gihe itorero Inganzo Ngari ari ryo ryasusurukije ababwitabiriye.

Killer Man akaba yari agaragiwe na benshi mu byamamare nk’umunyamakuru Uwihanganye Fude wari parrain, yari yambariwe kandi n’abandi barimo Dr Nsabi, Rocky Kirabiranya, Mitsutsu, Bamenya, Regis n’abandi.

Ubu bukwe bukaba bwitabiriwe na benshi mu bakinnyi ba Sinema Nyarwanda basanzwe bakorana bya hafi na Killer Man barimo Nyambo, Aisha n’abandi.

Bakoze ubukwe nyuma y’uko mu gitondo cyo ku wa Kane tariki ya 8 Gashyantare 2024 aba bombi bahamije isezerano rya bo imbere y’Imana mu Musigiti wo kwa Kadafi icyo Abayisilamu bita 'Kufunga Ndoa’.

Nyuma yo kuva mu Musigiti bahise bajya gusezerana imbere y’Amategeko mu Murenge wa Nyarugenge.

Killer Man na Shemsa bakoze ubukwe nyuma y’imyaka 8 bari bamaze babana nk’umugore n’umugabo, babanye kuva 2015, bakaba bafitanye abana babiri b’abahungu.

Killer Man akaba amaze kwandika izina muri Sinema Nyarwanda aho ubu arimo asohora filime yakunzwe y’uruhererekane ya ‘My Heart’ itambuka ku muyoboro wa YouTube.

Saa 01:52 ni bwo isibo y’abasore baherekeje Killaman yakiriwe mu ihema iseruka mu ndirimbo ‘Inkotanyi Cyane’ yaterwaga mu buryo bwiza n’abakirigita inanga.

Saa 01:37 umuryango wa Rwema Jean De la Croix [Iwabo wa Uwamahoro Shemsa wakiriye inkwano z’umuryango wa Mugabo Sadik [Iwabo wa Killaman].

Umuryango wa Rwema Jean De la Croix wemereye umugeni umuryango wa Mugabo Sadik ku isaha ya saa 01:22 maze impundu n’amashyi y’urufaya birasukirana. 

Saa 12:58 ni bwo umuryango wa Killaman yahawe umwanya avuga ijambo ryo gusaba no gukwa atangira shima urugwiro babakiranye maze bagaragaza ko rwose Killaman ubusanzwe ari umuhizi ariko muri iyi minsi amaze iminsi asaba ko yabona umufika.  

Ku isaha ya saa 12:10 ni bwo itorero Inganzo Ngali ryaserutse muri uyu muhango mbyino zitandukanye n’umudiho ubona ko ari ibintu bamaze iminsi bategura uko baziyerekana muri ibi birori bataramye mu gihe cy’iminota 20.Abasore n’inkumi bagize Kigali Protocal nibo bari kwakira abitabiye uyu muhango urimo abasaza bagira ibiganiro bimeze neza.

Nyuma y’uko uyu mugabo yaherukaga gusezerana imbere y'amategeko no gusezerana mu rusengero na Shemsa, Killaman agiye gusaba no gukwa urukundo rw'ubuzima bwe mu muhango uba kuri uyu wa Gandatatu tariki 01 Werurwe 2024.

Killaman yaherekejwe n'ibyamamare mu ngeri zitandukanye nka Rocky Kimomo, Zaba Missed Call, Nyambo Jesca n'abandi batandukanye, bakaba bamaze kugera muri Romantic Garden ahagiye kubera uyu muhango.

Nyuma yo gusaba no gukwa, biteganijwe ko bajya kwifotoza muri Century Park, nyuma bakagaruka kwakira abashyitsi, imiryango n'inshuti mu birori by'agatangaza byitezweho gususurutswa mu buryo budasanzwe n'abahanzi banyuranye.

Umuhango wo gusaba no gukwa uyobowe na Julius Chita umunyamakuru umaze kugwiza ibigwi mu kuyobora ibirori n'ibitaramo ariko by'umwihariko akaba yarubatse izina ku muyobora wa YouTube.

Ni mu gihe Inganzo Ngali ari yo iri gususuruta abantu mu buryo bw'amajwi agororotse n'imbyino zihariye.

Ibyamamare bitandukanye byaherekeje Killaman [Niyonshuti Abdul Malick] ugiye gusaba no gukwa Uwamahoro Shemsa

Abasore baherekeje Killaman intego ni uko inkwano zabo zemerwa n’imiryango ya Uwamahoro ShemsaInkumi zaserukanye na Killaman zimutwaje ibiseke n’ibindi nyenerwa muri uyu muhango kandi ngo bazabe abatangabuhamye bibyabayeAbitabiye umuhango wo gusaba no gukwa wa Killaman na Shemsa ibyishimo ni byose kuva bakirwa n’abakobwa bagize Kigali Protocal kugera ku byishimo biva mu biganiro byiza by’imiryango yombiItorero Inganzo Ngali mu mbyino n’indirimbo nziza basusurukije abitabiye

Rizaba ryubakiye ku nsanganyamatsiko y'intumbereho ishamikiye ku mahoro (Visions for Peace). Bazaba bizihiza imyaka 10 ishize mu rugendo rw'amavugurura n'iterambere bahanze amasomo mu guteza imbere cinema Nyarwanda ikagera ku rwego Mpuzamahanga nk'imwe mu nkingi izamura ubukungu bw'Igihugu.

Mashariki yatangiye mu 2005 ifite intego yo gufasha filime zikorerwa mu Rwanda kubasha kugera ku rwego mpuzamahanga rya Cinema. Ryatangiye benshi mu bakoraga filime batarabasha kubona amahirwe yo guserukira u Rwanda mu mahanga.

Nyuma y'uko ritangijwe ryafunguye amarembo, abakora filime batangira kwisanga mu mahanga. Ibi ariko ntibyasubije ibibazo bikigaragara muri cinema, birimo nko kuba abakora filime n'abandika filime batabasha kubigeza ku isoko nk'uko bikwiye.

Ariko mu rugendo rwo kwishakamo ibisubizo, bamwe batangiye kuzicururiza kuri Youtube, zimwe muri Televiziyo zikorera mu Rwanda zitangira kugura filime zo mu Rwanda, ariko ntabyo ntibihagije mu gushakira isoko abakora bakanatunganya filime.

Mashariki African Film Festival ni iserukiramuco ngaruka mwaka rigamije kumenyekanisha filime Nyafurika ndetse n'izo mu Rwanda no kuzikundisha Abanyafurika n'Isi yose muri rusange.

Umuyobozi wa Mashariki African Film Festival, Nsenga Tressor aherutse kuvuga ko mu rwego rwo kwizihiza imyaka 10 ishize batangije Mashariki, batangiye gutegura ibikorwa birishamikiyeho birimo n'isoko ryo gucuruza ibihangano bise 'Masharket', ihuriza hamwe abatunganya filime n'abazigura.

Asobanura ko ari 'isoko ry'abakora filime, abagurisha, abagura, abakora muri uyu mwuga bose kugeza ku bahagarariye za Televiziyo'.

Iri soko rya filime ryabereye bwa mbere muri Camp Kigali mu mpera za 2023. Ryatangijwe mu gihe muri Afurika hari amasoko abiri gusa ya filime, arimo iryo muri Afurika y'Epfo n'iryo muri Burkina Faso.

Muri rusange abahurira mu isoko rya filime ni abari mu mwuga wa cinema, abacuruza ibihangano, abakoze filime, abafite ibitekerezo, abafite inkuru banditse n'abandi.

Uyu muyobozi avuga ko benshi mu bakora filime bagihura n'imbogamizi zo gukora filime ariko ntibabone aho kuzigaragariza, akavuga ko iri soko rije kuba igisubizo.

Akomeza ati 'Mu isoko nkiri haza umuntu ufite amafaranga ariko udafite igitekerezo (ku bijyanye n'ikorwa rya filime) agashaka umuntu ufite igitekerezo runaka akavuga ngo nganiriza ku mushinga wawe, yakumva ari umushinga wunguka mugakorana.'

Imibare igaragaza ko abantu Miliyari 1 na Miliyoni 200 bagerageza kugera ku isoko rya filime muri Afurika, kandi hashorwamo agera kuri madorali Miliyoni 400.

Iserukiramuco rya Mashariki rigiye kuba abaritegura bizihiza imyaka 10 ishize batangiye ibikorwa

Umuyobozi wa Mashariki African Film Festival, Nsenga Tressor [Uri uburyo] aherutse kuvuga ko bishimira imyaka 10 ishize bateza imbere Cinema
Mu 2023, abahize abandi muri 'Mashaket' ishamikiye kuri Mashariki barashimiwe

Ni intambara y’amagambo ikomeye iri kubera ku mbuga nkoranyambaga dore ko aba bagore bose bafite abantu benshi babakurikira. Kuri ubu abantu batangiye kugira ubwoba kuko biri gufata indi ntera hakazamo n’inzangano za kera aba bagore bari bafitanye.

Bijya gutangira Zari niwe washoje intambara abwira uyu munyamakuru witwa Mangi Kimambi ko ibyo yakoze ari amafuti akomeye ku bwo gushukisha umugabo we amafaranga kugira ngo amukuremo amabanga yabo y’urugo, ibintu bitari byo kuko ari ukwinjirira mu buzima bwite bwa muntu.

Uyu munyamakurukazi nawe mu mujinya mwinshi cyane yasubije Zari ko ibyo bitamureba na gato kuko we icyo ashinzwe ari ugutangariza amakuru ashyushye abantu bamukurikira ku mbuga nkoranyambaga, ibyo nawe bikaba bimuzanira inyungu z’amafaranga.

Intambara y’amagambo yarakomeje kugeza ubwo Zari akoze ikosa rikomeye ryo kubwira Mangi Kimambi ko afite ihungabana ndetse ko akwiriye n’amasengesho kuko uko bigaragara afite ibibazo byo mu mutwe bikomeye, bityo ko abantu bamuri hafi byaba byiza bamukurikiranye bakamwitaho.

Uyu mugore nawe mu burakari bwinshi cyane nta gutinzamo dore ko kugeza ubu ari kugereranya imiterere ya Zari n’agasimba kitwa ‘Urutozi’, yahise amushyra kuri konti ye ya Instagram maze aramubwira induru ziravuga abantu bagera aho bagirira Zari  impuhwe.

Uyu munyamakuru yagize ati” Buretse gato, uravuze ngo nkeneye amasengesho kuko bigaragara ko mfite ibibazo byo mu mutwe?. Irebe neza hagati yawe nanjye, ninde ufite ibibazo byo mu mutwe?. Wowe urifata ukaryamana n’umwana muto ungana n’abahungu bawe, ukamwita umugabo wawe warangiza ngo ubwo nta bibazo byo mu mutwe ufite?”.

Yakomeje agira ati” Urimo kumbwira ngo mfite ihungabana mu gihe wowe uri kujya gushakira ibyishimo mu bana bato b’abahungu, ubwo ni nde ufite ibibazo byo mu mutwe n’ihungabana? Ese ubundi tuvugishije ukuri, ni ryari uheruka kugirana imibonanompuzabitsina n’umugabo hanyuma ntumwishyure?”.

Uyu mugore yakomeje abwira Zari ko agerageza kwibagisha agahindura imiterere y’umubiri we kugira ngo abe mwiza ariko n’ubundi abagabo bagakomeza kumwanga, ahubwo agahitamo kumanuka mu byaro gushaka abana baba bagishakisha ubuzima, akajya abishyura bagakorana imibonano mpuzabitsina, nabwo kandi akabishyura udufaranga tw’intica n’ikize bikarangira bamuvuyemo bakamena amabanga ye yose.

Mangi Kimambi yakomeje abwira Zari ati” Ese niba uri mwiza nk’uko ukunda kubyiyita, ni mugore ki mwiza wishyura amafaranga abagabo kugira ngo akundwe? Ni uwuhe mugore mwiza se wishyura amafaranga kugira ngo akorerwe imibonanompuzabitsina? Ubundi abagore beza nibo bishyurwa”.

Yasoje yibutsa ababyeyi guhisha abana babo b’abasore kuko “Numvise ngo nyuma y’uko maze gukorana ikiganiro na Sahkib kugeza ubu mukaba mutari kumvikana none ngo uri guhiga abandi bana uzajya wishyura ukabakoresha ubucakara bw’imibonano mpuzabitsina”.

Kugeza ubu kuva Zari abantu batangiye kuvuga ko ari ubwa mbere nabonye umuntu uhangara Zari mu mateka, ndetse bamwe bakaba batanatinya kwita uyu munyamakurukazi intwari, gusa ariko kuba Zari yabwirwa aya magambo nta kintu arongera kurenzaho, gusa nk’uko bizwi ko Zari nawe atajya aripfana, byitezwe ko nawe ari buze abaga nta kinya.

Umunyamakuru Kimambi yakije umuriro kuri Zari

Kimambi ashinja Zari kwishyura abana bato b’abahungu bagakorana imibonano mpuzabitsina

Hategerejwe igisubizo cya Zari ku magambo yatangajwe na Kimambi