Category: Uncategorized

Myugariro wa APR FC, Niyigena Clement abona gutwara shampiyona ariko badatsinze Rayon Sports byaba ari nk’igihombo bagize.

Ni nyuma y’imyitozo ibanziriza iya nyuma itegura umukino wa Rayon Sports wo ku wa Gatandatu, APR FC yakoze kuri uyu Kane.

Yabereye i Shyorongi kuri Stade i Kirenga aho isanzwe ikorera imyitozo, abakinnyi bakaba hahise bajya no mu mwiherero utegura uyu mukino.

Abakinnyi ba APR FC bose bakaba bahari uretse umunya-Cameroun, Apam Assongue Bemol na Nsengiyumva Ir’shad bafite ikibazo cy’imvune.

Niyigena Clement akaba yavuze ko nk’abakinnyi bagomba gukora ibishoboka byose bagatsinda uyu mukino.

Ati “nk’abakinnyi tugomba gukora ibishoboka byose kugira ngo turebe ko twabona intsinzi.”

Yakomeje avuga ko hari abafana bafata gutsinda Rayon Sports nk’igikombe rero kutayitsinda byaba ari igihombo muri uyu mwaka w’imikino.

Ati “byaba ari nk’igihombo kubera ko rimwe na rimwe gutsinda Rayon Sports hari abafana babifata nk’igikombe cya bo.”

Yavuze ko kandi gutsindwa uyu mukino inshuro nyinshi nk’abakinnyi na bo akazi ka bo kaba karimo kwangirika, rero bakaba bagomba kuwutsinda bakiyunga n’abafana.

Umufaransa utoza APR FC Thierry Froger yavuze ko biteguye neza kandi bashaka kuzatsinda uyu mukino bakinnye neza, bahe ibyishimo abafana kuko ari cyo kiba cyabazanye kuri Stade.

Uzaba ari umukino wa 3 uhuza aya makipe Thierry Froger agiye gutoza, ibiri ya mbere ntabwo byamugendekeye neza kuko umwe yarawutsinzwe undi arawunganya.

Uyu mukino uzaba ku wa Gatandatu tariki ya 9 Werurwe 2024 saa 15h00′ kuri Kigali Pelé Stadium. Amakipe yombi agiye guhura APR FC iri ku mwanya wa mbere n’amanota 55 irusha Rayon Sports ya kabiri bagiye guhura amanota 10.

Aya makipe yombi agiye guhura umukino wa 5 APR FC itabasha gutsinda Rayon Sports. Mu mikino 4 iheruka, Rayon Sports yatsinzemo 3 banganya umukino umwe.

Kuva irushanwa rya Miss World ryatangira gutangwa mu Kwakira 1951, abakobwa b'abirabura bagiye bagaragaza ko nabo hari icyo bashoboye, bamwe bakegukana ikamba nyirizina abandi bagatsindira imyanya myiza bagahiga abandi.

Mu gihe habura iminsi mike ngo hamenyekane Nyampinga w'Isi uzatorwa ku nshuro ya 71 agasimbura umunya-Pologne, Karolina Bielawska, InyaRwanda yaguteguriye urutonde rw'abakobwa b'abirabura 20 bitabiriye iri rushanwa ndetse bakegukana n'amakamba.

1.     Jennifer Hosten

Mu ijoro ryo kuri uyu wa 20 Ugushyingo 1970, mu birori byari bikurikiwe n'amamiliyoni y'abantu, Jennifer Hosten wari ufite imyaka 23 y'amavuko yanditse amateka adasanzwe aba umwiraburakazi wa mbere wambitswe ikamba rya Miss World. Mu myambaro myiza n'intambuko nziza, Hosten yegukanye ikamba ubwo yari yitabiriye ahagarariye igihugu cya Grenada.

2.     Toni-Ann Singh

Mu birori byabereye mu kigo cya Exhibition Centre giherereye i Londres mu Bwongereza, Miss Jamaica, Toni-Ann Singh, yambitswe ikamba rya Miss World wa 69. Icyo gihe, Singh yabaye umunya-Jamaica wa kane wegukanye Miss World.

3.     Carole Crawford

Ku myaka 20 gusa y'amavuko, Carole Crawford wari umunyamideli yashoboye kwandika mateka aba umunya-Jamaica wa mbere wegukanye ikamba rya Nyampinga w'Isi mu 1963.

4.     Lisa Hanna

Lisa Rene Shanti Hanna ni umunyapolitiki wo muri Jamaica akaba n’umwamikazi w’ubwiza wambitswe ikamba rya Miss World mu 1993. Ibi, byamugize umunya-Jamaica wa gatatu wegukanye iri kamba.

5.     Cynthia Jean Cameron Breakspeare

Cynthia Jean Cameron Breakspeare ni umuhanzikazi ufite ubwenegihugu bwa Canada na Jamaica, akaba umunyamuziki n'umwamikazi w'ubwiza wegukanye ikamba rya Miss World mu 1976. Breakspeare ni umubyeyi w'umucuranzi w'inyana ya Reggae wibitseho ibihembo bine bya Grammy, Damian Marley, yabyaranye na Bob Marley wabaye umugabo wa Rita Marley kugeza yitabye Imana.

6.     Agbani Darego

Chief Ibiagbanidokibubo Asenite wamenyekanye nka Agbani Darego niwe mwirabura wa mbere w'umunyafurika wanditse amateka yo kwegukana ikamba rya Nyampinga w'Isi mu 2001.

Darego wabonye izuba mu 1982, yavukiye Lagos muri Nigeria, akaba umwana wa Gatandatu mu bana umunani bavukana.

7.     Antigone Costanda

Antigone Costanda niwe mukobwa rukumbi ukomoka mu Misiri wegukanye ikamba rya Nyampinga w'Isi. Uyu, yaciye agahigo ko kwibikaho amakamba abiri mu mwaka umwe, irya Miss Egypt n'irya Miss Wold mu 1954.

8.     Rolene Strauss

Rolene Strauss ni umwamikazi w'ubwiza ukomoka muri Afurika y'Epfo wabaye Miss South Africa mu na Miss World icyarimwe mu 2014.

Kuva yakwegukana iryo kamba, Rolene yabaye umukobwa wa gatatu ukomoka muri Afurika y'Epfo ubaye Miss World nyuma ya Penelope Anne Coelen waryegukanye mu 1958 na Anneline Kriel waryegukanye mu 1974.

9.     Penelope Anne Coelen

Penelope Anne Coelen wabonye izuba ku wa 15 Mata 1940, ni umwe mu bakinnyi beza ba filime Afurika y'Epfo yigeze kugira, akaba umunyamideli n'umwamikazi w'ubwiza wegukanye irushanwa rya Miss World 1958.

10.  Anneline Kriel

Anneline Kriel wavutse tariki 28 Ukwakira 1955, ni umukinnyi wa filime ukomoka muri Afurika y'Epfo, umunyamideli n'umwamikazi w'ubwiza wabaye Miss South Africa mu 1974, akaza no kugirwa Miss World muri uyu mwaka.

11.  Carranzar Naa Okailey Shooter

Carranzar Naa Okailey Shooter wavutse tariki 6 Kanama 1989, ni umunyamideli ukomoka muri Ghana. Uyu, yegukanye ikamba rya Miss Ghana mu 2012, ahagararira Ghana ndetse aba igisonga cya kabiri mu irushanwa rya Miss World ryabereye muri Indonesia mu 2013.

12.  Emma Wareus

Emma Wareus ni umunyamideli wo muri Botswana wabonye izuba ku wa 28 Ukwakira 1990. Yabaye Miss Botswana mu 2010, aza guhagararira igihugu cye mu 2010,aba igisonga cya Gatatu cya Nyampinga w'Isi mu birori byabereye i Sanya mu Bushinwa.

13. Tatum Keshwar

Tatum Keshwar wavutse ku ya 14 Ukuboza 1983, ni umunyamideli ukomoka muri Afurika y'Epfo, akaba umuhanga mu by'imitekerereze. Uyu yitwaye neza yegukana ikamba rya Miss South Africa mu 2008, ahagararira igihugu cye mu irushanwa rya Miss Universe mu 2009 ndetse aza no mu icumi ba mbere. Icyo gihe kandi mu 2009, ahagararira Afurika y'Epfo muri Miss World birangira abaye igisonga cya kabiri.

14. Micaela Patrícia Reis

Micaela Patrícia Reis wavutse ku ya 21 Ukuboza 1988, ni umukinnyi wa filime ukomoka muri Angola, umunyamideli ndetse n'umunyamakurukazi. Micaela yaje mu icumi ba mbere muri Miss Universe mu 2007, hanyuma aza kuba igisonga cya kabiri cya Nyampinga w'Isi mu 2007 bimuhesha amahirwe yo kuba Miss World Africa.

15.  Basetsana Julia “Bassie” Kumalo

Basetsana Julia “Bassie” Kumalo wabonye izuba ku wa 29 Werurwe 1974, ni umunyamakurukazi, umushoramari, umwe mu bazwiho gukora ibikorwa by'ubugiraneza, wabaye Miss Soweto mu 1990,  aba Miss Black South Africa ku myaka 16 gusa y'amavuko. Yambitswe ikamba rya Nyampinga w'Afurika y’Epfo mu 1994 kandi muri uwo mwaka agirwa igisonga cya mbere cya Nyampinga w'Isi.

16. Giselle Jeanne-Marie Laronde-West

Giselle Jeanne-Marie Laronde-West wavutse ku ya 23 Ukwakira 1963, ni umunyamideli wo muri Trinidad akaba n'umwamikazi w'ubwiza wegukanye irushanwa rya Miss World 1986 ubwo yitabiraga ahgarariye Trinidad & Tobago. Giselle yabaye umukobwa wa kabiri wegukanya ikamba mpuzamahanga ry'ubwiza nyuma ya Janelle Commissiong wabaye Miss Universe 1977.

17. Claudia Cruz

Claudia Julissa Cruz Rodríguez wabonye izuba ku wa 5 Gashyantare 1986, ni umukinnyi wa filime ukomoka muri Dominican Republic, umunyamakurukazi, umunyamideli n'umwamikazi witwaye neza ubwo yahagarariraga igihugu cye muri Miss World 2004 akegukana umwanya w'igisonga cya mbere cya Nyampinga w'Isi.

18. Mariasela Álvarez Lebrón

Mariasela Álvarez Lebrón yavukiye muri Santo Domingo ku wa 31 Mutarama 1960. Mariasela ukomoka muri Dominican Republic, ni umunyabugeni, umunyamakurukazi ndetse n'umwamikazi w'ubwiza wegukanye ikamba rya Miss World mu 1982. Iyi nsinzi, yamuhesheje kuba umukobwa wa mbere ukomoka muri iki gihugu wegukanye ikamba mpuzamahanga ry'ubwiza.

19. Patricia Teresa Yuen Leung

Patricia Teresa Yuen Leung  wamenyekanye nka Patsy Yuen akavukira muri Jamaica mu 1952, ni umunyabugeni wahagarariye igihugu cye mu irushanwa rya Miss World mu 1973 akaza no kwegukana umwanya w'igisonga cya kabiri wa Nyampinga w'Isi.

20. Myshimarina (Marina) Papaelia

Marina Papaelia wabaye igisonga cya mbere cya Miss Egypt mu 1953, yoherejwe guhagararira iki guhugu mu irushanwa rya Miss World mu 1953 birangiye agizwe igisonga cya Gatatu.

Ibikorwa bya Miss World iri kuba ku nshuro ya 71 byatangiye ku ya 18 Gashyantare bikaba bizarangira ku ya 9 Werurwe.

Miss World 2024 azambikwa ikamba ku ya 9 Werurwe muri Jio Convention World Centre i Mumbai mu Buhinde.

    

Amatora muri Leta Zunze Ubumwe z'Amerika yatangiye guhumura ndetse abantu benshi bahanze amaso Perizida Joe Biden udashaka kurekura uyu mwanya kimwe na Donald Trump wifuza kongera kwicara muri uyu mwanya ukomeye ku isi.

Icyakora bombi bahuje ikibazo ari cyo Robert F Kennedy Jr umugabo wakuze atavugirwamo kandi ukomoka mu miryango y'abanyapolitike bakomeye muri Leta Zunze Ubumwe za Amerikaa.

Tugiye kubagezaho amateka ya Kennedy Jr umwe mu bagabo basobanukiwe ibijyanye n'amategeko ndetse akaba n'umunyapolitike wabigize umwuga kuva mu bwana bwe.

Robert F Kennedy Jr yabonye izuba kuwa 17 Mutarama 1954 muri Washington DC muri Leta Zunze Ubumwe z'Amerika. Ni umunyamategeko wiyeguriye ibijyanye no kurengera ibidukikije, akaba umwe mu bagize umuryango w’aba Kennedy ufite ibigwi bikomeye muri Politike.

Muri Mata 2023 ni bwo yatangaje ko yifuza kuba umukandida uzahagararira ishyaka ry’aba Demokarate ariko mu Ukwakira aza gutangaza ko aziyamamaza ku giti cye.

Kennedy Jr ni umwana wa Gatatu mu bana 11 ba Robert F Kennedy na Ethel Skakel Kennedy. Ubwo yavukaga, Se Robert F Kennedy yari umwe mu bagize Inama Ngishwanama ya Sena.

Robert F Kennedy yaje kugirwa Umunyamategeko Mukuru ku ngoma y'umuvandimwe we, Perezida John F Kennedy, nyuma aza kuba umusenateri.

Nyina wa Kennedy Jr ari we Ethel Skakel ni umugore uvuka mu miryango y'abanyenganda idafite ikibazo cy'amafaranga. Yabaye impirimbanyi ikomeye y'uburenganzira bw'ikiremwamuntu nyuma yuko umugabo we yishwe mu 1968 ubwo yiyamarizaga kuba Perezida.

Kennedy Jr yigiye mu mashuri akomeye. Yaje kunyura mu bihe byo kuba imbata y'ibiyobyabwenge nyuma y'urupfu rwa Se. Ibi byamukururiye gufungirwa urumogi ubwo yari afite imyaka 16 anirukanwa mu mashuri atandukanye.

Yaje gusoreza muri Kaminuza ya Harvard aho yakuye impamyabumenyi y'icyiciro cya kabiri mu 1976 aza gukomereza muri London yiga ibigendanye na politike.

Nyuma yo kubona impamyabumenyi mu birebana n'amategeko mu 1981, Kennedy Jr yatangiye gukora nk'umunyamategeko wungirije muri Manhattan.

Muri iyo myaka kandi nabwo yatawe muri yombi anahabwa imirimo nsimburagifungo mu gihe kingana n'imyaka 2 azizwa ikoreshwa rya 'heroin' kimwe mu biyobyabwenge bihangayikishije isi.

Muri ibyo bihe ni bwo yatangiye gushyira umutima mu kurengera ibidukikije. Mu 1987 yabonye impamyabumenyi y'icyiciro cya Gatatu mu bijyanye n'amategeko yo kurengera ibidukikije.

Ni ibikorwa yakomeje gukora binyuze muri Riverkeepers umuryango udaharanira inyungu wo muri NewYork. Ibi byatumye abantu benshi bongera kubona amazi meza. Ibikorwa bya Riverkeepers byaje kwitwa na Time Magazine ko ari iby'ubutwari.

Mu ntangiriro za 2000 yatangiye gukora mu buryo bweruye ibikorwa rimwe na rimwe bitananyuraga ubutegetsi bwa Leta Zunze Ubumwe z'Amerika kuko byanatumye afungwa.

Byari bishingiye ku kuba atarabonaga ibyakorwa na George W Bush mu kurengera ibidukikije nk'umurongo ufatika ukwiriye, agereranije n'agaciro k'iki gice cy'ibinyabuzima.

Kenshi Kennedy Jr ibyo yakoraga yanabinyuzaga mu bitabo nk'icyo muri 2004 aho yagarukaga kuri Perezida George W.

Muri  2013 na 2016 yatawe muri yombi kubera kuba umwe mu bakoraga imyigaragambyo yo kurwanya imiyoboro migari y'amavuta.

We n’abo bafatanyaga, bigaragambyaga baragazaga ko yubatswe mu buryo butarengera ibidukikije kandi bukanabangamira ikiremwamuntu muri Amerika.

Yagiye akora ku birego bitandukanye byo kurengera ibidukikije nk'icyo hagati ya 2007 na 2017. Yari mu itsinda ryatsinze urubanza bari bahanganyemo na Monsanto ku gukoresha ifumbire ya kijyambere ariko zangiza utunyabuzima duto tuba mu mirima.

Ibikorwa bya Kenndey Jr byagiye bimushyira mu bibazo bitanasize umuryango mugari akomokamo n'ishyaka ry’aba Demokarate yakuriyemo.

Mu mwaka wa 2006 yagaragaje ko amatora ya 2004 yahanganishije mu buryo bukomeye George W Bush na John Kerry ko yibwe n'ishyaka ry’aba Repubulike.

Muri 2013 yashyize igitutu kuri Komisiyo yari yarashyizweho mu gukurikirana ikirego cy'urupfu rwa se wabo Perezida John F Kennedy mu 1963, agaragaza ko ibyo batangaje ko Sirhan Sirhan washinjwe iki cyaha yagitwerewe.

Muri 2021 umuryango wose washyigikiye uyu mugabo werekana ko ibyakozwe byose kwari ukwihutisha ifungwa ry'ikirego badashaka ko ukuri gucukumburwa.

Mu kiganiro uyu mugabo yagiranye na NewYork 77 WABC, yagize ati: 'Hari ibimenyetso bidashidikanwaho ko CIA yagize uruhare mu rupfu rwa John F Kennedy kandi ntekereza ko ntagushidikanya guhari kuri iyi ngingo.'

Kennedy Jr yagaragaje mu buryo bweruye ibitagenda neza mu nzego z'ubuzima bimwe bikarebwaho bikanakosorwa.

Igihe kitazibagirana ni muri COVID 19 aho yatangaje ko inkingo zayo zangiza, agaragaza ibigo bikomeye birimo Bill&Melinda Gates kuba inyuma yacyo ku bw'inyungu anashyira hanze igitabo kibisobanura.

Kubera iyi ngingo yafatiwe ibihano birimo no gufungirwa urukuta rwa Instagram mu mwaka wa 2021, rukaba rworongeye gufungurwa muri Kamena 2023.

Ubwo yatangazaga ko agiye kwiyamamariza kuba Perezida, yatangiye gushyirwaho igitutu ku byo yavuze ku ngingo ingendanye n'icyorezo, aza gusobanura ko byinshi yavugaga icyo yari agamije kwari ukugira ngo inkingo zitangwa zongere gususuzumwa.

Kuba Kennedy Jr yarafashe umwanzuro wo kwiyamamaza nk'umukandida wigenga ni ibintu byashyize mu kangaratete Joe Biden na Donald Trump aho abantu barimo n’abari biteguye kubafasha bahise berekeza akaboko kabo kuri uyu mugabo mushya ufite inkomoko mu miryango itoroshye mu bisekuru bya politike y'Amerika.

Kennedy yashyingiranwe inshuro eshatu, afite abana 6 yabyaranye n'abagore be babiri ba mbere. Bwa mbere yashyingiranwe na Emily Black bari bariganye mu ishuri ry'amategeko, hari mu 1982. 

Aba bombi babyaranye abana 2, baje gutandukana mu 1994. Yaje gushyingiranwa n'inshuti ya mushiki we Mary Kathleen Richardson, bakaba barabyaranye abana 4. Batandukanye muri 2010.

Mu mwaka wa 2012 Mary Richardson Kennedy yariyahuye, urupfu rwe rukurura impaka nyinshi. Muri 2014 Kennedy Jr yashyingiranwe na Cheryl Hines.

Robert F Kennedy Jr na nyina umubyara Ethel impirimbanyi ikomeye mu birebana no kurengera ikiremwamuntu, akomoka mu muryango w’abanyapolitike na we niko kazi yakoze kuva mu bugimbi bwe kugeza n’ubu yifuza kuba Perezida Yatawe muri yombi inshuro zitari nyeya kuko nta na rimwe yigeze ahagarika kuvuga kucyo atekereza kitaganda neza Bamwe mu barwanashyaka ba Demokarate na Repubilike batangiye gushyira icyizere n’ubufasha bwabo kuri Kennedy JrNtabwo yigeze agobwa n’ururimi yewe no kugera ku kuvuga kuri Perezida uyoboye muri AmerikaCheryln Hines umugore wa Gatatu wa Robert F Kennedy Jr bafatanya kurera abana babo 7 Robert F Kennedy Sr yicwe mu 1968 ubwo yari mu bikorwa byo kwiyamamariza kuba Perezida John F Kennedy yicwe amaze igihe gito ayoboye Leta Zunze Ubumwe z’Amerika ibintu Kennedy Jr yemeza ko byakozwe n’abacurabwenge ba CIA nubwo Warren Commission yatangaje ibindi

Bamwe mu baturage bavuga ko bahitamo kwishyura imiti 100% kandi bafite Ubwishingizi bwo kwivuza.Aba baturage bavuga ko kwiyishyurira 100% biterwa nuko Farumasi zitanga imiti zitayitanga ku kiguzi cyagenwe bakabwirwa ko imiti ihenze .

 Abaturage bivuriza kuri mituweli na RAMA biganjemo abafite indwara zidakira, bavuga ko bakomerewe no kuba hari imiti bandikirwa ariko za farumasi zikayibima kuko ngo baba barayiranguye ibahenze.

Abo baturage bagaragaza ko iyo muganga abandikiye imiti bakeneye bakajya kuyigura muri farumasi, hari igihe abakora muri izo farumasi bahitamo kuyibima cyangwa bakababwira ko ntayihari rimwe na rimwe bagasabwa kuyiyishyurira 100%, nyamara bafite ubwishingizi. Bavuga ko ibi bituma bamwe barushaho kuremba.

Ku ruhande rw'abacuruza imiti bavuga ko hari igihe bayirangura ibahenze kandi yishingiwe amafaranga make cyangwa ikaba itari ku rutonde rw'imiti yishyurwa n'ubwishingizi.

Umuyobozi w'Ishami ry'Ubwisungane mu kwivuza muri RSSB, Dr Alexis Rulisa, avuga ko barimo kuvugurura urutonde rw'imiti irimo ku bwishingizi hongerwamo indi mu rwego rwo kunoza serivisi abanyamuryango bahabwa.

Buri mezi atandatu, RSSB ivugurura ibiciro by'imiti yishingira, gusa hari n'abarwayi bajya muri farumasi bagasanga hari imiti yishingiwe ariko bagasabwa kongeraho amafaranga atari ku bwishingizi.

Ivomo: RBA