Category: Uncategorized

Mu ihema rinini rya KECV [Camp Kigali] hateguwe ibyicaro biri mu byiciro bitatu bijyanye n'amafaranga abakitabira bishyura, kuvuga guhera kuri 5000Frw, 10000Frw na tabule za 200,000Frw zateguriwe abantu 8. Aba mbere bamaze kugera mu byicaro.

Abitabiye iki gitaramo bari kwakiranwa ikaze n'abagize Kigali Protocal. Hateguwe kandi ahantu hagenewe kwifotoreza kandi hirya no hino hagaragara amafoto manini y'umuhanzi Platini nyiri iki gitaramo.

Abantu mu byicaro barimo bashyiriweho ahantu ho gufatira ibyo kunywa no kurya kandi ahantu hose usanganirwa n'ibyapa by’abaterankunga b'iki gikorwa barimo Mützig kimwe mu binyobwa bya Bralirwa bikundwa n'abatari bacye.

Abafana batangiye kwinjira mu masaha ya saa kumi n’imwe, ubona ko bafitiye inyota kureba uko iki gitaramo kiza kugenda cyane ko gihurijwemo abahanzi bakomeye.

Mu bahanzi baza kwigaragaza muri iki gitaramo barimo Zeo Trap, Nel Ngabo, Kenny Sol, Urban Boyz, Riderman, Butera Knowless na Eddy Kenzo.

Big Fizzo wari utegerejwe muri iki gitaramo ntabwo yabashije kugera mu Rwanda bitewe n'impamvu atasobanuye ariko bamwe bayibonera mu ndererwamo yo kuba umubano w'u Rwanda n'u Burundi utameze neza.

Iki gitaramo cya Platin P kirayoborwa n'umunyamakuru Sandrine Isheja wamaze kwibikaho agahigo ko kuba umutegarugori wa mbere nyarwanda ugiye kwitabira amarushanwa y'amasiganwa y'imodoka.

Ni mu gihe DJ Bisosso aza kuba avangira umuziki abitabira kino gitaramo kitezweho kuza kwitabirwa na Dr Muyombo Thomas [Tom Close] na Minisitiri Dr Utumatwishima Abdallah.Abanyabirori b’i Kigali baje gushyigikira Platini babyifuza babanzaga kunyura ku itapi y’umutukuUmunyamakuru wa Magic FM akaba umujyanama w’abahanzi DJ Diddyman ari mu bitabiye iki gitaramoAbantu bamwe bagiye bazana uwababiri mbega n’igitaramo kitabiwe n’abakundana Emmy Ikintege uri mu banyamakuru bahagaze neza mu myidagaduro yitabiye Baba XperienceAbakunzi ba Platini n’umuziki muri rusange batangiye kuhagera hakiri kareKigali Protocal niyo iri kwakira abitabiye igitaramo cya Baba XperienceMu baje bitabiye iki gitaramo bazanye ibyapa byerekana ko iki gitaramo ari mpuzamahangaBuri umwe aragenda anyura ahabugenewe akerekana itike yaguze abatazifite bagafashwa kuzibonaAbasore b’ibigango bari kureberera ibijyanye n’umutekano kugira ngo ibintu birusheho kugenda uko byateguweAmafoto ya Platini ari mu nguni zitandukanye zahari kubera iki gitaramo muri Camp Kigali

Aha niho hateguriwe abari gutambuka ku itapi y’umutuku babyifuza gucyura amafoto n’amashusho y’urwibutsoIhema ryateguriwe ni uku ryasaga mu masaha ya saa kumi nimwe zishyira saa kumi nebyiri aba mbere bari bamaze gufata ibyicaroIbyo kunywa bitandukanye byateguwe mu bice bitandukanye byorohereza abantu ku bibona mu buryo bagiye bishyuramoGorilla Events niyo yarimbishije irihema mu bijyanye n’amatara ndetse urubyiniro n’umuziki nibo babizanye

AMAFOTO: RWIGEMA FREDDY NA SERGE NGABO

Kuri uyu wa Gatandatu ni bwo hasojwe imikino ya shampiyona y’icyiciro cya mbere mu Rwanda mu bagore hakinwa umunsi wa 22. 

Saa munani kuri Skol Stadium mu Nzove Rayon Sports WFC yari yakiriye Fatima FC ndetse inyinyagira ibitego 5-0 byatsinzwe na Nibagwire Libellee, Nyirarukundo Uwitonze, Mukandayisenga Jeannine ‘Kaboy’ ndetse na Mary Chavinda watsinze 2 wenyine.

Nyuma y’uyu mukino, Rayon Sports WFC yahise ishyikirizwa igikombe yegukanye ku mukino uheruka yatsinzemo Muhazi United WFC igitego1-0. Muri rusange iyi kipe isoje shampiyona ifite amanota 61 ikaba irusha amanota 4 AS Kigali WFC ya 2 n’amanota 57.

Iyi kipe ya Gikundiro y’abagore yashinzwe muri 2022 ihita itangira gukina shampiyona y’icyiciro cya 2, izamuka muri shampiyona y’icyiciro cya mbere mu mwaka ushize none niyo yahise itwara igikombe.

Abakinnyi ba Rayon Sports WFC bambitswe imidari

Ibyishimo byari ibyishimo ubwo bashyiraga igikombe mu kirere 

Perezida wa Rayon Sports, Uwayezu Jean Fideli aterura igikombe 

Abakinnyi bose bafashije Rayon Sports WFC kwegukana iki gikombe 

Nyuma yo kwegukana igikombe cya shampiyona ku mwaka wa yo wa mbere mu cyiciro cya mbere mu bagore, Rayon Sports WFC yahize no kwegukana igikombe cy’Amahoro.

Kuri uyu wa Gatandatu ni bwo hakinwaga imikino isoza shampiyona y’icyiciro cya mbere mu bagore aho igikombe cyashyikirijwe Rayon Sports yakegukanye mu mpera z’icyumweru gishize itsinze Muhazi United 1-0.

Ni igikombe yashyikirijwe nyuma yo kunyagira Fatima WFC 5-0 mu mukino wabereye mu Nzove.

Ni ibitego byatsinzwe na Mary Chavinda watsinze 2, Nibagwire, Uwitonze Nyirarukundo na Mukandayisenga Jeannine [Kaboy].

Perezida wa Rayon Sports, Uwayezu Jean Fidele yavuze ko ubu amaso bayahanze mu gikombe cy’Amahoro aho bagomba kuzacakirana na AS Kigali muri 1/4 mu cyumweru gitaha.

Ati “ni byo turishimye ariko urugamba ntirurarangira. Tugiye kwitegura turebe ko n’igikombe cy’Amahoro tuzakegukana.”

Umunyamabanga wa FERWAFA, Kalisa Adolphe Camarade, yavuze ko nk’ikipe izahagararira u Rwanda mu mikino Nyafurika bazakora ibishoboka byose kugira ngo yitware neza.

Ati “turabizeza ko nka Federasiyo, mu marushanwa muzakina nk’ikipe izaba ihagarariye u Rwanda tuzakora ibishoboka byose kugira ngo mwitware neza.”

Rayon Sports uretse igikombe yegukanye na sheki ya FERWAFA yagiherekeje, yahawe kandi agahimbazamusyi ka miliyoni 16 z’amafaranga y’u Rwanda na Skol nk’umuterankunga w’iyi kipe, perezida wa Rayon Sports kandi yemereye aba bakinnyi miliyoni y’amafaranga y’u Rwanda bazagabana azaba avuye ku mufuka we.

Rayon Sports ikaba yakoze amateka yo kwegukana igikombe cya shampiyona y’icyiciro cya mbere ku mwaka wa yo wa mbere, yari yazamutse kandi yegukanye igikombe cya shampiyona y’icyiciro cya kabiri.

Mu gihe bisanzwe bimenyerewe ko amarushanwa yo gusiganwa mu modoka ahanini yitabirwa n'ab'igitsina-gabo, umunyamakurukazi Isheja Sandrine yabaye umutegarugori wa mbere ugiye kuyitabira, yiyongera ku mwari umwe rukumbi umaze kuba ubukombe muri aya marushanwa, Queen Kalimpinya wabaye Igisonga muri Miss Rwanda.

Ku myaka 35 y'amavuko, Sandrine agiye gusiganwa mu marushanwa ya 'Spint Rally,' aho azaba asiganwa na Ayoto Fabrice. Aya marushanwa ari kuba kuri uyu wa Gatandatu Werurwe 2024, yitabiriwe n'abarimo Queen Kalimpinya uherutse kwandika amateka yo kuba umwari wa mbere mu Rwanda witabiriye aya marushanwa ya Rally.

Yoto Fabrice, imbaraga zihishe inyuma yo kwinjira muri aya marushanwa kwa Sandrine, yahishuye ko uyu mugore amaze iminsi akora imyitozo ihagije mbere y'uko umunsi nyirizina w'amarushanwa ugera, kandi ko ishyaka n'ubwitange agaragaza muri siporo aribyo byamuteye kugerageza uyu mukino.

Umunyamakuru Isheja Sandrine yinjiye mu masiganwa y’imodoka

Sandrine Isheja na Yoto Fabrice

Isheja yiyongereye ku mukobwa umwe rukumbi usanzwe umenyerewe muri uyu mukino wa ‘Rally’ ariwe Queen Kalimpinya

Amezi agiye kuba atanu (5) Bad Rama atangarije itangazamakuru ry’i Kigali ko yamaze gusinyisha abahanzi babiri bakomeye baturuka mu gihugu cya Repubulika Iharanira Demokarasi ya Congo.

Akimara kubitangaza, hirya no hino mu gihugu ibintu byaracitse abantu batangira kuvuga ko “Ubundi uriya niwe mushoramari dukeneye mu muziki, ushora atitangiriye itama kandi akanatekereza kure ku buryo bwo kwagura umuziki ku ruhando mpuzamahanga”.

Wibuke ko mbere yo gusinyisha aba bahanzi, ibikorwa bya The Mane mu Rwanda  byari byaradindiye ku rwego rwo hejuru mu buryo bwagaragariraga buri wese. 

Icyo gihe yaje gutangaza ko impamvu ibyo bikorwa byadindiye, ni uko yarimo afungura ishami rya The Mane muri Leta Zunze Ubumwe za Amerika, bityo bikaba bitari ibintu byoroshye kubikurikiranira rimwe.

Byaje kurangira n’iryo shami arifunguye maze aryita ‘The Mane Entertainment Hub’, ari nabwo nyuma yo kurifungura yahitaga asinyisha aba bahanzi baturuka muri Congo cyane ko yanavuze ko kurifungura ari byo byamufashije kugera kuri aba bahanzi.

Icyo gihe Bad Rama yanatangaje ko  ko agiye gutangira no kugirana amasezerano n’abahanzi bo mu Rwanda bagakorana muri The Mane y’i Kigali.

Kuri ubu igice cy’umwaka kigiye kwihirika abantu batazi irengero ry’ibikorwa by’aba bahanzi uyu mugabo yamurikiye abanyarwanda.

Abantu benshi bakurikiranira hafi muzika Nyarwanda bakomeje kwibaza icyaba cyarabaye kugira ngo aba bahanzi babe bageze iki gihe nta kintu kirenze barashyira hanze gikorewe muri The Mane kandi mu byo Bad Rama yatangaje ni uko bari bagiye gushyira hanze imiziki ku rwego rwo hejuru.

Mu gushaka kumenya iby’iki kibazo, InyaRwanda.com twagerageje kubaza nyir’ubwite Bad Rama ngo atubwire ku irengero ry’aba bahanzi baturuka mu gihugu cyo muri Congo.

Bad Rama yavuze ko bitewe n’amakimbirane ari hagati y’u Rwanda na Congo, byahise bituma imikoranire yabo ihagaraga rugikubita (akimara kubereka Abanyarwanda) kuko abaturage n’abayobozi bo mu gihugu cya Congo bendaga kwica aba bahanzi bababwira ko ibyo bakoze byo kugirana amasezerano y’imikoranire n’abanyaRwanda, ari amahano bakoze.

Bad Rama yagize ati: “Tukimara gusinya amasezerano y’imikoranire ndetse n’abanyarwanda bose bakamenya ko The Mane igiye gutangira gukorana n’abahanzi bo muri Congo, amakuru yageze ku baturage bo muri Congo, bukeye nyuma y’umunsi umwe gusa byahise bihindura isura mu gihugu cyo muri Congo n’abaturage bo muri Congo aho bari ku isi hose muri rusange”.

Bad Rama arakomeza ati: “Icyo gihe umuhanzi BM yarampamagaye arambwira ati ‘Ndapfuye, ndugarijwe! Abantu bamereye nabi cyane; abahanzi, abayobozi n’abandi bantu ku isi yose bari kumpamagara bambwira bati ni ibiki wakoze? Ni gute wagambanira igihugu ugasinyana imikoranire na Kompanyi ikomeye yo mu gihugu cy’u Rwanda yitwa The Mane ubizi ko tutumvikana?”‘.

Bad Rama avuga ko uyu muhanzi yahise amusaba ko baba bahagaze kugirana imikoranire kuko iyo baza gukomezanya byari kugaragara nabi mu gihugu cye cya Congo bakamufata nk’umugambanyi wagambaniye igihugu.

Agira ati: “Nahise ntekereza ku bihombo ngize  kuko hari amafaranga menshi twari tumaze gushora harimo nko kubaka Studio n’ibindi bikorwa, ariko ntabwo nigeze mbyitaho cyane kuko biroroshye guhomba amafaranga kurusha guhombya umuntu igihugu cye cyamubyaye kuko yari (BM) yugarijwe bikomeye kurusha uko njyewe nari nugarijwe n’igihombo”.

Akomeza avuga ko bagerageje n’uburyo bwo gukorana mu buryo bw’ibanga ariko basanga n’ubundi nta kintu byabagezaho kuko nta kintu wakora utamamaza ibikorwa byawe, byumvikane ko n’ubundi byarangira bimenyekanye ko bagikorana. Ati: “Naramwumvise imikoranire duhita tuyihagarika”. Byumvikane ko na Babbi imikoranire yahise nawe ihagarara.

Ubu The Mane iracyari aho, nta muhanzi uragaragazwa ko ayirimo bya nyabyo nyuma y’uko imikoranire ye n’aba bahanzi bo muri Congo ihagaze, icyakora Bad Rama avuga ko nka The Mane Hub bari gutegura uburyo bakongera kubona abandi bahanzi bakorana barimo n’abanyarwanda.

Bad Rama yatangaje icyadindije ibikorwa by’abahanzi bo muri Congo aherutse gusinyisha

Umuhanzi BM wo muri Congo yari yugarijwe n’abaturage

Umuhanzi Babbi nawe abarizwa muri Congo

Reba indirimbo ‘All Night Long’ ya Babbi

“>

Reba indirimbo ‘YE LE’ ya BM

“>

Nushaka ubyite agashya cyangwa amahano, gusa ibibereye muri Kigali Pele Stadium benshi bananiwe kubisobanukirwa, ubwo imodoka imanutse ikava aho yari iparitse ikinjira muri stade.

Bibaye mbere gato y’umukino wa Police FC na Gorilla FC w’umunsi wa 25 wa shampiyona y’icyiciro cya mbere umwaka w’imikino wa 2023-24.

Uyu mukino wagombaga kuba saa 12h30′ ariko ukererwaho iminota bitewe n’uko harimo undi mukino wa shampiyona y’abagore wahuje Inyemera na AS Kigali.

Ubwo umukino wa Police FC witeguraga gutangira ni bwo aya mahano yaguye muri Pele Kigali Stadium.

Byagenze bite?

Abazi neza Kigali Pele Stadium bazi igice gikunda kwicarwamo cyane n’abakinnyi cyagereye imyanya y’icyubahiro.

Kugira ngo uhinjira bigusaba kunyura aho baparika imodoka (parking), wanasohoka akaba ari ho unyura, iyo modoka rero ni ho yaturutse.

Iyi midoka bishoboka kuba yari iparitse nabi, yamanutse inyura muri uwo muryango yinjira muri Stade iragenda igera hasi hafi y’ikibuga ariko ntiyinjira mu kibuga kuko yahise igonga inkingi. Umuntu umwe ni we wakomeretse.

Amakuru muri Stade akaba avuga ko iyi modoka yakoze impanuka mu buryo bw’amayobera ishobora kuba ari iy’umunyamabanga wa Police FC, CIP Claudette Umutoni. Nyuma y’iyi mpanuka umukino ubana watangiye.