Category: Uncategorized

Mu gutangira k’umuziki w'uruzungu wazamukanye n'abahanzikazi bakomeye kandi bagize uruhare ntashidikanywaho mu kuwugeza aho uri, muri abo twavuga nka Miss Jojo, Miss Shanelle, Oda Paccy na Liza Kamikazi.

Uko kandi wagendaga ukura niko hagendaga hiyongeramo n'abandi nka Young Grace, Princess Priscillah, Teta Diana, Butera Knowless, Marina Queen Cha, Charly na Nina.

Ndetse mu bihe bya vubaha hajemo Fifi Raya, Angell Muthoni, Kaya Byinshi, Alyn Sano, Bwiza na Ariel Wayz.

Ntabwo wavuga kandi kw’ihererekana ry'ibisekuru by'umuziki mu bari n'abategarugori ngo wiyibagize France Mpundu, Kellia, Utah, J Sha, Nana n'abandi.

Nyamara ariko ubufatanye hagati y'aba bahanzikazi bwagiye bukomeza kugenda gake, ibintu bitari kure cyane yo kuba n’abisanga muri uru ruganda bakiri bake ugereranije n'abasaza babo.

Birumvikana burya kugira ngo abantu bisange mu kibuga ni uko akenshi babona ko hari abaza kubakira ariko mu gihe cyose bakiri bake n’abagana iyo nzira bakomeza kuba bake.

Kugeza ubu ubwo twakoraga iyi nkuru, twari tumaza kubona uburyo bigoye kuba wabona indirimbo yahuriyemo abahanzikazi babiri nk’uko biba bikorwa mu bahanzi bisanzwe.

Mu ndirimbo twabonye nabwo bigoranye zahuriyemo abahanzikazi harimo Rimwe ya Oda Paccy na Butera Knowless, Ndabizi ya Kellia na Alyn Sano kimwe na Do Me Marina na Queen Cha.

Kuba byonyine gushakisha indirimbo abahanzikazi bagiye bahuriramo bigasaba gutekereza inshuro nyinshi kugira ngo byibuze ugire iyo ubona, bigaragaza imbaraga zikiri nkeya mu mikoranire.

Kuri ubu kandi biragoye kuba wabona umuhanzikazi wasohoye indirimbo ugasanga bagenzi be bamushyigikiye, bakaba bagira icyo bayivugaho cyangwa bakayisangiza ababakurikira.

Kugeza ubu ntawakirengagiza kandi ko abahanzikazi babasha gutegura ibitaramo yaba ibito n’ibinini babifashijwemo na bagenzi babo no muri rusange ari bake.

Ibi bikaba bigaragaraza icyuho kigikomeye mu iterambere ry'umuziki nyarwanda dore ko mu bahanzi usanga batanga ibyishimo, banakomeye kugeza ubu ku Isi, abagore benshi nibo bari mu bushorishori.

Binagendana n'uburyo bahagaze mu buryo bw'ubushobozi aho bamwe bamaze kwigwizaho abarirwa muri za Miliyari z'Amadorali nka Tylor Swift ubarirwa muri Miliyari 1.1 y'amadorali na Rihanna wa Miliyari 1.4 y'amadorali.

Kellia ari mu bahanzikazi bashya barikuzamuka banabashije guhuza imbaraga n’abagenzi babo bakorana indirimboOda Paccy ari mu bakora injyana ha Hip Hop bamaze iminsi gusa uregendo ruracyari rurerure ku bari n’abatagerugori mu Rwanda mu buhanziButera Knowless ari mu bahanzikazi bihagazeho gusa amaze igihe kinini nyamara nubwo yagiye yumvikana kugira ubushake bwo gufasha barumuna be biracyari mu mishingaKuba abahanzikazi bakiri bake n’abarimo guhuza imbaraga bigoye bituma nabinjiyemo bigorana kuguma kugasongeroQueen Cha ari mu bahanzikazi bake babashije guhuza imbaraga na bagenzi be   bagakora igihangano gifatikaAlyn Sano aheruka kugaragaza ko ubuhanzi busaba kwihangana kandi abari n’abategarugori bakugira ari bake 

KANDA HANO UREBE DO ME YA MARINA NA QUEEN CHA IRI MURI NKE ABAHANZIKAZI BAHURIJEMO AMABOKO

“>

KANDA HANO UREBE NDABIZI KELLIA YAHURIYEMO NA ALYN SANO

“>

KANDA HANO UREBE RIMWE YA ODA PACCY NA BUTERA KNOWLESS

“>

Mu kiganiro yakoreye kuri Instagram, Bruce Melodie yagarutse ku kibazo cy'abatekamutwe b'abahanuzi bamaze kumujujubya bitewe n'ubuhanuzi bw'ibinyoma bamaze kumubwira inshuro nyinshi ariko ntibusohore.

Nyuma gato yo kubura Buravan, Jay Polly na Yanga bitabye Imana, Umuhanuzi utuye i Kanombe mu Busanza, yamuhanuriye ko yari agiye gupfa umwaka ushize wa 2023 icyo gihe agirwa inama yo kwiyegereza Imana cyane.

Nyuma y'uko yari yamuteye ubwoba ko uyu mwaka wa 2024 atazawugeramo, Bruce Melodie yabifashe nko kuvangirwa kuko ari uko uwo muhanuzi yabonaga abahanzi benshi barimo gupfa umunsi ku wundi hanyuma nawe bamubwira ko ariwe usigaye.

Uyu mwaka ugitangira, uyu muhanzi yongeye kwandikira Bruce amubwira ko Imana yasanze Bruce Melodie ntacyo yica ndetse nta n’icyo akiza,bityo ikaba yarahisemo kumureka. Ibyo Bruce Melodie yaje kubica amazi kubera ko yabonaga uyu muhanuzi yavangiwe.

Undi muhanuzi wa kabiri, yabwiye Bruce Melodie ko Imana itanze ingabo nyinshi ku bwe kubera ko hari abantu benshi bashaka kumujyana muri Illuminati. Ku bw’ibyo, abahanuzi bamubwiye ko agiye gutandukana na Coach Gael mu buryo budasobanutse.

Nyuma yo kumubwira gutyo, yahise amubwira ko nibiramuka bibaye agomba kuzicara agashima Imana kuko azaba arenze icyo kigeragezo. Aha yashakaga kugaragaza ko Coach Gael ariwe wifuza kuzamujyana muri uyu muryango wa Illuminati.

Abafana babajije Bruce Melodie niba ari Yongwe wamuhanuriye ubu buhanuzi kuko ariwe byoroshye ko babasha guhura, Bruce Melodie yatangaje ko atari we abantu bamutekereza baba bibeshye cyane ahamya ko undi we ari umuntu utazwi mu ruganda rw'imyidagaduro.

Ubuhanuzi Bruce Melodie aherutse ni uko Coach Gael agiye kumujyana muri Illuminati

Bruce Melodie amaze kujujubywa n’abo yise ‘abatekamutwe b’abahanuzi’

Bruce Melodie yagakwiye kuba yarapfuye mu mwaka ushize nk’uko babimuhanuriye

Atangaje ibi mu gihe mu mwaka wa 2017, yashyize hanze igitabo cye cya mbere yise 'Petit Pays' (Agahugu gato) yamurikiye mu bihugu bitandukanye birimo u Rwanda, U Bubiligi, u Bufaransa, Norvège, Denmark, Suède n'ahandi mu rwego rwo kumvikanisha inkuru yakubiye muri iki gitabo.

Ni igitabo yahinduye mu ndimi zirimo n'i Kinyarwanda abifashijwemo na Olivier Bahizi Uwineza. Muri Gashyantare 2017, yamurikiye iki gitabo mu Rwanda mu gitaramo cyarimo na Madamu Jeannette Kagame.

Nyuma y'ukwezi kumwe, muri Werurwe 2017, yamurikiye iki gitabo cye mu nzu ndangamuco izwi ku izina rya 'Le Senghor' mu mujyi wa Bruxelles mu Bubiligi.

Mu butumwa yanyujije kuri konti ye ya Instagram, mu ijoro ryo kuri uyu wa Gatatu tariki 3 Mata 2024, Gaël Faye wamamaye mu ndirimbo zinyuranye nka 'Respire' yavuze ko ari mu byishimo bikomeye nyuma y'uko ari kwitegura gushyira akadomo ku iyandikwa ry'iki gitabo cye gishya yise 'Jacaranda.'

Yavuze ko yifashishije iduka rya Loïs ukorera i Nyamirambo, yatangiye gushyira ku murongo impapuro zigize iki gitabo. Ati 'Nyuma y’amezi atari make nanditse, nshimishijwe no gucapa ibimenyetso by’igitabo cyanjye gikurikira 'Jacaranda' mu iduka rito rya Loïs i Nyamirambo, kamwe mu turere twa Kigali ahabera igice cy’inkuru.'

Gaël Faye yavuze ko hasigaye akazi katari kenshi mu itunganywa ry'iki gitabo, ariko yemeza ko kizasohoka muri Nzeri umwaka utaha. Avuga ati 'Haracyariho akazi gato kuri iyi nyandiko ariko ubu nshobora kwemeza ko nyuma y'imyaka umunani y'igitabo 'Petit Pays” igitabo cyanjye cya kabiri kizasohoka mu mwaka w’amashuri utaha muri Nzeri.'

Gaël Faye ari mu banditsi b'ibitabo bakomeye. Yamenyekanye nk'umuririmbyi binyuze mu ndirimbo nka 'Je pars', 'Ma femme', 'Petit Pays' n'izindi.

Igitabo cye 'Petit Pays' yagikozemo indirimbo ndetse na filime. Iki gitabo kigaragaza inkuru y'ubuzima bw'umwana wavukiye i Burundi wabyawe n'umunyarwandakazi w'impunzi n'umuzungu w'Umufaransa.

Muri icyo gitabo, uwo mwana avuga uko yabonaga ubuzima muri icyo gihe, ibibazo by'amoko, Hutu na Tutsi.

Uwo mwana uba ufite hagati y'imyaka 10 na 15, aba yibuka uburyo ubuto bwe bwaje kwicwa n'ibibazo bya politiki zo muri aka karere. Anavuga ku kibazo cyo kuvuka ku babyeyi badahuje uruhu.

Nyuma yaje guhungishirizwa i Burayi ari nabwo yaje kubona ko kuba imvange bigoye kuko haba i Burundi no mu Burayi, hose abantu bamufataga nk'umunyamahanga.

Amaze gukura yiyemeje kugaruka muri Afurika kuko ariho nibura yumvaga ari iwabo. Mu byatumye yumva yigaruriye icyizere ni ugukunda gusoma no kwandika.

Iki gitabo kivuga ku mateka yaranze u Burundi n'u Rwanda, mu myaka ya za 90 kugera na nyuma yaho.

Iki gitabo cyaciye uduhigo dutandukanye nko mu 2016, inzu isohora ibitabo yitwa Fnac yahembye Gaël Faye nk'umwanditsi mwiza w'umwaka mu cyiciro cy'abanditse ibitabo byo mu bwoko bwa Roman.

Cyanatoranyijwe mu bitabo 650 byitabiriye irushanwa mu 2016. Igihembo cyatanzwe hagendewe ku matora y'abasomyi barenga 800 batoranyije 'Petit Pays' nk'igitabo gikubiyemo inkuru iryoshye kandi y'umwimerere kurusha ibindi.

Gael Faye yanegukanye igihembo cya Prix Goncourt des Lycéens abicyesha igitabo cye 'Petit Pays.'

Filime yakozwe muri iki gitabo ifite iminota 111, yayobowe n'Umufaransa, Eric Barbier, yakinwemo n'abana bavutse ku babyeyi b'abirabura n'abazungu nk'uko bimeze kuri Gaël Faye.

Yagaragayemo Nsanzamahoro Denis wamenyekanye nka Rwasa muri sinema nyarwanda witabye Imana muri Nzeri 2019. Rwasa muri iyi filime agaragara nk'umusirikare w'ingabo zo mu bihe bya mbere ya Jenoside yakorewe Abatutsi mu 1994.

Gaël Faye yatangaje ko ari mu myiteguro yo gushyira hanze igitabo gishya yise 'Jacaranda'

Gaël Faye yavuze ko yifashishije icapiro rya Lois w'i Nyamirambo yatangiye gushyira ku murongo impapuro zigize iki gitabo cye gishya agiye gushyira ku isoko

Iki gitabo Gaël Faye agiye gushyira hanze gishingiye kuri Album ye nshya yise 'Mauve Jacaranda'

Mu 2017, Gaël Faye yamurikiye i Kigali igitabo cye cyamamaye yise ‘Petit Pays’-Aha yari kumwe na Isabelle Kabano, Delyade na Djibril bakinnye muri iyi filime 

Mu bihe bitandukanye, Gaël Faye yagiye akora ibitaramo bikomeye yamurikiyemo iyi filime n’ibindi bihangano bye 

Ku wa 24 Gashyantare 2017, nibwo Madamu Jeannette Kagame yitabiriye igitaramo Gael Faye yamurikiyemo igitabo cye ‘Petit Pays’ mu muhango wabereye mu isomero rya Kigali

KANDA HANO UREBE AMASHUSHO Y'INDIRIMBO 'PETIT PAYS' YA GAEL FAYE

“>

Kuri uyu wa Kane tariki ya 4 Mata 2024 ni bwo Ishyirahamwe ry'Umupira w'Amaguru ku Isi (FIFA) ryashyize ahagaragara uko ibihugu bihagaze ku rutonde rwayo muri uku kwezi.

U Rwanda rwari ku mwanya wa 133 rwahise rwisanga ku mwanya wi 132 ubwo bivuze ko rwazamutseho imyanya 2. 

Ibi bibaye nyuma yuko ikipe y’igihugu, Amavubi yitwaye neza mu mikino ya gicuti itsinda Madagascar ibitego 2-0 ndetse ikanganya na Botswana 0-0.

Amavubi kuri ubu afite amanota 1112.44 avuye ku manota 1107.04 ubwo akaba yungutse amanota 5.4 ayakuye muri iyi mikino ya gicuti.

Muri rusange ikipe y’igihugu y’igihugu ya Argentine niyo iyoboye urutonde rwa FIFA ikaba ikurikiwe niy’u Bufaransa, u Bubiligi, u Bwongereza ndetse na Brazil ku mwanya wa 5.

Muri Afurika amakipe y’ibihugu aza ku mwanya wa hafi ni Morocco ya 13, Senegal ya 17 na Nigeria ya 30. Ni mu gihe mu karere ka Afurika y’Iburasirazuba, Uganda ariyo iza hafi ku mwanya wa 92, Tanzania ya 119 ndetse na Sudani iri ku mwanya wi 127 mu gihe u Burundi bwo buri ku mwanya wi 140.

Ikipe y’igihugu yazamutseho amanota menshi ni Indonesia yazamutseho imyanya 4 naho iyamanutse cyane ni Vietnam yamanutseho imyanya 10.

Ibi ni bimwe byiswe ko amata yabyaye amavuta ubwo ku munsi wari utegerejweho ubukwe, abageni bakiriye umwana w'imfura yabo ariko ntibyabangamira ibirori byateganyijwe.

Mu rukerera ku isaha ya saa kumi 4h00 z'igitondo umugore utatangajwe imyirondoro yafashwe n'ibise ahita yibaruka, akomerezaho n'imyiteguro y'ubukwe bwaburaga amasaha macye, saa yine za mu gitondo (10h00).

Amashusho yanyujijwe ku rubuga rwa TikTok agaragaza umugore wibarutse nyuma y'amasaha macye agakomeza ibirori bye byo gushyingirwa akomeye nkaho nta kintu cyabaye.

Ati 'Nari mfite ubukwe ndasezerana isaha ya saa yine mbyara mbereho amasaha ane. Sinari niteze ko nshobora kubyara kuri uyu munsi kuko nibarutse ku mezi arindwi'. Ubwo yamaraga kwitera ibirungo no kwitunganya, yambaye agatimba yerekeza ahateganijwe ubukwe.

Iyi nkuru yateye benshi gutangara bibaza niba bishoboka ko umuntu ashobora kubyara umwana nyuma y'amasaha macye akerekeza mu birori akajya gusezerana n'umukunzi we.

Abakurikira aba bantu batanze ubuhamya bw'abantu benshi bazi bakoze ubukwe bamaze kubyara kandi ubuzima bwabo bugakomeza kuba bwiza n'abana babo bakagira ubuzima bwiza.

Source: Legit.ng