Category: Uncategorized

Ku wa 10 Mata mu bice bitandukanye by’Isi Abayisilamu bitabiye isengesho rusange rya Eid al Fitr bishimira umusozo w'ukwezi kwa Ramadan.

Umugaba w'Ingabo z'u Rwanda, Gen Murakh Muganga na Minisitiri w'Urubyiruko n'Itembere ry'Ubuhanzi, Dr.Utumatwishima bitabiye isengesho rya Eid al Fitr kuri Stade ya Kigali Pele Stadium i Nyamirambo

Aha hari muri Moscow, Abayisilamu bitegura gutangira gusenga isengesho rya Eid al Fitr, hafi y'umusigiti mukuru wa Moscow.Ibihumbi by'Abanya-Albania bitabiye isengesho rya Eid al Fitr, aha bari bateraniye Skanderberg Square mu gace ka Tirana.Umwana w'umukobwa mutoya ahagaze rwagati mu bihumbi by'Abayisilamu bo mu Rwanda mu isengesho rya Eid al FitrUmwana w'umuhungu ahagaze rwagati mu bihumbi by'abamera Mana b'Abayisilamu, basengeye mu kibuga kigari cya Sir Ali Muslim Club muri Nairobi ho mu gihugu cya KenyaAbanya-Palestine bari mu bihe bitoroshye by'intambara bagize umwanya wo gusenga, aha hakaba ari mu matongo y'umusigiti wa al Farouk aha akaba ari muri Rafah ho mu majyepfo ya GazaMuri Brooklyn ho mu mujyi wa New York, Abanyamerika n'inshuti zabo b'Abayisilamu bakoreye isengesho rya Eid al Fitr ku musigiti wa Masjid At-TaqwaI Yeruzalemu, Eid al Fitr yizihijwe, uyu ni umwana muto afite kimwe mu bikinisho mu gihe ibihumbi by'Abayisilamu bari bitabiriye isengesho risoza ukwezi kwa Ramadan bikaba ari mu bihe Hamas ikomeje guhangana n'igihugu cya IsraelAbasangirangendo bo ku butaka bwa Zazzou muri Kaduna ho mu gihugu cya Nigeria nabo bizihije isozwa ry'ukwezi kwa Ramadan.Muri Yeruzalemu ho muri Israel, umubyeyi yishimana n'umwana we ahabereye isengesho rya Eid al Fitr hazwi nka Al Aqsa bamwe bahazi nka Temple MountAbabyeyi bari bagiye gushima Imana yabashoboje gusoza ukwezi kwa Ramadan mu RwandaAba-Shi'ites bishimiye isozwa ry'ukwezi kwa Ramadan bahurira Imam Ali Shrine mu mujyi mutagatifu wa Najaf ho muri IraqAba-Suni bifurizanya Eid al Fitr bishimira isozwa ry'ukwezi gutagatifu kwa Ramadan muri Mosul muri IraqUmwe mu babyeyi ashima Imana mu gace ka Jakarta, Indonesia mu isengesho rya Eid al Fitr ryabereye Sunda KelapaMu murwa mukuru wa Nigeria ibihumbi by'Abayisilamu bahuriye mu isengesho ryo gusoza Ramadan banaboneraho kwifurizanya no kwizihizanya umunsi wa Eid al FitrAbari bo muri Pakistan bari biteguye uyu munsi uyu yari yitera Henna mu gace ka KarachiMu bice bitandukanye bya Lagos muri Nigeria, Abayisilamu bahuriye mu isengesho rya Eid al FitrAbagabo n'abasore bitabiye isengesho rya Eid al Fitr ku musigiti wa Masjiid At Taqwa mu mujyi wa New YorkMufti w'u Rwanda, Hitimana Salim yasabiye u Rwanda ku bihe rugiye kwinjiramo birimo amatora ngo bizagende neza akomeze abarokotse Jenoside yakorewe AbatutsiKuri Stade ya Mogadishu muri Somalia hahuriye ibihumbi by'Abemera Mana b'Abayisilamu mu isengesho ryo kwizihiza Eid al FitrMuri Moscow ho mu Burusiya ibihumbi by'Abayisilamu bahuriye mu isengesho banaboneraho kwifiruzanya no kwizihizanya umunsi wa Eid al FitrKuri Stade ya Addis Ababa muri Ethiopia hahuriye Abayisilamu bizihiza gusoza ukwezi kwa RamadanUmusigiti Mukuru wa Sheikh Zayed muri Abu Dhabi ho mu Leta Zunze Ubumwe z'Abarabu habereye isengeshoAbabyeyi abana muri Kaduna muri Nigeria bahuriye mu isengesho rya Eid al FitrAbanya-Egypt babyutse kare batangira kwishimira ko Imana yabashoboje gusoza ukwezi kwa RamadanAbabyeyi muri Palestine bagiye gusura imva zishyinguyemo imibiri y’ababo bamaze iminsi bagwa mu ntambara bahanganyemo na IsraelAbana nabo bitabiye isengesho rya Eid al Fitr muri Nairobi ho muri Kenya bishimira Imana yabashoboje gusoza ukwezi gutagatifu kwa Ramadan

Ishimwe Vanessa ukomoka mu Karere ka Bugesera, Umurenge wa Ntarama, yavuze urupfu rw’agashinyaguro abavandimwe be n’ababyeyi bishwe muri Jenoside yakorewe Abatutsi mu 1994 bishwe agasigara wenyine mu muryango.

Ni ubuhamya uyu mubyeyi wavukaga mu muryango w’abana 7 yahaye ikinyamakuru ISIMBI mu gihe u Rwanda rwibuka ku nshuro ya 30 Jenoside yakorewe Abatutsi mu 1994. Batandatu baje kwicwa ndetse n’ababyeyi ba bo arokoka wenyine.

Ubwo Jenoside nyirizina yatangiraga ku mugaragaro Vanesa yari kumwe na nyina, gusa kuko bumvaga urusaku rwinshi nyina ajya kubaza ibyabaye, agarukana inkuru mbi y’uko bari kwica abatutsi, bigira inama yo guhungira mu gishanga cya CND.

Ubwo bateranaga nk’umuryango ngo basenge nyina yatangiye kuvuga ishapure yiyambaza umubyeyi Bikiramariya ndetse basaba Imana kubarokora, nibwo igitero cyabaguyeho.

Nibwo bahamagaye nyina wa Vanessa mu izina bati: “Turareba ko Bikiramariya wambaza ari bubakize”.

Yavuze ko bahereye kuri se ubabyara, bamukubita impiri eshatu mu mutwe ndetse yicwa n’umuturanyi yari yaragabiye inka, amwica amubaza impamvu amwishe kandi bari inshuti, ndetse amwibutsa ko bari bafitanye igihango yaramugabiye, ariko amushyira ibitambaro mu kanwa kugirango adakomeza kuvuga, aramwica.

Yakomeje agira ati” Ubwo bageraga kuri mama bamukoreyeho ubufindo. Bamushishimuye igikumwe cy’urutoki kugera hafi y’inkokora bamubaza niba hari ikintu Bikiramariya ari kumufasha kuko basanze asenga”.

Nyuma batemye amaguru yombi bahereye mu ngasire, bamujomba n’icumu mu ijosi bamusiga aboroga atarapfa. Bahise bajya kuri mukuru we bamukuraho izuru.

Ibyo byakurikiwe no gufata mukuru wa Vanessa bamwambura imyenda bamufata ku ngufu ndetse bavuga ko bagiye kumujomba igisongo mu myanya y’ibanga, mama wa bo ataka abasaba kureka gutoteza umwana we, birangira bamutemyemo ibice bine arapfa.

Musaza we umukurikira yari muto bamukubise ku ngiga y’igiti kugeza ashizemo umwuka.

Ubwo Vanessa yabonaga ibikorewe abavandimwe be yashatse kwiruka ariko baramugarura bamutema ku maguru ndetse n’amaboko gusa we basiga adapfuye

Yagumye mu gishanga na bya bikomere kugeza igihe biboreye kubera kubura ubuvuzi ndetse imbwa zikajya ziza zikarya umuryango we abireba, na we zikaza kurigata ibisebe bye byari bimaze kubora.

Yaje kumva amakuru ko abahungiye mu gishanga bagiye kubagota bose bakicwa binyuze mu gutwika igishanga bagahiramo. Igishanga cyaratwiswe ku bw’amahirwe ahungira mu gahuru kari hafi aho, umuriro ugeze hafi y’igihuru urazima Imana iramurokora.

Yaje guhura n’abandi Batutsi bari baturanye bamubwira ko nyirarume akiri muzima ndetse bamugeza aho ari, atangira kujya amuvurisha ibyatsi, Interahamwe zaza akamukubita ku bitugu akamuhungana.

Ubwo Vanessa yari mu rugo yakiriye inkuru nziza ko Inkotanyi zaje gutabara izanywe na nyirarume. Ati: “Inkotanyi zabanzaga kukuganiriza, nyuma zikarokora ubuzima bwawe zabanje kukuremamo icyizere”.

Yashimiye bikomeye bikomeye Inkotonyi ubwiotange zakoresheje kugira ngo zihagarike Jenoside yakorewe Abatutsi.

Ishimwe Vanessa yavuze urupfu ababyeyi be n’abavandimwe biswhe muri Jenoside yakorewe Abatutsi mu 1994

Umulisa Joselyne wahoze ari umukinnyi wa Tennis, yagarutse ku bikomere yagize nyuma yo gushinga urugo yakomoye kuri Jenoside yakorewe Abatutsi mu 1994.

Mu kiganiro yahaye ikinyamakuru ISIMBI, yavuze ko yagiye gukora ubukwe yarangiritse bikabije aho n’abaganga bamubwiraga ko nyababyeyi ishobora kuba yaragize ikibazo, rero igikomere cya mbere yari afite 'nibazaga nindamuka ntabyaye cyangwa iyo nda ikavamo nzabyifatamo nte? Ko gukora ubukwe ari ukugira ngo nagure umuryango, nasengaga Imana nyisaba ngo izampe urubyaro.'

Yakomeje kandi avuga ko ikindi gikomere yagendanaga nacyo kwari ukwibaza abantu bazaba bicaye mu gisharagati mu ruhande rwe kuko umuryango wari warishwe muri Jenoside yakorewe Abatutsi.

Ati 'ikindi gikomere nagize, ubwo abandi babaga bashyushye bakubaza bite ko utantwerera njye ntabwo byigeze bimbaho, sinigeze ntekereza ku mafaranga, naravugaga ngo amafaranga yose naba mfite ubukwe burataha, ahubwo nari mpangayikishijwe n’abantu bari bwicare mu gisharagati ku ruhande rwanjye.'

'Nageze aho mbwira umwe mu bantu bo mu muryango wanjye nti waretse tugatira abantu? Nari mfite ubwoba ko iwabo w’umuhungu bari buturushe abantu, nti se baravuga iki? Barabona ko ntakunzwe? Barabona ko abantu banze kubutaha kubera ko hari ikintu runaka kindi kidahari? Nari mfite ubwoba ku buryo no kwambara ikanzu numvaga itajyamo.'

Ikindi cyari gikomeye cyane kuruta ibindi, yibazaga n’abo bantu nibaramuka babonetse umubyeyi wo gushimira (kumwe batanga impano bashimira ababyeyi).

Ntabwo ubukwe bwe yigeze abwishimira kuko yatekerezaga ibintu byinshi cyane mu mutwe we, yagize amahirwe asanga abantu baje ku ruhande rwe nabwo atekereza ko ari abo ku ruhande rw’umugabo baje kuzuza iyo myanya, asigara yibaza uko ari buze gutwikururwa kuko, nabyo byabaho uzamutinyisha (kumwarika) akibaza aho azava, uwo we yaje no kumubura yisanga ari mu rugo n’umugabo we gusa.

Ahandi yaje kugirira ikibazo gikomeye ni igihe yari atwite kuko atari afite umuntu mukuru wo mu muryango wo kubaza uko umugore utwite yitwara, uko ibihembwe by’umubyeyi bikurikirana byageze aho agaragaza ibimenyetso byo kubyara ariko ntiyabimenya.

Yisanze kwa muganga wenyine kandi agomba kubyara abazwe, nta muntu wo kumufasha n’umwe afite ndetse na nyuma yo kubyara yariyozaga kandi baramubaze.

Ati 'nyuma yo kubyara nariyozaga kandi narabazwe. Nafataga essui-mains nkayihambira aho nabazwe ubundi nkoga n’ukuboko kumwe ukundi kugafata kuri essui-mains ngo amazi atajya mu gisebe.'

Umulisa Joselyne akaba yarahuye n’ibihe bikomeye cyane nyuma yo kubyara aho nta muntu wo kumwitaho yari afite, ni we wiyogerezaga umwana akanitekera igikoma.

Ati 'Nta muntu nari mfite untekera igikoma, nta muntu nari mfite umpa agasosi, nta muntu nari mfite unyitaho, namaraga gukarabya umwana, na we ntabwo nari nzi uko bamukarabya usibye kubaza nk’abaturanyi cyangwa ababyeyi bakuru. Mabukwe ni we nakundaga kubaza ariko na we simubwire byose kuko natinyaga ko azavuga ko ndi umugore w’igishwi.'

'Konsa umwana sinari mbizi, kumukarabya byari ikindi, kwicara ngo mukarabye byari ikindi kuko nari nabazwe, kunama ngo mugereho cyari ikindi kibazo.'

Joselyne avuga ko ikindi gikomere agendana ari igikomere cy’uko iyo abonye umuntu wese wambaye ishati y’iroza amubonamo mama we kuko ari yo yapfuye yambaye.

Nyina ngo bamuroshye mu Kagera, na we mu rwego rwo kwirengera ko hatagira umenya ko ari umututsi yahise ajya mu bwato arambuka, bageze hagati nyina arazamuka aza ashaka gufata ku bwato ngo arebe ko bwamurokora ariko kuko iyo azamuka bakamubona bari kubica bombi niko kubwira umusare ngo akate ubwato hari umuntu ushaka kubufataho ariko amuhisha ko ari nyina, iyo shusho ikaba itajya imuva mu mutwe kuba yarapfuye amureba kandi ari we wari kumutabara, gusa na we nta mahitamo yari afite kuko bari gupfa bombi.

Umulisa Joselyne yavuze agahinda yahuye nako nyuma yo gushinga urugo

Yabigarutseho mu kiganiro yagiranye na InyaRwanda, aho yavuze ko mbere ya Jenoside yakorewe Abatutsi, ubuhanzi butari ku rwego rushimishije ahanini bitewe n’ivangura ryarimo, aho bamwe inganzo yabo yagiye ipfukiranwa bitewe no kubazwa ubwoko bwabo.

Muyoboke yavuze ko abahanzi bahoraga ku nkeke, bigatuma batabasha kugaragaza ibibarimo. Ati “…Duhere mu myaka ya mbere y’1994, aho wasangaga imyidagaduro, wabonaga ko iri hasi nayo ntiyaburagamo ivangura, ntiyaburagamo ku kubaza uwo uriwe niba ugiye kuririmba ahantu. Kenshi abahanzi byarabagoraga nabo ubwabo. Kuko bahoraga bari ku nkeke y’ubwoko bw’abo, uwo ariwe cyangwa n’aho avuka.”

Muyoboke usanzwe ari Umuyobozi wa Decent Entertainment, yavuze ko nyuma ya Jenoside yakorewe Abatutsi, abahanzi bashyize hamwe bitewe na Leta y’ubumwe bakora indirimbo zamagana Jenoside yakorewe Abatutsi, kandi bisunze inganzo yabo baririmbye amahoro n’urukundo.

Ati “Yaba ari ukora imivugo, yaba ari ukora ikinamico, ubona y’uko abahanzi batasigaye inyuma kugirango nabo batange umusanzu muri iyi myaka 30 ishize.”

Yavuze ko muri iyi myaka 30 ishize, uruhare rw’abahanzi mu kubaka  ubumwe bw’Abanyarwanda rwigaragaza cyane ko ari ijwi rigera kure.

Muyoboke yavuze ko hari ibihangano byinshi by’abahanzi bigaruka ku bumwe, indirimbo zisana imitima kandi zitsa ‘ku bumwe butari buriho mu myaka myishi iki gihugu cyabayeho’. Akomeza ati “Aho usanga abahanzi nabo bitabira ibikorwa byo kwibuka Jenoside yakorewe Abatutsi.”

Yagaragaje ko muri iyi myaka 30 ishize, abahanzi bunze ubumwe, kandi binagaragarira mu ndirimbo zo kwibuka bagiye bahuriramo n’abandi bahanzi.

Muri iki kiganiro, Muyoboke yavuze ko abahanzi mu myaka 30 ishize, bakoze ibikorwa binyuranye birimo gusura no kuremera abarokotse Jenoside. Asobanura ko ibi bigaragaza ubumwe bw’abahanzi, no kwerekana ko bumva neza umurongo wa Leta y’ubumwe.

Kuri Muyoboke, buri muhanzi wese akwiye gukoresha ijwi rye mu kwamagana abahakana bakanapfobya Jenoside yakorewe Abatutsi. Ati “Reka twereke Isi ko ibyo bavuga ari ukubeshya [Abahakana Jenoside], kuko dufite igihugu cyiza, dufite igihugu kizamo abanyamahanga benshi bagisura, ariko abanyamahanga sibo batuvugira, nitwe twabyivugira…”

Yavuze ko muri ibi bihe byo Kwibuka Jenoside yakorewe Abatutsi, umuhanzi akwiye kurangwa n’ibikorwa byo kuba hafi abarokotse Jenoside no kubahumuriza binyuze mu bihangano n’ubutumwa bw’ihumure.

Muyoboke yagaye kandi abahanzi bigira ba ntibindeba mu gihe cyo Kwibuka, avuga ko buri munyarwanda afite inshingano zo Kwibuka.

Yavuze ko urubyiruko arizo ngufu z'Igihugu, bityo bafite n'uruhare runini mu kwamagana abagihembera ingengabitekerezo ya Jenoside.

Ati 'Urubyiruko nizo ngufu z’Igihugu. Ibi bihe turimo ni ibihe byo kwitwararika, ni ibihe byo kwiga amateka yacu ndetse tunarwanya ba bantu bakoresha imbuga nkoranyambaga bangisha cyangwa babwira urundi rubyiruko rutari mu gihugu ndetse n’abanyamahanga, kuko nimwe mukoresha izi mbuga nkoranyambaga, mubereka ibyiza muri iyi myaka 30 ishize habaye Jenoside yakorewe Abatutsi kugirango dukomeze twiyubakira igihugu cyacu.”

Muyoboke Alex yagaragaje ko ivangura ryari mu buhanzi mbere ya Jenoside ryabukomye mu nkokora

Muyoboke yavuze ko nyuma ya Jenoside, ubuhanzi bwongeye kwiyubaka kandi ntibwasigaye inyuma muri iyi myaka 30 ishize

Muyoboke yagaragaje ko mu myaka 30 ishize, ubuhanzi bwagize uruhare rukomeye mu kubaka u Rwanda

KANDA HANO UREBE IKIGANIRO TWAGIRANYE NA MUYOBOKE ALEX

“>

Yabitangaje mu kiganiro yagiranye na InyaRwanda, muri iki gihe u Rwanda n’Isi bibuka ku nshuro ya 30 Jenoside yakorewe Abatutsi yatwaye ubuzima bw’abarenga Miliyoni mu gihe cy’iminsi 100.

Rumaga yavuze ko umusanzu w’umusizi mu kubaka ubumwe bw'Abanyarwanda ukwiriye gushingira mu mico n’imigirire ari naho banyuzamo ‘ibihangano byabo’.

Ati ‘Rero uruhare nyirizina, rurashingira ku bihangano byabo. Igihe tugeze aho igihugu cyitwigomba, biradusaba kunga ubumwe, ari cyo Leta y’ubumwe bw’Abanyarwanda, ubona yimirije imbere, rero kugaragara aho ngaho, gutanga umusanzu mu buhanzi bwe mu buryo bw’ibifatika n’ibidafatika…'

Yavuze ko hari abasizi bazwi cyane ku mbuga nkoranyambaga, bityo ko mu gihe nk’iki cyo Kwibuka Jenoside yakorewe Abatutsi, bakwiye kuzikoresha’ bagaragaza ukuri ku mateka u Rwanda rwanyuzemo'.

Rumaga yakomeje asaba urubyiruko gukomeza kubungabunga ibimaze kugerwaho, kandi ibyagezweho ‘biri mu ishusho y’ibiboneka n’ibitaboneka’. Yavuze ko witegereje ifoto yo mu myaka 30 ishize n’u Rwanda rwa none, ubona ko Igihugu cyahindutse mu buryo bugaragarira buri wese.

Uyu musizi wamamaye mu bisigo binyuranye, yavuze ko urubyiruko rukwiriye kwiga ‘kurema ibishya biza kunganira ibyo twagezeho’. Kuri we, yaba urubyiruko ndetse n’abahanzi bafite uruhare runini mu guhangana n’abahakana bakanapfobya Jenoside yakorewe Abatutsi.

Ariko kandi nabo basabwa kubanza kumenya amateka y’u Rwanda mbere y’uko bayabwira abandi. Ati “Kuko n’abahakana n’abapfobya bitwaza ingingo bita ko zibarengera, rero (ni ingenzi) kumenya amateka y’Igihugu, kumenya amateka yawe nk’umunyarwanda, no kumenya amateka y’umuryango.”

Yavuze ko nk’umusizi akangurira abasizi bagenzi be kumenya amateka y’u Rwanda n’amateka ya muntu kugira ngo bazabashe kuyabara neza.

Rumaga avuga ko kumenya amateka bizabafasha ‘gusubiza neza abayagoreka’. Ati “Ni byiza ko twiga amateka bahanzi bagenzi banjye, by’umwihariko basizi. 

Ni byiza ko tumenya amateka y’umunyarwanda, ni byiza ko tumenya amateka yacu, tukibuka ko turi mu Isi imeze nka ‘Debate’, ni urugendo, ni impaka, impaka rero zitsinda umuntu ufite ingingo zimurengera.

Umusizi Rumaga yatangaje ko abasizi bakwiye kurushaho kumenya amateka mu rwego rwo kubaka u Rwanda

Rumaga yavuze ko abahanzi n'urubyiruko bafite umukoro wo kuvuga ukuri ku mateka y'u Rwanda

Rumaga yavuze ko urubyiruko rukwiye guharanira guhanga ibishya mu rugendo rwo kubaka ibimaze kugerwaho

KANDA HANO UREBE IKIGANIRO TWAGIRANYE N'UMUSIZI RUMAGA

“>

Ku wa 11 Mata, Umutwe w'Ingabo z'Umuryango w'Abibumbye zo mu Bubiligi zatereranye abatutsi barenga 2000 bari bawuhungiyeho mu ishuri rya ETO-Kicukiro, kandi nta bundi butabazi bafite.

Uyu munsi ni wo Interahamwe n'abandi bahutu bari bavuye muri Komini Murambi yose bateye kuri Kiliziya ya Kiziguro ahari hihishe abatutsi bagera 5,500.

Icyo gitero bagabye kuri Kiliziya ya Kiziguro, cyari kiyobowe n'uwahoze ari Burugumesitiri wa Murambi Gatete Jean Baptiste ari kumwe na Mwange wari Burugumesitiri mushya wa Komini Murambi, Valens Byansi wari Perezida wa CDR muri Murambi, Rwabukumba wahoze ayobora Komini Muvumba, Nkundabazungu n'abasirikare.

Nyuma ya Jenoside, Burugumesitiri Gatete Jean Baptiste yakatiwe n'Urukiko Mpuzamahanga Mpanabyaha rwashyiriweho u Rwanda, igifungo cy'imyaka 30 naho Onesphore Rwabukumba akatirwa igifungo cya burundu n'urukiko rwo mu Budage.

Abo bicanyi bategetse abapadiri n'ababikira kwitandukanya n'Abatutsi bagombaga kwicwa. Icyo gihe, abasirikare barashe amasasu ndetse batera na za gerenade mu kiliziya yuzuyemo impunzi z'Abatutsi na ho abaturage n'Interahamwe bakicisha ibikoresho bya gakondo. Abari bakirimo akuka babajugunya ari bazima mu cyobo cya metero 50 cyari cyaracukuwe mbere hafi ya kiliziya.

Impunzi z'Abatutsi zigera ku 30,000 ziturutse muri za Segiteri Mata, Rwamiko, Gorwe, Gisororo na Matyazo zahungiye kuri Paruwasi ya Kibeho zihabwa ikaze na Padiri Pierre Ngoga.

Burugumesitiri wa Komini Kivumu, Gregoire Ndahimana, yakoresheje inama n'abayobozi bose b'inzego z'ibanze muri Komini Kivumu, abategeka ko bashishikariza Abatutsi bose guhungira ahantu hamwe, cyane cyane mu Kiliziya ya Nyange. Abapolisi bo kuri Komini bategekwa gukwirakwiza ayo makuru bizeza Abatutsi ko nibahungira ahantu hamwe ari bwo babasha kurindirwa umutekano.

Kuva kuri 11-15/04/1994, abatutsi biciwe ahitwaga Segiteri Zoko, muri Selile ya Merezo, ku ishuri ribanza rya Nyamabuye, ku Gitare n'i Kavumu (ubu hubatse Urwibutso rwa Jenoside yakorewe abatutsi) mu Karere ka Gicumbi.

Kuri iyo tariki, Minisitiri w'Ububanyi n'Amahanga w'u Bubiligi, Willy Claes, yabonanye n'Umunyamabanga Mukuru w'Umuryango w'Abibumbye amubwira ko u Bubiligi buri gukura ingabo zabwo mu mutwe w'ingabo za UNAMIR wari ushinzwe kugarura amahoro mu Rwanda.

Abatutsi bagera ku 3000 bari bamaze gutereranwa n'Ingabo z'Umuryango w'Abibumbye, bajyanwe kwicirwa i Nyanza ya Kicukiro ku mabwiriza yatanzwe na Colonel Leonidas Rusatira. Ingabo za FPR Inkotanyi zabashije kurokora abagera kuri 97 gusa kuri uwo munsi.

Tuyisenge yabwiye InyaRwanda ko hari abahanzi bakoresheje inganzo mu kubiba urwango, bityo ko nyuma ya Jenoside yakorewe Abatutsi, abahanzi bari bafite umukoro wo kongera kwigarurira icyizere cy’abantu binyuze mu bihangano by’isanamitima.

Ati “Abahanzi twari dufite umukoro ukomeye. Kuko hari abahanzi bagenzi bacu bagize uruhare muri Jenoside yakorewe Abatutsi, kubera ibihangano bakoze byagiye bibiba inzangano, byagejeje kuri Jenoside yakorewe Abatutsi, (rero) twari dufite umukoro wo kugira ngo tugaragaze indi sura itandukanye n’iyo Abanyarwanda batubonagamo, tunashimira ko hari urundi rubyiruko rw’abahanzi bagize uruhare mu kubohora iki gihugu.”

Tuyisenge yavuze ko muri uru rugendo, abahanzi batakoze ibihangano gusa, ahubwo banitabiriye ibikorwa birimo gusura inzibutso za Jenoside yakorewe Abatutsi, kuremera abarokotse Jenoside yakorewe Abatutsi kandi batanze ‘Mutuelle de Sante’ ndetse bakora n’ibindi bikorwa.

Uyu muyobozi akaba n’umuhanzi, agaragaza ko n’ubwo abahanzi bari mu byiciro bitandukanye by’ubuzima, binyuze mu itorero ry’Igihugu bigishijwe amateka y’u Rwanda ndetse n’indangagaciro zikwiriye kubaranga.

Tuyisenge avuga ko ibi byafashije kumenya amateka ya nyayo. Asobanura ko mu myaka 30 ishize, abahanzi bagize uruhare rukomeye mu isanamitima binyuze mu bihangano bagiye bashyira hanze.

Ati “Mu myaka 30 ishize abahanzi bagize uruhare rukomeye mu isanamitima ku banyarwanda, aho hakozwe ibihangano byinshi bitandukanye yaba imivugo, indirimbo, amakinamico ndetse na Cinema bigaruka kuri Jenoside yakorewe Abatutsi ndetse n’amateka yagejeje u Rwanda kuri Jenoside yakorewe Abatutsi.”   

Ati “Mu myaka 30 ishize abahanzi bagize uruhare rukomeye mu isanamitima ku banyarwanda, aho hakozwe ibihangano byinshi bitandukanye yaba imivugo, indirimbo, amakinamico ndetse na Cinema bigaruka kuri Jenoside yakorewe Abatutsi ndetse n’amateka yagejeje u Rwanda kuri Jenoside yakorewe Abatutsi.”

 

Tuyisenge yatangaje ko nyuma ya Jenoside yakorewe Abatutsi, abahanzi bari bafite umukoro ukomeye

Tuyisenge yavuze ko uretse gukora indirimbo z'isanamitima, bafashije n'abarokotse Jenoside

KANDA HANO UREBE IKIGANIRO TWAGIRANYE NA INTORE TUYISENGE

Umushumba Mukuru w’Itorero rya Eglise Messianique Pour la Guerison des ames au Rwanda, Apotre Serukiza Sosthene, yifatanije n’abanyarwanda mu bihe bikomeye byo kwibuka ku nshuro ya 30 Jenoside yakorewe Abatutsi, atanga ubutumwa bugaruka ku byagezweho mu myaka 30 ishize, ashimira ubuyobozi bwiza bw’u Rwanda.

Apotre Serukiza Sosthene yibukije abakirisito inshingano bafite muri ibi bihe byo kwibuka ku nshuro y 30 Jenoside yakorewe Abatutsi mu 1994, avuga ko Imana ifite umugambi mwiza ku Rwanda. Ati: “Imana yaremye iki gihugu ikakiremera n’Abanyarwanda, umugambi wayo ni mugari ni munini. Ntacyasenya iki gihugu”.

Mu kiganiro yagiranye na InyaRwanda, Apotre Serukiza yagarutse ku myaka 30 ishize abanyarwanda biyubaka nyuma y’ibihe by’umwijima n’ubwicanyi bw’indengakamere bari bavuyemo muri Jenoside yakorewe Abatutsi mu 1994 yahitanye abarenga miliyoni imwe. Yavuze ko Imana yahaye u Rwanda ubuyobozi bwiza bwaje nk’impano ikomeye.

Ati: “Imyaka 30 ishize nyuma ya Jenoside yakorewe Abatutsi, nk’abakozi b’Imana tuyibona nk’urufatiro rwiza, kubaka ‘Fondation’ y’igihugu kitajegajega, kitanyeganyezwa, gifite imbaraga n’imizi ku buryo ntawapfa kugisenya. Ni nk’umuntu ugiye kubaka inzu y’igorofa ndende ikomeye, atinda muri ‘Fondation”.

Uyu mushumba akaba n’umubwirizabutumwa bwiza yasabye abamenye Imana kwatura ibyiza ku gihugu cy’u Rwanda, kuko kwatura birema ndetse Imana igahira ibyo batuye bikaba impamo. Yatangaje ibi ubwo yari abajijwe uruhare rw’abakristo mu bihe byo #Kwibuka30.

Yagize ati: “Kwatura ibintu byiza bikomeye ku gihugu. Abizera Imana barahagararaga bakatura ibyo bizera, bakatura ibyo bifuza kubona byiza kandi Imana ikabisohoza. Abantu ni bature amahoro, bature ubuzima, bature ubutsinzi, bature ko Imana iri muri bo”.

Arashimira ubuyobozi bwiza bwabaye hafi abanyarwanda bagahumurizwa. Ati: “Bibiliya iravuga ngo ubuyobozi bwose butangwa n’Imana, ariko hari ubuyobozi buza bukaza ari igisubizo ku gihugu. Turashimira ubuyobozi dufite bwiza bwaje bugahumuriza Abanyarwanda”.

Apotre Serukiza yakomeje ashimira ubuyobozi bwiza bw’u Rwanda burangajwe imbere na Perezida Paul Kagame wahagaritse Jenoside yakorewe Abatutsi, ati” Hari ubuyobozi buza bukaza ari igisubizo cy’Igihugu ndetse bukaza ari umusemburo wo gukira kw’Igihugu”.

Asoza ati: “Turashimira Imana ko yaduhaye ubuyobozi bwiza bwaje mu nzira yuko ari umusemburo w’ibyiza atari inkoni ihana igihugu cyangwa kugisenya. Ubuyobozi nk’impano Imana yaduhaye tuzahora tubuzirikana kandi tunashimira iyabikoze”.

Apotre Serukiza yabwiye abanyarwanda ko Imana yabahaye umugisha ukomeye w’ubuyobozi bwiza bwavanye u Rwanda mu icuraburindi

Apotre Serukiza yahumurije Abanyarwanda muri ibi bihe byo #Kwibuka30

Mu kiganiro yagiranye n’Ikigo cy’Igihugu cy’Itangazamakuru, Dr Gasanabo Jean Damascène yasobanuye ko ijambo Interahamwe ryazanwe na Perezida Habyarimana ashaka kuvuga ‘abantu bashyize hamwe.’

Ubwo yabisobanuraga yagize ati: “Iryo jambo, ni Habyarimana warizanye, Interahamwe mbese abantu bashyize hamwe. Ubundi, iyo abantu bashyize hamwe haba hari impamvu, ni ukuvuga ngo dushyize hamwe kugira ngo tugere kuri iki ngiki. Dukore iki dufatanyije kugira ngo tugere ahantu twiyemeje.”

Yasobanuye ko ubwo Habyarimana yashyiragaho interahamwe, yari afite umugambi wo kumara Abatutsi, ari na cyo cyakozwe. Yongeyeho ko ijambo ubwaryo ritari ribi, ahubwo ibikorwa ryakoreshejwemo ari byo bibi.

Ati: “Interahamwe rero amaze kuzishyiraho afatanije n’abayobozi be, bahera mu rubyiruko. Urubyiruko buriya bumva vuba, noneho cyane iyo nta kazi bafite, umuyobozi aravuze dukurikire. Nta n’ubwo batekereza, ntabwo bibaza, oya. Abajyanye mu bintu bibi, ariko bo ntabwo babona ko ari bibi kuko byavuzwe na wa wundi w’umuyobozi kandi bemera.”

Dr Gasanabo yasobanuye ko impamvu byafashe intera ikomeye ari uko byavuye mu buyobozi bukuru kandi bafata nk’icyitegererezo cyabo, ababwiye icyo bagomba gukora baragikora kuko nta n’ikindi bakoraga.

Ati: “Ni ukuvuga ngo rero, iyo abenshi bafashe uwo mujyo bakajya muri uwo mugambi nyine, bose barakurikira kandi bakurikira badatekereje n’ingaruka zawo.”

Umushakashatsi Dr Gasanabo Jean Damascéne yasobanuye inkomoko y’interahamwe

Ku Cyumweru taliki 7 Mata 2024 ni bwo Perezida Kagame na Madamu Jeannette Kagame batangije ibikorwa byo kwibuka ku nshuro ya 30 Jenoside yakorewe Abatutsi mu 1994, hacanwa Urumuri rw’icyizere. Ni igikorwa cyabereye ku Rwibutso rwa Jenoside rwa Kigali ruri ku Gisozi aharuhukiye abarenga ibihumbi 250 bazize Jenoside yakorewe Abatutsi.

Kuwa Kabiri, umuryango wa Rayon Sports ugizwe n’Abayobozi, Abakinnyi, Abatoza n’Abafana bakoze urugendo rwo #Kwibuka30, ndetse bunamira inzirakarengane zishwe muri Jenoside yakorewe Abatutsi mu 1994, baruhukiye mu rwibutso rwa Nyanza ya Kicukiro.

Kayiranga Jean Baptiste wakiniye ikipe ya Rayon Sports mbere ya Jenoside yakorewe Abatutsi mu 1994 ndetse na nyuma yayo akanayitoza, ni umwe mu bari bari kumwe nayo muri uru rugendo rwo Kwibuka ku nshuro ya 30 Jenoside yakorewe Abatutsi.

Nyuma y’urugendo rwo #Kwibuka30, yasobanuye uko iyo kipe yari ibayeho mbere ya Jenoside yakorewe Abatutsi nk’umuntu wari uyirimo icyo gihe. Yavuze ko yari ikipe yari ifite abakinnyi babaye abavandimwe ndetse ko hari igihe byabaga ngombwa ko bibwirira umutoza abo abanzamo kugira ngo babone intsinzi.

Ati: 'Ni ikipe ntabona uko nsobanura mu minota micye kubera ko n’iyo wenda ngize amahirwe yo kubona uwo twakinanaga ugihumeka cyangwa se wenda tukandikirana, amarangamutima aragaruka ugatekereza ibyo bihe hanyuma ugatekereza uburyo twatakaje amahirwe yo kwandika amateka arenze aya CECAFA kubera ko icyo gihe wabonaga ko byashoboka.

Iyo ikipe yashoboye kugera muri ½, buriya n'umukino wa nyuma uba ushoboka. Rero abantu bose twakinannye icyo gihe ni abakinnyi urumva uwo twari tumaranye imyaka micye wasanganga ari nki biri, abandi wasangaga ari ine ndetse n’itanu, twari twarabaye nk'abavandimwe.

Ni ikipe nakubwira ko buri muntu wese yari afite uburyo yiyizi, uburyo yimenya ariko akagira n'uburyo bagenzi be bamumenya bakaba banamenya n'iminota bamusabira ku mutoza. Icyo gihe byarashobokaga ko nka Kayiranga, abakinnyi bandi babonaga ko nkwiye gukina igice cya kabiri wenda kandi umutoza anshyiramo iminota 15.

Icyo gihe rero inama yaraterenaga nk'abakinnyi bakuru bari bafite ijambo abitwaga ba Misiri, abitwaga ba Nazeri, abitwaga ba Hemeyica, ni abakinnyi basaga n’aho ari bakuru kuri njye ho gato ariko bakoraga nk'inama bakavuga bati kugira ngo tubone ibitego bakavugana n'umutoza (Raoul), noneho iyo umusaruro utabaga mwiza byaga ngombwa ko umukino ukurikiyeho bya bindi abakinnyi basabye ko umutoza abyemeza.

Rero abakinnyi bo bonyine babaga bazi umukinnyi babona koko wabaha umusaruro kandi nta mutima mubi. Umukinnyi wese wajyaga mu kibuga cyane cyane ko ikintu kinini twarwaniraga cyabaga ari ugutsinda gusa.

Iyo rero wabonaga mugenzi wawe yaguheshaga intsinzi warabivugaga kuko iyo wabaga uri hanze wabaga ureba umupira neza kandi ukamenya ubuhanga bwa buri mukinnyi. Abakinnyi rero b’icyo gihe babaga ari bakuru kandi bafite umutima n'ishyaka ry’uko Rayon Sports yatsinda bidashingiye ku mafaranga bari bubone.”

Kayiranga Jean Baptiste yavuze ko nyuma yo kugaruka mu Rwanda yamenye ko bamwe mu bakinnyi bakinanaga bishwe muri Jenoside yakorewe Abatutsi mu 1994. Icyo gihe yari agaruwe na Rayon Sports, biramubabaza bitewe nuko hari harimo n'abo babanaga mu nzu bityo bituma yumva ko nawe yagombaga guhitanwa na Jenoside.

Abajijwe uko ibintu byabaga bimeze mu kibuga mbere ya Jenoside yakorewe Abatutsi niba ntabijyanye n’amoko byajyaga birimo, yavuze ko byatangiye kuza mu 1993 ndetse anatanga urugero rw’ukuntu Interahamwe zigeze kubakura mu kibuga batsinze Etincelles FC.

Yagize ati: “Mu 1993, ibintu by'amashyaka byari bitangiye kuza, ndibuka ko hari umukino twakinnye na Entincelles FC niho ibyo bintu by’ivangura wabonaga ko bitangiye kuza.

1993 ishira cyangwa se intangiriro yi 1994, mu matiriki ya mbere kuko ubwo twakinaga umukino na Etincelles FC tukayitsinda, ariko kubera ko muri sitade hari harimo abantu bazanye ibirango by'amashyaka ya MRND, umukino barawuhagaritse urasubikwa twatsinze, bikora nk’aho tutatsinze.

Umukino baje kuwugarura turongera turawutsinda noneho baremera tubavamo gutyo. Ntekereza ko ni cyo gihe byatangiye ibintu by’ivangura, ibintu by'amashyaka, ibintu by’urwangano.”

“Ariko mu kibuga hagati, njye imikino yose nakinnye kuko iyo uri mu kibuga, iyo umukinnyi aciriye undi uramubona, iyo umukinnyi atutse undi uramubona, iyo umukinnyi abwiye undi ikigambo kibi uracyumva, buriya mu kibuga kugira ngo ubone uwo mwanya wo kwinjira mu bwoko bw'umuntu, ubwo ntabwo aba ari umukinnyi nyine.

Uwo mwanya sinzi ko yawubona, hanze byarashobokaga ko bari gusangira bagashobora gutukana, ubusinzi bukazamo ariko kubera ko izo nzira cyane ntazinyuragamo ntabwo nakubwira ngo uyu yatutse uyu cyangwa uyu.

Ariko ibigaragara aho byabereye kuri sitade ni uko uwo mukino bawusubitse, Interahamwe zikadusanga mu kibuga bavuga n'amagambo mabi, Abatutsi b'i Nyanza nuko dusohoka mu kibuga gutyo turitahira umukino barongera bawusubiramo, turongera turatsinda.”

Kayiranga yakomeje avuga uko noneho umupira wari umeze mu Rwanda nyuma ya Jenoside yakorewe Abatutsi mu 1994, avuga ko ubuyobozi ari kimwe mu byabafashije. Ati” Nyuma ya 1994, urumva ukurikije ibihe twari tuvuyemo ni ubuyobozi.

Buriya guhinduka k’ubuyobozi, abantu bashobora kudahita bahinduka ariko iyo ubuyobozi bubaye bwiza abantu nabo bagenda bahinduka kubera ko umuntu agenda yiga, buriya cyane cyane iyo umwigisha ari mwiza. Rero ubuyobozi bwaje, n’iyo bwo bwonyine butavuze byinshi, buriya igitsure ni ikintu cy'ingenzi.

Rero urebye wenda aho tuvuye n'abantu tubonye, ntekereza ko ubuyobozi bwagize uruhare runini hanyuma umupira usa n’aho kuri twebwe byatubereye umuti wo kudasubira inyuma cyane kuko urumva iyo ushobora kubona amafoto 2, uba utandukanye n'umuntu wabonye ifoto imwe.

Twe twari dufite ifoto ya mbere ariko dufite n'ifoto ya 2, rero byatubereye nk'umuti kujya mu mupira kandi tugasubira muri bya bihe by'ibyishimo kandi n'abantu batwishimiye. Rero icyo numva navuga ni uko umupira mu by’ukuri watubereye umuti mwiza kandi n'abafana ntekereza ko hatangiye kujya huzura kuri sitade ndetse hatangira no kuba hatoya;

Ariko umupira ubuyobozi bwarawushyigikiye cyane wongera ugaruka vuba turongera turakina tugira ibihe byiza, buri muntu wese agarura icyizere ko umupira ushobora kongera gukinwa kandi ko dushobora kongera kugera no ku byo tugezeho kiriya gihe”.

VIDEO: Eric Munyantore – InyaRwanda Tv