Kapiteni w'ikipe y'igihugu Amavubi Djihad Bizimana yongeye kugaragara mu mu kibuga asimbuye ku munota wa 37â², mu mukino wa shampiyona, Kryvbas yo muri Ukraine akinira yanganyijemo na FC Rukh Vynnyky, igitego 1-1.
FC Kryvbas iri ku mwanya wa 3 n'amanota 48 irushwa 1 na Shaktar Donetsk (ifite imikino 2 y'ibirarane).
Byatangiwe mu Mujyi wa Nairobi mu gihugu cya Kenya mu ijoro ryo kuri iki Cyumweru tariki 14 Mata 2024. Ni nyuma y'uko bahatanye mu cyiciro cy'amatora (Vote) yabereye kuri Internet, hanyuma Akanama Nkemurampaka k'iri rushanwa ka kemeza urutonde rwa nyuma rw'abatsinze.
Ibirori byo gutanga ibi bihembo byabereye mu nyubako ya Nairobi Street Kitchen, byatangiye ahagana saa munani z'amanywa, aho ababyitabiriye banyuze ku itapi itukura (Red Carpet), bisozwa n'umuhango wo gushyikiriza ibihembo abahize abandi (Gala Event) byatangiye ahagana saa moya z'umugoroba.
Abategura ibi bihembo bavuze ko babitanze bagendeye ku majwi angana na 50% y'abatoye binyuze kuri Internet. Isimbi Alliance 'Alliah Cool' yegukanye igikombe mu cyiciro cy'umukinnyi mwiza wa filime mu Karere k'Afurika y'Iburasirazuba 'East Africa Film Star East Africa'.
Alliah Cool yahigitse abarimo Kate Actress wo muri Kenya, Jacob Stephene JB wo muri Tanzania ndetse na Nabwiso Mathew wo muri Uganda.'
Ni mu gihe Muyoboke Alex wabaye umujyanama w'abahanzi banyuranye yegukanye igikombe cy'umujyanama mwiza muri EAC 'Best Artist Manager East Africa'. Yahigitse Chiki Kuruka wo muri Kenya, Babu Tale wo muri Tanzania ndetse na Nzeyimana Ismail wo mu Burundi.
Umuhanzi Mugisha Bejamin [The Ben] yegukanye igikombe cy'indirimbo ifite amashusho meza 'Best Music Video of the year East Africa' abicyesha indirimbo yise 'Ni Forever'.Â
Iyi ndirimbo yayihimbiye umugore we Uwicyeza Pamella, yarakunzwe cyane mu gihe gito ahanini bitewe n'inkuru yayo no kuba uyu muhanzi yari akumbuwe kuko yari amaze igihe adashyira hanze indirimbo. Igikombe cya The Ben cyakiriwe na Muyoboke Alex wari muri Kenya.
Mbere y'uko umuhango wo gutanga ibi bihembo urangira, ababitegura bavuze ko bongeyemo icyiciro cy'umunyamakurukazi mu rwego rwo kubashyigikira. Batangaje ko hatsinze Claudia Naisabwa wo muri Kenya ndetse na Azeezah Hashim wo muri Kenya.
Producer Jean Pierre Irakoze [Kozze] wo muri Country Records yegukanye igikombe cya Producer wahize abandi mu batunganya amajwi y'indirimbo 'Best Audio Producer East Africa'' ni mu gihe studio ya Country Records ya Noopja yegukanye igikombe cya Studio nziza 'Best Music Studio East Africa.’
Umuhanzi w'umunyarwanda Marchal Ujeku wamenyekanye cyane mu njyana gakondo yo ku nkombo yatashye yegukanye ibikombe bibiri mu byatanzwe.
Yegukanye igikombe cya 'Best Culture Music- East Africa' abicyesha indirimbo ye 'Ntakazimba' ndetse yegukana n'igikombe cya 'Most Supportive/Best Real Estate Company Award' abicyesha kompanyi yashinze yise 'Marchal Real Estate'.
Ibi bihembo 'East Africa Arts Entertainment Awards (EAEA)' bigamije gushyigikira urugendo rw'iterambere rw'abahanzi bakorera umuziki ku mugabane wa Afurika, by'umwihariko mu Karere k'Afurika y'Iburasirazuba.
Mu 2022, Meddy yabaye umuhanzi rukumbi wegukanye igikombe muri ibi bihembo. Icyo gihe yegukanye igihembo cy'umuhanzi w’umwaka wo mu Rwanda wahize abandi [People’s Choice artist of the year- Rwanda].
Umuhanzikazi w’umugore w'umwaka wahize bagenzi be mu 2022 (People’s Choice Best Female Artist 2022) yabaye Nandy. Yahigitse Butera Knowless.
Mu 2023, Bruce Melodie yegukanye igihembo mu cyiciro ‘People’s Choice Best Rwandan Sound’ abicyesha indirimbo ye yise ‘Akinyuma’
Ni mu gihe Dj Brianne yegukanye igikombe mu cyiciro cy’umugore ukora umwuga wo kuvanga imiziki ‘Peoples’ Choice Female Deejay of the Year’
Bien-Aime wo mu itsinda rya Sauti Sol yegukanye igikombe cy’umwanditsi w’indirimbo w’umwaka [People’s Choice Songwriter of the year].
Ni mu gihe Butera Knowless na Nel Ngabo begukanye igikombe cy’indirimbo ihuriweho ‘People’s Choice Collaboration Single of the year’ babicyesha indirimbo ‘Mahwi’ bakoranye.
Diamond yihariye ibihembo! Yegukanye igikombe cy’umuhanzi w’umwaka [Artist of the year], icy’indirimbo ifite amashusho meza abikesha ‘Yatapita’, yabaye kandi umuhanzi w’umugabo w’umwaka wo muri EAC. Yari ahatanye mu byiciro 11.
Â
Umukinnyi wa filime Amb. Isimbi Alliance yegukanye igikombe cy'umukinnyi wa filime uhiga abandi muri EAC
Indirimbo 'Ni Forever' yahesheje igikombe The Ben muri Kenya nyuma y'amezi atatu igiye hanze
Muyoboke Alex yakira igikombe cy'umujyanama uhiga abandi mu Karere k'Afurika y'Iburasirazuba. Uyu mugabo yafashije abahanzi benshi bakomeye barimo nka Tom Close, Davis D, Charly&Nina, Urbano Boys n'abandi benshi
Marchal Ujeku yegukanye ibikombe bibiri mu byatanzwe muri East Africa Entertainment Awards . Yavuze ko abikesha umuhate n'imbaraga yashyize mu muziki wubakiye ku buzima bwo ku Nkombo
Kuri iki Cyumweru nibwo muri shampiyona y’ikiciro cyambere mu Bwongereza hakomezaga gukinwa imikino yo ku munsi wa 32.
Saa kumi nimwe n’iminota 30, kuri Emirates Stadium Arsenal yari yakiriye Aston villa.
Umukino watangiye ikipe ya Arsenal ariyo iri hejuru ihererekanya umupira neza nk’ibisanzwe gusa kugera imbere y’izamu bikayigora.
Ku munota wa 12 uwitwa Leandro Trossard yihambuye ishoti riremeye gusa Emiliano Martinez akora akazi gakomeye arikuramo.
Ba myugariro ba Aston villa bihagazeho bakomeza gukuraho gusa na barutahizamu bayo bakabona amahirwe nkaho Ollie Watkins yari yiherewe umupira na Maghalaes gusa arekuye ishoti rikubita igiti cy’izamu.
Ku munota wa 40 Arsenal yongeye kurata igitego cyabazwe ku ishoti Gabriel Jesus yararekuye gusa umunyezamu wa Aston villa arikuramo.Â
Igice cya mbere cyarangiye amakipe yombi anganya 0-0. Mu gice cya kabiri ikipe y’abarashi n’ubundi yaje ikomeza kwatsa umuriro imbere.
Ku munota wa 61 Youri Tielemans yarekuye ishoti ryashoboroga kuvamo igitego nyuma yo kwambura umupira Ben White gusa kubw’amahirwe macye umupira uragenda ukubita igiti cy’izamu.
Kuwa 84 Leon Bailey yatsinze igitego cya 1 cya Aston villa ku mupira yarahawe na Lucas Digne.
Nyuma yo gutsindwa igitego abakinnyi ba Arsenal bose bahise bazamuka bajya gushaka uko bishyura bituma Ollie Waktins abona umupira awuhawe na Youri Tielemans azamuka yiruka aterekamo igitego cya 2.
Umukino warangiye Aston villa itsinze ibitego 2-0, Arsenal amahirwe yarifite yo kwegukana igikombe atangira kuyoyoka kubera ko yahise ijya kumwanya wa 2 n’amanota 71.
Undi mukino wabaye ni uwo Liverpool yatsindwagamo na Crystal Palace igitego 1 -0 cyatsinzwe na Eberechi Eze ku munota wa 31 ahawe umupira na Tyrick Mictchell. Ibi byatumye Liverpool ihita ijya kumwanya wa 3 n’amanota 31.
Nyuma yuko aya makipe yombi atsinzwe byahise bituma Manchester City ifata umwanya wa mbere n’amanota 73.
Ollie Waktins yishimira igitegoÂ
Leon Bailey nyuma yo gufungura amazamu,ni uko yishimye
Source : https://inyarwanda.com/inkuru/141902/premier-league-arsenal-yanze-gusiga-liverpool-141902.html
Umukinnyi Guibert Nijimbere wakiniraga Dynamo BBC y'iwabo mu Burundi yerekeje muri Kepler BBC yo mu Cyiciro cya Mbere mu Rwanda.
Uyu mukinnyi yagarutse mu Rwanda nyuma y'aho Federasiyo ya Basketball mu Burundi ihagaritswe na FIBA kubera kudakurikiza amabwiriza ya BAL, ubwo iyi kipe yangaga kwambara imyambaro yanditseho Visit Rwanda.
Nijimbere agarutse mu Rwanda kunshuro ya kabiri kuko ubwambere yanyuze mu makipe nka IPRC Kigali na Patriots.
Source : https://yegob.rw/ari-mubanze-kwambara-visit-rwanda-none-aje-gushakira-umugati-mu-rwanda/
Ku wa Gatatu tariki 3 Mata 2024, nibwo Minisitiri w’Urubyiruko n’Iterambere ry’Ubuhanzi, Dr Jean Nepo Abdallah Utumatwishima, yamenyesheje Inama y’Abaminisitiri ko u Rwanda ruzitabira, nk’Umushyitsi w’Icyubahiro, Isoko Mpuzamamahanga ryo guteza imbere ubuhanzi muri Afurika rizwi nka 'Marché des Arts du Spectacle d’Abidjan (MASA)'.
Ibi birori byabaye kuri uyu wa Gatandatu tariki 13 Mata 2024 mu Mujyi wa Abidjan muri Côte d'Ivoire, bizasozwa kuya 20 Mata 2024. Byabereye ahantu hagenewe kwakira ibitaramo n'ibirori by'umuco hitwa Treichville Palace of Culture yakira abantu barenga 9400.
Iri serukiramuco ryatangijwe ku mugaragaro na Minisitiri w'Intebe wa Côte d'Ivoire Robert Beugré Mambé. Mu ijambo rye, yavuze ko 'Côte d'Ivoire ihaye ikaze buri wese witabiriye iri serukiramuco' kandi ko iki gihugu gihaye ikaze abanyafurika n'abandi bashaka kumenya ibyiza bitatse iki gihugu, uhereye ku buhanzi n'ubugeni’.
Yavuze ko iri serukiramuco rizarangwa n'ibikorwa binyuranye byubakiye ku buhanzi, imbyino, kugaragaza imico y'ibihugu bitandukanye n'ibindi.
Minisitiri Ushinzwe Umuco wa Côte d'Ivoire, Françoise Remarck yashimye Guverinoma y'iki gihugu ku bwo 'kudutera inkunga no kudushyigikira iri serukiramuco rigashoboka'.
Yavuze ko afite icyizere cy'uko mu gihe cy'icyumweru iri serukiramuco rigiye kumara rizaba 'umwanya mwiza wo kungurana ibitekerezo ku bantu banyuranye'.
Uyu muyobozi yavuze ko iri serukiramuco rikwiye gufasha benshi guhanga ibishya, imikoranire yagutse, gufatanya mu bikorwa binyuranye hagamijwe guteza imbere umugabane wa Afurika.
U Rwanda rwatumiwe muri iri serukiramuco nk'umushyitsi w'icyubahiro. Mu ijambo rye, Umunyamabanga wa Leta muri Minisiteri y'Urubyiruko n'Iterambere ry'Ubuhanzi, Umutoni Sandrine yagaragaje ko nyuma ya Jenoside yakorewe Abatutsi, binyuze mu buhanzi n'umuco u Rwanda rwongeye kwiyubaka, rushyira imbere gahunda z'iterambere n'ubumwe n'ubwiyunge.
Ni mu gihe, Visi- Perezida Ushinzwe Umuco na Siporo wa Korea, Bwana Jeon Byung Geuk yavuze ko afite icyizere cy'uko umubano w'ibihugu byombi uzakomeza kuba mwiza kurushaho.
Iri serukiramuco ribereye muri iki gihugu mu gihe rihuje abahanzi barenga 800 bazagaragaza ibikorwa by'abo mu gihe cy'iminsi.
Ribaye igikorwa gikomeye kibereye muri iki gihe nyuma yo kwakira imikino ya CAN 2023.
Uretse Itorero Urukerereza ryasusurukije abitabiriye gufungura iri serukiramuco, abahanzi barimo Didi B, Mosty, Roselyne Layo bataramiye abaryitabiriye.
Inyandiko zinyuranye zivuga ko kuri iri soko ry'ubuhanzi, zigaragaza ko ryashinzwe mu 1993 bigizwemo uruhare n'iserukiramuco ry'ubuhanzi n'imbyino Nyafurika 'Agence intergouvernementale de la Francophonie,'.
Ryaherukaga kubera i Abidjan ku wa 5-12 Gicurasi 2022, kuko riba buri nyuma y'imyaka ibiri. Ni ku nshuro ya 13 iri soko ry'ubuhanzi rigiye kuba, kuri iyi nshuro rizitsa cyane ku nsanganyamatsiko yubakiye ku kugaragaza uruhare rw''urubyiruko, mu guhanga udushya n'imirimo'.
Kamaté ukuriye iri soko ry'ubuhanzi, aherutse kuvuga ko intego y'abo ari ukugaragaza ibikorwa by'abahanzi no kubahuza n'abashobora kugura ibihangano by'abo.
Yunganirwa na Hassane Kassi Kouyaté ukuriye Komite y'Ubuhanzi muri iri serukiramuco, uvuga ko hafi 65% by'abitabira iri soko ry'ubuhanzi, banitsa ku ruhare rw'abo mu guteza imbere ihame ry'uburinganire.
Ati 'Yaba abagabo bakina, bandika, bayobora, impungenge zishingiye kuri ibi bibazo. Nyuma yibyo, tubona ko abaduhanze amaso, ku mugabane wacu, batangiye kwifuza rwose kwinjiza tekinoloji nshya mu byo baremye.'
Itorero ry’Igihugu Urukerereza ryasusurukije abitabiriye ibirori byo gutangiza Iserukiramuco 'Marché des Arts et Spectacles Africains'
Umunyamabanga wa Leta muri Minisiteri y'Urubyiruko n'Iterambere ry'Ubuhanzi, Umutoni Sandrine yagaragaje ubuhanzi n'umuco bwagize uruhare mu kongera kwiyubaka k'u Rwanda nyuma ya Jenoside yakorewe Abatutsi
Onika Tanya Maraj umuraperikazi ukomoka mu birwa bya Trinidad & Tobago, wamamaye cyane ku izina rya Nicki Minaj, uri mubamaze igihe mu muziki ndetse unakunze kwiyita ko ariwe mwamikazi w’injyana ya Rap, kuri ubu yongeye kwandika amateka mashya ataragirwa n’undi muraperikazi , abikesha ibitaramo bizenguruka Isi yise ‘Pink Friday 2 World Tour’.
Ibi ni ibitaramo bizenguruka Isi yitiriye album aherutse gusohora yise ‘Pink Friday 2’ yasohoye ku itariki 8 Ukuboza 2023. Ku itariki 1 Werurwe 2024 nibwo Nicki Minaj yabitangiye ku mugaragaro mu mujyi wa Oaclkand muri Leta Zunze Ubumwe z’Amerika.
Kugeza ubu Billboard yamaze gutangaza ko Nicki Minaj amaze kwandika amateka adafitwe n’undi muraperikazi ku Isi aho yamaze kwinjiza amafaranga menshi mu gihe gito abikesha kugurisha amatike y’ibi bitaramo. Nicki Minaj akaba amaze kwinjiza Miliyoni 34.9 z’Amadolari mu bitaramo 17 amaze gukora.
Nicki Minaj yanditse amateka yo kwinjiza Miliyoni 34.9 z’Amadolari mu bitaramo 17
Byibuze muri buri gitaramo Nicki Minaj yinjiza Miliyoni 2 z’Amadolari dore ko ku itariki 30 Werurwe mu gitaramo yakoreye i Madison Square Garden mu mujyi wa New York yinjije Miliyoni 2.858 z’Amadolari mu ijoro rimwe gusa.
Billboard ikomeza ivuga ko ntawundi muraperikazi urabasha kwinjiza aya mafaranga mu bitaramo ndetse ngo ayinjize mu gihe gito. Byitezwe ko Nicki Minaj azatera ikirenge mucya Beyonce na Taylor Swift baherutse kwinjiza agatubutse mu bitaramo bizenguruka Isi bakoze mu 2023. Ibi bitaramo yise ‘Pink Friday 2 World Tour’ bigiye gukomereza i Burayi aho bizasozwa ku itariki 14 Nyakanga 2024 mu Bubiligi.
Nicki Minaj niwe muraperikazi wa mbere ubashije kwinjiza amafaranga menshi y’ibitaramo mu gihe gito
Mbere y'uko AS Kigali ihura na APR FC yahembye abakinnyi ukwezi kumwe mu mezi atatu yari ibarimo, byumvikane ko hasigaye amaze 2 harimo (Imishahara y'ukwezi Kwa Gashyantare na Werurwe 2024).
AS Kigali izakira APR FC mu mukino w'ikirarane w'umunsi wa 26 wa PNL kuri uyu wa mbere tariki ya 15/04/2024 saa 15:00 kuri Kigali Pele Stadium.
Wari umukino wasubitswe mu minsi ishize ubwo ikipe ya APR FC yari iri mu bihe bitoroshye byo kubura umutoza w'ayo witabye Imana.
Source : https://yegob.rw/abakinnyi-ba-as-kigali-bari-mu-byishimo-bicagase/
Impuzamashyirahamwe y’umukino wa Basketball (FIBA) yamaze kwandikira ishyirahamwe ry’uyu mukino mu Burundi (FEBABU) irimenyesha ko rihagaritswe by’agateganyo kubera imyitwarire yagaragaje ubwo ikipe ya Dynamo BBC yangaga gukina BAL yambaye ibirango bya Visit Rwanda nk’umuterankunga w’irushanwa.
Mu ibaruwa yandikiwe perezida wa FEBABU, Manirakiza Jean Paul yasinyweho na Andreaz Zagklis akaba umunyamabanga wa FIBA, yabamenyesheje ko ari ibihano bijyanye n’imyitwarire ya Dynamo muri Africa Basketball League (BAL).
Dynamo yarimo ikina ijonjora ryaberaga muri Afurika y’Epfo, FIBA yibukije FEBABU ko tariki ya 9 Werurwe iri shyirahamwe ryandikiye FIBA rinamenyesha perezida wa BAL risaba ko ikipe ya bo yakina nta birango by’umuterankunga, Visit Rwanda. Icyo ryamenyeshejwe ko niba ishaka gukina nta birango yakwikura mu irushanwa kuko bidashoboka.
Ngo nubwo byabaye ariko uwo munsi Dynamo yakinnye umukino wa yo wa mbere na Cape Town Tigers tariki ya 9 Werurwe 2024 bapfutse ibirango bya Visit Rwanda.
Iti “nyuma yo kwihanangirizwa na FIBA, BAL ikipe yatewe mpaga mu mikino 2 yakurikiyeho (tariki ya 10-12 Werurwe) kubera kwanga kwambara umwambaro ugaragaza umuterankunga ndetse ihita inasezererwa mu irushanwa.”
Yanzuye ko kubera ibyo bikorwa bakoze hari amategeko bishe bityo ko FEBABU ihagaritswe by’agateganyo mu gihe iki kibazo cy’imyitwarire kigikomeje gukorwaho iperereza, FEBABU ikaba yasabwe na FIBA gutanga ibisobanuro ndetse n’ibimenyetso bitarenze ku wa Kabiri tariki ya 23 Mata 2024.
Nyuma yuko irushanwa Viva Basketball League (VBL) ritinze gutangira biravugwa ko abakinnyi bamwe bakiniraga amakipe yo mu gihugu cy'u Burundi bamaze kurambagizwa n'amakipe atandukanye yo muri aka karere ka Afurika y'uburengerazuba harimo ayo mu Rwanda na DR Congo.
Â
Abo bakinnyi barimo umunya-Sudan w'imyaka 25 witwa David Deng Dikong bivugwa ko ashobora kwerekeza muri Chaux Sports BBC yo muri DR Congo akaba yakiniraga ikipe yo mu Burundi yitwa Dynamo BBC , abo bakinnyi kandi harimo n'umukinnyi w'ikipe y'igihugu y'u Burundi Landry Ndikumana ufite imyaka 30 ushobora kwerekeza muri AMI BBC yahoze akinira umwaka ushize uyu kandi akaba umwe mu bakinnyi babahanga ikipe y'igihugu y'u Burundi ifite kuko yigeze no kuba umukinnyi w'irushanwa MVP muri Ugunda. aba nibyo bakinnyi bivugwa ko bazerekeza mu macyipe acyina Basketball muri DR Congo.
Abakinnyi bivugwa ko bazerekeza muri Shampiyona ya Basketball y'u Rwanda.
Harimo Umunya-Nigeria Israel Otobo w'imyaka 20 wakiniraga ikipe ya Dynamo BBC uyu akaba yaranabaye umukinnyi mwiza 'MVP' w'irushanwa mu mwaka ushize biravugwa ko kandi yatangiye imyitozo muri APR BBC yahano mu Rwanda, undi mukinnyi n'umukinnyi w'umurundi w'imyaka 28 Joe Guibert Nijimbere wakiniraga Dynamo BBC yo mu Burundu bikaba bivugwa ko azakinira Kepler BBC yo mu Rwanda uyu musore si ubwambere akinnye hano mu Rwanda kuko yatwaranye na Patriot BBC igikombe mu bihe byashize.
Â
Â
Aba bakinnyi bose nibaramuka basohotse muri iki gihugu cy'u Burundi biragoye ko uburyohe bwa Shampiyona y'u Burundi bwaguma kurugero nkurwo yariho kuko izaba itakaje uburyohe binyuze muri bsno bakinnyi bayo bakomeye.
Source : https://yegob.rw/igihombo-gikomeye-kuri-shampiyona-ya-basketball-yu-burundi-irazahurwa-nande/
Amazina icyenda y'abandi banyapolitike barwanyije Jenoside yakorewe Abatutsi mu 1994, yongewe mu Rwibutso rwa Rebero rwari rusanzwe rwibukirwamo abandi banyapolitike 12 bitandukanyije n'ubutegetsi bwakoze Jenoside kugeza ubwo bahasize ubuzima.
Igikorwa cyo gutangaza amazina y'aba banyapolitike yongewe muri uru rwibutso, cyabaye ubwo hasozwaga icyumweru cy'Icyunamo kuri uyu wa 13 Mata 2024, ku rwibutso rwa Rebero ahasanzwe hibukirwa abanyapolitike bishwe bazira ibitekerezo byabo byo kwitandukanya n'ubutegetsi bwariho bakarwanya Jenoside yakorewe Abatutsi.
Perezida wa Sena, Dr. Kalinda François Xavier, yashimiye uruhare rw'abanyapolitike baba abasanzwe bashyinguye muri uru rwibutso n'aba icyenda amazina yabo yongewemo, ku ruhare bagize mu kurwanya politike y'urwango yatanyaga Abanyarwanda.
Ati 'Bakaba bararwanyije amacakuburi n'umugambi mubisha wo kurimbura Abatutsi, kugeza aho babizira, turifatanya n'imiryango yabo mu kubunamira tubaha icyubahiro bakwiye [â¦] turabunamiye kandi turabaha icyubahiro bakwiye kubera ibikorwa bakoze byo kurwanya ingoma y'igitugu no guharanira ubumwe bw'Abanyarwanda.'
Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yavuze ko aya mazina y'aba banyapolitike icyenda bongewe muri uru rwibutso yabonetse nyuma y'ubushakashatsi Minisiteri yakoze mu gihe cy'imyaka ibiri, hashingiwe ku bimenyetso bidashidikanywaho, birimo inyandiko, imbwirwaruhame, amashusho, ubuhamya n'ibindi.
Ati 'Kugaragaza no kumenyekanisha ibikorwa by'indakemwa byabaranze, ni intambwe yo gukomeza guhesha icyubahiro politike nziza yubaka igihugu, politike ishimangira ubumwe n'ubudaheranwa by'Abanyarwanda,'
'Ibikorwa n'indangagaciro byaranze buri wese, birimo ishyaka, gukunda igihugu, kwimakaza ubumwe bw'Abanyarwanda, n'izindi ndangagaciro zabaranze, bahitamo guhangana na Leta yagenderaga ku rwango, irondabwoko n'ingengabitekerezo ya Jenoside.'
Minisitiiri Dr. Bizimana yagarutse kuri bimwe mu bikorwa by'ubutwari aba banyapolitike bagaragaje barwanya Jenoside Yakorewe Abatutsi kugeza bahasize ubuzima.
Ati 'Aba banyapolitike batanze urugero ntagereranywa tugomba guhora tuzirikana rwo gushyira Ubunyarwanda hejuru y'ibindi byose.'
Amazina yongewe mu Rwibutso rwa Rebero
Muri abo banyapolitke amazina yabo yongerewe mu Rwibutso rwa Rebero harimo Ngulinzira Boniface wishwe n'abasirikare barindaga Umukuru w'Igihugu yicirwa ku musozi wa Nyanza.
Mu 1991, Ngulinzira ni umwe mu banyapolitiki bitandukanyije n'ishyaka rya MRND ryari ku butegetsi, ajya muri MDR.
Ngulinzira wabaye Minisitiri w'Ububanyi n'Amahanga ku butegetsi bwa Juvénal Habyarimana, kuva mu 1992 kugeza mu 1993, aba n'umwarimu muri Kaminuza Nkuru y'u Rwanda, UNR.
Igihe yahagarariraga u Rwanda mu mishyikirano yaberaga Arusha, yaharaniye amasezerano yo guhagarika imirwano, ntibyashiisha ubutegetsi bwa Habyarimana.
Hari kandi Dr. Habyarimana Jean Baptiste wabaye Perefe wa wa Perefegiture ya Butare, atanzwe n'ishayaka rya PL, ni we Mututsi wenyine wabashije kuba Perefe muri icyo gihe. Mbere y'ibyo kandi yanabaye umwarimu muri Kaminuza Nkuru y'u Rwanda (UNR).
Dr. Habyarimana yagerageje guhagarika ibitero by'abicanyi byaturukaga mu zindi perefegitura, bituma Jenoside itinda gutangira byeruye muri Perefegitura ya Butare yayoboraga.
Dr. Habyarimana Jean Baptiste yishwe muri Mata 1994 ubwo yari afunzwe na guverinoma y'Abatabazi yari iyobowe na Sindikubwabo Théodore, nyuma yo gusimbuzwa Nsabimana Sylvain ku mwanya wa Perefe wa Butare.
Hari kandi Ruzindana Godefroid wabaye perefe wa Perefegitura ya Kibungo hagati ya 1992 na 1994 aturutse mu ishyaka rya PSD, yabaye kandi Umuyobozi Mukuru muri Minisiteri y'Amashuri Abanza n'Ayisumbuye (MINEPRISEC).
Ruzindana yamaganye ibitekerezo n'ibikorwa bigamije kumaraho Abatutsi. Ibyo byatumye yibasirwa, cyane cyane ko n'ubusanzwe bamufataga nk'icyitso cy'Inkotanyi nk'uko ibinyamakuru Umurangi na Kangura byabyandikaga.
Ruzindana yishwe ku itariki ya 17 Mata 1994, ubwo yageragezaga guhunga.
Harimo na none Rwabukwisi Vincent wari umunyamakuru ayobora ibinyamakuru birimo Ejo nzamera nte, Kazagwa na Kanguka.
Kuva mu 1986 kugeza yishwe ku wa 11 Mata 1994, Rwabukwisi yarwanyije amacakubiri, akarengane n'ubuyobozi bubi binyuze mu mwuga w'itangazamakuru.
Ku wa 29 Ukuboza 1991, yashinze anatorerwa kuyobora Ishyaka Riharanira Ubumwe bw'Abanyarwanda muri Demokarasi (UDPR), kandi abumbatira ubumwe b'abayoboke b'iryo shyaka bituma badacikamo ibice.
Ndagijimana Callixte wari Burugumesitiri wa Komini Mugina mu 1992, Mu gihe cy'ubuyobozi bwe, ibikorwa by'urugomo rwakorerwaga Abatutsi byaragabanyutse, Ndagijimana yaje kubaumuyoboke w'ishyaka rya PSD.
Mu gihe Jenoside yashyirwaga mu bikorwa, yakumiriye ibitero bitandukanye by'Interahamwe byibasiraga Abatutsi, kugeza ubwo abayobozi ba Perefegitura ya Gitarama babonye ko Jenoside itazashoboka I Mugina akiriho, bahana umugambi wo kumwica, ku wa 21 Matan1994 babigeraho aricwa.
Nyagasaza Narcisse wabaye Burugumesitiri wa Komini Ntyazo atanzwe n'ishyaka rya PL. yagerageje gukumira Jenoside muri iyo komini yayoboraga, amaze kubona ko ibintu bimeze nabi, aburira Abatutsi guhungira I Burundi.
Ku wa 23 Mata 1994, Nyagasaza yishwe n'abajandarume bayobowe na Adjudant-Chef Hategekimana Philippe wari uzwi nka Adjudant Biguma.
Gisagara Jean Marie Vianney yatorewe kuba Burugumesitiri wa Komini Nyabisindu, atanzwe n'ishyaka rya PSD.
Gisagara yarwanyije akarengane n'ivangura byakorerwaga Abatutsi muri iyo komini yayoboraga, afungura abari bariswe Ibyitso by'Inkotanyi, ndetse akomeza guhangana n'abasirikare n'abajandarume kubera urugomo n'ubwicanyi bakoreraga Abatutsi.
Dr. Gafaranga Théoneste uri mu bashinze PSD agirwa Umuyobozi wungirije wa Kabiri. Yatanze imbwirwaruhame muri za mitingi, anandika inyandiko mu binyamakuru nk'iyo yise ” Amajyambere PSD iyumva ite ? ” mu kinyamakuru Le Soleil. N° 10, Ugushyingo 1991.
Tariki 16 Mata 1994, abasirikare n'Interahamwe baje kumushaka iwe baramubura, bamusanga mu rugo rukurikiyeho, kwa Karekezi Jean aho yari amaze iminsi yihishe, bamwica urw'agashinyaguro.
Prof Rumiya Jean Gualbert Yabaye muri Komite Nyobozi ya MRND muri Perefegitura ya Butare no ku rwego rw'Igihugu ariko agerageza kurwanya amacakubiri ashingiye ku moko yarangwaga muri iryo shyaka.
Ku wa 14 Ugushyingo 1992, yandikiye Perezida Habyarimana asezera muri MRND. Agira ati 'â¦Biragayitse kubona ijambo rihamagarira ubwicanyi bushingiye ku bwoko no kutihanganirana ritamaganwa, ahubwo rigahabwa amashyi muri mitingi ya MRNDâ¦'
Ku wa 4 Gicurasi 1994, Prof Rumiya yarishwe
The post Menya Amazina y'Abanyapolitike icyenda barwanyije Jenoside yongewe mu rwibutso rwa Rebero appeared first on RUSHYASHYA.