Category: Uncategorized

Ibi yabitangaje kuwa Kabiri nyuma yo y’uko ikipe ya Rayon Sports itsinzwe na Bugesera FC mu mukino wo kwishyura wa ½ cy'igikombe cy'Amahoro ndetse igahita inayisezerera ku kinyuranyo cy'ibitego 2-0 nyuma y’uko no mu mukino ubanza yari yabatsinze igitego 1-0.

Ubwo Muhire Kevin usanzwe ari kapiteni wa Rayon Sports yari mu kiganiro n'itangazamakuru, yavuze ko uyu ari umwaka mubi kuri Rayon Sports anihanganisha n'abafana. Ati: 'Ni umwaka wabaye mubi kuri Rayon Sports kubera ko tubuze ibikombe byombi kandi intego yari igikombe kimwe mu bikombe 2. 

Rero byose turabibuze, nabwira abakunzi ba Rayon Sports bihangane bakomeze bashyigikire ikipe mu bihe bibi turimo. Navuga ko ni ugutegura umwaka utaha. Nitwitegura neza bakabasha kugura neza, bizagenda neza.”

Ku bijyanye n'amasezerano ye arangiye azarangirana n'uyu mwaka, Muhire yavuze ko bagiye kuruhuka bagakomeza shampiyona, ubundi nyuma yayo akazaba ari bwo amenya  uko bimeze.

Muhire Kevin abajijwe inama yagira abayobozi ba Rayon Sports, yagize ati: 'Mu mupira w'amaguru bisaba gushora, urashora kugira ngo wunguke. Navuga ko umwaka utaha mu kugura abakinnyi bazagerageze barebe abazi ibijyanye no kubagura cyangwa abazi iby'umupira kugira ngo ibibaye uyu mwaka bitazongera n'umwaka utaha. Navuga ko ku bwanjye ababirimo babonye isomo natwe tubonye isomo ubwo umwaka utaha nizeye ko bizagenda neza.”

Ku bijyanye nuko yabyakira aramutse akinanye na Muhadjiri na Niyonzima Olivier Seif bivugwa ko bashobora kwererekeza muri Rayon Sports, yavuze ko ari abakinnyi beza dore ko basanzwe banakinana mu ikipe y'igihugu y'u Rwanda “Amavubi”.

Ati: 'N'ubundi dusanzwe dukinana mu ikipe y'igihugu, ni abakinnyi beza bafasha Rayon Sports. Nk’uko nabivuze, abashinzwe kugura abakinnyi nibabikora neza, umwaka utaha uzaba ari umwaka mwiza kuri Rayon Sports kuko birababaje kubona Rayon Sports imaze imyaka 4 idatwara igikombe cya shampiyona. 

Rero ni ibintu bibabaje, ni ahacu ho gukora cyane n'ubuyobozi bugakora cyane kugira ngo ibintu bihinduke kubera ko Rayon Sports ni ikipe y'ibikombe. Bagure abakinnyi beza kandi hamwe na Skol niba bashobora kwicara bakaganira bazabona abakinnyi beza.'

Ikipe ya Rayon Sports yasezerewe na Bugesera FC mu gikombe cy'Amahoro, niyo ifite igiheruka aho yari yagitwaye itsinze APR FC ku mukino wa nyuma igitego 1-0.

“>

  

Kapiteni wa Rayon Sports, Muhire Kevin yasabye ubuyobozi bw’iyi kipe umwaka utaha kuzitonda mu bakinnyi bazagura umwaka utaha w’imikino kuko ari bwo iyi kipe yazitwara neza.

Ni nyuma y’uko ejo hashize yasezerewe na Bugesera FC ntigere ku mukino wa nyuma w’igikombe cy’Amahoro itsinzwe 2-0 mu mikino yombi. Umukino ubanza warangiye ari 1-0 n’uwo kwishyura Bugesera itsinda 1-0.

Muhire Kevin akaba kapiteni wa Rayon Sports, yavuze ko ari ibintu bibabaje cyane gusezererwa.

Ati “Ni ibintu bibabaje cyane kuri njye no ku ikipe, twari twiteguye, twakoze ibishoboka byose ariko byanze, ntiwari umunsi wacu ubwo ni ugutegura iby’ubutaha.”

Agaruka ku cyo Bugesera FC yarushije Rayon Sports, yavuze ko ntacyo babarushije kuko Bugesera yabonye amahirwe amwe gusa ihita itsinda igitego ku makosa y’umunyezamu Khadime Ndiaye avuga ko yabatsindishije.

Ati “Ntacyo baturushije, kuko bateye mu izamu rimwe kandi uko gutera mu izamu ni ikosa ryabaye ry’umunyezamu ni we wadutsindishije, twari twiteguye, twakoze ibishoboka byose ntiwari umunsi wacu navuga ko amahirwe amwe babonye ku ikosa ry’umunyezamu babashije gutsinda igitego, twebwe dutsindwa nk’ikipe, tugatsinda nk’ikipe ni ugutegura umwaka utaha.”

Agaruka ku bafana, yavuze ko bababaye abizi ariko nk’abakinnyi na bo barababaye, gusa ngo nta gihe cyo gukosora gihari ni ugutegereza umwaka utaha.

Ati “Abafana ba Rayon Sports bihangane turabatengushe bihangane natwe turababaye, ni akazi iyo uri mu kazi ntibigende neza uragerageza ugakosora, nta gihe cyo gukosora gihari ubu ni ukureba umwaka utaha.”

Yakomeje asaba abakunzi ba Rayon Sports kwihangana muri ibi bihe bibi ikipe irimo, ko umwaka utaha bizagenda neza.

Ati “Bakomeze bihangane, bakomeze bashyigikire ikipe mu bihe bibi turimo, ni ugutegura umwaka utaha, umwaka utaha navuga ko hamwe n’Imana nitubasha kugura neza bizagenda neza.”

Yavuze ko mu mupira w’amaguru bisaba gushora, asaba abayobozi b’iyi kipe umwaka utaha kuzitonda mu bakinnyi bazagura.

Ati “umupira w’amaguru usaba gushora, navuga ko umwaka utaha mu kugura bazagerageze barebe abazi ibyo kugura cyangwa abazi iby’umupira kugira ngo tubashe kugura neza kugira ngo bitazaba nk’uyu mwaka, ku bwanjye ababirimo babonye isomo natwe tubonye isomo ndizera ko umwaka utaha bizagenda neza.”

Agaruka ku bakinnyi Niyonzima Olivier Seif na Hakizimana Muhadjiri ku kuba baza muri Rayon Sports, yagize ati “n’ubundi dusanzwe dukinana mu ikipe y’igihugu, ni abakinnyi beza, nk’uko nabivuze abashinzwe kugura nibagura neza tuzitwara neza, birababaje kubona ikipe nka Rayon Sports imara imyaka 3 cyangwa 4 idatwara igikombe, ni ahacu ho gukora n’abayobozi bagakora kugira ngo ibi bintu bihunduke kuko Rayon Sports ni ikipe y’ibikombe.”

Muhire Kevin yavuze ko ikintu cyabagoye cyane muri uyu mwaka w’imikino ari uko yatakaje abakinnyi benshi kandi bari inkingi za mwamba.

Muhire Kevin yasabye ubuyobozi bwa Rayon Sports kuzagura neza umwaka utaha

Khadime Ndiaye yashinjwe na kapiteni gutsindisha ikipe

Muhadjiri aravugwa muri Rayon Sports

Niyonzima Olivier Seif aravugwa ko ashobora gusubira muri Rayon Sports

Ni inkuru yamenyekanye mu masaha y'igitondo biturutse ku muntu wahanyuze, abona uyu musore Hakizimana François aryamye hasi iruhande rw'igiti yashizemo umwuka.

Uwamubonye yavuze ko yari aryamye nta gikomere afite ku mubiri.

Amakuru ava mu bari bamuzi avuga ko mu masaha ya saa tatu z'ijoro ryo kuwa Mbere yari mu kabari anywa inzoga, akiri muzima.

Umuyobozi w'Akarere ka Nyanza, Ntazinda Erasme, yemereye IGIHE iby'aya makuru.

Ati''Nta kintu kiragaragara cyamwishe, gusa iperereza ryatangiye ngo barebe ko babona impamvu. RIB yatwaye umurambo ngo bajye kuwusuzuma.''

Ubusanzwe uyu Nyakwigendera wari ufite imyaka 23 yakoraga akazi ko mu rugo, akaba yavukaga mu Karere ka Nyanza,Umurenge wa Nyagisozi, Akagari ka Kirambi, mu Mudugudu wa Gasharu.

Ibiro by’umurenge wa Busasamana muri Nyanza

Byabereye mu cyumba cy'inama kiri mu cyanya cyahariwe inganda mu Karere ka Rusizi ku wa 23 Mata 2024.

Ubwo yaganiraga n'abashoramari bafite inganda mu cyanya cy'inganda cy'Akarere ka Rusizi n'abasabye kuzihubaka, Minisitiri Ngabitsinze wari ufite urutonde rw'abasabye kubaka inganda muri iki cyanya n'abazihafite, yasanze hari abashoramari benshi batitabiriye iyi nama.

Ageze kuri umwe mu basabye kuhubaka uruganda utitabiriye inama, yabajije umukozi w'Akarere impamvu uyu mushoramari atitabiriye, uwo mukozi asubiza ko yahamagaye uwo mushoramari kuri telefone akamubura.

Minisitiri Ngabitsinze yahise yaka uwo mukozi nimero ya telefone y'uwo mushoramari aramwihamagarira, umushoramari ahita amwitaba Minisitiri aramwibwira, anamubaza impamvu ataje mu nama.

Uwo mushoramari yabwiye Minisitiri ko iyo nama ntayo yamenye. Minisitiri yongeye kumubaza niba nta wamuhamagaye, undi asubiza ko nta wamuhamagaye.

Minisitiri Ngabitsinze yahise abwira uwo mukozi ati 'Wowe urakina nanjye, njye naje gukina nawe? Sohoka. Sohoka muri iyi nama. N'abandi bose bibabere isomo ntabwo kubeshya aribyo bikemura ikibazo'.

Umushoramari Bellarmin Ntivuguruzwa, ufite ubutaka muri iki cyanya cy'inganda, wari muri iyi nama na we yavuze ko amutumira muri iyi nama ko ahubwo yayimenye akabwira mugenzi we.

Ati 'Ntawigeze ampamagara mbimenye mu kanya saa yine. Bavugaga ko ari inama itunguranye'.

Icyanya cy'inganda ni gahunda yashyizweho na Guverinoma y'u Rwanda mu mwaka wa 2011, mu rwego rwo kongera ibikorerwa mu Rwanda no kugabanya ingaruka abaturage bashobora guterwa no guturana n'inganda.

Kugeza ubu mu Rwanda habarurwa ibyanga icyenda by'inganda biri mu turere turimo Bugesera, Rwamagana, Muhanga, Nyagatare, Musanze, Huye, Nyabihu, Rusizi, na Kicukiro.

Mu bibazo Minisitiri Ngabitsinze yasanze mu cyanya cy'inganda cya Rusizi harimo kuba hari abaguze ubutaka muri iki cyanya bataratangira kububyaza umusaruro nabo bakavuga ko impamvu bataratangira kububyaza umusaruro ari uko ibikorwaremezo birimo amazi, imihanda n'umuriro w'amashanyarazi bikiri bike muri iki cyanya cy'inganda.

Icyanya cy'inganda cy'Akarere ka Rusizi gifite ubuso bunga na hegitari 44, kirimo inganda n'ububiko bikora bitandatu bikora.

Minisitiri w’Ubucuruzi n’Inganda Dr Ngabitsinze, Meya Dr Anicet Kibiliga n’abashoramari ubwo batemberaga mu cyanya cy’inganda cy’akarere ka Rusizi

Mu minsi ishize, abakurikiranira hafi imyidagaduro mu Rwanda bumvishe inkundura y'injyana Afro Gako yari ikozwe bwa mbere mu Rwanda nyuma yo kumvikana mu ndirimbo 'Abahungu' ya Juno Kizigenza yakozwe na Producer Pakkage usanzwe ukorera muri Country Record.

Kuba umu-Producer yahimba injyana nta kibazo kirimo cyane ko aricyo abantu baba bifuza ko hahangwa udushya buri munsi. Icyateje impagarara ni uko hari haciyeho igihe Producer Element atangaje ko agiye gushyira hanze injyana ya Afro Gako ubwo yari agikorera muri Country Records.

Nyuma yo kuva muri Country Records, nibwo Producer Pakkage yashyize hanze injyana nshya ya 'Afro Gako' bituma abantu batangira gutekereza ko Element yaba yambuwe umushinga w'injyana ye yari yaratangaje kuva kera .

Nyamara nubwo byateje impaka mu bantu, Element yaje gutangaza ko injyana ye nta muntu wigeze ayitwara ndetse ko iminsi ibarirwa ku ntoki agatangira gushyira hanze indirimbo ziri muri iyo njyana ya Afro Gako.

Ubwo aheruka mu gihugu cya Kenya, Element yavuze ko muri iyi mpeshyi agiye gutangira gushyira hanze indirimbo ziri mu njyana ya Afro Gako akaba ari ibintu agomba kwitaho cyane dore ko ariwe wari waratangaje iyi njyana mbere.

Ku runndi ruhande, Producer Pakkage bigaragara ko ariwe uhanganiye iyi njyana na Element, yatangaje ko muri iyi mpeshyi agiye gushyira hanze imiziki myiza kandi iri mu njyana ya Afro Gako ndetse akibanda cyane ku bahanzi barimo n'abakizamuka.

Nyuma y'ubu butumwa, bigaragara ko urubanza rw'injyana ya Afro Gako rugiye kongera kubura umutwe cyane ko Element we atangaza ko aribwo agiye gushyira hanze injyana ye mu gihe Pakkage nawe arimo atangaza ko muri iyi mpeshyi agiye kuzana isura nshya muri Afro Gako.

Mu kiganiro na InyaRwanda, Producer Pakkage umaze kumenyekana mu gukora injyana ya Afro Gako, yavuze ko muri iyi mpeshyi agiye gukora indirimbo nyinshi ziri muri iyi njyana kandi akazibanda ku bahanzi bato barimo abahagaze neza mu ruganda rw'imyidagaduro mu Rwanda.

Pakkage yagize ati 'Kugeza magingo aya, maze gukora indirimbo nyinshi ziri mu njyana ya Afro Gako kandi zarakunzwe. Hari ibindi bitekerezo ngenda nakira kandi hari n'ibindi nongera mu njyana yanjye. Afro Gako muri iyi mpeshyi iraba ivuguruye.'

Agaruka ku cyo yigiye ku ndirimbo 'Akayobe' ya Manick Yani na King James iri mu njyana ya Afro Gako ikaba imaze kurebwa n'abarenga Miliyoni ebyiri ku rubuga rwa YouTube, Pakkage yavuze ko bigaragaza ko agomba no gushyira imbaraga mu bahanzi bakizamuka.

Pakkage yagize ati 'Iriya ndirimbo ni ikimenyetso cyiza ko no mu bahanzi barimo bazamuka bakwiye gutekerezwaho. Muri iyi mpeshyi ndashyira imbaraga muri Afro Gako ariko ntasize inyuma n'aba bahanzi barimo bazamuka.'

Avuga ku cyo injyana isanzwe ya Afro Gako izaba itandukaniyeho n'iya Element uvuga ko atari yayishyira hanze, Pakkage yavuze ko Element azakora imiziki uko abyumva naho we akaba amaze kugira ubunararibonye kuri iyi njyana ari nabwo azaheraho akomeza kongeramo ibindi bizayiryoshya.

Abajijwe niba nta bwoba afite bwo kuba azaba ahanganiye isoko rya mbere na Element ufite izina rikomeye hano mu Rwanda, Pakkage yavuze ko ibyo nta mpungenge bimuteye kuko abantu bakunda ibyiza bityo ubwiza bw’injyana ye amaze kuvugurura buzakurura benshi kandi abanyarwanda bazabukunda.

Producer Pakkage ukorera muri Country Records amaze gukora indirimbo zo muri iyi njyana harimo Abahungu ya Juno Kizigenza, Akayobe ya Manick na King James, Suku ya Kenny Edwin na Fireman. 

Element agiye gushyira hanze injyana ye ya Afro Gako

Producer Pakkage yatangaje ko ubu aribwo agiye gushyira hanze Afro Gako ivuguruye nyuma yo kubigerageza

Producer Pakkage avuga ko indirimbo “Akayobe” imaze kurebwa n’abarenga miliyoni 2 yamweretse ko byose bishoboka

Nyuma yo kugerageza injyana ya Afro Gako kandi izo yakoze zigakundwa, Producer Pakkage yavuze ko afite uruvugiro rwo guteguza abantu ibyiza kurushaho.

   

Amakipe yo mu Ntara y’i Burasirazuba yabayemo impinduka  nyuma y’inama yari igamije iterambere rya siporo muri iyo Ntara yabaye tariki ya 22 Nyakanga 2023 yabereye mu karere ka Kayonza. Iyi nama yari iyobowe n’uwahoze ari Guverineri w’Intara y’Iburasirazuba, CG (Rtd) Gasana Emmanuel,yavuyemo umwanzuro wo guhuza uturere tubiri tugahurira ku ikipe imwe  nk’abaterankunga .

Impinduka zabaye ni uko ikipe ya Kirehe yakinaga mu cyiciro cya Kabiri yahise isenyuka nyuma y’uko Akarere ka Ngoma hemejwe ko kazafatanya n’aka Kirehe gutera inkunga iyo kipe ishobora kwisanga mu cyiciro cya Kabiri mu gihe itatsinda imikino itatu isigaranye .

Ikipe yahoze yitwa Rwamagana City nayo yahinduye izina yitwa Muhazi United FC nyuma yo kwemeza ko ihurirwaho n’uturere twa Rwamagana na Kayonza .Ikipe ya Sunrise yahoze ari ikipe y’Intara y’Iburasirazuba nayo yabonye Akarere ka Gatsibo nako gashyiramo ingengo y’Imari . Bugesera yo uretse impinduka yakoze mu batoza nta ngengo y’Imari yabonye iva mu kandi karere.

Nyuma yo guhuza imbaraga ,amakipe yo mu Ntara y’Iburasirazuba yari yitezweho gutanga umusaruro utandukanye n’uwo yabonye muri uyu mwaka w’umukino 2013/2024 .

Abakurikiranira hafi umupira w’amaguru mu Rwanda barimo  barimo kugaruka ku  makipe atatu  yo muri iyi Ntara  harimo 2  abiri ashobora kumanuka mu Cyiciro cya Kabiri. 

Bugesera FC ,Sunrise , Etoile de l’Est , buri kipe irasabwa gutsinda nibura imikino itatu nyamara Etoile de ‘Est na Bugesera zifitanye umukino ushobora kuzimanura zombi mu gihe zanganya ku mukino uzazihuza mu gihe Sunrise nayo isabwa gutsinda imikino yayo  igategereza uko andi makipe azitwara.

Muhazi United nayo ifite amanota 32 nayo ni uko  kuko Bugesera na Sunrise zitsinze imikino yazo igatakaza imikino yose nayo ishobora kumanuka mu cyiciro cya Kabiri mu gihe amakipe binganya amanota yabona inota nibura rimwe .

Ubwo shampiyona yari igeze ku munsi wa Gatanu, Muhazi United yari ifite amanota 5 kuri 12 , Sunrise na Bugesera nazo zari zifite amanota 5 mu gihe Etoile de l’Est yari imaze kunganya rimwe .

Aya makipe byavugwaga ko azakoresha Ingengo y’Imari ihagije ku buryo Muhazi United byavuzwe ko izakoresha Miliyoni 450 Frw , Etoile de l’Est igakoresha 350 Frw, Sunrise 220 Frw  na Bugesera igakoresha milyoni 200 Frw .

Aya makipe yo Burasirazuba umusaruro muri shampiyona ni muke gusa ku ruhande rwa Bugesera yo yakoze amateka  yo kubona itike yo gukina umukino wa nyuma w’igikombe cy’Amahoro (Peace Cup )isezereye Rayon sports iyitsize igitego 1 ku busa ndetse mu mukino ubanza yatsinze Rayon Sports igitego 1 ku busa.

Ku ruhande rwa Muhazi United yagerageje kugura abakinnyi, inaguma umutoza ruremesha Emmanuel ndetse mu makipe yo mu Burasirazuba niyo igiye kurangiza shampiyona idahinduye umutoza.

Kugeza ubu uretse Muhazi United nta kipe yo Burasirazuba ifite ikipe y’abagore ndetse n’ay’abagabo uretse Sunrise yagarayemo abakinnyi bato bavuka mu Karere ka Nyagatare bafite impano nta kimenyetso cyo kuzamura impano z’abakinnyi bato nubwo afite amakipe y’abato .

Uwapimira umusaruro w’amakipe yo mu Burasirazuba uko yitwaye mu mikino 27 amaze gukina yahamya ko impinduramatwara mu gufasha amakipe ingengo y’Imari ivuye mu turere tubiri yabaye nk’umushinga wahombye kubera gutegurwa nabi ugendeye ku bakinnyi amakipe yaguze .

Aganira n’Itangazamakuru mu  kiganiro cyabereye i Rwamagana tariki ya 4 Mata 2024 , Guverineri  w’iyi Ntara,Rubingisa Pudence yagarutse kuri ayo makipe, avuga hari ibikorwa kugira ngo ikipe zo mu Burasirazuba zitware neza.

Nubwo amakipe yose atagaragayemo ibibazo byo guhemba abakinnyi ariko amwe muriyo yavuzwemo amikoro make binatuma abakinnyi bayo bataka kudahemberwa igihe .

Yagize “Icyo turimo gukora ni ukuganira n’ubuyobozi bw’ayo makipe ndetse no gushyigikira abakinnyi mu kubatera akanyabugabo ( Motivation)  .Icyo bagombye gukora ni ukureba uburyo imikino isigaye bayitsinda “

Mu nkuru zacu zitaha tuzabagezaho impamvu zimwe  zatumye ayo makipe atageze  ku ntego nk’uko byifuzwaga n’Intara y’Iburasirazuba.

Mu mikino itanu ya mbere amakipe yo mu  Burasirazuba atatu yari mu myanya 10 .

Ku munsi wa 25 wa shampiyona amakipe yo mu Burasirazuba yari atangiye urugamba rwo kudatakaza atatu 

Bugesera itaramo Akarere ka Kabiri byifatanya irimo kurwana no kutamanuka mu cyiciro cya Kabiri ariko  yasezereye Rayon Sports muri 1/2 cy’irangiza mu Gikombe cy’Amahoro

Ku munsi w’ejo Saa Tatu z’ijoro nibwo ikipe ya Arsenal yari yakiriye Chelsea kuri Emira Stadium mu mukino wo ku munsi wa 34 wa shampiyona y’icyiciro cya mbere mu Bwongereza.

Ni umukino warangiye Arsenal inyagiye Chelsea ibitego 5-0 byatsinzwe na Léandre Trossard ku munota wa 4 ahawe umupira na Declan Rice ,Ben White ku wa 57 n’uwa 70,ahawe umupira na Martin Odegaard ndetse na Kai Havertz ku wa 57 ahawe umupira na Martin Odegaard n’uwa 65 ahawe umupira na Bukayo Saka.

Nyuma y’uyu mukino, Perezida Kagame usanzwe ukunda ikipe y’Abarashi nk’uko bakunze kuyita abinyujije ku rubuga rwe rwa X rwahoze ari Twitter yagaragaje amarangamutima yandika ati”Maaan….iyi niyo Arsenal (#Gunners) dukunda..”

Iyo ikipe ya Arsenal yakinnye rimwe na rimwe hari igihe Umukuru w’Igihugu agaragaza amarangamutima kubera ko no mu minsi yashize ubwo yasezereraga na FC Bayern Munich muri Champions League nabwo yanditse ko nubwo isezerewe ariko ikiri ikipe ye.

Nyuma yo kunyagira ikipe ya Arsenal yakomeje kuba ku mwanya wa mbere n’amanota 77 mu gihe iyikurikiye Liverpool itari yakina ndetse na Manchester City ya 3 ifite n’umukino w’ikirarane itari yakina.

Iyi kipe ya Arsenal ifitanye n’umubano n’u Rwanda nyuma y’uko kuri 2018 igiranye amasezerano y’ubufatanye n’Urwego rw'Igihugu rw'Iterambere (RDB) yo kwamamaza Visit Rwanda ku kuboko kw'ibumoso ku ikipe nkuru, iy'abatarengeje imyaka 23 no mu ikipe y'abagore.

Perezida Kagame asanzwe afana ikipe ya Arsenal 

Abakinnyi ba Arsenal banyagira Chelsea ibitego 5-0

Nyuma yo gukora ku muzingo yise 'Gishyaka' n'uruhurirane rw'indirimbo yise 'Criminal Love', Gabiro Guitar uri gukora ku giti cye kuva yakwemera guhara imigabane yari afite muri Evolve Music, yagarukanye indirimbo nshya.

Ni indirimbo ifite amashusho yakorewe mu Burundi yayise 'Dans Le Bon'. Mu kiganiro yagiranye na inyaRwanda, Gabiro yavuze ko aya ari amagambo akoreshwa n'abakundana mu gihe baryohewe n'umunyenga w'urukundo barimo.

Yakomoje ku buryo yishimiye ubuhanga bwa Kaliza Doreen uri mu ba Video Vixen bihagazeho i Kigali yakoresheje, avuga ko yari afite benshi yagombaga guhitamo ariko amugezeho aramushima.

Gabiro Guitar mu buryo bwe yagize ati: 'Doreen, nanjye ariko duhuye mbona ni keza bya hatari, afite umubiri ukururamo abantu, ajya kumera nk'igisisirane [Metis] ndavuga uyu ni we dukeneye.'

Yagarutse kandi ku kuba yarahisemo gukorana na Pakkage wanamufashije kwandika iyi ndirimbo nshya yashyize hanze, avuga ko bamaze igihe bakorana.

Uyu muhanzi yavuze uko bamenyanye ati: 'Ntabwo yaryamaga, akunda akazi bya hatari, kandi ikindi kintu namukundiye akunda akazi, aba ashaka gukora ibye, ariyizera kandi ni umwanditsi mwiza cyane.'

Agaragaza ko abamuzi bigoye kuba bagira ahandi bajya kuko Pakkage ari umusore w'umuhanga mu gutunganya umuziki ariko byihariye akagira ibitekerezo n'imyandikire yihariye.

KANDA HANO UREBE UNUMVE DANS LE BON

Gabiro yasobanuye ko “Dans Le Bon” ari amagambo avugwa n’abari mu bihe by’urukundo ruryoshyeKaliza Doreen umu ‘Video vixen’ uri mu bagezweho i Kigali ari mu ndirimbo nshya ya Gabiro GuitarPakkage yagize uruhare mu kwandika ‘Dans Le Bon’ aranayitunganya ndetse Gabiro yahamije ko uyu musore ari ikibazo cy’igihe akaba icyamamare