Ni umushinga wari umaze igihe kinini kuko wanyuze mu nzira zitoroshye zirimo inkiko n'Inteko Ishinga Amategeko y'u Bwongereza.
Mu Kiganiro Tubijye Imuzi, turagaruka kuri iyi gahunda mu buryo bwimbitse, tunasubize ibibazo byinshi biri kwibazwa, birimo uburyo abimukira bazoherezwa mu Rwanda bazatoranywa n'ibindi bitandukanye.
Reba ikiganiro Tubijye Imuzi umenye byinshi kuri iyi gahunda
Source : http://igihe.com/amakuru/u-rwanda/article/ibidasanzwe-kuri-gahunda-yo-kuzana-abimukira-mu-rwanda
Ni icyemezo cyafatiwe mu Nama y'Abaminisitiri yateranye kuri uyu wa Kane tariki 25 Mata mu 2024, iyobowe na Perezida Paul Kagame.
Polisi y'u Rwanda ibinyujije ku rubuga nkoranyambaga rwa X yatangaje ko 'hashingiwe ku myanzuro y'inama y'Abaminisitiri yateranye uyu munsi, abantu bazaba bemerewe gukorera uruhushya rwo gutwara ibinyabiziga hakoreshejwe ibinyabizaga bya 'automatique'.
Yakomeje ivuga ko 'Abantu bazaba bahawe uruhushya rwo gutwara ibinyabiziga bya 'automatique' biri mu rwego batsindiye ni byo bazaba bemerewe gutwara. Abazatsindira uruhushya rwo gutwara ibinyabiziga bya 'manuel' bazaba bemerewe gutwara ibinyabiziga bya 'automatique' na 'manuel'.
Iyi myanzuro nitangira gushyirwa mu bikorwa tuzabamenyesha.'
Muri Nyakanga mu 2023 nibwo Guverinoma y'u Rwanda yari yatangaje ko iri mu myiteguro ya nyuma yo gutangira gutanga ibizamini byihariye ku bashaka impushya zo gutwara imodoka za 'automatique'.
Inkuru bifitanye isano: https://igihe.com/amakuru/u-rwanda/article/permis-zihariye-z-imodoka-za-automatique-zizatangira-gutangwa-ryari
Iki ni kimwe mu byemezo bikubiye mu Nama y'Abaminisitiri yateranye kuri uyu wa Kane tariki 25 Mata mu 2024. Yayobowe na Perezida Paul Kagame.
Mu bandi bayobozi bahawe imyanya n'iyi Nama y'Abaminisitiri harimo Barbara Akaliza wagizwe Umuyobozi ugushinzwe gukumira ibiza bikomoka ku mikorere yo mu nda y'Isi, mu Kigo cy'Igihugu gishinzwe Mine, Peteroli na Gaz, RMB.
Undi ni Esther Mugire wagizwe Umuyobozi Mukuru muri Minisiteri y'Ubutegetsi bw'Igihugu ushinzwe kugenzura inzego z'ibanze. Muri iyi Minisiteri kandi Boniface Ruterana yagizwe Umuyobozi Mukuru ushinzwe imiyoborere no kwegereza ubuyobozi abaturage, ni mu gihe Godfrey Kayigana yagizwe Umuyobozi Mukuru ushinzwe imibereho myiza y'abaturage n'iterambere.
Urundi rwego rwahawe abayobozi ni Ikigo gishinzwe Guteza Imbere Ibikorwa by'lterambere mu Nzego z'lbanze (LODA). Pascal Gashumba yagizwe Umuyobozi w'Ishami rishinzwe igenamigambi ry'inzego z'ibanze, Maurice Nsabibaruta we agirwa Umuyobozi w'ishami rishinzwe iterambere ry'abaturage no guhuza ibikorwa.
Itangazo ry’Ibyemezo by’Inama y’Abaminisitiri yo ku wa 25 Mata 2024 pic.twitter.com/T48mYmf3jX
â” Office of the PM | Rwanda (@PrimatureRwanda) April 25, 2024
Ni ikibazo gihangayikishije Akarere cyane kuko iyo ugendeye ku muvuduko wo kubakira abatishoboye Akarere n'abafatanyabikorwa bako bariho usanga ari ibintu bizafata igihe kinini. Bubakira imiryango 120 gusa buri mwaka ibintu byasaba imyaka igera kuri 15 ngo ikibazo gikemuke.
Aha niho Akarere ka Musanze gahera kuvuga ko gakomeje gushakisha abandi bafatanyabikorwa muri iyi gahunda no gukomeza gukora ubuvugizi ku zindi nzego kugira ngo iki kibazo kibonerwe igisubizo.
Umuyobozi w'Akarere ka Musanze wungirije ushinzwe imibereho myiza y'abaturage, Kayiranga Théobard, avuga ko buri mwaka bagerageza kugaragaza bimwe mu bibazo bikibangamiye abaturage n'iki kirimo ariko ko bagiye kurushaho kwegera no gukorana n'abafatanyabikorwa kugira ngo bagabanye uburemere bwacyo.
Yagize ati “Dushaka gukorana n'abafatanyabikorwa nibura tukajya tubagabanya, nibura tukavuga ngo niba hari hoteli ikorera aha n'aha tukayegera tukayisaba ko yadufasha kubakira abo baturage. Bishobora kudufasha.”
Uyu muyobozi yakomeje avuga ko bari no muri gahunda yo gukomeza kwigisha abaturage uburyo bwo kwiteza imbere kuko hari abo bigaragara ko usanga bararangaye cyangwa bagasesagura duke baba bafite bakisanga mu bukene bwo gufashwa.
Ati “Ariko turakomeza no kwigisha abaturage bacu no kwivana mu bukene, kuko hari aho usanga umugabo atandukanye n'abagore batatu cyangwa bane, akagurisha isambu kandi yarigeze inzu akajya gutungira undi mu kintu kimeze nka nyakatsi cyangwa ihema, urwo rero ni urwego abantu bakwiye kurenga ndetse tukanareba niba abo twubakira bazifata neza nk'uko bikwiye. Icyo dusaba abaturage bose ni uko ibyo bafite bakwiye kubiheraho bakiteza imbere.”
Abaturage batuye mu nzu zishaje n'abatagira aho bakinga umusaya, bo bagaragaza ko hari ingaruka nyinshi zirimo uburwayi no kubaho badatekanye, bagasaba ko bafashwa kugira amacumbi adashyira ubuzima bwabo mu kaga.
Barinda Evariste ni umwe muri bo, yagize ati “Kubera ukuntu iyi nzu ari nto, kuryama ntibiba byoroshye ndetse nijoro iyo imvura iguye turara tunyagirwa ibintu byose bikajandama. Nta bushobozi dufite keretse leta cyangwa abagiraneza badufashije kuko akabanza ko turakifitiye.”
Maniraguha Esther nawe yagize ati “Tubayeho nabi kuko iyo mbonye umusiri (guhingira abandi), nibwo bampa 1000Frw nkagihahisha njye n'uyu mwana wanjye tukarya. Iyi nzu ni iy'umuntu yantije kandi nayo irava cyane kuko amabati hagati ntabwo ahuje ndetse na kiriya gikuta cyaratembye cyenda kugwa. Dukeneye ubufasha tukabona inzu.”
Muri izi nzu zigera kuri 1595 harimo 1423 bigaragara ko zishaje zikaba zigomba gusanwa, n'izigera ku 172 zigomba kubakirwa abatagira amacumbi.
Ubwo yari yitabiriye inama yiga ku ikoranabuhanga no guhanga udushya mu kugorora iri kubera muri Turukiya mu mujyi wa Istanbul guhera 22-26 Mata 2024, CG Evariste Murenzi uyobora RCS yasinye amasezerano y'uko u Rwanda ruzakira Inama rusange y'Umuryango uhuza amagereza n'amagororero(ICPA) izaba mu 2025.
Ni amasezerano yasinywe hagati ya Komiseri Mukuru w'Urwego rw'u Rwanda rushinzwe Igorora RCS, CG Evariste Murenzi na Perezida w'Umuryango uhuza amagereza n'amagororero ku Isi, Peter Severin, yemeza ko u Rwanda arirwo ruzakira iyo nama ngarukamwaka ihuriramo abantu baturutse mu bihugu bitandukanye bafite aho bahurira n'inshingano zo gufunga no kugorora.
Inama iri kubera Istanbul iri kurebera hamwe uburyo bwo gukoresha ikoranabuhanga mu kugorora no kurushaho guhanga udushya mu bikorwaremezo byo mu magororero; ikareba kandi n'uburyo imibereho myiza n'iterambere by'abari mu magororero ryarushaho kugenda neza.
Abayiteraniyemo kandi banarebera hamwe uko ikoranabuhanga ryakoreshwa cyane muri ikigihe n'uburyo ibikorwa by'amagororero n'amagereza bya buri munsi bitabangamira ibidukikije.
Uyu Muryango mpuzamahanga ufite inshingano z'amagereza no kugorora (ICPA) washinzwe mu 1998. Ufite intego yo guhuza no gusangira ubumenyi n'imikorere hagati y'ibihugu muri gahunda yo kugorora, hagamijwe guteza imbere umutekano w'abafunze n'abagororwa bari mu magororero atandukanye ku Isi no gutuma barushaho kugira ubuzima bwiza.
Inama ya ICPA ni ngarukamwaka izenguruka ibihugu bitandukanye biri muri uwo muryango, igahuza abasaga 900.
Biteganyijwe ko iyo nama igiye kuba ku nshuro ya 27 izaba ku wa 26 – 31 Ukwakira 2025; aho u Rwanda ruzaba rubaye igihugu cya Kabiri muri Afurika cyakiriye iyo nama nyuma ya Namibia.
Kiyovu Sports yari yakiriye Mukura Victory Sports ku mukino w’umunsi wa 28 wa shampiyona y’u Rwanda, “Primus National League”.
Mbere y’umukino amakipe yombi yabanje gufata umunota wo kwibuka Jenoside yakorewe Abatutsi mu 1994.Â
Umukino watangiye amakipe yombi ari gukanirana, igice cya mbere kirangira ari ubusa ku busa. Mu gice cya kabiri ku munota wa 65, ni bwo Kiyovu Sports yafunguye amazamu ku gitego cya Kirongozi.
Abakinnyi ba Kiyovu bakimara kubona igitego cya mbere, bari bafite icyizere ko batsinda n’icya kabiri, baguma kwataka birangira igitego kibuze.
Ubwo Umukino wari hafi kurangira, umuzamu wa Mukura Nikolas Sebwato, utigeze yishimira gutsindwa yashakaga kuzamuka ngo ajye gutsinda, bikarangira umutoza Lotfi wa Mukura amubujije.
Ku munota wa 93, Mukura Victory Sports yabonye kufura, nuko Umuzamu Nikolas Sebwato asuzugura umutoza azamuka kugerageza umutwe mu izamu rya Kiyovu. Kufura ikimara guterwa, Nikolas Sebwato yateye umutwe, nuko atsindira Kiyovu Sports igitego cyo kwishyura.
Umukino warangiye amakipe yombi anganyije igitego kimwe kuri kimwe, nuko Mukura ihita ifata umwanya wa 4 n’amanota 44, naho Kiyovu irara ku mwanya wa karindwi n’amanota 38.
Nyuma y’umukino Nikolas Sebwato yabwiye InyaRwanda ko ibitego by’umutwe atari ubwa mbere abitsinze, cyane ko ngo muri Uganda yajyaga abikora. Nikolas Sebwato yakomeje avuga ko no mu myitozo ya Mukura asanzwe atsinda ibitego by’umutwe.
Abakinnyi babanje mu kibuga ku ruhande rwa Mukura Victory Sport
Abakinnyi babanje mu kibuga ku ruhande rwa Kiyovu Sport
Kirongozi akimara gutsinda igitego cyatsinzwe ku munota wa 65
Amakipe ku mpande zombi yabanje gufata umunota wo kwibuka Jenoside yakorewe Abatutsi mu 1994
Abasimbura ku ruhande rwa Kiyovu SportÂ
Umutoza wa Mukura yicaye ategereje igitegoÂ
Nyuma y’umukino, Perezida wa Kiyovu Mfitubwoba Abdul Kalim nyuma y’umukino yagiye kuganiriza umusifuziÂ
AMAFOTO: Ngabo SegeÂ
Abatursge bo mu Karere ka Gatsibo by’umwihariko mu Mirenge ya Kabarore, Gitoki na Kiziguro, baravuga ko hari imihanda y’iyi Mirenge yangiritse nyamara ubuyobozi bwarabemereye kuyishyiramo kaburimbo yoroheje, ntibyakorwa none ikaba ikomeje kuba imbogamizi ku kugeza umusaruro w’ubuhinzi ku masoko.
Ubuyobozi bw’aka Karere buvuga ko inyigo y’imwe muri iyi mihanda yamaze gukorwa ndetse imirimo yo kuyubaka ikaba izatangira umwaka utaha wa 2025.
Mu gihe umubare munini w’abatuye Akarere ka Gatsibo biganje mu bikorwa by’ubuhinzi n’ubworozi nubwo hari n’abakora ibindi bikorwa bitandukanye, abaturiye imwe mumihanda itandukanye y’aka Karere baravuga ko hashize igihe bizezwa ko igiye gutangira gukorwa igashyirwamo na kaburimbo yoroheje, ariko ngo barategereje baraheba.Â
Urugero nk’umuhanda wa Bukomane-Gitoki-Mugera ufite uburebure bwa Kilometero 20, umuhanda Ndatemwa-Muhura ufite ibirometero 25,6 ndetse n’umuhanda Rugarama-Kanyangese-Karambi ufite ibirometero 17,62.
Iyi mihanda yose kuba idakoze ngo bigira ingaruka ku baturage cyane cyane ku bahinzi bagorwa no kugeza umusaruro wabo ku masoko ndetse n’amazi ava muri iyi mihanda hari n’aho abangamira imiturire yabo.
Umuyobozi w’Akarere ka Gatsibo, Gasana Richard, avuga ko n’ubwo iyi mishinga yadindijwe n’amikoro make ngo hamaze gukorwa inyigo y’imihanda ine igomba gutangira kubakwa umwaka utaha wa 2025.
Iyi muhanda abaturage basaba ko yubakwa biramutse bikozwe yaba ari igisubizo ku buhahirane bw’Akarere ka Gatsibo n’ibindi bice by’u Rwanda. Yaba kandi ije yiyongera ku yindi mihanda yamaze kubakwa nk’uwa Kiramuruzi – Gasange, hakaba n’indi irimo kubakwa mu Mujyi wa Kabarore.
Ivomo: RBA
Gateka Esther Brianne umaze kubaka izina mu ruganda rw’imyidagaduro nka Dj Brianne kubera kuvangavanga umuziki, yavuze ko uburwayi yagize bwatumye abagwa azabuvugaho neza nyuma yo kongera kuva kwa muganga.
Tariki ya 1 Mata 2024 ni bwo Dj Brianne yabagiwe mu Bitaro bya Gisirikare i Kanombe mu gace ka Muhabura (Muhabura Wing), amakuru akavuga ko yabazwe ku gifu.
Mu kiganiro yagiranye n’ikinyamakuru ISIMBI, Dj Brianne yavuze ko azavuga neza iby’uburwayi bwe yakize kuko agomba gusubira kwa muganga bakamubaga.
Ati 'nzasubira kwa muganaga, nimbisoza bamaze kumbaga maze no koroherwa nzagaruka hano mbabwire ukuntu ibintu bimeze.'
Biteganyijwe ko Dj Brianne tariki ya 1 Gicurasi 2024 ari bwo azasubira kwa muganga kugira ngo yongere akorerwe 'operation’ ya kabiri.
Dj Brianne akaba yahakanye ibyakwirakwiye ku mbuga nkoranyambaga bivuga ko yari yagiye kwibagisha nyababyeyi, abandi bakavuga ko ari ukwibagisha inda ngo igabanyuke, icyo arwaye azakivuga avuye kwa muganga.
Uyu mukobwa umaze kubaka izina mu bijyanye no kuvangavanga umuziki, yahishuye ateganya kubatizwa ubundi akavuga ibyiza Imana yamukoreye.
Ati 'Ndashaka kubatizwa. Ikintu cya mbere kinshishikaje si ukubatizwa ahubwo ni inyigisho nkamenya impamvu ngiye kubatizwa. Ndashaka kubatizwa ubundi nkavuga ibyiza Imana yankoreye.'
Dj Brianne ni umwe mu gitsina gore kirwanyeho akaba amaze kugira aho agera mu gihe hari igihe yagezemo nta cyizere cy’ubuzima bitewe n’ubuzima bushaririye yakuriyemo ari naho yakuye igitekerezo cyo gushinga umuryango yise La Perle Foundation wita ku bana bari mu buzima bwo ku muhanda.
Ijoro ryo kua 28 Nzeri uyu mwaka, rizaba ari ijoro ridasanzwe aho amahanga yose azaba ahanze amaso mu gihugu cya Mexico, ahazaba hari kubera ibirori by'ishiraniro byo gutoranya umukobwa uzasimbura Sheynnis Palacios wambaye ikamba rya Miss Universe 2023, mu bakobwa 120 biyandikishije uyu mwaka.
Kugeza ubu, ibihugu birimo u Bushinwa n'u Bufaransa byamaze gutora ba Nyampinga bazabihagararira muri iri rushanwa rugikubita, ndetse na Iran yatangaje ko izitabira iri rushanwa ku nshuro yayo ya mbere.
Dore ibihugu byamaze kwemeza abakobwa bazabiserukira muri Miss Universe 2024:
1.    U Bushinwa
Jia Qui w'imyaka 23 y'amavuko, ni we watorewe guhagararira u Bushinwa muri Miss Universe 2024 nyuma y'uko ariwe wahawe aya mahirwe mu irushanwa ry'umwaka ushize ryabereye muri El Salvador ariko ntabashe kwitabira.
2.    U Bufaransa
Indira Ampiot w'imyaka 20 y'amavuko, ni umunyamideli w'umufaransa wigeze kwambikwa ikamba rya Miss Basse-Terre na Miss Guadeloupe mu 2022, akaba yaranabaye Nyampinga w’u Bufaransa mu 2023.Â
Ni umukobwa wa kane ukomoka muri Guadeloupe wegukanye Miss France. Afite inkomoko mu Buhinde binyuze mu gisekuru cya Nyina, akaba mwishywa w'umukinnyi w'umupira w'amaguru mu Bufaransa, Frederic Tejou.
Ampiot yegukanye iri kamba ryo kuzaserukira u Bufaransa ahigitse abandi bakobwa 29 bari bahataniye uyu mwanya, mu irushanwa ryabaye mu Ukuboza k'umwaka ushize.
3.    U Bugiliki
Christianna Katsieri w'imyaka 22 y'amavuko, ni we watorewe kuzahagararira u Bugiriki mu irushanwa rya Miss Universe riteganyijwe kuba muri Nzeri uyu mwaka. Uyu mukobwa kandi, yahagarariye iki gihugu no mu irushanwa rya Miss Earth 2023.
4.    Kazakhstan
Madina Almukhanova ufite imyaka 23, ni umunyamideli wambitswe ikamba rya Miss Kazakisitani nyuma yo gutsinda abandi 24 bari bahataniye mu irushanwa ryabereye mu Ngoro ya Repubulika iherereye i Almaty mu Ukuboza k'umwaka ushize.
Mbere y'ibi, Madina yari asanzwe yambaye ikamba ry'igisonga cya mbere cya Nyampinga wa Almaty watowe mu 2023. Hanze yo kwitabira amarushanwa y'ubwiza, amaze imyaka itanu yerekana imideli, akaba n'umuyobozi wa korari abikesheje ubuhanga bwe mu kuririmba no gucuranga piyano.
5.    Mongolia
Mu Kwakira umwaka ushize, ni bwo Nominzul Zandangiin w'imyaka 19, yagizwe Miss Universe Mongolia 2023. Yegukanye iri kamba atsinze abandi 16 bari bahuriye muri iri rushanwa. Ni umunyeshuri muri kaminuza nkuru ya Mongolia, aho arimo gukorera impamyabumenyi mu icungamari.
6.    New Zealand
Franki Russell ufite imyaka 29 y'amavuko wambitswe ikamba rya Miss Universe New Zealand 2024, ni umukinnyi w'amafilime akaba n'umunyamideli. Uyu mukobwa agiye gusubiza iki gihugu muri Miss Universe, nyuma y'imyaka 4 kititabira. Mu 2021, Russell yitabiriye amarushanwa ya Miss Universe UAE mu 2021, aho yabashije kugera muri 30 ba mbere.
7.    Venezuela
Ileana Marquez w'imyaka 28 y'amavuko, ni umunyamideli akaba n'umubyeyi wa mbere wabashije kwegukana ikamba rya Miss Venezuela. Yatsinze ahigitse abandi bakobwa 24 bari bahuriye kuri iri kamba mu Kuboza, bimugira umugore wa gatatu wahatanye ahagarariye Amazone wambitswe iri kamba.
Mu byo akunda harimo kuririmba, kubyina no gukina filime. Avuga ko yiyumvisemo imbaraga zo kwitabira irushanwa rya Miss Venezuela kuko bwari ubwa mbere abaritegura bari bemereye ababyeyi kimwe n’abagore bubatse ndetse n’abashakanye bakaza kwahukaha, kwitabira iri rushanwa.
8.    Belize
Halima Hoy w'imyaka 29 y'amavuko, niwe wagiriwe icyizere cyo guserukira igihugu cya Belize muri Miss Universe 2024.
9.    Kyrgyzstan
Maya Turdalieva ufite imyaka 25, ukomoka mu mujyi wa Bishkek, umurwa mukuru wa Kirigizisitani, niwe watorewe kusaserukira iki gihugu muri Miss Universe 2024. Â Yashyize muri uyu mwanya nyuma y'uko Diami Almazbekova, wari uhagarariye igihugu cya Kirigizisitani, yiyemeje kuva mu irushanwa kubera ko atari yiteguye mu 2023.
Usibye ibi bihugu byamaze gutanya abazabihagararira, hari n'ibindi bigeze kure amarushanwa agomba gusiga babonye abazabaserukira. Muri byose bihugu harimo Zimbwabwe, Kenya, Croatia, Phillippines, Colombia, Iran, Albania, Ecuador, Leta zunze ubumwe za Amerika, Jamaica, Netherlands, Denmark, Mexico, Finland, Ireland n'ibindi byinshi.
Ni mu gihe Cuba iheruka muri iri rushanwa mu 1967 nayo izongera kwitabira nyuma y'ibinyacumi bitandatu itagaragara, Botswana yaherukaga mu 2013 ikagaruka, Samoa yaherukaga mu 1986 ikagaruka, Kenya yaherukaga mu 2021 ndetse n'ibindi bihugu bitaherukaga kugaragara muri iri rushanwa bigaseruka gitore.
Anne Jakrajutatip, umufatanyabikorwa wa Miss Universe Organisation (MUO) itegura irushanwa rya Miss Universe, aherutse kwifashisha imbuga nkoranyambaga ze atangaza umubare w'ibihugu bihataniye iri kamba ryifuzwa na benshi, aboneraho no gushimira ibihugu byamaze kwiyandikisha.
Mexico igiye kwakira iri rushanwa, yaherukaga kuryakira mu 2007, ariko na mbere yaho mu myaka ya za 1993, 1989 na 1978 yararyakiriye.
Umuyobozi mukuru wa Miss Universe Organisation Amy Emmerich yatangaje ko ategerezanyije amatsiko menshi kuzabona uko Mexico izakoresha neza amahirwe yahawe.
Iri rushanwa, ryagiye rirangwa n'udushya twinshi mu bihe byatambutse, aho abakobwa bahataniye iri kamba nka Rikkie Valerie Kollé ukomoka mu Buholandi na Marina Machete ukomoka muri Porutugali baje bakurikira Angela Ponce witabiriye mu 2018, baba abakobwa batatu bitabiriye iri rushanwa nyamara baravukanye igitsina cy’abagabo.
Sibyo gusa kandi, kuko Camila Avella ukomoka muri Kolombiya na Michelle Cohn wo muri Guatemala na bo banditse amateka yo kuba abagore ba mbere bubatse ndetse banabyaye bitinyutse bakitabira irushanwa rya Miss Universe.
Uyu mushinga w'itegeko niwemezwa ushobora guhindura ibijyanye n'imyubakire y'imva aho usanga imva zubakishijwe sima, amakaro, ibyuma n'ibindi bikoresho bituma umubiri udashenguka vuba, bityo bigatinza igihe cyagenwe cyo kongera gukoresha ubwo butaka.
MINALOC igaragaza ko uburyo bwo gushyingura uko, ari bwo bukomeje guteza ibibazo by'ibura ry'ubutaka bwo gushyinguramo cyangwa gukorerwaho indi mirimo.
Umuyobozi Mukuru muri MINALOC, ushinzwe Itumanaho, Joseph Curio Havugimana yavuze ko 'ibituma itegeko ryari rihari rivugururwa ni uburyo bwo gufasha mu guhangana n'icyo kibazo abantu bakabuzwa gukoresha sima, amakaro ndetse n'ibindi bituma imibiri idashenguka vuba, ibigatuma ubutaka bwongera gukoreshwa bitinze.'
Havugimana yavuze ko kuri iyi nshuro leta iri gukorana n'inzego z'ibanze, kugira ngo bakangurire abantu gushyingura bakoresheje bimwe mu bikoresho bibora vuba aho gukoresha biriya birimo sima, amakaro, ibyuma n'ibindi, kugira ngo bwa butaka bwisubize bwongere bukoreshwe ibindi.
Ubusanzwe itegeko numero 11/2013 ryo ku wa 11 Werurwe 2013 rigena imitunganyirize n'imikoreshereze y'amarimbi mu Rwanda, rigena ko ubutaka bwashyinguwemo bwakongera gukoreshwa nyuma y'imyaka 10.
Kugira ngo bikunde bisabwa ko abashyingura ababo bakwifashisha ibikoresho bibora vuba, ariko bigakorwa ku bituro bisanzwe mu gihe ku bidasanzwe bisaba gutegereza imyaka 20 kugira ngo ubutaka bwongere bukoreshwe.
Iri tegeko rigaragaza ko igituro gisanzwe ari kwa kundi bacukura mu butaka ariko ntihagire ibindi bashyiramo mu mpande zacyo, mu gihe izidasanzwe akenshi zibarizwa mu marimbi yabugenewe, aho no muri izo mpande hubakirwa ari na yo mpamvu usanga ubutaka butinda kuboneka.
Uretse gushyingura hakoreshejwe ibikoresho bibora vuba, mu biri guteganywa muri uyu mushinga w'itegeko harimo n'ibijyanye no kongera gushira imbaraga muri gahunda yo gutwika imirambo, cyane ko ari bwo buryo bwakemura ikibazo cy'ibura ry'ubutaka mu buryo burambye.
Mu 2015 ni bwo hasohotse iteka rya Minisitiri ufite umuco mu nshingano ze rigena uko imirambo izajya itwikwa.
Iri teka rivuga ko gutwika umurambo bikorwa hakoreshejwe ifuru yabigenewe, igomba kuba ifite amashanyarazi kandi ifite umuriro uhoraho ku buryo budahagarara, hakaba n'imashini y'agateganyo isimbura amashanyarazi igihe yabuze.
Nubwo ibyo gutwika imirambo mu Rwanda bihakorerwa, Abanyarwanda ntibarabiyoboka kuko bikorwa n'abanyamahanga, bikajyana n'umuco w'Abanyarwanda batarumva neza iyi gahunda.
Ikindi ni uko uko kutabyumva bituma n'abashoramari bagaragaza impungenge ko bashobora gushora imari yabo muri iyi mirimo nko kugura imashini ariko bakaba babura abantu bashyingura muri ubu buryo bagahomba.
Kuri iyi nshuro Havugimana yavuze ko 'Twagerageje gukangurira abashoramari kudapfusha ubusa ayo mahirwe ariko umuco ukomeza gutambama bigatuma iyi gahunda ititabirwa cyane.'
Iteka rya Minisitiri rivuga ko gusaba ko umurambo utwikwa bikorwa n'umuntu ku giti cye cyangwa undi yabihereye uburenganzira mbere y'urupfu. Ubusabe bukorwa mu nyandiko cyangwa mu mvugo hari abatangabuhamya nibura babiri bafite imyaka y'ubukure.
Umuyobozi w'Akarere k'aho umurambo uherereye ashobora kwemeza ko umurambo utwikwa igihe nta muntu uwusaba.
Gutwika imirambo irenze umwe mu ifuru imwe birabujijwe keretse iyo bidashoboka gutandukanya imirambo.
Birabujijwe kandi gutwika umurambo utakuwemo imyenda.
Ivu ryavuye mu murambo rifatwa nk'umutungo w'umuryango w'uwapfuye cyangwa Leta.
Abagize umuryango bashobora kwemeranya ko ivu rishyirwa mu gikoresho kimwe cyabugenewe cyangwa bagabagabana ivu uko babyifuza.
Ivu riri mu gikoresho cyabugenewe rishyingurwa ku irimbi rusange, irimbi ryihariye, mu rugo cyangwa ahandi hantu hagenwa n'abagize umuryango w'uwapfuye cyangwa Leta ku muntu wapfuye adafite umuryango.
