Category: Uncategorized

Umubano wa Uganda n'u Rwanda ni ingingo Mukeka Clémentine yagarutseho kuri uyu wa Mbere, tariki 6 Gicurasi mu 2024, mu biganiro by'umutekano byahuje abayobozi mu nzego nkuru z'u Rwanda n'iza Uganda.

Uretse Mukeka ku ruhande rw'u Rwanda ibi biganiro byanitabiriwe n'abandi bayobozi barimo Guverineri w'Intara y'Iburasirazuba, Pudence Rubingisa; Umuvugizi w'Igisirikare, Brig Gen. Rwivanga Ronald ndetse n'abandi bari mu nzego z'igisirikare na Polisi.

Intumwa za Uganda zo zihagarariwe na Julius Kivuna ushinzwe amahoro n'umutekano mu Karere muri Minisiteri y'Ububanyi n'Amahanga.

Intego y'iyi nama ni ukurebera hamwe ishyirwa mu bikorwa ry'ingamba n'ibyemezo byafashwe mu nama nk'iyi yabereye i Kabale mu Ukuboza mu 2023.

Iyi nama yabereye muri Uganda ni yo ya mbere yari ihurije hamwe abayobozi mu nzego nkuru z'ibihugu byombi kuva muri Mutarama mu 2022. Yabaye nyuma yo kwemezwa na Perezida Kagame na mugenzi we wa Uganda, Museveni.

Yari igamije kurebera hamwe uko ibihugu byombi byafatanya mu kurwanya ibyaha byambukiranya imipaka, gukumira magendu no gushyiraho ingamba zatuma ubucuruzi hagati y'ibihugu byombi burushaho gutera imbere bikajyana no koroshya urujya n'uruza rw'abantu.

Ubwo yatangizaga iyi nama, Umunyamabanga Uhoraho muri Minisiteri y'Ububanyi n'Amahanga n'Ubutwererane, Mukeka Clémentine, yagarageje ko 'ari iby'agaciro guha ikaze intumwa za Uganda mu Rwanda muri Nyagatare muri iyi nama ya kabiri y'umutekano hagati y'u Rwanda na Uganda.'

Yavuze ko kuba inama nk'iyi yaterana bigaragaza ubushake ibihugu byombi bihuriyeho bwo kurushaho gufatanya mu nzego zitandukanye.

Ati 'Ndashaka kugaruka ku kamaro k'inama y'uyu munsi no gushimangira intego yacu duhuriyeho yo gushimangira umubano w'ibihugu byombi. Kwitabira kw'abayobozi bo mu nzego nkuru bahagarariye inzego zitandukanye mu Rwanda no muri Uganda ni ikimenyetso gikomeye cyo kwiyemeza duhuriyeho mu bijyanye no kwimakaza umubano hagati y'u Rwanda na Uganda urangwa n'amahoro, inyungu ndetse n'uburumbuke.'

Mukeka yakomeje avuga ko u Rwanda na Uganda bisangiye byinshi birenze kuba ibihugu bituranye gusa, ari nayo mpamvu bikwiriye kurebera hamwe uko byakemura ibibazo n'imbogamizi bishobora kuzanwa n'uyu murunga ubihuje.

Ati 'Ibihugu byacu bisangiye ibirenze kuba bituranye, dufite umurunga ushingiye ku mateka, umuco n'ibijyanye n'ubukungu. Uyu murunga uduhuje uzana n'ibindi bibazo dusangiye by'umwihariko ibijyanye no kubungabunga umutekano n'ituze ry'abaturage bacu, ariko binyuze mu gukorera hamwe no gusangira amakuru no gushyira hamwe imbaraga zacu dushobora kubaka ahantu harushijeho gutekana ku bw'abaturage bacu ndetse tugashyigikira iterambere rirambye hakurya y'imipaka yacu.'

Umuhate wo gukorana n'u Rwanda urushaho kwiyongera

Julius Kivuna ushinzwe amahoro n'umutekano mu Karere muri Minisiteri y'Ububanyi n'Amahanga ya Uganda yavuze ko ashima umuhate w'ubuyobozi bw'ibihugu byombi mu kubaka umubano utajegajega.

Ati 'Munyemerere nshimire cyane ubuyobozi bwo hejuru bw'ibihugu byacu byombi ku bw'umuhate bakomeje kugaragaza mu gushimangira umubano hagati y'ibihugu byacu byombi.'

Yakomeje avuga ko 'afite icyizere ko binyuze mu biganiro bibaye mu mucyo no kubwizanya ukuri ibihugu byombi byafatanya mu gukemura ibibazo byose biri ku mupaka'.

Julius Kivuna yavuze ko Uganda igeze kure ishyira mu bikorwa ibyemezo byari byaraganiriweho mu nama yabanje.

Ati 'Nishimiye kubabwira ko Uganda yateye intambwe ishimishije mu gushyira mu bikorwa amasezerano n'ibyemezo twaganiriyeho mu nama yacu iheruka.'

Yagaragaje ko umuhate Uganda ifite mu gukorana n'u Rwanda ugenda wiyongera.

Ati 'Umuhate wacu mu gukorana no gufatanya namwe bagenzi bacu bo mu Rwanda warushijeho gukomera kandi mfite icyizere ko imikoranire yacu izakomeza gutera imbere no mu myaka iri imbere.'

Hashize iminsi ibihugu byombi biri mu nzira y'ibiganiro byo kuvugurura umubano wari warajemo agatotsi guhera mu 2017.

Mu 2022, umubano watangiye kujya mu buryo nyuma y'uruzinduko Umugaba Mukuru w'Ingabo za Uganda, Gen Muhoozi Kainerugaba, akaba n'Umujyanama wa Perezida Yoweri Museveni yagiriye mu Rwanda.

Mukeka Clémentine na Julius Kivuna nibo bayoboye amatsinda y'abayobozi ku mpande z'ibihugu byombi

Ibi biganiro by'umutekano byahuje abayobozi mu nzego nkuru z'u Rwanda n'iza Uganda

Ibi biganiro by'umutekano byahuje abayobozi mu nzego nkuru z'u Rwanda n'iza Uganda

Julius Kivuna ushinzwe amahoro n'umutekano mu Karere muri Minisiteri y'Ububanyi n'Amahanga ya Uganda yavuze ko ashima umuhate w'ubuyobozi bw'ibihugu byombi mu kubaka umubano utajegajega

Umunyamabanga Uhoraho muri Minisiteri y'Ububanyi n'Amahanga n'Ubutwererane, Mukeka Clémentine, yagaragaje ko umubano u Rwanda rufitanye na Uganda urenze kuba ibihugu bituranye

Mukeka Clémentine na Julius Kivuna nibo bayoboye amatsinda y'abayobozi ku mpande z'ibihugu byombi

Umuhanzi w’icyamamare ukomoka muri Tanzania umaze kubaka izina muri Afurika, Diamond Platnumz yatunguranye avuga ko iyo ari mu rukundo akumva arurambiwe, ashaka icyo akora kugira ngo ababaze uwo bari kumwe ahite amwanga.

Ni mu kiganiro uyu muhanzi wavuzwe mu rukundo n’abakobwa benshi bikarangira batandukanye yahaye Wasafi.

Diamond Platnumz, yahishuye ko abakobwa bose bakundanye na we ntawigeze amwanga ahubwo ari we wabigiragamo uruhare kugira ngo batandukane.

Uyu muhanzi avuga ko iyo ari mu rukundo akabona rurimo kumutwarira umwanya munini cyangwa yarurambiwe, ashaka uburyo bushoboka bwose akababaza uwo mukobwa ubundi bagatandukana.

Ati “Nta na rimwe umukunzi wanjye arankatira. Iyo ndi mu rukundo nkumva umukunzi wanjye arimo nkuntwarira umwanya munini utari ngombwa, nshaka uko mbivamo, nkakora ikintu kugira ngo mubabaze kugeza we ubwe afashe umwanzuro wo kurangiza ibintu, tukabivamo.”

Mu minsi ishize ni bwo umuhanzikazi Zuchu bari mu rukundo na we yatangaje ko batakiri kumwe, ni nyuma y’inkuru zagiye zivugwa ko umubano wa bo utameze neza kugeza aho Diamond yageze aho ahamagara uwari umukunzi we Sarah ku rubyiniro.

Zuchu yaje akurikira Zari Hassan babyaranye abana 2 bakaza gutandukana muri 2018 ku munsi w’abakundana amushinja kumuca inyuma, ni mu gihe muri 2020 yatandukanye na Tanasha Donna wari umaze kumubyarira umwana w’umuhungu.

Diamond yavuze ko ari we ugira uruhare mu gutandukana n’abakobwa bakundana

Ntibisanzwe! Hari bamwe mu bitabiriye iki gitaramo, bagiye bandika bagaragaza ko n’ubwo batazi Chryso Ndasingwa ariko banyuzwe n’umuziki waherekeje ibihangano bye.

Hari abavuze ko batari bazi n’indirimbo ye, ariko bashingiye ku mitegurire ye, imbaraga yashyize mu kwamamaza igitaramo cye batekereza ko ari byo byamufashije kuzuza BK Arena.

Uyu musore tuvuga w’i Nyamirambo, yanditse amateka avuguruye mu muziki wa Gospel, mu ijoro ryo kuri iki Cyumweru tariki 5 Gicurasi 2024.

Ni amateka yanditse ashyigikiwe n’abaramyi bakomeye mu muziki barangajwe imbere na Aime Uwimana, Josh Ishimwe, True Promises, Asaph Ministries International, Papy Clever n’abandi.

Ubwo yari asoje iki gitaramo, Chryso Ndasingwa yabwiye InyaRwanda ko yateguye iki gitaramo abantu benshi batabyumva, bitewe n’uko yahisemo kugikorera mu nyubako ya mbere nini mu kwakira ibitaramo mu Rwanda.

Yavuze ko yari afite igitutu n’ubwoba. Ati “Ndanezerewe, kuko amasengesho yacu Imana irayasubije. Nari nifitiye icyizere ariko 80% by'abo twari kumwe ntabwo bari bifitiye icyizere, kubera ko iyo ugiye gukora ikintu bwa mbere nta wundi muntu uragikora, baba bakeneye ibintu bifatika. Abenshi bambwira ko ntabwo wakora igitaramo cya mbere ngo ugikorere muri BK Arena…'

Uyu muhanzi ukorera ivugabutumwa mu Itorero rya Newlife Bible Church Kicukiro, amaze imyaka igera muri itatu akora umuziki aho yamenyekanye mu ndirimbo zirimo Ndakwihaye, Wahozeho, Ntajya Ananirwa, Ntayindi Mana, Wakinguye ijuru n'izindi.

Igitaramo cya Chryso Ndasingwa cyitabiriwe ku rwego rwo hejuru, ibintu benshi na we arimo bashimiye Imana cyane ko hari abatari bazi ko bizashoboka ko iyi nyubako ya BK Arena azayuzuza nyuma ya Israel Mbonyi umaze kumenyerwa ko ari we uyuzuza.

    

Ariko se, uyu musore wujuje BK Arena ni muntu iki?

Yatangiye kwiyumvamo umuziki afite imyaka 17 y'amavuko, ubwo umwe mu nshuti ze yamwigishaga gucuranga gitari ndetse na Piano- Ubwo yari mu gitaramo cye, yaririmbye nyinshi mu ndirimbo ze yicurangira na gitari, akanyuzamo akaganiriza abantu.

Uyu musore avuga ko yifashishije urubuga rwa Youtube yafashe igihe gihagije cyo kwiga gucuranga Gitari ndetse na Piano, kuva ubwo atangira gusangiza ubumenyi abandi.

Chryso yamamaye mu ndirimbo ‘Wahozeho’ ari nayo yatumye ategura igitaramo cyo kuyimurika mu buryo bwihariye, aho yayihurije hamwe n’izindi ndirimbo zigize Album ye ya mbere.

Chryso ni umwana wa Kane mu muryango w’abana icumi. Yisobanura nk’umusore wakuranye inyota yo gukorera Imana, ariko ko atajyaga amenya igihe azabikorera ku mugaragaro.

Yakoze igitaramo cye, mu gihe bamwe mu bakoresha imbuga nkoranyambaga cyane, bakunze kwakira amashusho y’indirimbo ze zagiye zisubirwamo n’abantu banyuranye.

Afite ababyeyi bombi! Muri iki gihe ari gusoza amasomo ya 'Theology' na Bibiliya n’ubuyobozi muri Africa College of Theology (ACT). 

Asanzwe afite Impamyabumenyi mu kwigisha ‘Social Studies with Education’. Yatangiriye urugendo rwe muri korali y’abana aho bigaga i Kibeho.

Ati “Nakuriye mu muryango w’abantu basenga, niho nabikuye. Nkeka ko ari n’ibintu byiza, ariko ababyeyi bawe ukwemera bagutoje babibonamo ibintu byiza, ni akabuza urakurikira.”

Uyu musore asanzwe ari umwarimu w’umuziki, aho atanga amasomo yihariye ku bantu banyuranye ahanini bitewe n’ahantu bahuriye. Ati “Ntanga amasomo yihariye.”

Avuga ko akora icyo umwuka amuyoboraho, kandi ntajya atekereza akora umuziki w’izindi ndirimbo zitubakiye ku kuramya Imana. Amakuru yamenye ni uko mu muryango ari abaramyi, kuko na Sekuru ‘yari umuhimbyi’.

Ndasingwa asobanura impano nk’ikintu ‘uhererwa ubuntu ukanezerwa no kuyikoresha’. Avuga ko gukorera Imana ari byiza cyane cyane ukiri ‘umusore kuri iyi myaka’.

Avuga ko gukorera igitaramo muri BK Arena nta mpungenge byari bimuteye. Ati “Umuziki w’Isi n’uko uw’Imana umeze ntabwo bimeze kimwe. Twe, umuziki w’Imana ni ivugabutumwa, bituruka ku Mana, birimo kwizera cyane kurusha uko wapimira ku bigaragara nubwo ibigaragara nabyo biza, ariko ikigaragara iyo kigenze neza turavuga ngo Imana ihabwe icyubahiro.” 

Yavuze ko utapimira ubwamamare bw’umuhanzi mu kuzuza Arena, ngo uvuge ko ashyigikiwe.

Ndasingwa avuga ko ashingiye ku bitekerezo by'abantu, aho aririmba n'ahandi abona umuziki we ukura umunsi ku wundi kubera 'imbaraga nterwa n'umuryango n'itorero muri rusange'.

Akomeza ati 'Buriya ntabwo ibi twabikora twenyine kubera ko kuva ku banyamakuru abakunzi b'umuziki mu ngeri zitandukanye bose bajyiramo uruhare rukomeye.'

'Ntabwo ari njye gusa ahubwo inyuma yacu hari imbaga y'abantu idusengera kandi idushyigikira mu buryo butandukanye kugira dukomeze gukora.'

Uyu muririmbyi wahereye ku ndirimbo zirimo 'Mubwihisho', avuga ko intego ye ari ugukomeza kwereka abantu Yesu ukiza imitima kandi utanga ubugingo budashira.

Yifuza kwagura urugendo rw'umuziki we, akaba yanakorana n'abahanzi bakomeye muri Afurika nka Nathaniel Bassey n'abandi.

Amuritse Album ye mu gihe muri Gicurasi 2024, yasohoye EP ebyiri zirimo iyo yise 'Wakinguye Ijuru' ndetse na 'Wahozeho' yaje no kwitirira Album. Arashaka gukoresha impano ye mu gufasha urubyiruko kwiteza imbere.

Nyuma y'igitaramo cyo kumurika Album ye, aratekereza gutaramira mu bihugu byo mu Burayi, Leta Zunze Ubumwe za Amerika ndetse na Canada. Anatekereza kuzakorana indirimbo n'abanyamuziki bakomeye ku Isi barimo Sinach na Nathaniel Bassey.

    

Chryso Ndasingwa yabaye umuhanzi wa kabiri wujuje inyubako ya BK Arena nyuma ya Israel Mbonyi

 

Chryso Ndasingwa avuga ko Israel Mbonyi ari icyitegererezo ku bahanzi bakora Gospel, kandi yifuza gukomeza gutera ikirenge mu cye

 

Ndasingwa avuga ko ubwo yari afite imyaka 17 ari bwo yatangiye kwiga gucuranga piano ndetse na Gitari

Ndasingwa avuga ko ubwo yari afite imyaka 16 yigaga mu mashuri yisumbuye kuri Marie Merci i Kibeho yaririmbaga indirimbo z'umuraperi P-Fla, ku buryo atiyumvishaga ko igihe kimwe azakora 'Gospel'
 

Ndasingwa yavukiye mu muryango usengera muri Kiliziya Gatolika, ariko yaje guhindura ajya muri New Life Bible Church

Ndasingwa yavuze ko yiyemeje gutaramira muri BK Arena mu gihe hari abamushidikanyagaho

KANDA HANO UREBE IKIGANIRO TWAGIRANYE NA CHRYSO NDASINGWA NYUMA Y’IGITARAMO
“>

Kanda hano urebe amafoto menshi yaranze iki gitaramo cyo kumurika Album 'Wahozeho' 

AMAFOTO: Serge Ngabo- InyaRwanda.com

VIDEO: Dox Visual- InyaRwanda.com

Jojo Breezy ari mu basore bamaze kugwiza ibigwi mu ruganda rw'imyidagaduro ishingiye ku mwuga wo kubyina, aho afasha abahanzi mu ndirimbo zabo, kuzimenyekanisha ndetse akiyambazwa mu birori n'ibitaramo.

Mu kiganiro yagiranye na inyaRwanda, yasobanuye uko yabashije guhura na Min Dr Abdallah na Sandrine Umutoni, avuga ko byari kuwa 03 Gicurasi 2024.

Icyo gihe Jojo yari abonye Minisitiri ahantu hamwe muri Kigali aramusanga agira ngo arebe ko amumenya ashimishwa no gusanga amuzi.

Babashije gufata amashusho n'amafoto y'urwibutso ndetse Min Dr Abdallah abwira Jojo ko mu bihe bya vuba yazabasura kuri Minisiteri bakagirana ikiganiro cyagutse.

Guhura na we, Jojo Breezy abisobanura agira ati: 'Njyewe hariya ndavuga ni inzozi zirimo kugenda ziba impamo, ibaze guhura na we none ubu yatangiye no kudukurikira ku mbuga nkoranyambaga ni intambwe ikomeye.'

Uyu musore agaragaza ko ibyo agezeho byose ari ukubera gukora cyane kandi ko ntagucika intege kuko hari byinshi we na bagenzi be bakomeje gukora.

Yikije ku kintu yumva azaganiraho na Minisitiri Dr Abdallah nibaramuka bahuye nk’uko babyemeranyije avuga ko azamwereka ishusho y’aho ibyo bakora bigeze, akumva na we inama yabaha.

Jojo Breezy yatangaje ko yari ahugiye cyane mu kumenyekanisha ibihangano by'abahanzi ategura anakora za Challenge ariko akaba agiye kongera kugaragara muri nyinshi mu ndirimbo harimo nk’iya Dany Nanone.

Yagaragaje ko ari intambwe ikomeye guhura na Minitiriri Utumwatwishima na Sandrine Umutoni

Jojo Breezy yavuze ko azagaragariza Minisitiri ishusho y’uruganda rw’ababyinnyi mu Rwanda kandi yiteguye kumva inama ze

Minisitiri Utumwatwishima yagarutse ku buryo Jojo Breezy yamuteye kujya akoresha Tik Tok ashima ubuhanga bw’uyu musore

Mu muhango wo kwakira ikipe y’abakobwa ya Rayon Sports banabashimira uko bitwaye muri uyu mwaka w’imikino wa 2024-24, perezida wa Rayon Sports, uwayezu Jean Fidele yasabye iyi kwitegura CECAFA ndetse bazanigurishe.

Ni umuhango wabaye ku wa Gatandatu w’icyumweru gishize tariki ya 4 Gicurasi 2024, aho umuyobozi w’umuryango wa Rayon Sports, Uwayezu Jean Fidele yari yakiriye iyi kipe mbere y’uko bajya mu biruhuko.

Iyi kipe yashyikirije umuryango wa Rayon Sports igikombe cya shampiyona y’abagore y’icyiciro cya mbere begukanye ndetse n’igikombe cy’Amahoro. Ni nyuma y’imyaka 2 ishinzwe akaba ari umwaka wa yo wa mbere mu cyiciro cya mbere.

Uwayezu Jean Fidele yavuze ko bateguye umwaka w’imikino wa 2023-24 bashyizemo imbaraga zose ariko ikipe y’abagore iba ari yo yitwara neza.

Ati “Twateguye umwaka, dushyiramo imbaraga zishoboka, icyavuyemo ni uko ikipe y’abari n’abategarugori yatwaye shampiyona itsinzwe umukino umwe, inganyije umwe. Yakinnye igikombe cy’Amahoro iracyegukana itsinze ibitego 4-0 ku mukino wa nyuma.”

Yakomeje avuga urugendo rugikomeje aho bagonba kwitegura CECAFA izatanga itike yo kuzakina CAF Women Champions League.

Ati “Urugendo ruracyakomeje kuko mu kwa 8 hari CECAFA dushaka itike yo gukina Champions League.”

Yabasabye ko bagomba kwitwara neza muri iyi CECAFA ku buryo basobora no kwigurisha, bakaba bava mu Rwanda bakajya gukina hanze y’u Rwanda.

Ati “Nababwiye ko nifuza abakinnyi bose tuzava muri Ethiopia babaguze, tukaza tugatangira bushya. Muri ikipe nziza murashoboye.”

Nyuma yo gushyikirizwa ibi bikombe Rayon Sports yegukanye, ubuyobozi bw’umuryango wa Rayon Sports n’ubw’ikipe y’abagore, biteganyijwe ko ejo ku wa Kabiri bazabijyana mu Karere ka Nyanza kubyereka aka karere nk’umuterankunga wa yo.

Umuryango wa Rayon Sports washyikirijwe ibikombe Rayon Sports y’abagore yegukanye

Ubwo visi kapiteni Dorthée yashyikirizaga perezida wa Rayon Sports igikombe cya shampiyona begukanye

Kapiteni, Kalimba Alice amushyikiriza igikombe cy’Amahoro

Présidente wa Rayon Sports WFC, Jeannine afite ibikombe byombi

Benekana Axella, umunyamabanga wa Rayon Sports WFC

Umutoza wa Rayon Sports WFC, Rwaka Claude

Patrick Namenye umunyamabanga wa Rayon Sports

Murego ushinzwe umutekano muri Rayon Sports WFC

Bafashe ifoto y’urwibutso

Umuyobozi w’Urwego rw’Igihugu rw’Imiyoborere (RGB), Dr Yusta Kayitesi yavuze ko abakunzi ba Rayon Sports babashima uburyo bakemuye ikibazo cy’imiyoborere cyari muri iyi kipe.

Yabitangaje ejo hashize ku Cyumweru tariki ya 5 Gicurasi 2024 ubwo hasozwaga irushanwa ry’Umurenge Kagame Cup.

Dr Yusta Kayitesi ubwo yari abajijwe niba babona ikibazo cyari muri Rayon Sports cyarakemutse ndetse niba hari n’ababashima, yavuze ko ikibazo cyari muri iyi kipe ari imiyoborere kandi cyacyemutse, ndetse abakunzi b’iyi kipe barabashima.

Ati “Ku byo tubona, ibihe ikipe yari irimo icyo gihe, amakimbirane yari ahari, mujye mwibuka ko byanabaye turi muri COVID-19 nta mikino ihari, ni nacyo kibigira ikibazo cy’imiyoborere, ntabwo abantu bakinaga, abantu kugirana ibibazo kuri ruriya rwego badakina, bikubwira ko icyo bapfaga kitari umupira.”

“Uyu munsi uko ikipe ihagaze n’uko umupira umera, ibyo ni ibibera mu kibuga ariko icyari kigamijwe ni ukugira ngo ikipe igire ubuyobozi, bwita ku nyungu z’ikipe kandi bitarimo urujijo kuko kiriya gihe twari dufite abantu bamwe bavuga ngo ni abanyobozi, n’abandi bavuga ngo ni abayobozi, icyo twakemuye byari ikibazo cy’imiyoborere kandi nk’uko ubivuze hari abatubwiye ko mu bibazo ikipe ifite nta kibazo cy’imiyoborere ifite.”

Ku bavuga ko ikipe bayatswe, RGB ikizanira ubuyobozi ishaka, Dr. Yusta Kayitesi yavuze ko atazi abo ba nyiri ikipe kuko umuryango utari uwa leta utagira ba nyirawo bafite amazina bwite.

Ati “Ntabwo nzi abitwa ba nyiri ikipe, umuryango utari uwa Leta ntugira ba nyirawo bafite amazina bwite, uba ari umuryango ushingiye ku nyungu rusange.”

Yakomeje avuga ko abayobozi b’ikipe atari ba nyirayo kuko atari umutungo bwite wa bo.

Ati “Abayobozi b’ikipe ntabwo ari ba nyirayo, ntabwo ari umutungo bwite w’ikipe, birashoboka ko hari umuntu wari ufite inyungu akura mu ikipe, yabangamiwe n’inyungu akura mu ikipe, n’ubundi abagize ikipe ya Rayon Sports ni bo batubwiye ibibazo by’imiyoborere yari ihari.”

Yakomeje kandi avuga ko RGB itigeze yizana muri Rayon Sports ahubwo abayirimo ari bo babandikiye, bakandikira na Perezida wa Repebulika bamumenyesha ibibazo ikipe ifite.

Muri 2020 ubwo Rayon Sports yagiraga ibibazo mu miyoborere, byabaye ngombwa ko Urwego rw’Igihugu rw’Imiyoborere (RGB) rubizamo nk’urwego rushinzwe kureberera imyiryango (Associations) maze rweguza Munyakazi Sadate wari perezida w’uyu muryango maze bashyiraho komite y’inzubacyuho yari iyobowe na Murenzi Abdallah bayiha ukwezi ko gutegura amatora, maze mu Kwakira 2020 batora Uwayezu Jean Fidele.

Mu kwakira 2024, azaba ashoje manda ye y’imyaka 4 aho avuga ko kongera kwiyamamaza bizaterwa n’abamutoye n’imbaraga azaba afite, n’aho kuba yarazanywe atari byo.

Dr Yusta Kayitesi yavuze ko ikibazo cy’imiyoborere cyari muri Rayon Sports cyacyemutse

Hari ababona Uwayezu Jean Fidele nk’umuyobozi wazanywe na RGB kuruta uwatowe n’abakunzi ba Rayon Sports

Umuyobozi w’Urwego rw’Igihugu rw’Imiyoborere (RGB), Dr Yusta Kayitesi yavuze ko abakunzi ba Rayon Sports babashima uburyo bakemuye ikibazo cy’imiyoborere cyari muri iyi kipe.

Yabitangaje ejo hashize ku Cyumweru tariki ya 5 Gicurasi 2024 ubwo hasozwaga irushanwa ry’Umurenge Kagame Cup.

Dr Yusta Kayitesi ubwo yari abajijwe niba babona ikibazo cyari muri Rayon Sports cyarakemutse ndetse niba hari n’ababashima, yavuze ko ikibazo cyari muri iyi kipe ari imiyoborere kandi cyacyemutse, ndetse abakunzi b’iyi kipe barabashima.

Ati “Ku byo tubona, ibihe ikipe yari irimo icyo gihe, amakimbirane yari ahari, mujye mwibuka ko byanabaye turi muri COVID-19 nta mikino ihari, ni nacyo kibigira ikibazo cy’imiyoborere, ntabwo abantu bakinaga, abantu kugirana ibibazo kuri ruriya rwego badakina, bikubwira ko icyo bapfaga kitari umupira.”

“Uyu munsi uko ikipe ihagaze n’uko umupira umera, ibyo ni ibibera mu kibuga ariko icyari kigamijwe ni ukugira ngo ikipe igire ubuyobozi, bwita ku nyungu z’ikipe kandi bitarimo urujijo kuko kiriya gihe twari dufite abantu bamwe bavuga ngo ni abanyobozi, n’abandi bavuga ngo ni abayobozi, icyo twakemuye byari ikibazo cy’imiyoborere kandi nk’uko ubivuze hari abatubwiye ko mu bibazo ikipe ifite nta kibazo cy’imiyoborere ifite.”

Ku bavuga ko ikipe bayatswe, RGB ikizanira ubuyobozi ishaka, Dr. Yusta Kayitesi yavuze ko atazi abo ba nyiri ikipe kuko umuryango utari uwa leta utagira ba nyirawo bafite amazina bwite.

Ati “Ntabwo nzi abitwa ba nyiri ikipe, umuryango utari uwa Leta ntugira ba nyirawo bafite amazina bwite, uba ari umuryango ushingiye ku nyungu rusange.”

Yakomeje avuga ko abayobozi b’ikipe atari ba nyirayo kuko atari umutungo bwite wa bo.

Ati “Abayobozi b’ikipe ntabwo ari ba nyirayo, ntabwo ari umutungo bwite w’ikipe, birashoboka ko hari umuntu wari ufite inyungu akura mu ikipe, yabangamiwe n’inyungu akura mu ikipe, n’ubundi abagize ikipe ya Rayon Sports ni bo batubwiye ibibazo by’imiyoborere yari ihari.”

Yakomeje kandi avuga ko RGB itigeze yizana muri Rayon Sports ahubwo abayirimo ari bo babandikiye, bakandikira na Perezida wa Repebulika bamumenyesha ibibazo ikipe ifite.

Muri 2020 ubwo Rayon Sports yagiraga ibibazo mu miyoborere, byabaye ngombwa ko Urwego rw’Igihugu rw’Imiyoborere (RGB) rubizamo nk’urwego rushinzwe kureberera imyiryango (Associations) maze rweguza Munyakazi Sadate wari perezida w’uyu muryango maze bashyiraho komite y’inzubacyuho yari iyobowe na Murenzi Abdallah bayiha ukwezi ko gutegura amatora, maze mu Kwakira 2020 batora Uwayezu Jean Fidele.

Mu kwakira 2024, azaba ashoje manda ye y’imyaka 4 aho avuga ko kongera kwiyamamaza bizaterwa n’abamutoye n’imbaraga azaba afite, n’aho kuba yarazanywe atari byo.

Dr Yusta Kayitesi yavuze ko ikibazo cy’imiyoborere cyari muri Rayon Sports cyacyemutse

Hari ababona Uwayezu Jean Fidele nk’umuyobozi wazanywe na RGB kuruta uwatowe n’abakunzi ba Rayon Sports

Ibi bivuze ko mu myaka 11 iri imbere, Umunyarwanda agomba kuba yinjiza nibura ibihumbi 3$ by'inyongera ku 1040$ ari kwinjiza ubu. Kugira ngo ayo ibihumbi 3$ azaboneke mu myaka 11 iri imbere, bisaba ko ku mwaka haboneka nibura amadolari ari hejuru ya 270$.

Kugira ngo wumve uburyo bigoyemo, wibaze ko byatwaye imyaka umunani hagati ya 2015 na 2023 kugira ngo Umunyarwanda yongere 281$ ku mafaranga yinjiza ku mwaka, ava kuri 759$ agera ku 1040$.

Ibi byagoranye gutya mu myaka umunani, kuri ubu byakabayeho buri mwaka kugira ngo u Rwanda ruzabe ari igihugu gifite ubukungu buciriritse mu 2035.

Minisitiri y'Imari n'Igenamigambi, Minecofin, ivuga ko kugera kuri iyi ntego byasabaga ubukungu bw'u Rwanda kuzamuka ku kigero gitangaje cya 12% ku mwaka, ibi bikaba buri mwaka kuva mu 2018 kugera mu 2035.

Uramutse ugarukiye aha wavuga ko u Rwanda rwamaze gutsindwa kuri iyi ntego.

Dukureyo amaso?

Icyakora nubwo intego u Rwanda rwihaye igoye cyane hafi yo kudashoboka, haracyari icyizere ko rushobora kuramira bimwe, rukaba rwagera kuri iyi ntego ku kigero gishimishije, nubwo wenda bitaba uko rwari rwabiteganyije mu igenamigambi ry'ibanze.

Ibi rero bisaba guca mu nzira ijya kuba inzitane, icyakora nanone ishoboka. Ubusanzwe ibihugu hafi ya byose bitera imbere mu buryo bujya kuba bumwe.

Igihugu gitangira gikennye, gishingira ubukungu bwacyo ku buhinzi nabwo bukunze kuba butanga umusaruro muke cyane, nubwo kenshi buba butanga akazi ku barenga 50% by'abaturage. Mu Rwanda iki kigero cyari 70% mu minsi mike ishize.

Ibi kenshi biterwa n'uko ubumenyi abaturage baba bafite buba ari buke cyane, ku buryo badashobora kujya mu bikorwa bisaba ubumenyi buhambaye nko gukoresha inganda, gutanga serivisi zikomeye n'ibindi.

Niyo mpamvu uburezi ari ingenzi cyane, kuko buzamura bwa bumenyi, bityo igihugu cyari gishingiye ubukungu bwacyo ku buhinzi bwa gakondo budakenera ubuhanga buhambaye, kigatangira gushingira ubukungu bwacyo ku bikorerwa mu nganda, nabyo bibamo ibisaba ubumenyi buke, nk'inganda zikora imyenda, n'ibisaba ubumenyi buhambaye, nk'inganda zikora imodoka.

Uko igihugu gitera imbere, abakoraga mu rwego rw'ubuhinzi bimukira mu zindi nzego zirimo urwego rwa serivisi n'urwego rw'inganda. Gusa iyo aba bakozi badafite ubumenyi bukwiriye, birangira umusaruro wabo muri izo nzego nshya binjiyemo ari muke, bityo ubukungu bw'igihugu bukazamuka ku kigero gito cyane.

Ukurikije uru rugendo, ubona ko u Rwanda rukiri mu bihugu bikennye bifite ubukungu bushingiye ku buhinzi nabwo bwa gakondo, gusa ukurikije gahunda za Leta, ubona ko u Rwanda rwifuza kwinjira mu bihugu bifite inganda ziciriritse n'izikora ibikoresho bidasaba ubuhanga buhambaye, urwego ushobora kubariramo ibihugu nka Bangladesh.

Gutera iyi ntambwe winjira mu iki cyiciro gishya ni ibintu bigoye cyane, ndetse guteza imbere inganda ni imwe mu maturufu akomeye cyane u Rwanda rugomba gukina neza niba koko rwifuza kugera ku ntego zarwo, hakiyongeraho urwego rwa serivisi rusigaye ari ishyiga ry'inyuma mu bukungu bw'u Rwanda.

Nta nzira y'ubusamo ihari, u Rwanda rugomba guteza imbere inganda zarwo nk'imwe mu nzira izarugeza ku ntego zarwo. Gusa nanone bitewe n'uburyo intego z'u Rwanda ziri ku rwego ruhambaye cyane ugereranyije n'imiterere y'ubukungu bwarwo, Banki y'Isi ivuga ko nibura kuzamura inganda gusa bidahagije.

Muri raporo iyi Banki yakoze mu gusesengura ubukungu bw'u Rwanda n'uburyo ruzagera ku ntego zarwo, ivugamo ko 'Uburyo bwose bwo kuzamura ubukungu mu bihe biri imbere buzasaba kwibanda ku nzego zose (ubuhinzi, inganda, serivisi,…). Gushingira [ubukungu] ku bikorerwa mu nganda gusa nk'inzira izazamura ubukungu biri kugenda bigorana ugereranyije n'ibihe byashize.'

'[Kuzamura] Urwego rwa serivisi rushobora gutanga umusaruro, ariko urwego rwa serivisi rwonyine ntirushobora kwakira abakozi bafite ubumenyi buke baruganamo bavuye mu buhinzi.'

Ibi bisobanuye ko urwego rw'inganda rutagomba gusigara inyuma, kandi koko urebye imbaraga Leta iri kurushyiramo, ubona ko yumva neza uburemere bwarwo.

Nk'urugero ni gahunda yatangijwe igamije kubaka ibyanya by'inganda icyenda mu gihugu hose, bigomba kuzatanga umusaruro urenga miliyari 1000 Frw mu bukungu bw'u Rwanda, kandi byatanze akazi ku bantu barenga ibihumbi 27.

Ese ibi birashoboka?

Uramutse wumvise iby'iyi gahunda ushobora gukeka ko bidashoboka, gusa urebye ibimaze gukorwa mu myaka mike ishize, ubona ko hari amahirwe akomeye muri uru rwego.

Urugero ni Icyanya cy'Inganda cya Kigali, 'Kigali Special Economic Zone'.

Iki Cyanya cyatangiye gushyirwa mu bikorwa mu 2007, Leta igishoramo amafaranga atubutse mu kugitunganya, kucyubaka no kucyimuriramo inganda.

Magingo aya kiri gutanga umusaruro udasanzwe, kuko nibura kimaze guhanga imirimo ihoraho irenga 16.300, irimo imirimo 1.300 yatangijwe nibura mu 2023. Aba bakozi babarizwa mu bigo 234 biri muri iki Cyanya, aho mu mwaka ushize wonyine byabashije kohereza mu mahanga ibicuruzwa bifite agaciro kangana na miliyoni 460$, muri miliyari 3.5$ u Rwanda rwinjije aturutse mu bicuruzwa na serivisi rwohereje hanze.

Ku rundi ruhande, Icyanya cy'Inganda cya Bugesera nacyo ubwacyo kimaze gutanga imirimo igera ku 1500 ihoraho, kandi kiracyari mu ntangiriro zacyo.

Mu 2023, uruhare rw'urwego rw'inganda ku musaruro mbumbe w'igihugu rwari 22%, inyongera ya 10% ugereranyije n'umwaka wari wabanje. Ibikorerwa mu nganda byiyongereyeho 11% mu gihe urwego rw'ubwubatsi, rufashe runini mu guteza imbere inganda, rwari rwiyongereye ku kigero cya 12%.

Ibi byose ni umusaruro werekana uburyo urwego rw'inganda, nubwo rukiri ruto cyane kandi rukeneye kwitabwaho na Leta kugira ngo rukure, rufite amahirwe akomeye ashobora gufasha u Rwanda mu kubaka ubukungu burambye, rukagera ku ntego yo kuba igihugu gifite ubukungu buciriritse.

Ibi bizarushaho gushoboka mu gihe u Rwanda rwazamura umusaruro w'ibyo rwohereza mu mahanga, ukava kuri 20% by'umusaruro mbumbe ukagera nibura kuri 46% mu 2035.

U Rwanda kandi rugomba kugira amahirwe Isoko Rusange rya Afurika rigatanga umusaruro wifuzwa, kuko ryaruha amahirwe yo kongera 7% ku byo rwohereza mu mahanga ndetse rukanongera inyungu rwinjiza ku kigero cya 4%, bitarenze 2035.

Gusa mu gihe ibihugu bya Afurika bitakwitabira iri soko, izi nyongera ntabwo u Rwanda rwabasha kuzibona.

Urwego rw’inganda rubitse amahirwe ashobora gutuma u Rwanda ruba igihugu gifite ubukungu buciriritse mu 2035

Mukuralinda yabivugiye kuri Televiziyo y'igihugu, ubwo yasobanuraga aho Guverinoma y'u Rwanda ihagaze ku itangazo ry'ibiro bishinzwe ububanyi n'amahanga bya Amerika bishinja ingabo zarwo kurasa ku nkambi ya Mugunga iherereye mu Mujyi wa Goma.

Yasobanuye ko uruhande rwa Amerika rusa neza n'urwo Leta ya RDC yafashe, kandi ko rutagira icyo rushingiraho.

Ati 'Ni imvugo imaze igihe yarashyizweho na Guverinoma ya Congo, aho umuyobozi agiye, guhera kuri Perezida wa Repubulika kugera no ku bandi bose, ahirikira ibintu byose kuri Guverinoma y'u Rwanda cyangwa Guverinoma y'u Rwanda.'

Abakuru b'ibihugu byo mu muryango wa Afurika y'Iburasirazuba (EAC) n'Akarere k'Ibiyaga bigari, bafashe imyanzuro y'uko Leta ya RDC iganira n'imitwe yitwaje intwaro ihanganye na yo nk'uwa M23, ariko nyuma y'uruzinduko Perezida Félix Tshisekedi yagiriye muri ibi bihugu byo ku wundi mugabane, byagaragaje ko bishyigikiye ukwinangira kwe.

Mukuralinda yanenze ibi bihugu 'bya kure' byafashe uruhande rwo kwegekera ibibazo bya RDC ku Rwanda, agaragaza ko ntacyo bibishingiraho kuko bitarusha abo mu karere kumenya impamvu muzi zacyo, kuko byo ingaruka zacyo zibigeraho.

Ati 'Kuri ibyo bihugu asura, iyo miryango itandukanye isa n'ijya gufata uruhande nk'urwa Guverinoma ya Congo, bagasa n'abagira imvugo imwe ni ibyo kunenga kuko abo bose bo hakurya mu bilometero 6000 cyangwa 1000 ntabwo barusha abakuru b'ibihugu ba hano mu karere kumenya no gusobanukirwa ikibazo kirimo kirabera mu marembo y'ibihugu byabo, kirimo gikora ku mbibi z'ibihugu byabo. Aba kure ntabwo ari bo barusha aba hano kumenya uko ikibazo giteye.'

Guverinoma y'u Rwanda yasabye ko hakorwa iperereza ryizewe ku gitero cyo mu nkambi ya Mugunga, kugira ngo hamenyekane ukuri ku bakigabye.

Umuvugizi wungirije wa Guverinoma y'u Rwanda, Alain Mukuralinda, yatangaje ko abo mu karere bazi neza ikibazo cyo muri RDC kurusha Amerika n’ibihugu bya kure