Category: Uncategorized

Akarere ka Kayonza kabarizwamo amakoperative akora neza 188 afite imari shingiro ya miliyari imwe na miliyoni 271 Frw avuye kuri miliyoni 210 Frw bari bariho mu myaka irindwi ishize. Ayo maperative abarirwa umutungo utimukanwa wa miliyari 8 Frw.

Menshi muri yo akora ubuhinzi, aho ari 97 naho akora ubworozi akaba 27. Bamwe mu bayabariwamo babwiye IGIHE ko bimwe mu byatumye batera imbere cyane harimo imiyoborere myiza.

Umuyobozi wa Koperative ihinga ikanagemura kawa mu mahanga, TUK, Batamuriza Madeleine, yavuze ko koperative yabo ibarizwamo abanyamuryango 163 biganjemo ab'igitsina gore.

Yavuze ko muri iyi myaka irindwi ishize bishimira ko babashije gucuruza kawa ndetse bakanayinywa mu buryo bugaragara bitandukanye na mbere.

Ati 'Nta munyamuryango ugira umwana utiga, bose turabarihirira kuva mu mashuri y'inshuke kugeza barangije kaminuza. Ikindi kuba muri Koperative byadufashije ni uko umugore yigurira buri kimwe adasabirije ku mugabo, dufitemo amatsinda adufasha mu kwiteza imbere kuburyo buri wese n'ubwo wamutungura utamuburana amafaranga yo gukemuza ibibazo runaka.'

Bagiraneza Josephine ubarizwa muri imwe muri koperative esheshatu zegereye Pariki y'Akagera, yavuze ko kuri ubu bishimira ko nk'abagore batejwe imbere mu gukora ubuvumvu bwahoze bukorwa n'abagabo gusa.

Yavuze ko basigaye bagurisha ubuki kuri ba mukerarugendo n'abandi baturage basanzwe kuburyo mu kwezi buri umwe adashobora kubura ibihumbi 300 Frw ajyana mu rugo bikamufasha gutunga umuryango.

Uwamahoro Vanessa ubarizwa muri koperative y'abagore ikora balo zifashishwa mu gukina umupira w'amaguru. Yavuze ko muri iyi myaka irindwi bishimira ko babashije gukora balo zikomoka mu Rwanda bitandukanye nuko inyinshi zaturukaga hanze y'u Rwanda.

Sumbusho Gratien wahoze ahiga inyamaswa muri Pariki y'Akagera we yavuze ko kuba muri koperative byamubereye umusemburo wo kwigurira moto nshya no kwiyubakira inzu nziza byose akesha kuva mu guhiga inyamaswa akayoboka gucuruza inyama nziza zipimwe ndetse akanafatanya n'abandi muri koperative.

Ati 'Njye njya kubireka bamfatiyeyo baraza bamfunga amezi atandatu, mfunguwe ndabireka. Naje kujya muri koperative y'ababaga inyama mfatanya n'abandi kugurisha inyama nziza zitandukanye n'izishyamba, ubu mbayeho neza kandi na Leta turayishimira ko inyungu ivuye muri Pariki bayiduhaho muri koperative.'

Mutesi Shamimu wohereza hanze ibihingwa bitandukanye birimo urusenda, imbuto n'ibindi bitandukanye, yavuze ko mbere byabagoraga cyane mu kohereza ibihingwa bitandukanye mu mahanga kubera ukuntu umuntu yabihingaga ku giti cye, none ngo ubu byaroroshye kubera Amakoperative.

Ati 'Mbere byari bigoye gukorana n'umuntu ku giti cye kuko wabonaga umusaruro ari muke cyane, aho twagiriye amahirwe yo kubona Amakoperative rero abahinzi bariyegeranya bakabona umusaruro uhagije kuburyo iyo tubatse toni eshanu z'urusenda bazibona ndetse na toni icumi cyangwa zirenga wazibona kubera uko gushyira hamwe.'

Guverineri w'Intara y'Iburasirazuba, Rubingisa Pudence, yavuze ko amakoperative ari politike yashyizweho kugira ngo ifashe Abanyarwanda benshi mu kwiteza imbere bashyize hamwe, avuga ko bishimira ko Koperative nyinshi zahanze imirimo, zigatanga akazi ku rubyiruko ndetse zikanatinyura abagore benshi.

Rubingisa yasabye ababarizwa mu makoperative kongera amahugurwa ku miyoborere myiza kugira ngo abazirimo bumve neza akamaro ko gukora raporo zinoze no gukora igenamigambi rinoze ry'igihe kirekire rishobora kubafasha kunoza ibyo bakora babyohereza hanze y'igihugu.

Amakoperative yahinduye imibereho y’abatuye i Kayonza

Abaturiye Pariki y'Akagera bishimira ko bahurijwe hamwe bagakora koperative zigurisha ubuki

Shumbusho Gratien wahoze ahiga inyamaswa yishimira iterambere amaze kugeraho kubera kuba muri Koperative

I Kayonza hari Koperative y’abagore bakora imipira yo gukina kandi ngo ikundwa na benshi

Mutesi Shamimu yishimira ko umusaruro w'ibyoherezwa mu mahanga basigaye bawubona ku bwinshi kubera Amakoperative

Amakipe y’igihugu y’u Rwanda mu mukino wa Basketball mu batarengeje imyaka 20 mu bahungu n’abakobwa, yageze ku mukino wa nyuma wa Zone V aho azahura n’aya Uganda.

Ku Cyumweru gishize tariki ya 9 Kamena 2024 nibwo muri Uganda hatangiye imikino ya Zone V akaba ari mu gushaka itike y’igikombe cy’Afurika cy’abatarengeje imyaka 18.

Amakipe y’u Rwanda akaba yageze muri 1/2 aho yombi yahuye na Kenya.

Abakobwa bageze ku mukino wa nyuma, nyuma yo gutsinda Kenya amanota 71-45.

Agace ka mbere u Rwanda rwagatsinze amanota 21-13, aka kabiri bagatsinda amanota 26-7. Amakipe ajya kuruhuka ari 47-20.

Ntabwo abakobwa b’u Rwanda bahiriwe n’agace ka gatatu kuko batsinzemo amanota 2 gusa ni mu gihe Kenya yatsinzemo 12. U Rwanda rwaje kongera gutsinda agace ka nyuma amanota 22-13 umukino urangira ari 71-45.

Hahise hakurikiraho umukino w’abahungu aho u Rwanda rwageze ku mukino wa nyuma rutsinze Kenya amanota 70-52.

U Rwanda rwatsinze agace ka mbere amanota 16-11, agace ka kabiri babifashijwemo n’abarimo Kayijuka rwagatsize 26-18. Bagiye kuruhuka ari 42-29.

Ntabwo u Rwanda rwahiriwe n’agace ka gatatu kuko Kenya yagatsinze amanota 14-10. Abasore b’u Rwanda bakaba batsinze agace ka nyuma amanota 18-9, umukino warangiye ari 70-52.

Umukino wa nyuma ukaba uzaba ejo aho u Rwanda mu byiciro byombi ruzahura na Uganda yasezereye Tanzania.

Abakobwa basezereye Kenya

Abahungu na bo bageze ku mukino wa nyuma

Shampiyona y’Icyiciro cya Mbere mu Rwanda (Rwanda Premier League) yateye ipine ibirori byo guhemba abahize abandi muri shampiyona y’umwaka mwaka w’imikino wa 2023-24 bikurwa ku wa Gatandatu bishyirwa muri Kanama 2024.

Byari biteganyijwe tariki ya 15 Kamena muri Kigali Serena Hotel, bikaba byamaze kwimurirwa ku wa 9 Kanama 2024, ni nyuma y’uko bihuriranye n’umukino uzahuza APR FC na Rayon Sports.

Uyu mukino wiswe “Umuhoro mu Mahoro” ugamije gusogongera Stade Amahoro iheruka kuvugururwa, mbere y’uko izatahwa ku mugaragaro tariki ya 4 Nyakanga 2024.

Biteganyijwe ko Rwanda Premier League izahemba ibyiciro 17 birimo abatoza, abakinnyi n’abanyamakuru bahize abandi mu mwaka w’imikino wa 2023-24.

Gutora bikaba bizakorerwa kuri website ya Gorilla Games aho amajwi azaba afite 10%, ku mbuga nkoranyambaga za Rwanda Premier League na Gorilla Games na yo azaba afite 10% ni mu gihe akanama nkemurampaka kazaba gafite 80%.

Abatsinze ibitego byinshi

Aha ho nta matora azaba kuko Ani Elijah wa Bugesera FC na Victor Mbaoma wa APR FC bombi batsinze ibitego 15 muri shampiyona akaba ari bo batsinze ibitego byinshi. Buri umwe azahabwa igikombe ariko ariko igihembo cya miliyoni 3 z’amafaranga y’u Rwanda bazakigabana buri umwe azahabwa miliyoni n’igice.

Umutoza w’umwaka

Thierry Froger (APR FC)
Sosthene Habimana (Musanze FC)
Ahfamia Lofti ( Mukura VS)

Umukinnyi w’umwaka

Jean Bosco Ruboneka (APR FC)
Ani Elijah (Bugesera FC)
Muhire Kevin (Rayon Sports)

Umunyezamu w’umwaka

Pavelh Ndzila (APR FC)
Nicolas Ssebwato (Mukura VS)
Nzeyurwanda Djihad (Kiyovu Sports)

Umukinnyi mwiza ukiri muto (harebwe abari munsi y’imyaka 21)

Elie Iradukunda (2006) – Mukura VS
Pascal Iradukunda (2005) – Rayon Sports
Daniel Muhoza (2006) – Etoile del’Est

Igitego cy’umwaka

Arsene Tuyisenge / Rayon Sports (Muhazi United vs Rayon Sports
Muhoza Daniel / Etoile del’Est (Etoile del’EST vs Marines)
Ishimwe Jean Rene (APR FC vs Marines)

Umukinnyi w’umwaka mu bagore

Umukinnyi w’umugore watsinze ibitego byinshi

Umutoza w’umwaka w’umugore

Umusifuzi w’umwaka w’umugabo

Umusifuzi w’umwaka w’umugore

Umunyamakuru w’umwaka w’umugabo

Sam Karenzi (Fine FM)
Reagan Rugaju (RBA)
Ephrem Kayiranga (Ishusho TV)
Claude Hitimana (Radio10)
Aime Niyibizi (Fine FM)
Thierry Kayishema (RBA)
Jean Luc Imfurayacu (B&B Kigali FM)
Rugangura Axel (RBA)

Umunyamakuru w’umwaka w’umugore

Rigoga Ruth (RBA)
Adelaide Ishimwe (TV10)
Clarisse Uwimana (B&B Kigali FM)

Ikiganiro cya Radio cy’umwaka)

Urubuga rw’Imikino (RBA)
Urukiko (Radio10)
Urukiko rw’Ubujurire (Fine FM)
Sports Plateau (B&B FM)

Ikiganiro cya televiziyo cy’umwaka

Kickoff (RBA)
Bench ya Siporo (Isibo TV)
Zoom Sports (TV10)
I Sports (Ishusho TV)

Ikinyamakuru cyandika cy’umwaka

IGIHE
INYARWANDA
ISIMBI
The New Times
Rwanda Magazine

Amashusho yayo yasohotse kuri uyu wa Kane tariki 13 Kamena 2024, agaragaza mu buryo burambuye bimwe mu bikorwa by’iterambere Abanyarwanda bamaze kugeraho babicyesha ubumwe no gukorera hamwe.

Bwiza yabwiye InyaRwanda ko umushinga w’iyi ndirimbo wari umaze igihe kirekire muri studio mbere y’uko ushyirwa hanze.

Yavuze ko gukorana n’uyu muhanzi mukuru mu muziki, byanaturutse mu kuba mu mezi ashize barahuye ‘akambwira ukuntu ashima cyane ibikorwa byanjye antera imbaraga’.

Bwiza avuga ko ari ho yakuye imbaraga zo gusaba Senderi gukorana indirimbo ‘nk’umuntu nakuze numva kandi nkunda kugeza n’ubu’.

Ati “Yaranyemereye rero, mpita mboneraho kumusaba ko twasubiramo iyi ndirimbo. Umushinga tuwuhera aho.”

Uyu mukobwa yavuze ko mu ndirimbo yumvaga kandi agakunda atarinjira mu muziki harimo na ‘Iyo Twicaranye’ ya Senderi, ku buryo kuba bahuje imbaraga ari ibintu yishimira mu rugendo rwe rw’umuziki.

Ati “Ni imwe mu ndirimbo numvaga cyane, kandi twabyinaga tukiri ku ishuri. Senderi ni umuhanzi mukuru uzi neza ibyo akora kandi ukwiye icyubahiro.”

Senderi yavuze ko gukorana indirimbo na Bwiza byaturutse ku kuba ari umwe mu bakobwa bagaragaza imbaraga mu mikore ye ya buri munsi.

Yavuze kandi ko ari umukobwa ukunda gukora no guharanira kugera ku cyo ashaka. Mu kiganiro na InyaRwanda, yagize ati “Ni umukobwa uzi gukora uzi no guhatana, uzi kwirwanaho.”

Senderi avuga ko iyi ndirimbo idasanzwe mu rugendo rwe rw'umuziki, kuko yatumye ataramira mu turere dutandukanye tw'u Rwanda. 

Ati 'Navuga ko ari indirimbo isobanuye byinshi kuri njye. Yampesheje akazi imbere y'Umukuru w'Igihugu, mu baturage n'ahandi henshi, kandi n'ubu ni ko bikimeze.'

 Bwiza yatangaje ko yakuze yumva indirimbo 'Iyo Twicaranye' ya Senderi Hit ndetse ko yuyikorana nawe ni inzozi yakabije

Senderi Hit yavuze ko Bwiza ari umuhanzikazi ugaragaza imbaraga mu muziki, biri mu mpamvu zatumye biyemeza gukorana

Bwiza yaherukaga gusohora indirimbo 'Ni Danger' yasubiyemo ayikoranye na Danny Vumbi

Senderi Hit amaze iminsi mu bitaramo mu mashuri bigamije kwiyegereza abakunzi be

KANDA HANO UREBE AMASHUSHO Y'INDIRIMBO 'IYO TWICARANYE REMIX'

Guhera ejo kuwa Gatanu mu gihugu cy’u Budage hategerejwe Euro ya 2024 aho umukino ufungura uzakinwa saa tatu z’ijoro ikipe y’igihugu y’u Budage ikina na Scotland.

Muri iyi Euro igiye gukinwa ku nshuro ya 17, byitezwe ko hashobora kuzakurirwamo uduhigo dutandukanye twari twarashyizweho mu myaka yatambutse. Utwo duhigo ni utu dukurikira;

1.Agahigo k’umukinnyi wakinnye imikino myinshi mu mateka ya Euro 

Kugeza kuri ubu mu mateka y’iri rushanwa Umunya-Portugal Cristiano Ronaldo n’Umunya-Espagne Iker Casias nibo bakinnyi bamaze kurikina inshuro nyinshi zigera kuri 5.

Cristiano Ronaldo w’imyaka 39 wahamagawe mu ikipe y’Igihugu ya Portugal biteganyijwe ko ari we uzahita asigara yisangije aka gahigo mu gihe yazakandangira mu kibuga aho azaba amaze kurikina inshuro 6.

2.Agahigo k’umukinnyi ukuze wakinnye Euro 

Gabor Kiraly ukomoka mu gihugu cya Hungary wari umunyezamu ni we usanzwe ufite agahigo ko kuba umukinnyi wakinnye umukino wa Euro afite imyaka myinshi. Icyo gihe hari muri 2016 ubwo ikipe ye y’igihugu ya Hungary yakinaga n’u Bubiligi, akaba yari afite imyaka 40 n’iminsi 80.

Kuri ubu rero myugariro w’ikipe y’igihugu ya Portugal, Pepe ni we ushobora kuzahita akuraho aka gahigo mu gihe yazakinishwa nk’uko byitezwe. Aramutse akinishijwe ku mukino wa mbere ikipe ye y’igihugu izakinamo na Czech Republic yazaba afite imyaka 41 ndetse n’iminsi 113, agahita yandika amateka mashya.

3.Agahigo k’umukinnyi watsinze igitego muri Euro afite imyaka myinshi 

Umunya-Austria, Ivica Vastic niwe usanzwe ufite agahigo ko kuba umukinnyi watsinze igitego akuze muri iri rushanwa rya Euro. Ni igitego yatsinze muri 2008 ku munota wa 93 ubwo ikipe ye y’igihugu ya Austria yakinaga na Poland.

Icyo gihe yari afite imyaka 38 n’iminsi 257, gusa kuri ubu abarimo Cristiano Ronaldo bashobora gukuraho aka gahigo. Ku mukino ufungura ikipe ye y’igihugu ya Portugal izakinamo na Czech Republic, Cristiano azaba afite imyaka 39 n’iminsi 130.

4.Agahigo k’umukinnyi watsinze ibitego byinshi muri Euro imwe

Umunyabigwi ukomoka mu gihugu cy’u Bufaransa, Michel Platini ni we ufite agahigo ko kuba yaratsinze ibitego byinshi muri Euro imwe. Mu 1984 yatsinze ibitego 9 birimo ‘hat-trick’ 2 gusa gashobora gukurwaho muri iyi Euro.

Bamwe mu bitezweho kuba bagakuraho harimo Kylian Mbappe uzaba ari kumwe n’u Bufaransa, Harry Kane uzaba ari kumwe n’u Bwongereza, Cristiano Ronaldo uzaba ari kumwe na Portugal ndetse na Romelu Lukaku uzaba ari kumwe n’u Bubiligi.

5.Agahigo k’umukinnyi watsinze igitego ku mukino wa nyuma akuze kurusha abandi 

Leonardo Bonucci ukomoka mu gihugu cy’u Butaliyani ni we ufite agahigo ko kuba umukinnyi ukuze kurusha abandi watsinze igitego ku mukino wa Euro. 

Yabikoze muri Euro ya 20 ubwo bakinaga n’ikipe y’igihugu y’u Bwongereza ndetse bikaza no gutuma begukana igikombe. Icyo gihe yari afite imyaka 34 n’iminsi 71.

Uwo byitezwe ko azakuraho aka gahigo ni Cristiano Ronaldo mu gihe ikipe ye y’igihugu ya Portugal yaba yitwaye neza ikazagera ku mukino wa nyuma.

6.Agahigo k’umukinnyi ukiri muto watsinze igitego muri Euro

Umusuwisi Johan Vonlanthen niwe ufite agahigo ko gutsinda igitego akiri muto mu mateka y’irushanwa rya Euro aho yagitsinze bakina n’u Bufaransa muri 2004, akaba yari afite imyaka 18 n’iminsi 141.

Umukinnyi w’ikipe y’igihugu ya Espagne, Lamine Yamal ufite imyaka 16 ni we byitezwe ko azakuraho aka gahigo mu gihe yazatsinda dore ko kugeza ubu amaze gutsindira ikipe ye y’igihugu ibitego 2 mu gihe FC Barcelona yayitsindiye ibitego 7 mu mwaka ushize w’imikino.

7.Agahigo k’igitego na ‘hat-trick’ byihuse mu mateka ya Euro 

Dmitri Kiritchenko ukomoka mu Burusiya ni we ufite agahigo ko kuba umukinnyi watsinze igitego kihuse muri Euro. Yagitsinze nyuma y’amasegonda 67 gusa umukino utangiye ubwo ikipe ye y’igihugu yatsindaga Ubugereki muri Euro ya 2004.

Umukinnyi watsinze ibitego 3 byihuse mu mukino umwe (hat-trick) ni Umufaransa Platini akaba yarabitsinze mu minota 19 gusa ubwo bakinaga na Yugoslavia mu 1984. Utu duhigo natwo dushobora kuzakurwaho.

8.Agahigo k’ikipe y’igihugu ifite ibikombe byinshi bya Euro 

Ikipe y’igihugu y’u Budage n’iya Espagne nizo zifite agahigo ko kugira ibikombe byinshi bya Euro aho buri imwe ifite 3. U Budage bwagitwaye mu 1972, 1980 no mu 1996 naho Espagne yo yagitwaye mu 1964, 2008 no muri 2012.

Ubwo bivuze ko hagati y’izi kipe z’igihugu hagize iyegukana icyo muri uyu mwaka ariyo yahita yisangiza agahigo ko kugira ibikombe byinshi bya Euro mu mateka.

9.Agahigo k’ikipe y’igihugu yatsinze ibitego byinshi muri Euro imwe

Ikipe y’igihugu y’u Bufaransa niyo ifite agahigo ko gutsinda ibitego byinshi muri Euro imwe ikaba yarabikoze mu 1984 itsinze ibitego 14. Aka gahigo ni kamwe mu byitezwe ko kazakurwaho nubwo kagoye.

10. Agahigo k’umukinnyi ukiri muto ukinnye Euro

Aka gahigo gasanzwe gafitwe na Kacper Kozłowski ukomoka mu gihugu cya Poland aho yagashyizeho muri Euro ya 2020 afite imyaka 17 n’iminsi 246, gusa kuri ubu byitezwe ko Lamine Yamal azagakuraho afite imyaka 16 gusa.

Binyuze mu itangazo rigenewe abanyamakuru kuri uyu wa Kane tariki 13 Kamena 2024, Recording Academy yavuze ko yagiranye amasezerano n'abafanyabikorwa batandukanye barimo n'Urwego rw'Igihugu rw'Iterambere (RDB), hagamije kwagura ibikorwa byayo bamaze igihe batangije byo gushyigikira abahanzi ku Isi yose.

Ibi bitangajwe nyuma y'uko muri Kamena 2023, Umuyobozi wa Recording Academy, Harvey Mason Jr yagiriye uruzinduko ku Mugabane wa Afurika mu bihugu birimo Ghana, Nigeria ndetse n'u Rwanda.

Ni uruzinduko rwatumye mu bihembo 'Grammy Awards' hashyirwamo ibyiciro bishya bitatu birimo igihariwe abanyamuziki bo muri Afurika: 'Best African Music Performance'.

Ibi byiciro byashyizwemo nyuma y'isuzuma ryakozwe, abategura Grammy Awards bagasanga umuziki wa Afurika cyane cyane uwubakiye kuri AfroBeats na Amapiano uri kwishimirwa cyane hirya no hino ku Isi. Miriam Makeba niwe muhanzi wa mbere wo muri Afurika wegukanye bwa mbere igihembo cya Grammy mu 1966.

Mu itangazo bashyize hanze, Recording Academy itegura Grammy Awards, yavuze ko yatangiye ku mugaragaro inzira yo kwagura imbago zayo mu rwego rwo gutera inkunga abakora umuziki ku Isi hose.

Bavuze ko basinye amasezerano n'ibigo, Minisiteri n'abafatanyabikorwa bo mu bihugu byo mu Burasirazuba bwa Afurika ndetse no hagati.

Harvey Mason Jr, umuyobozi wa Recording Academy, yavuze ko ibi 'Ibirashimishije kuko umuziki ni umwe mu mutungo kamere w'ikiremwamuntu.”

Ati “Ni ngombwa ko abantu bitangira guhanga umuziki bagira/baterwa inkunga, umutungo n’amahirwe, aho bakomoka hose.”

Bavuze ko bafashe iki cyemezo nyuma y'uko mu myaka ibiri ishize, bageze mu bihugu bitandukanye muri Afurika, mu biganiro bagiranye n'inzego zinyuranye, hagamijwe gushaka icyatuma umuziki utezwa imbere ku Isi hose, binyuze mu bufatanye no guhanga udushya.

Recording Academy yavuze ko yinjiye mu masezerano y'imikoranire na Minisiteri Ishinzwe Umuco muri Kenya, Saudi Arabia, Nigeria, Leta Zunze Ubumwe z'Abarabu, Urwego rw'Igihugu rushinzwe Iterambere (RDB) mu Rwanda ndetse na Minisiteri ya Siporo, Ubuhanzi n'umuco muri Afurika y'Epfo. Banavuga ko hari amasezerano y'imikoranire yasinywe n'Igihugu cya Ghana ndetse na Côte d’Ivoire.

Ibyo bazitaho: Gufasha abantunganya umuziki mu nzego zose, kubona urubuga n'ubuvugizi; gutanga amahugurwa ku bari mu muziki cyangwa se kubongerera ubumenyi binyuze ku murongo wa Internet wa Recording Academy 'Grammy Go'.

Kandi bazifashisha uriya murongo mu gushyiraho ishuri rizatanga ubumenyi n'ibikoresho bizifashishwa mu kugera ku byifuzo by'abashinzwe umuziki mu bihugu byose bagiranye amasezerano.

Abari mu muziki kandi bazafashwa gukora ibihangano by'umwimerere byubakiye ku murage w'umuziki ukungahaye, hamwe n'imbaraga zigaragara muri Afurika no mu Burasirazuba no hagati ya Afurika.

Hari kandi gutera inkunga abanyamuryango ba Recording Academy. Kungurana ibitekerezo ku mico itandukanye mu rwego rwo kugirira akamaro abakora umuziki bose.

Recording Academy ivuga ko guteza imbere umuco mu bihugu byose bagiranye amasezerano 'bizatanga inyungu nyinshi ku banyamuryango bose ndetse n'abazaza'.

Bazanafasha abakora umuziki gushyiraho amategeko agamije kurengera umutungo mu by'ubwenge 'Intellectual Property (IP)' hagamije kubarengera no kurengera ibihangano byabo.

    

Muri aya masezerano yatangajwe ku wa 11 Kamena 2023, bavuga ko bazafasha abakora umuziki kubyaza inyungu ibihangano bakora. Kandi bavuga ko inkingi fatizo muri aya masezerano, harimo ishuri rikuru rizashyirwaho mu rwego rwo gutanga amasomo yubakiye ku muziki ndetse rikora n'ubushakashatsi.

Abayobozi bahagarariye ibihugu byagiranye amasezerano na Recording Academy bagiye bagaragaza ko bishimiye gukorana n'iyi sosiyete.

Umuyobozi w'Urwego rw'Igihugu rw'Iterambere (RDB0), Francis Gatara yavuze ko u Rwanda rwishimiye imikoranire na Recording Academy.

Ati 'U Rwanda rwakiriye neza iki cyerekezo cyo guhuza ibitekerezo by'umuziki w’umugabane, birerekana igihe gikomeye mu mateka yacu aho umuco n'umuhate byizihizwa kandi bigasangirwa n'Isi.'

Yavuze ko 'Mu guteza imbere urubuga ruhuriweho, ntitwabikora twenyine.Gusa twishimire guhanga kwacu ariko tunashyiraho inzira isanzweho iganisha ku bukungu n’imibereho myiza y’abaturage.'

'U Rwanda rwishimiye mu guharanira iyi ntambwe ikomeye. Ubwitange bw’u Rwanda mu bijyanye n’umuco ukomeye kandi ufite imbaraga, bidushyira mu ntangiriro y’ubuzima bushya bwa Afurika.'

Ishuri rya Recording ryihutisha imbaraga zo gukorera abantu umuziki ahantu hose, kandi Afrika yiteguye gufunguka. Turi umugabane w’umuziki n’abasore, bakora umuziki. Nishimiye kubona Ishuri Rikuru rishyiraho ubufatanye na Nigeria, Kenya, u Rwanda, Afurika y’Epfo kandi nta gushidikanya, n’ibindi bizaza! '

Umunyamuziki Angelique Kidjo uri mu banyamuryango ba Recording Academy, yavuze ko yishimiye imikoranire iyi sosiyete yagiranye n'ibihugu bitandukanye.

Yavuze ko Afurika ari umugabane w'umuziki, kandi abawukora barashoboye. Ati 'Nishimiye kubona Ishuri Rikuru rishyiraho ubufatanye na Nigeria, Kenya, u Rwanda, Afurika y’Epfo, kandi nta gushidikanya, n’ibindi bizaza! '

Umunyamuziki Davido wo muri Nigeria, yavuze ko nk'umunyafurika yumva neza inyungu iri mu kuba Recording Academy yaguye ibikorwa byayo mu guteza imbere ibikorwa by'abahanzi ku Isi hose. Avuga ko ari  ubu bufatanye buzafasha cyane abari mu muziki.

Recording Academy itegura “Grammy Awards” yatangiye imikoranire n'ibihugu birimo u Rwanda 

Muri Gashyantare 2024, Taylor Swift yakoze amateka yo kwegukana ibihembo bine muri Grammy Awards ubwo byatangwaga ku nshuro ya 66

Ni na yo mpamvu abantu benshi muri iki gihe iyo bashaka ko ibintu bya bo bimenyekana bifashisha imbuga nkoranyambaga. Muri iyi nkuru tugiye kurebera hamwe ibyamare 7 ku Isi bica agatubutse kugira ngo bibe byakwamamariza umuntu ku rukuta rwa bo rwa Instagaram.

Urubuga rwa Influencer Marketing Hub rwagaragaje ko mu bushakashatsi rwakoze, bwagaragaje ko byibuze muri uru rutonde rw'ibyamamare 7 byishyurwa menshi kuri Instagram, 'Post' imwe iri hagati ya miliyoni 2 z'amadorali na miliyoni 3 z'amadorali.

1. Cristiano Ronaldo – Umukinnyi w'umupira w'amaguru

Cristiano Ronaldo ukomoka muri Portugal ukinira ikipe ya Al Nassr muri Saudi Arabia ni muntu wishyurwa amafaranga menshi mu kwamamaza kuri Instagram, aho 'post' imwe yamamaza ku rukuta rwe rwa Instagram uba ugomba kwishyura amadorali miliyoni 3.324 (4,173,858,612 Frw).

Uyu mukinnyi wakiniye amakipe nka Manchester United mu Bwongereza, Real Madrid muri Espagne na Juventus mu Butaliyani yagiye ashyiraho uduhigo akuraho utundi, akaba umwe mu bakinnyi beza ba ruhago Isi yagize. Kuba ari we wishyurwa menshi si impanuka kuko ni na we ku Isi ukurikirwa n'abantu benshi kuri Instagram aho akurikirwa na miliyoni 628.

2. Lionel Messi – Umukinnyi w'umupira w'amaguru

Lionel Messi ni umukinnyi w'umupira w'amaguru ukomoka muri Argentine wakiniye amakipe nka FC Barcelona yo muri Espagne, PSG yo mu Bufaransa ubu akinira Inter Miami muri Leta Zunze Ubumwe za Amerika.

Uyu rutahizamu ufatwa nk'umwe mu bakinnyi beza Isi yagize, uretse umushahara ahembwa, aninjiza agatubutse kuri Instagram iyo hari umuhaye ikiraka cyo kwamamaza. Post imwe yamamaza ku rukuta rwe rwa Instagram yishyura amadorali miliyoni 2.597 (3,351,734,946 Frw).

3. Selena Gomez – Umuhanzikazi

Selena Gomez ni umunyamerikazi w'umuhanzi, umwanditsi w'indirimbo ndetse akaba n'umukinnyi wa filime w'imyaka 32. Ushaka ko akwamamariza ku rukuta rwe rwa Instagram, ugomba kuba witwaje amadorali miliyoni 2.558 (3,301,400,844 Frw).

4. Kylie Jenner – Umunyamideli

Umunyamideli akaba na rwiyemezamirimo ukomoka muri America, Kylie Kristen Jenner, post imwe ku rukuta rwe rwa Instagram aca amadorali miliyoni 2.386 (3,079,414,548 Frw).

5. The Rock

Dwayne Douglas John wamamaye muri sinema nka The Rock ni umwe mu byamamare byishyurwa amafaranga menshi kuri Instagram. Uyu mugabo usanzwe ari na rwiyemezamirimo, byibuze yishyurwa amadorali miliyoni 2.326 (3,001,977,468 Frw) kuri 'post' imwe.

6. Ariana Grande – Umuhanzikazi

Ariana Grande ni umuhanzikazi w'umunyamerika uzwi mu njyana Pop, uretse ibi ni umukinnyi wa filime akaba n'umwanditsi w'indirimbo. 'Post' imwe yamamaza kuri Instagram aca amadorali miliyoni 2.264 (2,921,959,152 Frw).

7. Kim Kardashian-Umunyamideli

Kim Kardashian ni umunyamideli w'Umunyamerika wanditse izina mu miziki, akaba na rwiyemezamirimo, ni we uru ku mwanya wa 7 kuri uru rutonde. Uyu mugore w'imyaka 43 wahoze ari umugore wa Kanye West batandukanye muri 2022, 'post' imwe yamamaza ku rukuta rwe rwa Instagram aca amadorali miliyoni 2.176 (2,808,384,768 Frw)

Myugariro wo ku ruhande rw’iburyo wakiniraga APR FC, Omborenga Fitina yamaze kumvikana Rayon Sports kuyikinira mu myaka ibiri iri imbere.

Omborenga wakiniraga APR FC kuva 2017, yari asoje amasezerano ye muri iyi kipe y’Ingabo z’Igihugu ariko ntiyifuza kumwongerera amasezerano.

Bivugwa ko Omborenga ubuyobozi bw’iyi kipe butishimiye imyitwarire ye cyane ko yigeze no kwamburwa inshingano zo kuyobora abandi mu kibuga kubera imyitwarire batishimiye, yari yatinze gutangira imyitozo.

Omborenga Fitina akaba agiye gukinira Rayon Sports mu gihe cy’imyaka 2 aho bivugwa ko yatanzweho miliyoni 25.

Bivugwa ko kandi uyu mukinnyi ashobora kujyana na mugenzi we bakinanaga muri APR FC, Ishimwe Christian ukina ku ruhande rw’ibumoso yugarira na we utazongererwa amasezerano muri APR FC.

Chritian wari umaze iminsi mu biganiro na Police FC ngo abe yayerekezamo, bivugwa ko bananiwe kumvikana ku mafaranga agomba guhabwa.

Yahise yinjira mu biganiro na Rayon Sports ndetse amakuru avuga ko ku mugoroba wo kuri uyu wa Kane ashobora kurangizanya n’iyi kipe ariko bikaba byari bitararangira.

Rayon Sports kandi amakuru avuga ko ibiganiro bigeze kure na Hakizimana Muhadjiri na we wari usoje amasezerano muri Police FC.

Uyu mukinnyi akaba yifuzaga gukomezanya na Police FC ariko bakaba barananiwe kumvikana aho bivugwa ko yamuhaga amafaranga make, yamuhaye miliyoni 15 agasinya imyaka 2 ariko ntiyabyemera.

Uyu mukinnyi wifujwe na Rayon Sports kuva 2020, amakuru avuga ko yamaze kwerekeza muri Rayon Sports akaba agiye kuyikinira mu mwaka w’imikino wa 2023-24. Gusa hari amakuru y’uko Muhadjiri yari yaramaze gusinya imbanziriza masezerano na Police bityo ko byaba bitararangira ibyo kwerekeza muri Rayon Sports.

Omborenga Fitina yamaze kurangizanya na Rayon Sports

Ishimwe Chritian na we biravugwa ko mu masaha make ararangizanya na Rayon Sports

Muhire Kevin