Category: Uncategorized

Ibi Perezida Kagame yabigarutseho kuri uyu wa Gatanu, tariki 14 Kamena 2024 ubwo yakiraga indahiro z'abayobozi bashya binjiye muri Guverinoma n'abandi bayobozi bakuru mu nzego zitandukanye.

Mu ijambo rye, Perezida Kagame yasabye aba bayobozi kutigira ba nyamwigendaho ahubwo bagakorera hamwe mu nyungu rusange.

Yagize ati 'Yego ugomba kwitekerezaho, ugatekereza n'inshingano no gukorera abandi batari muri uwo mwanya kuko umwanya ugibwamo n'umuntu umwe ntabwo ari abantu bose, kuko baba baguhanze amaso bategereje kureba icyo ubagezeho.'

Umukuru w'Igihugu yanakomoje ku bayobozi bagera mu myanya y'ubuyobozi bakiremereza nyamara uwo ari umuco ukwiriye gucika.

Ati 'Ibindi byo kwiremereza, kubona ko ari wowe ndetse bikavamo kuba utavugana n'undi ngo mwuzuzanye, Uwo muco mbona ko ukwiriye gucika burundu bitari ukugabanyuka gusa kuko biratudindiza ndetse bigasa nk'aho muri twe hari abishimiye aho turi mu rwego rwo gutera imbere. Guhora utegereje abakugirira imbabazi byarabaye akamenyero.'

Yakomeje agira ati 'Nari nzi ko mu myaka tumaranye nka 30 ishize byari bikwiye kuba byumvikana ukundi, ubona ko n'ugutera inkunga asanga ufite aho wigejeje, ntabwo ugutera inkunga aza kugufasha ibintu byose.'

Perezida Kagame yakomoje no ku myumvire mibi aho rimwe na rimwe usanga hari abatekereza ko Imana hari ibice bimwe by'Isi yahaye byose, ibindi ikabyirengagiza.

Ati 'Ukwiye kwibaza impamvu wumva wakorerwa byose n'abandi bantu. Mubuze iki? Ko nzi ko benshi muri hano mwemera Imana, mu byo mwemera muzi ko hari ibice by'Isi byaremwe ukundi bihabwa ibyangombwa byose, mwebwe igira ibyo ibahisha? Ntiyabibahaye? Mwagiye mubyibaza igihe cyose muri mubyo mukora mufitiye uburenganzira.'

Yakomeje agira ati 'Imana mwambaza musenga buri munsi yabimye iki mwebwe nk'Abanyarwanda? Yaguha ubwenge, abenshi ubuzima bwiza, ikabaha n'igihugu nubwo cyagiye kigira ibibazo ariko cyiza, hanyuma mukajya aho mukagira ibyo mwiyima, mwaba muri bantu ki?'

Perezida Kagame yagaragaje ko nta muntu kamara bityo ko abayobozi bakwiye gukora inshingano zabo mu nyungu rusange z'igihugu.

Ati 'Nta muntu umwe kamara. Ugiye mu buyobozi kubera impamvu kandi hashoboraga no kujyamo n'undi kuko Abanyarwanda turi benshi. Bitume rero uwukoresha neza mu nyungu zigera kuri bose.'

Abayobozi bashya barahiye kuri uyu wa Gatanu ni Amb. Olivier Nduhungirehe warahiye nka Minisitiri w'Ububanyi n'Amahanga n'Ubutwererane, Yusuf Murangwa wagizwe Minisitiri w'Imari n'Igenamigambi na Consolee Uwimana: Minisitiri w'Uburinganire n'Iterambere ry'Umuryango.

Harahiye kandi Mutesi Rusagara: Umunyamabanga wa Leta Ushinzwe Ishoramari rya Leta no Kwegeranya Imari muri Minisiteri y'Imari n'Igenamigambi na Olivier Kabera: Umunyamabanga wa Leta muri Minisiteri y'Ibikorwaremezo.

Abandi bayobozi barahiye ni Aimable Havugiyaremye: Umunyamabanga Mukuru w'Urwego rw'Igihugu rushinzwe Iperereza n'Umutekano (NISS) na Angelique Habyarimana: Umushinjacyaha Mukuru.

Harahiye kandi Umugaba w'Ingabo zishinzwe Ubuzima, Maj. Gen. Dr. Ephrem Rurangwa ndetse n'Umugaba Wungirije muri icyo cyiciro, Brig. Gen. Dr. John Nkurikiye.

Perezida Kagame yasabye abayobozi kuzuza neza inshingano zo kwita ku baturage

Uyu muhango witabiriwe n'abayobozi mu nzego nkuru z'igihugu zitandukanye

Uwimana Consolée, Kabera Olivier na Mutesi Rusagara barahiriye inshingano nshya bahawe

Mutesi Rusagara yarahiriye inshingano nshya yahawe

Kabera Olivier, wagizwe Umunyamabanga wa Leta muri Minisiteri y'Ibikorwaremezo yarahiye

Angelique Habyarimana yarahiriye inshingano z'Umushinjacyaha Mukuru

Aimable Havugiyaremye yarahiye nk'Umunyamabanga Mukuru w'Urwego rw'Igihugu rushinzwe Iperereza n'Umutekano (NISS)

Gen. Maj. Dr. Ephrem Rurangwa yarahiye nk'Umugaba w'Ingabo zishinzwe Ubuvuzi

Uwari Perezida w’Umutwe w’Abadepite, Mukabalisa Donatille yagaragaje ibyo bagezeho muri iyi manda irangiye

Amafoto: Niyonzima Moses

Iyi gahunda yari isanzwe ikorwa mu gihe cy'iminsi 21 aho buri mukozi wa MTN n'abayobozi bayo bafata amasaha umunani mu yo bakora bakigomwa akazi bakajya kwita ku batishoboye, ariko noneho ikaba izakorwa iminsi 30 mu rwego rwo kwizihiza imyaka 30 ishize Sosiyete ya MTN itangije ibikorwa byayo hirya no hino ku Isi.

Iyi gahunda y'uyu mwaka yiswe 'Uburezi mu byaro no mu bice bya kure', igamije kwagura amahirwe yo kwiga mu gihugu hose. Muri iyi minsi 30 insanganyamatsiko izaba igira iti 'Iga uyu munsi uyobore ejo hazaza.'

Mu bikorwa biteganyijwe harimo gutanga no gushyira ku mashuri imirasire y'izuba itanga amashanyarazi no gutanga écrans zigezweho mu mashuri.

Hari kandi gusana ibikoni mu mashuri yo mu turere twa Gasabo na Gicumbi, no gutanga mudasobwa zigendanwa no guhugura abanyeshuri biga muri Mahama Coding School.

Umuyobozi Mukuru wa MTN Rwanda, Mapula Bodibe, yagize ati 'Nyuma yo gusuzuma amashuri menshi, twabonye ko bafite ikibazo cy'amashanyarazi, bituma twiyemeza gushyiraho imirasire y'izuba ku mashuri. Twatanze kandi écrans ku mashuri yo mu Murenge ya Jali kugira ngo zibashyigikire mu kwiga, bihura n'umurongo wacu w'uko buri wese akwiye kungukira mu iterambere rigezweho.'

Yakomeje agira ati 'Mu yindi mishinga yacu harimo kuvugurura ibikoni by'amashuri mu Karere ka Gicumbi kugira ngo abanyeshuri badata ishuri bakomeza kuba benshi, ndetse hari no gutanga mudasobwa zigendanwa no guhugura abanyeshuri mu nkambi y'impunzi ya Mahama.'

'Twizera tudashidikanya ko mu gukuraho inzitizi zibangamira uburezi, abanyeshuri bazashobora kwiga uyu munsi bakagira ubushobozi bwo kuyobora ejo.'

Imirasire y'izuba yahawe GS Agateko yo mu mujyi wa Kigali, aho hafi abanyeshuri 2,100 batangiye kungukira mu kugira amashanyarazi ndetse na televiziyo.

Mu gihe izi gahunda zose zizaba zishyirwa mu bikorwa MTN Rwanda, izagenda ikorana n'abafatanyabikorwa batandukanye barimo ubuyobozi bw'ibanze by'umwihariko uturere twa Gasabo, Gicumbi, na Kirehe ndetse n'ikigo cya BBOXX Rwanda.

Umuyobozi Mukuru wa BBOXX Rwanda, John Uwizeye, yagize ati 'Muri BBOXX duhindura ubuzima binyuze mu kwegereza abaturage ingufu, kubw'ibyo rero twishimiye gufatanya na MTN Rwanda mu gushyira mu bikorwa izi gahunda, twese hamwe, turi gushyira umucyo ku hazaza heza h'abanyeshuri.'

Mu gukora ibi bikorwa MTN Rwanda igamije gushyira iterambere rirambye ry'abaturage imbere no kubakamo ubushobozi mu banyeshuri bafite ubumenyi kugira ngo bazagire ejo hazaza heza.

Ni ibikorwa byagenewe kuzana impinduka z'igihe kirekire, zifasha abanyeshuri bo mu byaro no mu bice bya kure mu gukuraho inzitizi mu burezi bwabo no kwibonamo ubushobozi.

Iyi gahunda ya Y'ello Care yatangijwe mu 2007, hagamijwe kwita ku bababaye.

MTN Rwanda inagira uruhare muri gahunda zitandukanye z'iterambere ry'u Rwanda binyuze mu nkingi zinyuranye zirimo iy'uburezi, ubuvuzi, kuzamura imibereho y'abaturage, ndetse na gushyigikira gahunda zimwe na zimwe za leta.

Hari gutangwa imirasire y’izuba

MTN Rwanda irajwe ishinga no kuzamura ireme ry’uburezi mu Rwanda

Aya mavuta n'isabune byiswe 'Claire,' ibirango byabyo bigaragaraho isura y'umukobwa ari we Anne Marie Ndenzako, akaba umukobwa w'Umwami Mwambutsa IV Bangiricenge wabaye Umwami w'i Burundi.

Uyu mubyeyi usigaye atuye ku Mugabane w'u Burayi mu Bubiligi, mu kiganiro yagiranye na Isimbi TV, yavuze ko muri Gashyantare 2023 yari mu Rwanda aho yari yagiye kumvikana n'uru ruganda kubera ko rwakoresheje ifoto ye mu buryo bunyuranyije n'uburi mu masezerano bagiranye.

Ndenzako avuga ko amasezerano yagiranye n'uru ruganda yari ukujya ku cyapa cyamamaza mu gihe cy'umwaka gusa ibyo kujya ku birango by'isabune ngo ntibyari birimo.

Ati 'Mperuka mu Rwanda mu mwaka ushize wa 2023 ngiye kuburana n'abakiliya ba Claire ubwo ni Sulfo, tuburana ku buryo bakoresheje ifoto yanjye mu byo tutumvikanye, bayikoresheje imyaka myinshi.'

'Njye n'ikipe y'abanyamategeko banjye twagerageje ubwumvikane, twagiye kubareba turaganira nyuma bageraho babivamo, sinzi icyo batekerezaga niba baratekerezaga ko nzagenda nkabyibagirwa nkabivamo gusa uko tumvikanye bwa mbere bari bemeye ubwumvikane.'

Uyu mubyeyi akomeza avuga ko uru ruganda rwageze aho rwanga inzira y'ubumvikane kuri iki kibazo bituma hiyambazwa ubutabera.

Yakomeje agira ati 'Twagiye mu rukiko tubonana n'umunyamategeko wabo barambwira ngo njye nta burenganzira mfite ku ifoto yanjye, nibaza ukuntu bishoboka kandi mpari. Ubu naratashye abanyamategeko banjye nibo bazabikurikirana.'

Anne Marie Ndenzako uri mu kigero cy'imyaka 64, yamaganiye kure ibyavuzwe ko yasinyanye amasezerano ya burundu n'uru ruganda, akavuga ko we yasinye umwaka umwe gusa.

Ikindi kandi amasezerano yagiranye n'uru ruganda yari ukujya ku cyapa cyamamaza gusa ibyo kujya ku birango by'isabune n'amavuta ntibyari mu masezerano bagiranye. Yizera ko ubutabera bw'u Rwanda buzakora akazi kabwo akarenganurwa.

Uyu mubyeyi yavuze ko Claire atari izina rye gusa kuko ari ryo azwiho cyane, iyo barimuhamagaye yitaba.

Kurikira ikiganiro kirambuye

Ibi yabigarutseho ubwo yitabiraga umuhango wo gutanga impamyabumenyi ku bapolisi bakuru 34 basoje amasomo mu bijyanye n'imiyoborere 'Senior Command and Staff Course, wabereye mu Ishuri Rikuru rya Polisi y'u Rwanda, National Police College riherereye mu Karere ka Musanze.

Iki ni icyiciro cya 12 gisoje amasomo yitabiriwe n'abaturutse mu bihugu bitandukanye birimo Botswana, Kenya, Lesotho, Malawi, Namibia, Somalia, Sudani y'Epfo na Tanzania.

Ni ibirori byitabiriwe n'abayobozi batandukanye barangajwe imbere na Minisitiri w'Ubutabera akaba n'Intumwa Nkuru ya Leta Dr Emmanuel Ugirashebuja, Umunyamabanga wa Leta muri Minisiteri y'Ububanyi n'Amahanga ushinzwe Umuryango wa Afurika y'Iburasirazuba, Gen (Rtd) James Kabarebe, Umugaba w'ingabo z'u Rwanda zirwanira ku butaka, Maj Gen Vincent Nyakarundi n'abayobozi bakuru ba Polisi zo mu bihugu icyenda byitabiriye ayo masomo.

Minisitiri w'Ubutabera Dr Emmanuel Ugirashebuja, yagaragarije abapolisi ko umwuga bakora ari umuhamagaro bityo ko bakwiye kuwukora kinyamwuga.

Yakomeje ati 'Igipolisi kirenze kuba umwuga ahubwo ni umuhamagaro, gisaba umuhate, ubunyangamugayo no kumenya inshingano za we. Mufate uwo muhamagaro muwukunze kandi mumenye ko imirimo yanyu ari ingenzi cyane kuri sosiyete yacu.'

Yagaragaje ko mu gihe Isi ikomeje gutera imbere himakazwa ikoreshwa ry'ikoranabuhanga, abakora igipolisi nabo bakwiye guhora bihugura mu guharanira ko inshingano zabo bazikora mu buryo bukwiye.

Umuyobozi Mukuru w'Ishuri rya Polisi, CP Mujiji Rafiki yagaragaje ko abapolisi bamaze igihe bahugurwa bahawe ubumenyi buzabafasha mu nshingano zabo zitandukanye.

Yakomeje ati 'Nkuko mugiye mu nshingano nshya, ndabasaba kuyoborana ubunyangamugayo, guhanga udushya, mube ba ambasaderi b'impinduka aho mukorerera. Mukore ibintu mu buryo bwihariye kandi bwa kinyamwuga. Mwahawe ubumenyi kandi bugomba kubaranga mu mikorere yanyu.'

Muri abo bapolisi harimo abahawe n'impamyabumenyi z'icyiciro cya gatatu cya Kaminuza mu bijyanye no kwimakaza amahoro no gukemura amakimbirane itangwa na Kaminuza y'u Rwanda n'impamyabumenyi mu miyoborere itangwa na Kaminuza ya African Leadership University.

Umuyobozi Mukuru wa African Leadership University, Nhlanhla Thwalay, yagaragaje ko iyo biyemeje kwifatanya na Polisi y'u Rwanda kuko iyi Kaminuza ishyize imbere ibirebana no kwihangira imirimo n'umutekano, yemeza ko bazakomeza kwimakaza imikoranire.

Umuyobozi Mukuru wa Kaminuza y'u Rwanda, Prof. Didace Muganga yashimye abapolisi 32 bahawe impamyabumenyi z'icyiciro cya gatatu cya Kaminuza, abasaba gukomeza guharanira kwiyungura ubumenyi mu mirimo bakora ya buri munsi.

Abasoje barimo Abanyarwanda 21 barimo abapolisi, abakora mu Rwego rw'u Rwanda rushinzwe igorora, RCS, ndetse n'Urwego rw'Igihugu rw'Ubugenzacyaha RIB.

Aba bapolisi bakuru bahawe amasomo atandukanye agamije kubongerera ubumenyi

Abapolisi bo mu bihugu icyenda nibo bitabiriye aya masomo

Umuyobozi Mukuru w'Ishuri rya Polisi, CP Mujiji Rafiki atanga impanuro ku bapolisi bakuru basoje amasomo

Amafoto: Kwizera Remy Moise

Kuri uyu wa 12 Kamena 2024, nibwo hasohotse itangazo rivuga ku mpinduka muri Goverinoma Perezida Kagame yakoze mu bayobozi bayobora muri izi nzego  ndetse n'izindi nzego nkuru z'Igihugu.

Ibi Perezida yabikoze mu bubasha afite nk'uko bikubiye ku biteganywa n'Itegeko Nshinga rya Repebulika y'u Rwanda cyane cyane mu ngingo zaryo 116 na 112. Mu ngingo ya 116 y'iri tegeko, rivuga ko Abagize Guverinoma bashyirwaho kandi bagakurwaho na Perezida wa Repeburika ashyikirijwe amazina yabo na Minisitiri w'Intebe.

Mu bubasha ahabwa n'iri tegeko, Perezida Kagame yashyize mu myanya abayobozi batandukanye barahiriye kujya muri izi nshingano kuri uyu wa gatanu tariki ya 14 Kamena 2024 mu Ngoro y'Inteko Ishinga Amategeko ku Kimihurura.

Nyuma yo kwakira izi ndahiro z'aba bayobozi, Nyakubahwa Perezida Kagame yasheshe Inteko Ishinga Amategeko umutwe w’Abadepite wasoje manda  kubwo impamvu z'amatora ateganyijwe mu kwezi gutaha tariki ya 14 na 15.

Impamvu yo gusesa Inteko Nshingamategeko umutwe w’Abadepite , iteganywa mu Itegeko Nshinga mu ngingo ya 79 ko ku mpamvu z'amatora, Perezida wa Repeburika asesa umutwe w'Abadepite hasigaye nibura iminsi 30 kandi itarenga iminsi 60 ngo manda y'abawugize irangire.

Perezida w'Umutwe w'Abadepite,Mukabalisa Donathille yashimiye Perezida Kagame ku mpanuro atahwemye kubaha zabaye inkingi yo kugera ku ntego bari biyemeje ubwo barahiraga ku wa 19 Nzeri 2018.

Mukabalisa yavuze ko kandi muri iki gihe cyose bamaze mu Nteko Ishinga Amategeko, basuzumye imishinga y'amategeko 392 ndetse babasha kugera mu bice byose by'igihugu bumva ndetse bakira ibibazo n'ibitekerezo by'abaturage.

Mu ijambo rye, Perezida Kagame yavuze ko gusesa Inteko Ishinga Amategeko atari ukubagaya ahubwo ari ukubera igihe abanyarwanda  bagezemo kandi ko abenshi mu bari bayigize harimo abazagaruka nyuma y'amatora.

Perezida Kagame yagize ati 'Gusesa Inteko ntabwo bivuze kubagaya. Ni igihe tugezemo cy'intera yindi cy'ibindi bishya tugiye kujyamo nizera ko abenshi muri mwe muzagaruka niba atari mwese. Ariko uyu munsi byari ukubashimira no kubabwira ngo ni ah’ubutaha.'

Perezida Kagame yakiriye indahiro z’Abayobozi bashya baheruka guhabwa inshingano muri Guverinoma ndetse no mu nzego nkuru z’Igihugu

Abayobozi baherutse  guhabwa inshingano muri Guverinoma bagejeje indahiro zabo imbere ya Perezida  Kagame

Uyu mutwe w’Abadepite  wasoje manda watangiye inshingano mu 218 

Biravugwa ko ikipe ya Police FC yananiwe gufata umwanzuro wo gutandukana n’uwari kapiteni wa yo, Nshuti Dominique Savio nyuma yo kubagwa urutugu, ni mu gihe umutoza atamufite mu mibare ye.

Nshuti Dominique Savio wageze muri Police FC 2019 avuye muri APR FC, amasezerano ye yarangiye uyu mwaka wa 2024, akaba yarahesheje iyi kipe igikombe cy’Amahoro cya 2024.

Savio wari kapiteni wa Police FC nubwo umutoza Mashami Vincent yabwiye ubuyobozi ko atari mu mimare ye umwaka utaha w’imikino, amakuru ISIMBI yamenye ni bamwe mu bayobozi hari abataremeye icyo cyemezo ndetse bivugwa ko yanegerewe ngo yongere amasezerano ariko barananiranwa bitewe n’ibyo yifuzaga bahitamo kumureka.

Nubwo bamuretse ariko, uyu mukinnyi ukina asatira anyuze ku mpande yari afite imvune y’urutugu yakuye mu mikino ya shampiyona, yari akiri mu kazi ka Police FC.

Iyi mvune yaje gukomeza kugeza aho yanaje kubagwa tariki ya 1 Kamena 2024 aho yabagiwe Kicukiro ku Bitaro bya DMC (Dream Medical Center).

Nyuma yo kubagwa ni bwo iyi kipe yisanze mu ihurizo yibaza uko izarekura uyu mukinnyi kandi akirwaye cyane ko yanavunikiye mu kazi ka Police FC.

Amakuru ISIMBI yamenye ni uko bongeye kwicara bakaganira Police FC, yatekereje ku kuba yamuha amasezerano mashya cyane ko ubu nta kipe yamwakira arwaye cyangwa se niba hari ubundi buryo yafashwamo akivuza agakira nk’umukinnyi wabakiniye, bakabana neza mu myaka 4 ariko ntibatandukane nabi. Nta mwanzuro urafatwa kuri iki kibazo.

Savio ntaratandukana burundu na Police FC