Category: Uncategorized

Uru ruzinduko rwa Maloua n'itsinda bazanye rwari rugamije ubufatanye hagati y'ibihugu byombi. Mu bindi uru ruzinduko rwibanzeho harimo gusangira ubunararibonye ku ngamba ziteza imbere imijyi, gusuzuma amahirwe y'ubufatanye ari hagati y'u Rwanda na Centrafrique mu nzego z'ubuzima, siporo n'ibikorwaremezo.

Minisitiri w'Intebe Maloua yatambwagijwe mu Mujyi Rwagati mu gace kanyurwa n'abanyamaguru gusa kazwi nka 'Car Free Zone', muri Sitade Amahoro iherutse kuvugururwa ndetse n'igice cyahariwe ibikorwa by'ubuvuzi cya Masaka (Masaka Medical City).

Muri uru ruzinduko kandi Minisitiri w'Intebe Maloua yahuye na Mugenzi we w'u Rwanda, Dr Ngirente Edouard bagirana ibiganiro ku gukomeza umubano n'ubufatanye bw'ibihugu byombi.

Minisitiri w'Ububanyi n'Amahanga n'Ubutwererane w'u Rwanda, Amb. Nduhungirehe Olivier yavuze ko ubufatanye bwa Centrafrique n'u Rwanda bukomeje gutanga umusaruro mwiza ndetse ko ari urugero rwiza rwo kwishakamo ibisubizo nk'Abanyafurika.

Minisitiri w'Intebe wa Centrafrique, Félix Moloua yasuye ibice bitandukanye by’Umujyi wa Kigali

Minisitiri w'Intebe wa Centrafrique, Félix Moloua yatembereye ibice bitandukanye by’Umujyi wa Kigali

Minisitiri w'Intebe wa Centrafrique, Félix Moloua yasuye Ikigo cy’ubushakashatsi n’amahugurwa ku ndwara ya kanseri, IRCAD

Minisitiri w'Intebe wa Centrafrique, Félix Moloua, yasuye Stade Amahoro

Ibi yabitangaje kuri uyu wa Mbere taliki ya 1 Nyakanga 2024 ubwo yari ari kumwe na Perezida wa Repubilika y’u Rwanda, Paul Kagame, bafungura ku mugaragaro Stade Amahoro nyuma y’uko ivuguruwe igashyirwa ku rwego mpuzamahanga aho kuri ubu yakira abantu barenga ibihumbi 45 bicaye neza.

Perezida wa CAF, Dr Patrice TIhopane yatangiye asuhuza ibihumbi by’abanyarwanda bari muri Sitade Amahoro, avuga ko iri muri Stade nziza ku Isi ndetse ko nk’Abanyafurika bakwiriye guterwa ishema bagashimira Perezida Kagame kuba yarabahaye Stade nziza.

Yagize ati: “Muraho Kigali, muraho Kigali! Iyi ni imwe muri Stade nziza muri Afurika no ku Isi. Twe nk’Abanyarwanda, twe nk’Abanyafurika dukwiriye guterwa ishema, tugashimira Perezida Kagame kuba yaraduhaye Stade nk’iyi.”

Dr Patrice Tlhopane Motsepe yanavuze ko ubutaha yifuza kuzagaruka kuri Stade Amahoro areba Amavubi akina n’ikipe y’igihugu ikomeye ndetse anavuga ko binyuze muri iki gikorwaremezo, u Rwanda ruzabasha kuba indashyikirwa mu mupira w'amaguru, rukaba mu bihugu bifite amakipe meza muri Afurika no hanze yaho.

Ati: “Ubutaha ninza hano, ndashaka kureba ikipe y’u Rwanda ikina n’ikipe nziza zo ku Mugabane wa Afurika. Ndashaka gusoza mvuga ko biturutse ku bufasha bwanyu, urukundo rwanyu, impano z'abato, u Rwanda rugiye gutsinda, u Rwanda ruzatsinda, u Rwanda ruzaba mu ba mbere muri Afurika.

Ndashaka gushimira umuvandimwe wanjye, Perezida Kagame, urakoze ku kwitanga, urakoze ku rukundo rwo guteza imbere ubuzima bw'Abanyarwanda.' 

Stade Amahoro yatashwe ku mugaragaro hanakinirwamo umukino wahuje APR FC na Police FC nyuma yuko hari hakiniwemo uyisogongera wari wahuje Rayon Sports na APR FC.

Perezida wa CAF yashimiye Perezida Kagame ku bw'urukundo agirira siporo n'abanyagihugu muri rusange 

Perezida Kagame na Dr Patrice Tlhopane Motsepe bafunguye ku mugaragaro Stade Amahoro 

Kuri uyu wa Mbere taliki ya 1 Nyakanga 2024 ni bwo Perezida Kagame yafunguye ku mugaragaro Stade Amahoro nyuma yuko ivuguruwe igashyirwa ku rwego mpuzamahanga aho kuri ubu yakira abantu barenga ibihumbi 45 bicaye neza.

Ni igikorwa cyanitabiriwe na Perezida w’Impuzamashyirahamwe y’umupira w’amaguru muri Africa (CAF), Patrice Motsepe. Perezida Kagame yashimiye Abanyarwanda bitabiriye itahwa rya Stade Amahoro anashimira cyane Perezida wa CAF n’uwa FIFA dore ko ari bo bateye imbaraga u Rwanda zo kuyubaka.

Yagize ati: “Mbere ya byose reka nshimire Perezida wa CAF, umuvandimwe wanjye Patrice Motsepe n’undi muvandimwe Perezida wa FIFA, Gianni Infatino, bombi baduteye imbaraga zo gushyiraho igikorwaremezo cyiza cya siporo nk’iki.

Bakoze ibintu byinshi kugira ngo bashyigikire u Rwanda ndetse n'ibindi bihugu by'Abavandimwe by’Afurika kugira bazamure umupira w’amaguru binyuze mu bikorwaremezo nk’ibi mu bihugu byinshi kugira ngo abakiri bato bo muri Afurika bashobore kubona aho batereza imbere banazamurira impano dufite ku mugabane wacu”.

Perezida Kagame yakomeje avuga ko kubaka Stade nk’izi bizatuma impano zizamuka ndetse anavuga ko abakiri bato b’umupira w’amaguru mu Rwanda nta rwitwazo bafite ndetse ko bakwiriye gukora cyane bakabarwa mu beza ku mugabane.

Ati: “Mu by’ukuri ibi bizatuma tuzamura impanu zacu nziza aho kugira ngo tuzikure hanze buri gihe. Ariko abantu bazakomeza kugira umudendezo wo kujya aho bashaka hose ariko bashobora no kureba mu rugo kugira ngo bakore n’ibyo bashaka gukora.

Rero mwese ndashaka kubashimira ku bw’uyu munsi, umunsi mwiza kuri twe ku Rwanda n’umupira w’amaguru kandi tuzakora byinshi ndetse tugerageze no gukora neza birushijeho. Rero ubu nta rwitwazo ku mpano zacu z’umupira w’amaguru, mugomba gukora cyane kandi mugomba gukoresha ubwenge ku buryo tubarwa mu beza ku mugabane wacu.”

Stade Amahoro yatashwe ku mugaragaro ku munsi u Rwanda rwizihirizaho Umunsi w’Ubwigenge, uba buri tariki 01 Nyakanga. Ni ibirori bikomeye byanabereyemo umukino wahuje APR FC na Police FC, ukaba warangiye ari kimwe cya APR FC ku busa bwa Police FC, ibintu byatumye APR FC yegukana igikombe cya Stade Amahoro Inauguration.

Sitade Amahoro yatashwe nyuma yuko muri Gashyantare 2022 ari bwo imirimo y'ibanze yo kuyubaka yatangiye, ariko ibikorwa nyirizina bitangira muri Kanama 2022 aho yubakwa na Sosiyete ikomoka muri Turikiya yitwa Summa Rwanda JV ariko ifatanyije n'izindi zo mu Rwanda zirimo Real Contractors.

APR FC yatsinze Police FC mu gufungura ku mugaragaro Stade Amahoro

Perezida Kagame yafunguye ku mugaragaro Stade Amahoro

Kuri uyu wa 01 Nyakanga 2024, Ishyaka Green party riyobowe na Dr Frank Habineza, ryakomeje ibikorwa byo kwiyamamaza mu ntara y'iburengerazuba hafi y'umupaka w'u Rwanda na DRC.

Nyuma yo gukorera mu karere ka Rusizi, ibikorwa byo kwiyamamaza byakomereje mu karere ka Nyamasheke mu Murenge wa Kanjongo, Akagari ka Kibogora.

Nk'uko abaturage bo mu karere ka Nyamasheke bari babimenyeshejwe, ku isaha ya saa Munani ni bwo bamwe mu barwanashyaka ba Green Party ndetse n'abakandida b'iri shyaka mu matora y'ingeri zitandukanye bari bahageze.

Ubwo yari mu karere ka Nyamasheke, Dr Frank Habineza yavuze ko naramuka atorewe kuyobora Igihugu azakuraho burundu ibigo bifunga abantu akenshi bita 'Inzererezi' kuko akenshi abantu barimo baba bazira ubusa.

Uretse ibyo kandi, Dr Frank Habineza yavuze ko naramuka atowe azashyiraho uburyo bwo kwigisha imyuga muri buri murenge byumwihariko muri aka karere ka Nyamasheke akazashyiraho ishuri ryigisha gutwara ubwato.

Dr Frank yagize ati “Hano murabizi ko muturanye n'ikiyaga. Mukenera kugenda mu mazi ndetse no kugirana ubuhahirane n'ibindi bihugu by'ibituranyi kandi mukoresheje inzira y'amazi. Nimuramuka rero muntoye, icyo kibazo cy'urugendo rw'amazi kizaba gishize. 

Tuzashyiraho ishuri muri buri Murenge ryigisha imyuga by’umwihariko mu karere ka Nyamasheke hashyirweho ishuri ryigisha gutwara ubwato ndetse rigatanga na 'Permit' ku basoje amasomo muri ayo mashuri.'

Dr Frank Habineza yavuze kandi ko Abanyarwanda nibamugirira icyizere bakamutora buri munyarwanda wese azagerwaho n'umuriro w'amashanyarazi ndetse n'amazi meza cyane.

Yongeye gushishikariza abaturage bose bo mu karere ka Nyamasheke kuzatora ku kirango cya Kagoma ndetse no ku ifoto ye mu gihe baba bifuza impinduka zigaragarira buri wese no kwishyira no kwizana kwa buri muturage.

Ni inyungu yatangajwe kuri uyu wa 30 Kamena 2023 mu Nteko Rusange Ngarukamwaka ya COPEDU Plc yateraniye i Kigali.

Muri iyi nama abanyamigabane bagaragarijwe uburyo iki kigo cy'imari kiri gutera intambwe ishimishije, cyane cyane hashingiwe ku byagezweho mu mwaka ushize.

Aba banyamigabane kandi bashimiwe ubwitange bwabo ku bijyanye n'umusanzu ku mushinga w'inyubako y'icyicaro gikuru cya COPEDU Plc, batangarizwa ko inyingo yo ku rwego rwa mbere yarangije gukorwa.

Umuyobozi w'Inama y'Ubutegetsi ya COPEDU Plc, Nyiraneza Vestine yibukije abitabiriye iyi nteko ko umugambi w'iki kigo ari uwo kuba banki y'abagore y'icyitegererezo muri Afurika.

Nyiraneza yaberetse ko kugira ngo bigerweho hasabwa ibintu byinshi birimo ubwitange, gukorera hamwe nk'abayobozi, abakozi n'abanyamigabane kugira ngo serivisi zihabwa abakiliya zirusheho kubanogera.

Ati 'Turasabwa kandi gukorera mu mucyo no kuba inyangamugayo twirinda gushyira imbere inyungu z'abantu ku giti cyabo buri rwego rukubahiriza inshingano zarwo.

Yakomeje ati 'Ibyo byose bigomba gukorwa hafatwa ibyemezo bidashingiye ku marangamutima ahubwo bigafatwa hakurikijwe amategeko. Bigakorwa hitawe ku nyungu rusange COPEDU Plc yihaye n'ibyifuzo by'abanyamigabane bayo'.

Umuyobozi Mukuru wa COPEDU Plc, Muyango Raïssa yagaragaje ko umutungo w'iki kigo wiyongereye ku ijanisha rya 18% naho inguzanyo ziri mu bakiliya zo ziyongereyeho 23%.

Yavuze ko kandi umwaka ushize iki kigo cy'imari cyashyize imbaraga mu ikoranabuhanga ryorohereza abakiliya kubona serivise batavuye aho bari.

Yagize ati 'Mu mwaka ushize twatangije ikoranabuhanga rya 'Mobile & Internet Banking', aho umukiliya wacu ashobora kubona serivise z'ibanze atavunitse nko kugura umuriro, kwushyura amazi n'ibindi. Ashobora kandi kwakira cyangwa kohereza agera kuri miliyoni 10Rwf akoreshesheje uburyo bwa eKash mu zindi banki cyangwa akohereza arenze ayo akoresheje uburyo bwa RIPPS'.

Muyango yongeyeho ko iki kigo cyashyize imbaranga mu bukangurambaga no kwegera abakiliya kikabigisha uko bakoresha neza inguzanyo n'izindi serivise zatuma ibikorwa byabo birushaho gutera imbere.

Mu mwaka ushize kandi COPEDU Plc yagize uruhare mu bindi bikorwa biteza imbere umuryango nyarwanda, nko gushishikariza abagore gutinyuka imirimo ibyara inyungu no gukorana n'ibigo by'imari.

COPEDU Plc ni ikigo cy'imari kimaze imyaka irenga 26 gitanga serivisi zo kuzigama n'inguzanyo, aho kuri ubu gifite amashami 11 hirya no hino mu Gihugu kandi icyenda muri yo akaba ayoborwa n'abagore.

Nanone kandi 70% by'imigabane ya COPEDU Plc, ifitwe n'abagore ndetse na Komite Nyobozi yayo igizwe n'ubwiganze bw'abagore ku kigero cya 66%, ndetse 63% by'abakozi bose ni abagore.

Abanyamigabane ba COPEDU Plc beretswe ko iki kigo gihagaze neza

Umuyobozi Mukuru wa COPEDU Plc, Muyango Raïssa yagaragaje ko umutungo w'iki kigo wiyongereye ku ijanisha rya 18%

Umuyobozi w'Inama y'Ubutegetsi ya COPEDU Plc, Nyiraneza Vestine yavuze ko umugambi w'iki kigo ari uwo kuba banki y'abagore y'icyitegererezo muri Afurika.

Mu 2023 COPEDU Plc yungutse arenga miliyari 2,3 Frw

Amakuru y'ubu butumwa bwa Sheikh Tamim bin Hamad Al Thani yatangajwe n'Ibiro Ntaramakuru bya Qatar. Byatangaje ko ubu butumwa bwohererejwe Perezida Kagame kuri uyu wa Mbere tariki 1 Nyakanga mu 2024.

Uretse Sheikh Tamim bin Hamad Al Thani, Minisitiri w'Intebe wa Qatar akaba na Minisitiri w'Ububanyi n'Amahanga, Sheikh Mohammed bin Abdulrahman bin Jassim Al-Thani, nawe yoherereje mugenzi we, Dr Edouard Ngirente ubutumwa bwo kwifatanya n'u Rwanda kuri uyu munsi w'ubwigenge.

Imyaka 62 irashize u Rwanda rubonye ubwigenge. Rwahawe ubwigenge tariki 1 Nyakanga 1962, rumaze indi myaka isaga 40 mu maboko y'u Bubiligi, byitwa ko ari indagizo. Ni ukuvuga ko u Rwanda rwagengwaga na Loni (byatangiye yitwa SDN) ariko ikaruha u Bubuligi ngo buyireberere.

Umwami Mutara III Rudahigwa yatanze mu 1959 yaratangiye kuvuganira u Rwanda hirya no hino ngo rubone ubwigenge ariko uburyo yashakagamo ubwigenge, ntabwo bwashimishaga Ababiligi ari nabyo bikekwa ko byamuhitanye. Itariki ntarengwa yo guha u Rwanda n'u Burundi ubwigenge yagizwe iya 1 Nyakanga 1962

Muri Gashyantare 1962 muri Loni habereye Inteko rusange yigaga ku kibazo cy'ubwigenge bw'u Rwanda n'u Burundi. Itariki ntarengwa yo guha u Rwanda n'u Burundi ubwigenge yagizwe iya 1 Nyakanga 1962, aba ariko binagenda.

Sheikh Tamim bin Hamad Al Thani wifatanyije n'u Rwanda asanzwe ari inshuti yarwo y'akadasohoka.

Kugeza ubu u Rwanda rufitanye umubano na Qatar ushingiye ku bintu bitandukanye, aho indege za Qatar Airways zikora ingendo zihuza imijyi ya Doha na Kigali.

Qatar Airways kandi yasinyanye amasezerano y'ubufatanye na Leta y'u Rwanda, ajyanye no kugira imigabane ingana na 60% mu Kibuga Mpuzamahanga kiri kubakwa mu Karere ka Bugesera kizaba gifite agaciro ka miliyari 1,3$, kikazaba cyakira abantu miliyoni zirindwi ku mwaka mu cyiciro cya mbere na miliyoni 14 mu cyiciro cya kabiri.

Umubano w'ibihugu byombi watangiye gutera imbere cyane mu 2015, aho Ku wa 26 Gicurasi muri uwo mwaka, ibihugu byombi byashyize umukono ku masezerano y'ubufatanye mu birebana no kurwanya ibiyobyabwenge. Aya masezerano yari yahujwe n'inama yigaga ku bibazo biterwa n'ikwirakwizwa ry'ibiyobyabwenge (Qatar International Anti-Drug Forum) yaberaga i Doha muri icyo gihugu.

Kuva mu 2017, ibihugu byombi byarushijeho kugana mu cyerekezo kizima. Muri Gicurasi uwo mwaka, byasinye amasezerano yo gushyiraho imikoranire mu bya dipolomasi.

Mu 2018, Abakuru b'Ibihugu batangiye gukora ingendo zigamije kunoza umubano uhuriweho.

Perezida Paul Kagame yagiriye uruzinduko i Doha muri Qatar inshuro ebyiri mu myaka ibiri mu gihe mugenzi we, Umuyobozi w'Ikirenga, Emir wa Qatar, Sheikh Tamim Bin Hamad Al Thani na we yasuye u Rwanda inshuro ebyiri mu 2019.

Muri uru ruzinduko rwamaze iminsi itatu hasinywe amasezerano y'ubufatanye mu ngeri enye zirimo imikoranire mu rwego rw'umuco, muri siporo, mu bukerarugendo n'ibikorwa by'ubucuruzi ndetse n'ingendo zo mu kirere.

Uyu muyobozi ari kumwe na Perezida Kagame kandi basuye Pariki y'Igihugu y'Akagera ubu irimo inyamaswa eshanu zikomeye kurusha izindi ari zo Intare, Inzovu, Ingwe, Inkura n'Imbogo.

Muri Nyakanga 2021, hatashywe ku mugaragaro inyubako nshya ya Ambasade ya Qatar mu Rwanda.

Muri Gashyantare mu 2024 Perezida Kagame yagiranye ibiganiro na Sheikh Tamim bin Hamad Al Thani, byagarutse ku mubano w'ibihugu byombi no ku bibazo by'akarere na mpuzamahanga. Emir wa Qatar yakiriye Perezida Kagame mu biro bye, Lusail Palace.

Sheikh Tamim bin Hamad Al Thani asanzwe ari inshuti y'u Rwanda

Sheikh Tamim bin Hamad wa Qatar yifatanyije n'u Rwanda mu kwizihiza ubwigenge

Umwe mu mishinga minini rufite ni uko mu 2030, u Rwanda ruzaba rumaze kugabanya 38% by'umwuka wangiza ikirere rwohereza mu kirere, rukeneyemo miliyari 11$, Minisiteri y'Ibidukikije iteganya imishinga myinshi mu kubungabunga ibidukikije n'umutungo kamere.

Ni gahunda igamije kubungabunga ibidukikije, byasugira na byo bikabyazwa umusaruro ya ntego y'iterambere rirambye ikagerwaho n'uru rwego rubigizemo uruhare.

Ni na gahunda Umuryango FPR-Inkotanyi wimirije imbere kuko ugaragaza ko mu myaka itanu iri imbere mu gihe umukandida wayo ku mwanya w'Umukuru w'Igihugu azaba yatowe, ruzateza imbere uru rwego mu mishinga itandukanye.

Mu bizakorwa by'ibanze ni uguteza imbere ubucukuzi bw'amabuye y'agaciro bugakorwa kinyamwuga, ikoranabuhanga ribigizemo uruhare rwa mbere.

Biteganywa ko izo gahunda zizafasha kugira ngo umusaruro uturuka mu bucukuzi ugere kuri miliyari 1,8$ ku mwaka mu 2029 uvuye kuri miliyari 1,1$ uriho uyu munsi.

Ni ibintu bishoboka cyane kuko u Rwanda rukize kuri uwo mutungo, ikibazo kikaba ikoranabuhanga ryifashishwa rikiri hasi, aho utagerwaho wose uko wakabaye ndetse n'uwabonetse umwinshi ukagenda mu myanda.

Uwahoze ari Umuyobozi w'Ikigo cy'Igihugu gishinzwe Mine, Peteroli na Gaz, RMB; Ambasaderi Yamina Karitanyi, yigeze kuvuga ko mu butaka bw'u Rwanda harimo amabuye abarirwa agaciro ka miliyari 150$. Iyo ugereranyije miliyari 1,1$ ziboneka uyu munsi usanga ari igitonyanga mu nyanja.

Ibi bizajyana kandi n'ubushakashatsi bucukumbuye mu gihugu hose kugira ngo hamenyekane ingano, ubwoko n'ubwiza bw'umutungo nyakuri w'amabuye y'agaciro, kariyeri, peteroli na gazi u Rwanda rufite, n'uburyo bwo kuwucunga neza no kuwubyaza umusaruro.

Bizajyana kandi no gukomeza kubahiriza umutekano w'abakora mu bucukuzi bw'amabuye y'agaciro, na cyane ko umubare w'ababukoramo uzaba warazamutse ukava ku barenga ibihumbi 70 babukoramo ubu.

Muri iyi myaka itanu iri imbere kandi uburyo bwo gucunga amashyamba hakoreshwa ikoranabuhanga, buzakomeza kunozwa ari na ko hanongerwa ibiti. Muri icyo gihe hazaba hatewe ibiti birenga miliyoni 300 mu gihugu hose.

Birimo ibiti gakondo ibivangwa n'imyaka, ibyera imbuto ziribwa n'ibirimbisha imijyi, bigakorwa hanegerezwa abaturage ingemwe zigezweho kugeza ku rwego rw'akagari.

Imikoreshereze y'ubutaka na yo iri mu bintu bizibandwaho cyane kuko byagaragaye ko iyo umuntu ateshutse uretse kubutakaza ubwabwo, bigira n'ingaruka zishyira ku kubura ubuzima bw'abantu.

Ibiza byabaye muri Gicurasi 2023 mu bice by'Amajyaruguru, Uburengerazuba n'Amajyepfo bigahitana abarenga 135, byatanze isomo rikomeye, ku buryo muri iyi myaka iri imbere hagaragazwa ko hazihutishwa ishyirwa mu bikorwa ry'imishinga ijyanye no kurwanya ibiza cyane cyane mu bice by'Amajyaruguru n'Iburengerazuba, n'ahandi hakunda kwibasirwa na byo.

Bizakorwa hongerwa imbaraga n'ubushobozi mu mishinga igamije kubungabunga ibyogogo, kurwanya isuri no kurinda inkengero z'imigezi n'ibiyaga, aho ubuso burenga hegitari ibihumbi 300 buzarwanywaho isuri buvuye ku burenga ibihumbi 130 ubu bumaze gukorwaho amaterasi.

Mu myaka itanu iri imbere kandi ishoramari rirengera ibidukikije kugira ngo hagabanywe imyotsi ihumanya ikerere ku kigero cya 38% rizongerwa, muri wa mushinga u Rwanda rukeneyemo arenga miliyari 11$ ngo ushyirwe mu bikorwa.

Muri gahunda yo kubungabunga ibishanga n'ibiyaga n'inkengero za byo no kubibyaza umusaruro mu buryo butangiza ibidukikije harimo, gushyiraho igishushanyo mbonera gicukumbuye cy'ibishanga mu gihugu.

Ku ikubitiro hazaherwa ku byamaze gukorerwa inyingo nk'ibishanga bitanu byo mu Mujyi wa Kigali biri ku buso bwa hegitari 408, birimo icya Gikondo, icya Rwampara, icya Rugenge-Rwintare, icya Kibumba n'Igishanga cya Nyabugogo.

Ibi bishanga Ikigo gishinzwe kurengera Ibidukikije mu Rwanda, REMA giherutse gutangaza ko bizatwara arenga miliyoni 80$.
Birimo kandi n'Igishanga cya Mukungwa kizatwara miliyari 10 Frw n'ibindi byihutirwa byakorewe inyigo, bikazajya bitunganywa ku buryo biba pariki nk'imwe ya Nyandungu ku bayizi.

Imishinga y'imijyi irengera ibidukikije izashyirwa mu bikorwa haherewe ku wa Green City Kigali, uzasiga hubatswe inzu zizagenerwa abaturage bari hagati y'ibihumbi 170 n'ibihumbi 200.

Uyu munsinga uzubakwa mu Murenge wa Kinyinya uzakorerwa ku buso bungana na hegitari 600, mu gihe ibikorwaremezo byo bizubakwa kuri hegitari 16, ukazatwara arenga miliyoni 85$.

Ibyo bikorwa byose bizunganira nu kubaka ikusanyirizo rya kijyambere ritunganyirizwamo imyanda ihumanya ikomoka ku binyabutabire no kubaka ubushobozi bw'imicungire y'imyanda ihumanya ikomoka ku binyabutabire.

Umusaruro w’amabuye y’agaciro mu myaka itanu iri imbere uzagera kuri miliyari 1,8$

Biteganyijwe ko ibiti birenga miliyoni 300 bizaterwa mu myaka itanu iri imbere

Kuvugurura ibishanga bigahindurwa parike ni bimwe mu mishinga migari yitezwe mu myaka itanu iri imbere

Ni mu rugendo ibihugu bitandukanye byiyemeje gutangaho umusanzu wabyo kugira ngo hakomeze uburyo bwo kugabanya imyuka ihumanya ikirere, ikagira uruhare mu mihindagurikire y'ibihe bigateza imyuzure, umuyaga udasanzwe, ubushyuhe bukabije, amapfa n'inkongi zibasira amashyamba.

U Rwanda ruri ku mwanya wa karindwi ku rutonde rw'ibihugu bya Afurika birimo imodoka nyinshi zikoresha amashanyarazi, nk'uko Ikigo Rho Motion giheruka kubigaragaza.

Mu Rwanda habarizwa ibinyabiziga by'amoko yose bikoresha amashanyarazi, kuva kuri moto, imodoka nto z'amapine atatu ndetse n'imodoka nini, kugera no kuri bisi zitwara abantu mu buryo bwa rusange.

Muri rusange izo modoka ziriyongera kuko Leta yazikuriyeho umusoro ku nyongeragaciro, ibyuma bisimbura ibindi, batiri zazo n'ibikoresho bikenerwa mu kuzongeramo umuriro.

Urebye ku modoka za hybrids n'iza EVs, ziriyongera uko bwije n'uko bukeye ariko n'amakuru ajyanye na zo ntarasobanuka neza kuri benshi.

Mu bibazo bitandukanye benshi bazibazaho ni ukumenya izihendutse, iziramba, uko zisanwa, ububasha bwazo ku ngendo n'ibindi. IGIHE yateguye ibibazo bitanu byagufasha gusobanukirwa iby'ingenzi bitandukanya ubwo bwoko bw'imodoka bwombi.

Ni izihe zihenze hagati ya hybrids n'iza EVs?

Iyo ugereranya ikiguzi cy'imodoka za hybrids n'iza EVs, bisaba ko ubirebera mu buryo bubiri. Hari ikiguzi cyayo mu kuyigura, hakaba n'ikiguzi cyayo mu kuyitunga.

Mu kuzigura, akenshi igiciro cya hybrids kiba kiri hasi ugereranyije n'icya EVs.

Gusa iyo urebye mu kuzitunga, EVs zirahendutse ugereranyije na hybrids.

Ibi uraza kubyumva neza ku kibazo cya kabiri.

Zishyirwamo umuriro gute?

Aha ni ho itandukaniro ku giciro cyo gutunga iza hybrids n'iza EVs risobanukira, kuko hybrids zikenera amashanyarazi n'ibikomoka kuri Peteroli, mu gihe iza EVs zikenera amashanyarazi gusa.

Ibi nta mpaka bigibwaho, amashanyarazi arahendutse cyane ku buryo utagereranya ikiguzi cyayo n'icy'ibikomoka kuri Peteroli mu Rwanda.

Mu myaka itanu ishize, ikiguzi cy'ibikomoka kuri Peteroli mu Rwanda cyazamutseho 48.9%, mu gihe icy'amashanyarazi cyazamutseho 16.5%.

Nubwo ubwo bwoko bwombi buhendutse kubutunga kurusha imodoka zikoresha ibikomoka kuri Peteroli gusa, hybrids nazo kuzitunga birahenze ugereranyije n'iza EVs, kuko nk'urugendo rwatwara Rwf 100,000 wifashishije ibikomoka kuri Peteroli rwatwara RWf 17,000 gusa hakoreshejwe amashanyarazi.

Kuzisana bitandukana bite?

Imodoka za EVs zoroshye kuzibonera ibikoresho kandi kuzisana birahendutse ugereranyije n'iza hybrids.

Impamvu gusana hybrids bihenze, ni uko usanga hakenerwa ibikoresho nk'iby'imodoka zikoresha ibikomoka kuri Peteroli, hanakenerwa nk'ibya EVs. Urwo ruhurirane rutuma ikiguzi cyo gusana hybrids kiba kiri hejuru.

Hybrids zinanengwa ko inyinshi mu zizanwa ku isoko ry'u Rwanda ziba zarakoreshejwe ndetse zaragenze intera nini mu bihugu zakuwemo, bikazongerera ibyago byo kuba zakenera gusanwa kenshi no gusaza vuba.

Agaciro kazo gatandukanira he iyo zisubijwe ku isoko?

Bijyanye n'imbaraga zikomeje gushyirwa mu ikoreshwa n'izindi ngufu zitari izikomoka kuri Peteroli, imodoka za EVs iyo zisubijwe ku isoko ziba igifite agaciro kanini kuko ziri mu murongo w'izikenewe cyane.

Ni mu gihe hybrids bitekerezwa ko nazo hari igihe kizagera zigahagarikwa kuko zibarwa mu zigikoresha ibikomoka kuri Peteroli, nubwo zikoresha n'amashanyarazi.

Zibasha kugenda he?

Imodoka za Hybrids zishobora kugenda ahantu hose mu Rwanda, haba muri Kigali no mu Ntara, kuko mu gihugu hose hashobora kuboneka ibikomoka kuri Peteroli.

Kuri EVs, zigenda muri Kigali gusa cyangwa hafi cyane y'aho, kuko mu ntara hataragera 'stations' zo kwifashisha bazishyiramo amashanyarazi.

Icyakora urebye muri gahunda ya Leta, harimo kongera ibikorwaremezo bizakoreshwa mu gukoresha izi modoka.