Category: Uncategorized

Ibyo yabigarutseho ubwo hizihizwaga Umunsi Mpuzamahanga wahariwe Igiswahili, aho yagaragaje ko urebye uko urwo rurimi rukoreshwa kuri ubu ruhuza abantu kandi rukwiye kuba rukoreshwa cyane.

Yakomeje ati 'Ni ururimi rwagombaga guhuza Zanzibar na Tanganyika kandi rwabigezeho. Iyo urebye uburyo ruri gutera imbere sinzi niba hari ikindi wabigereranya…kandi ushobora kugisanga mu ndimi zacu zinyuranye mu buryo bumwe cyangwa ubundi.'

Yakomeje ati 'Igiswahili nk'ururimi ruhuza abantu kandi ni kimwe mu bintu byiza cyane kuko tubona ko ntacyo twakora tutuze ubumwe. Kunga ubumwe bisaba kuba muvuga ururimi rumwe mwumvikanaho, uko ni ko mukabasha gukorana ubushabitsi.'

Yagaragaje ko kuri ubu ibihugu byinshi byo muri Afurika y'Iburasirazuba bikoresha Igiswahili kuko byamaze kurufata nk'ururimi rwemewe muri ibyo bihugu, bikaba birwigisha mu mashuri ndetse rukaba ruri kugera no mu bindi bihugu bitandukanye byo muri Afurika.

Yavuze ko muri Loni hakoreshwa indimi esheshatu ariko ko bibabaje kubona Igiswahili kitari muri izo ndimi.

Ati 'Muri Loni dukoresha indimi esheshatu ariko birababaje kubona muri izo nta rurimi na rumwe rwo ku mugabane wa Afurika rurimo kandi ntekereza ko Igiswahili kiri kugera kuri urwo rwego, dutegereje kumva nibura mu nyubako ya Loni harimo abakora ubusemuzi mu Giswahili.'

Yakomeje agaragaza ko ururimi ari ingenzi cyane mu buzima bwa buri munsi kuko rufasha abantu kunga ubumwe, gukorana ibikorwa by'iterambere birimo ubucuruzi n'ibindi.

Ambasaderi Gatete yasangije abitabiriye uwo munsi uko yigeze kugira ikibazo cyo kuvugana n'umuntu wakoraga ikawa muri hoteli ariko bakaza kuba inshuti nubwo yakoreshaga Icyespanyolo bigatuma kumvikana bigorana, ashimangira ko iyo abantu bavuga ururimi rumwe babasha gukora itumanaho mu buryo bworoshye.

Yagaragaje ko mu gihe ibihugu bya Afurika byakomeza kwigisha ururimi rw'Igiswahili rwaba ururimi ruhuza uwo mugabane.

Yasabye gushyira imbaraga mu guteza imbere ururimi rw'Igiswahili ku buryo ruba urwa karindwi rukoreshwa mu Muryango w'Abibumbye nyuma y'Icyarabu, Igishinwa, Icyongereza, Igifaransa, Ikirusiya n'Icyespanyolo.

Umunyamabanga Nshingwabikorwa wa Komisiyo ya Loni ishinzwe Ubukungu muri Afurika (UNECA), Ambasaderi Claver Gatete, yaragagaje ko Igiswahili gikwiriye kuba ururimi rukoreshwa no muri Loni

Umukandida wa FPR Inkotanyi, Paul Kagame ibikorwa byo kwiyamamariza kongera kuba Perezida w’u Rwanda, uyu munsi yabikomereje Iburasirazuba mu Bugesera, nk’inshuro zabanje n’ubundi yari ashyigikiwe n’ibyamamare.

Kuri uyu wa Gatandatu tariki ya 6 Nyakanga, Perezida Kagame yiyamamarije Kindama muri Bugesera, umuhango witabiriwe n’abaturage benshi barimo n’ibyamamare.

Umuhanzi Tom Close akaba yaserukanye n’umugore Tricia Close baje gushyigikira Perezida Kagame, abinyujije ku mbuga nkoranyambaga ze yagize ati “gahunda ni 100%, isango ni tariki ya 15/7 (nibwo amatora azaba), igikumwe tukagitera ahari igipfunsi.”

Tom Close akaba atari we wenyine waserukanye n’umufasha we, na Isimbi Model n’umugabo we ukomoka muri Isiraheri, baserukanye mu mwambaro wanditseho ‘PK’ (Paul Kagame) ndetse hariho n’ifoto y’igipfunsi.

Ibindi byamamare byahagaragaye hari nka Patycope uzwiho cyane kuvuga rikijyana ku mbuga nkoranyambaga (influencer), umunyamideli Kate Bashabe, abahanzi King James, Knowless, Nyampinga w’u Rwanda 2016, Mutesi Jolly, umujyanama w’abahanzi Muyoboke Alex n’abandi benshi.

Tom Close n’umugore we Tricia ni uko baserutse

Isimbi Model n’umugabo we

Miss Mutesi Jolly yari ahari

Umunyamideli Kate Bashabe

King James na Knowless

Muyoboke Alex ni uko yaserutse

Ni mu rwego kandi rwo gufasha mu kuzamura umuziki w'u Rwanda haba ku ndirimbo zisanzwe cyangwa izihimbaza Imana.

Benshi mu bahanzi nyarwanda, basezeranije abafana babo kuzabagezaho ibyiza byinshi muri uyu mwaka, biteganijwe ko uzagaragaramo uburyohe bwinshi mu ruganda rw'imyidagaduro. Kugeza ubu rero, benshi muri bo bakomeje gushyira hanze umuziki mushya bijyanye n'uko ari n'ukwezi gushya.

Mu ndirimbo nyinshi nshya zimaze kujya hanze muri iki cyumweru, InyaRwanda yaguhitiyemo 10 gusa zagufasha kuryoherwa na weekend ya mbere y'ukwezi kwa Nyakanga mu mwaka wa 2024.

1.     Rwanda Shima — Tonzi, Gabby Kamanzi & Theo Bosebabireba

“>

Abahanzi batatu b’amazina akomeye mu muziki wo kuramya no guhimbaza Imana, aribo Tonzi, Gaby Kamanzi na Theo Bosebabireba, bahuriye mu ndirimbo bise “Rwanda Shima”, igaruka ku ishimwe riremereye bafite ku Mana kuko yahaye Abanyarwanda impano nziza ariyo Perezida Paul Kagame.

Ni indirimbo y’iminota 4 n’amasegonda 9, ikaba yageze hanze tariki 01 Nyakanga 2024. Aba bahanzi bayikoze mu rwego gushima Imana yahaye u Rwanda Umuyobozi mwiza Perezida Paul Kagame ndetse no gusaba Abanyarwanda kuzatora umuyobozi mwiza ubereye u Rwanda mu matora ya Perezida azaba kuwa 15 Nyakanga 2024.

2.     Indamutso — Nirere Shanel

“>

Umuhanzikazi uri mu bakomeye, Nirere Shanel yongeye gukora mu nganzo, ashishikariza Abanyarwanda gukomeza gushyigikira Perezida Paul Kagame, kubera ko ibikorwa amaze kubagezeho byivugira. Uyu muhanzikazi wamamaye mu ndirimbo zinyuranye nka 'Atura' muri iki gihe abarizwa muri Afurika y'Epfo nyuma y'igihe cyari gishize abarizwa mu Bufaransa.

Yabwiye InyaRwanda ko mu gihe gitambutse yagiye mu nganzo atekereza gukora indirimbo igaruka ku rugendo rw'u Rwanda nyuma y'imyaka 30 rubonye ubwigenge. Ni indirimbo ashyize hanze mu gihe Paul Kagame ahatanye mu matora y'Umukuru w'Igihugu azaba tariki 15 Nyakanga 2024. Nirere Shanel avuga ko iki gihangano cye kinashishiriza Abanyarwanda gushyigikira 'uwatugejeje kuri ibi byose'.

3.     Nzira – Amalon

“>

Nyuma y’amezi atatu ashyize hanze amajwi y’indirimbo yise ‘Stick On You,’ umuhanzi Amalon yongeye kwinjiza abanyarwanda by’umwihariko abakunzi b’ibihangano bye mu kwezi gushya, atangira Nyakanga abaha indirimbo y’urukundo yise ‘Nzira.’

4.     FPR ku Isonga — Theo Bosebabireba

“>

Umuhanzi uzwi cyane nka Theo Bosebabireba wamenyekanye mu bihangano nka ‘Bazaruhira ubusa,’ ‘Umunyamahirwe’ n’izindi, kuri iyi nshuro yagarukanye indirimbo yise ‘FPR ku Isonga,’ ikubiyemo ubutumwa bwo kwamamaza Umukandida wa FPR-Inkotanyi ku mwanya wa Perezida wa Repubulika, Kagame Paul mu matora azaba ku ya 15 Nyakanga 2024.

5.     Enyanya — Musinga Joe

“>

Umuhanzi Musinga Joe nawe yatangiye ukwezi akora mu nganzo, ashyira ahagaragara amashusho y’indirimbo ye nshya ‘Enyanya’ ikubiyemo ibigwi bya Perezida Kagame Paul wiyamamariza kongera kuyobora u Rwanda mu myaka itanu iri imbere.

6.     Amahitamo — Kibasumba Confiance ft Racine & Mr Kagame

“>

Umusizi Kibasumba Confiance yahurije umuraperi Racine numuhanzi Mr. Kagame mu gisigo gikoze mu buryo bw’indirimbo, acyita ‘Amahitamo.’ Iyi ndirimbo ikubiyemo ubutumwa buvuga ko amahitamo y’umuntu mu rukundo atijwe umurindi n’ifaranga aruta ibindi bintu byose birimo n’urukundo nyakuri.

7.     Ndashima — Freddy Don

“>

Umuhanzi mu muziki wo kuramya no guhimbaza Imana, Ndiho Freddy uzwi nka Freddy Don, uhimbaza Imana mu njyana ya Afrobeat, yashyize hanze indirimbo nshya y’amashusho yise “Ndagushima” ibumbatiye amashimwe y’ibyo Imana yamukoreye.

Indirimbo “Ndagushima” ni yo ya mbere Freddy Don ashyize hanze kuva ageze muri Canada – yagezeyo tariki 26 Kanama 2023, ahita anahategura igitaramo nyuma y’amezi 3 gusa. Ni we wayiyandikiye, hakaba harimo ubutumwa bw’ibyo “Imana yankoreye n’amashimwe”. Avuga ko amaze gukora indirimbo 7 ariko, “Ndagushima” ni yo ya mbere ashize hanze.

8.     Tuyobowe n'Intare — Ngabo Wa Mugabo

“>

Niba uri gukurikiranira hafi ibikorwa byo kwiyamamaza kwa Perezida Kagame mu matora y’Umukuru w’Igihugu azaba ku ya 15 Nyakanga uyu mwaka, uzi neza ko yigeze gukomoza ku mvugo y’uko abanyarwanda bayobowe n’Intare ndetse ko nabo bakwiye kuba intare. Iyi mvugo niyo yabaye imvano y’inganzo y’indirimbo Ngabo wa Mugabo yise ‘Tuyobowe n’Intare.’ 

9.     Nta cyamunanira — Ambassadors of Christ Choir

“>

Imwe muri korali ziri ku rwego mpuzamahanga mu Itorero ry’Abadiventiste b’Umunsi wa Karindwi mu Rwanda, Ambassadors of Christ Choir, bashyize hanze indirimbo yabo bise ‘Nta Cyamunanira’ ishimangia ubudahangarwa n’ubushobozi bw’Uwiteka ku bantu be.

10.  Mana yo mu Ijuru — Shalom Choir

“>

‘Mana yo mu ijuru,’ ni indirimbo nshya y’imwe muri korali zihagaze neza muri iki gihe mu ndirimbo zo kuramya no guhimbaza Imana.
    

Ubuyobozi bwa Rayon Sports buvuga ko umutoza mukuru azatangazwa mu cyumweru gitaha, ari na bwo azatangira akazi.

Ejo hashize ku wa Gatanu tariki ya 5 Nyakanga 2024 ni bwo Rayon Sports yatangiye imyitozo yitegura umwaka w’imikino wa 2024-25 aho imyitozo yagaragayemo abakinnyi bashya yaguze.

Ni imyitozo yakoreshejwe n’umutoza w’ikipe ya Rayon Sports y’abagore, Rwaka Claude na Mazimpaka André uherutse gutangazwa nk’umutoza w’abanyezamu muri iyi kipe ni mu gihe iyi kipe itarabona umutoza mukuru.

Umuvugizi wa Rayon Sports, Ngabo Roben yavuze ko umutoza mushya w’ikipe azatangazwa mu cyumweru gitaha akaba ari nabwo azatangira akazi.

Ati 'Ntabwo byakunze ko dutangirana na 'staff technique’ tuzakorana mu mwaka utaha w’imikino yuzuye kuko murabizi ko hari byinshi byagiye bihinduka.'

“Murabizi ko kugeza ku itariki 15 z’ukwezi turangije hari undi mutoza twari dufite twaratandukanye ku mpamvu twagiye dusobanura. Umutoza wacu mushya n’abo bazakorana, byitezwe ko mu cyumweru gitaha ari bwo bazatangazwa ku mugaragaro, bakanatangira akazi'.

Agaruka kuri Omborenga Fitina utaratangiranye n’abandi imyitozo ari uko yahawe uruhushya rwo kugira ibyo ajya gukemura.

Ati “Omborenga Fitina ni umukinnyi wacu utakoze imyitozo kubera ko yasabye ubuyobozi uruhushya bitewe n’uko hari ibyo yagombaga kubanza gutunganya mu buzima bwe bwite kugira ngo atangirane na bagenzi be imyitozo ariko guhera ku munsi w’ejo azaba ahari'.

Ni imyitozo yakozwe n’abakinnyi 20 harimo amasura mashya y’abakinnyi baherutse kugurwa, barimo Ndayishimiye Richard, Niyonzima Olivier 'Seif’, Nshimiyimana Emmanuel 'Kabange’, Rukundo Abdul Rahman na Ndikuriyo Patient.

Omborenga Fitina ntabwo yatangiranye n’abandi imyitozo

Ngabo Roben yavuze ko umutoza azamenyekana mu cyumweru gitaha

Muri Handball bigeze hamwe umwana arira nyina ntiyumve, ikosa rimwe gusa Police HC yakora, uyu munsi APR HC yahita yegukana igikombe cya shampiyona ya 2024.

Uyu munsi nibwo hakinwa umukino wa kabiri wa kamarampaka “Playoffs” muri Handball, umukino Police HC isabwa gutsinda APR HC kugira ngo hazabe undi mukino wa 3 ugena utwara igikombe.

Aya makipe yombi yahuriye ku mukino wa nyuma wa kamarampaka aho asabwa gutanguranwa imikino 2 muri 3 igomba gukinwa.

Umukino wa mbere wabaye, Police yaje kwikura mu kibuga nyuma yo kutishimira imisifurire, yatewe mpaga kuri uyu mukino.

Bivuze ko bagiye gukina APR iri imbere n’intsinzi y’umukino umwe, irasabwa gutsinda uyu munsi ubundi igahita yegukana igikombe cya shampiyona ya 2024.

Ni umukino uteganyijwe uyu munsi saa 15:30′ kuri Kigali Pelé Stadium. Uyu mukino urabanzirizwa n’uw’umwanya wa 3 uhuza Gicumbi HT na ES Kigoma saa 14h00′.

Police HC na APR HC ziratana mu mitwe