Category: Uncategorized

Ibi byagezweho nyuma y'uko itariki ya 27 Kamena 2018, yabaye iy'amateka akomeye ku Banyarwanda aho Perezida Kagame, yafunguye ku mugaragaro ibikorwa bya Volkswagen byo guteranyiriza imodoka zayo mu Rwanda.

Icyo gihe VW yahise ishinga ibigo bibiri biyishamikiyeho barimo Volkswagen Mobility Solutions Rwanda itanga serivisi zijyanye no gukodesha imodoka izwi nka 'Move' n'ikindi cya CFAO Mobility Rwanda Ltd, aricyo gifite inshingano zo guteranya imodoka za VW i Kigali.

Kuva icyo gihe, uwavuga ko ibikorwa byivugira ntiwamuveba. Ubu usigaye utambuka mu muhanda ukabona umubare munini w'imodoka za VW bitandukanye n'uko byahoze mbere.

Uyu ni umwaka wa gatandatu, ibikorwa by'uru ruganda bitangiye. IGIHE twararusuye kugira ngo turebe inzira zikoreshwa mu guteranya imodoka n'ibisabwa byose kugira ngo ibe yashyirwa ku isoko.

Ubu uru ruganda rumaze guteranya imodoka za VW zo mu byiciro icyenda, birimo iza Virtus, T-Cross, Tiguan Allspace, Teramont, Amarok n'izindi.

Muri uru ruganda rwa CFAO Mobility Rwanda Ltd, Hagezwa ibice by'imodoka biba byarateranyirijwe muri Afurika y'Epfo ku rugero rwa 40%, ibisigaye byose bigasorezwa i Kigali. Ibi bikorerwa i Kigali bizwi nka 'Semi-Assembling' cyangwa 'SKD'.

Iyo izi modoka zamaze gupakururwa, hari icyuma cyabugenewe gihita gishyirwaho bya bice byaje biteranyije. Hahita hifashishwa ikindi gikoresho kizwi nka 'engine jig' kugira ngo moteri iteranywe neza inashyirwe mu modoka.

Buri moteri ya modeli runaka y'imodoka, igira 'Engine Jig' yayo yihariye. Buri bwoko bw'imodoka buba bufite igihe cyihariye cyagenwe cyo kurangiza kuyiteranya, ariko igihe rusange ni amasaha atandatu, gusa hakaba n'iziteranywa umunsi wose.

Imodoka imwe ikorwaho n'abatekinisiye babiri n'undi wa gatatu ukora nk'umugenzuzi. Ku munsi hateranywa imodoka ebyiri.

Iyo guhuza ibice by'imodoka birangiye hakurikiraho icyiciro cyo gusuzuma niba nta kibazo cya tekinike ifite nyuma yo gukorwa, hagakurikiraho icyiciro cyo gukora amatara y'imodoka no gusuzuma n'iba yaka neza.

Nyuma y'aho hakurikiraho gukuramo uburyo buba bwarashyizwemo bwo kuyigeza mu ruganda 'transport mode' hagashyirwamo uburyo busanzwe buyishoboza kugenda, akaba ari naho hashyirirwamo ikoranabuhanga ryabugenewe nka 'air-conditioning', 'cooling system' n'ibindi. Ibi bikorwa hifashishijwe mudasobwa.

Iyo ibi byose birangiye, imodoka ijyanwa mu cyiciro cya nyuma 'Audit Bay', ahasuzumirwa ibyakozwe byose niba byujuje ubuziranenge, igahita ijyanwa aharinganirizwa amapine, ibizwi nka 'wheel alignment'.

Imodoka ntishobora kurenga icyiciro kimwe itujuje ibihasabwa, ahubwo isubizwa inyuma kugira ngo bitunganywe.

Muri rusange imirimo ikorwa ku bice biba byazanywe mu Rwanda kugira ngo bivemo imodoka ni 60%, ariko nanone bigaterwa na modeli runaka y'imodoka kuko buri yose iba ifite umwihariko. Mu myaka itandatu ishize hamaze guteranywa imodoka zisaga 1,200.

Amaso ahanzwe ahazaza

Ubundi mu bindi bihugu, kugira ngo uruganda ruve ku guteranya ibikoresho bimwe by'imodoka 'Semi-Assembling' cyangwa 'SKD' rujye ku kuyiteranya yose 'Full-Assembling' cyangwa 'CKD' bigirwamo uruhare n'ingano y'imodoka ruba rusabwa gusohora.

Aganira na IGIHE, Umuyobozi ushinzwe ubucuruzi muri CFAO Motors, Mugabo Jean Luc, yagaragaje ko VW ibategeka kugurisha mu Rwanda gusa kuko ariho imodoka bateranya zemewe gusa bitewe na lisansi yaho, imihindagukire y'ikirere, imihanda, imisozi, n'ibindi.

Ati 'Mu bihugu by'ibituranyi ntibakoresha lisansi imwe nk'iyo dufite ku buryo yakoreshwa mu modoka za VW za hano, bigatuma zitagezwa ku isoko ryabyo kubera kwirinda ibibazo byinshi. Isoko rigarukira mu Rwanda kuko lisansi yaho itandukanye n'izindi.'

Mu rwego rwo guteza imbere ibikorerwa mu bihugu, zimwe muri gahunda z'uru ruganda harimo gukingurira amarembo mubihe bizaza inganda zikora ibikoresho by'imodoka mu gihe zaba zatangije ibikorwa mu Rwanda.

Mugabo ati 'Urugero, nk'ubu turamutse tugize inganda zikora amapine, batiri, ibirahure n'ibindi. Iyo zibonetse bifasha guteza imbere ibikorerwa mu gihugu, ikiba gisigaye kwaba ari ukureba niba biri ku rwego rw'ubuzirange rwa VW hanyuma hagatangizwa imikoranire.'

Hari kandi gahunda yo kwagura ahateranyirizwa imodoka, ku buryo hazajya hateranyirizwa izirenze ebyiri ku munsi, na gahunda yo gutangira kugurisha imodoka zikoresha amashanyarazi, kuri ubu amagerageza akaba yararangiye hasigaye gusa kubishyira mu bikorwa.

Iyi nyubako iherereye i Masororo, ikaba ikoreramo Volkswagen Mobility Solutions Rwanda na CFAO Mobility Rwanda Ltd

Iki ni igice cy’aharinganirizwa amapine y’imodoka muri uru ruganda

Iki gitabo kiba kirimo ibimeze nk’imirongo ngenderwaho ifasha umukanishi kutagira ikosa akora mu gihe ateranya imodoka

Umukanishi agenzura neza niba ibisabwa byose byakozwe mu guteranya imodoka

Aha ibice bimwe biba byamaze guteranywa biba byamaze gutanga ishusho y’imodoka hasigaye gukora ibindi bike

Umukozi ari kuzamura imodoka ku gikoresho cyizwi nka ‘Car hoist’ kugira ngo hagire ibitunganywa munsi yayo

Umukozi wo muri uru ruganda arimo arashyira moteri neza kuri 'Engine Jig' yayo mbere yo kuyishyira ku modoka

Iyi ni moteri y’imodoka mbere yo guhuzwa n’ibindi bice by’imodoka

Umukanishi arimo arafunga ibikoresho bya nyuma kuri moteri

Aha imodoka iba igeze mu cyiciro cya ‘Audit Bay’ aho iba igiye gukorerwa isuzuma rusange ngo harebwe niba byose byakozwe neza

Iyi modoka yitwa Tiguan Allspace, ikaba ari imwe mu ziteranyirizwa muri uru ruganda

Iyi yitwa Volkswagen Virtus, nayo ikaba ikorerwa muri uru ruganda

Amafoto: Kasiro Claude
Video: Rwibutso Jean D'amour

Aba banyeshuri barimo abahungu 91.189 n'abakobwa 111.810 basoje icyiciro cy'amashuri abanza bagiye gukora ibizamini bizatangira kuri uyu wa 8 Nyakanga 2024.

Biteganyijwe ko abayobozi mu nzego z'uburezi bazatangiza ku mugaragaro ibyo bizamini hirya no hino mu gihugu, Minisitiri w'Uburezi, Gaspard Twagirayezu, azatangiriza ibyo bizamini mu kigo cya GS Gisozi I giherereye mu Karere ka Gasabo mu gihe Umunyamabanga wa Leta muri MINEDUC, Irere Claudette, azaba ari mu Kigo cya GS Institute Filip Simaldone.

Abayobozi b'ibigo bishamikiye kuri Minisiteri y'Uburezi kandi nabo bazatangiriza ibi bizamini mu Ntara zitandukanye aho nk'Umuyobozi w'Ikigo gishinzwe Ibizamini n'Ubugenzuzi mu mashuri NESA, Dr. Bahati Bernard, azaba ari mu Karere ka Nyaruguru muri GS Muhambara naho Umuyobozi wa RTB, Eng. Paul Umukunzi azaba ari muri GS Rusongati yo muri Rubavu, Rose Baguma azaba ari muri GS Mayange mu Karere Bugesera mu gihe Umuyobozi wa REB, Dr. Nelson Mbarushimana azaba ari muri GS Nyakarenzo mu Karere ka Rusizi.

Ibizamini bisoza amashuri abanza biba bigizwe n'amasomo atanu arimo Imibare, Ikinyarwanda, Icyongereza, Ubumenyi n'Ikoranabuhanga (SET) n'Ubumenyi rusange n'iyobokamana.

Ibizamini bisoza amashuri abanza bizakorwa guhera ku wa 8-10 Nyakanga 2024, bikazakorerwa mu bigo bizakorerwaho ibizamini 1.118 hirya no hino mu gihugu.

Umwaka ushize Mineduc yagaragaje ko abakobwa bakunze gutsindira ku kigero cyo hejuru ugereranyije na basaza babo kuko mu banyeshuri bakoze ibizamini uko bari 201.679, hatsinze 91,09%, muri bo 55,29% bari abakobwa mu gihe 44.71% ari abahungu.

Imibare igaragaza ko Abanyeshuri bakoze ibizamini bya Leta bisoza amashuri abanza mu 2020/2021 bari 250.443, abatsinze neza ari ibihumbi 207.315 mu gihe abakoze muri 2021/2022 bari 227.720 hatsinda neza 206.286.

Abanyeshuri batsinze neza basanzwe bashimirwa na Minisiteri y'Uburezi ndetse kuri ubu yavuguruye uburyo byakorwagamo.

Ubusanzwe abanyeshuri bahize abandi ku rwego rw'igihugu batangazwa ku munsi wo gutangazaho amanota bagahembwa mudasobwa zizabafasha kwiga mu byiciro berekejemo, hongewemo rero ibikoresho by'ishuri ndetse no kwishyurirwa umwaka wose amafaranga y'ishuri mu bigo bagiye kwerekezamo.

Abarenga ibihumbi 200 bagiye gukora ibizamini bizosa amashuri abanza

Uyu muhuro wateguwe na Equity Bridges Initiative ugiye kuba ku nshuro ya kabiri uzatangira tariki 19 Nyakanga kugeza 27 Nyakanga 2024, uzakira abana 100 bari hagati y'imyaka 12 na 16 bazamara icyumweru bahugurirwa i Bugesera mu kigo Gasore Serge Foundation.

Rev. Pst Alain Numa yatangarije IGIHE ko mbere yo guhugura abandi bana hazabanza kubaho umwanya wo guhuriza hamwe abanyuze mu cyiciro cya mbere mu rwego rwo gusuzuma umusaruro w'ibyo bakoze mbere, ni igikorwa kizamara iminsi ibiri guhera tariki 19 -21 Nyakanga 2024

Ati 'Mbere y'uko twakira abana tuzabanza guhura n'abo twahuguye ku nshuro ya mbere, tuganire ture umusaruro wavuye mubyo twakoze, turebe bize iki?, ibyo twabigishije bari kubishyira mu bikorwa?, ubu babayeho bate ? n'ibindi.'

'Gusa muri rusange nkurikije ubutumwa nakira , ababyeyi bambwira ko banyuzwe cyane, hari n'abasaba kongera ko bagaruka, hari uwambwiye ko umwana we yari acecetse cyane ariko yagarutse asigaye yisanzura akavuga, n'ibyinshi, ibi rero biri mu byaduteye imbaraga zo kongera gutegura iyi gahunda.'

Uyu mubyeyi w'abana bane yakomeje avuga ko nta mubyeyi baka amafaranga yo kwita kuri aba bana dore ko bafite abaterankunga babafasha muri ibi bikorwa barimo Gasore Serge Foundation izita kuri aba bana mu cyumweru cyose , Kigali Universe izakira ibirori bisoza uyu muhuro, n'abandi.

Bimwe mu byo umwana yitwaza ni ibikoresho by'isuku, amashuka, n'imyenda ya siporo gusa.

Kuri iyi nshuro bimwe mu bizagarukwaho harimo kwigisha abana indagagaciro za Kinyarwanda n'izishingiye ku kwemera, imikoreshereze y'imbuga nkoranyambaga, ibirebana n'amahame y'uburinganire n'ubwuzuzanye, gukunda igihugu, isomo ry'ikinyarwanda, kwihangira imirimo no kumenya gutangira kwizigamira hakiri kare.

Nk'uko Rev. Alain Numa yabigarutseho uretse abarimu bazigisha aba bana hari n'abandi bazatanga ibiganiro barimo Coach Gael Karomba, ndetse n'abazaturuka muri Bank of Kigali, RNP [Rwanda National Police], MOD [Ministry Of Defense], MINUBUMWE, n'abandi.

Uyu mwiherero 'Boys To Men' ubwo wabaga ku nshuro ya mbere muri Kanama 2023, hakiriwe abana 55 baganirijwe n'abarimo Rev Dr Antoine Rutayisire, Umuyobozi w'Akarere ka Bugesera, Mutabazi Richard, n'abandi.

Rev. Pst Alain Numa yemeza ko ababyeyi bashimye iyi gahunda kuko yatumye abana babo bunguka ubundi bumenyi batari bafite, ndetse bakura mu mitekerereze

Mugisha Ian Numa wanyuze mu cyiciro cya mbere cya Boyz to Men avuga ko yavuyeyo yize byinshi birimo kumenya kwishakamo ibisubizo no kuganirira mu ruhame

Ibyo byagarutsweho mu bikorwa byo kwamamaza umukandida Paul Kagame w'Umuryango FPR Inkotanyi mu matora y'Umukuru w'Igihugu n'ay'Abadepite, byakomereje mu Murenge wa Kicukiro mu Karere ka Kicukiro mu Mujyi wa Kigali, ku wa Gatandatu tariki 6 Nyakanga 2024.

Ni ibikorwa byitabiriwe n'ibihumbi by'Abanyamuryango biyemeza gusigasira ibyo Umuryango FPR Inkotanyi wabagejejeho ndetse no kuzongera kuwutora kugira ngo bakomeze kugera ku iterambere ryifuzwa.

Abaturage bo Murenge wa Kicukiro bagaragaje ko bazatora FPR Inkotanyi yabubakiye amashuri ndetse ikanatanga amashanyarazi ku buryo usanga abantu baravuye mu bwigunge.

Urubyiruko narwo rwagaragaje ko rwiyemeje guhitamo gutora Paul Kagame 100% n'abadepite ba FPR Inkotanyi kugira ngo u Rwanda rukomeze gutera intambwe y'iterambere.

Rizatahabake Eustache wari ukuriye ibikorwa byo kwiyamamaza yagaragaje ko gutora abakandida depite ba FPR Inkotanyi no gutora Paul Kagame ku mwanya w'Umukuru w'Igihugu bigamije gushimangira iterambere ry'Igihugu.

Umwe mu bakandida depite b'Umuryango FPR Inkotanyi, Nkuranga Egide, yavuze ko Umuryango FPR Inkotanyi kuri wo imvugo ari yo ngiro bityo ko bakwiye kuwutora kugira ngo bakomeze kugera ku iterambere by'umwihariko ku rubyiruko.

Ati 'Bana bacu, rubyiruko ejo bundi mwumvise ibyo Chairman wacu yabibukije, yabibukije ko ari mwebwe mbaraga z'Igihugu kandi muzarinda ibyagezweho. Nimwe muzabirinda rero nta bandi. Ni yo mpamvu bari kubaremera imirimo ngo mukirigite ifaranga muzave mu bushomeri.'

Nkuranga yagaragaje ko mu Karere ka Kicukiro hakomeje gahunda yo kuvugurura igishushanyo mbonera kizifashishwa mu mu kunoza imiturire kandi buri wese azibonamo.

Ati 'Ntabwo bikiri ibanga mu Karere ka Kicukiro igishushanyo mbonera kiri kuvugururwa kugira ngo buri wese akibonemo. Murumva icyo mubivuga, bivuze ko ushaka guhinga bazahamwereka, ushaka kubaka inzu isobanutse na we bazahamuha. Ushaka kubaka inzu bitewe n'ubuyobozi bwe nawe azahabona.'

Yabwiye abanyamuryango ko bizeye ko bazatora FPR Inkotanyi kugira ngo imigabo n'imigambi by'ibyo yifuza kugeza ku banyarwanda bizagerweho muri iyi myaka itanu iri imbere.

Ati 'Kuri 15 Nyakanga 2024 rero inkoko niyo ngomba kandi turabizeye.'

Murumunawabo Cecile na we uri ku rutonde rw'Abakandida depite b'Umuryango FPR Inkotanyi, yavuze ko ubwitabire bw'abaje kwamamaza bigaragaza ko bazatora ku gipfunsi 100%.

Yagaragaje ko ibyo yasezeranyije Abanyarwanda mu 2017 byagezweho bityo ko n'ibyo arimo kubasezeranya muri manda y'imyaka itanu iri imbere nta gushidikanya ko bizagerwaho.

Urubyiruko narwo rwiyemeje kuzatora FPR Inkotanyi 100%

Abaturage bahize kuzatora Paul Kagame 100%

Abato baserutse by’umwihariko

Abinyujije ku rubuga rwa X, Minisitiri Nduhungirehe yavuze ko kuri uyu wa 6 Nyakanga 2024 yahuye na mugenzi we w'u Burundi, ati “Iyi ni yo gahunda: Reka dukemure ibibazo dufitanye mu buryo bwihuse kandi bwemeranyijweho n'impande zombi.”

Mu ifoto Minisitiri Nduhungirehe yasangije kuri urwo rubuga, igaragaza ari kumwe na Minisitiri Shingiro w'u Burundi ndetse n'Umunyamabanga wa Leta ushinzwe ubutwererane bw'Akarere muri Minisiteri y'Ububanyi n'Amahanga, Gen (Rtd) Kabarebe James baganira.

Umubano w'u Burundi n'u Rwanda wajemo agatotsi mu ntangiriro z'uyu mwaka nyuma y'igihe wari umaze warasubiye mu buryo, kuko na nyuma ya Coup d'etat yapfubye yo mu 2015, u Burundi bwashinje u Rwanda kubigiramo uruhare ndetse bufunga imipaka iza kongera gufungurwa mu 2022, nyuma y'ibiganiro byamaze igihe hagati y'impande zombi.

U Burundi bwongeye gufunga imipaka ibuhuza n'u Rwanda tariki ya 11 Mutarama 2024, nyuma y'aho Perezida Evariste Ndayishimiye ashinje u Rwanda gufasha umutwe witwaje intwaro wa RED Tabara, wagabye igitero muri zone Gatumba, intara ya Bujumbura.

Ni ikirego u Rwanda rwahakanye, rusobanura ko nta mutwe n'umwe urwanya ubutegetsi bw'u Burundi rufasha. Ibi byatangajwe n'ibiro by'Umuvugizi wa guverinoma.

Nta tangazo rimenyesha ifunga ry'imipaka u Burundi bwigeze bushyira hanze, ndetse Umuvugizi wa Guverinoma y'u Rwanda yatangaje ko u Rwanda rutigeze rumenyeshwa iki cyemezo.

Minisitiri Shingiro (ibumoso), Gen (Rtd) James Kabarebe (hagati) na Minisitiri Nduhungirehe (iburyo) bagiranye ibiganiro

Mu mwaka w'ingengo y'imari wa 2022/2023 u Rwanda rwohereje mu mahanga kawa irenga toni 20.000 yinjije miliyoni 115.9 $ [ni ukuvuga asaga miliyari 147 Frw], bigaragaza izamuka rya 53.39% ugereranyije n'umwaka wari wabanje aho yari yinjije miliyoni 75.5$.

Ikigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi [NAEB] kigaragaza ko kuva muri Nzeri 2022 kugeza muri Kamena 2023, hatewe ingemwe za kawa zisaga miliyoni 11.9.

Umunyamabanga Uhoraho muri Minisiteri y'Ubuhinzi n'Ubworozi, Dr Olivier Kamana, yavuze ko iki ari ikimenyetso cy'ingufu kawa yahawe mu Rwanda kuko mu myaka 30 ishize hatinjizwaga agera kuri miliyoni 20 z'amadorali ya Amerika ku mwaka.

Yabigarutseho kuri uyu wa Gatandatu tariki ya 06 Nyakanga 2024, mu muhango wo gusoza amarushanwa y'ubwiza bw'ikawa y'u Rwanda 'Best of Rwanda 2024'.

Ni amarushanwa yateguwe na NAEB n'abafatanyabikorwa bayo, mu rwego rwo gushimira abahinzi, abatunganya ikawa n'abayohereza mu mahanga, ku muhate bagira mu guteza imbere ikawa y'umwimerere ndetse no kumenyekanisha iy'u Rwanda ku ruhando mpuzamahanga.

Dr Kamana yagize ati 'Gahunda dufite ni ugukomeza guteza imbere kawa cyane cyane twibanda ku bwiza bwayo.'

Mu ntangiriro z'uyu mwaka Minisitiri w'Ubucuruzi n'Inganda Dr Ngabitsinze Jean Chrysostome, yatangaje ko kugira ngo kawa yiinjirize u Rwanda amadovize menshi hagomba kuvugururwa ibiti bingana na 26% bimaze imyaka 30, n'ibindi ibirenga 44% byo bimaze imyaka 20.

Ubu Minisiteri y'Ubuhinzi n'Ubworozi iri kwinjira muri gahunda ya gatanu yo kuvugurura ubuhinzi. Dr Kamana yavuze ko hazitabwa cyane mu kuvugurura ibiti bya kawa dore ko hari n'ibimaze imyaka 40.

Ati 'Ibiti dufite mu Rwanda bimaze imyaka myinshi hari ibirengeje imyaka 20, 30, ndetse hari n'ibyo usanga bifite imyaka 40. Ibyo biti turimo turabivugurura dufite umushinga mushya ukorera muri NAEB, uzafasha abahinzi kubona ingenzwe nziza.'

Dr Kamana, yagaragaje ko iyi ari imwe mu nzira izatuma umusaruro wa kawa wiyongera cyane, ugakomeza gutanga umusanzu mu kubaka ubukungu bw'igihugu.

Ati 'Turateganya ko umusaruro wakiyongeraho byibura 10% mu myaka itanu iri imbere.'

Kugeza ubu imibare yo mu 2023 igaragaza ko ubuso buhinzeho kawa mu Rwanda bugera kuri hegitari 42,229 zavuye kuri hegitari 39,844 zari zihinzeho kawa mu mwaka w'ingengo y'imari wa 2020/2021. Umusaruro ku giti kimwe cya kawa ukaba warageze bilo 2.6 mu mwaka w'ingengo y'imari wa 2022/2023.

Umunyamabanga Uhoraho muri Minisiteri y'Ubuhinzi n'Ubworozi, Dr Olivier Kamana, yavuze ko Kawa yahawe agaciro mu Rwanda

Aya marushanwa yitabiriwe n’abantu batandukanye barimo abahinga kawa, inganda ziyitunganya ndetse n’abayohereza hanze

Mu mwaka w'ingengo y'imari wa 2022-2023 u Rwanda rwohereje mu mahanga kawa irenga toni 20,000 yinjije miliyoni 115,9 $

Mu Rwanda hari ibiti bya kawa bifite imyaka irenga 40 bikeneye kuvugururwa mu myaka itanu iri imbere hagamijwe kongera umusaruro

Iteka rya Minisitiri w'Intebe n° 028/03 ryo ku wa 28/06/2024 rigena ryatangajwe mu igazeti ya Leta ku wa 3 Nyakanga 2024 niryo ryemeje ko Urwego rugenzura ibikorwa by'imikino y'amahirwe mu Rwanda ari RDB.

Iri teka rigaragaza ko byakozwe nyuma yo gusabwa na Minisiteri y'Ubucuruzi n'Inganda yari ifite inshingano zo kugenzura ibyo bikorwa ndetse bikanemezwa n'Inama y'Abaminisitiri yateranye ku wa 14 Kamena 2024.

Imikino y'amahirwe iri mu Rwanda nk'uko biteganywa n'itegeko ryo mu 2011 iri mu bwoko butanu ari bwo; tombola (Lottery), Casino, imikino ikorerwa ku mashini, imikino yo gutega n'imikino yo kuri Internet.

Imikino y'amahirwe yunguka mu buryo bwinshi; yishyura imisoro ku nyungu aho yishyura 13% ariko ikanishyura 15% ku batsindiye amafaranga guhera ku bihumbi 30Frw, nayo akajya muri leta nk'umusoro.

Hagati ya 45% na 55% ni amafaranga asubira mu bakinnye. Imikino y'amahirwe itanga akazi kuko ibigo byose bifite abakozi barenga 5000. Zikodesha inzu zirenga 520, imodoka n'ibindi.

Imikino y'amahirwe kandi igira uruhare mu kunganira ubwisungane mu kwivuza 'Mutuelle de Sante' kuko Itegeko ryateganyaga ko 10% by'amafaranga acibwa kuri serivisi zihabwa amasosiyete y'ubucuruzi akora ibikorwa by'imikino y'amahirwe yishyurwa Minisiteri ifite ubucuruzi mu nshingano akajya yunganira mutuelle.

Leta yakunze gusabwa gushyiraho ikigo cy'ubugenzuzi kigaca imashini z'imikino y'amahirwe zitemewe. Izi mashini usanga muri za boutique, zidasora, zidafite ibyangombwa ni zo abaturage birirwa binubira, inyinshi zizwi nk'ibiryabarezi.

Ubusanzwe mbere yo gukora imikino y'amahirwe uhabwa uruhushya (licence), aho ugiye gukorera naho uhasabira uburenganzira (permit), hagasurwa n'inzego zibishinzwe zikareba ko hujuje ibisabwa n'itegeko.

Umuntu ufashwe akora imikino y'amahirwe mu buryo butemewe n'amategeko ahanishwa amande ari hagati ya miliyoni ebyiri n'eshanu z'amafaranga y'u Rwanda no gufatira ibyo yakoreshaga.

Ni mu gihe ufashwe akora ibinyuranyije n'amategeko kandi afite uruhushya rwo gukora [akorera ahatemewe..], we ahanishwa amande kuva kuri 5% kugera ku 10% by'ayo yinjije ku mwaka, bivuze ngo iyo yinjije miliyoni 100Frw bashobora kumutwara kugera kuri miliyoni 10Frw.