Category: Uncategorized

Ari muri Kina Music yakoreyemo indirimbo ze zakunzwe nka ‘Mbikubwire’ yamamaye mu buryo bukomeye, ‘Isi’ n’izindi zinyuranye. Iyi myaka ibiri yabaye urugendo rudasanzwe kuri Dany Nanone, kuko ibihangano bamufashije gukora byatumye izina rye rikomera.

Ndetse muri iriya myaka yaragutse atangira no gukorana n’abandi bahanzi, binamufasha kwisanga mu bikorwa bikomeye by’umuziki byarimo na Primus Guma Guma Super Stars.

Mu kiganiro cyihariye na InyaRwnada, Dany Nanone yavuze ko n’uyu munsi iyo asubije inyuma amaso akibuka ibihe yagiriye muri Kina Music bituma yumva afitiye umwenda Ishimwe Karake Clement wayishinze.

Ati “Ni cyo gitangaje! Clement ni yo mpamvu mpora mushimira. Njye ntabwo yigeze ansinyisha amasezerano. Nta n’ikintu njyewe Clement yigeze anyungukamo. Ni kwa kundi nyine umuntu aba ari umugabo muri we, avuga ati njyewe reka ngufashe, kwa kundi umuntu aba ashaka ko utera imbere atitaye ku nyungu ze.”

Dany Nanone yavuze ko yatangiye gukorana na Kina Music guhera mu 2013 ayivamo mu 2015, kandi yari umuhanzi wemewe w’iyi Label. Yavuze ko yagiye ajya mu bitaramo kandi ‘nta munsi n’umwe Clement yigeze ambwira ngo tugabane’.

Uyu muraperi anavuga ko bwa mbere ajya mu irushanwa rya Primus Guma Guma Super Stars, yari muri Kina Music ariko ‘Clement ntiyigeze ambwira ngo dusinye amasezerano ugiye muri Guma Guma kuri iyi Miliyoni uhembwa uzajye umpaho, Oya!”

Dany avuga ko Clement yamukoreye indirimbo nziza kugeza ubwo bombi batandukanye, buri umwe akomeza gukora ibikorwa bye kugeza n’uyu munsi. Ati “Tunatandukanye, ntabwo byigeze biba ibibazo ngo mvuge twahanganye.”    

Uyu muraperi yavuze ko ubwo mu myaka itatu ishize yafataga icyemezo cyo kujya kwiga ku ishuri rya muzika rya Nyundo, yakomeje ibiganiro na Clement kugeza ubwo yanahuje imbaraga na Butera Knowless bongera gukorana indirimbo bise ‘Addicted’ n’ubwo itabashije kugera kure.

Yanavuze ko ubwo mu Ukuboza 2023 yateguraga igitaramo cyo kumurika Album ye yise ‘Iminsi myinshi’ yegereye Clement amusaba kumuha Butera Knowless akaririmba mu gitaramo cye, kandi byarakunze.

Ni ibintu avuga ko Clement yakiriye neza, ndetse ntiyigeze amwishyuza. Ati “Naramwegereye musaba Knowless kubera ko mu buryo bw’ibifatika ntabwo nari kubibona, ngo mwishyuye. Ntabwo nakubeshya. Urumva ni umuntu ukubikamo amadeni, ukavuga uti Clement ubundi bite”.

Asobanura Clement nk’umuntu ufite ‘umutima wo gufasha umuntu, wo gushyigikira abantu, umutima ushimishwa no gushyigikira abandi’.

Dany avuga ko kuva yatangira gukorera muri Kina Music kugeza ayivuyemo, Clement yamubaye hafi kugeza n’uyu munsi ‘kandi ndamushimira ku bwa buri kimwe’. Ati “Reka mboneraho mushimire.”

Yavuze ko nta n’uyu munsi bigoye gusobanura neza impamvu yavuye muri Kina Music, ariko kandi yibuka neza ko muri icyo gihe ari bwo iriya Label yatandukanye n’abarimo King James na Christopher.

Ati “Ntabwo nzi ikintu cyabaye! Ni ukuvuga ngo ntabwo nigeze mvugana na Clement, cyakoze habaye gutandukana n’abahanzi, bamwe baragenda, ariko Knowless yari atarazamo.” 

Dany Nanone yatangaje ko hagati ya 2013 na 2015 yakoreraga muri Kina Music nta masezerano afitemo

 

Dany yavuze ko yagiye muri Guma Guma Super Stars, Kina Music ntiyagira icyo imusaba bigendanye n’ibyo yinjizaga 

Dany yavuze ko gukorana indirimbo ‘Iri joro’ na Christopher biri mu byamwinjize muri Kina Music

Dany yashimye Ishimwe Karake Clement washinze Kina Music wamushyigikiye kuva atangiye urugendo rw'umuziki

KANDA HANO UREBE IKIGANIRO TWAGIRANYE NA DANNY NANONE- REBAKU MUNOTA WA 40 AVUGA UKO YAMAZE IMYAKA 2 MURI KINA MUSIC KANDA 

KANDA HANO UREBE AMASHUSHO Y’INDIRIMBO ‘AMANOTA’ YA DANY NANONE

KANDA HANO UREBE INDIRIMBO ‘MBIKUBWIRE’ DANY YAKOREYE MURI KINA MUSIC

HANO UREBE AMASHUSHO Y’INDIRIMBO ‘IRI JORO’ DANY YAKORANYE NA CHRISTOPHER 

“>

Hip Hop ifatwa n'ibihumbi by'abantu nk'umuco, ahanini biturutse ku butumwa n'imyitwarire abayikora bagaragaza. Ni imwe mu njyana zikuze, ndetse abakora iyi njyana bagiye baca uduhigo ku Isi mu bihe bitandukanye.

Nk'ubu indirimbo y'umuraperi Kendrick Lamar yahimbye acyurira umuraperi mugenzi we Drake, yihariye imbuga z'abantu muri iki gihe.

Ibi na ko bimeze mu Rwanda, kuko ibihangano bya Hip Hop muri iki gihe birumvikana cyane, n'ubwo abaraperi bacyumvikana bavuga ko badahabwa ikaze cyane mu itangazamakuru.

Ku wa 31 Gicurasi 2024, umuraperi Riderman yatangaje isohoka rya Album 'Icyumba cy’amategeko' yakoranye n’umuraperi mugenzi we Bull Dogg. 

Ni ubwa mbere bombi bari bahuriye ku mushinga nk’uyu mu rwego rwo gushimangira ubushuti bwabo, no guha impano abakunzi babo cyane cyane abiheye injyana ya Hip Hop.

Riderman yavuze ko gukora iyi Album bise 'Icyumba cy'amategeko' bari bagamije 'guha abantu ibyo bari bakumbuye kandi natwe ubwacu twari dukumbuye gukorana'.

Ati 'Guhurira ku mushinga nk'uyu munini, ntabwo ari icyari kigamijwe ari amafaranga, ntabwo twajya mu byo twashoye cyangwa icyo tuzavanamo, icyo twari tugamije ni ugushimisha abantu.

Ni Album iriho kandi indirimbo bise ‘Miseke Igoramye’ yakozwe na Firstboy na Knoxbeat, ‘Amategeko 10’ yakozwe na Knoxbeat, ‘Nkubona Fo’ yakozwe na Dr Nganji ndetse na Knoxbeat, ‘Muba Nigga’ yakozwe na Knoxbeat ndetse na ‘Bakunda Abapfu’ yakozwe na Kdagreat na Knoxbeat.

Iherekejwe n’ibimenyetso birimo nk’icy’umusaraba, amataratara (Lunette) ndetse n’ikimenyetso cy’umunzani usobanura amategeko.

Umuraperi Kenny K-Shot nawe aherutse gutangaza ko ari gutegura gushyira hanze Album ya mbere yise 'Intare 2' ni nyuma ya Mixtape ya mbere yashyize hanze mu Ukwakira 2023 yise 'Intare 1' yariho indirimbo 10 zubakiye ku mudiho w'injyana ya Trap na Drill Music.

Ni mu gihe mu mpera z'icyumweru gishize, abaraperi bakomeye barimo Bull Dogg, Ish Kevin, White Monkey, Dr Nganji n'abandi bahuriye mu cyiswe 'I am Hip Hop Festival' cyabereye ahazwi nka Institut français du Rwanda. Ni iserukiramuco ryari rigamije guhuza abaraperi ndetse n'abafana babo, bakaganira kandi bagasabana.

Ni ubwa mbere ryari ribaye, mu gihe ryabanjirijwe n'ibindi bikorwa byabereye ahantu hanyuranye byagaragaje impano z'abarimo Bushali, B-Threy n'abandi.

Si ibi gusa, kuko umuraperi Ish Kevin aherutse gushyira ku isoko Extended Play yise 'Semana' Iriho indirimbo nka ‘Praying for My Downfall’, ‘Iki?’, ‘Bizima’ ndetse na ‘Bezos'.

Ni na ko bimeze kuri mugenzi we Bruce The 1 St nawe aherutse gusohora Extended Play iriho indirimbo nka 'Ni wowe’, ‘Ntibishoboka’, ‘Twabagarukiye’, ‘Turi Busy’, ‘Bake Beza’ n’izindi.

Ariko kandi umuraperi Green P aherutse kugaragaza ashyira hanze indirimbo nshya yise 'Muma Nigger', ndetse hari indirimo umuraperi Ama G The Black ari gutegura azahuriramo na Green P ndetse na AB Godwin.

Muri Mata 2024, Papa Cyangwe yasohoye Album ye ya mbere yise ‘Live and Die’ iriho indirimbo 12 yakoranyeho n’abarimo Alyn Sano, Bull Dogg, Kevin Kade, Bushali, Ish Kevin n’abandi banyuranye.

Uyu muraperi yamenyekanye cyane binyuze mu ndirimbo zirimo nka 'Mama Cyangwe”, “Ngaho”, “Nzoze”, “Sana”, “Bambe”, “Kunsutsu”, “Sitaki”, “We sha”, “Wajyaga he”, “Yale Yale”, “Nyonga” n'izindi.

Ku rundi ruhande, umuraperi P-Fla ari kwitegura kujya gutaramira i Dubai muri Leta Zunze Ubumwe z'Abarabu mu gitaramo cya mbere azaba ahakoreye.

Agiye gutamira muri kiriya gihugu abisikana n'umuraperi Kivumbi uherutse gutamira mu bihugu bitandukanye byo ku Mugabane w'u Burayi.

Uyu mwaka ushobora kuziharirwa n'abaraperi?

Mu 2023 hasohotse cyane Album z'abahanzi baririmba izindi njyana, byatumye benshi bagaragaza ko bakoze cyane kurusha abaraperi. Nibwo hasohotse Album z'abarimo Ruti Joel, Nel Ngabo, Butera Knowless, King James n'abandi.

Umuraperi Riderman aherutse gutangaza ko afatanyije na mugenzi we Bull Dogg, bagiye gukora igitaramo cyo kumurika Album yabo bise 'Icyumba cy'amategeko'.

Ni Album iriho indirimbo esheshatu zatumye benshi mu bafana babo, babasaba ko babategurira igitaramo cyihariye mu rwego rwo kuyumva byisumbuyeho.

Ni ubwa mbere aba bombi bahuriye ku mushinga nk'uyu wa Album, bigaragaza ubufatanye budasanzwe mu rugendo rw'abo rw'umuziki bamazemo imyaka irenga 10.

Bull Dogg aherutse kubwira InyaRwanda, ko ashingiye ku bikorwa azi abaraperi bagenzi be bafitanye, 2024 ishobora kuzaba umwaka w'abaraperi.

Ati 'Nkurikije aho ibintu bigeze, nakurikiza njyewe imishinga mfite, nkurikije n’imishinga mugenzi wanjye afite, ntekereza ko nihabamo ko iyo mishinga yose ijya hanze hazabamo ikintu cyiza, 2024 izaba ari umwaka wa Hip Hop.”

Bull Dogg avuga ko mu guhamya ko uyu mwaka ari uwa Hip Hop ari gutegura Album ye bwite izaba iriho indirimbo zinyuranye n’abandi bahanzi ashaka gushyira hanze muri uyu mwaka, ni mu gihe mugenzi we Riderman nawe ashaka gushyira hanze Album ye nshya.

Bull Dogg anavuga ko muri uyu mwaka abantu bakwiye kwitega Album y’itsinda rya Tuff Gang bamaze igihe bakoraho ahuriyeho n’abandi. Ati “Bibaye byiza yasohoka muri uyu mwaka.”

Hip Hop si injyana y'ibirara

Umuraperi Bull Dogg avuga ko Hip Hop atari injyana y’umujinya kandi si iy’ibirara nk’uko bikunze kuvugwa n’abantu benshi.

Asobanura Hip Hop nk’injyana y’ubutumwa, kandi ifasha benshi kuruhuka. Yavuze ko hari indirimbo ziri muri iyi njyana zigaruka ku rukundo, inkuru zitandukanye n’ibindi avuga ko bigaragaza ko iyi njyana atari iy’umujinya cyangwa y’ibirara.

Yunganirwa na mugenzi we Riderman usobanura ko ‘abatekereza ko Hip Hop ari injyana y’ibirara ni uko ari injiji bo ubwabo’. Ati “Nta njyana y’ibirara ibaho…”

Riderman atanga ingero z’abareperi bakomeye muri iki gihe kandi batagaragara mu isura y’ibirara, ahubwo ngo abavuga biriya ni ababa bagamije gupyinagaza iyi njyana aho gukora uko bashoboye kugira ngo bayirengere nk’uko izindi bimeze. Ati “Ni imyumvire ishaje, ni imyumvire irimo akantu k’ubujiji…”

Umuraperi Bull Dogg aherutse gutangaza ko ashingiye ku mezi atandatu ashize, 2024 ishobora kuzaba umwaka wa Hip Hop

Umuraperi Riderman aherutse kuvuga ko nyuma yo gusohora Album ‘Icyumba cy’amategeko’ ari gutegura Album ye nshya

Umuraperi Ish Kevin aherutse gushyira ku isoko Extended Play (EP) ye nshya yise ‘Semana’ 

Umuraperi Kivumbi King aherutse kumurika mu Burayi Album ye yise ‘Ganza’

  

Muri Gashyantare 2024, Papa Cyangwe yasohoye Album yise ‘Live and Die’ 

Umuraperi Bruce the 1St aherutse gushyira ku isoko EP ye yise ‘The 1st Style’

 

Muri Mata 2024, uyu muraperi yasohoye Album ye ya mbere yise ‘Live and Die’ iriho indirimbo 12 yakoranyeho n’abarimo Alyn Sano, Bull Dogg, Kevin Kade, Bushali, Ish Kevin n’abandi banyuranye. 

Umuraperi P-Fla ari kwitegura kujya gutaramira i Dubai ku nshuro ye ya mbere

Mu bihe bitandukanye, umuraperi Bull Dogg yagaragaje ko ashyigikiye abasore bashya muri Hip Hop barimo na Bruce the 1St 

KANDA HANO WUMVE EXTENDED PLAY YA BRUCE THE 1 ST

“>

KANDA HANO UBASHE KUMVA ALBUM ‘ICYUMBA CY’AMATEGEKO’
 “>

KANDA HANO UREBE IKIGANIRO TWAGIRANYE NA BULL DOGG NARIDERMAN

“>

Tariki 22 Kamena 2024, i Busogo kuri Stade y'Ishami rya Kaminuza y'u Rwanda riri i Musanze niho umukandida w'Umuryango FPR-Inkotanyi ku mwanya w'Umukuru w'Igihugu, Paul Kagame, yatangiriye ibikorwa bye byo kwiyamamaza, aho yakiriwe n'ibihumbi by'abaturage bari baje kumushyigikira.

Kuva icyo gihe, Perezida Kagame amaze kwiyamamariza kuri Site zinyuranye yakirwa n'ibihumbi by'abaturage biganjemo abanyamuryango ba FPR-Inkotanyi bahamya ko bazamutora 100%. Muri abo, harimo n'ibyamamare mu nzego zinyuranye bari kugendana na we mu bikorwa bye byo kwiyamamaze mu gihugu hose.

Ba Nyampinga rero nabo ntibasigaye inyuma kuko uko bwije n'uko bukeye amafoto yabo ndetse n'ubutumwa bwabo ku mpamvu bashyigikiye Paul Kagame bigenda bicicikana mu itangazamakuru no ku mbuga nkoranyambaga.

Muri abo, harimo Miss Naomie Nishimwe wabaye Nyampinga w'u Rwanda mu 2020. Ku ikubitiro, yagaragaje ko we n'umukunzi we bari inyuma ya Perezida Kagame abinyujije mu mafoto yashyize ku mbuga nkoranyambaga, bambaye imyenda iri mu mabara ya FPR-Inkotanyi.

Ubwo yakomozaga ku mpamvu ashyigikiye Paul Kagame, Mutesi Jolly wabaye Nyampinga w'u Rwanda mu 2016 yavuze ko biteye ishema ‘kuba umunyarwanda,' yongeraho ko mu bihe bitandukanye yabonye uburyo ibihumbi by’urubyiruko bashyigikiye Kandida Perezida Paul Kagame kandi ‘ni ibintu byishimira’.

Uyu mukobwa yavuze ko ibi ari igisobanuro cy’uko umuryango FPR-Inkotanyi ndetse na Paul Kagame ‘bahagarariye ibyo abanyarwanda bakeneye, bizera ko ubuzima bwabo butekanye kandi bakiteza imbere’. Yashimangiye ko amateka yo kwibohora yumvikanisha neza Demokarasi. 

Iradukunda Liliane wegukanye ikamba rya Miss Rwanda 2018, yavuze ko yari amaze igihe kinini ategereje ko igihe cy'amatora kigera akemererwa kugira amahitamo ku bayobozi bayobora u Rwanda kuko ari ubwa mbere azaba atoye.

Miss Iradukunda yavuze ko yishimiye kuba uyu munsi ari kwamamaza umukandida wa FPR-Inkotanyi ndetse akazagira n'uruhare mu kumuha ijwi rye. Yagaragaje Paul Kagame nk'umuyobozi afatiraho icyitegererezo.

Ati 'Ni ubwa mbere ngiye gutora, nari ntegereje igihe nk'iki ko kizagera nkaba natora umukandida wacu Paul Kagame wa FPR Inkotanyi.'

Miss Aurore Kayibanda wabaye Nyampinga w'u Rwanda mu 2013, avuga impamvu yahisemo gushyigikira umukandida wa FPR Inkotanyi, Paul Kagame mu bikorwa byo kwiyamamaza, yagize ati: “Icya mbere, yaduhaye igihugu kuko Abanyarwanda benshi bari mu buhunzi kandi batabyishimiye.”

Kuva ku munsi wa mbere wo kwiyamamaza kandi, Miss Uwase Muyango wabaye Nyampinga uberwa n'amafoto mu 2019 akaba  n'umugabo we Kimenyi Yves bakunze kugaragaza ko bashyigikiye Paul Kagame, haba mu mafoto, mu myambaro, mu butumwa bashyira ku mbuga nkoranyambaga n'ibindi.

Uwicyeza Pamella wabaye ikimenyabose ubwo yitabiraga irushanwa rya Miss Rwanda mu 2019 akaba ari n'umugore w'umuhanzi The Ben, akomeje kugaragara mu bikorwa byo kwiyamamaza kwa Kandida-Perezida Paul Kagame.

Mu butumwa yatanze yaragize ati: “Twebwe nk’urubyiruko yatugejeje ku bintu byinshi cyane cyane tutabona amagambo yabisobanura” 

Mu bandi ba Nyampinga bakomeje kuzengurukana n’Umukandida wa FPR Inkotanyi mu bikorwa byo kwiyamamaza harimo Miss Rwanda 2022, Nshuti Muheto Divine, Miss Kelia Ruzindana, Mutabazi Sabine n’abandi benshi.

Reba ba Nyampinga banyuranye mu bikorwa byo kwiyamamaza kwa Kandida-Perezida Paul Kagama mu mafoto:

Ubwitabire ni bwinshi ku bakobwa banyuze mu irushanwa rya Miss Rwanda mu myaka yatambutse

4 ×4 ni gahunda yo kongera umubare w'abaganga byibuze abarwayi 1000 bakabarirwa bane, kongera ibikorwaremezo by'ubuvuzi, indwara zikomeye zavurirwaga hanze bigakorerwa mu Rwanda n'ibindi.

Ni gahunda yatangiye gushyirwa mu bikorwa, kuko nk'ubu hari gahunda yo kongera umubare w'abarangiza kwiga mu mashuri y'ubuvuzi, ubuforomo n'ububyaza ku buryo bava ku 2000 bakagera ku 8000 buri mwaka.

Izo ndwara na zo zatangiye kuvurirwa mu Rwanda, uyu munsi gusimbuza impyiko, kubaga umutima, kureba imikuriye ya kanseri mu mubiri n'ibindi ubu biri gukorerwa mu Rwanda.

Ku bikorwaremezo na ho nubwo bisaba ingengo y'imari yihagazeho, ariko nko mu myaka irindwi ishize hakozwe, byinshi, hubakwa ibitaro bya Byumba, ibya Gatunda, Gatonde, Munini, Nyabikenke na Nyarugenge.

Iyo myaka isize ibitaro bya Kabgayi na Kibogora bivuguruwe, hubakwa ibyimukanwa bya Nyamata n'Ikigo cyihariye ku buzima bwo mu mutwe bya Kigali giherereye i Kinyinya.

Ibyo byose n'amavuriro mato n'ibigo nderabuzima byubatswe muri iyo myaka biri gufasha uru rwego ku buryo uyu munsi nta muntu ukirembera mu rugo ngo ni uko kugera ku ivuriro byasabye ibilometero.

Iyo urebye mu migabo n'imigambi ya FPR Inkotanyi ubona ko uwo muvuduko aho kugabanyuka ahubwo uzikuba, bijyanye n'imishinga yagutse uyu muryango watekereje ndetse kubishyira mu bikorwa bikaba bidashidikanywaho.

Mu myaka itanu iri imbere ugaragaraza ko ingingo y'ibikorwaremezo izakomeza kwimakazwa kuko hazagurwa bisa no kongera kubaka bushya, ibitaro bya Muhororo muri Ngororero, ibya Gisenyi ndetse bene iyo mirimo ku bya Masaka yo irarimbanyije.

Ikindi ni ukwimura no kwagura ibitaro bifatiye runini urwego rw'ubuzima mu Rwanda, birimo ibya Kaminuza bya Kigali bizimurirwa i Masaka, ibyitiriwe Umwami Faisal bizatangira kubakwa mu mpereza z'uyu mwaka bikasaziga byikubye hafi gatatu ndetse ari kaminuza y'ubuzima yujuje ibyangombwa.

Bizajyana no kuvugurura ibitaro bya, Ruhengeri, ibi byo amafaranga yanamaze no kuboneka, ibya Kabgayi, ibitaro bya Kacyiru, ibya Nyagatare, ibya Nyarugenge, Ibitaro bya Kaminuza bya Butare, ibya Kibagabaga n'ibya Muhima.

Kubaka ibikorwaremezo ni ingingo izitabwaho cyane kuko hazanashyirwaho Ikigo cy'Ubushakashatsi ku ndwara zandura, n'ibitaro byihariye bivura indwara z'umutima.

2029 izasiga n'Ibitaro bya Gisirikare by'u Rwanda bivuguruwe cyane ko na byo byabaye ibyigisha.

Bijyanye n'uko ibigo nderabuzima byamaze kugaragaza ubushobozi buri hejuru mu kwita ku Baturarwanda n'abanyamahanga babigana, 2029 izasiga bene ibyo bigo 14 byo hirya no hino mu gihugu bishyirwe ku rwego rw'ibitanga serivisi zo ku rwego rwa dogiteri ibizwi nka (medicalized health centre).

Uko bizubakwa ni na ko bizashyirwamo abaganga b'inzobere bahagije n'ibikoresho bijyanye n'igihe ari na ho uretse kuvura indwara byitezweho umusaruro urenze uwo.

Urimo ko abana bakingirwa bari 96% n'ababyeyi babyarira kwa muganga bari kuri 93% bose bazagera kuri 99%.

Ikindi ni uko uyu munsi hari intego ko abana bagwingiye bazava kuri 33%, imibare yagaragajwe mu 2020 igere kuri 15%, ingingo ikomeye cyane kuko umwana wagwingiye buriya kugira icyo amarira igihugu biba bigoye.

Iyi gahunda yo kwita ku buzima bw'Abaturarwanda kandi izanafasha kugabanya imfu z'ababyeyi bapfa babyara zive kuri 203 zigere kuri 60 ku bana ibihumbi 100 bavutse ari bazima.

Bizanakora kandi ku mfu z'impinja na zo zigabanuka zive ku 19 zigere ku 10 ku bana 1000 bavutse ari bazima, mu gihe iz'abataragera ku myaka itanu zizava kuri 45 zigere kuri 20 ku bana 1000 bavutse ari bazima.

Bijyanye n'uburyo Covid-19 yazambije ibintu byinshi cyane ko yari ije itunguranye, byasigiye amasomo menshi urwego rw'ubuzima ku buryo gahunda zo gukumira no kubaka ubushobozi bwo guhangana n'indwara zirimo n'ibyorezo, zikomeje gushyirwaho.

Mu gukomeza inzira yo kuvurira mu Rwanda indwara zikomeye, za zindi zijya kuvurirwa hanze, biteganywa ko 2029 izarangira hashyizweho ibigo bitanga serivisi z'ubuvuzi bw'indwara zihariye nka kanseri, umutima, impyiko n'ibindi.

Hazatezwa imbere ubuvuzi bw'indwara zihariye, hashyirwaho ibigo n'amavuriro bitanga serivisi zigezweho z'ubuvuzi bwihariye nk'ubwa kanseri, umutima, impyiko, ubuvuzi bw'abageze mu zabukuru n'ibindi.

Kuko bamaze kugaragaza ubushobozi buri hejuru, biteganyijwe ko iyi myaka itanu izasiga uru rwego ruvuguruwe abajyanama b'ubuzima bongererwe ubushobozi babashe gutanga serivisi z'ubuvuzi zegereye abaturage, bashyirwemo n'icyiciro cy'abanyamwuga bunganira amavuriro mato.

Ni urugendo ruzajyana no kwifashisha ikoranabuhanga rimwe ryanatangiye hano mu Rwanda nko kubagira umuntu hifashishijwe iya kure, ikoranabuhanga ryo kubaga abantu haciwe ahantu hato, iryo guhuriza intanga hanze y'umuntu IVF, iryo kubaga umuntu hagamijwe gukosora inenge n'ubwiza, iry'ubwenge buhangano ritarengejwe ingohe.

Hazongerwa inganda zitandukanye zikora imiti n'inkingo ziyongera ku rwa BioNTech, Akagera Medecines n'indi, muri wa mujyo wo korohereza abashoramari baza gushora imari mu Rwanda.

Serivisi zo kubungabunga ubuzima bwo mu mutwe, guha imbaraga ibwisungane mu kwivuza n'ubwishingizi bw'ubuzima bizatezwa imbere hongerwa umubare w'indwara zishingirwa.

2029 izasiga Ibitaro Byitiriwe Umwami Faisal byikubye gatatu ndetse ari kaminuza yigisha ubuvuzi

Abajyanama b’ubuzima biri gutekerezwa uko bubakirwa ubushobozi bakajya bafasha n’amavuriro mato

Ibitaro bya Kacyiru na byo biri mu bizagurwa

Mu myaka itanu iri imbere ibitaro bya Muhororo bizaba byarubatswe bushya

U Rwanda ruri gushyira ingufu mu kwita ku mikurire y’abana ku buryo mu myaka itanu iri imbere igwingira rizaba rigeze kuri 15%

Amafaranga yo kwagura Ibitaro bya Ruhengeri yamaze kuboneka

Ni umudugu ugizwe n'inzu 18 z'amagorofa, aho buri imwe igeretse gatatu (G+3). Iri kubakwa mu Murenge wa Gitega mu Kagari ka Akabahizi mu Mudugudu w'Ubwiyunge. Iri kubakwa n'Ingabo z'Igihugu mu mushinga wiswe 'Mpazi Rehousing Project' wo kwimura abari mu nzu zishyira ubuzima bwabo mu kaga hafi y'umugezi wa Mpazi bagatuzwa neza.

Ni imidugudu izaba irimo imihanda hagati, isoko, ubusitani buzaba bwarongewemo na internet ndetse n'amazi meza. Iyi midugugu kandi ni igice cya kabiri n'icya gatatu biri kubakirwa rimwe nyuma y'icyiciro cya mbere cy'igerageza kigizwe n'inzu eshanu zigeretse kabiri (G+2) cyubatswe mu 2021 abaturage bakaba batuyemo.

Iradukunda Patrick ukuriye uyu mushinga muri Sosiyete ya Gasabo 3D iwukorera ubugenzuzi yavuze ko uyu mushinga watangiye muri Werurwe ukaba uzarangira muri Kanama uyu mwaka, aho ubu imirimo yo kubaka igeze ku kigero hafi icya 70% ngo irangire.

Umuturage witwa Muneza Grâce uri mu bimuwe bategereje guhabwa inzu mu ziri kubakwa, avuga yishimiye kuba agiye gutuzwa muri izi nzu kuko yari asanzwe atuye mu nzu ishyira ubuzima bwe mu kaga.

Yagize ati 'Byonyine kuba ugiye gutura mu igorofa wararinyuragaho gusa utabona ubushobozi ni ikintu cyiza cyane. Nabaga mu nzu ishaje yubakishije ibiti kandi nta bushobozi twari dufite bwo kubaka izigezweho. Twabonye abimutse mbere batuye neza nyuma natwe Umujyi wa Kigali uraza udukorera igenagaciro turimuka ubu uradukodeshereza. Inzu nizuzura tuzaza baduhemo imiryango kandi ni inzu zikomeye rwose'.

Abimuwe mbere barashima

Abaturage bimuwe mu cyiciro cya mbere cy'igerageza ry'uyu munshinga babwiye IGIHE ko basabwa kwimuka batabyumvaga neza, ariko ko ubu bishimiye itandukaniro n'aho batuye.

Mutesi Vestine utuye mu Mudugugu w'Ubwiyunge kuva mu myaka irenga 20 yavuze ko gutuzwa neza byatabaye ubuzima bwabo.

Yagize ati 'Iyo imvura yagwaga wasangaga bimeze nabi kuko hari ruhurura yavaga mu mujyi yuzuraga, hari n'igihe yigeze kwinjira mu mazu iratobora. Hari n'umugezi wa Mpazi aha hepfo waruzuraga ugatwara ibintu byose hari n'abo wishe. Imiturire ya hano yari ikibazo kuko zari inzu zubakishije ibiti izindi ari ibyondo, washoboraga kubonamo n'iyo ukodesha ku 5000 Frw'.

Yakomeje ati 'Leta itubwira ko ishaka kutwimurira mu magorofa ntitwabyemeye twabanje kugira ngo igiye kutwimura mu mujyi, ariko yaraje iradukodeshereza mu mezi umunani inzu zari zuzuye tuzijyamo. Tuza twasinye amasezerano bakajya badusanira icyangiritse mu gihe cy'umwaka wose. Njye mfite iyi mbamo ariko bampaye n'izindi nkodesha kuko aho banyimuye naho nari mfite indi miryango. Twasabye n'ibyangombwa byazo ubu turabitegereje noneho zibe izacu burundu, turashima Leta yadutekereje'.

Manirakiza Samuel yagize ati 'Murabona ko dutuye ahantu heza, nk'umuntu wari ahazi mbere hano hitwaga 'de bandit' [ahantu h'amabandi] kubera indiri y'abajura bahabaga n'abakoreshaga ibiyobyabwenge. Twari utuzu tw'ibyondo imvura yaragwaga ukumva ntago uri buramuke. Izi nzu zifite ubwiherero n'ubwogero bwa buri muryango kandi n'umuntu aba afite mubazi ye y'umuriro'.

Ubuyobozi bw'Umujyi wa Kigali buvuga ko umushinga wo gutuza neza abaturage uzakomeza ndetse ko hari n'izindi nyigo zatangiye gukorwa z'ahandi uzakomereza. Uvuga kandi ko abaturage bimuwe bazahabwa ibyumba muri izo nzu hashingiwe ku igenagaciro buri umwe yakorewe yimurwa.

Inzu zisakaye zituwemo n’abaturage bimuwe mu cyiciro cya mbere

Uyu mudugudu uri kubakwa uturutse ahazwi nka ‘de bandit' kubera amabandi yahabarizwaga mbere

Hari kubakwa ikigega kizajya gitanga amazi meza ku bazatura muri iyi midugugu

Ahazubakwa isoko naho hamaze gusizwe

Ahazubakwa parking yo hanze hari gusizwa

Iradukunda Patrick yavuze ko ibikorwa byo kubaka uyu mudugudu bigeze hafi kuri 70% ngo birangire

Gashuri Lionel yavuze ko ikigega cya’amazi kiri kubakwa kizajyamo 2000m3 ku buryo mu gihe ahandi amazi abuze cyo cyamara ibyumweru bibiri abaturage bakivoma

Ni muri gahunda y'Ishami rya Polisi rishinzwe kurwanya inkongi n'ubutabazi (Fire & Rescue Brigade) irebana n'ubukangurambaga bwo gukumira no kurwanya inkongi, hongerwa umubare munini w'abaturarwanda bafite ubumenyi mu kwirinda no guhangana n'ingaruka zituruka ku nkongi.

Muri aya mahugurwa bahawe amasomo atandukanye arimo; ubumenyi rusange ku nkongi n'uburyo bwo kuzikumira, guhungisha abantu bari ahabereye inkongi, ubumenyi bwo kugenzura ibyateza inkongi, gukoresha ibizimyamuriro bitandukanye byifashishwa ahabaye inkongi n'ubutabazi bw'ibanze.

Ishami rya Polisi rishinzwe kurwanya inkongi n'ubutabazi rivuga ko iyi gahunda yo gukangurira abantu benshi kwirinda impanuka binyujijwe mu mahugrwa abafasha kugira ubumenyi bwo gukumira no kurwanya inkongi izakomeza, kuko biri mu bigabanya inkongi ziba n'ibihombo ziteza birimo kwangirika kw'ibikorwaremezo n'abantu bazitakarizamo ubuzima.

Uyu musore usanzwe akora ubucuruzi yagaragaje ko gushyiraho ibigo byita ku kwigisha abana bo ku muhanda imyuga bizafasha mu gutuma nabo batanga umusanzu wabo mu iterambere ry'Igihugu hamwe nubwo bumenyi n'uburere baba barahawe, maze babe igisubizo ku gihugu aho kuba ikibazo.

Abakandida depite mu cyiciro cyihariye batangiye ibikorwa byo kwiyamamaza ku wa 2 Nyakanga, bikazasozwa ku wa 13 Nyakanga 2024.

Mateka Ibrahim yagaragaje ko nyuma yo kwiyumvamo ko yagira umusanzu mu guteza imbere igihugu kandi akagira uruhare mu gukurikirana no gushyira mu bikorwa ibigiteza imbere byatumye yiyemeza guhatanira kwinjira mu Nteko.

Mu Kiganiro na IGIHE, Mateka Ibrahim, yagaragaje ko mu byo azashyiramo imbaraga mu gihe yaba atorewe kuba umudepite birimo gusaba ko hashyirwaho ibigo bishinzwe gukurikirana bikanatanga ubumenyi ngiro ku bana bo mu mihanda ndetse n'abana b'imfubyi.

Ati 'Impamvu nabitekereje ni ukubera ko abana bo mu mihanda bagenda biyongera kubera ingaruka z'ibibazo byo mu miryango cyangwa se ingaruka zo gukoresha ibiyobyabwenge, kandi mu by'ukuri bafashwe bakitabwaho bagahabwa n'ubumenyi ngiro, isoko ry'umurimo ry'igihugu ryakaguka bikongera umusanzu muri wa muvuduko w'iterambere igihugu cyacu kiriho.'

Yagaragaje kandi gukora ubuvugizi ku nzego zibishinzwe hakongerwa inguzanyo zihabwa urubyiruko, hakagabanywa inyungu zitangwa ariko rukongererwa igihe cyo kuzishyura.

Hari kandi kurushaho kuzirikana kuvuganira urubyiruko ndetse n'abandi Banyarwanda bafite ubumuga harebwa ko hashyirwaho uburyo butandukanye bwo kuborohereza guhabwa serivisi.

Yemeza kandi ko azashyira imbaraga mu kwimakaza ihame ry'uburinganire n'ubwuzuzanye, kuvuganira urubyiruko rukoroherezwa kugera kuri z'ubwishingizi bwo kwivuza.

Ku birebana no kwigisha urubyiruko ururimi rw'Ikinyarwanda kandi Mateka agaragaza ko hakiri icyuho bityo ko natorwa azaharanira ko hashyirwaho gahunda zitandukanye zifasha urubyiruko kurushaho gusobanukirwa ururimi rwabo ndetse n'umuco nyarwanda.

Nk'umuntu uzaba yinjiye mu Nteko Ishinga Amategeko ahagarariye urubyiruko kandi yemeza ko azaharanira guteza imbere impano z'urubyiruko hifashishwa abaterankunga n'abafatanyabikorwa banyuranye.

Amatora y'Abadepite mu byiciro byihariye ateganyijwe ku wa 16 Nyakanga 2024.

Mateka yemeza ko yiteguye guhagararira urubyiruko mu Nteko