Category: Uncategorized

Mu ijoro ryo kuri uyu wa Gatanu tariki 19 Nyakanga 2024, mu nyubako ya Camp Kigali, niho Dorcy Rugamba yamurikiye igitabo cye yise 'Hewa Rwanda: Lettre aux absents' gishingiye ku nkuru y'umuryango we.

Muri iki gitabo hakubiyemo ibice bibiri birimo uko mbere ya Jenoside yakorewe Abatutsi mu Rwanda umuryango we ndetse n’umurwango nyarwanda wari ubanye, na nyuma y’uko ubuzima buhagaze nyuma y’uko benshi muri uyu muryango warangwaga n’urukundo bishwe.

Nyuma gato yo kumurika igitabo, InyaRwanda yashatse kumenya urwibutso Dorcy Rugamba afite ku muryango we by’umwihariko, maze ahera ku babyeyi be avuga ku byo yabigiyeho akomeje kugenderaho n’uyu munsi.

Avuga kuri Se, Rugamba Cyprien yagize ati: “Rugamba icyo namuvugaho, nzi ko yari umuntu ugira ishyaka cyane, yadutoje yuko iyo ufite ikintu wiyemeje ugomba kugikora uko byagenda kose. Nicyo gituma mvuga ngo umuntu ntagenda ngo ahere, agenda yaragusigiye nk’ikintu cy’uburere ugomba kumukurikizaho. 

Yari umuntu wakundaga intore cyane, nawe akaba intore, agakunda umuco w’abanyarwanda kubera ko yatekerezaga ko uwo muco utagomba gucika, ko igihugu kidafite umuco kiba kibaye nk’igito kiranduwe, nkamwibukira ko ari umuntu wakundaga abantu b’ingeri zose. Ashobora gusabana n’abana bato n’abasaza, abakomeye n’abatishoboye.”

Avuga ko icyo yibukira ku babyeyi be bombi ari uko bari babanye kandi bahuje, bagahurira no mu isengesho nubwo Rugamba we hari igihe yabayeho atemera Imana ariko akaza kuyemera ‘kubera urukundo.’ 

Icyo yibukira kuri Mama we ni uko ari umuntu wagiraga urukundo cyane, agakunda abantu kandi akagira n’impuhwe kuko ntiyashoboraga umwana uwo ari we wese ubabaye ngo abyihanganire, ibyatumye anashinga umuryango wita ku bana bo mu muhanda.

Uyu mubyeyi ngo yari afite ukwemera gukomeye kwamufashaga kurenga ibibazo bikomeye yahuraga na byo. Ikindi Dorcy amwibukiraho ni ukwitanga kwe gukomeye kwatumye anareka kwigisha (yari umwalimu) kugira ngo yite ku bana be.

Mu gitabo cye, Dorcy agaruka no ku buryo yashatse guhindura imyemerere ajya mu idini ya Islam, bikabanza kugora ababyeyi be kubyumva, ariko nyuma bakaza kumwumva.

Dorcy kandi, yagarutse ku rwibutso afite ku bavandimwe be batandatu bishwe, avuga ko urupfu bishwe rwamubabaje cyane yatekerezaga ko bo bagifite igihe kinini imbere, ariko abicanyi bakabambura ubuzima imburagihe.

yagize ati: “Urupfu rw’abana rero ruragoye cyane kuko bo ubuzima bwabo bwari bugitangira, umwana muto w’iwacu yari afite imyaka 7, iyo mbitekerejeho numva ari ibintu biremereye cyane kuko ubu ngubu wenda yakagombye kuba ari umubyeyi afite n’abana.”

Yasobanuye ko yabagarutseho mu gitabo yanditse, kuko kuba yarabuze abavandimwe batandatu bose bakicirwa umunsi umwe, ari ibintu bikomeye atatekerezaga. Yongeyeho ko kuri ubu afite abana kandi bazi ko bafite benewabo batakiriho, ashimangira ko ari ngombwa ko babamenya nubwo batagize amahirwe yo kubamenya bakiriho. 

Dorcy Rugamba, umuhungu wa Rugamba Sipiriyani yagarutse ku rwibutso afite ku banyamuryango be bishwe muri Jenoside yakorewe Abatutsi

Rugamba Sipiriyani, umufasha we Daphrosse Rugamba, abana babo batandatu ndetse n’undi mwana umwe wo mu muryango wabo wari waraye muri urwo rugo biciwe umunsi umwe

Barangwaga n’urukundo n’impuhwe

Bamwe mu bitabiriye bagaragaza ko banyuzwe n'uburyo iri Serukiramuco mu myaka 10 buri mwaka rigarukana umwiharuko utandukanye n'ibyo babonye mu gihe cyashize ndetse.

Iri serukiramuco ryatagiye tariki 19 Nyakanga 2024, ribera ku rwibutso rya Jenoside rwa Kigali ruri ku Gisozi , kuri uyu munsi wa kabiri tariki 20 Nyakanga abaryitabiriye  batahanye akanyamuneza ku maso nyuma yo kunyurwa n'ubutumwa buri mu buhanzi yatanze.

Cecile Duval waturutse mu Bufaransa  yabwiye InyaRwanda ko uretse kuba yakunze uburyo yakiriwe mu Rwanda ariko yakunze uburyo abategura iri serukiramuco babikoze mu buryo buhuza abantu baturutse hirya ni hino ku buryo bisanga babaye umwe binyuze mu buhanzi.

Ati 'Nageze mu Rwanda muri Mata , nitabiriye ibikorwa bitandukanye birimo n'ibijyanye na gahunda zo Kwibuka Jenoside yakorewe Abatutsi, ubu naje muri iri Serukiramuo nk'umuhanzi natunguwe cyane.'

'Ni ubwa mbere ntaramiye mu Rwanda , gusa nakunze umwihariko w'iri Serukiramuco , uburyo rihuza abantu , usanga twabaye umwe , turaganira , mbese uba wumva utari wenyine uri kumwe n'abandi watwawe n'imikino bakina cyangwa imbyino bwakereka.'

Cecile Duval wo mu Bufaransa  yishimiwe na benshi binyuze mu muvugo  yise ‘Esther 21’ aho yagaragaje ibibazo by’ivanguramoko, gufata ku ngufu n’ingaruka zabyo.

Abandi  bahanzi  n'abanyabugeni banyuze ku rubyiniro barimo Moses wo muri Kosovo wishimiwe cyane binyuze mu mukino yakinnye yise 'Waiting for Train' .

Itsinda Iron Skulls co ryo muri Espagne,  babanje guhura n'abanyempano bakiri bato bo mu Rwanda bahuriye kuri Club Rafiki babahugura ku bijyanye n'imbyino zitandukanye.

Abandi bakoze kuri uyu munsi  wa kabiri barimo  The Stages Theatre Group itsinda ry'ababyinnyi bo muri Sri Lanka  bakinnye umukino bise 'Patterns of Our Genocides'.

Mu myaka 10 y'iri serukiramuco 'Ubumuntu' ryagize uruhare mu guteza imbere ubuhanzi, riba urubuga rwo kugaragaza no kuganira ku bibazo byugarije sosiyete n'imico y'abantu batandukanye kandi rikagaragaza icyakorwa mu gukemura ibi bibazo.

Kuri iyi nshuro Ubumuntu Arts Festival yitabiriwe n'abahanzi bo mu bihugu birimo Repubulika Iharanira Demokarasi ya Congo, Pakistan, u Burundi, Uganda, Leta Zunze Ubumwe za Amerika, Afurika y’Epfo, Tanzania, Kenya n'abandi.

Mu gihe cy'iminsi 10 rizamara  rizarangwa n'ibikorwa birimo kuganira ku ngingo zinyuranye, nk'ubuzima bwo mu mutwe, ibiganiro ku buhanzi, kumurika ibihangano binyuranye, ikoranabuhanga mu buhanzi n'ibindi binyuranye.

 

Akanyamuneza kari kose ku bitabiriye umunsi wa kabiri wa Ubumuntu Arts Festival

Cecile Duval wo mu Bufaransa  yishimiwe na benshi binyuze mu muvugo  yise ‘Esther 21’ aho yagaragaje ibibazo by’ivanguramoko, gufata ku ngufu n’ingaruka zabyo

Folaranmi Folayan niwe wari uyoboye ibirori by’umusi wa kabiri wa Ubumuntu Arts Festival

Ubumuntu Arts Festival yabaye urubuga rwo kugaragaza no kuganira ku bibazo byugarije sosiyete n'imico y'abantu batandukanye, kandi rikagaragaza icyakorwa mu gukemura ibi bibazo

Abitabiriye Ubumuntu Arts Festival batashye banyuzwe

Mu minsi 10  iri serukiramuco rizarangwa n'ibikorwa birimo kuganira ku ngingo zinyuranye, nk'ubuzima bwo mu mutwe, ibiganiro ku buhanzi, n’ibindi

Moses wo muri Kosovo yishimiwe cyane binyuze mu mukino yakinnye yise 'Waiting for Train' 

REBA HANO UKO UMUNSI WA MBERE W’IRI SERUKIRAMUCO WAGENZE

“>

HEC nirwo rwego rwa leta rushinzwe guha abize hanze ibyangombwa uwize mu mahanga ahabwa nyuma yo kubona ko amasomo yize ahuye na gahunda z'imyigishirize yo mu Rwanda.

Impamvu hashyizweho iyo gahunda ni uko HEC yagenzuye igasanga hari amanyanga n'amakosa yewe n'ibyaha bikorwa n'abavuga ko bize hanze rimwe na rimwe ugasanga ni ukubeshya batarigeze bagerayo.

Hari n'ubwo n'abagezeyo bitahurwa ko uburezi bahawe bunyuranyijwe na gahunda y'imyigishirize mu Rwanda, ibituma izo mpamyabumenyi zabo zikemangwa.

Mu bisabwa ngo harebwe koko ko umuntu yize bya nyabyo mu gihugu agaragaza ko yizemo, harimo nk'indangamanota, inyandiko z'ingendo nka za viza, ibyemezo byemerera umuntu gutura mu gihugu runaka, impamyabumenyi bakuye muri ayo mashuri makuru na za kaminuza byo mu mahanga n'ibindi.

Icyakora kuri iyi nshuro HEC igaragaza ko mu byangombwa abasaba 'équivalence' batanga harimo kunyuranya rimwe na rimwe bakagaragaza ko nk'inyandiko z'inzira nka viza cyangwa impushya zo kuba aho bize basabwa kuba bafite, ntazo bafite kubw'impamvu bita ko zumvikana.

Ni impamvu bagaragaza ko zishingiye ku kuba barabaye mu bihugu bitandukanye, ahubwo bakagaragaza urwandiko rutangwa ari uko amasomo asojwe ruzwi nka 'Attestation de Résidence'.

Icyakora HEC ibyo ntibyumva kuko mu itangazo yashyize hanze ivuga ko abo bize hanze bashaka équivalence', bagomba 'kugaragaza uruhushya rwabemereraga gutura mu gihugu bizemo rwemewe aho kuba iriya 'Attestation de Résidence', itangwa nyuma y'isozwa ry'amasomo.'

Iti 'Tuributsa abantu ko bagomba kwitonda mu gihe basaba 'équivalence' z'impamyabushobozi/impamyabumenyi zabo bakuye mu mahanga, kuko uzafatwa yahimbye inyandiko cyangwa yakoresheje izitemewe n'amategeko azahanwa nk'uko amategeko abiteganya.'

Hashize iminsi HEC ihura n'ibibazo by'abavuga ko bimwe 'équivalence', icyakora yasesengura igasanga abenshi bataranageze mu bihugu bavuga ko bizemo, ibigaragaza ko ibyo byangombwa byabo ari ibihimbano.

Muri Gashyantare 2024 HEC mu bushakashatsi yakoreye ku bantu 1000 bayisabye 'équivalence', iyi nama yagaragaje ko abagera ku 10% ari bo bageze mu bihugu bavuga ko bakuyemo impamyabumenyi.

Icyo gihe HEC yagaragaje ko hari n'abagaragaza ko bagiye kwiga mu bihe bya Covid-19 kandi imipaka yari ifunze.

Icyo gihe Umuyobozi Mukuru wa HEC, Dr Rose Mukankomeje, yavuze ko hari amakuru bafite ko hari abatagera mu ishuri abandi bakageramo inshuro zibaze aho kwiga no guharanira kugira ubumenyi, bagashyira imbaraga mu gushaka ibyangombwa mpimbano.

Ati 'Bicara aha bakatuzanira impapuro ngo bazivanye mu ishuri kandi bigaragara ko ari izo wenda bikoreshereje cyangwa se baragiyeyo gake. Twaje kuvumbura bimwe muri ibyo aho tubona abantu bashaka impapuro aho gushaka ubumenyi.'

Yavuze ko bageze aho bagasaba ko mu byo 'baduha bazajya bashyiramo n'impapuro zo bambukiyeho, kuko byoroha mu kwandikira ishuri bagaragaza ko bizemo.'

Ni ibibazo bigaragara mu nzego zitandukanye na Minisiteri y'Ubuzima idasigaye, kuko nko muri Gashyantare 2024, iyi minisiteri yigeze gutangaza ko hari abize ubuvuzi baba abaganga, abaforomo, ababyaza n'abandi barenga 200 biganjemo abize mu bihugu by'ibituranyi bataremererwa kujya mu mwuga ku bw'ibibazo bitandukanye birimo n'abagaragaje ko bafite impamyabumenyi z'ubuvuzi kandi batarabwize.

Umuyobozi Mukuru wa HEC, Dr Rose Mukankomeje agaragaza ko mu byangombwa by’abavuga ko bize mu mahanga hajemo amanyanga menshi ari yo mpamvu biyemeje kubikurikirana bitomoye

Minisiteri y'Ingabo mu Rwanda ibinyujije kuri konti yayo ya X, tariki 20 Nyakanga 2024, yatangaje ko Umugaba w'Ingabo zirwanira ku Butaka, Maj Gen Vincent Nyakarundi yitabiriye inama nyunguranabitekerezo y'Abayobozi Bakuru b'Ingabo i Rennes mu Bufaransa yiga ku mahoro, umutekano n'urubyiruko.

Ubu butumwa bukomeza buti 'Nyuma y'iyi nama, Maj Gen Nyakarundi yagiranye ibiganiro na mugenzi we w'u Bufaransa, Gen Pierre Schill, anitabira umuhango wo gutanga impamyabumenyi mu Ishuri rya Gisirikare rya Saint-Cyr Coëtquidan, aho yahuye n'Umunyarwanda, Furaha Jean Paul Kabera, urangije umwaka wa mbere muri iryo shuri.'

Rwanda Defence Force Army Chief of Staff (ACOS), Maj Gen Vincent Nyakarundi attended a Symposium of Army Chiefs of Staff in Rennes, France, focused on Peace, Security, and Youth Commitment. Later, he held bilateral talks with his French counterpart, Gen Pierre Schill and attended… pic.twitter.com/HTMo3MxLPT

— Rwanda Defence Force (@RwandaMoD) July 20, 2024

U Rwanda n'u Bufaransa bisanganywe umubano n'ubufatanye mu bya gisirikare ndetse impande zombi ziherutse gushyira umukono ku masezerano akubiyemo imirongo migari igenga ubwo butwererane.

Maj Gen Vincent Nyakarundi yitabiriye inama nyunguranabitekerezo mu Bufaransa

Maj Gen Nyakarundi yanaganiriye na mugenzi we wu Bufaransa, Gen Pierre Schill

Byabereye mu Mudugudu wa Winkamba, Akagari ka Buvungira Umurenge wa Bushekeli, ku wa 20 Nyakanga 2024.

Aba baturage barimo abavuka muri aka karere n'abavuye mu karere ka Nyamagabe bajya gushakira imibereho mu bucukuzi butemewe bw'amabuye y'agaciro muri uyu murenge.

Bandetse Elias wavuye mu karere ka Nyamagabe yabwiye IGIHE ko bamaze ibyumweru bitatu bakorera Hakizimana ndetse ko bari barumvikanye ko zahabu niboneka bazajya bagurisha bakabagana ariko ngo yabahaye make.

Ati 'Zahabu twarayibonye ayigurisha 3 200 000Frw muri izo miliyoni 3Frw yaduhayemo ibihumbi 500Frw byonyine , niyo mpamvu natwe twaje aha kwishakiramo ayacu'.

Nyandwi Simeon utuye hafi y'ahakorerwa ubu bucukuzi butemewe yavuze ko mu gihe ubuyobozi butahagurukira iki kibazo, byakomeza guteza umutekano muke muri aka gace.

Aba bacukuzi babikora basaba Hakizimana ko niba ashaka ko bava mu isambu ye yabahemba bagasiba ibinogo bamaze gucukura.

Hakizimana Antoine ushinjwa n'aba bacukuzi ko yabakoresheje ntabahembe, arabihakana akavuga abo bacukuzi bavogereye ishyamba rye.

Hakizimana avuga ko nyuma yo kubona iki kibazo yakigejeje ku buyobozi no ku rwego rw'igihugu rushinzwe ubugenzacyaha RIB yishinganisha anashinganisha ishyamba rye riri kwangizwa n'abakora ubucukuzi butemewe.

Ati 'Ejobundi barayemo n'iri joro barayemo. Ko bavuga ko ari njye wabahaye akazi byanditse he ko arinjye ubahemba? Ibyo gucukuza amabuye y'agaciro njye ntabwo mbizi ndi umucuruzi wa butike'.

Hakizimana avuga ko atari kuba ariwe wagize uruhare mu gucukurisha mu isambu ye ngo ahindukire age kwishinganisha kuri RIB.

Ati 'Birambangamiye kuko bacukura zahabu bangiza inturusu zanjye kandi bakomeje no kuzangiza. Ubuyobozi ntabwo bwabahagaritse kandi nabimenyesheje abayobozi guhera ku muyobozi w'umudugudu'.

Umuyobozi w'Akarere ka Nyamasheke, Mupenzi Narcisse yatangaje ko amakuru y'izi mvururu bayamenye saa kumi n'ebyiri za mu gitondo avuga ko Hakizimana Antoine uhafite ubutaka yari amaze igihe amenye ko harimo zahabu akaba yari amaze iminsi ayicukura mu buryo butemewe n'amategeko nyuma n'abandi baza kubimenya.

Ati “Kugira ngo bimenyekane ni uko hagiyemo abantu benshi. Uwo muturage na we yari amaze igihe ahavumbuye amabuye avuga ko ari zahabu. Imvururu zaje kuhaba nizo zaje gutuma bimenyekana”.

Meya Mupenzi avuga ko ari Hakizimana, n'abo avuga ko bigabije ubutaka bwe, nta n'umwe waba ibyo yakoraga cyangwa ari gukora byemewe n'amategeko.

Ati “Ntekereza ko ntawaza kuvuga ko hari ibyo bumvikanye kandi bose ibyo bakoraga bitemewe. Buri umwe afite ibyo avuga ariko ntabwo twe twabifata nk'ukuri. Inzego ziracyabikoraho iperereza, icyo twabasabye ni ukubihagarika”.

Ubucukuzi butemewe n'amategeko bugira ingaruka zirimo kwangiza ibidukikije no guteza impanuka kuko ababukora ntibaba badafite ubwirinzi bw'ubuzima bwabo.

Ubwo hasozwaga iyo tombola yaberaga muri iri murikagurisha kuri uyu wa 20 Nyakanga 2024, umunyamahirwe wa kabiri yatsindiye itike y'indege ijya mu Misiri izaba iherekejwe n'ibikenerwa mu rugendo byose no gutemberezwa mu gihe kingana n'icyumweru.

Uyu munyamahirwe witwa Uwera Nyagasani yatsindiye iyi tike nyuma ya Mutoni Emeline Gazelle wayitsindiye mu cyumweru gishize aho abo bambi buri umwe azahitamo undi muntu bazajyana bose hamwe bakaba bane.

Ayo matike azaba agizwe n'amafaranga y'urugendo n'amafaranga yo gutemebera mu Misiri iminsi itanu, hoteli, amafunguro n'ibindi bikenerwa byose ndetse n'amatike yo kubagarura.

Umuhuzabikorwa wa 'Egypt & Middle East Expo', Haguma Natacha, avuga ko tombola yo gutsindira amatike ari agashya muri uyu mwaka mu rwego rwo kurushaho gusyikirana no kongera abakiriya babagana.

Yagize ati 'Ubusanzwe habagaho nka tombola y'amamashini, intebe n'ibindi ariko ubu twashatse gukora agashya muri uyu mwaka. Twazanye igikorwa cyo gutombola amatike y'indege dufatanyije na Sosiyete y'Ubwikorezi bwo mu Kirere ya EgyptAir. Twashakaga gukangurira abaguzi kuza muri Expo cyane kuko abanyamahanga bakunda igihugu cyacu rero nta kuntu baza kumurika ibicuruzwa baturutse mu bihugu 50 ngo babure umubare munini w'ababagurira'.

Yavuze kandi ko iri murikagurisha rimaze kwiyubaka mu buryo bugaragara mu myaka 18 rimaze.

Yagize ati 'Iri murikagurisha rigeze ahantu heza kuko ryatangiye riba rimwe mu mwaka ariko ubu riba kabiri. Ibicuruzwa bizamo barabikunda kandi n'abacuruzi bishimira u Rwanda. Ribaye ku nshuro ya 18 kandi ubu twaje ahantu heza hagutse twazanyemo ibikoresho by'igikoni abantu bakunda kandi hiyongeyemo ibihugu bishya nka Türkiye na Syria, ubu byose hamwe bigeze kuri 50 kandi byaratangiye ari 20 gusa'.

Haguma yongeyeho ko iri murikagurisha ubu buri munsi ryitabirwa n'abagera mu gihumbi mu minsi y'imibyizi mu gihe mu mpera z'icyuweru ho bagera mu 3000.

Yasasbye kandi abatararijyamo kuryitabira bataraciknwa kuko hasigaye iminsi mike rigasozwa ku itariki 22 Nyakanga ari na bwo abatsindiye amatike y'indege bazayahabwa ku mugaragaro.

Haguma Natacha avuga ko tombola yo gutsindira amatike ari agashya muri uyu mwaka mu rwego rwo kurushaho gusyikirana no kongera abakiriya babagana

Uwera Nyagasani ni uwa kabiri watsindiye itike y’indege ijya mu Misiri

Amwe mu mafoto y'ibicuruzwa biri muri 'Egypt & Middle East Expo'

Amafoto: Kasiro Claude

Uyu muhango wabereye muri Kaminuza ya UNILAK kuri uyu wa Gatandatu tariki 20 Nyakanga 2024, witabirwa n'abarimo inshuti, umuryango, inzego za leta, iz'abanyamadini n'izabikorera ndetse n'umuyobozi wungirije wa UNILAK, wari umushyitsi mukuru.

Pasiteri Mpyisi wamaze imyaka irenga 75 abwiriza ubutumwa bw'Ubwami bw'Imana ku bantu ibihumbi byinshi bo mu bice bitandukanye, ubwo yatabarukaga yasize hari imirimo yifuzaga gukora ariko asiga atayishyize mu bikorwa. Abo mu muryango we ndetse n'ab'itorero biyemeje gusohoza ibyo yari yarifuje gutangiza birimo igitabo n'ishuri rya Bibiliya.

Iki gitabo Mpyisi yacyanditse abisabwe na bamwe mu bakunzi be barimo n'abo yigishije amasomo ya Bibiliya bari banitabiriye uyu muhango. Gikubiyemo inyigisho z'ingenzi zifasha umusomyi kwimenya, akamenya Imana ndetse n'umugambi imufitiye mu buzima bwe.

Ibikorwa by'ishuri rya Bibiliya rya PEMBE bizibanda ku gushyiraho ubufatanye n'imiryango itandukanye ishingiye ku madini kugira ngo ibashyigikire mu kugura Bibiliya no kuzikwirakwiza mu mashuri n'amatsinda yifuza kwiga Bibiliya no gushyiraho ikigega gitera inkunga uburezi bw'abana baturuka mu miryango itishoboye ifatanyije n'abafatanyabikorwa bifuza gushyigikira uyu muryango.

Gerald Mpyisi umuhungu wa Pasiteri Ezra Mpyisi akaba ari na we Murinzi w'ibyagezweho mu muryango wa PEMBE, mu ijambo rye yunze mu rya se Mpyisi akangurira Abanyarwanda kwitoza kumenya Imana yongeraho ko mu izina ry'umuryango bishimiye iki gikorwa cy'uyu munsi cyatwaye amezi ane n'igice gitegurwa.

Ati 'Ni umunsi w'umunezero wacu cyane ariko kandi bikaba no ku bantu bose bakundaga Mpyisi twese twifuzaga ko umurage yasize w'ibyo yakoraga bishimwa na benshi uzahoraho, nkatwe rero abamukomokaho n'izindi nshuti ze byatunejeje kugira ngo dushobore kwerekana PEMBE, ndetse n'abifuza kumenya amakuru y'umuryango arenze basura urubuga rwayo pasiteriezrampyisifoundation.org.''

Yongeyeho ko Ezra Mpyisi ubwo yitabaga Imana yari amaze gutanga Bibiliya zigera ku 1300 n'uyu muryango ukaba warakomeje iyi intego yo gutanga Bibiliya aho kugeza ubu na bo bamaze kuziha abagera kuri 700.

Umuyobozi wungirije wa UNILAK, Jean Ngamije, yashimiye abitabiriye iki gikorwa cyo gushyira mu ngiro ibyo Pasteur Mpyisi yari yaratangiye, anemeza ko mu bufatanye n'Abanyarwanda ibyo uyu muryango uri guteganya byagera kure.

Igitabo ”Inkomoko y’Ibyiza byose: Imana” cyamuritswe ku mugaragaro

Gelard Mpyisi umuhungu wa kabiri mu bana ba Pasiteri Ezra Mpyisi yashishikarije Abanyarwanda kumenya Imana

Abahungu ba Mpyisi bari bahagarariye abandi bavandimwe muri iki gikorwa

Iki gikorwa cyari kitabiriwe na benshi barimo inshuti n’ab’umuryango wa Pasiteri Mpyisi