Category: Uncategorized

Jordanie ni kimwe muri ibyo bihugu biri gufatanya n'u Rwanda muri uru rugendo, na cyane ko ari Igihugu gifite byinshi u Rwanda rukeneye mu rugendo rurimo rw'iterambere.

Itsinda ry'Abanyarwanda riherutse kugirira urugendo muri icyo gihugu, mu rwego rwo kurebera hamwe uburyo ibihugu byombi byarushaho gufatanya mu rugendo rw'iterambere, cyane cyane mu nzego z'ingenzi zirimo ubukerarugendo, ubuzima, uburezi n'izindi.

Mu bagiye muri urwo rugendo harimo abo mu rwego rw'ubuzima, uburezi, Iyobokamana, ubukerarugendo, itangazamakuru n'abandi batandukanye.

Ni urugendo rwabaye umwanya mwiza wo kuganira hagati y'impande zombi, aho abavuye mu Rwanda batembereye ibice bitandukanye bya Jordanie, bakabasha kubona ibanga iki gihugu gikoresha rituma kiba icya mbere mu kugira urwego rw'ubuzima ruteye imbere kurusha ibindi bihugu mu Burasirazuba bwo Hagati.

Bamwe mu Banyarwanda bitabiriye uru ruzinduko barimo Umuyobozi wa Rwanda Tours and Travel Association, Keza Nadia, wavuze ko uru rugendo rwabaye amahirwe akomeye yo kwigira kuri iki gihugu, ari nako berekana ibyiza by'u Rwanda n'amahirwe y'ishoramari ruhishe.

Ati 'Twe nk'abakora ibijyanye n'ubukerarugendo, twishimiye kugirana ibiganiro na bagenzi bacu, kuko bizadufasha mu guteza imbere ubufatanye, haba mu guhanahana abakiliya n'ibindi.'

Iri tsinda kandi ryakomeje gusura ibikorwa bitandukanye, ndetse n'ahantu nyaburanga hatandukanye mu gihugu cya Jordanie, harimo ahitwa Petra mu majyepfo y'iki gihugu, Aqaba, ndetse n'ahandi.

Minisitiri w'Ubukerarugendo muri Jordanie, Makram Mustafa A. Queisi, yagarutse ku ruhare rw'ubukerarugendo muri Jordanie, ashimangira ko ari urwego Igihugu cyateje imbere, umurongo n'ubundi u Rwanda rwafashe.

Ati 'Jordanie ni igihugu cy'ubugeni, nk'ikibumbano cy'umuntu cya mbere kimaze igihe kinini ku Isi, cyavumbuwe mu Mujyi wa Amman (Umurwa Mukuru wa Jordanie).'

Yashimangiye ko nubwo Igihugu cyabo kitagira peteroli nyinshi, amateka n'umuco wacyo ari byo gishyira imbere nk'isoko y'ubutunzi bwacyo.

Ati '14% by'umusaruro mbumbe wa Jordanie uturuka mu bukerarugendo kandi iyi mibare iri kwiyongera. Icya kabiri, Jordanie nta mutungo kamere nka peteroli igira, ariko nanone, Jordanie ni Igihugu gikungahaye cyane mu mateka n'umuco, ari nabyo bizatubera peteroli yacu mu bihe biri imbere. Ubu ni ubutunzi butazata agaciro, ahubwo kazakomeza kwiyongera.'

U Rwanda narwo ni Igihugu cyashyize imbere kwishakamo ibisubizo gikoresheje amahirwe gifite, nubwo kidasanzwe gifite umutungo kamere mwinshi.

Muri bimwe u Rwanda rushaka gukora ni uguteza imbere ubukerarugendo bushingiye ku Iyobokamana, nk'ubwabera i Kibeho, ahabereye amabonekerwa, hakaba hakunze gukurura imbaga y'abantu, ariko ibikorwa byo kuhatunganya ku buryo hakorerwa ubukerarugendo bwagutse bikaba bitaratera imbere cyane.

Umuyobozi Wungirije w'Ingoro ya Kibeho, Padiri Jean Pierre Gatete, yavuze ko hari byinshi bashobora kwigira kuri Jordanie, na cyane ko ari Igihugu cyateye imbere muri uru rwego.

Gusa yavuze ko u Rwanda rugifite byinshi byo gukora niba rwifuza guteza imbere ubu bukerarugendo.

Ati “Dufite urugendo rwo gukora. Kibeho ni iy'ejo bundi [imaze igihe gito]. Twize byinshi, kwakira abantu, kwereka abantu uko bitwara igihe bageze ahantu hatagatifu, mu rwego rwo guteza imbere ubukerarugendo bushingiye ku iyobokamana. Ntabwo umwana avuka ngo yuzure ingobyi, bagize urugendo, natwe dushobora kubigiraho, bitewe na byinshi bagezeho, natwe tukagira ibyo tugeraho, Kibeho igakomeza igatera imbere, ikaba ahantu abantu bose bahurira kandi bakagira icyo batahana.”

Jordanie ni Igihugu cyateye imbere cyane mu bijyanye n'ubukerarugendo, aho uru rwego rutanga akazi ku baturage barenga ibihumbi 50 mu buryo butaziguye, ariko muri rusange abarenga ibihumbi 150 bakaba bashobora kubona akazi mu buryo buziguye.

Iki gihugu cyari cyinjije miliyari 7.2$ avuye mu bikorwa by'ubukerarugendo, angana na 15.8% by'umusaruro mbumbe w'icyo gihugu muri icyo gihe. Ni mu gihe impuzandengo y'umusaruro mbumbe wa Jordanie mu Burasirazuba bwo Hagati ndetse na Afurika y'Amajyaruguru, ari 5.3% gusa, ibyerekana imbaraga Jordanie yashyize mu kuzamura urwego rw'ubukerarugendo muri rusange.

Mu 2019, Jordanie yari yakiriye abakerarugendo bagera kuri miliyoni 4,4.

Muri rusange, ubukerarugendo bushingiye ku iyobokamana muri Jordanie buri mu byiciro bibiri, harimo ubushingiye ku Idini rya Islam ndetse n'Idini rya Gikirisitu. Hejuru ya 90% by'abatuye iki gihugu ni Abayisilamu, mu gihe abari hagati ya 4% na 5% ari Abakirisitu.

Mu bice bikunze gukurura abakerarugendo, harimo nko mu Kibaya cya Betaniya, aho Yesu yasuriye Simoni, umugore akamusukaho amavuta, nk'uko biri muri Bibiliya, mu Gitabo cya Yohani.

Aha muri Betaniya niho Yesu yazamukiye agiye mu Ijuru, nk'uko biri mu Gitabo cya Luka, hakaba kandi ari ho Lazaro wazuwe na Yesu yakomokaga, kimwe na Mariya ndetse na Marita, bombi bakaba bari bashiki be.

Mu Gitabo cya Yohani, hagaragara inkuru y'uburyo Yesu yazuye Lazaro wari umaze iminsi apfuye, bigakekwa ko byabereye muri uyu Mujyi Yesu yakundaga gusura cyane, akaba ari n'umwe mu Mujyi yasuye mbere yo kujya i Yerusalemu.

Ibindi bice birimo nk'Umusozi wa Nébo ari naho Mose yapfiriye, ubwo yavanaga Ubwoko bw'Imana mu Gihugu cy'Isezerano.

Hari kandi Umugezi wa Yorodani, ari naho Yesu yabatirijwe, nawo ukaba uri mu Kibaya cya Betaniya n'ibindi bice bitandukanye.

Umuyobozi ushinzwe Ubukerarugendo mu Rwego rw’Igihugu rw’Iterambere, RDB, Michaëlla Rugwizangoga, yitabiriye uru ruzinduko

Minisitiri w'Ubukerarugendo muri Jordanie, Makram Mustafa A. Queisi, aganira n’Umuyobozi wa Nyamirambo Women’s Center, Marie Aimee Umugeni

Umuyobozi wa Nyamirambo Women's Center, Marie Aimee Umugeni, ni umwe mu bagiriye uruzinduko muri Jordanie

Umuyobozi wa G-Step Tours, Andrew Gatera, ni umwe mu bagiriye uruzinduko muri Jordanie

Umuyobozi wa Rwanda Tours and Travel Association, Nadia Keza, yasuye Jordanie, yiga byinshi ku bukerarugendo bw’icyo gihugu

Minisitiri w'Ubukerarugendo muri Jordanie, Makram Mustafa A. Queisi, yagarutse ku ruhare rw'ubukerarugendo muri Jordanie, ashimangira ko ari urwego Igihugu cyateje imbere

Umuyobozi Wungirije w’Ingoro ya Kibeho, Padiri Jean Pierre Gatete, asura Urusengero rwa Mutagatifu George ruri mu Mujyi wa As-Salt wo muri Jordanie

Umuyobozi Wungirije w'Ingoro ya Kibeho, Padiri Jean Pierre Gatete, asura Urusengero rufite umwihariko wo kwakira Abakirisitu n’Abayisilamu

Inzira Yesu yanyuzemo, amanuka agana mu Mugezi wa Yorodani aho yabatirijwe

Inyandiko za kera ziboneka ku bwinshi muri Jordanie

Itsinda ryaturutse mu Rwanda ryari ryishimiye gusura ibice nyaburanga muri Jordanie

Itsinda ryaturutse mu Rwanda ubwo ryari rigeze ku Mugezi wa Yorodani, ari naho Yesu yabatirijwe, basobanurirwa amateka yaharanze

Ahari Urwibutso rwa Mose uvugwa muri Bibiliya

Iri ni ibuye ryakoreshwaga mu gufunga imva, ibuye rimeze gutya niryo ryafunze imva ya Yesu, ari naryo Mariya n’abandi bagore basanze ritari ku mva bakagira ubwoba, mbere y’uko Malayika ababwira ko Yesu yazutse

Amafoto: Uwizeye Kambabazi Scovia

Ni ubwa mbere uyu musore wo muri Nigeria yakoreye uruzindiko rw'akazi mu Rwanda. Ariko yaje i Kigali, izina rye risanzwe rizwi ku buryo yisanze.

Ni we wakoze indirimbo 'Ye' y'umunya-Nigeria, Burna Boy wamamaye ku Isi. Yagiye hanze ku wa 6 Nzeri 2018, imaze kurebwa n'abantu barenga Miliyoni 268.

Mu kiganiro cyihariye na InyaRwanda, Phantom yavuze ko gukorera indirimbo Burna Boy biri mu bintu btashimangiye ubuhangange bwe mu gukora indirimbo.

Yavuze ko iriya ndirimbo yakomeje izina rye, yinjira mu biranga umwuga we. Uyu musore yumvikanishije ko gukorera Burna Boy biri mu byiza yagezeho mu byo ubu buzima butanga.

Ati 'Gukora na Burna Boy ni kimwe mu bintu byanshimishije cyane. Ni umuhanga w'umunyamwuga ku rwego buri wese atabasha kwiyumvisha.'

Iyi ndirimbo 'Ye' iri kuri Album Burna Boy yise 'Outside'. Yatangiye gukorwa ari igitekerezo cy'injyana muri Nyakanga 2017, ariko Burna Boy atararirimbamo.

Phantom avuga ko muri uriya mwaka akora iriya njyana yuyimvagamo ko izavamo indirimbo idasanzwe, ku buryo yabitse 'Beat' igihe kinini yifitemo kwizera.

Yavuze ko Burna Boy yamusuye muri Studio amusaba kumwumvisha imwe muri 'Beat' afite ahera kuri iriya. Ati 'Nacuranze iriya, ako kanya ahita ayikunda. Ibindi ni amateka.'

Yakuruwe n'impano z'abahanzi b'i Kigali

Phantom ari i Kigali kuva mu cyumweru gishize ndetse amaze kugirana ibiganiro n'abahanzi banyuranye, harimo abamusaba ko yabakorera indirimbo n'ibindi.

Yumvikanishije ko ashingiye ku mpano z'abahanzi nyarwanda ntakabuza, bidatinze bazisanga ku isoko ry'umuziki. Avuga ko ibi 'nibyo byatumye nza i Kigali'.

Ati 'U Rwanda rufite umugisha wo kugira abahanzi bafite impano. Mu gihe cya nyacyo no guhibibikana, ndabona u Rwanda nk'igihugu gifite imbaraga mu gukomeza kwigaragaza ku isoko mpuzamahanga.'

Ni muri uwo murongo avuga ko nyuma ya Bwiza, yatangiye gukorera indirimbo abarimo Kenny Sol na Afrique Joe. Ati 'Ni byiza kuba ndi muri uyu Mujyi mwiza wa Kigali. Nyuma ya Bwiza, natangiye gukorana na Kenny Sol ndetse na Afrique Joe. Ubu navuga ko ndi gukorana n'abantu benshi.'

Phantom avuga ko bari mu cyiciro cyo guhanga izi ndirimbo, ariko hari icyizere cy'uko zasohoka muri uyu mwaka. Ati 'Turi mu cyiciro cyo kuzirema. Ariko iyo mishinga twayitega muri uyu mwaka ntagihindutse.'

Niwe watangije ibiganiro by'imikoranire na Bwiza

Umuyobozi wa Kikac Music Label, Uhujimfura Claude yabwiye InyaRwanda ko Phantom yamaze kurangiza imwe mu ndirimbo zizaba zigize Extended Play (EP) ya Bwiza izasohoka muri uyu mwaka hatagize igihinduka.

Yavuze ko bagombaga kuzakorana na Phantom indirimbo ebyiri. Uyu musore yumvikanishije Phantom ariwe wahisemo gukorana na Bwiza, nyuma y'ibiganiro bagiranye.

Ati 'Phantom yaje i Kigali afite gahunda nyinshi, nitwe twamwakiriye. Niwe wahisemo gukorana na Bwiza, dutangira imishinga y'indirimbo ebyiri. Ariko, icyo nakubwira ni uko imwe muri zo yamaze kurangira. Buriya, igihe nikigera izajya hanze.'

Yavuze ko atatangaza amafaranga bishyuye Phantom kuko ibiciro biterwa n'ibyo mwavuganye mu gukora iyo ndirimbo birimo no kugabana inyungu izavamo.

Ati 'Ni ukuvuga ngo ubundi indirimbo ayikorera hagati y'amadorali 500 [Arenga Miliyoni 6 Frw] n'amadorali 10,000 [Arenga Miliyoni 13 Frw] kuko wowe agendana n'umwanditsi w'indirimbo, baguha indirimbo irangiye. Ni uko bakora. Cyangwa mukagirana amasezerano yo gusangira ikivuye mu mushinga w'indirimbo mwakoranye.'  

Ntabwo ari ukuvuga ngo uba ugiye kumuha amafaranga mu ntoki, ahubwo muganira mu buryo butandukanye. Kuko uko twakoranye, bitandukanye n'uko yakorana na Afrique, Bruce Melodie, bitandukanye n'uko ejo yakorana na Kenny Sol, biba bitandukanye.'

Yishyurwa angahe ku ndirimbo?

Phantom yabwiye InyaRwanda, ko atajya avuga amafaranga asaba umuhanzi kugirango amukorera indirimbo, kuko biva mu biganiro impande zombi zigirana.

Kandi binaturuka ku mbaraga asabwa muri uwo mushinga. Ati 'Ntabwo nkunda kuvuga igiciro. Kuko nshingira ku mbaraga nsabwa mu gukora icyo kintu. Ikirenze kuri ibyo, kuba umuntu yanyishyura nkagenda sibyo by’ibanze kuri njye, kuko icyo nitaho cyane ni ukureba ibizava mu gihangano bijyanye no kugicuruza.'

Phantom yakunze kuvuga ko yiyumvisemo umuziki akiri muto, kugeza ubwo mu 2007 inshuti ye yamuhuzaga na Fruity Loops wamuciriye inzira mu muziki. Ariko muri rusange, yatangiye gukorana injyana (Beats) z'indirimbo mu mwaka wa 2010.

Amaze gukora indirimbo zirimo nka “Diana” ya Fireboy DML na Chris Brown, “Skeletun” ya Tekno, “The Benz” ya Spotless, “Bolanle” ya IVD & Zlatan, “Sugarcane” ya Camidoh n'izindi. 

Phantom yatangaje ko afite gahunda yo gukora indirimbo zizaba zigize EP ya Bwiza

Kenny Sol yatangiye gukorana na Phantoma ku ndirimbo ye nshya ishobora gusohoka muri uyu mwaka

 

Afrique Joe usanzwe ufashwa na Niz Beats ari gukorana na Phantom muri iki gihe 

Bwiza yifashishije Phantom mu ndirimbo ebyiri zizaba zigize EP ye nshya

KANDA HANO UREBE AMASHUSHO Y'INDIRIMBO 'YE' PHANTOM YAKOREYE BURNA BOY

“>

Umwe mu bakomeje kugarukwaho cyane mu itangazamakuru mpuzamahanga, ni Kamala Harris Visi Perezida wa Leta Zunze Ubumwe z’Amerika, umaze gushyigikirwa n’abarimo Biden, Bill na Hillary Cliton ko yahangana na Trump mu matora ya Perezida w’iki gihugu.

Uretse kuba ari we wanditse amateka yo kuba umwiraburakazi wa mbere unafite inkomoko muri Aziya ubaye Visi Perezida w’iki gihugu, ni umwe mu bayobozi batajya bahisha ubuzima bwe bwihariye, yewe yanigeze kuva imuzi inkuru y’urukundo rwe n’umugabo we Doug Emfoff.

Ibijyanye n’uko aba bombi batangiye gukundana n’uko bashimanye Kamala Harris yabitangarije kuri televiziyo ya CBS mu kiganiro yagiranye n'umunyamakuru kabuhariwe witwa Jane Pauley, iki kiganiro kandi n'umugabo we Doug Emhoff yari yacyitabiriye, aha hari mu mwaka wa 2021 akimara gutorerwa kuba Visi Perezida.

Kamala Harris yatangiye asobanura uko batangiye gukundana yagize ati 'Sinari nsanzwe nziranye nawe, umugore w'inshuti yanjye magara niwe waduhuje tutari dusanzwe tuziranye. Yabwiye ko ashaka kumpuza n'umugabo tugasangira ibya n'ijoro (dinner)”. Ibi ni ibizwi nka Blind Date mu cyongereza aho umuntu ajya guhura n'uwo atazi.

Kamala Harris yakomeje avuga ati 'Iyo nshuti yanjye imaze kubimbwira ntabwo nabyumvise neza maze arambwira ati nyizera kuko umugabo ngiye kuguhuza nawe yitwa Doug Emhoff kandi uraza kumushima ndabizi'. Icyo gihe hakaba hari mu mwaka wa 2013 ubwo Kamala yari akiri umukuru w'urukiko rwa California.

Ubwo Kamala Harris yari ari mu nzira ajya guhura na Doug Emhoff bwa mbere yumvaga atari bubashe kuvugana n'umuntu atazi n’uko afata telefone ye ajya ku rubuga rwa ‘Google’ maze yandikamo amazina ya Doug Emhoff ahita areba ibimwerekeye n’aho aturuka, mbese abona uwo ariwe mbere y’uko agera kuri resitora bari gusangiriramo.

Nk’uko Kamala Harris yabitangaje yavuze ko yashakishije umugabo we muri Google n’ubwo rwose inshuti ye yari yamubujije kubikora. Yakomeje agira ati 'Nahuye nawe iryo joro turasangira, turaganira mbese byagenze neza ku buryo wagira ngo twari dusanzwe tuziranye''.

Umugabo we Doug Emhoff nawe yunze mu byo umugore we yavuze agira ati 'Iryo joro duhura bwa mbere nari mfite ubwoba mu mutima ndetse sinari nzi ko yanyemera. Tumaze gutandukana nahise mpamagara inshuti ye yari yaduhuje maze ndayibwira nti ‘Simpamya ko Kamala azigera ampamagara n’ubwo yatwaye numero zanjye’”.

Muri iki kiganiro Kamala Harris n'umugabo we Doug Emhoff bakomeje kuvuga uko batangiye gukundana. Doug yavuze ko ubwo hari hashize iminsi ibiri bahuye aribwo Kamala yamuhamagaye ubwo Doug yari yagiye kureba umukino w'ikipe ya Lakers, guhera ubwo batangiye guteretana birakomera. 

Kamala Harris yasoje avuga ko iyo nshuti yabo yabahuje buri mwaka iyo bari kwizihiza isabukuru y'imyaka bamaranye ibibutsa uko bahuye n’uko Kamala yamushatse kuri Google.

Iyi couple ifatwa nk’iya kabiri mu cyubahiro muri Amerika, ifite agashya kuko inganya imyaka dore ko bose bafite imyaka 59 y'amavuko. Imyaka 10 irashize basezeranye kubana ubuziraherezo. Aba bombi kandi ntabwo barabyarana gusa bafatanya kurera abana babiri ba Doug Emhoff yabyaranye n’umugore wa mbere.

Bwa mbere Kamala Harris ajya guhura na Doug Emfoff yabanje gushaka amakuru ye kuri ‘Google’

Barushinze bamaze umwaka n’igice bakundana

Kamala Harris yahishuye ko inshuti ye ariyo yabahuje n’umugabo we

No mu ruhame ntibatinya kwerekana amarangamutima yabo

Kamala utaribaruka na rimwe arera abana b’umugabo we Doug Emfoff 

Mu Cyumweru gishize ni bwo ikipe ya Real Madrid yerekanye Kylian Mbappé nk’umukinnyi wayo mushya kuri Santiago Bernabeu imbere y’abafana barenga ibihumbi 80.

Mbere y’uko uyu mukinnyi yerekanwa ariko yabanje kugura inzu azabamo ubwo azaba yatangiye ibikorwa by’iyi kipe dore ko ubungubu ari mu biruhuko.

Ni inzu yaguze na Gareth Bale nawe wakiniye Real Madrid guhera muri 2012  kugeza muri 2022 ndetse akanatwarana nayo ibikombe birimo 5 bya UEFA Champions League na 3 bya shampiyona.

Kylian Mbappé yayiguze agera kuri Miliyoni 9 z’Amayero ikaha iherereye mu gace ka La Finca gaherere mu bilometero 9 uvuye kuri Stade ya Real Madrid. Iyi nzu ifite ibyumba 8, ubwogero 11, ahantu hanini haparikwa imodoka 6, pisine nini ndetse n’aho kurebera filime.

Hanze yayo hari ikibuga cy’umupira w’amaguru, icya Basketball n’icya Golf. Iyi nzu kandi ifite n’uburyo bwo gucungamo umutekano aho ifite kamera n’inzogera itabaza iyo hagize ikibazo kibaho.

Gareth Bale wagurishije iyi nzu na Kylian Mbappé nawe yari yarayiguze muri 2013 avuye muri Tottenham Hotspur, ayiguze Miliyoni 6 z’Amayero. Mbere yuko Gareth Bale nawe ayijyamo yari ituyemo umunya-Brazil, Kaka wakiniye Real Madrid hagati ya 2009 na 2013.

Inzu Kylian Mbappé yaguze na Gareth Bale ifite pisine nini

Ifite ikibuga cya Golf 

Iyi nzu ifite aho Gareth Bale yareberaga umupira cyangwa filime akaba ari naho Kylian Mbappé azajya akoresha 

Inzu Kylian Mbappé agiye guturamo i Madrid 

Mbappe yitezweho ibitangaza muri Real Madrid

Byabereye mu Mudugudu wa Karongi, Akagari ka Nyarusazi, Umurenge wa Bwishyura mu karere ka Karongi ku wa 22 Nyakanga 2024.

Mu ijoro ryo ku wa 21 rishyira ku wa 22 Nyakanga 2024 ni bwo abaturage babonye ikiraro cya Mukeshimana Dative kiri gushya, abanyerondo n'abaturage bajya kukizimya ariko ingurube yarimo ihiramo irapfa.

Ubwo bari bamaze kuzimya icyo kiraro babonye ku wundi muturage witwa Nshimyumukiza Emmanuel ikindi kiraro kirimo inyana na cyo kiri gushya bajya kukizimya ku bw'amahirwe iyo nyana babasha kuyitabara ikiri nzima.

Umunyabanga Nshingwabikorwa w'Umurenge wa Bwishyura, Saïba Gashanana, yabwiye IGIHE ko bageze aho byabereye baganira n'abaturage ariko bakaba bataramenya impamvu nyakuri yatumye ibi biraro bitwikwa icyakora ngo hari abantu batatu batawe muri yombi.

Ati 'Hari abantu batatu batawe muri yombi bakekwaho gutwika ibi biraro. Bafungiye kuri sitasiyo y'urwego rw'igihugu rw'ubugenzacyaha RIB mu murenge wa Bwishyura'.

Hari amakuru avuga ko itwikwa ry'ibi biraro ryaba rikomoka ku makimbirane ashingiye ku mitungo, icyakora Gitifu Gashanana yavuze ko amakuru yatanzwe n'abaturage batahita bayafata nk'ukuri ko ahubwo bategereje ikizava mu iperereza riri gukorwa n'inzego zibifitiye ubufasha.

Muri aka gace habereye inama yitabiriwe n'Umuyobozi wungirije w'Akarere ushinzwe iterambere ry'ubukungu, Niragire Theophile, inzego z'umutekano n'ubuyobozi bw'umurenge wa Bwishyura.

Ubuyobozi bwashimiye abaturage n'abanyerondo bihutiye gutabara bagenzi babo bahuye n'ikibazo ibiraro byabo bigatwikwa, bubasaba gukomeza kugira umuco wo gutangira amakuru ku gihe no kwiyambaza inzego z'ubuyobozi zikabafasha igihe hari ibyo batumvikanyeho kuko inzego zo mu Rwanda zubatse kuva ku Isibo kugera ku nzego nkuru z'igihugu.

Abaturage muri rusange basabwe kubana mu mahoro no kwirinda amakimbirane kuko nta kibazo na kimwe cyakemukira mu makimbirane.

Batatu bakekwaho gutwika ibiraro by’abaturage i Karongi batawe muri yombi

Umunyamategeko, Munyentwali Maurice, abinyujije ku rubuga rwa YouTube rwitwa Amategeko Yacu, yavuze ko amakosa akunze kugaragara mu gukodesha inzu usanga ari aho nyirayo n'ushaka kuyikodesha batagirana amasezerano yanditse, n'ababigerageje ntibashyiremo ingingo zikwiye kumvikanwaho zose bakivugira ku mafaranga gusa.

Ati ''Abantu benshi ntabwo ibintu byo gukora amasezerano babyitaho […] yewe n'abagerageje gukora amasezerano wenda bakavuga bati 'Tuyakore tuyandike', usanga bivugiramo ingingo ebyiri gusa, ni amafaranga ubundi n'itariki yo kwishyura.''

Ati ''Ubundi amasezerano icyo agamije, ni ukugira ngo nihavuka impaka ya masezerano azabafashe kuzikemura. Namwe ubwanyu nimuba mutabyiyumvikaniraho nibura mwitabaze inzego, zishingire kuri ya masezerano.''

Me Munyentwali kandi agira inama abantu ko mu gihe bagiranye amasezerano y'ubukode bw'inzu, ari byiza no gushyiramo konti izajya inyuzwaho amafaranga y'ubwishyu, kuburyo hirindwa uburiganya bwo kuba nyir'inzu yahakana ko yishyuwe mu gihe yahawe nk'amafaranga mu ntoki cyangwa kuri Momo, cyangwa umupangayi na we akabeshya ko yishyuye kandi atarabikoze.

Ikindi ni uko ari byiza ko mu masezerano y'ubukode hashyirwamo n'amafaranga y'ingwate atangwa n'uwakodeshejwe inzu, ku buryo aramutse ayivuyemo hari ibyo yayangijeho hifashishwa ayo mafaranga mu kubikosora.

Kugira ngo umupangayi atarenganywa mu gihe yatanze ayo mafaranga, ni byiza no kugaragaza mu masezerano uko yayinjiyemo imeze bikagereranywa n'uko yayisize. Nko ku bantu bakodesha inzu zirimo ibikoresho byose nk'intebe n'ibitanda, mu ikorwa ry'amasezerano bagirwa inama yo gushyiramo n'urutonde rw'ibyo bikoresho, ndetse bakanabifotora amafoto yabyo agashyirwa kuri ayo masezeramo mu guca impaka zabiturukaho nyuma.

Ikindi kibazo kigaragara cyane nko mu nzu zo gukoreramo ni uko hari abazikodeshwa ari nk'inzu z'ubucuruzi, nyuma na bo bakazikodesha abandi bantu kandi bidakubiye mu masezerano bagiranye na ba nyirazo. Me Munyentwali Maurice avuga ko ibyo bigira ingaruka kuri abo bantu bakodeshejwe nyuma.

Ati ''Ugasanga wenda we akodesha inzu miliyoni 1 Frw, we ba bandi yashyizemo bamwishyura miliyoni 1,5 Frw akajya na we yungukiramo ibyo bihumbi 500 Frw […] iyo havutse ikibazo gituma hagati ya nyir'inzu n'umupangayi amasezerano aseswa inzu umupangayi bakayimukuramo, ba bandi bakodeshejwe nyuma akenshi babanza kubwira nyir'inzu ngo none se ko natwe twakodesheje kandi amafaranga yacu akaba atarashiramo? Ibyo bintu nyir'inzu ntabwo bimureba.''

Ikindi ni uko usanga nko ku nzu z'ubucuruzi hari igihe uwayikodeshejwe ayivugurura akagira ibyo ayongeraho mu nyungu ze, yajya kuyivamo akabwira nyirayo ko hari ibyo yayikozeho bityo ko agomba gusubizwa amafaranga runaka kandi bitari biri mu masezerano. Aha nyir'inzu nta nyishyu aba agomba gutanga kuko ibyakozwe hari n'igihe we aba atabishakaga.

Me Munyentwali ati ''Mujya mubona nk'utubari ukuntu baduhindura, udu-Coffe shop, amaduka, ugasanga yashyizeho nk'ibintu bya miliyoni 30 Frw bindi yubatse. Mu by'ukuri ibyo bintu byongereye agaciro ku nzu […] ariko ugasanga mugiye kugirana impaka kubera ko nta kintu mwabivuzeho. Ni byiza rero ko ya masezerano mukorana mubiteganya.''

Me Munyentwali kandi avuga ko ubundi nta hantu mu mategeko handitse ibijyanye n'umubare runaka w'iminsi nyir'inzu agomba guhamo integuza umupangayi (Préavis), amasuba kumuvira mu nzu. Gusa asobanura ko n'ubwo henshi hakunze gutangwa iminsi 15 ya Préavis, na byo bigomba kongerwa mu masezerano kandi Préavis ikaba yishyurwa.

Ati ''Préavis irishyurwa! Icyo kintu abapangayi cyane cyane ni bo mbwira. Abapangayi bakunda kwikanyiza bakigagaza ngo Préavis ngo nonese ngo urankura mu nzu yawe ngo wampaye Préavis? Ati 'Préavis ngiyi nguhaye ukwezi cyangwa se nguhaye ya minsi 15, noneho umupangayi akagira ngo ni iminsi y'ubuntu yo kubamo. Nta Préavis y'ubuntu ibaho.''

Hagomba kandi kubaho umwihariko w'inzu nini nk'izikoreramo ibigo binini nk'amabanki, kuko udashobora kubwira nka banki ngo ibe yimutse mu minsi 15.

Naho ku bijyanye n'abapangayi bamara igihe batishyura inzu bakanga no kuzivamo bikaba byatera uburakari ba nyirazo bagafata imyanzuro irimo kuba bazisakambura, kuzikuraho inzugi n'ibindi, Me Munyentwali abigereranya n'urugomo ariko ko atari na ngombwa ko nyir'inzu agera ku rwego rwo kuyisakambura kuko hari amategeko amurengera.

Itegeko rigenga imiburanishirize y'imanza z'imbonezamubano, iz'ubucuruzi, iz'ubutegetsi ndetse n'umurimo, mu ngingo zivuga ku birebana n'ifatira biteganywa ko mu gihe umuntu atishyuye ubukode bw'inzu, nyirayo agana Umuhesha w'Inkiko.

Nyuma uwo Muhesha w'Inkiko ahita aza agafatira ya nzu n'ibiyirimo, agakora inyandiko mvugo y'ifatira ndetse agasiga n'ingufuri kuri iyo nzu ku buryo umupangayi wayibagamo atongera kuyinjiramo, kuko mu mategeko ubundi ibintu byafatiriwe nyirabyo abitakazaho uburenganzira.

Nyuma yo gukora ibyo, nyir'inzu aba agomba gutanga ikirego mu rukiko mu gihe kitarenze amasaha 48, kugira ngo urukiko rwemeze wa mwenda umupangayi amufitiye, runategeke ko bya birarane byose amurimo hagurishwa ya mitungo ye yafatiriwe kugira ngo nyir'inzu yishyurwe.

Mu ikorwa ry'ibyo iyo umupangayi agerageje kurwanya Umuhesha w'Inkiko akaba yanamusagarira, aba ari kwishyira mu kaga ko kuba yanafungwa akurikiranweho ibyaha by'urugomo. Ni na yo mpamvu iyo Abahesha b'Inkiko bagiye gushyira mu bikorwa ibyo gufatira iyo mitungo, usanga baherekezwa n'abo mu nzego z'umutekano nka polisi.

Abapangayi na ba nyir’inzu bagirwa inama yo kuvuga ku ngingo zose zabarinda gukimbirana, mu gihe bakora amasezerano y’ubukode

Gutangiza ibyo bizamini byabaye kuri uyu wa 23 Nyakanga 2024, muri G.S Remera Protestant iherereye mu Karere ka Kicukiro, ahazakorera abanyeshuri 223 basoza icyiciro rusange n'abasoza ayisumbuye 112.

Ibi bizamini bizakorwa kugeza ku wa 02 Kanama 2024, bikazakorerwa kuri site z'amashuri zitandukanye hirya no hino mu gihugu.

Iby'uyu mwaka bifite umwihariko kuko ari bwo bwa mbere abiga amasomo y'Ubuforomo (Associate Nursing Program, ANP) bo mu bigo birindwi iyo gahunda yatangiriyemo, bagiye gukora ibizamini bisoza amashuri yisumbuye bwa mbere.

Birimo ESSA Ruhengeri, GS Gahini n'Urwunge rw'Amashuri rwitiriwe Mutagatifu Aloys rw'i Rwamagana, Groupe Officiel de Butare, ES Remera Rukoma, GS Kigeme na Groupe Scolaire Frank Adamson Kibogora.

Minisitiri Twagirayezu yavuze ko mu myaka itatu bamaze babakurikirana babonye ko amasomo bize yagenze neza ndetse na bimwe nkenerwa bibafasha kwiga byabonetse.

Ati 'No mu bizamini ngiro babanje gukora muri Kamena 2024, amakuru dufite ni uko babikoze neza. N'ibi turizera ko bizakorwa neza. Ariko kuko ari gahunda ikozwe bwa mbere, birumvikana ko umusaruro tuzakuramo uzanadufasha kuyinoza no mu myaka izakurikiraho.'

Uyu muyobozi yagaragaje ko nk'uko bisanzwe abanyeshuri baba basabwa gutuza bagakora ibizamini neza, ntibagire igihunga na cyane ko ibizamini biba byarateguwe n'abarimu babigishije.

Yavuze ko mu gutegura babanza kureba hirya no hino mu gihugu, harebwa aho gahunda yo kwigisha igeze, Minisiteri igahamagara abarimu bagatanga umusanzu mu gutegura ibizamini.

Ati 'Niyo mpamvu tubwira abanyeshuri ko ari ibizamini biba byateguwe n'abarimu babo, bigategurwa muri gahunda basanzwe bigamo. Baba basabwa kubikora neza kuko ntabwo ari bo gusa baba basuzumwa, natwe tuba twisuzuma.'

Minisitiri Twagirayezu yasabye ko n'ababyeyi bagomba kugira uruhare uruhare mu migendekere myiza y'ibizamini, abana ntibasibywe 'kuko iyo umwana asibijwe biteza ibibazo na cyane ko kiza rimwe mu mwaka.'

Mu mwaka w'amashuri wa 2023/2024 abakobwa ni bo bazakora ibizamini ari benshi kuko bangana na 129,623 ugereranyije n'abahungu bangana na 105,949.

Minisitiri Twagirayezu yagaragaje ko n'ubwo ikibaraje ishinga ari uko buri mwana wese yiga ntawe uhejwe, ariko iyo mibare igaragaza uko gahunda ya leta yo guteza imbere uburezi bw'umwana w'umukobwa bwari bwaratsikamiwe mu myaka ishize, iri kugerwaho.

Ati 'Hashyizweho imbaraga mu mashuri abanza n'ayisumbuye. Hashyirwaho porogaramu zifasha umwana w'umukobwa kwiga atabangamiwe nk'ibyumba by'abakobwa n'ibindi. Ibyo byose biba bigamije ko buri mwana wese yiga ndetse akiga neza.'

Biteganyijwe ko abanyeshuri basoza icyiciro rusange bazakora ibizamini bangana na 143,842 barimo abahungu 63,546 n'abakobwa 80,298, bo mu bigo by'amashuri 1,968. Bazakorera kuri site z'ibizamini 681.

Ni mu gihe abanyeshuri 56,537 bazakora ibizamini bisoza amashuri yisumbuye, barimo 23,651 b'abahungu na 32,886 b'abakobwa, bose baturuka mu bigo by'amashuri 857, bakazakorera kuri site 516.

Abanyeshuri biga imyuga n'ubumenyi ngiro bangana na 30,922 ni bo biteganyijwe ko bazakora ibizamini bisoza umwaka. Barimo abahungu 16,842 n'abakobwa 14,080, baturuka mu bigo by'amashuri 331. Bazakorera kuri site z'ibizamini 201.

Abo mu mashuri nderabarezi (TTC) bazakora ni 40,68, abo barimo abahungu 1,798 n'abakobwa 2,270 baturuka mu bigo by'amashuri 16.

Ni mu gihe abiga amasomo ajyanye n'Ubuforomo mu mashuri yisumbuye bazakora ibizamini ari 203 barimo abahungu 114 n'abakobwa 89 baturuka mu bigo birindwi iyi gahunda yatangirijwemo.'

Biteganyijwe ko uyu mwaka w'amashuri wa 2023/2024 hazakorwa ibizamini 288 birimo 11 byo mu cyiciro rusange, 20 byo mu basoza ayisumbuye mu bumenyi rusange, 46 by'abahabwa ubumenyi bw'umwuga (nk'abo mu ishuri nderabarezi n'abiga iby'ubuforomo n'ububyaza) n'ibizamini 211 ku biga imyuga n'ubumenyi ngiro.

Muri rusange uyu mwaka wa 2023/2024 abanyeshuri 438,571 barimo abakobwa 241,433 n'abahungu 197,138 nibo bitagenyijwe ko bazakora ibizamini bisoza amashuri abanza, icyiciro rusange n'ibisoza amashuri yisumbuye mu byiciro bitandukanye.

Minisitiri Twagirayezu (hagati) yatangije ikorwa ry’ibizamini bisoza icyiciro rusange n’amashuri yisumbuye

Abanyeshuri bazakorera muri G.S Remera Protestant iherereye mu Karere ka Kicukiro bagaragaje ko biteguye neza

Mbere yo gutangira ibizamini abanyeshuri babanje kwiragiza Imana ngo izahire imirimo y’amaboko yabo

Muri G.S Remera Protestant iherereye mu Karere ka Kicukiro hazakorera abanyeshuri 223 basoza icyiciro rusange n'abasoza ayisumbuye 112.

Meya w’Umujyi wa Kigali, Dusengiyumva Samuel yasabye abanyeshuri kwirinda igihunga no guhubuka ahubwo bakabanza gutekereza, abereka ko nibabyubahiriza ntakabuza bazatsinda ibizamini

Meya w’Umujyi wa Kigali, Dusengiyumva Samuel (ibumoso) na Minisitiri w’Uburezi Gaspard Twagirayezu ni bo batangije ibizamini bya leta bisoza icyiciro rusange n’amashuri yisumbuye ku rwego rw’igihugu. Bari kuri G.S Remera Protestant iherereye mu Karere ka Kicukiro

Kugira ngo umunyeshuri yinjire mu cyumba cy’ikizamini abanza gusakwa

Ubwo ibizamini byari bigejejwe mu byumba bikorerwamo muri G.S Remera Protestant iherereye mu Karere ka Kicukiro

Minisitiri Twagirayezu yasabye abanyeshuri kutagira ubwoba kuko ibizamini byateguwe n’abarimu babo

Ku wa 23 Nyakanga 2024 abanyeshuri batangiye ibizamini bisoza umwaka w’amashuri wa 2023/2024 by’icyiciro rusange n’amashuri yisumbuye

Amafoto: Kwizera Herve

Uru ruganda rwatangiye kubakwa mu Ukwakira 2021, rwubatswe mu Murenge wa Nyagatare mu cyanya cyahariwe inganda cya Rutaraka. Rukenera amata agera kuri litiro ibihumbi 650 ku munsi.

Byitezwe ko ruzakusanya amata aturuka mu turere twa Nyagatare, Gatsibo, Kayonza na Kirehe nka tumwe mu tubarizwamo umukamo uri hejuru mu Ntara y'Iburasirazuba.

Mu gihugu hose umukamo w'amata wavuye kuri litiro miliyoni 776 mu mwaka wa 2017, ugera kuri litiro zirenga miliyari mu 2023.

Inyange Industries ibinyujije kuri konti ya Twitter yatangaje ko uru ruganda ruzafungurwa ku mugaragaro kuri uyu wa 24 Nyakanga 2024.

Iti 'Tunejejwe no kubamenyesha ko Uruganda rw'Amata y'Ifu (Inyange Milk Powder Plant) ruri i Nyagatare ruzafungurwa ku mugaragaro tariki 24 Nyakanga 2024. Ntimuzacikwe n'amakuru yihariye muzajya mugezwaho mu gihe twishimira iki gikorwa cy'indashyikirwa mu gutunganya amata mu Rwanda.'

We are thrilled to announce the unveiling of the Inyange Milk Powder Plant in Nyagatare on July 24th, 2024. Don’t miss our live updates and special content as we celebrate this milestone in Rwanda's dairy industry!#InyangeMPPLaunch #AlwaysInyange pic.twitter.com/hRpVKTrtDF

— Inyange (@AlwaysInyange) July 23, 2024

Ubuyobozi bw'Intara y'Iburasirazuba bugaragaza ko habarurwa inka zirenga gato ibihumbi 500, zitanga umukamo w'amata urenga litiro ibihumbi 320, mu gihe inzego zishinzwe ubworozi mu Rwanda zigaragaza ko mu gihugu hose hari inka zirenga miliyoni 1.6.

Uruganda rw’Amata y’Ifu rw’i Nyagatare rugiye gufungurwa ku mugaragaro