Mu mujyi wa Kigali, mu karere ka Nyarugenge, muri Nyamirambo, mu kagari ka Kivugiza mu mudugudu wa Muhoza, haravugwa inkuru y'umwana w'imyaka15 y'amavuko wateye icyuma mugenzi we w'imyaka16 mu mutima ahita ahasiga ubuzima.
Byabaye kuri uyu wa mbere taliki 5 Kanama 2024, nibwo uyu mwana w'imyaka15 y'amavuko yateye mugenzi we w'imyaka16 icyuma mu mutima ahita apfa.
BTN TV dukesha iyi nkuru, yatangaje ko abo bana bapfaga flash dic umwe yatije mugenzi we maze ntayimusubiza.
Ni ubwa mbere muri uyu mwaka azaba ataramiye i Kigali. Ariko amaze iminsi mu bitaramo yagejeje mu bihugu bitandukanye byo ku Isi.
Umwibuke mu ndirimbo zirimo nka ‘Amosozi y’urukundo’, ‘Birakaze’ yakoranye na Alpha Rwirangira, ‘Kumushaha’, ‘Haturudi nyuma’ yahuriyemo na Juliana, ‘Mbwira’ yakoranye na Marina, ‘Nitafanya’ na Lady Jaydee n’izindi.
Iki gitaramo agiye gukorera i Kigali yacyise 'Soirée dansante', agiye kugikora atewe inkunga n'Uruganda rwenga ibinyobwa bisembuye n’ibidasembuye, SKOL Brewery Ltd,
Azataramira abakunze be, ku wa 23 Kanama 2024 muri Kigali Conference and Exhibition Village ahazwi nka Camp Kigali, guhera saa kumi n'ebyiri z'umugoroba kugeza saa tanu z'ijoro.
Amatike yashyizwe ku rubuga www.maafrica.rw . Ariko ushobora no kwifashisha uburyo bwa Mobile Money ukanze *182*8*1*932808#. Mur VVIP Table ni ukwishyura ibihumbi 200Frw iguhabwa n'icyo kunywa, VIP ni ukwishyura ibuhumbi 20 Frw, ariko uguze itike mbere y'umunsi w'igitaramo ni ukwishyura ibihumbi 15 Frw.
Uyu mugabo afite ku isoko album ziriho indirimbo ziryoshye. Mu 2001 yasohoye Album yise 'Yaramenje', mu 2003 asohora Album 'Shamba', mu 2006 yasohoye Album 'Ishano', mu 2010 asohora Album 'Haturudi Nyuma' n'aho mu 2012 yasohoye Album 'Hali Na Mali'.
Kidum ni umwe mu bahanzi bamaze ibinyacumi bakora umuziki ndetse badatakaza igikundiro mu Karere k’ibiyaga bigari, azwiho ubuhanga no kunoza indirimbo cyane cyane izivuga ku rukundo akora mu ndimi zitandukanye.
Kidum w'imyaka 49 y'amavuko amaze igihe kinini abarizwa ku butaka bwa Kenya kurusha igihugu cy'amavuko. Ni umuhanzi w'umurundi washyize ku gasongero umuziki w'iki gihugu.
Kidum asanzwe ari umwe mu bafite ibihangano binyura benshi bakoresha ururimi rw'Ikirundi n'Ikinyarwanda bitewe n'uburyohe bw'imitoma iba yuzuyemo ikora ku nguni y'imitima ya benshi.
Ni umwe mu bisanga mu Rwanda ndetse ubaze inshuro amaze kuharirimbira ntiwazirangiza kandi uko aje yishimirwa mu buryo bukomeye n'abakunda umuziki.
Aheruka mu Rwnada ku wa 24 Gashyantare 2023, ubwo yaririmbaga mu gitaramo ‘Lovers Edition’ cya Kigali Jazz Junction’ cyabereye muri Camp Kigali. Icyo gihe yari amaze imyaka ine adataramira i Kigali.
Mu 2019, nabwo yataramiye abanya- Kigali binyuze muri 'Kigali Jazz Junction' yasozaga ukwezi kwa Nzeri 2019. Ni igitaramo cyari cyatumiwemo umunya-Nigeria, John Drille, na Sintex.
Kidum agiye gususurutsa abakunzi be mu gitaramo kizabera muri Camp Kigali, ku wa 23 Kanama 2024
Kidumu yaherukaga i Kigali muri Gashyantare 2023, icyo giye yahuriyemo ku rubyiniro n'abarimo Confy, B2C bo muri Uganda n'abandi
Kuva mu 2018, nibwo Kidum yatangiye kumvikana mu itangazamakuru avuga ko amaze gukorera i Kigali ibitaramo birenga 100
Kidum agiye gukora iki gitaramo atewe inkunga n'uruganda rwa SKOL
KANDA HANO WUMVE INDIRIMBO ‘AMASOZI Y’URUKUNDO’ YA KIDUM
KANDA HANO UREBE AMASHUSHO Y’INDIRIMBO KIDUM YAKORANYE NA LADY JAYDEE
KANDA HANO UREBE AMASHUSHO Y'INDIRIMBO'MBWIRA' YA MARINA NA KIDUM
Ibi bihembo byatanzwe ku gicamunsi cyo kuri iki Cyumweru tariki 4 Kanama 2024, mu muhango wabereye muri Marriott Hotel. Ni nyuma y'iminsi ibiri yari ishize inama '100 Most Notable Peace Icons Africa' ishamikiye kuri ibi bihembo iri kubera i Kigali, ihuje abavuga rikumvikana mu ngeri zinyuranye.
Ni ibihembo byari bihatanyemo abanyapolitiki, abavuga rikijyana muri Sinema, ubuhanzi, ubugeni n'abandi bagaragaza ko bafite ibikorwa byinshi bakoreye Sosiyete.
Alliah Cool usanzwe ari umukinnyi wa filime uri mu bakomeye mu Rwanda, yari ku rutonde rw'abahatanira ibihembo, ndetse yaje gushyikirizwa igihembo cy'umunyarwandakazi wateje imbere abari n'abategarugori mu bihe bitandukanye.
Mu kiganiro na InyaRwanda, Alliah Cool yavuze ko yiyumvise neza nyuma yo guhabwa iki gikombe 'nk'umuntu usanzwe ukorera ubuvugizi abari n'abategarugori byumwihariko kandi ndi muri 'Entertainment' (imyidagaduro' ari nayo mpamvu nyine nahawe iki gikombe'. Yanahawe 'Certificate' ashimirwa ibikorwa bye byafashije benshi muri sosiyete.
Iyi nama yatangiwemo ibi bihembo yateguwe n'ikigo '100 Most Notable Peace Icons Africa' bafatanyije na Peace Ambassador Agency Worldwide, Davdan Peace ndetse na Advocacy Foundation. Yitabiriwe n'abantu barenga 1000 bo mu bihugu bitandukanye byo ku Isi cyane cyaane muri Afurika.
Muri rusange ibi bihembo byahawe indashyigikirwa mu bikorwa byahinduye ubuzima bw'umubare munini nko muri Politiki, 'Business', kwihangira imirimo, Siyansi, Ubuhanzi, Ibikorwa by'uburagiraneza, imyidagaduro n'ibindi binyuranye.  Â
Uretse Alliah Cool, ibi bihembo byanahawe abarimo: Dr Imane Kendili, Amb.Adeniran Michael Timothy, Dr. David Didier Lissassi Assogba, Yar Telar Ring Deng, Ifeanyi Ariekpere Ajuzie;
Yusuy Shehu Tijani, Mohmmed Tijjani Sabiu, Angel Josephat Natianota, Kojo Mensa Amissah, Peter Asiimwe, Kamaldeen T. Kuku, Smelly Dube, Higgins Peter, Hero Chinedu Usiagwu, Dauga Lawal, Abdelhak Najib n'abandi.  Â
Umuyobozi Ushinzwe ishyirwa mu bikorwa ry'iyi nama, Amb Dr. Kingsley Amafibe yagaragaje ko abahawe ibi bihembo 'ni abantu bakoze ibikorwa byiza byasize umurage, kandi bizabera urumuri ibisekuru bizaza mu gihe kiri imbere'.
Alliah Cool yahawe igikombe ku bwo kuvuganira abari n'abategarugori byatangiwe i Kigali 
Alliah Cool yahawe ‘Certificate’ ashimirwa uruhare rwe muri Sinema
Alliah Cool yahawe iki gikombe mu byatanzwe n'abanya-Nigeria mu nama yabereye i Kigali
Alliah yavuze ko yakozwe ku mutima no kuba yarashimiwe ibikorwa bye mu guteza imbere abagore
Ibi bihembo byahawe abantu banyuranye cyane cyane bo muri Nigeria no mu bindi bihuguÂ
Alliah Cool ari kumwe na Jackson Mucyo [Uri iburyo] utegura ibihembo bya Rwanda International Movie Awards
Harabura iminsi micye ngo habe umuhango w'Irahira rya Perezida Kagame uzaba urahirira kuyobora Repubulika y'u Rwanda muri manda y'imyaka 5 nyuma yo gutsinda amatora ku majwi 99.18%.
Ni umuhango utegerejwe na benshi ku isi by'umwihariko Abanyarwanda. Tugiye kugaruka ku mateka ya Perezida w'Urukiko rw'Ikirenga, Dr Ntezilyayo uzayobora uyu muhango.
Dr Faustin Ntezilyayo yabonye izuba kuwa 20 Kanama 1962. Afite impamyabushobozi y'Ikirenga mu mategeko yakuye muri Kaminuza ya Antwerp mu Bubiligi hari mu 1994.
Afite impamyabumenyi y'icyiciro cya Gatatu cya Kaminuza mu mategeko agenga imisoro akaba yarayibonye mu 1996, akagira n’indi y’ibijyanye n'Ububanyi n'Amahanga yabonye mu 2009.
Mu 1986 ni bwo yahawe impamyabumenyi y'icyiciro cya Kabiri cya Kaminuza mu mategeko muri Kaminuza Nkuru y'u Rwanda, ubu yabaye Kaminuza y'u Rwanda.
Mu bihe bitandukanye yitabiriye amahugurwa mu birebana n'Amategeko agenga Imiyoborere, Imari, Imanza, Itumanaho n'andi atandukanye.
Mu myaka isaga 35 y'ubunararibonye, Dr Ntezilyayo yahawe inshingano zitandukanye muri Guverinoma zirimo kuba yarabaye Minisitiri w'Ubutabera, Guverineri Wungirije wa Banki Nkuru y'u Rwanda;
Yabaye kandi Umuyobozi Mukuru wa RURA [Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro], ndetse yanabaye Umujyanama Mukuru mu by'Amategeko muri Minisiteri y'Inganda n'Ubucuruzi.
Dr Ntezilyayo, umugabo w’umuhanga cyane mu bijyanye n’Amategeko, yabaye umugenzuzi mu mavugurura y'amategeko arebana n'Ubucuruzi, Politike y'ishoramari n'ibindi.
Afite inararibonye mu gukora ubushakashatsi no kwigisha. Yigishije muri Kaminuza zitandukanye mu Rwanda, muri Leta Zunze Ubumwe z'Amerika no muri Canada.
Mu 2011 kugera muri Mata 2013, Dr Ntezilyayo yari Umuyobozi Mukuru w’Ikigo cy’Imari “Agaseke Bank Ltd” cyahindutse 'Bank of Africa' aho yakoze ku mishinga yari igamije kurushaho kuzahura Ubukungu n'Imikorere mu by'ubucuruzi.
Dr Ntezilyayo ni Umunyamuryango w'amashyirahamwe yaba ayo ku rwego mpuzamahanga n’ayo mu gihugu agenga abanyamategeko.
Hagati ya Kamena 2013 na Werurwe 2020, Dr Ntezilyayo yari mu bagize Urukiko rwa Africa y'Uburasirazuba. Ni umwalimu kandi muri Kaminuza y'u Rwanda. Yarahiriye inshingano nka Perezida w'Urukiko rw'Ikirenga kuwa 06 Ukuboza 2019.
Dr Ntezilyayo afite inararibonye mu mategeko akaba yaragiye ahabwa inshingano zitandukanye muri Guverinoma y’u Rwanda
Perezida Kagame azarahirira kuyobora Repubulika y’u Rwanda muri manda y’imyaka 5 ku wa 11 Kanama 2024 nk’uko bikubiye mu itangazo rya GuverinomaÂ
Mu 2023, uyu muhanzi wamamaye mu ndirimbo zirimo 'Birakaze' yakoranye na Kidumu, ntiyabashije gukora ibi bitaramo nk'uko yari yabiteganyije, ahanini bitewe n'impamvu za gahunda nyinshi yari ahugiyemo zijyanye n'umuryango n'ibindi.
Amaze igihe kandi ashyize imbere kuganiriza abakunzi be ku ngingo zinyuranye z'ubuzima yifashishije umugore we. Mu kiganiro giheruka, baganiriye ku mpamvu zigeza abarushinze ku kwiyemeza gutandukana (Divorce), nyamara bari barahanye isezerano ryo kubana kugeza ku munsi wo gupfa.
Alpha Rwirangira yabwiye InyaRwanda, ko mu 2023 ntiyabashije gukora iki gitaramo nk'uko yari yabiteganyije ariko ko muri uyu mwaka yiyemeje kubisubukura.
Ati 'Yego, umwaka ushize sinabashije gukora ibi bitaramo ariko mu 2022 narabikoze, gusa muri uyu mwaka bizaba, kandi ni ibitaramo bizajya biba buri mwaka.'
Rwirangira wahagarariye u Rwanda mu marushanwa ya 'Tusker Project', yavuze ko ategura ibi bitaramo agamije gufasha abatuye Canada guhimbaza Imana.
Ati 'Ibi bitaramo ni ngaruka mwaka, bibaka bigamije gushima Imana. Hari abandi bahanzi bazabana nanjye muri iki gitaramo cyo kuri iyi nshuro. Gusa tuzabimenyesha abantu mu minsi iri imbere.'
Yavuze ko mu byo ateganya muri uyu mwaka harimo no kugera i Kigali agasura umuryango we, ariko kandi bidakunze yagera i Kigali mu 2025. Ati 'Ndabiteganya cyane (kuza mu Rwanda) ni vuba cyane.'
Ni ku nshuro ya kabiri ibi bitaramo bigiye kuba. Kuri iyi nshuro byateguwe na Healing Lab. Ushingiye kuri ‘Affiche’ yagiye hanze, bigaragara ko Alpha Rwirangira azakora ibitaramo bibiri.
Igitaramo cya mbere kizaba ku wa 13 Ukwakira 2024 mu Mujyi wa Edmonton muri Canada, azakomereza mu Mujyi wa Ottawa muri Canada, ku wa 23 Ukwakira 2024. Mbere y'umunsi w'igitaramo ni ukwishyura amadorali 50, ni mu gihe ku munsi w'igitaramo ari ukwishyura amadorali 70.
Alpha Rwirangira ni umuhanzi w'umunyarwanda wabonye izuba ku wa 25 Gicurasi 1986. Ni umwanditsi w'indirimbo witabiriye amarushanwa anyuranye.
Akunze kuririmba indirimbo zubakiye ku mudiho wa Reggae, Soul R&B n'izindi. Kandi yita cyane ku ndirimbo ziri mu rurimi rw'Ikinyarwanda, Icyongereza n'igiswahili.
Yitabiriye irushanwa rya Tusker Project ndetse abasha kuryegukana, aho yari ahatanye n'abahanzi bakomeye mu Karere k'Afurika y'Iburasirazuba. Yanakoranye indirimbo n'abarimo umuraperi A.Y binyuze mu ndirimbo nka 'Songa Mbele, anafitanye indirimbo 'Come To Me' yakoranye na Bebe Cool.
Afite izindi ndirimbo zirimo nka: One Africa, Mama, Love yakoranye na Junior (Rwanda), This Child, Mwami, Happy Day yakoranye na Spax (Rwanda), Only you, Ndagukunda 'I Love You' yakoranye na Princes Priscilla (Rwanda) n'izindi.
Alpha Rwirangira yatangaje ibitaramo bibiri agiye gukorera mu gihugu cya Canada
Alpha yatangaje ko ari kwitegura kugaruka i Kigali gusura umuryango we
Alpha yavuze ko mu 2022 atabashije gukora ibi bitaramo bya 'Gospel' kubera ibikorwa byinshi
Rwirangira aherutse gushyira ku isoko Album yise 'Wow'
KANDA HANO UREBE AMASHUSHO Y'INDIRIMBO ‘VICTORIOUS’ YA ALPHA RWIRANGIRAÂ
KANDA HANO UREBE AMASHUSHO Y’INDIRIMBO ‘WOW’ YAÂ ALPHA RWIRANGIRA
Kuri iki Cyumweru tariki 4 Kanama 2024, ni bwo Minisitiri Dmytro Kuleba ushinzwe Ububanyi n'Amahanga muri Ukraine yatangaje iby'uru rugendo rwe muri Afurika, akaba aje gukusanya inkunga yo kurwanya u Burusiya.
Reuters yatangaje ko uru ruzinduko ruzaba ari inshuro ya Kane Minisitiri w'Ububanyi n'Amahanga wa Ukraine atembereye mu bihugu bya Afurika kuva intambara iri kuba hagati ya Ukraine n’u Burusiya yatangira. Kuleba azerekeza muri Malawi, Zambiya, na Maurice, kuva ku ya 4-8 Kanama 2024.
Itangazo ryashyizwe ahagaragara n’ibiro bya Minisitiri w’Ububanyi n’Amahanga muri Ukraine riragira riti: “Ibiganiro byose bizibanda ku iterambere ry’umubano w’ibihugu byombi ushingiye ku kubahana no guharanira inyungu.Â
Mu ngingo z’igenzi zizigwaho harimo uruhare rw’ibihugu byo muri Afurika mu bikorwa byo kugarura amahoro muri Ukraine no ku Isi yose.”
Twibukiranye ko intambara yo muri Ukraine itigeze ihagarika ibikorwa by’u Burusiya muri Afurika.Â
Muri Kamena uyu mwaka, ibihugu byinshi bya Afurika byitabiriye inama yateguwe n’u Busuwisi yabereye muri Ukraine. Nubwo bimeze bityo ariko, ibi bihugu ntibyigeze bitinyuka kwifatanya n’ibyo mu Burengerazuba mu guha akato u Burusiya ku bw’umumaro iki kihugu kibafitiye.
Muri uru ruzinduko, biteganijwe kandi ko Minisitiri Kuleba azatanga ikiganiro ku bijyanye no kohereza ingano za Ukraine muri ibyo bihugu azageramo, akerekana n’amahirwe kompanyi zo muri Afurika zakura mu kugira uruhare mu iyubakwa rya Ukraine.
Minisitiri w’Ububanyi n’Amahanga wa Ukraine arateganya uruzinduko muri Afurika
Â
Umukino wahuje Simba SC mu mpera z’icyumweru gishize na APR FC, umuntu yavuga ko ari igipimo cyiza kuri iyi kipe y’Ingabo z’Igihugu kuko yasize yerekanye urwego iyi kipe yiyubatseho nubwo benshi bagishidikanya ku mukotoza wa yo Darko Novic.
Ni umukino wabaye ku wa Gatandatu w’icyumweru gishize tariki ya 3 Kanama 2024 kuri Uwanja wa Mkapa ubwo Simba SC yizihizaga Simba Day, yawutsinze 2-0 ndetse yanarushije cyane APR FC kuko guhererekanya umupira yagize 29 mu gihe Simba SC yagize 71.
Ni umukino ariko na none wasize urujijo rwinshi mu bakunzi ba APR FC ndetse n’abakurikirana umupira bitewe n’umutoza, Umunya-Serbia, Darko Novic. Muri iyi nkuru tugiye kugaruka ku masomo cyangwa ku bintu bimwe na bimwe uyu mukino wasize ku ruhande rwa APR FC.
Umutoza Darko Novic akomeje gushyira mu rujijo abakunzi ba APR FC
Kugeza ubu APR FC yaguze abakinnyi 7 b’abanyamahanga bashya barimo myugariro w’umunya-Senegal Aliou Souane, abakinnyi babiri bakina mu kibuga hagati bakomoka muri Ghana, Richmond Lamptey na Seidu Dauda Yussif, Umunya-Mali, Mahamadou Lamine Bah, Umunya-Mauritania, Mamadou Sy ndetse n’Abanya-Nigeria babiri, Chidiebere Johnson na Godwin Odibo.
Gusa aba bakinnyi bose ntarabaha umwanya uhagije wo gukina uretse Seidu Dauda ni we wenyine wabashije kubona umwanya wo kubanza mu kibuga guhera ku mukino wa 3 muri CECAFA Kagame ndetse na Lamine Bah wabanjemo ku mukino Simba SC agakina iminota 45.
Benshi bumvaga umukino wa Simba SC ari ho bazabonera aba bakinnyi bose APR FC yaguze, gusa yatunguye benshi n’ubundi abanjemo ikipe isanzwe uretse Lamine Bah wari wagiye mu mwanya wa Dushimimana Olivier.
No mu gusimbuza Lamptey abakunzi ba APR FC bari bishimiye ku mukino wa nyuma wa CECAFA Kagame Cup yamuzanye amaze gutsindwa igitego cya kabiri ndetse na Godwin amuzana mu minota ya nyuma y’umukino.
Mu gihe habura ibyumweru bibiri gusa ngo bakine na Azam FC muri CAF Champions League, haribazwa igihe azabakinishiriza kugira ngo bamenyerane, ni mu gihe hari n’abatebya ko yaba arimo guhisha abakinnyi be ngo Azam FC itazababona.
Ikindi kiri mu mitwe ya benshi haribazwa niba aba bakinnyi baba batari ku rwego rwiza ku buryo barusha abari basanzwe muri iyi kipe cyangwa niba ari uko batiguriwe n’umutoza.
Imisimburize ye na yo ni iyo kwibazwaho
Uyu mutoza kandi yagarageje ko afite uburyo asimbuzamo bumeze nka 2+2=4, inshuro 3 ziheruka zose yagiye akuramo Victor Mbaoma na Dushimimana Olivier (Muzungu) uretse ku mukino wa Simba Muzungu atakinnye umwanya we wari wafashwe na Lamine Bah ni we wavanyemo na Mbaoma igice cya kabiri kigitangira.
Aba bakinnyi uko bavagamo bahitaga basimburwa Mamadou Sy na Ndayishimiye Dieudonne. Muri zo nshuro 3 zose yasimbuzaga aba bakinnyi agashyiramo Dieudonne na Sy, inshuro 2 ziheruka yahitaga atsindwa igitego.
Bwa mbere byabaye ku mukino wa nyuma wa CECAFA Kagame Cup ubwo APR FC yatsindwaga na Red Arrows ku munota wa 60 APR FC yakoze impinduka 2, Dushimimana Olivier na Victor Mbaoma bavuyemo hinjiramo Ndayishimiye Dieudonne na Mamadou Sy nyuma y’iminota 2 yahitse itsindwa igitego.
Ni nabyo byabaye ku mukino wa Simba SC, igice cya kabiri kigitangira yakuyemo Mbaoma na Lamine Bah azanamo Mamadou Sy na Ndayishimiye Dieudonne, nyuma y’iminota 2 gusa yahise itsindwa igitego cya mbere.
Haracyagaragara ibihangaâ¦
Nk’uko umutoza Darko Novic yagiye abigarukaho mu biganiro n’itangazamakuru ko afite ikibazo ku bakinnyi bakina inyuma bugarira, no ku mukino wa Simba SC byaragaraye.
Kuri uyu mukino wa Simba SC, Niyomugabo Claude akaba na kapiteni wa APR FC ukina ku ruhande rw’ibumoso yugarira na Byiringiro Gilbert ukina ku ruhande rw’iburyo bugarira bagowe cyane n’uyu mukino bituma banakora amakosa cyane ko n’ibitego 2 byose byatsinzwe byaturutse ku ruhande rwa Niyomugabo Claude.
Ku munsi wo ku wa Gatadatu byagaragaye ko bakeneye abandi bakinnyi babafasha cyane ko nka Niyomugabo Claude nta musimbura agira. No ku bakinnyi bakina basatira banyuze ku mpande n’aho hari ikibazo gikomeye cyane mu gihe abaguzwe baba batari ku rwego byazayigora cyane.
Ni inkongi yatangiye mu rukerera rwo kuri uyu wa Mbere ahagana Saa Kumi n'imwe z'igitondo. Ibikoresho byose byari birimo byifashishwaga mu kazi ka buri munsi nk'imyenda, ipamba n'ibindi, byakongotse.
Umuyobozi Ushinzwe imikoranire n'ibindi bigo muri C&D Products Rwanda, Ntabana Yves, yabwiye IGIHE ati ' Rwahiye Pe! Hahiye ibintu byose byari birimo imbere byahiye, ameza dukoreraho, imashini, ububiko bw'imyenda n'iz'ibitambaro byose byahiye.''
Mu masaha y'igitondo nibwo kuzimya iyi nkongi byarangiye bitewe n'uko uruganda ari runini cyane.
Umuvugizi wa Polisi, ACP Boniface Rutikanga yabwiye IGIHE ati ' Umuriro watangiriye muri etage, ntabwo ari mu ruganda nyir'izina. Hari hakinze nta bantu bari bahari. Ibintu byangiritse ni byinshi bitarabarwa neza, nta muntu wahaguye nta n'uwakomeretse nta n'izindi nganda zo ku mpande zangiritse. Ntabwo turamenya icyabiteye.'
Uruganda C&D Products Rwanda ruri mu zikomeye zidodera imyenda mu Rwanda.
Ni igikorwa cyabaye ku Cyumweru tariki ya 04 Kanama 2024, ku birindiro by'Ingabo z'u Rwanda bya Mpoko.
Maj Gen Vincent Nyakarundi yashimiye izi Ngabo z'u Rwanda ku bw'umuhate n'umurava bagira mu kubungabunga umutekano w'abaturage bo muri iki gihugu, anabagaragariza uko umutekano wo mu Karere uhagaze.
Yashimiye kandi Ingabo z'u Rwanda ubwitange bwabo, ashimangira ko umusanzu wabo mu kurinda abasivili n'imitungo yabo muri Repubulika ya Centrafrique, ari uwo kwishimirwa.
Yabashishikarije gukomeza kwita ku nshingano zabo mu buryo bwa kinyamwuga kugira ngo hakomeze hubahirizwe intego z'Umuryango w'Abibumbye n'amasezerano y'ubufatanye hagati y'u Rwanda na Repubulika ya Centrafrique.
Imwe mu nkuru zimaze iminsi zigarukwaho mu Rwanda ni ifungwa ry’insengero zitandukanye bitewe no kutuzuza ibisabwa n’Urwego rw’Igihugu rw’Imiyoborere (RGB) aho kugeza ubu izirenga ibihumbi 5 zimaze gufungwa, zikaba ziganjemo izo mu Ntara.
Muri iri genzura hararebwa ko urusengero rufite ibyangombwa by’iyandikwa bitangwa na RGB, icyemezo cy’imikoranire n’Akarere mu gihe hafunguwe ishami, kureba niba inyubako y’urusengero yujuje ibisabwa biteganywa n’amategeko agenga imiturire y’aho ruherereye;
Kureba niba abayobozi bafite impamyabumenyi cyangwa impamyabushobozi mu by’iyobokamana (Theology) ku rwego ruhagarariye umuryango no ku rwego rw’umuryango rufite izindi rukuriye.
Mu biri gusabwa kugira ngo urusengero ntirufungwe, hanakajijwe n’umutekano aho insengero zisabwa gusaka abazinjiramo zikanashyirwamo camera. Urusengero kandi rurasabwa kuba rufite parikingi ndetse ruri ku buso bungana na kimwe cya kabiri cya Hegitari – ingingo ishobora kuzagonga benshi.
Rev Dr Antoine Rutayisire wamenyekanye cyane ari Umuyobozi wa Paruwasi ya Remera mu Itorero Angilikani ariko kuri ubu akaba ari mu kiruhuko cy'izabukuru, ubwo yaganiraga na shene ya YouTube ya Nyigisha Tv yagarutse kuri uyu mwanzuro wo gufunga insengero.
Yavuze ko bari baraburiwe mu myaka 5 ishize. Yagize ati “Umuntu umwe twabijyagaho impaka ejo ambwira ati ‘kugeragezwa, gutotezwa’, ndamubwira nti ‘ariko njyewe baratuburiye, baduhaye imyaka 5 ngo tube twabonye abayobozi bafite ibipapuro.’
Kuba wafata umuntu ukamwohereza kwiga byari bitunanije iki ahubwo ko twagiye mu mpaka. Urupfu ni rwo rwigeze kubwira umuntu ati ‘sinzagutungura ninza kugutwara nzakuburira’, nawe ati ‘uzambwire ntuzantungure’.
Yaricaye agiye kubona abona ruraje ruti tugende ati ko untunguye, ruti ngutunguye igihe natwaraga umwana munsi y’iwawe sinakuburiye, igihe natwaraga wa mukecuru muturanye sinakuburiye n'igihe natwara ya pusi, ya nka n'ibindi byose sinarimo kukwibutsa ko mpari!.
None se baduhaye imyaka 5 ngo tube twashatse abayobozi ntishize?. Kuba tugomba kugira insengero zifite imirindankuba, iryo tegeko nti turizi?. Ntibigeze no kudufungira insengero ku bw'imirindankuba n'ibigega. Ubu turatunguwe?”
Rev Dr Rutayisire uri mu bapasiteri bo mu Rwanda bazwiho kutanigwa n’ijambo, yavuze ko “na Yesu ni uku azaza, yaratubwiye turarangara ngo twumva bitazaba ejo, azaza tukiri ahongaho akinge umuryango, nidutangira gukomanga atubwire ngo munyihanganire nari naraburiye”.
Uyu mushumba ufite impamyabumenyi y’Ikirenga mu Miyoborere, yavuze ko abakristo bareka gufata nabi ifungwa ry’insengero, gusa anavuga ko icyo akundira Perezida Kagame ari uko ashobora kubyumva akadohora. Ati: “Rero biriya reka tureke kubifata nabi ubwo na Leta buriya iba irimo kuducira amarenga”.
Yagaragaje ko mu kwizera kwe hari igihe mu irahira rya Perezida Kagame, insengero zafunzwe zishobora kudohorerwa. Ati: “Icyo nkundira Perezida wacu wenda nabyumva, wenda umunsi wo kurahira azavuga ati ‘mube mudohoreye Abanyarwanda basenge Imana’ “.
Yaboneyeho gusaba abanyamadini n’abakristo bose muri rusange kubahiriza amategeko ya Leta, anumvikanisha ko habayeho uburangare, ati “Sinzi uko bizagenda, ariko nzi neza ko natwe tuvuye mu burangare, ariko uburyo bwiza bwo kudatinya abayobozi ni ukubahiriza amategeko”.
Rev Pastor Rutayisire yavuze kuba avuze gutya atari uko ashyigikiye abafunga insengero ahubwo ko ashyigikiye kubahiriza amategeko. Ati: “Kandi njyewe iyo mvuze gutya ubu abantu ejo bazaba banyiyamye bati ‘Antoine nawe ashyigikiye ko bafunga insengero’.
Oya ntabwo nshyigikiye ko bafunga insengero ariko nshyigikiye ko twubahiriza amategeko, nshyigikiye ko tuba maso ndetse tukajya imbere. Ese kuki umuntu agomba kunyibutsa ko ngomba gushyira umurindankuba ku nsengero, si abakirisitu nshinzwe?
Kuki se umuntu agomba kunyibutsa ko ngomba gucukura ubwiherero buzima abagabo bakagira aho bihagarika n'abagore bakagira ahabo.
Kuki bagomba kunyibutsa y’uko ntagomba kumena abantu amatwi si ibisanzwe n'abaganga ntibabitubwira,..Biriya ntabwo mbibara nk'itotezwa ry’itorero, baduhoye uburangare bwacu. Umunsi bazaduhora Yesu twese tuzakubitirwa hamwe”.
Uyu mugabo yabaye nk’uwisubiraho avuga ko ariko na Leta yafunze insengero yagombaga kuba yaratanze umwanya abantu bagakosora ibintu ndetse ikanabibutsa. Ati “[….] Iyo ufunze urusengero hari umuntu uba uhemukiye. Ushobora kuba utizera Imana ariko uriya muntu wizera Imana akeneye ko umutwara neza kuko ntabwo bose bafata ibyemezo.
Umuntu umwe warangaye ntabwo agomba guhemukira abandi igihumbi, ibyo rero ntabwo mbishyigikiye rwose nabyo bibuzemo akantu. Yego insengero ushobora kuzigaya ariko ntabwo wavuga ko ari imburamumaro.
Reka nkubwire wazifunze uyu munsi ariko ejo uzasanga umuyobozi w'Umurenge arimo kuvuga ngo mukusanye ubwisungane mu kwivuza yibagirwe ko ejo yarimo aravuga ngo mufunge insengero ubundi twagombye gufatanya. Turi igihugu kirimo guhinduka ubundi twagombye guhuza umutima tukanumvikana tukanoroherana”.
Yavuze ko kandi hari ibintu byinshi bakoramo amakosa y’imiyoborere, ati: “Njyewe mbona hari ibintu byinshi dukora mu makosa y'imiyoborere niryo ni ikosa. Ntabwo ubundi ufata ikintu kiri bugire ingaruka ku bantu benshi ngo ugikore usange mu karere wafunze insengero 180, ubwo ndabara abantu wenda bagera ku bihumbi 90 bababaye.
Kubabaza abantu ibihumbi 90 urimo urarinda iki? Inyungu ufite muri iki kintu ushobora kubabaza abaturage bangana batyo zitwa ngwiki?. Ngo gusa ni amategeko ariko itageko rishyirirwaho abantu na Yesu niko yavuze ko ugomba kureba itegeko ariko ukanereba abantu.
Pasiteri Rutayisire yavuze ko iyaba ari we ushinzwe ariya mabwiriza yari gushaka ba rwiyemezamirimo ubundii akabaha akazi bagashyira ku nsengero ibidahari ubundi akazishyuza insengero nyuma kuko iyo ufunze urusengero utaba uhemukiye Pasiteri ahubwo ari abakirisitu be.
Yanagiriye inama abo bafungiye insengero abawira ko bashyiramo ibyo basabwe bakareka ibyo kwifunga ndetse anavuga ko Perezida Kagame azakibonera umuti ‘bizahinduka vuba’.
Insengero zirenga 5,600 zimaze gufungwa mu gihugu hose
Amakuru avuga ko mu Mujyi wa Kigali hamaze gufungwa insengero zirenga 783, mu gihe Intara y’Iburasirazuba ari yo ifite insengero nyinshi zafunzwe zigera ku 2040 mu nsengero 3736 zagenzuwe. Iyi mibare ishobora kwiyongera kuko iyi Ntara ibarizwamo insengero 4154 bivuze ko insengero 418 zitari zakagenzuwe ubwo iyi mibare yatangazwaga.
Mu Ntara y’Amajyepfo hafunzwe insengero 582, mu Ntara y’Amajyaruguru hafunzwe insengero 1253 inyinshi zikaba ziri mu Karere ka Gicumbi gafitemo 318. Intara y’Iburengerazuba hamaze gufungwa insengero 1393 mu gihe iyi Ntara ifite insengero zirenga ibihumbi bitatu. Si insengero gusa zafunzwe ahubwo n’ubuvumo bwose bwarafunzwe.
Umuyobozi Mukuru w’Urwego rw’Igihugu rw’Imiyoborere (RGB) Dr. Usta Kayitesi yatangarije The New Times ko “Leta yafashe ingamba ku ikwirakwira ry’inzu zo gusengeramo” nyuma yo kubona ko hakiri insengero zangiritse “ndetse zidafite isuku.”
Minisitiri w’Ubutegetsi bw’Igihugu Jean Claude Musabyimana ubwo yaganiraga n’Ikigo cy’Igihugu cy’Itangazamakuru, RBA, yavuze ko zimwe mu nsengero zafunzwe zirimo n’aho ugera ugasanga abantu barahasengera bihoraho “ariko nta rusengero ruhari”.
Uyu muyobozi yatanze ingero z’abasengera ku misozi, mu buvumo, mu bitare, mu mashyamba n’ahandi avuga ko rimwe na rimwe hateza impanuka, harenze 108 mu gihugu “ndetse hakunda gushyira n’ubuzima bw’abantu mu kaga”.
Yahumurije abakristo ababwira ko iri genzura riri gukorwa ku bw’umutekano wabo atari ukubabuza gusenga. Ati: “Ntabwo biri gukorwa kugira ngo bagire uwo babuza gusenga, ahubwo ni ukugira ngo umutekano wabo ndetse n’ituze ry’abahasengera rikorwe neza”.
Kuwa 11 Kanama 2024 ni bwo Perezida Paul Kagame azarahirira kuyobora u Rwanda muri Manda y’imyaka 5 nyuma yo gutsinda amatora y’Umukuru w’Igihugu yo kuwa 14-15 Nyakanga 2024 ku majwi 99.18%. Ni umuhango uzayoborwa na Perezida w’Urukiko rw’Ikirenga, Dr. Faustin Ntezilyayo, ubere muri Stade Amahoro i Remera.Â
Rev Dr Antoine Rutayisire yagaragaje uko yakiriye ifungwa ry’insengero anavuga ko Perezida Kagame nabyumva azadohora