Category: Uncategorized

Mu gihe iki kigo gikomeje kuba ubukombe mu gihugu hose, kuri ubu noneho ntibisanzwe kuko cyatekereje no ku bakunzi ba telefone zigezweho za iPhone 15 Pro Max maze kibagenera impano idasanzwe.

Umwe mu bakozi ba Samusung 250, Irakoze Tonny Gratien yatangarije InyaRwanda ko bafitiye abakiliya babo poromosiyo igiye kumara ibyumweru bibiri, ikaba izaherekezwa n'impano zisanzwe zihabwa abahahira muri iri duka.

Yasobanuye ko uzahahira iPhone 15 Pro Max muri Samsung 250 mu gihe cy'ibyumweru bibiri, azaba afite amahirwe yo kuyihabwa ku giciro gito cyane, ndetse agahabwa na garanti y'imyaka ibiri yose aho kuba umwaka umwe nk'uko bisanzwe bimenyerewe.

Irakoze yagize ati: 'Turi kuyitangira ku giciro nk'icy'uruganda muri Amerika. Ni ku giciro cyo hasi cyane gishoboka kugira ngo buri munyarwanda wese agire ikoranabuhanga ryiza ariko ryizewe. Telefone ya iPhone 15 Pro Max iri mu matelefone meza akunzwe cyane ku Isi.

Si ibyo gusa kandi, kuko nk'uko abakiliya ba Samsung 250 bamaze kubimenyera, nta mukiliya ushobora guhahirayo ngo acyure telephone gusa ahubwo ahabwa n'utundi dushya tuba tumuteganirijwe. Kamwe muri utu dushya, ni uko mu mezi atandatu ya mbere uguze iyi telefone muri iri duka ukagira impanuka ikirahure cyayo kikameneka, bahita baguhindurira bakagushyiriraho igishya nta kindi kiguzi bigusabye.

Amara impungenge bakiliya ku bijyanye n'iyi poromosiyo, umukozi wa Samsung 250 yakomeje agira ati: 'Ni ukuvuga ngo iPhone 15 Pro Max turi gutanga, hari n'abashobora kugira ngo ni amapilate, turi gutanga 'orginal' zo ku ruganda.'

Bimwe mu biranga iyi telefone iri kuri poromosiyo, harimo kuba ari verisiyo nshya ikomoka ku ruganda muri Amerika, kuba idashobora kwangizwa n'amazi (Waterproof), ndetse no kuba ifata E-Sim na Sim Card isanzwe kugira ngo uyiguze aabashe gukomeza gukoresha imirongo ye yose.

Akomoza ku bindi bishya bahishiye abakiliya babo n'abifuza kubagana muri iki gihe, yagize ati: 'Nk'uko bimenyerewe, Samsung 250 turi ubukombe mu isi y'ikoranabuhanga. Tubafitiye ibikoresho byiza bya Samsung, abaduhahira batubera abahamya, nawe utaraduhahira gerageza uze wumve isi igezweho.

Yahamagariye abantu bose kubagana bakabaha ibikoresho by'ikoranabuhanga byose bijyanye n'igihe, byizewe kandi bikomeza gukurikiranwa. Muri ibyo harimo amafrigo meza, telefone za Samsung z'ubwoko bwose, televiziyo nziza, ‘Compressor’ zihabwa garanti y’imyaka 20 ndetse n'ibindi bikoresho byujuje ubuziranenge.

Iri duka rikorera mu Mujyi mu nyubako ya Kigali City Tower haruguru ya T2000 harebana na Station itagikora mu muryango wa 18 na Gisimenti ku muryango uri ku murongo wa Equity Bank. Bafite kandi n’ayandi mashami mu Giporoso ahahoze MTN ku maferuje, i Musanze ugana kuri Gare n’i Gisenyi kuri arete yo kwa Rujeni. Aha hose havuzwe hejuru uhasanga ibyapa bya Samsung 250. 

Samsung 250 yashyize telefone ya iPhone 15 Pro Max kuri poromosiyo

Wayibona ku giciro gito cyane mu gihe cy’ibyumweru bibiri 

Ni telefone nziza, igezweho, ihendutse kandi yizewe

Nta handi wasanga amahirwe nk’aya usibye muri Samsung 250 gusa

Usibye iyi telefone iri kuri poromosiyo, muri Samsung 250 bafite n’izindi nyinshi zigezweho

Bafite n’ibindi bikoresho by’ikoranabuhanga bibereye ijisho kandi bifite uburambe

Bafite amafrigo meza cyane

Televiziyo za rutura na zo zirahari

Hari na ‘pochette’ z’ubwoko bwose

Gana Samsung 250 uhahe iPhone 15 Pro Max kuri poromosiyo, ugure n’ibindi bikoresho biherekejwe n’udushya twinshi 

Kanda hano urebe andi mafoto menshi

“>Reba hano ibisobanuro birambuye kuri poromosiyo ya Samsung 250 igiye kumara ibyumweru bibiri

“>

AMAFOTO: Doxivisual – InyaRwanda

VIDEO: Murenzi Dieudonne – InyaRwanda

Raporo y'agateganyo y'uko ubucuruzi bwa MTN Rwandacell Plc buhagaze kuva muri Mutarama 2024 kugeza tariki 30 Kamena 2024, yashyizwe ahagaragara tariki 13 Kanama 2024, igaragaza ko iki kigo cyahombye Miliyari 10.5 Frw, ikunguka abafatabuguzi bashya babarirwa ku ijanisha rya 7.5%.

Muri iyi raporo hagaragaramo ko mafaranga yinjije binyuze muri serivisi MTN itanga yiyongereye ku ijanisha rya 0.8%. Amafaranga iki kigo cyinjije mbere yo gukuramo imisoro n'ibindi byose yavuye kuri Miliyari 54,9 Frw mu mezi atandatu ya mbere ya 2023 agera kuri Miliyari 39 Frw mu gihe nk'icyo mu 2024.

Nyuma yo kwishyura imisoro, inyungu ya MTN Rwandacell Plc yageze kuri Miliyari 10.5 Frw, bitewe n'igabanyuka ry'amafaranga yinjiye hamwe n'ikiguzi cyo gukodesha ahari iminara cyiyongereye bivuye no ku mishya yubatswe.

Umuyobozi Mukuru wa MTN Rwanda, Mapula Bodibe yatangaje ko bashoye arenga Miliyari 32.8 Frw mu bikorwa by'ishoramari rizamura imikorere y'ikigo, kandi hubakwa iminara mishya 87 hirya no hino mu gihugu.

Ati 'Gukomeza gushora imari mu kunoza ihuzanzira ryacu ni igihamya ko dukora ibishoboka ngo dushyire mu bikorwa ibikubiye muri gahunda ya 2025, igamije kwagura ubushobozi bw'ihuzanzira ryacu, kurigeza ku henshi hashoboka no gushyiraho ibikorwaremezo bigezweho bizafasha no mu gihe kizaza.'

Iyi raporo igaragaza ko abakoresha sim card za MTN Rwanda biyongereyeho 7.5%, bangana n'abantu ibihumbi 523. Byatumye abafatabuguzi bayo bagera kuri miliyoni 7.5.

Abakoresha serivisi za Mobile Money bo, biyongereye ku ijanisha rya 15%, bituma bagera kuri miliyoni 5.1 muri Kamena 2024.

Ni mu gihe abakoresha interineti ya MTN Rwanda biyongereyeho 0.6% ugereranyije n'igihe nk'iki mu mwaka ushize, bagera kuri miliyoni 2.3, na ho Miliyoni 1.5 bakoresha 4G.

Ubuyobozi bwa MTN Rwanda bugaragaza ko muri aya mezi bwashyize imbere kubahiriza gahunda bihaye igeza mu 2025, no kuba ku isonga mu byerekeye itumanaho.

Bahamya ko ishoramari ryakozwe mu kunoza ihuzanzira ryatumye serivisi batanga zikomeza kwishimirwa na benshi mu mezi atandatu ya mbere ya 2024.

Kuva mu 2023, Urwego Ngenzuramikorere, RURA rwashyizeho gahunda y'uko abakoresha sosiyete z'itumanaho zitandukanye imbere mu gihugu bazajya bahamagarana nta kiguzi cy'inyongera izo sosiyete zishyuzanyije.

Bodibe yavuze ko iyi gahunda yo gukuraho ikiguzi cyo guhamagarana hagati y'imirongo itandukanye ikorera mu Rwanda yagize ingaruka zikomeye ku mafaranga MTN Rwanda yinjiza binyuze mu guhamagarana, avuga ko bakomeje kuganira na RURA ku bintu bimwe na bimwe bibangamiye ubucuruzi n'imikorere ya MTN Rwanda.

Nubwo bimeze bityo ariko, MTN Rwandacell Plc yatangaje ko izakomeza kuba ubukombe mu itumanaho, binyuze mu kongera umuvuduko mu bucuruzi no kwihutisha iterambere rya serivisi itanga. MTN kandi ikomeje gukora ku ntego yiyemeje kugeraho mu 2025 ifatanyije n’abafatanyabikorwa bayo.
  

Ni ingingo yakomojeho kuri uyu wa Kabiri tariki ya 14 Kanama 2024, aho yari yitabiriye umuhango wo gusoza amahugurwa yari amaze ibyumweru bitandatu ari guhabwa abasirikare b'u Rwanda 100 bo mu ishami rya gisirikare rishinzwe imyitwarire, Military Police.

Bari bamaze igihe bahugurwa ku bufatanye bw'Ingabo z'u Rwanda n'iza Qatar.

Aya mahugurwa baherwaga mu Ishuri rya Gisirikare ry'i Gako, yibanze ku bice by'ingenzi birimo kurwanya iterabwoba, kurinda abanyacyubahiro no kurwanya imyigaragambyo.

Umugaba Mukuru w'Ingabo z'u Rwanda, Gen Mubarakh Muganga, yashimiye kandi abahawe amahugurwa ku bwitange bagize bakaba babashije gusoza amahugurwa.

Yabibukije kandi ko ubuhanga n'ubumenyi bungutse ari ibyo kubafasha gusohoza inshingano zabo nk'uko bikwiye kinyamwuga.

Ati 'Mfashe uyu mwanya ngo mbashimire kuri iyi ntambwe y'ingenzi, nta gushidikanya ko ubu mugiye gukora neza kurushaho no kuzuza inshingano zanyu.'

'Ndashimira kandi ingabo za Qatar zagiye zisangiza ubumenyi RDF mu myaka ine, twese twungukiye muri ubu bufatanye.'

Capt Abdulla Al-Marri, wari uyoboye aya mahugurwa yashimiye RDF ku bwo gushyira imbaraga mu kurushaho kunoza ubufatanye hagati y'u Rwanda na Qatar binyuze muri gahunda zinyuranye zirimo n'aya mahugurwa.

Ati 'Aya mahugurwa yabaye binyuze mu bufatanye hagati y'ibihugu byombi, ubu bumenyi buzatuma aba bagize ishami rya gisirikare rishinzwe imyitwarire, barushaho gukora neza inshingano zabo mu kurinda abantu bakomeye, kurwanya iterabwoba no kurwanya imyigaragambyo.'

Ibi birori kandi byari byitabiriwe n'abajenerali batandukanye mu Ngabo z'u Rwanda, RDF, abasirikare bakuru n'abato ndetse n'intumwa mu Ngabo za Qatar.

Muri Mutarama 2024, u Rwanda na Qatar, byashyize umukono ku masezerano agamije gutangiza ubufatanye mu by'umutekano.

Ni amasezerano y'ubufatanye yitezweho gukorera hamwe kw'ibihugu byombi mu bijyanye n'umutekano no kurwanya ibyaha birimo iterabwoba, ibyaha byambukiranya imipaka n'icuruzwa ry'abantu.

Hari kandi kurwanya gukwirakwiza ibiyobyabwenge, ubucuruzi bw'intwaro n'amasasu, ibyaha bifitanye isano n'iyezandonke, ibyaha bikorwa hifashishijwe ikoranabuhanga, ruswa n'ibindi.

Aya kandi yaje yiyongera ku yandiajyanye n'iby'umutekano yashyizweho umukono mu 2023.

Mu gihe cy'imyaka ine, abarenga 400 bahuguwe mu by'umutekano yaba muri Qatar no mu Rwanda

Umugaba Mukuru w'Ingabo z'u Rwanda, Gen Mubarakh Muganga, yashimiye Ingabo za Qatar ku bwo gusangiza ubumenyi Ingabo z'u Rwanda

Aya mahugurwa baherwaga mu Ishuri rya Gisirikare ry'i Gako, yibanze ku bice by'ingenzi birimo no kurwanya iterabwoba

Umugaba Mukuru w'Ingabo z'u Rwanda, Gen Mubarakh Muganga, yashimiye abahawe amahugurwa ku bwitange bagize mu gihe bamaze bahugurwa

Umuhanzi Rusanganwa Norbel wamamaye nka Kenny Sol, yateye imitoma umugore we Kunda Alliance Yvette ku isabukuri ye y’amavuko, amuhamiriza urwo amukunda.

Ku wa 15 Kanama buri mwaka ni bwo Kunda umugore wa Kenny Sol yizihiza isabukuru y’amavuko.

Kenny Sol abinyujije ku rukuta rwe rwa Instagram yasangije abamukurikira amafoto ari kumwe n’umufasha we ayakurikiza ubutumwa amwifuriza isabukuru nziza, amushimira ko yamugize umugabo n’imyaka irindwi bamaranye amubwira ko amukunda.

Yagize ati “Isabukuru nziza kuri wowe mugore wanjye mwiza, nsengeye umunezero wawe, ubuzima bwiza n’ibyifuzo by’umutima wawe ngo bisubizwe, warakoze kumpindura umugabo ndi uyu munsi, ndagushimira igihe cyose kandi nzahora nkukunda ndetse nkubaha mama warakoze ku myaka 7, umwamikazi udasanzwe!”

Ni isabukuru ya mbere Kunda Alliance yizihije kuva yarushinga na Kenny Sol cyane ko basezeranye kuzabana akaramata imbere y’amategeko y’u Rwanda ku wa 05 Mutarama 2024.

Muri Gicurasi 2024, nibwo Kenny Sol n’umufasha we Kunda Alliance bibarutse imfura yabo.

Kenny Sol yasezeranyije umugore kuzamukunda iteka ryose

RUKUNDO Sulaiman / ISIMBI.RW

Ishyirahamwe ry’umupira w’amaguru mu Rwanda, FERWAFA, ryemeje ko umwaka w’imikino wa 2024-25, abanyamahanga muri shampiyona y’icyiciro cya mbere mu Rwanda bazaguma ari 6 nta mpinduka zizaba.

Ni umwanzuro wafatiwe mu nama ya Komite Nyobozi ya FERWAFA yabaye ejo hashize ku wa Gatatu tariki ya 14 Kanama 2024 yize ku busabe bw’Akanama k’Ubutegetsi ka Shampiyona y’icyiciro cya mbere mu Rwanda yari yasabye ko abanyamahanga bakwiyongera.

Umwe mu myanzuro wavuyemo nk’uko FERWAFA ari yo igena umubare w’abanyamahanga bagomba kujya mu mukino umwe, yabyanze.

Yavuze ko “amakipe yo mu cyiciro cya mbere yemerewe gukinisha abakinnyi batarenze 6 ku mukino uhereye ku mwaka w’imikino wa 2024-25.”

Bibaye nyuma y’uko amwe mu mabwiriza Akanama k’Ubutegetsi ka Shampiyona y’Icyiciro cya mbere mu Rwanda koherereje amakipe azangenga umwaka w’imikino wa 2024-25 harimo n’ingingo ivuga kukongera umubare w’abanyamahanga ukava kuri 6 ukagera 12 bajya ku rupapuro rw’umukino ni mu gihe 8 ari bo bazajya baba bari muri 11 bari mu kibuga.

Muri aya mabwiriza, ingingo ya 8 ari na yo irebana n’umubare w’abanyamahanga wemewe, agaka ka 8.1 kagira kati “ikipe yemerewe kwandikisha umubare wose ishaka w’abakinnyi w’abanyamahanga ariko ikemererwa gushyira abakinnyi 12 ku rupapuro rw’umukino.”

Agaka ka 8.2 gakomeza kagira kati “ikipe yemerewe gushyira icyarimwe mu kibuga abakinnyi b’abanyamahanga batarenga 8 ku mukino.”

Gusa bavuze ko Komite Nyobozi ya FERWAFA ari yo izafata umwanzuro ikemeza aya mabwiriza. Yateranye ibitera utwatsi.

Abanyamahanga bagumye ari 6

Kimwe mu bintu bimaze iminsi bigarukwaho cyane mu bakunzi b’umupira w’amaguru mu Rwanda ni ikijyanye n’abakinnyi b’abanyamahanga niba abemerewe gukina bazongerwa.

Mu ijoro ryo kuri uyu wa Gatatu ni bwo ishyirahamwe ry’umupira w’amaguru mu Rwanda, FERWAFA, ryahaye amakipe amabwiriza azagenderaho muri shampiyona ya 2024/25.

Muri aya mabwiriza harimo ko abakinnyi b’Abanyamahanga bemerewe gukoreshwa ku mukino ari 6 gusa n’ubundi nk’uko byari bisanzwe aho kuba 8 nk’uko byavugwaga.

Aya mabwiriza aje nyuma yuko amakipe arimo APR FC, Mukura VS na Rayon Sports zaguze abakinnyi benshi b’Abanyamahanga ndetse benshi akaba aribyo bagenderahaho bakavuga ko umubare w’Abanyamahanga ugomba kongerwa dore ko n’amakipe menshi ari byo yifuzaga ndetse n’abakunzi b’umupira w’amaguru muri rusange.

Shampiyona ya 2024/25 izatangira gukinwa ku munsi wejo ku wa Kane aho imikino izabimburira indi ari uwo ikipe ya Gorilla FC uzakinamo na Vision FC, uwo Bugesera FC izakinamo n’Amagaju FC ndetse nuwo Mukura VS izakinamo na Gasogi United.

Kuri uyu wa Kane Saa Cyenda ni bwo hakinwa umunsi wa Mbere wa shampiyona. Imikino izabimburira indi ni uwo ikipe ya Gorilla FC izakinamo na Vision FC, uwo Bugesera FC izakinamo n’Amagaju FC ndetse n’uwo Mukura VS izakinamo na Gasogi United.

Shampiyona iheruka yaranzwe no gutungurana ku makipe amwe nk’aho Musanze FC yatunguranye ikitwara neza ndetse bikarangira isoreje no ku mwanya wa 3 naho AS Kigali yo igatungurana ikarangiza igice kibanza cya shampiyona iri ku mwanya ubanziriza uwa nyuma.

Ikindi cyayiranze ni uguhangana ku makipe amanuka muri shampiyona y’icyiciro cya Kabiri kugeza aho byageze ku mukino wa nyuma mu mibare nta n’imwe iramanuka.

Nyuma yuko bigenze gutya mu mwaka ushize w’imikino benshi baribaza uko noneho ubu bizagenda, gusa muri iyi nkuru tugiye kureba bimwe mu byo kumenya mbere y’uko shampiyona itangira.

1.Amakipe yose uko ari 16 yasinyishije abakinnyi barenga 150

Muri iyi mpeshyi amakipe yariyubatse kugira ngo arebe uko yazahatana mu buryo bwose. Imibare yerekana ko amakipe yose yasinyishije abakinnyi barenga 150. 

Ukuyemo AS Kigali na Kiyovu Sports zo kumenya abakinnyi bose bashya zasinyishije bigoye, ikipe ya Mukura VS na Rutsiro FC nizo zasinyishije abakinnyi benshi bagera kuri 14 mu gihe izasinyishije bacye ari Marine FC na Etincelles FC zasinyishije 5.

Uko amakipe yagiye yinjizamo abakinnyi bashya; 

Rutsiro FC yasinyishije abakinnyi 14 ari bo Matumele Arnaud, Itangishatse Jean Paul, Ngirinama Alexis, Mbandu Olivier, Kabura Jean, Habimana Yves, Mumbere Mbusa Jeremie, Ndabitezimana Lazard, Ndikumana Tresor, Mambuma Ngunza Thithi, Uwambazimana Leon, Mutijima Gilbert, Nduwayezu Jean Paul na Munyurangabo Cedric.

Muhazi United yasinyishije abakinnyi 10 ari bo Kagaba Nicholas, kwizera Ahmed, Matabaro Assumani, Kubwimana Cedrick (Jay Polly), Muhimpundu Aman, Ramadhan Amzati Patient, Babuwa Samson Omaviare, Twishime Benjamin, Niyitegeka Idrisa na Nziengui kouma Nicodeme Russell.

Vision FC yasinyishije abakinnyi 9 ari bo Ndekwe Felix, Hakizimana Amani, Lutaaya Micheal, Bonney Stephen, Cyubahiro Idarus, Misago Jules, Faustin Edgar, Twizerimana Onesme na Rugangazi Prosper.

Police FC yasinyishije abakinnyi 11 aribo Yakubu Issa, Ani Elijah, Joakiam Ojera, Niyongira Patience, David Chimezie, Mandela Achraf, Kilongozi Richard, Nshimiyimana Simeon, Henry Msanga, Allan Katerega na Muhozi Fred.

Kugeza ubu Rayon Sports imaze gusinyisha abakinnyi 13 ari bo Ndikuriyo Patient, Nshimiyimana Emmanuel ‘Kabange, Ndayishimiye Richard, Adama Bagayogo, Rukundo AbdulRahman, Niyonzima Olivier Sefu, Fitina Ombolenga, Omar Gningue, Haruna Niyonzima, Prince Elenga Kanga, Fall Ngagne, Youssou Diagne na Ishimwe Fiston.

Amagaju FC yasinyishije abakinnyi 7 aribo Useni Kiza Seraphin, Twagirumukiza clement, Kambale Kilo Dieume, TWIZERIMANA Innocent, Iragire Said Shaban Salomo na Rashid Mapoli.

Marine FC yasinyishije abakinnyi 5 aribo Bigirimana Alfani, Vary Irambona, Mainami Ndumbe Sanda Sulei na Mutabaruka Alexander.

Bugesera FC yasinyishije abakinnyi 8 ari bo Bizimana Yannick, Mucyo Didier Junior, Ndayogeje Gerard, Ciza Jean Paul, Arakaza Mac Arthur, Hirwa Jean Deu Dieu Didier Mfashingabo na Eric Iracyadukunda.

Gorilla FC yasinyishije abakinnyi 13 ari bo Eric Rutanga, Mugunga Yves, Blaise Nishimwe, Moussa Omar, Shyaka Jean Derrick, Ntwari Evode, Ruhumiriza Manzi Patrick, Serge Ntagisanayo, Muhawenayo Gad, Alexis Karenzo, Nduwimana Franck, Uwimana Kevin na Duru Mercy Ikena.

Gasogi United yasinyishije abakinnyi 7 aribo Gasogi United Muhindo Collin, Ousman Doumbia Manian, Niyonkuru Prince, Malipangou Theodore Christian Yawandenji, Synrtick Baloukoulou Zico, Ndikumana Danny na Kokoete Udo Ibiok.

Mukura VS yasinyishije abakinnyi 13 aribo Abdoul Jalilu, Agyenim Boateng Mensah, Alonso Betchoka, Jordan Dimbumba, Fred Niyonizeye, Vincent Adams, Mende Sunzu Bonheur, Uwumukiza Obed, Tuyizere Jean Luc, Irumva Justin, Ishimwe Abdoul, Mwiseneza Kevin na Irankunda Moria.

APR FC yasinyishije abakinnyi 11 ari bo Aliou Souane, Seidu Dauda, Richmond Lamptey, Mahamadou Lamine Bah, Mamadou Sy, Chidiebere Nwobodo Johnson, Godwin Odibo, Tuyisenge Arsène, Mugiraneza Frodouard, Dushimimana Olivier 'Muzungu' na Byiringiro Gilbert.

2.Amakipe 7 afite abatoza bashya 

Amakipe 7 muri 16 niyo agiye gukina shampiyona y’icyiciro cya mbere mu Rwanda ya 2024/25 afite abatoza bashya. Ayo ni Rayon Sports yazanye Robertinho, APR FC yazanye Darko Novic, Gasogi United yazanye Ghyslain Tchiamas, Gorilla FC yazanye Alain Kirasa, Rutsiro FC yazanye Gatera Moussa na Etincelles FC yazanye Nzeyimana Mailo.

3.APR FC, Police FC na Rayon Sports nibo bakandida b’igikombe cya shampiyona 

Muri shampiyona y’icyiciro cya mbere mu Rwanda, abakandida b’igikombe bahora ari APR FC na Rayon Sports ndetse n’indi kipe imwe iba yariyubatse neza.

Kuri ubu aya makipe yombi yiyubatse neza aho Rayon Sports yagerageje kwibanda ku Isoko ry’abakinnyi bitwaye neza mu Rwanda, naho APR FC yo ikaba isoko ryayo ryaribanze ku bakinnyi bo hanze y’u Rwanda biganjemo abakiri bato gusa bafite impano y’umupira w’amaguru ndetse naho bavuye bakaba baragenderwagaho.

Indi kipe yiyubatse neza nkuko byagaragaye mu mikino ya gicuti yakinnye ndetse no ku mukino wa Super Cup ni Police FC. Bijyanye n’ukuntu iyi kipe yaguze abakinnyi bakomeye basanga abandi bari bayisanzwemo nabo bakomeye ndetse ikaba inafite umutoza umenyereye shampiyona y’u Rwanda, Mashami Vincent nayo ihabwa amahirwe yo kuba yakwegukana igikombe.

3. Mukura VS ishobora kuzatungurana 

Ikipe ya Mukura VS ntabwo ihabwa amahirwe cyane yuko yakwegukana igikombe cya shampiyona ariko ishobora kuzatungurana. Iyi kipe yiyubatse ku buryo bukomeye aho yaguze abakinnyi batandukanye barimo, Abdoul Jalilu, Agyenim Boateng Mensah bakuye muri Ghana ndetse na Alonso Betchok bakuye muri Cameroon.

Ntabwo wakibagirwa kandi ko yaguze umukinnyi wagizwe uwahize abandi muri shampiyona yo mu gihugu cy’u Burundi, Fred Niyonizeye. Aba bakinnyi baje basanga Afhamia Lotfi wagaragaje ko ari umutoza mwiza muri shampiyona y’u Rwanda.  

4. Shampiyona igiye gutangira Kiyovu Sports na AS Kigali zititeguye neza

Aya makipe 2 shampiyona igiye gutangira zititeguye neza dore ko AS Kigali yamaze no kwandikira Rwanda Premier League iyisaba ko umukino wari kuzabahuza na Kiyovu Sports ku munsi wa mbere wasubikwa kuko babyumvikanyeho hagati yabo.

Aya makipe yose abarizwa mu mujyi wa Kigali yagize ibibazo bishingiye ku bukene ndetse biza gutuma ariyo atangira imyitozo nyuma. Kuri ubu amakuru avuga ko bose batari bemerwa na FIFA kwandikisha abakinnyi bashya bitewe n’ibibazo bafitanye na bamwe mu bakinnyi bayanyuzemo bityo akaba ariyo mpamvu agira ngo abanze akemure ibyo.

5. Hashobora kuzaba inkundura mu makipe azamanuka mu cyiciro cya kabiri 

Nk’uko byagenze muri shampiyona iheruka bishobora no kuzaba ariko bigenda mu y’uyu mwaka. Ubusanzwe bimenyerewe ko amakipe avuye mu cyikiro cya kabiri aba ariyo afite ibyago byinshi byo kumanuka ariko muri ibi bihe bya vuba hagenda habamo impinduka.

Kuri ubu Vision FC na Rutsiro FC zavuye mu Cya kabiri zose zariyubatse zigura abakinnyi basanzwe bamenyereye shampiyona y’u Rwanda bityo bikaba bigaragara ko nta gahunda zifite zo kwitwara nabi.

Bugesera FC na Etincelles FC nazo zarokotse ubushize kuri ubu zariyubatse ndetse n’ibibazo by’ubukene byazivugwagamo biri kuvugutirwa umuti.

Amakipe 16 agiye gukina shampiyona y’icyiciro cya mbere mu Rwanda ya 2024/25

Mu batoza 16 bagiye gutoza muri shampiyona ya 2024/25, 7 ni bashya mu makipe yabo

Uko imikino iteganyijwe ku munsi wa mbere wa shampiyona