Category: Uncategorized

Babitangaje ku wa 23 Kanama 2024, ubwo hasozwaga ku mugaragaro imurikabikorwa ry'iminsi ine ryaberaga mu busitani bw'Umujyi wa Karongi.

Ni imurikabikorwa ryitabiriwe n'abafatanyabikorwa 73 bakora ibikorwa bitandukanye byiganjemo iby'ubuhinzi n'ubworozi.

Umwe mu baturage witabiriye iri murikabikorwa yabwiye IGIHE ko yari afite icyifuzo yashakaga kugeza ku Kigo cy'igihugu gishinzwe amazi isuku n'isukura, WASAC Group kijyanye n'amavomo yubatswe agatahwa ku mugaragaro ariko akaba adakora.

Ati 'Byaba byiza ubutaha bagiye baza bakadusobanurira serivisi batanga n'ufite ikibazo cyangwa serivisi akeneye akababonera mu imurikabikorwa'.

Akarere ka Karongi gaherutse gushyirwa mu mijyi yunganira umujyi wa Kigali ku rwego rwa kabiri, gahabwa umwihariko wo kuba akarere k'ubukerarugendo.

Nubwo bimeze gutya ariko ntagikorwa na kimwe cyo muri uru rwego cyagaragaye mu imurikabikorwa ry'akarere cyaba Ikigo gifasha ba mukerarugendo cyangwa hoteli ikorera muri aka karere.

Umuyobozi w'imwe muri hoteli zikorera muri aka karere yabwiye IGIHE ko impamvu batitabiriye iri murikabikorwa ari uko amakuru y'uko rihari bayamenye hasigaye iminsi ibiri ngo imurikabikorwa ribe.

Ati 'Urwego rw'amahoteli ruri kongera kwiyubaka nyuma y'ibihe bya covid-19. Muri ibi bihe dufite akazi kenshi, ariko iyo batumenyesha hakiri kare twari kubitegura natwe tukamurikira abaturage serivisi dutanga'.

Umuyobozi w'Agateganyo w'Ihuriro ry'abafatanyabikorwa b'Akarere ka Karongi, Habinshuti Eliakim yabwiye IGIHE ko icyuho cyo kuba amahoteli na bimwe mu bigo bya Leta bataritabiriye imurikabikorwa nabo bakibonye ndetse ko hari abaturage babagejejeho iki kibazo.

Ati 'Uburyo amabwiriza ateye abo bantu bose ni abanyamuryango ba JADF mu karere. Ubutumire twabubagejejeho ariko amahoteli atubwira ko nta nyungu abona mu imurikabikorwa, ibigo bya Leta n'amabanki bo bavuga ko bisaba ko ku cyicaro gikuru cyabo aribo babaha uburenganzira bwo kuza kumurika ibyo bakora'.

Habinshuti yavuze ko mu nteko rusange y'abafatanyabikorwa bari gutegura bazatumira ibi bigo byose babibwire ko ari ikibazo kuba batitabira ngo bamurikire Abanyarwanda serivisi batanga.

Umuyobozi w'Akarere ka Karongi, Mukase Valentine yavuze ko ubutaha bazarushaho kunoza uburyo bukoreshwa mu gutumira ku buryo amahoteli, amabanki n'ibigo by'imari bazajya bahaboneka bakamurikira abaturage serivisi batanga.

Mu karere ka Karongi hakorera amahoteli 17 ibigo by'imari birenga 20 n'ibigo bya Leta birimo REG, WASAC Group. Muri aka karere kandi hakorera ibitaro birimo ibya Kibuye, Ibya Mugonero n'ibya Kilinda.

Mbere y’uko APR FC ikina umukino wo kwishyura na Azam FC w’ijonjora rya mbere rya CAF Champions League, iyi kipe yagaragaje gusa niyikanga amarozi.

Ni umukino wabereye kuri Stade Amahoro ejo hashize ku wa Gatandatu tariki ya 24 Kanana 2024 maze APR FC iwutsinda 2-0 ikomeza ku giteranyo cy’ibitego 2-1.

Mbere y’uyu mukino Azam FC yatinze gutangira kwishyushya (warm up) kubera ko yatinze kwinjira mu rwambariro yari yateguriwe.

Amakuru ISIMBI yamenye ni uko mbere kujya mu rwambariro boherejemo abakozi ba bo batwaramo amajerekani 5 y’amazi babanza kuyamenamo, bayamena no ku nkuta hose bahakorera isuku mbere yo kujyamo

Ikindi cyagaragaye ni uko ubwo basohokaga bajya kwishyushya, banze kunyura mu nzira isanzwe bateguriwe banyura ahandi, bisa nk’aho hari icyo bikangaga.

View this post on Instagram

A post shared by ISIMBI TV (@isimbi__tv)

Azam FC yikanze amarozi

Umukino wa shampiyona wo Rayon Sports yagombaga kuzakira APR FC wakuweho kubera ko wahuriranye n’umukino wa Pyramids FC muri CAF Champions League.

Ni umukino w’umunsi wa 3 wa shampiyona y’icyiciro cya mbere mu Rwanda umwaka w’imikino wa 2024-25 wagombaga kuzaba tariki ya 14 Nzeri 2024.

Nyuma y’uko APR FC yaraye isezereye Azam FC ku giteranyo cy’ibitego 2-1, byari bivuze ko uyu mukino uhita uvaho kuko umukino izahuramo na Pyramids FC mu ijonjora rya nyuma rya CAF Champions League uzaba tariki 13 Nzeri 2024 mu Rwanda n’aho uwo kwishyura ukaba tariki ya 20 Nzeri 2024 mu Misiri.

Ntabwo kandi byashoboka ko uzanwa mbere bitewe na gahunda z’ikipe y’igihugu Amavubi kuko ifite imikino 2 y’ijonjora ryo gushaka itike y’igikombe cy’Afurika, izakina na Libya muri Libya tariki ya 4 Nzeri na Nigeria mu Rwanda tariki ya 10 Nzeri 2024.

Umukino wa APR FC na Rayon Sports wakuweho

Iki gitaramo cyari kiyobowe na MC Tino buri wese wacyitabiriye yakoze uko ashoboye aserukana umwambaro umufasha kujyanisha n'imyambarire y'abaraperi, abenshi bakaba baserukanye ingofero za flap cap zambarwa cyane n'abaraperi n'imyenda ibarekuye.

Ni igitaramo cyari gifitiwe amatsiko cyane dore ko buri umwe yashakaga kureba no kumva uko aba bagabo babiri bitwara ku rubyiniro.

Aba baraperi binjiye ku rubyiniro saa Yine zuzuye banzika mu ndirimbo 'Hip Hop', 'Amategeko 10' na 'Mubaniga' bakirijwe impindu n'amashyi n'abakunzi b'umuziki bari baje muri iki gitaramo cyahawe akazina k'Ijoro rya Hip Hop.

Bull Dogg na Riderman bashimiye Mico The Best na Knox Beat babafashije gukora iyi album igizwe n'indirimbo esheshatu.

Riderman yagize ati 'Ndashimira Bull Dogg, na Mico The Best ndetse na Knox Beat, buriya twari tugiye gukorana indirimbo na Mico birangira aduhaye igitekerezo cyo gukora iyi album.'

Ruderman yahise afata akaruhuko Bulldogg ahamagara B Threy baririmbana indirimbo 'Mood' iri mu zishimiwe cyane, nyuma yaho akomereza ku ndirimbo ze z'imaze imyaka isaga 10.

Izi ndirimbo zirimo 'Nk'Umusaza', 'Benkoni' n'izindi zazamuye mu bicu abakunzi ba muzika ku buryo bugaragara ubona ko basa n'abasubiye mu bihe izi ndirimbo zari zigezweho.

Bull Dogg yahise ahagamara, Fireman, Green P na P Fla binjira mu mirongo ya Hip Hop, muri za ndirimbo zabo za kera ibinyura benshi ubona ko buri wese yaririmbaga amagambo azigize.

P.Fla yabimburiye abandi mu mirongo ya rap igize indirimbo 'Umusaza PFla' na 'Zahabu' aha umwanya Fireman washyize abafana ku rundi rwego binyuze mu ndirimbo 'Umuhungu wa muzika', 'Muzadukumbura' na 'Itangishaka'.

Umuraperi Green P yazamuye abakunzi ba Hip Hop mu bicu yifashishije indirimbo  'Kandagira abanzi ', akurikizaho 'Kwicuma' yaririmbanye na bagenzi be bari bahuriye mu itsinda rya Tuff Gang.

Riderman yavuye mu karuhuko agarukana imbaduko aririmba indirimbo ze zakunzwe  zirimo 'Umwana w'umuhanda', 'Padre' , 'Mambata', 'Holo', n'izindi zishimiwe ku buryo bukomeye.

Uyu muraperi yahise amagara  Bulldogg bongera guhuza imbaraga baririmbana indirimbo  zose ziri kuri album bahuriyemo  zirimo 'Nkubona fo', 'Miseke Igoramye', 'Bakunda abapfu'

Kubera uburyohe aba baraperi ntibamenye ko indirimbo zabo zarangiye  batangira kubazanya niba zirangiye ubona ko bakinyotewe bashaka gutaramana n'abakunzi babo.

Riderman na BullDogg bashimiye abakunzi ba Hip Hop baje kubashyigikira nabo babakiriza amashyi n'impundu babereka ko banyuzwe nubwo badashize ipfa basohoka muri Camp Kigali ku isaha ya sita z'igicuku.

Bull Dogg yanyuzwe n’urukundo abakunzi ba Hip Hop bahaye iki gitaramo cyamuhuje na Riderman

Riderman yashimiye abakunzi ba Hip Hop  baje gushyigikira iki gitaramo cyarangiye saa sita z’ijoro

Akanyamuneza kari kose kuri Bull Dogg

Igitaramo cya Riderman na Bull Dogg kizahora mu mitwe ya benshi 

Riderman na Bull Dogg basize bahaye umukoro barumuna babo

Kanda hano urebe amafoto yaranze igitaramo cya Bull Dogg na Riderman muri Camp Kigali

AMAFOTO: Serge Ngabo- InyaRwanda.com

Yabigarutseho mu kiganiro cyihariye yagiranye na IGIHE, aho yemeje ko hari ibikwiye kwibandwaho birimo kuzamura ubuziranenge bw'ibikorerwa imbere mu gihugu no kureba icya korwa ngo ibiciro byabyo bibe bitari hejuru cyane.

Yagize ati 'Ibizakorwa ni byinshi kandi birashoboka, icya mbere ni uko ibigo by'ubuziranenge tubifite, haramutse hari ubushobozi bidafite nabwo bwakongerwa kugira ngo birusheho gufasha inganda gukora ibintu bijyanye n'ubuziranenge mpuzamahanga.'

Yagaragaje ko ku birebana n'ubuziranenge habamo ibyiciro bityo ko mu gihe umuntu areba ubuziranenge bw'ibicuruzwa bye agomba guhanga amaso isoko ateganya kubicuruzaho.

Minisitiri Sebahizi yavuze ko yemeza ko u Rwanda rukwiye gukora byose ruhanze amaso isoko mpuzamahanga ku buryo ibikorwa biba byujuje ubuziranenge busabwa ku rwego mpuzamahanga.

Ati 'Niba uri kureba isoko ry'ibihugu bya Afurika y'iburasirazuba icyo gihe uzareba niba ibicuruzwa byawe byujuje ubuziranenge bujyanye n'aho, niba ari isoko rya Afurika naho bibe bityo.'

Benshi bakunze kwinubira uko usanga ibintu byakorewe mu Rwanda bishobora kugera ku isoko imbere mu gihugu biri ku biciro byo hejuru ugereranyije n'ibiba byavuye mu mahanga, ibintu bagaragaza ko bishobora gukoma mu nkokora gahunda ya Made in Rwanda.

Minisitiri Sebahizi yemeza koko ko ibiciro bishobora kuba imbogamizi kuri iyo gahunda ariko ko hakwiye kuba inyigo yizweho neza ku buryo inganda zikorera mu Rwanda zishyirwa aho zishobora kubona ibikorwa remezo by'ibanze bikenerwa muri zo.

Ati 'Igiciro gishobora kuba imbogamizi ndabyemera, kuko hari serivisi zikenerwa kugira ngo uruganda rukore igicuruzwa kugera kigeze ku isoko. Niba rero ari made in Rwanda n'ubundi ni serivisi zitangwa n'abanyarwanda.'

Yakomeje agira ati 'Kimwe mu bibazo bigiye gukemuka kandi numva bishoboka, niba ufite uruganda i Kigali, ibyo ukoresha muri urwo ruganda ukaba ubivana i Rwamagana cyangwa Kayonza, kandi bikaba bigize 80% by'igicuruzwa cyawe, icyakuzanye i Kigali gusa ari ukubona amashanyarazi n'umuriro, icyakabaye cyiza ni uko Leta yabiguhera i Kayonza aho ukura bya bikoresho byawe by'ibanze.'

Yemeza ko ibyo bikozwe neza waba ugabanyije igiciro cy'ubwikorezi, amafaranga y'umurimo n'ibindi, hanyuma igicuruzwa kizaboneka kiri ku giciro cyo hasi ugereranyije n'ibitumizwa hanze.

Minisitiri Sebahizi ashimangira ko mu bijyanye n'ubucuruzi, u Rwanda rukwiye gukora ibishoboka byose rukagabanya icyuho kikigaragra hagati y'ibitumizwa mu mahanga n'ibyoherezwayo kuko byo bikiri hasi cyane.

Ati 'Ubundi ubucuruzi bwiza ni ugufata umusaruro wawe, ibyo ukora ukabishyira ku isoko, ryaba mu gihugu imbere cyangwa isoko mpuzamahanga, ubwo nibwo bucuruzi bufite ishingiro. Niba ufite ubwo gukura ibintu hanze gusa ukemura ikibazo cy'abakenera ibyo bicuruzwa ariko nta mirimo watanze ku banyarwanda ahubwo urimo gukorera uwakoze ibyo bicuruzwa.'

Nko muri Kanama 2024, Ikigo cy'Igihugu cy'Ibarurishamibare, NISR, cyatangaje ko ikinyuranyo cy'ibyo u Rwanda rwatumije mu mahanga n'ibyo rwoherejeyo cyageze kuri miliyoni 411.62 $ muri Kamena 2024, bingana n'izamuka rya 30.88% ugereranyije na miliyoni 314.50 $ cyariho muri Kamena 2023.

Minisitiri w'Ubucuruzi n'Inganda yemeza ko iyo utanze umusaruro mu gihugu imbere uba ukemuye ibibazo bibiri, birimo guha abaturage bawe ibyo bakeneye n'amafaranga yabo akaguma mu gihugu imbere ndetse no kwirinda gushaka amadevize.

Ibindi yagaragaje bigomba gushyirwamo imbaraga ni uburyo bwo kugeza umusaruro ku isoko ku buryo abakora batagorwa no kubona isoko mu gihe umusaruro wabo wiyongereye.

Gahunda ya Guverinoma yo kwihutisha iterambere icyiciro cya kabiri, NST2, iheruka gutangazwa yerekana ko mu myaka itanu iri imbere, u Rwanda ruzaba igicumbi cy'ibicuruzwa bifite ireme byakorewe mu gihugu, bizamura ubukungu kandi bikongera imirimo, bitewe n'ishoramari rikomeye mu buhinzi, inganda n'ibikorwa by'ubucuruzi.

Minisitiri Sebahizi yagaragaje ko hari ingamba zizafasha mu gutuma gahunda yo guteza imbere ibikorerwa mu Rwanda 'Made in Rwanda' igira imbaraga

Byatangajwe ku wa 23 Kanama 2024, ubwo hasozwaga ku mugaragaro imurikabikorwa ry'iminsi ine ryaberaga mu busitani bw'umujyi wa Karongi.

Ni imurikabikorwa ryitabiriwe n'abafatanyabikorwa 73 bakora ibikorwa bitandukanye byiganjemo iby'ubuhinzi n'ubworozi.

Umuyobozi w'Akarere ka Karongi, Mukase Valentine, yavuze ko Ihuriro ry'Abafatanyabikorwa mu Iterambere JADF risanzwe rihuriyemo abafatanyabikorwa bose, bagabanyije muri komisiyo eshatu, iy'ubukungu, iy'imibereho myiza n'iy'imiyoborere myiza.

Ati 'Mukurikije uko iri murikabikorwa ryagenze mwabonye ko abafatanyabikorwa bari mu rwego rw'ubuhinzi ari benshi cyane. Birasaba ngo bariya bantu twongere tubicaze, tumenye ngo urakora iki? Ukorera hehe? Abaturage mukorana ni abahe? Kugira ngo duhuze imbaraga mu kunoza ubuhinzi muri aka karere, kongera umusaruro, gufasha abaturage kugeza ibyo bahinze ku masoko no kwihaza mu biribwa ku rwego rw'umuryango birakenewe'.

Urimubenshi Aimable, Umuyobozi w'Urwego rw'abikorera mu murenge wa Bwishyura, ashimira Leta y'u Rwanda ko yashyizeho imurikabikorwa kugira ngo abashoramari n'imiryango itari iya Leta bagire umwanya wo kumurikira abaturage ibyo bakora.

Ati 'Imurikabikorwa ni umwanya wo kwigiranaho ukaba n'umwanya wo guhura n'abagenerwabikorwa bacu ari bo baturage tukabereka ibyo dukora. Mu byo nkora harimo n'amatafari n'amapave nkora mu ibumba. Iri murikabikorwa ryangiriye akamaro cyane kuko hari abantu benshi bampaye komande yo kubakorera amatafari bansanze hano mu imurikabikorwa'.

Imurikabikorwa ry'Akarere ka Karongi, uyu mwaka ryaritabiriwe cyane ugereranyije n'iryo mu myaka yashize bitewe n'uko abaritegura batumiye abahanzi barimo Mavenge Sudi na Eric Senderi bagasusurutsa abaryitabiriye.

Imurikabikorwa ry'uyu mwaka kandi ryongerewe iminsi rimara iminsi ine mu gihe iryo mu myaka yashize ryamara iminsi itatu rigasozwa amatsiko y'abaturage adashize.

Mu karere ka Karongi hagiye gushyirwaho ihuriro ry’abafatanyabikorwa bakora ibijyanye n’ubuhinzi

Muri Kamena 2021 ni bwo hasohotse Iteka rya Minisitiri ryerekeye urumogi n'ibirukomokaho.

Rigena ibigo n'ahandi hantu hakorerwa ibikorwa bijyanye no guhinga, gutunganya, gukwirakwiza no gukoresha urumogi n'ibirukomokaho, itangwa ry'uburenganzira bwo kubikora n'amabwiriza y'umutekano agomba kubahirizwa.

Ubu ushaka guhinga urumogi asaba uruhushya rw'agateganyo rwo gukora ibyo bikorwa mu Rwego rw'Igihugu rushinzwe ubugenzuzi bw'Ubuziranenge, ihiganwa mu bucuruzi no kurengera umuguzi, RICA.

Urwo ruhushya ni na rwo rufasha rwiyemezamirimo ushaka gukora ubuhinzi bw'urumogi kubona ibyemezo bisabwa kugira ngo abone uruhushya rwa burundu.

Uruhushya rw'agateganyo ruboneka mu minsi ibiri mu gihe urusaba yujuje ibisabwa, serivisi ikishyurwa miliyoni 1 Frw.

Ufite konti ku Irembo n'utayifite bose bashobora gusaba iyo serivisi. Ikigo cyangwa umuntu ushaka gukora ubwo buhinzi agomba kuba afite nimero iranga usora (TIN).

Asabwa kandi kuba afite fotokopi ya pasiporo n'icyemezo gitangwa n'Urwego rw'Igihugu rw'Iterambere, RDB kigaragaza ko uwo muntu akwiriye urwo ruhushya rwo guhinga urumogi.

Ibindi ni ukuba umuntu afite 'certificat' y'ishoramari itangwa n'inzego zifibifite ububasha nka RDB, kugaragaza mu buryo burambuye uko ubuhinzi buzakorwa, icyemezo cy'uko ushaka gukora ubwo bucuruzi yanditswe muri RDB.

Ibindi bishobora gusabwa ushaka uruhushya rw'agateganyo rwo guhinga urumogi ashobora gusabwa n'impamyabumenyi iriho umukono wa noteri.

Ushaka uruhushya rwa burundu rwo guhinga urumogi mu Rwanda ku mpamvu z'ubuvuzi na we aruhabwa na RICA.

RICA ibanza gusura aho ubwo buhinzi buzakorerwa harebwa niba hujuje ibyangombwa byose uru rwego rusaba.

Ibintu bikorwa mu minsi 14, ushaka uruhushya akaba yarubonye mu gihe yujuje ibisabwa, ndetse iyo serivisi igatangirwa ubuntu.

Nk'uko bisanzwe na none ushaka uruhushya rwa burundu aba agomba kuba afite nimero iranga usora (TIN), agasabwa n'ibindi bintu 11 bituma yemererwa.

Birimo fotokopi ya pasiporo, kugaragaza mu buryo burambuye uko site izakorerwaho ibyo bikorwa imeze, ibiyikikije mbese uko aho hantu hose hateye.

Uwo muntu kandi asabwa ikigaragaza ko yanditswe muri RDB, icyemezo gitangwa na Polisi y'u Rwanda kigaragaza ko ibyo agiye gukora birindiwe umutekano na raporo itangwa na RDB igaragaza ko iyo mirimo yagenzuwe ku bijyanye no kurengera ibidukikije.

Ushaka uruhushya rwa burundu agaragaza inyandiko ivuguruye ijyanye n'uko azakora ubwo buhinzi, raporo igaragaza abazakora muri ubwo buhinzi, abakozi, n'abandi bantu bashobora kubigiramo uruhare n'ubunararibonye abo bantu bafite.

Barimo nk'umuntu ushinzwe ibijyanye n'ubuziranenge bw'ibikorwa, ushinzwe umusaruro n'abahinzi babaza babarizwa muri ibyo bikorwa.

Agomba kugaragaza kandi raporo y'isuzuma ryakorewe muri laboratwari igaragaza ko ubutaka buzakorerwaho ubwo buhinzi bw'urumogi butanduye, burimo nk'ibyuma, imiti yangiza n'ibindi.

Agaragaza ikindi cyemezo cya laboratwari kigaragaza niba amazi azifashishwa mu kuhira ibyo bihingwa atarimo ibyakwangiriza ibihingwa mu buryo bumwe cyangwa ubundi.

Mu bindi ni uko ushaka uruhushya rwa burundu rwo guhinga urumogi agaragaza impagararizi z'ibyo azapfunyikamo uwo musaruro udatunganyije, n'ibimenyetso yagerageje gushyiraho bigaragaza icyo gihingwa, akanatanga kopi y'uruhushya rw'agateganyo.

Ubu Leta y'u Rwanda yamaze gutegura umushinga wo guhinga urumogi kuri hegitari 134, ruzajya rwifashishwa mu rwego rw'ubuvuzi.

Akarere ka Musanze ni kamwe mu twagaragaye ko twakweramo icyo gihingwa ndetse ubu imirimo yo kubaka uruganda ruzajya rutunganya umusaruro w'ubuhinzi bwarwo, ruri kubakwa muri ako karere igeze kure, bigateganywa ko izarangira muri Nzeri 2024.

Ruri kubakwa n'ikigo kizwi nka King Kong Organics, KKOG, aho cyashoyemo miliyoni 10$.

RDB yamaze gutanga hegitari 35 z'ubutaka bwo mu Karere ka Musanze ku bashoramari batanu bagaragaje ubushake bwo kubyaza umusaruro ubuhinzi bw'urumogi.

Ni ibikorwa bikomeje gushorwamo imari cyane kuko muri uyu mwaka a 2024/2025 RDB yateganyije miliyari 2 Frw.

Ahazahingwa urumogi hazashyirwa uburinzi

Umuntu wemererwa guhinga urumogi, ashyira uruzitiro rw'ibice bibiri aho ruhinze kandi hakabaho irondo rihoraho.

Umutekano ucungwa na sosiyete yemewe itanga serivisi z'umutekano zitangwa n'abikorera, icunga umutekano wo hanze amasaha yose agize umunsi kandi mu minsi yose igize icyumweru.

Ikindi kandi hagomba kuba hari Camera zicunga umutekano n'iminara ifasha muri icyo gikorwa. Hagomba kuba hari kandi ibimenyetso bimyasa; itumanaho rigenzurwa n'ibindi bikorwa bituma haba ahantu hacunzwe neza.

Imibare igaragaza ko ku rwego rw'Isi, umusaruro w'urumogi witezweho kuzamuka aho uzajya winjiza nibura miliyari ibihumbi 197,7 z'amadolari mu 2028, avuye kuri miliyari 28,3 mu 2021. Rushobora gufasha mu ikorwa ry'miti yifashishwa kwa muganga, rugakoreshwa mu nganda, amavuta ndetse n'ibiribwa.

Biteganyijwe ko amasoko akomeye ashobora kugemurwaho urumogi rwo mu Rwanda arimo ayo muri Leta zunze Ubumwe za Amerika, Canada no mu bihugu by'i Burayi.

Ushaka uruhushya rwo guhinga urumogi ubu yarubona anyuze ku IremboGov

Bushali watangiye umuziki mu mpera za 2013 yinjiye ku rubyiniro ahamagawe na B Thery  bafatanya kuririmbana indirimbo bise 'Niki' ubundi amusigira urubyiniro akomeza guha ibyishimo abakunzi ba rap bari muri iki gitaramo.

Uyu muraperi wishimiwe bidasanzwe yakiranywe urugwiro binyuze mu ndirimbo 'Kurura' yakoranye na Juno Kizigenza, akurikizaho 'Igeno', Kinya Trap kumugongo , nituebwe ayifatanya na B Threy, asoreza muri 'Tsikizo'

Uyu muraperi ni umwe mu bishimwe bidasanzwe wabonaga aririmbana n'abakunzi ba muzika indirimbo zose yaririrmbye ugereranyije n'abandi yavuye ku rubyiniro ubona abantu bakimukeneye.

Bushali ni umwe mu baraperi bari kwitwara neza muri iki gihe, amaze kumurika  album eshatu  zirimo  'Nyiramubande', iya kabiri yise 'Ku gasima' n'iya gatatu yise '!B!HE B!7'.

Uyu musore ni umuhanga mu gushushanya ndetse mu mabyiruka ye yatangazaga benshi, uretse ibyo yanabaye umuririmbyi muri korali muri ADEPR ariko aza kubivamo akomereza umuziki muri Hip hop.

Bushali yahamagaye B-Threy baririmbana indirimbo Nituebwe yabaye ibendera ry’injyana ya Kinya Trap

Bushali yasize urwibutso ku mitima y’abakunzi ba muzika ya Hip Hop

Bushali na B-Threy baririmba indirimbo ‘Tsikizo’

Kanda hano urebe amafotomenshi y’uko abantu baserutse muri iki gitaramo cya Riderman na Bull Dogg

AMAFOTO: Serge Ngabo- InyaRwanda.com

Ni mu mukino wa 1/2 wabaye kuri uyu wa Gatandatu tariki 24 Kanama 2024 Saa mbili z’umugoroba mu nzu y’imikino n’imyidagaduro ya BK Arena.

Ikipe y’igihugu y’u Rwanda niyo yatangiye neza umukino ibifashijwemo n’abakinnyi barimo Ineza Sifa wakoraga amanota yiganjemo 3. Agace ka mbere karangiye u Rwanda ruyoboye n’amanota 23 kuri 10 ya Senegal.

Mu gace ka Kabiri ikipe y’igihugu ya Senegal yaje ikosora amakosa yari yakoze mu gace ka mbere bituma kanarangira ifite amanota 16 kuri 15 y’u Rwanda. Muri rusange igice cya mbere cyarangiye u Rwanda rugikomeje kuyobora n’amanota 38 kuri 31.

Mu gace ka Gatatu ikipe y’igihugu ya Senegal yaje ikomeza kwitwara neza nk’uko byari byagenze mu gace ka kabiri mu gihe bamwe mu bakinnyi batsindiraga u Rwanda barimo Ineza Sifa bo byari byabangiye.

Karangiye Senegal itsinze amanota 25-12 ndetse ihita inayobora n’amanota 56-50 muri rusange. 

Mu gace ka Kane ari nako kanyuma ikipe y’igihugu y’u Rwanda yaje igerageza kureba uko yakuramo ikinyuranyo cy’Amahoro 6 yari yashyizwemo.

Karangiye itsinze amanota 15 kuri 12 ariko birangira muri rusange Senegal ariyo yegukanye intsinzi ku manota 68-65.

Uyu mukino wakurikiwe n’abayobozi batandukanye barimo Perezida Kagame na Madamu Jeanette Kagame. Hari kandi Minisitiri wa Siporo, Nyirishema Richard ndetse na Perezida wa FERWAFA, Munyantwali Alphonse.

Ikipe y’igihugu ya Senegal izakina na Hongrie ku mukino wa nyuma w'amajonjora yo gushaka itike y'Igikombe cy'Isi cya Basketball mu Bagore. 

Uyu mukino uteganyijwe ku Cyumweru, tariki 25 Kanama 2024 muri BK Arena.

Ikipe y’igihugu ya Senegal yatsinze iy’u Rwanda amanota 68-65

Perezida Kagame na Madamu Jeanette Kagame bareba umukino muri BK Arena