Yabigarutseho ubwo yasozaga umwiherero w'abayobozi bo mu Ntara y'Iburasirazuba wari umaze iminsi ibiri. Uyu mwiherero witabiriwe n'abayobozi barimo komite nyobozi z'uturere, komite z'inama njyanama z'uturere n'abandi benshi batandukanye.

Ubwo yagarukaga ku bijyanye n'ubugenzuzi bumaze iminsi bwo kugenzura amadini n'amatorero, yavuze ko ari ibintu byagakwiriye kuba bikorwa buri mwaka, ubuyobozi bw'uturere bukareba niba koko ibyangombwa bayahaye bikoreshwa neza, ababikoresha nabi bakabyamburwa.

Minisitiri Musabyimana yavuze ko nubwo uyu munsi bari kurwana no gufunga ibyafungutse bagifite icyasha cyo kumenya ngo ariko ubundi byaje bite? byaje bari he?

Yavuze ko ari ikibazo buri gihe babazwa.

Ati 'Iyo umuntu aje uyu munsi mu karere kawe akakwaka icyangombwa cy'imikoranire ukamusinyira, utibajije ibyo aje gukora cyangwa ngo ujye kureba niba ibyo wamusinyiye aribyo ari gukora uba wumva bizarangira gute? Mureke ibyo tubisige akajagari karimo tugakuremo.'

Minisitiri Musabyimana yavuze ko iyi myaka itanu iri imbere ari iyo gukorera mu mpinduka no gukosora amakosa y'ibitarakozwe neza byose.

Yasabye buri muyobozi gukomeza kugenzura amadini atujuje ibisabwa ndetse n'ibindi byose binyunyuza abaturage biri aho bakorera birimo imishinga.

Ati 'Ntabwo igihugu abantu bavunikiye, igihugu Abanyarwanda bifuza, ari igihugu barindagizwa n'ubonetse uwo ari we wese, akabakurura abajyana iyo aho yishakiye hose, ntabwo bikwiriye ntidukwiriye no kubyemera. Uzabyemera aho ayobora abaturage nabo ntibazamwemerera, abo bantu birirwa bambura abaturage ibyabo bavunikiye bigomba gucika, tugomba gukora ibintu byiza bizwi.'

Minisitiri Musabyimana yavuze ko ku bijyanye n'utubari dukorera mu kavuyo, ahantu hatujuje ibisabwa n'abandi bafungura kuva mu gitondo bigatuma abaturage batajya mu kazi nabyo bakwiriye gufataho ingamba, buri wese ntabyemere aho ayobora ngo kuko ari ibintu byatanzweho umurongo kandi mwiza.

Ati 'Mukwiriye gusura abaturage kenshi mukamenya ko muri ku murongo umwe, ko nta kavuyo muri ibi, nta kajagari muri ibi, ibi biremewe, ibi ntibyemewe. Ntibikorwe nk'uwabitumwe ahubwo mukagira ibyo mwumvikanaho mukabijyanamo, ntihazemo guhangana cyangwa ngo babifate uko bitari biri. Abacuruza inzoga mubivuganye nabo bakubwira ko atari byo gufungura umunsi wose mubaganirize.'

Minisitiri Musabyimana yasabye inzego z'ibanze gukoresha amashyirahamwe y'amadini n'amatorero mu kuyaganiriza naho utubari bagakoresha Urwego rw'Abikorera mu kubikemura aho kubikora bonyine.

Yabasabye kandi gukoresha inzego z'umutekano kuko nazo ari umufatanyabikorwa uhoraho bakwiriye gukoresha.

Minisitiri Musabyimana yakebuye abayobozi b'uturere batanga ibyangombwa ku bantu bagiye kunyunyuza abaturage

Ni icyemezo kitabanyuze na cyane ko bagaragaza ko bahatuye kuva kera, bagasaba ko leta yabarenganura bakemererwa kubaka cyangwa ikabashakira ahandi ho kujya.

Uwitwa Rwangabo Tharcisse yabwiye RBA ati 'Bamwe urabona turi abasaza turagasaziye nta bushobozi dufite. Turatabaza Leta y'u Rwanda kugira ngo ibidufashemo irebe icyo yatumarira.'

Ku wa 26 Kanama 2024 inzu zitandukanye zari zatangiye gusenywa, uwitwa Mukanyamushanja Florence akavuga ko niba uwo mudugudu utazaturwamo babashakira aho gutura.

Ati 'Nibatwimure twese badushakire aho tugomba gutura cyangwa niba babona ko tuzahatura nibareke ufite ubushobozi azamure akazu ave mu bukode.'

Ikindi bagaragaza ko kibabaje ni uko babwirwa ko aho hantu hatemewe kubakwa, nyuma bakabona hari inzu nshyashya ziri kuhazamurwa mu gihe izindi ziri gusenywa, abaturage bakabibonamo akarengane.

Umunyamabanga Nshingwabikorwa w'Umurenge wa Rwinkavu, Bagirigombwa Djafari yagaragaje ko hari abaturage barenze ku mategeko bigabiza umutungo w'igihugu ari yo mpamvu bari gusabwa kuhimuka.

Ati 'Iki gice ni ubutaka bwanditse kuri leta 100% nta muturage n'umwe uhafite ubutaka. Icyakora hari abahamaze igihe kirekire, bahageze kera, bo tukaba turi kubavuganira kugira ngo turebe icyo leta yabafasha.'

Bagirigomwa yavuze ko hari abandi baturage bamenye ko ubwo butaka ari ubwa leta bahitamo kuza kubwubakaho nta burenganzira bafite, ari na bo bari gukumirwa kuko hari ibindi ubwo butaka bwateganyirijwe.

Minisitiri w'Ubutegetsi bw'Igihugu, Musabyimana Jean Claude yagaragaje ko icyo kibazo kimaze igihe kirekire kizwi ndetse ahumuriza abaturage, ababwira ko kiri gushakirwa umuti urambye.

Ati 'Ni ikibazo kimaze igihe kirekire. Hari abaturage bahatuye ariko turi mu nzira zo kugikemura. Ntabwo kizakomeza kubaho kuko ni byo dushinzwe. Ubu ikibazo kiri hafi gukemuka.'

Amabuye y'agaciro ni kimwe mu byinjiriza igihugu cyane kuko nko mu 2023 agaciro k'amabuye y'agaciro u Rwanda rwohereje mu mahanga kageze kuri miliyari 1,1$ kavuye kuri miliyoni 772$ mu 2022, bivuze ko kiyongereye ku kigero cya 43%.

Rutahizamu w’Umunya-Portugal ukinira Al Nassr, Cristiano Ronaldo yavuze ko nta gahunda afite yo kuzakomeza muri ruhago mu gihe azaba asoje gukina umupira w’amaguru.

Uyu mukinnyi wanditse amateka muri ruhago agashyiraho uduhigo agakuraho utundi, benshi bumvaga ko asoje gukina yaba umutoza, umusesenguzi wa wo ariko byose yabiteye utwatsi avuga ko yumva nasoza gukina nta kintu na kimwe kimuhuza na ruhago azongera kugaragaramo.

Ati “Biragoye cyane gutekereza ko nazaba umutoza umunsi umwe. Mu mutwe wanjye ntabwo njya ntekereza kuba naba umutoza mukuru w’ikipe runaka. Ntabwo njya mbishyira mu mutwe wanjye. Njye nibona mu bindi bintu bitandukanye n’umupira w’amaguru.'

Yavuze ko kandi atazi niba ari mu myaka ibiri cyangwa itatu azasoza ruhago, gusa ngo azasoreza muri Al Nassr.

Ati “Sinzi niba nzahagarika gukina vuba, mu myaka ibiri cyangwa itatu, ariko birashoboka cyane ko nasoreza gukina hano muri Al Nassr. Ndishimye kuba ndi muri iyi kipe, kandi numva ntuje ndi no muri iki gihugu. Nkunda gukinira muri Arabie Saoudite kandi nifuza gukomeza.'

Uyu mugabo w’imyaka 39, mu myaka irenga 20 amaze akina yegukanye ibihembo bikomeye birimo Ballon d’Or eshanu (2008, 2013, 2014, 2016, 2017), icy’Umukinnyi Mwiza wa FIFA mu 2016 na 2017.

Cristiano Ronaldo yanyuze mu makipe akomeye i Burayi ariyo Sporting CP, Manchester United, Real Madrid, Juventus ndetse na Al-Nassr akinira kugeza uyu munsi.

Cristiano Ronaldo yavuze ko nasoza gukina umupira w’amaguru azaba awuvuyemo

Mu muhango wo gutangaza ku mugaragaro amanota y’Ibizamini bya Leta bisoza amashuri abanza ndetse n’Icyiciro Rusange cy’amashuri yisumbuye umwaka w’amashuri wa 2023/2024, Minisiteri y’Uburezi yatangaje ko umubare w’abakoze ibizamini bya Leta wiyongereyeho 15%.

Ni igikorwa cyabereye ku cyicaro gikuru cy'Ikigo cy'Igihugu Gishinzwe Ibizamini n'Ubugenzuzi bw'Amashuri, NESA.

Abanyeshuri 93,8% batsinze ibizamini bya Leta bisoza Icyiciro Rusange cy'amashuri yisumbuye, aho abakobwa batsinze ku kigero cya 92% mu gihe abahungu batsinze kuri 95,8%.

Abanyeshuri 96,8% batsinze ibizamini bya Leta bisoza amashuri abanza.

Amanota yatangajwe kuri uyu wa Kabiri agaragaza ko abakobwa batsinze ku kigero cya 97% mu gihe abahungu batsinze kuri 96,6%.

Minisitiri w'Uburezi, Twagirayezu Gaspard, yagaragaje ko abanyeshuri bo mu mashuri abanza batsinze imibare ku kigero cya 71,9%.

Mu bijyanye na Siyansi abanyeshuri batsinze ku kigero cya 99,5%, mu Kinyarwanda batsinda kuri 99,5%, Icyongereza batsinda kuri 90,7% .

Minisitiri Twagirayezu Gaspard, yavuze ko muri rusange abakoze ibizamini biyongereye muri uyu mwaka ugereranyije n'umwaka wari wawubanjirije.

Abanyeshuri bakoze ikizamini cya Leta bagera ku 203 098 bakaba bariyongereyeho 15% ugereranyije n'umwaka w'amashuri ushize. Ni mu gihe umubare w'amashuri yakoze yari 3718 yiyongereyeho 74.

Ku bijyanye n'Icyiciro Rusange, abakoze ibizamini bari 143871.

Misiteri w’Uburezi, Twagirayezu Gaspard 

Umubare w’abakoze ibizamini bya Leta wiyongereyeho 15% mu mwaka wa 2023/2024

Abakobwa batsinze neza kurusha abahungu mu mashuri abanza, abahungu barusha abakobwa mu Cyiciro Rusange 

Uyu muyamuziki amaze igihe agaragaje ko yakozwe ku mutima n'iterambere ry'u Rwanda. Ndetse, hari imwe mu mishinga ye iri i Kigali irimo nk'amazu ari kubakisha. Yanashoye imari kandi binyuze muri kompanyi yashinze yo gutega ku mukino izwi nka 'BetPawa'.

Mu butumwa bwo kuri X, Minisiteri y'Uburezi kuri uyu wa Mbere tariki 26 Kanama 2024, yagaragaje ko ishima cyane Mr Eazi wamamaye mu ndirimbo nka 'Leg Over', wemeye kwishyurira abantu 10.000 mu mwaka umwe.

Umunyamabanga wa Leta muri Minisiteri y'Uburezi (MINEDUC), Irere Claudette aherutse kubwira RBA ko Leta yatangije iyi gahunda ya 'Dusangire Lunch' kubera ko hari ababyeyi bangana na 35% badatanga uruhare rwabo mu kugaburira abana ku ishuri.

Iyi gahunda igamije gufasha abanyeshuri gufatira ifunguro rya Saa Sita ku mashuri. Imibare igaragaza ko muri uyu mwaka w'amashuri 2024/2025, Guverinoma izakoresha asaga Miliyari 90 Frw mu gufasha abanyeshuri gufatira amafunguro ku mashuri.

Ni gahunda yishimiwe n'abantu benshi, ndetse umubare w'abanyeshuri bata ishuri waragabanyutse. Minisitiri Irere avuga ko imibare bakoze umwaka ushize mu 2023, yagaragaje ko ababyeyi batanga inkunga ku bana babo bangana na 65%, bityo ubukangurambaga kuri iyi gahunda bugomba  gukomeza gukorwa.

Ati 'Nk'umwaka w'amashuri ushize twabonye ko 65% ari bo batanga umusanzu wabo gusa. Ibyo bivuze ko igitangirwa ku ishuri kiba kidahagije. Hakenewe ubukangurambaga ku babyeyi.'

Akomeza ati 'Nk'umunyeshuri wo mu mashuri abanza atangirwa 3000 Frw ku mwaka. Ni amafaranga abanyamujyi bamenyereye kunywamo ikawa. Ni amafaranga adakabije, iyo utanze nk'ibihumbi 10 Frw uba utangiye abana batatu umwaka wose. Ni uruhare rukomeye.' 

Minisiteri y'Uburezi igaragaza ko hari uburyo bwa Mobile Money aho ukanda *182*3*10# ukohereza inkunga yawe mu gushyigikira gahunda ya 'Dusangire Lunch'.

Guverinoma kandi yagiranye ubufatanye na sosiyete ya Vuba Vuba, aho abanyarwanda batuye mu mahanga bashobora kwifashisha iriya gahunda mu gufasha abana gufatira amafunguro ku ishuri. Umubyeyi ufite umwana wiga amashuri abanza asabwa gutanga 975 Frw cyangwa 1000 Frw ku gihembwe.

Iyi gahunda ya 'Dusangire Lunch' yatangijwe ku mugaragaro, ku wa 12 Kamena 2024, itangizwa na Minisiteri y’Uburezi ifatanyije na Mobile Money Rwanda Ltd na Koperative Umwalimu Sacco. Ubu bukangurambaga bwatangirijwe muri Groupe Scolaire Kacyiru II mu Mujyi wa Kigali. Gufatira ifunguro ku ishuri ni gahunda yatangiye mu 2021.

Ni gahunda yagabanyije umubare w'abataga amashuri aho bavuye ku 10%, bagera kuri 4%.

Umuyobozi Mukuru wa Mobile Money Rwanda Ltd, Chantal Kagame, aherutse kuvuga ko biyemeje gutanga Miliyoni 30 Frw yo gufasha abanyeshuri 10.000 ku mwaka. Ati ''Ndahamagarira abari mu rwego rw'abikorera kwinjira mu bukangurambaga bwa #DusangireLunch.'

Amafaranga Leta ishyira muri gahunda yo kugaburira abana ku ishuri yavuye kuri Miliyari 43,5 Frw mu 2021/2022, agera kuri miliyari 90 Frw mu 2023/2024.

 Mr Eazi yatangaje ko yiyemeje ko kwishyurira abanyeshuri 10,000 gufatira ifunguro ku ishuri mu gihe cy'umwaka

Mr Eazi amaze igihe agaragaza ko yakojwe ku mutima n'iterambere ry'u Rwanda, yiyemeza gushora imari

Iyi gahunda ya 'Dusangire Lunch' ya Guverinoma y'u Rwanda Mr Eazi yinjiyemo, yagize uruhare mu kugabanya umubare w'abana bata ishuri

Minisiteri y'Uburezi yashimiye Mr Eazy washyigikiye gahunda ya 'Dusangire Lunch'

KANDAHANO UREBE AMASHUSHO Y'INDIRIMBO 'PANADOL' YA MR EAZI

“>

Ni ubwa mbere uyu mukobwa ataramiye mu Budage, ndetse ni n'ubwa mbere akoreye ibitaramo hanze y'u Rwanda. Mu kiganiro na InyaRwanda, Esther yavuze ko yishimiye intambwe yateye mu rugendo rwe rw'umuziki.

Ati 'Nyuma yo gutaramira mu Budage ndumva nishimye cyane. Kuko ni ibintu byari mu nzozi zanjye kuza gutaramira hano mu rwego rwo kumenyekanisha umuziki wanjye, niyo mpamvu mvuga ko ari inzozi narotoye, kuko nabashije kugera kuri iki gikorwa. Byaranshimishije cyane, binyongerera imbaraga, guhura n'abantu, nkabacurangira, bikabashimisha, byari imbaraga kuri njye.'

Niyifasha yavuze ko gutaramira imbaga y'abantu byatumye muri we yiyumvamo ubundi bushobozi. Avuga ko ibi bitaramo byari byateguwe n'abantu batuye mu mudugudu wa Marzhausen mu Budage.

Ati 'Bihurije hamwe baraza, abo nyine bo muri uwo mudugudu n'abandi bacye baturutse kure yacu, bari baje kunshyigikira.'

Ni ibitaramo avuga ko byaranzwe n'ibyishimo, kandi yagize umwanya wo guhura no kuganira n'abantu bashya yungutse mu buzima bwe. Ati 'Habayeho umwanya wo kubasobanurira ibijyanye n'umuco wacu, no kubabwira byinshi ku nanga nsanzwe nkoresha'.

Muri iki gitaramo, yaririmbye indirimbo ze bwite ndetse n'indirimbo z'abandi bantu bagiye bacuranga inanga. Yaririmbye indirimbo nka 'Ngira nkugire', 'Isoko Dusangiye' ya Deo Munyakazi, 'Inkotanyi cyane', 'Ihorere mwana w'ibuhoro' n'izindi zinyuranye. Ati 'Twakoze igitaramo kinini cyane, ariko izo ni zimwe mu ndirimbo nabaririmbiye zikabashimisha cyane.'   

Uyu mukobwa uzwi mu ndirimbo nka 'Urashoboye' yataramiye abantu mu iserukiramuco ryabereye ahitwa Kölbingen ndetse n'iryabereye ahitwa Marzhausen.

Yataramiye abantu ku wa Gatandatu tariki 24 Kanama 2024 mu iserukiramuco Kölbingen Festival, anataramira abandi ku Cyumweru tariki 25 Kanama 2024 mu gitaramo cy'iserukiramuco ryabereye ahitwa Marzhausen.

Esther avuga ko ibi bitaramo byamufashije gutangiza urugendo rw'ibitaramo ashaka gukorera hanze y'u Rwanda, nk'imwe mu ntego yihaye muri uyu mwaka.

Iri serukiramuco 'Kölbingen' risanzwe riririmbamo abahanzi bakomeye ku Isi. Rihuza abantu b'ingeri zinyuranye, ndetse rikarangwa n'umuziki wihariye.

Esther avuga ko yatumiwe muri aya maserukiramuco biturutse ku bushobozi bwe mu muziki, no kuba abasha gukora umuziki wihariye yisunze umurya w'inanga.

Niyifasha yavuze ko iki gitaramo yagikoze agaragaza umuco w'u Rwanda mu rwego rwo kwihuza n'abafana b'umuziki we.

Ati 'Nishimiye kuba naririmbiye hanze y'u Rwanda ku nshuro yanjye ya mbere. Nari niteguye gusangiza abantu impano yanjye ndetse n'umuziki nkora, cyane cyane mu kwerekana umuco w'u Rwanda mu gihugu cy'u Budage. Nari nateguye buri kimwe, ahanini ngamije kwihuza na buri wese wari muri iki gitaramo.'

Uyu mukobwa yasobanuye ko ibi bitaramo byabaye umwanya mwiza kuri we, wo kugaragaza ubushobozi bwe mu muziki, n'intego yihaye mu gusigasira umuco w'u Rwanda, no kuwugaragaza ku rwego mpuzamahanga.

Esther Niyifasha yataramiye ku nshuro ya mbere mu Budage mu bitaramo yatumiwe

Niyifasha yavuze ko yagaragariye abitabiriye ibi bitaramo, umwihariko w'umuco w'u Rwanda

Esther yavuze ko yagaragaje inanga nk'igikoresho cyihariye mu gusigasira umuco

Niyifasha yavuze ko yakoresheje iki gitaramo nk'umwanya mwiza wo guhura no kuganira n'abantu banyuranye

Abatuye mu gihugu cy'u Budage, bahuye kandi bataramirwa n’umukirigitananga Esther Niyifasha 

Ubwo Esther Niyifasha yerekeza mu Budage, aha yari ku kibuga cy’indege Mpuzamahanga cya Kigali i Kanombe

 

KANDA HANO UREBE AMASHUSHO Y'INDIRIMBO 'ZIRAGANJE' YA ESTHER NIYIFASHA

 “>

KANDAHANO UREBE AMASHUSHO Y'INDIRIMBO 'NGIRA NKUGIRE' YA ESTHER NIYIFASHA

Babitangarije mu Murenge wa Muganza ku wa 26 Kanama 2024, ubwo RIB yari mu bukangurambaga bwo gushishikariza abaturage kugira uruhare mu gukumira ihohoterwa rishingiye ku gitsina n'ibyaha byibasira urubyiruko.

Mu kibaya cya Bugarama gihuriweho n'imirenge ya Bugarama, Gikundamvura, Nyakabuye na Muganza ni hamwe mu hakunze kugaragara ihohoterwa rishingiye ku gitsina ritizwa umurindi n'abaturuka mu turere twa Nyamasheke na Nyamagabe baje kuhashaka imirimo kuko iki kibaya cyera cyane.

Ibi biri mu byongera ubushoreke, ubuharike, ubusambanyi, isesagura ry'imitungo n'ihohoterwa rishingiye ku gitsina.

Muhashyi John, wo mu Mudugudu wa Sanganiro, Akagari ka Gakoni, Umurenge wa Muganza Akarere ka Rusizi, yavuze ko iyo umugabo atanze ikibazo cye avuga ko ahohoterwa kitumvikana nyamara ngo umugore iyo avuze ko umugabo yamuhohoteye, umugabo bahita bamufunga.

Ati 'Kuri ubu iyo umugabo agize icyo atumvikana n'umugore, umugore ahita amubwira ngo nkoraho RIB ikumene umutwe, nkoraho RIB ize igutware. Ugasanga ingo nyinshi ziri gusenyuka kubera abagore bitwaje ko RIB niza irafunga umugabo. Natwe abagabo tukagendera muri icyo cyoba kugira ngo tubashe kumara kabiri'.

Muhashyi yavuze ko hari umugore baturage uherutse gusuka amazi ashyushye ku mugabo we umugongo urashya, umugabo atanze ikirego, umugore bahita bamurekura arataha.

Muri aka gace kandi hari umugore uherutse gukubita umugabo we ipasi mu mutwe arawumena, umugabo atanga ikirego mu buyobozi, uwo mugore nawe baramurekura aritahira.

Avuga ko ibi bisigaye bitera abagabo kwahukana igihe bakorewe ihohoterwa kubera ko iyo batanze ikirego nta gaciro gihabwa.

Ati 'Nzi abagabo bagera muri bane muri iyi santere ya Gakoni bahukanye ubu baba muri 'ghetto' bahunze ihohoterwa bakorerwaga n'abagore babo'.

RIB yavuze ko ihohoterwa rishingiye ku gitsina ari igikorwa icyo aricyo cyose kibangamye umuntu akorera mugenzi we bitewe n'igitsina afite.

Umukozi w'Ishami rya RIB rishinzwe gukumira ibyaha, Jean Claude Ntirenganya yamaze abagabo impungenge avuga ko ikirego cyose cy'ihohoterwa RIB icyakira kandi ikagisha agaciro cyaba igitsanzwe n'umugabo cyangwa igitanzwe n'umugore.

Ati 'Dufite ingero z'abagore bafungiye guhohoterwa abagabo'.

Umunyamabanga Nshingwabikorwa w'Umurenge wa Muganza, Rwango Jean Dieum yavuze ko RIB ari urwego abaturage badakwiye kwishisha kuko rufasha ubuyobozi mu gukemura ibibazo.

Ati 'RIB igendera ku bimenyetso. Iyo ikibazo cyageze mu butabera hakora ibimenyetso, iyo ibimenyetso byabuze ntabwo umuntu yafungwa kandi ibimenyetso byabuze'.

Gitifu Rwango yasabye umugabo wese wumva ko yahohotewe n'umugore kujya agana ubuyobozi akagaragaza ibimenyetso kuko itegeko rihana ihohoterwa rishingiye ku gitsina ribereye bombi yaba umugabo cyangwa umugore.

Muri ubu bukangurambaga abaturage basabwe no kuba maso bakirinda kujya mu mitego y’ababatekera umutwe bagamije kubiba

Yabigarutseho ubwo yasozaga umwiherero w'abayobozi bo mu Ntara y'Iburasirazuba mu mpera z'icyumweru gishize. Uyu mwiherero witabiriwe n'abayobozi barimo komite nyobozi z'uturere, komite z'inama njyanama z'uturere n'abandi benshi batandukanye.

Minisitiri Musabyimana yagarutse ku bibazo uturere dukwiriye gukemura, agaruka ku kuzuza dosiye z'abaturage leta ibereyemo imyenda.

Yavuze ko Leta itigeze ibura amafaranga yo kubishyura, ahubwo usanga bipfira ku turere tunanirwa kuzuza dosiye ngo abo baturage bishyurwe asaba buri wese gukemura iki kibazo.

Ati 'Ntabwo Leta yigeze ibura amafaranga yo kwishyura abaturage ariko icyo twabuze kugeza uyu munsi ni amakuru yuzuye, kugeza ubu n'ubushize twashatse kubikora mu kwezi kwa cumi baratubwira bati mushake ibyangombwa byose byuzuye tubishyure, na n'uyu munsi turacyafite miliyari zirenga 17 Frw zabuze ibyangombwa byuzuye.'

Minisitiri Musabyimana yakomeje avuga ko kugeza uyu munsi ibyo byangombwa nta handi byuzurira atari mu nzego z'ibanze, yibaza ikibura kugira ngo bikemuke.

Ati 'Dosiye zuzuye turagenda tukabwira Minisiteri y'Imari n'Igenamigambi (MINECOFIN) ngo dore ngaya amadosiye, amafaranga akenewe ni aya, niba ari menshi nimuduhe gahunda y'igihe tuzabishyurira ntabwo byatinda, ahubwo turabireka ikibazo cyagaruka kigasa nk'aho kidafite nyiracyo. Bamwe tukavuga ko amafaranga yabuze kandi harabuze dosiye, tukabyibuka ari uko abaturage babibajije Perezida wa Repubulika yaje kubasura.'

Minisitiri Musabyimana yasabye abayobozi b'uturere kwiha umuhigo wo kuzuza dosiye z'abaturage bakeneye kwishyurwa na Leta ku buryo bo ibibareba babirangiza ibindi bakabisigira Minisiteri y'Imari n'Igenamigambi.

Yavuze ko uturere twose twujuje dosiye neza ubu abaturage bishyuwe, abatari bishyurwa bituruka ku turere dufite dosiye zituzuye.

Minisitiri Musabyimana yakebuye abarekera inshingano bamwe bakumva ko aribo bireba gusa, abibutsa ko bagomba gukorera hamwe mu gukemura ibibazo byose.

Minisitiri Musabyimana yasabye abayobozi gukorera hamwe bakuzuza dosiye z'abaturage Leta ibereyemo imyenda kugira ngo bishyurwe

Bizabera kuri Kigali Convention Center, ku wa Gatandatu tariki 7 Nzeri 2024 guhera Saa Kumi n'imwe z'umugoroba, mu rwego rwo gushakira hamwe inkunga n'ubundi bumenyi buzakomeza gushyigikira Sherrie Silver mu kwita ku bana batishoboye babarizwa mu murango w'ubugiraneza yashinze.

Uyu mukobwa wavukiye i Huye, ariko akamara ku rwego mpuzamahanga binyuze mu kubyina, amaze iminsi agaragaza bamwe mu bantu bazamufasha muri ibi birori, avuga ko byihariye mu rugendo rwe rw'ubuzima, kuko bizahuriza hamwe abahanzi, abanyamideli, abavuga rikijyana mu ngeri zinyuranye z'ubuzima, abanyapolitiki n'abandi.

Yagaragaje ko bizayoborwa n'umunyarwenya Nkusi Arthur ndetse n'umunyamakuru Makeda, ni mu gihe Nishimwe Naomie wabaye Nyampinga w'u Rwanda 2020, azayobora ibirori byo gutambuka ku itapi itukura bizwi nka 'Red Carpet'.

Ni ibirori avuga ko bizaririmbamo Bruce Melodie, abana babarizwa muri Sherrie Silver Foundation ndetse n'umuhanzikazi Boukuru wahatanye muri ArtRwanda-Ubuhanzi.

Ariko kandi abazitabira ibi birori bazasusurutswa n'umuziki uzavangwa na Dj Toxxyk uzasimburana na Dj Sonia usanzwe ukorera Ikigo cy'Igihugu cy'Itangazamakuru.

Sherrie Silver asobanura ko kwitabira ibi birori bizasaba kwambara imyambaro yihariye, ndetse bizarangwa n'umusangiro uzahuza ibihumbi by'abantu.

The Ben ntabwo azaririmba muri ibi birori nk'uko bizagenda kuri Bruce Melodie. Ahubwo we yashyizwe mu bazatanga ibiganiro (Speakers), aho azahuriramo na Fred Swaniker, Umunya-Ghana washinze African Leadership University.

Ni ubwa mbere The Ben na Bruce Melodie bazaba bahuriye mu birori nk'ibi nyuma y'igihe badaca uwaka. Bruce Melodie aherutse kumvikanisha ko nta kibazo afitanye na The Ben, kandi ko niba gihari yiteguye kuzahura nawe bakaganira, bagashakira umuti hamwe.

Ku wa 10 Mutarama 2024, Bruce Melodie yasuye abana babarizwa muri Sherrie Silver Foundation, icyo gihe bahuje imbaraga basubiramo indirimbo ye yise 'When she's around'. Ku rubuga rwa Youtube aho yashyizwe imaze kurebwa n'abantu barenga ibihumbi 349.

Ni mu gihe The Ben yasuye aba bana tariki 5 Mutarama 2024, basubiranamo indirimbo ye yise 'Ni Forever'. Icyo gihe, uyu muririmbyi witeguraga gusubira muri Leta Zunze Ubumwe za Amerika, yagaragaje ko yakozwe ku mutima n'impano z'aba bana.

The Ben ategerejwe mu bazatanga ikiganiro mu birori byihariye bya 'The Silver Gala'

Bruce Melodie azaririmba muri ibi birori byubakiye ku gushakira inkunga yo gukomeza gufasha abana babarizwa mu muryango Sherrie Silver Foundation

Sherrie Silver agaragaza ko yatumiye aba bahanzi kubera ko ari inshuti ze z'igihe kirekire

Ibirori bya 'The Silver Gala' bizaba ku wa 7 Nzeri 2024 muri Kigali Convention Center

Umuhanzikazi Boukuru azaririmba muri ibi birori bigiye kuba ku nshuro ya mbere

Dj Toxxyk azacuranga muri ibi birori bizahuza abavuga rikijyana mu ngeri zinyuranye z'ubuzima

Dj Sonia azavanga umuziki muri ibi birori bizarangwa no gutambuka ku itapi y'umutuku

Bruce Melodie yasuye abana babarizwa muri Sherrie Silver Foundation, ku wa 10 Mutarama 2024

The Ben yasuye abana babarizwa muri uyu muryango, ku wa 5 Mutarama2024 

KANDA HANO UREBE AMASHUSHO Y'INDIRIMBO 'WHEN SHE’S AROUND'

“>

KANDA HANO UREBE AMASHUSHO Y'INDIRIMBO 'NI FOREVER'

“>