Category: Uncategorized

Myugariro w’umunyarwanda, Usengimana Faustin yamaze kwerekeza ku mugabane wa Asia mu ikipe ye nshya ya Al Masafi FC.

Iyi kipe yo muri Iraq ikaba iheruka gusinyisha uyu mukinnyi wakiniye amakipe atandukanye hano mu Rwanda arimo APR FC na Rayon Sports.

Usengimana Faustin akaba asubiye gukina muri Iraq nyuma y’uko yakiniye Al-Qasim SC na Al-Hudood SC baheruka gutandukana.

Amakuru ISIMBI yamenye ni uko uyu mukinnyi ukina mu mutima w’ubwugarizi yamaze guhaguruka mu Rwanda yerekeza muri Al Masafi FC ikina mu cyiciro cya kabiri muri Iraq.

Asubiye muri iki gihugu nyuma y’uko yavuzwe mu makipe atandukanye nka Rayon Sports ariko ibiganiro ntibize gukunda.

Usengimana Faustin yamaze kwerekeza muri Iraq

Umunyamabanga wa Leta muri Minisiteri y'Uburezi (MINEDUC), Irere Claudette aherutse kubwira RBA ko Leta yatangije iyi gahunda ya 'Dusangire Lunch' kubera ko hari ababyeyi bangana na 35% badatanga uruhare rwabo mu kugaburira abana ku ishuri.

Minisitiri w’Uburezi, Twagirayezu Gaspard yasobanuye ko ‘Dusangire Lunch’ ari gahunda bashyizeho kugira ngo bakomeze gufasha ababyeyi ndetse n’abanyarwanda muri rusange gukomeza gutanga umusanzu kugira ngo gahunda yo kugaburira abana ku ishuri igende neza.

Iyi gahunda yatangiriye mu yisumbuye ikaza kugezwa mu mashuri yose nyuma ya Covid-19, ishyigikiwe cyane na leta, mu gihe umubyeyi ufite umwana mu mashuri abanza asabwa kwishyura 975 Frw ku gihebwe.

Minisitiri w’Uburezi yagize ati: “Niyo mpamvu rero twashyizeho iyi gahunda ya ‘Dusangire Lunch’ kugira ngo yaba ari umubyeyi cyangwa se yaba ari nanjye, nawe n’abandi twese tugire uruhare mu gukomeza kugaburira abana bacu ku ishuri kubera ko twabonye ko ari ibintu byiza cyane. Iyo ugaburiye umwana ku ishuri yiga neza kandi agakomeza gukura neza.”

Minisitiri yashimangiye ko gutanga umusanzu kugira ngo imigendekere y’iyi gahunda irusheho kuba nziza, atari uruhare rwa leta n’ababyeyi bafite abana ku ishuri gusa, ahubwo ko ari uruhare rw’abanyarwanda bose.

Ni gahunda yishimiwe n'abantu benshi, ndetse umubare w'abanyeshuri bata ishuri waragabanyutse. Minisitiri Irere avuga ko imibare bakoze umwaka ushize mu 2023, yagaragaje ko ababyeyi batanga inkunga ku bana babo bangana na 65%, bityo ubukangurambaga kuri iyi gahunda bugomba  gukomeza gukorwa.

Ati: 'Nk'umwaka w'amashuri ushize twabonye ko 65% ari bo batanga umusanzu wabo gusa. Ibyo bivuze ko igitangirwa ku ishuri kiba kidahagije. Hakenewe ubukangurambaga ku babyeyi.'

Akomeza ati: 'Nk'umunyeshuri wo mu mashuri abanza atangirwa 3000 Frw ku mwaka. Ni amafaranga abanyamujyi bamenyereye kunywamo ikawa. Ni amafaranga adakabije, iyo utanze nk'ibihumbi 10 Frw uba utangiye abana batatu umwaka wose. Ni uruhare rukomeye.' 

Minisiteri y'Uburezi igaragaza ko hari uburyo bwa Mobile Money aho ukanda *182*3*10# ukohereza inkunga yawe mu gushyigikira gahunda ya 'Dusangire Lunch'.

Guverinoma kandi yagiranye ubufatanye na sosiyete ya Vuba Vuba, aho abanyarwanda batuye mu mahanga bashobora kwifashisha iriya gahunda mu gufasha abana gufatira amafunguro ku ishuri. Umubyeyi ufite umwana wiga amashuri abanza asabwa gutanga 975 Frw cyangwa 1000 Frw ku gihembwe.

Iyi gahunda ya 'Dusangire Lunch' yatangijwe ku mugaragaro, ku wa 12 Kamena 2024, itangizwa na Minisiteri y’Uburezi ifatanyije na Mobile Money Rwanda Ltd na Koperative Umwalimu Sacco. Ubu bukangurambaga bwatangirijwe muri Groupe Scolaire Kacyiru II mu Mujyi wa Kigali. Gufatira ifunguro ku ishuri ni gahunda yatangiye mu 2021.

Ni gahunda yagabanyije umubare w'abataga amashuri aho bavuye ku 10%, bagera kuri 4%.

Umuhanzi w'umunya-Nigeria, Oluwatosin Oluwole Ajibade wamamaye nka Mr Eazi, ni umwe mu bashyigikiye gahunda ya Guverinoma izwi nka 'Dusangire Lunch' igamije gufasha abanyeshuri gufatira amafunguro ku ishuri, aho yiyemeje kugaburira abana 10,000 mu gihe cy'umwaka umwe.

Minisiteri y’Uburezi isaba abanyarwanda bose gutanga umusanzu wabo kugira ngo gahunda yo kugaburira abana ku ishuri irusheho kugenda neza 

Umuziki ni kimwe mu bintu bitunze abatari bacye yaba abawukora nk'umwuga n’abashoye akayabo mu bikorwa bishamikiye kuri wo nko mu kureberera inyungu z'abahanzi n'ibindi.

Ariko benshi mu bahanzi bawukora nta kindi baba bafite bakora, nyamara ababiteye imboni mbere, bakoresha iryo zina ry’ubuhanzi bagatangiza ibindi bikorwa binabinjiriza menshi kurushaho.

Iyo bigeze mu bagitangira, usanga hari ukora umuziki nta kindi kintu yifuza gukora mu buzima uretse umuziki. Si ibintu bibi ariko na none byakabaye byiza ubikora abihuje n’indi mirimo.

inyaRwanda yasuye umwe mu bahanzi bakizamuka bakora umwuga uzwi nk'ubu pompist muri Nyabugogo. Yatubwiye impamvu atahisemo gutwarwa n'umuziki wonyine utaranatangira kumwinjiriza.

Uyu musore witwa Wariva yatangiye avuga ko umuziki ari ikintu amaze igihe akunda ati: 'Nakuze nkunda kuririmba. Ndetse n'inshuti zanjye zinzi, bazi ko nakuze mvuga ko nzaba umuhanzi.'

Nubwo ibimuca intege bitabura birimo ubushobozi n'abamubwira ko ntacyo bizamugezaho ariko arakomeje. Aragira ati: 'Ntabwo wabura abaguca intege, ariko hari n'abantu babyishimira.'

Agaruka ku ndirimbo aheruka gukorana na Bushali yitwa 'Igurire Akantu' yavuze ko nubwo yamenye Bushali kuva bakiri bato ariko bitari byoroshye kuba yamwemerera ngo bakorane indirimbo.

Ati: 'Nari maze gusohora indirimbo ebyiri nkabona nyine hari abari kuzireba ariko nkavuga ‘kugira ngo nkomeze nubake izina, nkeneye izina rindi rikomeye mu muziki’.'

Ku bijyanye n'akazi akora Wariva yagize ati: 'Hano mpakura amafaranga atari menshi ariko arantunze, ntabwo nsa nabi kandi ni naho mvana udufaranga ducye ducye two kuvuga ngo nashora mu muziki.'

Uyu musore avuga ko yizeye ko igihe kizagera akagera kure mu muziki, gusa agaragaza ko abonye abashobora kumushyigikira mu byo akora byarushaho kugenda neza.

Wariva yatangaje ko akunda ibihangano bya Yvan Buravan kandi anyurwa bikomeye n'imikorere ya Ariel Wayz.

KANDA HANO UREBE IKIGANIRO CYOSE TWAGIRANYE

Ikipe y’igihugu y’u Rwanda Amavubi ikomeje imyiteguro yitegura imikino ibiri yo gushaka itike y’Igikombe cy’Afurika ifitanye na Libya na Nigeria, bamwe mu bakinnyi bakina hanze y’u Rwanda bamaze kugera mu mwiherero.

Ku wa Mbere tariki ya 26 Kanama 2024, Amavubi yinjiye mu mwiherero wo kwitegura iyi mikino, umutoza Frank Spittler akaba yaratangiranye n’abakinnyi bakina imbere mu gihugu.

Uyu mutoza yahamagaye abakinnyi 36 harimo 11 bakina hanze y’u Rwanda abandi bose bakaba bakina mu Rwanda.

Bamwe mu bakinnyi bakina hanze bahageze barimo Gitego Arthur wa AFC Leopards muri Kenya, Rubanguka Steve muri Al Nonjoom muri Saudi Arabia, Nshuti Innocent wa One Knoxville muri Leta Zunze Ubumwe za Amerika na Mugisha Bonheur wa AS Marsa muri Tunisia, byitezwe ko na Ntwali Fiacre wa Kaizer Chiefs muri Afurika y’Epfo ahagera uyu munsi.

Amavubi azahaguruka mu Rwanda tariki ya 31 Kanama 2024 yerekeza muri Libya aho azakina na Libya tariki ya 4 Nzeri 2024. Azahita agaruka mu Rwanda aho tariki ya 10 Nzeri azakina na Nigeria.

Mu gushaka itike y’Igikombe cy’Afurika cya 2025 u Rwanda ruri mu itsinda D kumwe na Nigeria, Benin na Libya.

Gitego Arthur ni umwe mu bageze mu Rwanda bahita banatangira imyitozo

Ku wa 27 Kanama 2024 nyuma y'amasaha make Minisiteri y'Uburezi itangaje amanota y'ibizamini bya leta bisoza amashuri abanza n'ay'Icyiciro Rusange cy'ayisumbuye, havutse ikibazo cy'umunyeshuri wahawe kwiga ibijyanye n'Ubugenge, Ubutabire n'Ibinyabuzima.

Icyazamuye impaka mu bakoresha imbuga nkoranyambaga ni uburyo uyu mwana yahawe kwiga aya masomo kandi ari yo yatsinzwe cyane kuko yose yayabonyemo zeru.

Abajijwe icyateye ibyo bibazo, Minisitiri Twagirayezu yavuze ko byatewe n'ikoranabuhanga basanzwe bakoresha.

Ati 'Hari impinduka zabaye uyu mwaka. Mu ikoranabuhanga dukoresha, twashyizemo amakuru y'aho ishuri riherereye neza. Noneho uko dushyira abanyeshuri mu myanya iryo koranabuhanga rigashaka kumushyira neza ku ishuri riri hafi y'aho atuye kurusha ahandi.'

Ibyo byumvikana neza ko, iryo koranabuhanga rititaga ko umwana ikigo rihaye umwana kiriho amasomo yageragejemo cyangwa yatsinzwe, kuko ryo ryitaga ku guhuza ikigo umwana azitaho n'aho atuye.

Icyakora Minisitiri Twagirayezu yavuze ko ubu muri iryo koranabuhanga bongeyeho ko umunyeshuri yemerewe guhindura amasomo akiga aho ashaka, ibyo ashaka byaba biherereye mu kigo yahawe cyangwa mu bindi biri hafi y'aho atuye.

Hagenderwa kuki kugira ngo umwana ahabwe ikigo?

Minisitiri Twagirayezu yavuze ko mu bisanzwe umunyeshuri iyo ari kwiyandikisha kuzakora ibizamini ahabwa amahirwe yo guhitamo aho yifuza kujya kwiga.

Umwana aba ashobora guhitamo ikigo gicumbikira abanyeshuri, icy'abigamo bataha n'ishuri y'imyuga n'ubumenyingiro yifuza.

Iyo bamaze gukosora abana hakorwa 'deliberation' bagahitamo aho abanyeshuri bazajya kwiga n'ibyo baziga mu cyiciro gikurikiyeho, ariko bigakorwa ku nzego ebyiri.

Ati 'Ku rwego rw'igihugu tubanza kureba aho abanyeshuri bahize abandi bahisemo bwa mbere, tukareba n'uko barushanyijwe, ubundi umunyeshuri agahabwa amahirwe yo kujya kwiga aho yasabye.'

Ibi bisobanuye ko umunyeshuri wahize abandi ahabwa amahirwe yo kujya ku kigo yahisemo kwigaho bwa mbere, kurusha abandi.

Uyu muyobozi yavuze ko icyiciro cya kabiri bagikorera ku rwego rw'akarere no ku mashuri, byose bishingiwe k'uko umusyeshuri yitwaye, ariko kikaba kireba abanyeshuri bahawe kwiga mu bigo bataha.

Mu guha uwo mwana aho aziga hitabwa ku ishuri ryegereye aho atuye, muri bwa buryo bwo kwirinda ko umwana yakora urugendo rurerure ajya kwiga.

Minisitiri Twagirayezu yavuze ko abanyeshuri, ababyeyi, abarimu n'abayobozi b'ibigo by'amashuri, baganira ku cyo umunyeshuri ashoboye kwiga, noneho bakaba bamufasha guhindura ibyo baba bamuhaye.

Ati 'Wenda niba bamuhaye kwiga Ubugenge, Ubutabire n'Ibinyabuzima atabishaka cyangwa atabishoboye, akaba yahitamo kwiga ibijyanye n'amashanyarazi.'

Uretse ibyo, n'iyo ku kigo umwana yoherejweho kwiga hariho irindi somo yumva yifuza na bwo ashobora guhindurirwa, akiga amasomo ashaka, ndetse mu gihe ibyo ashaka bitari mu kigo yahawe nabwo agahabwa amahirwe yo kujya mu kindi kigo kiri hafi aho.

Ati 'N'ubundi byari bisanzwe biba. Haba uko guhitamo kwa mbere [kw'abana bahize abandi] n'ukwa kabiri ku banyeshuri biga bataha.'

Yavuze ko icyo cyiciro cya kabiri kizakorwa hagati y'igihe batangarije amasomo ni ukuvuga ku wa 27 Kanama 2024 n'igihe abana bazasubira ku ishuri, ku wa 09 Nzeri 2024.

Minisitiri Twagirayezu ati 'Bivuze ko umunyeshuri wese woherejwe mu kigo azigamo ataha ntabwo icyo cyemezo ari icya nyuma. Birashoboka guhinduka. Inzego zose zabwiwe ko zigomba gufasha abana bagahabwa ibyo bashaka kwiga.'

Uretse abahawe amasomo badashaka mu baziga abataha, Minisitiri Twagirayezu yavuze ko n'aboherejwe mu bigo bicumbikira abanyeshuri, na bo bafite uburenganzira bwo gusaba guhindurirwa mu gihe bagaragaje impamvu zumvikana.

Ubwo hatangazwaga amanota y'ibyavuye mu bizamini bya leta bisoza amashuri abanza n'ay'icyiciro rusange cy'amashuri yisumbuye, hagaragajwe ko abanyeshuri bazajya mu mwaka wa kane bacumbikiwe ari 65.159, mu gihe abaziga bataha ari 71.893.

Amashuri y'imyuga n'ubumenyingiro yoherejwemo abanyeshuri 55 505, amashuri nderabarezi yoherezwamo 6407, mu buforomo hoherezwayo 325, mu bumenyi rusange hoherezwayo abarenga ibihumbi 72, mu gihe abanyeshuri boherejwe kwiga amasomo y'icungamutungo ari 2482.

Minisitiri w’Uburezi, Twagirayezu Gaspard yavuze ko ikibazo cy’abana bahawe kwiga amasomo batsinzwe kiri gukosorwa

Serivisi zivugwa ni iyo kubugabanyamo ibice, kubuhuza, gukosora ubuso, kwandikisha isangiramutungo ku nyubako no gucamo ibice byihariye.

Ubusanzwe zatangwaga mu gihe uzisaba yabanje kugeza dosiye ku biro by'Umurenge cyangwa Akarere.

NLA yasobanuye ko hashingiwe ku bufatanye n'ikigo Irembo, izi serivisi zizajya zitangirwa ku rubuga Irembo rusanzwe rutangirwaho serivisi zitandukanye za Leta.

Yagize iti 'Kuva ubu usaba izi serivisi azajya azisaba aciye ku rubuga rw'Irembo, ahitemo umuhanga mu gufata ibipimo by'ubutaka noneho uwo muhanga yahisemo azajya amufasha koherereza dosiye ye muri sisitemu y'ubutaka(Land Administration Information System) abikoze mu mwanya w'usaba.'

NLA yakomeje isobanura ko iyo dosiye isaba imaze gukorwa cyangwa gusuzumwa n'abakozi babishinzwe, ikemezwa n'umubitsi w'Inyandikompamo z'ubutaka, uwasabye ya serivisi azajya ahita yakira ubutumwa kuri telefoni ye cyangwa kuri e-mail imumenyesha ko yayihawe, ahabwe n'amakuru y'uko ashobora kubona icyo cyangombwa.

Iki kigo kandi cyaboneyeho kumenyesha abasaba serivisi zo guhuza ubutaka (Land Merge) ko babyikorera banyuze ku rubuga Irembo, bitabaye ngombwa ko bajya gushaka uwabafasha.

Abifuza serivisi z’impinduka ku bipimo by’ubutaka bazajya bazisabira ku Irembo

Ku mugoroba wo ku Kabiri tariki 27 Kanama 2024, nyuma y'amasaha make Minisiteri y'Uburezi itangaje amanota y'ibizamini bya leta bisoza amashuri abanza n'ibisoza icyiciro rusange cy'amashuri yisumbuye, haje kuvuka ikibazo cy'umunyeshuri wahawe kwiga PCB (Physics, Chemistry, Biology).

Icyazamuye impaka mu bakoresha imbuga nkoranyambaga ni uburyo uyu mwana yahawe kwiga aya masomo kandi ariyo yatsinzwe cyane kuko yose yayabonyemo zeru.

Minisitiri w'Urubyiruko n'Iterambere ry'Ubuhanzi Dr. Utumatwishima Jean Nepo Abdallah, ni umwe mu batanze ibitekerezo kuri iki kibazo.

Yanditse ati 'Mubyeyi ukibona amanota y'umunyeshuri wumvise warira? Ni irihe somo yatsinzwe ukumva wamuryamisha hasi ukamukubita? Ukibona se ko bamuhaye kwiga Math na Physique kandi byose yarabonyemo zeru ntiwabonye ko abonye isomo?'

Minisitiri Utumatwishima yasoje ubu butumwa bwe avuga ko mugenzi we w'Uburezi 'Gaspard Twagirayezu araza kubitangaho umucyo. Twihangane.'

Ubu butumwa bwa Minisitiri Utumatwishima bwari buri mu nyandiko isa n'itebya ashingiye ku buryo bw'imibarize y'umunyamakuru na we umaze iminsi avugisha benshi mu bakoresha imbuga nkoranyambaga, gusa ibya Minisitiri byo byakiriwe mu buryo butandukanye.

Hari abishimiye ibyo yatangaje, ariko abandi batangira kubinenga bagaragaza ko atari imvugo ikwiriye Minisitiri. Nyuma y'igihe gito Utumatwishima yahise asiba ubu butumwa.

Icyemezo cyo gusiba ubu butumwa cyabaye nko gukongeza umuriro kuko umubare w'ababutanzeho ibitekerezo warushijeho kwiyongera.

Umunyamakuru Richard Kwizera yagize ati 'Ya tweet igiye he se? Ukuntu yari itumye twishima kubera sarcasm [gutebya] yari iyirimo!'.

Uwitwa Bruno Sugira na we yahise asubiza ati 'Buriya se akimara kuyisiba yumvishije yarira?'

Mugenzi Felix we yagize ati 'Cyakoze uriya mupapa social media akwiye kubanza akiga neza ibyayo.'

Ya tweet igiye he se? Ukuntu yari itumye twishima kubera sarcasm yari iyirimo!

— Richard Kwizera (@Muzungu4) August 28, 2024

Ntabwo yarikuyitinzaho atarasabwa ubusobanuro cg kubazwa na we niba yararize akimara kubona ariya manota @jnabdallah

— Eng. Edmond M🦁 (@Eng_Edmond_M) August 28, 2024

Mwa bantu mwe mujye muzirikana ko akarenze umunwa kurushya ihamagara😂😂😂

— YB. (@Gasanayvesbert2) August 28, 2024

Sha reka nkubwire!!! Nubwo tugwije abahanura binyoma ariko n’Imana iravuga kdi igahagarara kw’ijambo ryayo ikarisohoza. Mvugira uti: akarenze umunywa!

— Nric (@Nkurunz27641783) August 28, 2024

😃 Aka kantu ko kuryamisha hasi umwana ukamukubita rwose ngo yatsinzwe amasomo atumva ni kabi!
Uyu mwana buriya afite ibintu ashoboye kandi yakwiga agatsinda neza, agahiga benshi, ahubwo abamureberera (minisiteri n’ababyeyi) bamurwaneho.🙂

— Emma Claudine (@EmmaClaudine) August 28, 2024

Nubwo ntacyo inzego bireba zirataganza mu buryo bweruye ku kibazo cy'uyu munyeshuri n'abandi baba bagihuje amakuru yizewe IGIHE ifite inzego zishinzwe uburezi zatangiye gukosora amwe mu makosa yagiye agaragara mu mitangire y'ibigo by'amashuriu batsinze.

Iki nicyo gitekerezo Minisitiri Utumatwishima yatanze ariko ahita agisiba

Ibi yabigarutseho kuri uyu wa Kabiri tariki ya 27 Kanama 2024 ubwo yatangizaga icyumweru cyahariwe irangamimerere cyatangirijwe mu Murenge wa Gahengeri mu Kagari ka Rweri mu Mudugudu w'Akinteko.

Mu gutangiza iki gikorwa kandi hirya no hino mu mirenge yose hasezeranyijwe imiryango yabana mu buryo butemewe n'amategeko.

Umuyobozi w'Akarere ka Rwamagana, Mbonyumuvunyi Radjab, yagarutse ku kamaro ko gusezerana imbere y'amategeko, kwandikisha abana n'izindi serivisi nyinshi zikorerwa mu bitabo by'irangamimerere.

Uyu muyobozi yanagarutse kandi ku kijyanye n'ibyo itegeko rishya rigenga umuryango rivuga ku gutanga iminani ku bana, avuga ko kuri ubu nta mubyeyi uhatirwa guha umwana umunani ari nayo mpamvu urubyiruko rukwiriye gukoresha imbaraga nyinshi rukishakira umutungo warwo.

Ati 'Ku kijyanye n'iminani no kurera abana bagukomokaho, rwose basore n'inkumi muri hano nagira ngo mbabwire musubize amerwe mu isaho abari bategereje iminani. Kera umubyeyi wabaga afite abana bakuru ntiyemererwaga kugurisha isambu batamusinyiye ngo bagusinyire ko wagurisha isambu yawe kabone nubwo warwara ukenda gupfa. Ubu rero itegeko riravuga ngo yishakiye isambu ye na we ishakire iyawe.'

Yakomeje asobanura hari ababyeyi bagera ku kubona isambu baraye rwa ntambi bavunitse cyane, barangiza bakangirwa kuzigurisha kubera abana babo bazishaka nyamara wenda afite ikibazo ashaka gukemura kimukomereye.

Yabwiye urubyiruko ko kuri ubu icyatuma umubyeyi aguha isambu ari uko uba wamubereye umwana mwiza.

Ati ' Basore n'inkumi rero ushaka isambu agende yegere ababyeyi be abubahe, ababere umwana mwiza. Niba akeneye guhingirwa uhinge iwawe ejo nawe umuhe umubyizi, narwara umuvuze, mukecuru narwara nawe umuvuze hanyuma urebe ko yakwima isambu, ariko nugenda ukamwihorera na we azakwihorera.'

'Mureke kwiringira amasambu y'ababyeyi banyu namwe mugende mukore mushake ibyanyu.'

Ufitinema Emmanuel ufite imyaka 30, yavuze ko mu gihe umubyeyi yakwishyuriye amashuri ukiga neza nta wundi munani uba utegereje asaba bagenzi be kutiringira imitungo y'iwabo ahubwo bagashakisha iyabo.

Ati ' Hano mu cyaro bibaho ugasanga hari abasore barindiriye ko ababyeyi babo bazabaha iminani cyangwa amasambu yo guhinga, iyo atayimuhaye usanga bagirana amakimbirane. Inama nabagira rero nibikuremo iyo myumvire baze dushakishe kandi tuzagera ku byiza byinshi.'

Mugisha Clarisse we yavuze ko imyumvire yo kumva ko wabona umunani ku babyeyi bawe ari iby'abantu b'abanebwe n'abandi baba badakeneye kuvunika.

Ati ' Mu gihe umubyeyi yabashije kukwishyurira amashuri nta wundi munani uba ukeneye ariko na none tunagaye ababyeyi batishyurira abana babo amashuri ntibanabahe na wa munani, abo bana usanga aribo bavamo ibirara akenshi.'

Icyumweru cyahariwe irangamimerere kizarangira tariki ya 3 Nzeri. Bimwe mu bikorwa biteganyijwe harimo gusezeranya imiryango yabanaga mu buryo butemewe n'amategeko, hazandikwa abana bavutse, handukurwe abapfuye, abakeneye ibindi byangombwa bifite aho bihuriye n'irangamimerere bose bazazihabwa mu buryo bwihuse.

Meya Mbonyumuvunyi yasabye urubyiruko gukura amaboko mu mifuka bagakora bakirinda kwiringira umunani w'ababyeyi

Imiryango yabanaga mu buryo butemewe n'amategeko iri gusezeranywa muri iki Cyumweru cyahariwe irangamimerere

Ufitinema avuga ko urubyiruko rwose rukwiriye guhindura imyumvire bagakora