Category: Uncategorized

Iki gitaramo kizaba ku wa Gatandatu tariki 31 Kanama 2024, muri BK Arena guhera saa kumi n’imwe z’umugoroba. Ni igitaramo kizaririmbamo abahanzi nka Ruti Joel, Ariel Wayz. Dj Marnaud n’abandi bashobora gutungurana nka Lionel Sentore na Jules Sentore.

Massamba yavuze ko yateguye iki gitaramo yise “3040 y’Ubutore” mu rwego rwo kwizihiza imyaka 40 ishize ari mu muziki n’imyaka 30 ishize u Rwanda rubonye ubuzima.

Mu gutegura iki gitaramo yatewe inkunga n’uruganda rwa Bralirwa binyuze mu kinyobwa cya Primus. Mu kiganiro n’itangazamakuru ku wa Gatatu tariki 28 Kanama 2024, Ingabire Sheilla yavuze ko “twishimiye gutera inkunga iki gitaramo ‘3040 y’ubutore’.

Akomeza ati “Nk’uko mubizi Primus n’icyo kinyobwa cya mbere cyageze mu Rwanda, ikaba imaze imyaka 67 kuva iyo myaka twakomeje guha ibyishimo abakunzi b’umuziki tunabaha kuryoshya na Primus. Iki gitaramo rero ni ahantu heza kuri twe n’ikinyobwa cya Primus hamwe na Massamba umaze imyaka 40 mu muziki.”

Ingabire yavuze ko bazakomeza gushyigikira umuziki w’u Rwanda, kandi muri iki gihe bari mu bukangurambaga bise ‘Primus iduha Vibe’ mu rwego rwo gufasha abakunzi b’umuziki kwishima, no kuryoherwa n’ikinyobwa cya Primus.

Yavuze ko Primus ari ikinyobwa kinyobwa na buri wese, kandi bari hejuru y’imyaka 18  y’amavuko.

Ingabire yavuze ko hari amatike yateguwe azatangwa ku bafana bazabasha gukurikiza ibyo basabwa ku mbuga nkoranyambaga. Ati “Igisabwa ni ukujya kuri Paji ya Primus ya Instagram cyangwa se Facebook ugakunda (Like) ya Massamba ugakurikirana (Follow) paji ya Primus warangiza ukifata ifoto uri kunywa Primus cyangwa se ukifata Video uri kunywa Primus wifashishije indirimbo ya Massamba, hanyuma ugatsindira VVIP.”

Ingabire Sheilla [Ubanza ibumoso] yatangaje ko Primus yiteguye gufasha abakunzi bayo kuzitabira igitaramo cya Massamba

Samputu Patrick ushinzwe ibijyanye n’Ubuterankunga muri Bralirwa, [Uri iburyo] yavuze ko Bralirwa izirikana abakunzi b'ibinyobwa byayo, ari nayo mpamvu izakomeza gushyigikira iterambere ry'umuziki w'u Rwanda

Massamba yatangaje ko yiteguye gukora igitaramo gikomeye mu kwizihiza imyaka 40 ishize ari mu muziki 

KANDA HANO UREBE IKIGANIRO TWAGIRANYE NA MASSAMBA ASOBANURA KU GITARAMO CYE

“>

Byatangajwe kuri uyu wa Gatanu tariki 30 Kanama 2024, mu kiganiro n’itangazamakuru iyi Komisiyo yagiranye n’itangazamakuru, cyabereye aho isanzwe ikorera mu Kiyovu. Amatora y'Abasenateri ateganyijwe kuba guhera tariki 16-17 Nzeri 2024.

Sena igizwe n'abantu 26. Batorwa hakurikijwe inzego z'imitegekere y'Igihugu, hakaba abashyirwaho na Perezida wa Repubulika hashingiwe ku byo itegeko riteganya.

Hari kandi n'abatorwa n'Ihuriro ry'Igihugu nyunguranabitekerezo ry'Imitwe ya Politiki, n'abandi batorwa bahagarariye Amashuri Makuru na Kaminuza bya Leta ndetse n'Izigenga.

Abasenateri 12 ni bo batorwa aho buri Ntara n'Umujyi wa Kigali biba bifite umubare w'abatorwa. Mu Majyepfo, Iburasirazuba n'Iburengerazuba hazatorwamo 3 muri buri Ntara, mu Majyaruguru hakazatorwamo 2, mu gihe mu Mujyi wa Kigali hatorwa 1.

Perezida wa Komiisiyo y’Igihugu y’Amatora (NEC), Oda Gasinzigwa yavuze ko ibikorwa by’amatora bikomeje kandi birashimishije ‘kuko igihugu cyacu kiri guca muri iyo nzira ya Demokarasi ituma twibonera abayobozi’.

Abasenateri bagiye gutorwa bazakora muri iyi manda y’imyaka itanu. Ni mu gihe abasoje manda y’imyaka irindwi bari batangiye imirimo tariki 17 Ukwakira 2019.

Gasinzigwa yavuze ko bamaze kwakira Kandidatire barazisuzuma hanyuma bazishyikiriza Urukiko rw’Ikirenga. Ati “Itegeko ridusaba ko tubishyikiriza Urukiko rw’Ikirenga. Abasenateri by’umwihariko bemezwa n’Urukiko rw’Ikirenga, ibyo byarakozwe. Urukiko rw’Ikirenga ruduha urutonde rwemejwe nk’uko rwatangajwe.”

Yavuze ko igikorwa cyo kwiyamamaza ku basenateri cyatangiye tariki 26 Kanama 2024, aho biteganyijwe ko kizarangira tariki 14 Nzeri 2024. Kandi tariki 27 Kanama 2024, abiyamamaza bahuye n’Inteko itora kuri buri Karere.

Gasinzigwa yavuze ko “Imyiteguro iri kugenda kandi turi gukorana n’inzego z’ibanze.”Anavuga ko mu minsi ishize bahuye n’abakandida babasobanurira ibyo bemerewe muri iki gihe cyo kwiyamamaza n’ibyo batemerewe.

Aya matora y’abagize Sena agiye gukorwa ni aya kane nyuma ya Jenoside yakorewe Abatutsi. Aya mbere yakozwe mu 2003, andi akorwa mu 2011, andi akorwa mu 2019, agezweho ni ayo mu 2024.

Itegeko Nshinga riteganya ko Abasenateri batorwa mbere y’iminsi 30 itarenga 60 mbere y’uko manda y’abariho irangira.

Umunyamabanga Nshingwabikorwa wa Komisiyo y’Igihugu y’Amatora, Munyaneza Charles yavuze ko tariki 30 Nyakanga 2024 kugeza tariki 11 Kanama 2024, bakiriye kandidatire z’abantu 41 bifuzaga kuba abasenateri.

Yavuze ko muri ziriya kandidatire 41, Urukiko rw’Ikirenga rwemeje Kandidatire 32. Munyaneza yavuze ko icyenda (9) zitemejwe hashingiwe ku mpamvu enye zirimo kuba hari “abakandida Urukiko rw’ikirenga rwasanze atujuje bimwe mu bisabwa y’uko umuntu uba umusenateri agomba kuba afite ubunarariribonye, ibyo biri mu itegeko.”

Akomeza ati “Ibyo biba byarashingiwe ku mirimo umuntu aba yarakoze igaragara mu mwirondoro we. Hari utaremejwe kubera ko byagaragaye ko adafite ubunararibonye.”

Munyaneza yavuze kandi ko abandi batemejwe batabashije gutanga inyandiko zisabwa ziherekeza Kandidatire nka Diplome ziriho umukono wa Noteri, icyangombwa kigaragaza ko umuntu atafunzwe cyangwa yafunzwe n’ibindi byangombwa.

Yanavuze ko hari undi utaremejwe ‘kubera ko atari yakagejeje imyaka 40’. Ati “Nanone ibisabwa kugirango umuntu abe umusenateri nibura ugomba kuba ufite imyaka 40 y’amavuko.”

Yavuze ko abasenateri batorwa mu mashuri makuru na Kaminuza, bisaba ko ugomba kuba ufite impamyabumenyi y’icyiciro cya mbere cya Kaminuza ariko uri no ku rwego rw’umwarimu cyangwa umushakashatsi wungirije wa Kaminuza.

Ati “Harimo abatari babyujuje muri abo Urukiko rw’ikirenga rutemeje.” Yavuze ko abakandida biyamamaza ubu ari 32, barimo 28 batorwa n’inzego nkuru z’imitegekere na 7 batorwa muri za Kaminuza n’amashuri Makuru.

Oda Gasinzigwa yatangaje ko kugeza ubu ibikorwa byo kwiyamamaza ku bashaka kuba Abasenateri biri kugenda neza, kandi ni ishusho y'uburyo igihugu cyahisemo kugendera kuri Demokarasi 

Munyaneza Charles, yatangaje ko kandidatire icyenda z'abashakaga kuba Abasenateri zanzwe n'Urukiko rw'Ikirenga kubera ko hari ibyangombwa batari bujuje

Kuri uyu wa Gatanu tariki 30 Kanama 2024, NEC yagiranye ikiganiro n'itangazamakuru cyagarutse ku myiteguro y'amatora y'Abasenateri

Ibiranga inoti nshya ya 5000Frw birimo kuba ingana na mm 145 x mm, Ikirangantego cya Repubulika y'u Rwanda na electrotype ihagarariye inyuguti 'BNR' munsi yacyo.

Hari ibara ryiganjemo ni ibihogo bijya gusa n'ibara rya roza, imbere hari amagambo 'BANKI NKURU Y'U RWANDA' yanditswe mu ruhande rwo hejuru ndetse 'Iyi noti yemewe n'amategeko' yanditswe munsi y'amagambo 'BANKI NKURU Y'U RWANDA.

Hari kandi 'AMAFARANGA IBIHUMBI BITANU' yanditswe mu ruhande rwo hasi. Ibindi bimenyetso bigaragara ku noti nshya ya 5000Frw ni igishushanyo kigaragara cy'inyubako ya Kigali Convention Center iri mu Mujyi wa Kigali.

Hari kandi itariki inoti yakoreweho '28.06.2024', yanditswe ahagana hasi ku ishusho ihinguranya inoti ndetse n'umukono w'Umuyobozi wa Banki n'uw'umuyobozi wa Banki Wungirije bigaragara munsi y'ishusho y'inyubako 'Kigali Convention Center'.

Hari ishusho y'ingagi ihinduranya amabara, bitewe n'icyerekezo inoti ifatiwemo, iri mu ruhande rw'ibumoso bw'inyubako 'Kigali Convention Center'.

Iteka rya Perezida ryo ku wa 29 Kanama 2024, ni ryo ryemeje ishyirwaho ry'inoti nshya ya 5.000Frw n'iya 2.000Frw.

Ku gicamunsi cyo kuri uyu wa Gatanu ni bwo inkuru yabaye kimono ko umuzamu ukomoka mu Bwongereza, Aaron Ramsdale, wakiniraga Arsenal, yatandukanye nayo akaba yasinye amasezerano y’imyaka ine muri Southampton iherutse kuzamuka mu cyiciro cya mbere.

Aaron Ramsdale yacunganye nuko isoko ry’igura n’igurisha ridafunga dore ko itariki ntarengwa ari kuri uyu wa Gatandatu ku itariki 31 Kanama 2024. Kugeza ubu azajya atozwa na Martin Russell utoza ikipe ya Southampton. 

Uyu muzamu umaze gukina imikino 153, mu mwaka w’imikino wa 2022-2023 ni we watowe nk’umuzamu w’umwaka cyane ko yari yarafashije Arsenal gusoreza ku mwanya wa kabiri muri Shampiyona y’u Bwongereza “English Premier League”.

Ikipe ya Southampton yegukanye uyu mukinnyi nyuma yo gutanga Miliyoni 18 z’amapawundi.

Mu mikino 153 Aaron Ramsdale amaze gukina, 38 muri yo yayisoje nta gitego yatsinzwe. Imikino 68 yarayitsinze, naho 66 arayitakaza.

Imipira 470 (Saves) yashoboraga kubyara ibitego, Aaron Ramsdale yayibereye ibamba. Penaliti imwe niyo uyu muzamu amaze gukuramo mu mukino hagati.

Amashoti 55 aremereye, yayakuyemo ayakubise ibipfunsi, 22 yayamize bunguri, 65 yayakuyemo akoresheje biganza, naho amashoti 992 niyo ba rutahizamu bagerageje kumutsinda ariko akanyura ku ruhande.

Aaron Ramsdale wabiciye bigacika muri Arsenal yerekeje muri Southampton 

Aaron Ramsdale yasinye amasezerano y’imyaka ine muri Southampton 

Perezida Kagame akaba n'Umugaba w'Ikirenga w'Ingabo z'u Rwanda, mu rukerera rwo kuri uyu wa Gatanu yirukanye abasirikare bakuru barimo Gen Maj Martin Nzaramba, Col Dr Etienne Uwimana n'abandi ba Ofisiye 19 bakuru n'abato.

Umuvugizi w'Igisirikare cy'u Rwanda, Brig Gen Ronald Rwivanga, yabwiye IGIHE ati 'Gen Maj Nzaramba yirukanywe kubera ruswa no gukoresha nabi amafaranga yari agenewe kwita ku mibereho y'abasirikare ubwo yari mu nshingano nk'Umuyobozi w'Ikigo cy'Imyitozo ya Gisirikare cya Nasho.'

Col Dr Uwimana we yirukanywe kubera amakosa akomeye no kunyuranya n'amahame n'indangagaciro za RDF.

Usibye aba, Rwivanga yasobanuye ko abandi birukanywe barimo abakoze ibyaha bya ruswa n'indi myitwarire mibi.

Yavuze ko RDF yiyemeje kutazadohoka ku ihame ryo kurwanya ruswa, imyitwarire mibi no kutagira ikinyabupfura mu bayigize.

Muri Kamena 2023 nabwo Perezida Kagame yari yirukanye mu gisirikare Abajenerali barimo Maj Gen Aloys Muganga na Brig Gen Francis Mutiganda. Usibye aba, hirukanwe abasirikare bandi 116 mu gihe abandi 112 amasezerano yabo yaseshwe.

Abo basirikare bakuru na bo birukanywe kubera amakosa n'ibyaha bijya kumera nk'iby'aba. Icyo gihe byatangajwe ko Gen Maj Aloys Muganga yirukanwe kubera impamvu z'ubusinzi bukabije, Brig Gen Francis Mutiganda, yirukanwa kubera gusuzugura inzego za gisirikare.

Mu mpamvu zituma umusirikare yirukanwa mu gisirikare, harimo amakosa akomeye ajyanye no kuba atarubahirije indangagaciro za gisirikare.

Harimo nko kutarangwa n'indangagaciro ziranga Ingabo z'u Rwanda zirimo kuba umuntu agomba kubaha inzego za gisirikare. Umusirikare wagaragayeho ruswa cyangwa amacakubiri, amatiku, kurema uduce n'ibindi na we aba ashobora kwirukanwa.

Gusesa amasezerano mu gisirikare bibaho iyo umukoresha abonye ko nta mpamvu yakomeza kuyubahiriza cyane cyane biturutse ku myitwarire idahwitse.

Gen Maj Nzaramba yirukanywe mu gisirikare kubera ruswa no gukoresha nabi umutungo

Iteka rya Perezida rishyiraho izi noti ryasohotse mu igazeti ya Leta yo kuri uyu wa 30 Kanama 2024, riteganya ko inoti nshya ya 5000 Frw n'iya 2000 Frw, zikoreshwa hamwe n'inoti zisanzweho, ari zo iya 500 Frw, iya 1000 Frw, iya 2000 Frw n'iya 5000 Frw, kandi zifite agaciro mu Rwanda.

Ishyirwaho ry'izi noti nshya za 5000 Frw na 2000 Frw, ribaye nyuma y'uko bisabwe na Minisitiri w'Imari n'Igenamigambi, bigasuzumwa n'Inama y'Abaminisitiri yateranye ku wa 23 Kanama 2024 ikanabyemeza.

Ibimenyetso biranga inoti nshya ya 5000 Frw

Inoti nshya ya 5000 Frw, ingana na mm 145 x mm 72, ishusho igaragara ku noti nshya ya 5000 Frw ni Ikirangantego cya Repubulika y'u Rwanda na 'electrotype' ihagarariye inyuguti 'BNR' munsi yacyo. Iyi shusho iri mu ruhande rw'iburyo bw'inoti, ibara ryiganjemo ni ibihogo bijya gusa n'ibara rya roza.

Mu bindi bimenyetso biranga iyi noti ni uko imbere hari amagambo ” BANKI NKURU Y'U RWANDA ” yanditswe mu ruhande rwo hejuru, ” Iyi noti yemewe n'amategeko ” yanditswe munsi y'amagambo ” BANKI NKURU Y'U RWANDA “, ” AMAFARANGA IBIHUMBI BITANU ” yanditswe mu ruhande rwo hasi.

Iyi noti nshya ya 5000 Frw kandi iriho igishushanyo kigaragara cy'inyubako ” Kigali Convention Centre ” iri mu Mujyi wa Kigali, agaciro k'inoti mu mibare itambitse muri buri nguni uretse mu ruhande rwo hejuru iburyo, igishushanyo cy'umubare ” 5000 ” kiri munsi y'amagambo ” Iyi noti yemewe n'amategeko ” kibonerana mu noti bitewe n'icyerekezo inoti ifatiwemo.

Itariki inoti yakoreweho ni ” 28.06.2024 “, yanditswe ahagana hasi ku ishusho ihinguranya inoti, umukono w'Umuyobozi wa Banki n'uw'umuyobozi wa Banki Wungirije bigaragara munsi y'ishusho y'inyubako ” Kigali Convention Centre “, inomero y'inoti iri mu ibara ry'umukara itambitse mu nguni yo hejuru iburyo, no mu nguni y'ibumoso ihagaritse.

Imbere hariho kandi ishusho y'ingagi ihinduranya amabara, bitewe n'icyerekezo inoti ifatiwemo, iri mu ruhande rw'ibumoso bw'inyubako ” Kigali Convention Centre “, udusapfu tubengerana dukwirakwijwe kuri buri ruhande rw'inoti tugaragara ku rumuri ” Ultraviolet ” mu mabara y'icyatsi n'ubururu.

Inyuma h'iyi noti ya 5000 Frw hari amagambo ” NATIONAL BANK OF RWANDA ” yanditswe ku ruhande rwo hejuru, “THIS NOTE IS LEGAL TENDER” yanditswe munsi y'amagambo ” NATIONAL BANK OF RWANDA”, “FIVE THOUSAND FRANCS ” yanditswe mu ruhande rwo hasi.

Hariho kandi ishusho igaragara y'uduseke tubiri, inkangara iteretswemo agacuma iteretswe mu nzu ya Kinyarwanda yo hambere, agaciro k'inoti mu mibare itambitse mu nguni zose z'inoti, ishusho y'umubare ” 5000 ” ucuritse iri munsi y'amagabo ” Iyi noti yemewe n'amategeko ” ihinguranya inoti bitewe n'icyerekezo inoti ifatiwemo.

Hariho kandi agashumi gacikaguritse karinda inoti kanditsweho inyandiko nto zigizwe n'inyuguti ” BNR ” n'umubare ” 5000 “, kari mu ibara ry'umutuku gahindura ibara mu cyatsi kibisi bitewe n'icyerekezo inoti ifatiwemo, kari mu ruhande rw'ibumoso bw'inoti.

Ibimenyetso biranga inoti nshya ya 2000 Frw

Inoti nshya ya 2000 Frw ingana: 142mm x 72mm, ishusho igaragara kuri iyo noti ni Ikirangantego cya Repubulika y'u Rwanda na electrotype ihagarariye inyuguti ” BNR ” munsi yacyo. Iyi shusho iri mu ruhande rw'iburyo bw'inoti, ibara ryiganjemo ni umwura ucyeye.

Imbere hayo hari amagambo ” BANKI NKURU Y'U RWANDA ” yanditswe mu ruhande rwo hejuru, ” IYI NOTI YEMEWE N'AMATEGEKO ” yanditswemunsi y'amagambo ” BANKI NKURU Y'U RWANDA”, ” AMAFARANGA IBIHUMBI BIBIRI ” yanditswe mu ruhande rwo hasi.

Ibindi bimenyetso biri kuri iyo noti ni igishushanyo kigaragara cy'imisozi y'Ikiyaga cya Kivu, agaciro k'inoti mu mibare itambitse muri buri nguni uretse mu ruhande rwo hejuru iburyo, ishusho y'umubare ” 2000 ” iri munsi y'amagabo ” Iyi noti yemewe n'amategeko ” ihinguranya inoti bitewe n'icyerekezo inoti ifatiwemo.

Itariki inoti yakoreweho ” 28.06.2024 “, yanditswe ahagana hasi ku ishusho ihinguranya inoti, umukono w'Umuyobozi wa Banki n'uw'Umuyobozi wa Banki Wungirije bigaragara munsi y'ishusho y'misozi y'Ikiyaga cya Kivu, inomero y'inoti mu ibara ry'umukara itambitse mu nguni yo hejuru iburyo, no muyo ibumoso ihagaritse.

Ishusho y'agaseke ihinduranya amabara, bitewe n'icyerekezo inoti ifatiwemo. Iyi shusho iri mu ruhande rw'ibumoso hejuru y'ishusho y'imisozi y'Ikiyaga cya Kivu, udusapfu tubengerana dukwirakwijwe kuri buri ruhande rw'inoti tugaragara ku rumuri ultraviolet mu mabara abiri y'icyatsi n'ubururu.

Inyuma h'iyi noti nshya ya 2000 Frw hari amagambo ” NATIONAL BANK OF RWANDA ” yanditswe ku ruhande rwo hejuru, ” THIS NOTE IS LEGAL TENDER ” yanditswe munsi y'amagambo 'NATONAL BANK OF RWANDA' na ” TWO THOUSAND FRANCS ” yanditswe mu ruhande rwo hasi.

Kuri iyi noti kandi hariho ishusho igaragara y'intete z'ikawa zikaranze neza, agaciro k'inoti mu mibare itambitse mu nguni zose z'inoti, igishushanyo cy'umubare ” 2000 ” ucuritse kiri munsi y'amagabo ” Iyi noti yemewe n'amategeko ” gihinguranya inoti bitewe n'icyerekezo inoti ifatiwemo.

Hariho kandi agashumi gacikaguritse karinda inoti kanditseho inyandiko nto zigizwe n'inyuguti ” BNR ” n'umubare ” 2000 “, kari mu ibara ry'icyatsi gahindura ibara mu bururu bitewe n'icyerekezo inoti ifatiwemo, kari mu ruhande rw'ibumoso bw'inoti.

Banki Nkuru y'Igihugu yaherukaga gushyiraho inoti nshya za 5000 Frw na 2000 Frw mu mpera za 2014.

Banki Nkuru y'u Rwanda yashyizeho inoti nshya ya 5000 Frw n'iya 2000 Frw

Uzabakiriho Cyprien uzwi nka Djihad yavuze ko amashusho ye yashyizwe hanze na Yago yikinisha yari abyiteze bitamutunguye.

Hari hamaze iminsi ku mbuga nkoranyambaga Yago aterana amagambo n’abarimo Djihad abishinja kumwanga no gushaka kumugirira nabi.

Yago ejo hashize ku wa Kane tariki ya 28 Kanama 2024 yatangiye avuga ko ahungiye muri Uganda kubera abantu bamaze imyaka 4 bashaka kumwica.

Ati 'Rwanda nkunda nkuhunze ntakwanga ahubwo mpunze agatsiko k’abashatse kunyica mu myaka ine ishize, nkataka ariko ntawanyumvise n’umwe. Umutima wanjye urababaye cyane ariko Rwanda numpamagara nzitaba, kuko data yaragukoreye, mama arakubyarira. Uganda munyakire ndabasabye!'

Benshi baje no kongera gutungurwa n’amashusho y’umunyamakuru Djihad arimo yikinisha Yago yaje gushyira hanze.

Djihad yaje kuvuga kuri aya mashusho aho yavuze ko yari abyiteze ahubwo anamusaba gushyira hanze amashusho yose agaragaza n’uwo bavuganaga kuko ari we wayafashe.

Ati “Umva rero nzibaranguze amashusho yafashwe n’uwo twari turi kuvugana kandi nari mbyiteze ko ajya hanze, naranabyifuzaga kuko nari ndambiwe amagambo yanyu mbonye igisubizo cyiza kandi cyihuse. Ikibazo ni uko uwo twavuganaga batamwerekana.'

Yakomeje agira ati “Chou tanga video nawe urimo babone ukuri burya nutwika uzatwikire rimwe ku buryo ntakuryama mu mihanda.'

Yavuze ko atatunguwe n’iri hererekanya ry’amashusho nk’aya kuko ari ikimenyetso simusiga cy’uko ibyo bavugaga ari ukuri.

Agaruka ku kuba Yago yahungiye muri Uganda atari byo kuko umugabo mbwa ari we urwana ahunga.

Ati “Umugabo mbwa iteka arwana ahunga, kandi guhunga ibibazo siko kubicyemura.'

Ubutumwa bwa Djihad

Yago yashyize hanze amashusho ya Djihad yikinisha

Djihad ntiyatunguwe n’aya mashusho

Umunyamakuru wari ukunzwe na benshi, Anita Pendo wari umaze imyaka icimi mu kigo cy’Igihugu cy’itangazamakuru (RBA), yamaze kugisezera.

Anita Pendo nubwo yasezeye RBA akaba atasezeye itangazamakuru ahubwo mu minsi mike abantu bazamenya aho yerekeje.

Ntabwo yigeze avuga aho yerekeje gusa amakuru aramwerekeza kuri Kiss FM gusimbura Sandrine Isheja werekeje muri RBA kuba umuyobozi wungirije.

Anita Pendo ni umunyamakuru wamamaye cyane mu bitangazamakuru binyuranye akaba umu-DJ n’umuyobozi w’ibitaramo bikomeye mu Rwanda.

Anita Pendo yasezeye RBA

Igisirikare aho kiva kikagera ku Isi kiba gifite amategeko n'amabwiriza agenga abagikoramo mu rwego rwo kurushaho gufasha abakora uwo mwuga kugendera ku murongo umwe kandi bahuje umugambi.

Iyo uvuze ikinyabupfura no kugendera ku murongo umwe benshi bahita bafatira urugero ku Ngabo z'u Rwanda kuko usanga kenshi abazirimo barangwa n'ikinyabupfura, guca bugufi no kugendera ku mategeko.

Nubwo bimeze bityo ariko rimwe na rimwe hasohoka amatangazo y'abahoze mu Ngabo z'u Rwanda basezerewe muri uwo murimo cyangwa abirukanywe kubera impamvu zitandukanye.

Ni ibintu bikunze gutungura benshi bakibaza uko abasirikare bashobora kwirukanwa cyangwa kutongererwa amasezerano ndetse rimwe na rimwe ugasanga harimo n'abasirikare bakuru.

Ibi ntibikwiye gutungurana cyane ko umwuga wose ugira amahame, amabwiriza n'amategeko agomba kubahirizwa ku bawukora bitaba ibyo bakirukanwa cyangwa bagahabwa ibindi bihano.

Guhagarikwa mu kazi by'agateganyo no kwirukanwa ni bimwe mu bihano bihabwa abagize ibyo batubahiriza mu Ngabo z'u Rwanda.

Iteka rya Perezida wa Repubulika rigenga sitati idasanzwe y'Ingabo z'u Rwanda ryo mu 2020, rigaragaza ko hari impamvu nyinshi zishobora gutuma umusirikare yahagarikwa kuri uwo murimo.

Izo zirimo izishobora gutuma ahagarikwa by'agateganyo cyangwa yirukanwa burundu mu gisirikare bishingiye ku kutubahiriza amategeko agenga uwo mwuga.

Umusirikare ashobora guhagarikwa kubera ikurikiranakosa, ikurikiranacyaha n'ikurikirana myitwarire.

Ku birebana n'ihagarikwa ry'umurimo wa gisirikare kubera ikurikiranakosa byemezwa na Minisitiri abisabwe n'Umugaba Mukuru w'Ingabo hakurikijwe uburyo ihagarikwa ku murimo ritewe n'imyitwarire y'umusirikare inyuranye n'amategeko agenga imyitwarire ya gisirikare rikorwamo.

Guhagarikwa ku murimo kubera ikurikiranwa ku myitwarire inyuranye n'amategeko agenga imyitwarire ya gisirikare birangira iyo igihe cyo guhagarikwa kubera impamvu z'imyitwarire kirangiye.

Umusirikare ukurikiranweho icyaha ahagarikwa ku murimo iyo urukiko rutegetse ko afungwa by'agateganyo cyangwa rumutegetse ibyo agomba kubahiriza igihe afunguwe.

Ku bijyanye n'ihagarikwa kubera ikurikiranacyaha umusirikare akatwa kimwe cya gatatu cy'umushahara we wa buri kwezi akanatakaza uburenganzira bwo kuzamurwa mu ipeti ryisumbuye.

Iyo umusirikare wahagaritswe ku murimo kubera gukekwaho icyaha bigaragaye ko ari umwere, asubizwa uburenganzira bwe yari yarambuwe icyakora iyo kimuhamye agahabwa igihano kirenze imyaka ibiri ahita yirukanwa.

Ibyo birebana no guhagarikwa by'agateganyo bigira igihe birangirira nko kuba ubushinjacyaha bwa gisirikare bwashyinguye dosiye, kuba ukurikiranyweho icyaha agizwe umwere cyangwa umusirikare arangije igihano cy'igifungo kiri munsi y'imyaka ibiri.

Kenshi mu matangazo asohorwa n'Igisirikare cy'u Rwanda agaragaza ko hari umubare runaka w'abasirikare birukanywe kubera amakosa y'imyitwarire.

Mu mwuga w'igisirikare ni byinshi bifatwa nk'amakosa y'imyitwarire birimo nko gukora ikibujijwe cyangwa kudakora igitegetswe byaba ku bushake cyangwa ku burangare bishobora kubangamira inshingano za gisirikare, kutumvira amabwiriza yatanzwe mu buryo bwubahirije amategeko n'abakuriye umusirikare cyangwa igikorwa cyose cyanduza isura ya RDF.

Ubusanzwe hari impamvu nibura 12 zishobora gutuma umuntu areka igisirikare nk'uko iteka rya Perezida wa Repubulika ribigaragaza, izo zirimo kujya mu kiruhuko cy'izabukuru, irangira ry'amasezerano y'umurimo, iseswa ry'amasezerano y'umurimo, gusaba bikemerwa, gukurwa mu kazi no gusubizwa mu buzima busanzwe.

Hari kandi kugabanya umubare w'Ingabo, kwirukanwa, kwimurirwa burundu mu rundi rwego rwa Leta, kunyagwa amapeti ya gisirikare, gukatirwa burundu igihano cy'igifungo kingana cyangwa kirenze imyaka ibiri n'urupfu.

Nko kubirebana no gusesa amasezerano cyangwa kuyongera hari ubwo umukoresha abona ko nta mpamvu yakomeza kuyubahiriza cyane cyane biturutse ku myitwarire idahwitse.

Icyo gihe iyo bibaye ngombwa Minisitiri asesa amasezerano y'umurimo yagiranye n'umusirikare.

Iyo amasezerano y'umurimo asheshwe, umusirikare bireba ahabwa amafaranga yo gusesa amasezerano angana na kimwe cya kane cy'amafaranga ahabwa urangije amasezerano.

Ku birebana no kwirukanwa, Itegeko rigenga Ingabo z'u Rwanda riteganya ko Umusirikare ashobora kwirukanwa mu Ngabo z'u Rwanda n'urwego rubifitiye ububasha kubera ikosa rikomeye cyangwa amakosa y'imyitwarire hakurikijwe amategeko abigenga.

Muri ibyo hari abashobora gukora ibyaha nk'ubujura, gukoresha ibiyobyabwenge, ubusinzi, urugomo, ubucuruzi butemewe n'ibindi bishobora guharabika isura ya RDF.

Imibare yajemo ibihekane muri Kiyovu Sports nyuma y’uko imenye ko abakinnyi mpuzamahanga yaguze batemerewe kuyikinira kugeza muri Kamena 2024.

Iyi kipe kubera ibirego yari yararezwe n’abakinnyi muri FIFA kubera kubirukana binyuranyije n’amategeko, iyi Mpuzamashyirahamwe y’Umupira w’Amaguru ku Isi mu bihe bitandukanye yabandikiye ibamenyesha ko batemerewe kwandikisha abakinnyi bashya.

Kiyovu Sports yakoze ibishoboka byose yishyura bamwe ndetse n’abandi bumvikana uko bazishyurwa.

Mu ntangiriro za Kanama 2024 ni bwo FIFA yabandikiye ibamenyesha ko ibihano yafatiwe byakuweho kubera kumvikana n’abakinnyi ifitiye amadeni.

Gusa benshi batunguwe no kutabona benshi mu bakinnyi baguzwe batarakinnye umukino ufungura shampiyona bakinnyemo bakanatsinda AS Kigali.

Byavuzwe ko ari ukubera ikibazo cy’abakinnyi baturutse hanze y’u Rwanda batinze gusabirwa ITC.

Gusa byamenyekanye ko aba bakinnyi batakinaga muri shampiyona y’u Rwanda nka Hamiss Cedric, Nsanzimfura Keddy, Sugira Ernest n’abandi batemerewe gukinira Kiyovu Sports kugeza muri Kamena 2025.

Amakuru avuga ko iyi baruwa ibakomorera yazanye na Email ya FIFA ibabwira ko nubwo ibihano byakuweho batemerewe kwandikisha abakinnyi bashya baturutse hanze y’u Rwanda mu gihe cy’umwaka.

Gusa bamwe muri Komite Nyobozi ya Kiyovu Sports babwiye perezida w’iyi kipe ko habayeho kwibeshya ko FIFA itabakomorera igice, ni ko bahise binjira ku isoko.

Kugeza ubu abakinnyi bashya yaguze bakinaga imbere muri shampiyona y’u Rwanda kuko badakeneye ITC ni mu gihe abandi igiye kurwana no gushaka uburyo yabatiza cyangwa bakumvikana bagasesa amasezerano.

Kiyovu Sports mu ihurizo rikomeye