Category: Uncategorized

Ibi yabigarutseho kuri uyu wa Gatandatu tariki ya 21 Nzeri 2024, mu kiganiro Dusangire Ijambo cya RBA aho yari ari kumwe na Minisitiri mushya w'Uburezi Nsengimana Joseph.

Ni ubutumwa yatanze nyuma y'uko ukoresha izina rya Nkunda u Rwanda ku mbuga nkoranyambaga yavugaga ko abarimu bakwiye kujya bahabwa ibyo bagombwa ku gihe kugira ngo na bo buzuze neza inshingano zabo uko bikwiye.

Irere yavuze ko 'Icyo rwose navuga ni uko biri gukorwa. Ntabwo ari amafaranga ahoraho ahubwo ni amafaranga atangwa kuko hari igikorwa cya kozwe, bamwe batangiye kuyabona ndetse bizakomeza ntabwo wavuga ngo byarahagaze.'

Ubwo yari abajijwe impamvu aya mafaranga adategurwa ngo abarimu basoze gukosora bahita bayahabwa, Irere yavuze ko 'Ibyo ni byo twifuza ko buri wese ayatahana ariko ntabwo twari twagera aho ngaho, gusa turabummva.'

Irere Claudette, yagaragaje ko kugira ngo aya mafaranga aboneke hari inzira nyinshi bicamo akaba ariyo mpamvu atinda.

Mu bizamini byakosowe n'aba barimu mu mashuri abanza, abakoze ibizamini bari 202,021 barimo abakobwa 111,249 n'abahungu 90,772. Abakobwa batsinze ku kigero cya 97%, mu gihe abahungu batsinze ku kigero cya 96,6%.

Mu cyiciro rusange cy'amashuri yisumbuye abatsinze ni 93,8%, aho abahungu batsinze ku kigero cya 95,8%, mu gihe abakobwa batsinze ku kigero cya 92%. Abatsinzwe ni 8912 barimo abakobwa 6241 bangana na 70%, n'abahungu 2671 bangana na 30%.

Muri iki kiganiro undi witwa Ange, yatanze igitekerezo abaza impamvu abantu 'Twize uburezi muri kaminuza tukiga imibare n'isomo ry'ibinyabuzima, iyo REB igiye gutanga akazi ko badutaruka kandi barashyizeho imyanya tugakora tukagira amanota ari hejuru ya 90. Ntibafata nibura abantu 10, mu gihe abize imibare n'ubugenge bafatamo 180.'

Uyu yabajije impamvu hari ibyashyizweho ngo byigwe kandi mu gutanga akazi bisa nk'ibyirengagijwe mu mboni ze.

Minisitiri w'Uburezi Nsengimana Joseph, yavuze ko abarimu bahabwa akazi bitewe n'abakenewe mu mashuri mu gihe runaka.

Ati 'Niba uyu mwaka dukeneye abarimu tuvuge 1000 bigisha isomo ry'ibinyabuzima ni bo dufata, rero uzasanga hari igihe abarimu bigisha isomo runaka ari bo bakenewe muri uwo mwaka bigatuma abantu bavuga ngo abigisha ibi n'ibi ni bo bahabwa akazi gusa.'

'Ariko ntabwo ari uguhitamo, dutanga akazi dukurikije imyanya ihari n'ibikenewe, ikindi ni uko hari ibizamini bakora bagafatira ku manota abantu babonye, ntawe ufatwa arenze ku bandi mamurushije. Niyo watsinze imyanya yashize ujya ku rutonde rw'abategereje hazaboneka andi mahirwe ugahabwa umwanya.'

Minisitiri Nsengimana yashimangiye ko hakwiye kubaho ibiganiro hagati ya minisiteri ndetse n'abarimu n'ababyeyi kugira ngo hajye habaho gusobanurirwa imikorere y'ibintu bimwe na bimwe bitera urujijo.

Irere Claudette, yagaragaje ko kugira ngo insimburamubyizi y’abarimu bakosora ibizamini bya Leta iboneke hari inzira nyinshi bicamo

Minisitiri Nsengimana yashimangiye ko hakwiye kubaho ibiganiro hagati ya minisiteri ndetse n'abarimu n'ababyeyi kugira ngo hajye habaho gusobanurirwa imikorere y'ibintu bimwe na bimwe bitera urujijo

Ni ikirego kiri mu bujurire mu nkiko zo mu Bufaransa kuva mu 2018 cyatanzwe n'imiryango ireberera inyungu z'abarokotse Jenoside yakorewe Abatutsi.

Ubusanzwe cyagombaga gufatwaho umwanzuro mu mpera za Gicurasi, gusa umwanzuro uza gusubikwa wimurirwa ku wa 19 Nzeri. Ubu urukiko rwemeje ko umwanzuro uzamenyekana ku wa 11 Ukuboza.

Ku wa Kane, Ibiro by'Ubushinjacyaha byasabye ko ikirego giteshwa agaciro nta yandi mananiza.

Mu 2005, batanu barokotse Jenoside yakorewe Abatutsi by'umwihariko ubwicanyi bwabereye i Bisesero, biyunze ku miryango itegamiye kuri Leta, batanga ikirego bashinja Ingabo z'u Bufaransa gutererana Abatutsi bari bahungiye ku misozi yo mu Bisesero muri Kamena 1994, zikaza kugaruka nyuma y'iminsi itatu hafi ya bose bishwe.

Ingabo z'u Bufaransa zari mu Rwanda mu butumwa bwa Loni bwiswe Operation Turquoise.

Soma inkuru irambuye ku bijyanye na Operation Turquoise

Operation Turquoise ntiyigeze irengera abo yari igenewe

APR FC inaniwe kugera mu matsinda ya CAF Champions League nyuma yo gutsindwa na Pyramids FC 3-1 mu mukino wo kwishyura isezererwa ku giteranyo cy’ibitego 4-2.

APR FC yari yasuye Pyramids FC mu mukino wo kwishyura w’ijonjora rya kabiri mu guhatanira kujya mu matsinda ya CAF Champions League.

Ni umukino wabaye kuri uyu wa Gatandatu tariki ya 21 Nzeri i Cairo kuri 30th June Stadium aho yasabwaga gutsinda kuko umukino ubanza amakipe yombi yanganyirije i Kigali 1-1.

APR FC yatangiye umukino ubona irushwa cyane, gusa yaje kubona amahirwe amwe ku munota wa 11 ihita iyabyaza umusaruro.

Ni ku mupira Lwanga yahaye Ruboneka Bosco wahise awucomekera Byiringiro Gilbert na we ahita ahindura imbere y’izamu bawukuyeho bawihera Seidu Dauda Yussif watuje ahita ashyira mu izamu kiba kiranyoye.

Kuva kuri uyu munota, Pyramids FC yashyize igitutu gikomeye kuri APR FC isshaka kwishyura.

Nyuma yo gukinana neza, Pyramids FC yaje kubona igitego ku munota wa 45 cyatsinzwe na Chibi. Amakipe yombi yagiye kuruhuka ari 1-1.

APR FC yatangiye igice cya kabiri ikora impinduka, Mugisha Gilbert utagaragaye mu gice cya mbere yaje gusimburwa na Chidiebere Nwobodo Johnson.

Wabonye ko yazanye imbaraga mu busatirizi aho ku munota wa 47 yazamukanye umupira yinjira mu rubuga rw’amahina maze aha umupira mwiza Ruboneka Bosco ariko ashyize mu izamu umunyezamu arawufata.

APR FC yongeye kurushwa cyane Pyramids FC ishaka igitego cya kabiri ndetse ikibona ku munota wa 67 cyatsinzwe na Fiston Kalala Mayele.

Ku munota wa 70 APR FC yahise ikora impinduka, Mahamadou Lamine Bah na Mamadou Sy bavuyemo hinjiramo Richmond Lamptey na Victor Mbaoma ni nako Seidu Dauda na we yaje guha umwanya Tuyisenge Arsene. Taddeo Lwanga na we yaje guha umwanya Aliou Souane.

APR FC yaje gutsindwa igitego cya 3 kuri penaliti yinjijwe neza na Karim Hafez ku munota 90, ni nyuma y’ikosa Byiringiro Gilbert yakoreye Mahmoud Abdelsabour. Umukino warangiye ari 3-1 maze APR FC isezererwa ku giteranyo cy’ibitego 4-2.

APR FC yasezerewe itageze mu matsinda

Gasogi United yari yakiriye Rayon Sports ku mukino w’umunsi wa kane wa Shampiyona y’u Rwanda 2024-25. Ni umukino witabiriwe n’abatari bake ugereranyije n’abafana ikipe yakiriye isanzwe ifite.

Ni umukino Gasogi United yari yitondeye mu mitegurire yawo kuko mbere y’umukino aba DJ bazobereye mu kuvanga umuziki bo mu Rwanda babanje gususurutsa abari kuri Stade Amahoro ahabereye uyu mukino kuri uyu wa Gatandatu tariki 21 Nzeri.

Miss Muyango uzwi cyane mu myidagaduro yo mu Rwanda ni we wari umusangiza w’amagambo mu gice cy’imyidagaduro, mu gihe DJ Marino, DJ Sonia na DJ Crush ari bo basusurukije abari aho babavangira imiziki iryoshye.

Nubwo habanje ibikorwa byo kwidagadura, abafana bo bari barangajwe imbere n’umukino wa Rayon Sports na Gasogi United kuko ubwo aba DJ basusurutsaga abantu mbere y’u mukino, Stade Amahoro yari yambaye ubusa. 

Ubwo aba DJ nka Marino, Sonia na Crush basusurutsaga Stade Amahoro mbere y’u mukino, nta bafana bari bakagezemo 

Uko amasaha y’umukino yasatiraga ni bwo abafana batangiye kwinjira, nuko aba Rayon batangirana amashyi yabo bakomeye abakinnyi babo bavuye mu rwambariro. 

Abakinnyi babanje mu kibuga ku ruhande rwa Gasogi United ni Dauda Ibrahim Bareli, Marc Govin, Udahemuka Jean De Dieu, Collin, Adolphe Hakizimana, Doumbia Mantan, Mudert Akbar, Christian Malimpangou, Harerimana Aboulelaziz, Danny Ndikumana na Iradukunda Serge. 

Ku ruhande rwa Rayon Sports, abakinnyi babanje mu kibuga ni Khadime Ndiaye, Ombolenga Fitina, Bugingo Hakim, Nsabimana Aimable, Omar Gning, Niyonzima Olivier, Aruna Mussa, Muhire Kevin, Cherles Baale, Aziz Bassane na Iraguha Hadji. 

Ni umukino watangiye Gasogi United ikinana imbaraga zidasanzwe. Ku munota wa kane n’uwa karindwi, Iradukunda Serge yabonye amahirwe y’ibitego, gusa birangira ananiwe kwinjiza igitego mu izamu rya Khadime Ndiaye. 

Mu minota 20 ya mbere, Gasogi United yogeje amaso y’abari kuri Stade Amahoro, ibinyujije mu macenga ya Malimpangou Christian, Ndikumana Danny na Iradukunda Serge, gusa igitego kirabura. 

Guhera ku munota wa 30, na Rayon Sports ibifashijwemo na Muhire Kevin wakinaga mu kibuga hagati, yatangiye kuyobora umukino. Ku munota wa 37 yabonye kufura yazamuwe neza na Muhire Kevin, gusa Ombolenga Fitina ananirwa gushyira umupira mu izamu. 

Iminota 45 yarangiye nta kipe irabona igitego, umusifuzi yogeraho iminota itatu. Iminota itatu nayo yarangiye nta gitego kiraboneka, nuko igice cya mbere kirangira ari Ubusa ku busa ku mpande zombi. 

Mu gice cya kabiri, Rayon Sports yagarukanye imbaraga zidasanzwe nuko ku munota wa 50, Bugingo Hakim na Charles Baale bogoza urubuga rw’amahina rwa Gasogi United, nuko Charles Baale aba atsindiye Rayon Sports igitego cya mbere.

Nyuma y’iminota itatu Rayon Sports ibonye igitego, umunya Congo Brazzaville Aziz Bassane Koulagna yatsinze igitego cy’umutwe mu izamu rya Gasogi United, nuko umusifuzi akinga ukuboko, avuga ko Aziz Bassane Koulagna yari yaraririye.

Ku munota wa 60, Gasogi United yabonye ikarita itukura yahawe Muderi Akbar, nyuma yo gukandagira bikomeye Aruna Mussa Madjariwa. 

Nubwo Gasogi United yabonye ikarita itukura yahawe Muderi Akbar Kapiteni, abakinnyi bayo bihagazeho banga gucika intege, baguma kugerageza uburyo imbere y’izamu rya Rayon Sports, gusa amahirwe aguma kuba make. 

Iminota 90 isanzwe yarangiye ari igitego kimwe cya Rayon Sports, nuko umusifuzi yogeraho iminota ine kugira ngo umukino urangire. Iminota y’inyongera nayo yarangiye nta gihindutse, umukino urangira Rayon Sports ifite igitego kimwe ku busa bwa Gasogi United. 

Gutsinda uyu mukino, byatumye Rayon Sports igira amanota atanu, naho Gasogi United iguma ku manota arindwi. 

Abakinnyi babanje mu kibuga ku ruhande rwa Gasogi United 

Abakinnyi babanje mu kibuga ku ruhande rwa Rayon Sports 

Rayon Sports yatsinze Gasogi United mu mukino Gasogi United yari yakaniye mu mpande zose 

AMAFOTO: Ngabo Serge – InyaRwanda 

Igitego kimwe rukumbi cya Charles Baale cyahesheje Rayon Sports amanota 3 imbere ya Gasogi United yasoje umukino ari abakinnyi 10.

Kuri uyu wa Gatandatu tariki ya 21 Nzeri, Gasogi United yari yakiriye Rayon Sports kuri Stade Amahoro mu mukino w’umunsi wa 4 wa shampiyona y’icyiciro cya mbere mu Rwanda umwaka w’imikino wa 2024-25.

Ni umukino watangiye wihuta, umupira uva ku izamu rimwe ujya ku rindi, mu minota 15 ya mbere Rayon Sports yari imaze kubona amahirwe 3 harimo n’aya Charles Baale ariko umunyezamu Dauda ababera ibamba.

Gasogi United kandi ku munota wa 5 iba yafunguye amazamu ku mupira Abdoul Aziz Harerimana yahinduye imbere y’izamu, Khadim Ndiaye ananirwa kuwufata ngo awukomeze ariko Kabanda Serge na we kuwushyira mu rushundura biranga.

Amakipe yombi yakomeje gushaka igitego, arema amahirwe atandukanye ariko kuyabyaza umusaruro biranga, yagiye kuruhuka ari 0-0.

Rayon Sports ikaba yatangiye igice kabiri ishaka igitego ndetse iza no kukibona ku munota wa 50 cyatsinzwe na Charles Baale.

Gasogi United yaje guhabwa ikarita itukura ku munota wa 66 yahawe Muhindo Collin. Umukino warangiye ari 1-0.

Uko indi mikino y’umunsi wa 4 yagenze

AS Kigali 0-0 Rutsiro FC
Amagaju 0-3 Musanze FC
Bugesera FC 1-1 Etincelles

Ejo ku Cyumweru

Gorilla FC vs Marines FC
Mukura VS vs Vision FC

Ku wa Mbere

Police FC vs Muhazi United

Charles Baale yatsindiye Rayon Sports

Ibi Rumaga yabitangaje kuri uyu wa Gatanu tariki 20 Nzeri 2024 mu birori byo gusoza amasomo y'abana umunani (8) amaze iminsi atoreza kuzavamo abasizi beza, na bwo ashimira Riderman kuba ari we watanze aho abo bana bigishirijwe.

Akomoza ku kumenyekanisha album yise 'Mawe', Umusizi Rumaga Junior yavuze ko Riderman ari we muntu wa mbere wumvise ibisigo byose biri kuri iyo album, akanayimenyekanisha mu buryo butandukanye burimo no kwemera kujya mu gisigo 'Umwana araryoha' kiyiriho.

Ati 'Yatanze ubuzima kuri njyewe anshyiramo umwenda wo kuzumva ko nkwiye ubuzima abandi. Muri byinshi yankoreye yagize uruhare rukomeye kuri 'Mawe' kuruta kujya mu 'Umwana araryoha', no gutuma album yose imenyekana. Ni we muntu wa mbere wumvise album yose yampamagaye. […] turagenda twicara ahantu njye na we twumva album yari mu isaha n'iminota.'

Rumaga yavuze ko inama n'inyunganizi yagiriwe na Riderman muri icyo gihe, ari zo zatumye album ye yise 'Mawe' ikundwa nk'uko byagenze.

Rumaga kandi yanashimiye Riderman utarahwemye kumufasha mu rugendo rwe rw'ubusizi, kugeza nubwo amuhaye aho kwigishiriza abana umunani basoje amasomo yabo, ndetse akabikora nta kiguzi.

Mu bandi Umusizi Rumaga Junior yashimiye harimo Muyoboke Alex uri mu bajyanama b’abahanzi bafite izina rikomeye mu Rwanda, akomoza ku kuba Muyoboke atari yaragaragaje mbere ko afite inyota yo gushyigikira Ubusizi Nyarwanda ariko agatangira gufasha Rumaga aho atangiriye urugendo rw'ubusizi.

Mu ijambo rye, Riderman yabwiye Rumaga Junior ko atari akwiye kumushimira ahubwo ko bakwiye gufatanya gushima Imana yabahaye uburyo bwo gufasha abafite impano zikabasha kumenyekana, anamusezeranya ko n'ikindi gihe azakenera aho gutoreza abana bafite impano azahamuha.

Ati ''Ntabwo wagakwiye kunshimira, ahubwo twagakwiye kwishimira hamwe no gushimira Imana kuko ni yo yaduhaye izi mpano […] Ndabashimira cyane kuba mwarahisemo kuza mu Bisumizi Imana ibahe amahoro n'imigisha, kandi mbahaye ikaze n'ubundi igihe cyose muzashaka kuza kwitoza muhawe ikaze mu Bisumizi.''

Abana Umunani basoje amasomo y'ubusizi bahuguwe mu gihe gisaga amezi atatu uhereyw muri Kamena 2024, bakagira umwihariko w'uko bari baratsinze mu cyiciro giheruka cy'irushanwa ry'abanyempano rya Art Rwanda-Ubuhanzi, ndetse bakaba bitezweho kuzashyira itafari ku busizi bw'u Rwanda mu kiragano gishya no mu gihe kiri imbere.

Rumaga yakoreye ibirori abanyempano 8 amaze iminsi atoza kuzavamo abasizi beza

KANDA HANO UREBE IJAMBO RYA RUMAGA ASHIMIRA RIDERMAN

Ku wa 16 Kanama 2024 ni bwo Minisiteri y'Ubuzima yashyize itangazo hanze rivuga iby'abo bantu bane bari banduye Monkeypox.

Bose bahuriye ku kuba barakoreye ingendo muri Repubulika Iharanira Demokarasi ya Congo (RDC) igihugu icyo cyorezo cyibasiye cyane.

Umuvugizi wa Minisiteri y'Ubuzima, Julien Mahoro Niyingabira, yabwiye IGIHE ko uwo mubare wiyongereye. Ati 'Ni byo bariyongereye. Ni babiri biyongera kuri bane bose bakaba batandatu.'

Hashize iminsi mike u Rwanda rutangiye icyiciro cya mbere cyo gukingira abantu, aho byatangajwe ko ibikorwa byo gukingira bizagera ku bantu ibihumbi 10.

Gukingira byatangiye ku wa Kabiri w'iki Cyumweru. Umuvugizi w'Ikigo gishinzwe kurwanya indwara z'ibyorezo muri Afurika (Africa CDC), Addis Asheber, yabwiye Jeune Afrique ko u Rwanda rumaze gukingira abarenga 300.

Inkingo zizatangwa cyane mu turere turindwi duhana imbibi na Repubulika Iharanira Demokarasi ya Congo nk'uko Ngashi Ngongo ushinzwe abakozi muri Africa CDC yabitangarije itangazamakuru.

RDC ifatwa nk'ahantu hari kwibasirwa n'iyi ndwara cyane, ho ibikorwa byo gukingira bizatangira mu Ukwakira. Iki gihugu kimaze kubona inkingo ibihumbi 200, zatanzwe n'Umuryango w'Ibihugu by'Ubumwe bw'u Burayi n'izindi ibihumbi 50 zatanzwe na Leta Zunze Ubumwe za Amerika.

Mu Cyumweru kimwe, ubwandu 2.912 bumaze kuboneka muri Afurika, 374 ni bushya mu gihe impfu zo zimaze kuba 14. Impungenge zikomeye kuri Afurika ziri ku bwoko bushya bw'iki cyorezo bwiswe clade 1b bwagaragaye muri RDC, u Burundi, Kenya n'u Rwanda.

Urukingo rwa MVA-BN rwakozwe na Bavaria Nordic A/S nirwo ruri gutangwa mu Rwanda

Ibyo wamenya ku rukingo ruri gutangwa mu Rwanda

Tariki 13 Nzeri nibwo OMS yemeje ko urukingo rwiswe MVA-BN rwatangira gukoreshwa mu kurwanya iki cyorezo. Rwari rwaremejwe mbere n'ibihugu birimo Leta Zunze Ubumwe za Amerika, Canada, u Bwongereza n'Umuryango w'Ibihugu by'i Burayi.

Ni urukingo rwakozwe n'ikigo cyo muri Denmark cyitwa Bavaria Nordic A/S, rushobora guhabwa abantu barengeje imyaka 18, umuntu ahabwa dose ebyiri, iya kabiri akayifata amaze ibyumweru bine afashe iya mbere.

Uru rukingo ni rwo ruri gutangwa mu Rwanda. Uruhabwa ahabwa dose imwe ingana na ml 0,5.

Ubushakashatsi bwagaragaje ko rufite ubushobozi bwo kurinda umuntu kwandura Mpox ku kigero cya 76% ku wahawe dose ya mbere mu gihe afashe dose ya kabiri, ubwirinzi bushobora kugera kuri 82%.

Minisiteri y'Ubuzima isobanura ko abagomba ku ruhabwa ku ikubitiro biganjemo abakora kwa muganga, abakora ubucuruzi bwambukiranya imipaka, abakora mu mahoteli n'abandi bakora ahatuma bashobora kwibasirwa n'icyo cyorezo.

Bigitangira Niyingabira yabwiye IGIHE ko mu ngamba igihugu giteganya zo kwirinda Monkeypox harimo no gukingira abaturage ariko bikazakorwa hagendewe ku bashobora kwibasirwa kurusha abandi.

Ati 'Ntabwo twatangirira ku bantu bose, hari amatsinda aba afite ibyago byo kwandura kurusha andi, ubwo ni yo umuntu yabanza guheraho bitewe n'inkingo zaba zihari uko zingana, hanyuma nyuma uko byazajya bigaragara ko n'andi matsinda akeneye guhabwa urukingo bakazatekerezwaho. “

Amakuru agera kuri IGIHE ni uko ibikorwa byo gukingira abantu ibihumbi 10 igihugu cyiyemeje, bishobora kuzaba byarangiye mu gihe cy'icyumweru kimwe.

Umuyobozi Ushinzwe Ibikorwa by'Ikingira muri RBC, Dr. Sibomana Hassan, yabwiye Ikinyamakuru cya Liberation cyo mu Bufaransa ko u Rwanda rwamaze kwakira inkingo zigera ku 1000.

Ati 'Twakiriye inkingo zigera ku gihumbi ndetse ubu tumaze gukingira abantu 300 cyane cyane abo mu Mujyi wa Kigali no mu turere duhana imbibi na RDC. Twizera ko impera z'iki cyumweru zizarangira dukingiye abantu 500.'

Inkingo 1000 u Rwanda rwakiriye rwazihawe na Nigeria, iki gihugu cyo mu Burengerazuba bwa Afurika na cyo cyazihawe na Leta Zunze Ubumwe za Amerika.

Icyorezo cya Monkeypox cyibasiye Repubulika Iharanira Demokarasi ya Congo, aho abarenga ibihumbi 22 bamaze kwandura na ho abarenga 715 bahitanywe na yo muri uyu mwaka.

Mpox ku muntu wayanduye bitwara hagati y'iminsi itatu n'iminsi 14 kugira ngo ibimenyetso bigaragare, bitangira ari ibiheri biza ku mubiri cyane cyane mu maso, ku maboko no mu myanya y'ibanga bishobora no gukwira ahandi henshi biza bifitemo utuzi tugenda dutindamo tukuma kagahunguka uko umuntu agenda akira.

Kugira ibyo biheri bijyana kenshi no kugira umuriro, ushobora kuza ari muke cyangwa ukaza ari mwinshi, ikindi ni uko bica intege.

Ibyo bimenyetso iyo bigaragaye umuntu akavurwa nyuma y'ibyumweru bibiri cyangwa bitatu aba yakize.

Abantu bari guhabwa urukingo biganjemo abo mu turere twegereye RDC

Ni ingigo yagarutseho kuri uyu wa Gatandatu tariki ya 21 Nzeri 2024, ubwo u Rwanda rwifatanyaga n'Isi muri rusange mu kwizihiza Umunsi Mpuzamahanga w'Amahoro.

Ni umunsi u Rwanda rwizihiza kuva mu 2011. Kuri iyi nshuro wahawe insanganyamatsiko igira iti 'Indangagaciro na kirazira by'umuco Nyarwanda mu kwimakaza amahoro'.

Mu minsi ishize, havuzwe inkuru y'abitwa Aba-Big Energy bashyigikiye Nyarwaya Innocent uzwi nka Yago. Uyu muhanzi akaba n'umunyamakuru wo ku muyoboro wa Youtube yakunze kuvuga ko arwanywa n'agatsiko k'abantu barimo bagenzi be bahuje umwuga.

Ni ko guhita hasa nk'ahavutse abantu bagaragaza ko bashyigikiye Yago.

Minisitiri Utumatwishima yasabye urubyiruko kwigengesera kuko ibyo barimo ari ibintu bishobora kubyara ibindi bindi.

Ati 'Mujya mwumva abo RIB ivuga ngo ni Big Energy, buri ibintu bitangira byitwa Big Energy bigatangira mubona ari agatsiko gato bikarangira bibaye nk'igitekerezo cy'impinduramatwara, bikarangira wabipfiriye, bikarangira mukoze ishyano.'

'Iyo bakubwiye ngo bireke bivemo ntuzane ibintu byo kujya impaka, bari bantu ni bakuru bafite amakuru tudafite, ni inzego z'iperereza.'

Minisitiri Utumatwishima yanavuze ko mu munsi ya none abantu bimitse gusebanya, urugomo no kuvuga bagenzi babo nabi kandi ari bimwe mu bibuza benshi kugera ku iterambere.

Yagaragaje ko hari umuco utari mwiza urubyiruko rwadukanye wo gufata impande mu gihe abantu runaka bahanganye ku mbuga nkoranyambaga kandi bidakwiye.

Ati 'Muzi ko dukora 'space' iyo habaye urugomo. Nk'uyu munsi mpuzamahanga ukoze nka 'space' y'amahoro wabona abantu 20 ariko baba bari kuganiro ku muntu bashaka kuvuga nabi haza abantu ibihumbi 15, ubanza ikiremwamuntu uko duteye dukunda amatiku n'ibintu birimo amafuti, ibyiza tukajyayo gake.'

Yasabye ko urubyiruko rwakimakaza gukwirakwiza amahoro ku mbuga nkoranyambaga, ibijyanye n'ibyiza n'iterambere muri rusange.

Ati 'Kubaka amahoro bigomba kuba akazi gahoraho kuri wowe nk'umuntu mu mitekerereze, mu bo mukorana, mu bo mubana no muri koperative. Wumvise ahari guhwihwiswa amacakubiri ugomba kwitandukanya na byo 'ibidakwiriye n'ubibona uzabivuge nibashake baguce' kuko ibyo u Rwanda rwabashije kubaka muri iyi myaka 30 ishize ni ibintu tugomba kurinda.'

Mu ntangiriro za Nzeri 2024, Umuvugizi w'Urwego rw'Igihugu rw'Ubugenzacyaha (RIB), Dr. Murangira Thierry, yatangaje ko umunyamakuru akaba n'umuhanzi Nyarwaya Innocent 'Yago Pon Dat', yahunze mu gihe yakurikiranwagaho ibyaha biremereye.

N'ubwo Yago yavuze kenshi ko yarwanywaga n'agatsiko k'abantu barimo bagenzi be bahuje umwuga, Dr. Murangira we yasobanuye ko uyu munyamakuru na we afite akandi gatsiko yise 'Big Energy'.

Minisitiri Utumatwishima yagaragaje ko hatabaye ukwitonda ibya 'Big Energy' bishobora kubyara ishyano mu Rwanda

Iki gikorwa cyari cyitabiriwe n’urubyiruko rutandukanye

Kuva mu 2011 u Rwanda rwizihiza Umunsi Mpuzamahanga w’Amahoro

Amafoto: Aegis Trust