Author: webrwanda

Kuwa Mbere kuri Godswill Akpabio Stadium ikipe y’igihugu y’u Rwanda, Amavubi, yatsinze Nigeria bwa mbere mu mateka, gusa biba iby’ubusa ibura itike yo kujya mu gikombe cy’Afurika cya 2025 kizabera muri Morocco nyuma y’uko Libya inganyije na Benin.

Nyuma yo gutsinda Nigeria ariko ikipe y'igihugu “Amavubi” ntikomeze mu gikombe cya Africa, ku mugoroba wo kuri uyu wa Kabiri itariki 19 Ugushyingo 2024 yagarutse mu Rwanda aho agiye gutegura imikino afite imbere by'umwihariko mu gushaka itike yo kujya mu gikombe cya Africa cy'abakinnyi bakina mu bihugu bavukamo (CHAN).

Nyuma yo kugera mu Rwanda abakinnyi batandukanye ndetse n'umutoza w'ikipe y'igihugu y'u Rwanda baje bakubita agatoki ku kandi, bavuga ko amahirwe yo kujya mu gikombe cya Africa aciye u Rwanda mu myanya y'intoki, ariko bakuye amasomo atandukanye muri iyi mikino.

Umuzamu wa mbere w'ikipe y'igihugu “Amavubi )”, Ntwali Fiacre yagize ati: 'Natwe byaratubabaje nk'abakinnyi kuba tutaragiye mu gikombe cya Africa, numva ko hari amasomo azadufasha mu mikino iri imbere izaza dukuyemo, ndumva ari cyo turi guharanira ibintu bigenda intambwe ku ntambwe.”

Ntwali Fiacre abona muri uru rugendo rwashenguye u Rwanda harabayeho ukwitanga kuko ni bwo rwasoza itsinda rufite amanota umunani. Ati' Ndumva ari ubwa mbere u Rwanda rwagira amanota umunani, ubwo nizeye ko ikindi gihe tuzabona itike tukanabona amanota meza.”

Yashimangiye ko u Rwanda rufite umutoza mwiza. Ati 'Umutoza ni mwiza nk'uko mwese mubibona, ni umutoza utuma dushyira hamwe kandi abashije kugira amanota umunani, kandi ntekereza ko n'ubwo twagiye muri CAN ya 2004 u Rwanda rutigeze rugira amanota 8.

Ubwo umukino wakinwaga mu gice cya kabiri Ntwali Fiacre yavuye mu kibuga yavunitse, ariko uyu mukinnyi yavuze ko bidakanganye cyane. Ati' Imvune yanjye ndibaza ko atari ibintu bikomeye, ejo nzajya guca muri MRI ni bwo nzamenya uko byifashe ariko ntabwo bikanganye, ejo nibwo nzabimenya.”

Umutoza w'Amavubi, Trosten Trank Spitller we yavuze ko n'ubwo u Rwanda rutagiye mu gikombe cya Africa hari ibyo kwishimira rwakoze, usibye ko hari n'ibyababaje abanyarwanda byabaye muri iyi mikino yo gushaka itike y'igikombe cya Africa.

Frank Trosten Spitller yagize ati: ' Wari umukino ukomeye kugera urangiye. Ni byo twatsinze umukino kandi turi mu mwuka mwiza n'ubwo tutabonye itike yo kujya mu gikombe cya Africa, ariko twakoze buri kimwe cyose cyashobokaga.

Umukino waduhuje na Libya niho twaburiye amahirwe kandi twari twakoze uburyo bwinshi, ariko mu buzima bibaho.

Iyi mikino tumaze gukina hari imikino twababajwe na Benin ndetse n'iyo twitwayemo neza harimo no kunganya na Nigeria i Kigali. Umukino navuga twatakaje bikatubabaza cyane ni uwo Libya yadutsindiye hano i Kigali, undi mukino watugoye ni uwa Benin ariko bafite ba rutahizamu beza.”

Uyu mutoza yatangaje ko abayobozi ba FERWAFA bamusabye kongera amasezerano ye ariko yirinda kugira icyo atangaza. Ati: 'Bambwiye ko bashaka ko nakongera amasezerano, bampaye imbanzirizamushinga ariko kugeza ubu nta gitekerezo nabitangaho.”

U Rwanda n'ubwo rwatsinze Nigeria mu mukino wa Gatandatu mu gushaka itike y'igikombe cya Africa cya 2025, ntabwo rwabonye itike kuko rwasoje ari u rwa gatatu n'amanota umunani. Amakipe yagiye mu gikombe cya Africa mu itsinda D ni Nigeria na Benin.

“>

“>

 “>

Byagarutsweho kuri uyu wa 19 Ugushyingo 2024 ubwo Inteko Rusange, umutwe w'Abadepite yagezwagaho raporo y'ingendo z'Abadepite mu gihugu, zakozwe hagamijwe kureba uko igihembwe cy'ihinga 2025 A cyatangiye, banifatanya n'abaturage mu muganda.

Mu bibazo basanze mu bahinzi harimo ibya koperative zihinga umuceri zibura abakiliya bawo bigatuma bawutindana mu bubiko.

Depite Mukabalisa Germaine yavuze ko nubwo umuceri wera mu Rwanda uhanganye n'uva mu mahanga, hari n'ikindi kibazo cy'umuceri wera mu bihe bitandukanye ku buryo igiciro gishyirwaho kitubahirizwa ku miceri yose iba iri mu bubiko.

Ati 'Umuceri wo mu gihugu ntabwo werera rimwe. Iyo hagiyeho rero igiciro ku mwero, birengagiza wa muceri weze mbere bityo gushyiraho igiciro cy'umuceri rero n'uwo mu gihugu, hakwiye kwitabwa kuri wa muceri wera mbere ndetse na wa muceri uba wereye ku gihe cy'isarura abo bahinze na bo bakabasha kubona uko bisanga muri icyo giciro cyagiyeho.'

Depite Odette Uwamariya we yagaragaje ko basanze hari abagurirwa umuceri na ba rwiyemezamirimo bagatinda kubishyura cyangwa bakabasaba inyemezabuguzi za EBM nyamara ari abahinzi basanzwe, bigatuma basoreshwa.

Ati 'Twanabonye ikibazo gikomeye aho iyo babaguriye umusaruro babasaba gutanga inyemezabuguzi ya EBM kandi ari abahinzi basanzwe bigatuma bacibwa imisoro. Twabasaba gukemura ikibazo cy'umusaruro w'abaturage ufatirwa na ba rwiyemezamirimo ntibishyurwe cyangwa bagatinda kwishyurwa no gukemura ikibazo cyo kubaka EBM.'

Visi Perezida w'Inteko Ishinga Amategeko ushinzwe amategeko no kugenzura ibikorwa bya guverinoma, Uwineza Beline yavuze ko ikibazo cy'abahinzi basabwa EBM batakigiye mu mizi ku buryo cyakomeza gukukiranwa bikazashakirwa igisubizo kirambye.

Mu myanzuro yafashwe harimo usaba Minisiteri y'Ubucuruzi n'Inganda gukemura mu kwezi kumwe ikibazo cy'ibiciro by'umuceri uhingwa mu Rwanda.

Usaba iyi Minisiteri 'Kugaragariza umutwe w'Abadepite gahunda yo gukemura mu buryo burambye ikibazo cy'abahinzi b'umuceri babura isoko ryawo, birimo ikibazo cy'igiciro cy'umuceri uhingwa mu Rwanda kiri hejuru ugereranyije n'icy'umuceri uturuka mu mahanga, hagakurikiraho ikibazo cya ba ryiyemezamirimo bagura uwo musaruro ariko na bo ntibawubonere isoko, bigakorwa mu gihe kitarenze ukwezi kumwe.'

Mu mezi make ashize umuceri wari waraheze ku mbuga aho umwe wari waratangiye no kuhangirikira nyuma uza kugurwa n'Ikigo East Africa Exchange (EAX) gikora ubucuruzi bwambukiranya imipaka, ubuyobozi bugaragaza ko uzagaburirwa abanyeshuri.

Abadepite bahaye Minicom ukwezi kumwe ngo ibe yatanze umurongo wo gukemura ikibazo cy’ibiciro by’umuceri

Mu kiganiro Tubijye Imuzi, twagarutse ku mpamvu izi ntwaro karundura zishobora guhindura ibintu ku rugamba ndetse n'uburyo u Burusiya bushobora kwitwara muri iyi ntambara imaze imyaka irenga ibiri.

Kurikira ikiganiro Tubijye Imuzi

Uyu mwanditsi, uzwi ku bitekerezo bye byuzuyemo ubwitonzi n'ubwenge, yerekanye neza uburyo kwandika atari ibintu byo gushimisha gusa, ahubwo ari igikorwa cy'ingirakamaro mu buzima bwa buri wese. Nyagatare yagaragaje ko kwandika ari inzira yo kwisobanukirwa, yo kuvuga ibyiyumvo bidasohoka mu magambo avugwa no guhuza ubuzima bwacu n'ibyo twanyuzemo.

Mu gihe yaganiraga n'urubyiruko rwari rwaje rwuzuye amatsiko, Nyagatare yabagaragarije ko kwandika ari ijwi umuntu aha Isi.

Yagize ati: 'Kwiyandikira ni ukubwira Isi icyo uri cyo, ibyo wumva, n'ibyo ushaka. Ijwi ryawe rifite agaciro, kandi iyo wandika urarigaragaza ku buryo bwimbitse.'

Muri uwo mugoroba, urubyiruko rwabwiwe ko kwandika ari ubuzima bwuzuye ibisobanuro byinshi, rwasobanuriwe ko ari uburyo bwo kwiyungura, inzira yo kuvura ibikomere, kandi bikaba igikoresho cyo kwiyubaka.

Nyagatare Ivan yerekanye ko kwandika bifasha buri wese kuvuga ibyo adashobora kuvuga mu buryo busanzwe. Yavuze ko kwandika bituma umuntu asubiza amaso inyuma, akareba ahantu hihishe mu bitekerezo bye, akabona aho yavuye n'aho ashaka kugana.

Nyagatare yabwiye abari aho ko kwandika ari impano buri wese ashobora kwibonaho, igahinduka umurage asigira abandi.

Uwo mugoroba waranzwe no guseka, gutekereza no gusangira ubuhamya bw'icyo kwandika bisobanuye ku buzima. Urubyiruko rwaitabiriye rwatashye rufite ishusho nshya y'uburyo kwandika ari inzira yo gutekereza no gusangiza Isi intego z'umwanditsi n'amarangamutima ye.

Mu gusubiza cya kibazo cyabazaga kiti 'Kuki wandika?' Nyagatare yagize ati 'Wandika kubera ko ijwi ryawe rifite agaciro, kandi Isi yose ikeneye iryo jwi. Kwandika ni ugukura, ni ugukora amateka, kandi ni ugusiga inkuru zizavugwa igihe kinini nyuma yawe.'

Nyuma y'imvura, muri uwo mugoroba utazibagirana, ivugurura ry'umutima n'ibitekerezo byasize buri wese yibonamo ubushobozi bwo kuvuga ubuzima bwe mu buryo buhoraho kandi bufite agaciro.

Nyagatare yasobanuriye urubyiruko impamvu nyayo zo kwandika

Uyu mugoroba witabiriwe n’urubyiruko rugera kuri 50.

Mucyowera Jesca ni umukristo muri EPR/ Gikondo, umuramyi n’umuririmbyi muri Injili Bora yandikiye indirimbo “Shimwa” yamamaye mu buryo bukomeye. Kuririmba si ibya none ahubwo abirambyemo dore ko yabitangiye akiri umwana muto. Avuga ko kuririmba abikora agamije kuramya, guhimbaza Imana no kwagura ubwami bwayo.

Ni umubyeyi w’abana 4 yabyaranye n’umugabo we Dr Nkundabatware Gabin bashakanye kuwa 19/12/2015. Mucyowera wakuriye i Rwamagana, avuka mu muryango w’abana 7, we akaba uwa 3. Mu mashuri yisumbuye yize ‘Gestion informatique’ naho Kaminuza yiga icungamari muri University of Kigali. 

Kuri ubu Mucyowera Jesca yashyize hanze indirimbo nshya y’amashusho yise “Imana Ikomeye” yagiye hanze kuri uyu wa 19 Ugushyingo 2024. Ni nyuma y'amezi abiri gusa ashyize hanze iyo yise “Hashimwe Yesu” yakoranye na Korali Injili Bora asanzwe aririmbamo.

Jesca Mucyowera yavuze ko iyi ndirimbo ye nshya “Imana ikomeye” yayanditse muri Nzeri ubwo yari mu bihe byiza byo gutekereza ku gukomera kw'Imana. Yavuze ko irimo ubutumwa bubwira abantu ko “Imana twizeye ikomeye cyane, dukwiriye gukomeza kuyigirira icyizere”. 

Mu kiganiro na inyaRwanda, Jesca Mucyowera yavuze nyuma yo gukora iyi ndirimbo, ateganya gushyira hanze izindi zinyuranye. Mu byo ateganya harimo n'igitaramo gikomeye. Yagize ati: 'Ndi gutegura gukorera Imana binyuze mu ndirimbo nyinshi Imana irimo kumpa. Ndi mo gutegura igitaramo mu minsi iri imbere.'

Jesca Mucyowera warakiranywe urugwiro rwinshi mu muziki amazemo imyaka 4 nk’umuhanzi wigenga, benshi bakaba banyotewe no gutaramana nawe, ntabwo yatangaje itariki azakoreraho igitaramo cye, gusa si kera nk’uko yabyihamirije. Amakuru avuga ko iki gitaramo kizaba mu ntangiriro za 2025, gusa nyiri ubwite ntabwo arabyemeza. 

Mucyowera Jesca aritegura gukora igitaramo gikomeye no gushyira hanze indirimbo nyinshi

Jesca yamamaye mu ndirimbo “Yesu arashoboye” imaze kurebwa n’abarenga Miliyoni 1.6 kuri Youtube

Jesca Mucyowera ni we wanditse indirimbo “Shimwa” ya Injili Bora yakunzwe bikomeye

REBA INDIRIMBO NSHYA “IMANA IKOMEYE” YA JESCA MUCYOWERA

Mu kiganiro yagiranye na InyaRwanda, Ezra Joas yahakanye iby’urukundo rwe na Gateka Esther wamamaye nka Dj Brianne, byavuzwe cyane mu itangazamakuru nyuma y’uko uyu mukobwa abatijwe.

Ezra mu kubihakana yavuze ko atifuza kuba yakundana na Dj Brianne, ashimangira ko igihe nikigera azarambagiza umugeni ariko kandi atazamukura ku mbuga nkoranyambaga. 

Uyu musore w’imyaka 32 y’amavuko yaboneyeho no gutangaza ko atarageza igihe cyo gushaka umugore kuko akiri muto cyane. 

Yavuze ubu yahagaritse gukora umuziki nka 'business' nyuma yo kubona ko mbere yakoraga indirimbo ntabashe kugaruza n'ayo yashoye.

Ati:' Nzakora indirimbo ngamije kwidagadura no gushimira Imana ntavuga ngo noneho ni 'business,' ntanavuga ngo baranterefona njye kuririmba. Nk'iyi turimo turakora ndi kuyishoramo amafaranga ariko ntabwo nteganya ko izayagaruza ahubwo ndi kuyikora mu buryo bwo gushimira Imana.'

Uyu musore uherutse kwinjira muri Sinema, yatangaje ko ubwo yatangiraga uru rugendo benshi mu bo basengana muri Angilikani babifashe nabi ndetse kugeza uyu munsi hari n’abo ’twashwanye kubera Sinema.’ 

Yagize ati: “Mbanze mpugure abakristo mbabwire ko gukina filime ni akazi nk’akandi, ni nayo mpamvu mbona mu Rwanda filime za Gikristo ntazo kuko natwe twagerageje kuzikora twaciwe intege, birangira twisangiye abari gukora izindi kugira ngo impano yacu ibashe gukomeza gukura.”

Yasobanuye ko impamvu izi filime zidakorwa mu Rwanda ari uko abanyamadini badashyigikira abafite impano zo gukina filime. Ati: “Baba bumva ari ibintu by’uburaya, umuntu niba akinnye ari kunywa wino bo bumva ko ari wino, ntibatekereze ko ibintu byose byifashishwa byigwa.”

Ezra yavuze ko abantu bakwiye kumenya ko abakina filime bazikina kugira ngo batange ubumenyi, avuga kuri filime nshya ahuriramo n’abarimo Rufonsina, Carine (mukuru wa Rufonsina ari na we muyobozi w’iyo filime), Igihozo Nshuti Mireille, Nkusi Linda, Nyirankotsa, Ivan, Irunga Longin, Kampire Sarah, Rukundo Paru n’abandi benshi imaze iminsi itambuka ku muyoboro wa YouTube.

Muri iyi filime bise ‘Hidden Series,’ Ezra akina ari umugabo udashobotse uca umugore we inyuma akajya mu bana bato. Iyi filime ihishura amabanga yose y’ibibera mu ngo z’iyi minsi.

Yabwiye InyaRwanda ko afite gahunda yo gutangiza filime za Gospel nubwo avuga ko abantu bamuciye intege, akaba agiye guhatana ku buryo ateganya ko nyuma y’iyi yise ‘Hidden’ azahita akurikizaho filime nshya ya Gikristo izaba ifite ibice 40.

Ati: “Kandi izaba ari iya Gikristo byuzuye kuko n’insengero tuzazijyamo kugira ngo bigaragare koko ko ari Gospel. Nyuma ya Gospel, mfite indi filime igiye kuzatungura benshi izakorerwa mu kabari kandi ako kabari kazaba ari akanjye ndi Pasiteri.

Ezra Joas yatangiye kumenyekana akorera umuziki mu Karere ka Musanze mu Ntara y'Amajyaruguru aho avuka, mbere yo kwimukira mu Mujyi wa Kigali kubera akazi. Yakoze indirimbo zakunzwe zirimo iyitwa 'Niyo' yafatanyije na Aline Gahongayire. Ibindi bihangano bye bizwi birimo 'Nzakunambaho Yesu', 'Ibihe turimo', 'Nizera ko' n'izindi nyinshi.

Uyu muhanzi yatangiye kuririmba afite imyaka 12, yakuze abikunda kuko iwabo bahabikaga ibyuma bya muzika maze akajya abyiyigisha ari nako amenya kuririmba.

Ezra Joas ni umwe mu bana batandatu ba Rev. Pasteur Ntibazigabirwa Joas uri mu kiruhuko cy'izabukuru mu Itorero Angilikani mu Rwanda.

Uyu musore wavutse mu 1993, ni we wegukanye igihembo cy'umuhanzi mwiza wo hanze ya Kigali muri Groove Awards 2018 itanga amashimwe ku bahize abandi mu ruganda rw'umuziki wo kuramya no guhimbaza Imana.

Ezra Joas yavuze ko iby’urukundo rwe na Dj Brianne byari ‘agatwiko’

Yavuze ku kibazo cy’abanyamadini bumva ko gukina filime ari ukwishora mu mico mibi

Afite gahunda yo kubyutsa Sinema Nyarwanda ishingiye ku iyobokamana nubwo yabanje gucibwa intege

Kanda hano urebe ikiganiro twagiranye na Ezra Joas

 

Stamina Shorwebwenzi aherutse gusohora Album ye yise nshya yise 'Msanii Bora wa Hip hop' yahurijeho abaraperi bihagezeho muri iki gihe.

Ni Album igizwe n'indirimbo 17 zakozweho na ba Producer banyuranye. Ijwi rya Riderman ryumvikana mu ndirimbo 'Msanii Bora Wa HipHop' yitiriwe iyi Album, aho yanaririmbyemo Nacha, Manengo ndetse na B Face. Riderman aririmba amagambo ye mu rurimi rw'ikinyarwanda, Igiswahili ndetse n'Icyongereza.

Muri iyi ndirimbo, Stamina Shorwebwenzi niwe wakira bagenzi be, ndetse buri wese agenda yumvikanisha igihugu akomokamo, akamuha ikaze muri iyi ndirimbo, ubundi mugenzi we akanzika aririmba muri iyi ndirimbo.

Iyi Album iriho izindi ndirimbo kandi nka 'Bado Nipo' yaririmbyemo Belle9 bo muri Tanzania ndetse na Jay Pox wo muri Zambia, 'Fire' yakoranye na Wagosi wa Kaya na Dully Sykes, 'Pombe' yakoranye na Mbaya na Meija wo muri Kenya.

Hariho kandi 'Lipepewe' yakoranye na Kusah, 'Kwa Ubaya' yakoranye na Ilnah, 'Mapenzi' yaririmbyemo Mwasiti, 'Wewe' yakoranye na One Six, 'Sio Romantic', 'Nenda' yakoranye na Star Thomas, 'Kosa Lungu Lipi' yakoranye na Sat-B, 'One Day' yakoranye na Mkwawa, 'Wasaka Tonge' yakoranye na Ferooz, 'Nakuja' yakoranye na Gudluck Gozberl, 'Tutaonana' na Lily, 'Kwa Neema' na Appy ndetse na 'Nionyeshe' na The Mafik.

Mu kiganiro cyihariye yahaye InyaRwanda, Riderman yavuze ko atigeze ahura n'uyu muraperi uri mu bakomeye muri Tanzania, kuko bahujwe na B-Face uri mu baraperi bakomeye muri iki gihe mu gihugu cy'u Burundi.

Ati 'Stamina twahujwe na B-Face, yanyoherereje 'Beat' nkorera 'record' muri studio 'Ibisumizi.' Ariko kandi asobanura ko Stamina yamuhisemo ahanini biturutse mu kuba yarakurikiranye ibihangano bye mu bihe bitandukanye, ndetse n'umuziki w'u Rwanda.

Ati 'Ni iby'agaciro kubona umusani/umuhanzi nka Stamina yumva ibihangano byacu akabishima ndetse akifuza kuba twakorana.'

Riderman uherutse kuririmba mu gitaramo cyahuje abaraperi 11, yasobanuye ko batangiye gukora kuri uyu mushinga muri Mata 2024, kandi ntiyigeze ahurana na Stamina.

Ati 'Project' twayikozeho muri Mata 2024. Yego ntiturahura (Yasubizaga niba yarigeze ahura n'uyu muraperi ukomeye muri Tanzania).'

Stamina Shorwebwenzi afatwa nk'umuraperi wagaragaje impinduramatwa kuva mu myaka itanu ishize ari mu muziki, ndetse yawinjiyemo agera  ikirenge mu cya bagenzi bubatse amazina akomeye muri iki gihe.

Mu rugendo rw'umuziki we, yagiye aha umwanya abahanzi bakizamuka mu njyana ya Hip Hop ndetse na bakuru be mu muziki. Yita cyane ku kuririmba indirimbo ze mu rurimi rw'Igiswahili ndetse n'Icyongereza ariko bitari cyane.

Stamina Shorwebwenzi yavutse mu 1989, avukira mu gace ka Morogoro, ubwo yatangiraga urugendo rw'umuziki yiyemeje gukora Hip Hop gusa.

Ariko kandi yatangiye umuziki mu 2010 ari kumwe n'inshuti ye Ibrahim Mussa wamamaye nka Roma Mkatoliki wavukiye mu gace ka Tanga.

Bombi bakoranye indirimbo zirimo nka: Kijiwe Nongwa ft Nay Wa, Mitego, Hivi ama vile, Parapanda, Kaka Tuchati, Iokote Remix ft Mauasama, Kiba 100 ft Mausama, Kijiwe, Nongwa, Kaolewa ft Riyama Ally, Atan ndetse na Magic. 

Mu rugendo rw'umuziki wabo bemeranyije gukorana indirimbo cyangwa se buri umwe agakora ibihangano bye ku giti cye.

Riderman yatangaje ko yamenyanye n'umuraperi Stamina bigizwemo uruhare na B-Face wo mu Burundi

Riderman yavuze ko nubwo atigeze ahurana na Stamina ariko yamubwiye ko yakunze ibihangano bye 

Riderman asobanura ko yanyuzwe no kwisanga kuri Album ya Stamina
 

KANDA HANO UBASHE KUMVA INDIRIMBO RIDERMAN YARIRIMBYEMO Y'UMURAPERI STAMINA

“>

Uyu muhanzi yamamaye cyane mu ndirimbo ze ziri kuri Album ye ya mbere yise 'Musomandera'. Yabwiye InyaRwanda ko agera mu Rwanda kuri uyu wa Gatatu tariki 20 Ugushyingo 2024 kuko yari yabanje gukora ku ndirimbo ze za mbere ziziba ziri kuri Album ye.

Yavuze ko yagiriye ibihe byiza mu Bubiligi binyuze mu gitaramo yahakoreye, kandi yanafashe n'umwanya wo gukora kuri Album ye ya kabiri. Ati 'Indirimbo zirahari nk'ibisanzwe! Producer Didier Touch hari indirimbo yakoze izajya kuri Album yanjye ya Kabiri ndi gutegura buhoro buhoro.'

Ruti Joël atangaje ibi nyuma y'uko ku wa Gatandatu tariki 16 Ugushyingo 2024 yataramanye na mugenzi we Lionel Sentore mu gitaramo cyiswe 'Ijoro rya Gakondo' cyabereye mu Mujyi wa Bruxelles ahazwi nka Birmingham Event Center.

Ni igitaramo cyateguwe n'ishyirahamwe East African Vibes, kandi cyanitabiriwe n'Itorero Icyeza ndetse n'abavuza Ingoma z'Abarundi. Cyari cyateguwe mu rwego rwo gufasha Abanyarwanda batuye mu Bubiligi kwishima.

Imyaka itatu irashize Ruti Joël ari umuziki. Ni imyaka afitemo indirimbo zirenga 24 zirimo izo yakubiye kuri Album ye ya mbere yise 'Musomandera'.

Album ye igizwe n'indirimbo 10 zirimo: Rwagasabo, Musomandera, Ibihame, Nyambo, Gaju, Cunda, Akadege, Amaliza, Murakaza n'Ikinimba.

Ruti asobanura ko yatangiye afite igitekerezo cyo gukora Album yise 'Rumata' ariko birangira ahinduye Album ayita 'Musomandera' kubera uruhare rwa Buravan.

Yavuze ko Album 'Rumata' yari kuba iriho indirimbo za gakondo ndetse n'indirimbo z'umudiho ugezweho. Akomeza ati 'Kubera umuvandimwe wanjye Buravan niwe wangiriye inama ati ndashaka kugirango uyikore mu buryo bwa gakondo gusa, ndamwemerera ndayikora.'

Ni album iriho indirimbo icumi yakoze mu njyana ya gakondo gusa, ndetse akaba ari we wenyine uri kuri iyi album. Yayikozeho mu gihe cy'imyaka ibiri.

Iyi album ishingiye ku rukundo rw'umubyeyi n'umwana, umugabo n'umugore n'urukundo rw'umuturage ku gihugu, asobanura nk'urukundo rutagira icyasha ari byo yise Rukundorwera. Iri rikaba ari ijambo akoresha cyane muri iyi album.

Nyuma yo gutanga ibyishimo ku batuye i Burayi by’umwihariko mu gihugu cy’u Bubiligi, Ruti Joël ategerejwe bikomeye mu iserukiramuco rya ‘Unveil Africa Fest’ rizabera muri Camp Kigali, tariki 07 Ukuboza 2024, rikaba ryitezweho kuzatanga ibyishimo bisendereye ku bakunzi b’umuziki Gakondo.  

Abazitabira iri serukiramuco ngarukamwaka bazasusurutswa n’Itorero Intayoberana, Ruti Joel, Victor Rukotana, Chrisy Neat, Himbaza Club, J-Sha n’umukirigitananga Siboyintore. Kuri ubu amatike yo kwinjira muri iki gitaramo kidasanzwe ari hanze. 

Itike ya macye yiswe ‘Bisoke’ ni 10,000 Frw, ikurikiyeho yiswe ‘Muhabura’ iragura 25,000 Frw naho itike iruta izindi yiswe ‘Karisimbi’ iragura 50,000 Frw. Amatike ari kuboneka mu buryo bw’ikoranabuhanga unyuze ku rubuga www.noneho.com. Kanda HANO ugure itike.

Umuyobozi Mukuru wa Unveil Africa yateguye Unveil Africa Fest, Uwase Clarisse, yabwiye InyaRwanda ko abazagura amatike yo mu cyiciro cya Kalisimbi, bazahabwa ku buntu ikirahuri cya Wine cyangwa ikirahuri cya Fresh Juice ku batanywa inzoga. Ni mu gihe abo mu cyiciro cya Muhabura bazahabwa Juice/Jus iri mu icupa cyangwa icupa ry’amazi.

Uwase Clarisse yizeye neza adashidikanya ko iki gitaramo kizatanga ibyishimo by’umwihariko ku bakunzi b’umuziki gakondo. Avuga ko ari ahantu heza umuntu akwiriye gusohokanira n’inshuti ze mu kwishimira ko umwaka wa 2024 urangiye mu mahoro.

Ruti Joël yatangaje ko yatangiye gukora kuri Album ye ya kabiri ahereye ku ndirimbo yakoreye mu Bubiligi

Ruti Joël yavuze ko yanyuzwe n'ibihe yagiriye ku nshuro ye ya mbere mu Bubiligi

Ruti Joël yasobanuye ko iyi Album ye izaba iriho indirimbo zishingiye cyane ku mwimerere w'abanyarwanda

Lionel Sentore yataramanye na Ruti muri iki gitaramo cyafashije Abanyarwanda batuye mu Bubiligi kwizihirwa

KANDA HANO UBASHE KUMVA ALBUM YA MBERE YA RUTI JOEL

“>