Author: webrwanda

Uyu mukobwa yari asanzwe atuye mu Mudugudu wa Nyagatare II mu Kagari ka Nyagatare mu Murenge wa Nyagatare. Amakuru y'urupfu rwe yamenyekanye ku wa Gatatu tariki 20 Ugushyingo 2024, ubwo inzego z'umutekano zajyaga aho yabaga zitabajwe n'abaturanyi be bari bamaze iminsi batamubona.

Umunyamabanga Nshingwabikorwa w'Umurenge wa Nyagatare, Ingabire Jane, yabwiye IGIHE ko uyu mukobwa yari amaze iminsi ataboneka, telefone ye idacamo. Abo babanaga mu gipangu ngo bahuruje ubuyobozi kugira ngo burebe niba atarapfiriye mu nzu kuko ngo n'iyo nzu itaherukaga gukingurwa.

Ati 'Umurambo we wasanzwe mu nzu yabagamo, birakekwa ko yaba yiyahuye. Abo babanaga mu gipangu baraduhamagaye batubwira ko bamaze iminsi batamubona kandi ko aho aba hakinze, twagiyeyo rero dufatanyije n'inzego z'umutekano twica urugi tumusanga mu cyumba amanitse mu kibambasi mu ijosi harimo umugozi wa mudasobwa ye.'

Gitifu Ingabire yakomeje avuga ko kuri ubu inzego z'umutekano zahise zitangira iperereza kugira ngo zimenye niba koko yaba yariyahuye cyangwa se niba yarishwe.

Yasabye abaturage kandi kujya batanga amakuru cyane cyane ku bantu baturanye baba bamaze iminsi batabona.

Ati 'Iyo abaturage batanze amakuru hakiri kare hari nubwo uwashakaga kwiyahura tumuramira rero ni ingenzi kuba ijisho rya mugenzi wawe yaba uwo mukorana, uwo muturanye cyane cyane abo mubana mu gipangu. Niba ubyutse menya ko nawe abyutse ari muzima kuko hari igihe amakuru atangwa mbere tukaba twaramira uwo muturanyi wawe.'

Kuri ubu umurambo wa nyakwigendera wajyanywe mu bitaro bya Nyagatare gukorerwa isuzuma, mu gihe iperereza rigikomeje ngo hamenyekane icyo uyu mukobwa yazize.

Uyu mukobwa witabye Imana avuka mu Karere ka Kayonza mu Murenge wa Murundi, akaba yari yaragiye gutura muri Nyagatare kubera impamvu z'akazi. Abo mu muryango we basabye ko hakorwa iperereza ngo kuko nta kibazo na kimwe bazi yari afite cyatuma yiyahura.

Binavugwa ko Museveni ari we wahamagaye Habyarimana mu ijoro, amubwira ko bamwe mu mpunzi z'Abanyarwanda zari muri Uganda, zigabye zigatera u Rwanda.

Itangazo rya mbere u Rwanda rwasohoye icyo gihe ryashinjaga ingabo za Uganda kuba arizo zateye, ndetse mu nama mpuzamahanga zakurikiyeho, Uganda yashinjwe kenshi uruhare muri iyo ntambara.

RPA yatangije urugamba hanze y'u Rwanda habarirwa impunzi zisaga ibihumbi 500. Zari zimaze igihe zigaragaza ko zishaka gutaha ariko Leta ya Habyarimana ikazima amatwi, ikavuga ko nta butaka bwo kubatuza buhari, ubundi ikavuga ko abavuye mu gihugu atari Abanyarwanda.

Si kenshi Perezida Museveni yakunze kuvuga kuri iki kibazo, na nyuma y'imyaka 30 ishize Guverinoma ya Habyarimana ivuye ku butegetsi igasiga Abatutsi basaga miliyoni bishwe bazira uko bavutse.

Imyumvire ya Museveni kuri iki kibazo igaragara cyane mu gitabo yanditse mu 1992 'What is Africa's problem', kivuga ku bibazo bituma Afurika idatera imbere.

Muri iki gitabo, Museveni agaragaza ko ubutegetsi bwa Habyarimana bwazize kwinangira no kudashaka gukemura ikibazo mu buryo bwa nyabwo, ahubwo bakagitwerera Uganda.

Ati 'Guverinoma y'u Rwanda yo yafashe umurongo wo kuvuga ko Abanyarwanda bari hanze y'igihugu ari akazi kabo, ko bari mu nshingano z'abadatekereza bemeye kubaha ubuhungiro. Guverinoma y'u Rwanda yanashyize hanze itangazo ibishimangira kugeza tubabwiye ko twe tutabyumva gutyo.'

Museveni yavuze ko nta ruhare na ruto Uganda yigeze igira mu gutuma Abanyarwanda bayihungiramo.

Ati 'Abanyarwanda ba mbere baje mu ntangiriro za 1925 kubera imitegekere mibi y'Ababiligi mu Rwanda. Bamwe bari aborozi abandi ari abahinzi. Abandi baje hagati ya 1959 na 1961 bahunga imvururu zari mu Rwanda. Abo bantu baje hano mu buryo bwemewe n'amategeko kuko ni impunzi, nta bwenegihugu bafite.'

Perezida Museveni mu gitabo cye, agaragaza ko Abanyarwanda bahungiye muri Uganda bagize amahirwe yo kujya mu gisirikare kubera ibibazo Uganda yari irimo.

Ati'Uko Abanyarwanda baje kwisanga muri NRA ni amateka. Twahuye n'intambara baba aha mu gihugu cyacu. Muri icyo gihe, Abanyarwanda kimwe n'ibindi byiciro by'abaturage bacu bafashe uruhande, hari abatwiyunzeho abandi biyunga kuri Idi Amin. Ibyo twarwaniraga byari ibibazo byacu bidafite aho bihuriye n'u Rwanda.'

Ubwo RPA yari imaze gutangiza urugamba rwo kubohora u Rwanda, Perezida Museveni na Habyarimana bahuriye kenshi mu nama mpuzamahanga baganira kuri icyo kibazo.

Museveni avuga ko hari umunsi bahuriye mu nama ya Afurika Yunze Ubumwe i Abuja muri Nigeria, Habyarimana akamushinja imbere ya bagenzi be ko ari we ntandaro y'intambara mu Rwanda.

Ati 'Hari umunsi nahuriye na Perezida Habyarimana mu nama ya OAU Abuja azamura iki kibazo, nuko nyuma ampa umwanya ngaragariza Afurika yose uko ikibazo cyatangiye. Iyo Abanyarwanda baba batari hano, ntabwo bari kuba barisanze mu ntambara zacu muri Uganda.'

Yakomeje agira ati 'Bagize amahirwe haba intambara, bamenya uko intwaro zikoreshwa hanyuma ubwo bumenyi babukoresha bajya gutera igihugu cyabo. Ni ingaruka zo kwemera ko abaturage bawe bajya mu mahanga igihiriri kandi atari ku bushake bwabo.'

Museveni yavuze ko na mbere y'uko RPA itangiza urugamba, bahaye amakuru Guverinoma y'u Rwanda kugira ngo ibikurikirane, ikavunira ibiti mu matwi.

Mu gitabo cye, Museveni avuga ko Habyarimana yasabwaga ibintu bitatu intambara igahagarara. Ibyo birimo kwemera ko Abanyarwanda bahungiye mu mahanga ari Abanyarwanda, kwemera gutanga agahenge imirwano igahagarara no kujya mu biganiro.

Ibiganiro byarabaye ariko Guverinoma ya Habyarimana igasubira inyuma ikica ndetse ikanatoteza Abatutsi bari bari imbere mu gihugu, kugeza ubwo Habyarimana avuze ku mugaragaro ko amasezerano ya 'Arusha' ari 'ibipapuro'.

Museveni yavuze ko mu gihe cyose Guverinoma yirengagije gukemura ikibazo cy'abaturage bayo, idakwiriye kwitega ko ejo hazaza hari amahoro.

Ati 'Niba abantu bashaka kujya kuba mu mahanga, reka babikore ku bushake bwabo ntibajyeyo nk'impunzi.'

Muri iki gitabo kandi, Museveni yagaragaje ko ari ikosa rikomeye kuba Habyarimana yaritwazaga ko igihugu cyuzuye nk'uburyo bwo kubuza Abanyarwanda b'impunzi gutahuka.

Yavuze ko yasabye kenshi ko haba ibiganiro by'izindi nzira zakoreshwa niba koko u Rwanda rwaruzuye ariko Habyarimana yanga kumwuma.

Ubwo Perezida Museveni na Habyarimana bahuriraga ku mupaka w’u Rwanda i Gatuna

Uyu musore aherutse gutangira urugendo rw’umuziki nk’umuhanzi wigenga, nyuma y’imyaka itanu irenga ari mu batunganya umuziki. Ni indirimbo avuga ko yafatiye amashusho mu gihe cy'iminsi ine, kandi yakoreye mu bice bitandukanye by’Umujyi wa Kigali.

Ni indirimbo yise ‘Dangote’ kandi yasohotse mu gihe ari kurangiza Album ze ebyiri agomba gusohora ashingiye ku biganiro agirana na ‘Label’ ye yo muri Amerika.

Producer YewëeH yabwiye InyaRwanda, ko indirimbo yakoreye Mbosso uri mu bahanzi bakomeye muri Kenya izasohoka kuri Album ye mu minsi iri imbere.

Ati “Mbosso yari afite igitaramo muri Amerika, Producer w’aho arampamagara arambwira ati ‘nkeneye beat’ ndazimwoherereza, hanyuma muri ‘beat’ z’abandi ba Producer bose ahitamo iyanjye, hanyuma Mbosso ayiririmbamo, ndababwira nti mwohereze amajwi kugirango nsoze indirimbo yose.”

Uyu musore atatangaza amafaranga yahawe na Mbosso ariko ‘ni menshi’. Yasobanuye ko gukorera indirimbo Otile Brwon, we byaturutse ku biganiro bagiranye ubwo bahuriraga mu gihugu cya Kenya.

Ati “Abahanzi iyo bahuye nta biganiro bibaho. Ni ukumva igihangano, no kumva ubushobozi mfite, yakumva bimeze neza akambwira ati tujye muri studio dukore. Ni n’uko byagenze rero.”

Uyu musore yasobanuye ko gukorera Eddy Kenzo, we byaturutse ku muntu wamuhuje nawe kuva icyo gihe baba inshuti byagejeje mu ‘kuba naramukoreye indirimbo ebyiri’.

YewëeH asobanura ko atari abahanzi bo mu mahanga yakoreye indirimbo, kuko anashimishwa no kuba mu bahanzi bo mu Rwanda yakoreye harimo na Mugisha Benjamin ‘The Ben’ nk’umwe mu bo nifuzaga. Yasobanuye ko indirimbo yakoreye The Ben, izasohoka kuri Album ya Uncle Austin.

Kandi avuga ko bamwe mu bahanzi bo mu mahanga yabakoreye indirimbo mbere y’uko ajya mu rukundo na Shaddyboo, abandi ‘mbarakorera twaramaze gukundana’.

Producer YewëeH yatangaje ko yakoreye indirimbo ebyiri Eddy Kenzo binyuze ku muntu wabahuje

Producer YewëeH yavuze ko yahuriye na Otile Brown muri Kenya biyemeza gukorana indirimbo kuva ubwo 

Producer YewëeH yavuze ko igitaramo Mbosso yakoreye muri Amerika ari cyo cyagejeje ku ndirimbo yamukoreye 

Producer YewëeH yasobanuye ko yinjiye mu muziki kubera ko ari kimwe mu byo yifuzaga mu buzima bwe 

KANDA HANO UBASHE KUMVA INDIRIMBO 'DANGOTE' YA PRODUCER YEWEEH

  “>

KANDA HANO UREBE IKIGANIRO NA PRODUCER YEWEEH ASOBANUYE UKO YAHUYE N'ABAHANZI BAKOMEYE MURI AFURIKA

“>

Iki gikorwa cyari kigamije kwishimira ubucuti buri hagati ya Leta Zunze Ubumwe za Amerika n'u Rwanda ndetse no guteza imbere ubufatanye hagati y'ibihugu byombi. Mu bitabiriye iki gikorwa harimo abaturutse mu nzego za politiki, dipolomasi n'igisirikare.

Minisitiri w'Ububanyi n'Amahanga n'Ubutwererane, Olivier Nduhungirehe, yashimangiye uruhare ari ingenzi gukomeza gushaka uburyo bwo kwagura umubano wa Amerika n'u Rwanda.

Minisitiri Nduhungirehe yagize ati “Uko umubano hagati y'ibihugu byombi ugenda utera imbere, ni nako dukomeza kurebera hamwe uko warushaho gutera indi ntambwe bikagera ku bufatanye bwo ku rwego rwo hejuru.

Yongeyeho ko impande zombi zikomeje kurebera hamwe uburyo uyu mubano warushaho kwaguka, ati “Dukomeza kureba kandi n'ahandi hose haba hari amahirwe y'ubufatanye mu kunoza umubano hagati y'ibihugu byacu. Kandi Inteko Ishinga Amategeko ya Amerika ndetse n'itsinda ritegura iki gikorwa gihuza Amerika n'u Rwanda bakomeje kuba nk'ikiraro mu gukomeza guteza imbere uyu mubano.'

Minisitiri Nduhungirehe yari kumwe n'abandi bayobozi barimo Minisitiri w'Ubutabera akaba n'Intumwa nkuru ya Leta, Dr. Emmanuel Ugirashebuja ndetse n'Umuvugizi wa Guverinoma, Yolande Makolo.

Depite Trent Kelly yashimiye ubuyobozi bw'u Rwanda ku ruhare bwagize mu guhindura igihugu, agaragaza akamaro k'u Rwanda nk'umufatanyabikorwa ukomeye wa Amerika. Yashimangiye kandi uruhare rw'ingenzi rw'Inteko Ishinga Amategeko ya Amerika mu guteza imbere umubano w'ibihugu byombi.

Senateri Mike Rounds na we yashimye ibyo u Rwanda rwagezeho, agira ati “U Rwanda ni icyizere cya Afurika, ibyo rwagezeho kugeza ubu biratangaje kubera umwuka mukoreramo wo guhuza abantu.”

Ambasaderi w''u Rwanda muri Leta Zunze Ubumwe za Amerika, Mathilde Mukantabana, yagarutse ku kamaro k'ubufatanye, agira ati “Ibyo ibihugu byacu byombi birimo ni uguteza imbere ubumwe n'imikoranire bitari ibya hano twicaye gusa, ahubwo ni iby'abantu bashobora kugeraho bakoranye, haba hano i Washington no hanze yayo.”

Yongeyeho ati “Benshi muri mwe mwasuye u Rwanda mwibonera uko imikoranire myiza ishobora guhindura ubuzima bw'abantu. Turabashimira cyane kuri ibyo byose n'ubucuti twubatse.”

Depite Trent Kelly yashimiye ubuyobozi bw'u Rwanda ku ruhare bwagize mu guhindura igihugu

Minisitiri w'Ubutabera akaba n’Intumwa nkuru ya Leta, Dr. Emmanuel Ugirashebuja n’Umuvugizi wa Guverinoma, Yolande Makolo, baganira n’umwe mu bari bitabiriye ibiganiro

Abarimo Col Raoul Bazatoha ushinzwe ibikorwa bya Gisirikare muri Ambasade y'u Rwanda i Washington D.C muri Amerika (wa kabiri uhereye ibumoso) na Senateri John Boozman (wa kane uhereye ibumoso) bakurikiye ibiganiro

Minisitiri w'Ububanyi n'Amahanga n'Ubutwererane, Olivier Nduhungirehe, aganira n’Umunyamabanga wa Leta Zunze Ubumwe za Amerika wungirije ushinzwe Afurika, Mary Catherine Phee

Nduwamungu yashyinguwe mu Murenge wa Rukumberi ari naho yari atuye.

Uyu muhango witabiriwe n'abayobozi mu nzego zitandukanye barimo Guverineri w'Intara y'Iburasirazuba, Pudence Rubingisa; abayobozi b'Ingabo, Polisi n'Urwego rw'Igihugu rw'Ubugenzacyaha, RIB, abahagarariye IBUKA, abo mu muryango we n'inshuti n'abavandimwe.

Umwana we w'imfura, Mizero Francine, yavuze ko nk'umuryango, bababajwe n'urupfu rw'umubyeyi wabo wakundaga abantu.

Guverineri w'Intara y'Iburasirazuba, Pudence Rubingisa, yihanganishije umuryango wa nyakwigendera, avuga ko abagize uruhare mu rupfu rwe bazabihanirwa n'amategeko.

Rubingisa kandi yahumurije abarokotse Jenoside yakorewe Abatutsi batuye mu Murenge wa Rukumberi, ababwira ko nta muntu uzabahungabanyiriza umutekano.

Ati “Ndashimira inzego z'umutekano zikomeje guhumuriza abarokotse Jenoside yakorewe Abatutsi, nta muntu uzabahungabanyiriza umutekano.'

'Imyaka 66 Nduwamungu yari afite, yari agitanga umusanzu wo kubaka igihugu kandi yari afite uruhare runini muri gahunda z'iterambere. Uwamwambuye ubuzima yaduhombeje byinshi, tuzakomeza kuba hafi umuryango we kandi tuzakomeza no kubafata mu mugongo.'

Nduwamungu Pauline yasize abana batatu n'abuzukuru batanu.

Nduwamungu Pauline uherutse kwicwa yashyinguwe mu cyubahiro

Abantu benshi bari bitabiriye umuhango wo guherekeza Nduwamungu Pauline

Itangazo rya Meteo Rwanda ryo ku wa Gatatu, tariki ya 20 Ugushyingo 2024, rigaragaza ko mu gice cya gatatu cy'ukwezi k'Ugushyingo 2024 (kuva tariki ya 21 kugeza tariki ya 30 Ugushyingo) mu Rwanda hateganyijwe ingano y'imvura iri hagati ya milimetero 50 na milimetero 200.

Rikomeza rivuga ko 'Imvura iteganyijwe iri hejuru y'ikigero cy'imvura isanzwe igwa muri iki gice.''

Imvura nyinshi iteganijwe mu Majyaruguru mu Karere ka Musanze, Burera, igice kinini cy'Akarere ka Rusizi, Nyamasheke na Nyamagabe ndetse n'igice gito cy'Amajyepfo y'Akarere ka Karongi

Meteo Rwanda yanagaragaje ko muri iki gihe hazaba hari umuyaga ufite umuvuduko uri hejuru mu Karere ka Nyaruguru, Huye na Nyamagabe ndetse no mu bindi bice by'Igihugu.

Iki kigo cyasabye Abanyarwanda gukaza ingamba zo kwirinda ibyago bishobora guterwa n’imvura nyinshi n’umuyaga mwinshi uteganyijwe muri iki gihe.

Kugeza muri Gicurasi 2024, Minisiteri ishinzwe Ibikorwa by'Ubutabazi, MINEMA, yatangaje ko kuva umwaka wa 2024 watangira u Rwanda rwibasiriwe n'ibiza inshuro 288 bitandukanye, bigahitana abantu 49, naho abagera kuri 79 babikomerekeyemo.

Uyu mugabo yari yaremejwe n'Inama y'Abaminisitiri yateranye ku itariki ya 31 Mutarama, 2023. U Rwanda na Sudani y'Epfo ni ibihugu bifitanye umubano umaze gushinga imizi, ugashingira cyane ku mutekano, ubucuruzi n'ibindi.

Muri Gicurasi 2021, abayobozi b'ingabo z'u Rwanda na Sudani y'Epfo bahuriye i Kigali mu biganiro byibanze ku gukomeza ubufatanye mu bya gisirikare. By'umwihariko, ibi biganiro byagarutse ku ishyirwa mu bikorwa ry'Amasezerano y'Amahoro yavuguruwe muri Sudani y'Epfo.

U Rwanda rwagize uruhare rugaragara mu gutanga amahugurwa binyuze muri Rwanda Peace Academy, hagamijwe gutegura inzego z'umutekano z'iki gihugu mu buryo burambye. Ibi byiyongeraho ko u Rwanda rusanzwe rufite ingabo muri Sudani y'Epfo ziri mu butumwa UNMISS.

Umuyobozi w'ubwo butumwa, Lt Gen Mohan Subramanian, aherutse kuvuga ko u Rwanda ari umusingi wabwo. Ati 'Ingabo z'u Rwanda nirwo rutirigongo rw'ubu butumwa.”

Magingo aya, u Rwanda rumaze imyaka 20 mu butumwa bwa Loni bwo kubungabunga amahoro. Rumaze kandi imyaka 30 ruvuye mu mateka mabi ashaririye ya Jenoside yakorewe Abatutsi mu 1994.

Umubano w'ibihugu byombi kandi uretse ibijyanye n'umutekano ukagera ku mikoranire no kwigiranaho. Mu Kuboza 2021, Sudani y'Epfo yohereje itsinda ry'abayobozi barimo abaminisitiri, abagize Inteko Ishinga Qmategeko, n'abashinzwe umutekano mu Rwanda.

Bitabiriye amahugurwa ku buyobozi bukuru no kubaka amahoro nyuma y'intambara, yateguwe na Rwanda Peace Academy ku bufatanye na UNITAR na RJMEC. Iri huriro ryari rigamije gusangiza Sudani y'Epfo ubunararibonye bw'u Rwanda mu kubaka ubumwe n'ubwiyunge ndetse n'iterambere ry'inzego za Leta.

Muri Gashyantare uyu mwaka, Perezida Salva Kiir wa Sudani y'Epfo, akaba ari na Perezida w'Umuryango w'Afurika y'Iburasirazuba (EAC), yasuye u Rwanda aho mu biganiro yagiranye na Perezida Paul Kagame, bakomoje ku kunoza ubufatanye mu bucuruzi bwambukiranya imipaka, gukemura ibibazo by'umutekano n'amahoro, ndetse no gushakira hamwe amahirwe y'iterambere mu mishinga ihuriweho mu karere.

Sudani y'Epfo yabonye ubwigenge mu mwaka wa 2011. Ku wa 16 Mata 2016 ni bwo yemewe nk'umunyamuryango wa gatandatu w'Umuryango wa Afurika y'Iburasirazuba (EAC). U Rwanda na Sudani y'Epfo bihurira mu mishinga y'Umuhora wa Ruguru, bifatanyije na Kenya na Uganda.

Ubwo Ambasaderi Simon Juach Deng wa Sudani y’Epfo yaramukanyaga na Perezida Kagame, mu Biro by’Umukuru w’Igihugu, Village Urugwiro

Perezida Kagame yakiriye Ambasaderi Simon Juach Deng n’itsinda ryamuherekeje, bagirana ibiganiro

Mu rwego rwo gukemura bimwe muri ibyo bibazo, by'umwihariko mu rwego rw'ubwubatsi, Guverinoma yagejeje ku Nteko Ishinga Amategeko umushinga w'itegeko rigenga imirimo y'ubuhanga mu guhanga inyubako, iy'ubuhanga mu by'ubwubatsi n'iy'ubuhanga mu kubara, kugena no kugenzura ingano y'ibintu n'ibiciro mu bwubatsi, ukaba waremerejwe ishingiro mu ntangiriro z'uku kwezi.

Ikigamijwe ahanini ni uko igihugu kigira abahanga mu kubara, kugena no kugenzura ingano y'ibintu n'ibiciro mu bwubatsi mu nzego zitandukanye, mu rwego rwo kugira ngo hirindwe amakosa ahora agaruka muri raporo y'Umugenzuzi Mukuru w'Imari ya Leta.

Iryo tegeko rigenga imirimo y'ubuhanga mu guhanga inyubako, iy'ubuhanga mu by'ubwubatsi n'iy'ubuhanga mu kubara, kugena no kugenzura ingano y'ibintu n'ibiciro mu bwubatsi niritorwa, nta we uzongera kwemererwa gukora uwo mwuga atanditswe mu rugaga. Kuri ubu urwo rugaga rugizwe n'abanyamuryango bagera ku 120.

Kuri uyu wa 20 Ugushyingo 2024, Urugaga rw'Abahanga mu kubara kugena no kugenzura ingano y'ibintu n'ibiciro mu bwubatsi (Rwanda Institute of Quantity Surveyors: RIQS) rwagiranye ibiganiro n'abanyeshuri biga ayo masomo muri Rwanda Polytechnic, kugira ngo babatera umwete banabereke amahirwe ahari ku isoko.

Umuyobozi wa RIQS, Charles Rugira, yasabye abanyeshuri ba RP biga ibijyanye na 'quantity surveying', gushyiraho umwete kuko ari bo igihugu gitezeho amakiriro mu gukemura ibibazo byibasiye uru rwego.

Yagize ati 'Dufite abantu bake bafite ubumenyi muri uyu mwuga, kandi leta iradukeneye kugira ngo tugire uruhare mu kugabanya amakosa akigaragara ahombya leta akayabo […] Dukeneye abahanga benshi mu kubara, kugena no kugenzura ingano y'ibintu n'ibiciro mu bwubatsi mu mirimo yose, kugira ngo tubone abantu bazashobora gutuma amakosa agaragazwa n'Umugenzuzi w'Imari ya Leta agabanyuka,'

'Nimwiga mukagira ubumenyi buhagije, hari amahirwe menshi abategereje. Muri uyu mwuga dukeneye Abanyarwanda bahabwa akazi ku rwego mpuzamahanga, kuko kuba Umunyarwanda ni ubutunzi kuri ubu.'

Umwe mu banyeshuri barangije muri RP wahaye ubuhamya bagenzi be bw'inzira igoye yanyuzemo ariko akagera ku nzozi ze, Iradukunda Consolée, yavuze ko yari afite inzozi zo kuzaba umuganga ariko akisanga muri IPRC aho yagombaga kwiga 'Civil Engineering', nyuma akaza kubona bigoye agasaba inama z'ibindi yakwiga bijyanye bakamurangira 'Qunatity surveying'.

Yongeyeho ati 'Kuva uwo munsi nakunze ibijyanye na 'quantity surveying' ntangira kubishyiramo umwete. Uyu munsi nejejwe n'akazi kanjye n'ubwo ngitangira nabanje kwishidikanyaho nibaza niba nzabibasha, ariko byose byagenze neza.'

Kuri ubu Iradukunda akora muri REAL Contractors Ltd, ibijyanye n'ibyo yize mu ishuri, nubwo avuga ko bakiga babanje gucibwa intege ndetse hakagira bamwe babivuyemo, ariko avuga ko kudacika intege ari byo akesha uwo musaruro.

Umuyobozi w'Ishami rya Civil Engineering muri RP ishami rya Kigali, Iyakare Jean de Dieu, yavuze ko biteguye gukemura imbogamizi zagaragajwe n'abanyeshuri, bakaba bateganya guhindura izina ry'ishami.

Yasanye Urugaga rw'Abahanga mu kubara kugena no kugenzura ingano y'ibintu n'ibiciro mu bwubatsi kubafasha kunoza integanyanyigisho ndetse no gufasha abanyeshuri mu imenyerazamwuga ku buryo basohoka bafite ubumenyi buhagije bukenewe ku isoko ry'umurimo.

Abanyeshuri biga ibijyanye no kubara, kugena no kugenzura ingano y'ibintu n'ibiciro mu bwubatsi muri RP babwiwe ko hari amahirwe abategereje

Aba banyeshuri babwiwe ko umwuga wo gukora ibijyanye no kubara, kugena no kugenzura ingano y'ibintu n'ibiciro mu bwubatsi, u Rwanda rwawushyizemo ingufu.

Aba banyeshuri bo muri RP Kigali, bahawe ibi biganiro kuri uyu wa 20 Ugushyingo 2024, bigizwemo uruhare na RIQS.

Umuyobozi wa RIQS, Charles Rugira, yasabye abanyeshuri ba RP biga ibijyanye na 'quantity surveying', kwiga bashyizeho umwete

Josh Ishimwe umutaramyi ukunzwe cyane muri iyi minsi, akaba yarihebeye umuziki uhimbaza Imana mu njyana Gakondo. Ni umukristo muri ADEPR, ariko inganzo ye iryohera cyane abo mu matorero n'amadini atandukanye arimo na Kiliziya Gatolika. Akunzwe mu ndirimbo zirimo “Sinogenda Ntashimye”, “Inkingi Negamiye”, “Imana iraduteturuye” n’izindi.

Uyu musore w’imyaka 24, ni umwana w’ikinege ndetse mu buhamya bwe avuga ko yakuze atazi Se kugeza na n’ubu. Ubuzima bukakaye yakuriyemo yitabwaho na Mama we gusa, none akaba amaze kuba umusore, byongeye akaba ari umuhanzi womora imitima ya benshi kubera inganzo yashibutse kuri nyina, bituma arushaho gukunda cyane umubyeyi we.

Urukundo akunda umubyeyi we wamubaye hafi kugeza uyu munsi, rwatumye amwitura amukorera ibirori bikomeye byabaye mu ijoro ryo kuwa Gatatu tariki 20 Ugushyingo 2024. Ni ibirori yakoze mu kwifatanya n’umubyeyi we kwizihiza isabukuru y’amavuko, icyakora yabikoze amutunguye cyane mu rwego rwo kumwereka ko amuzirikana cyane.

Umubyeyi wa Josh Ishimwe, yinjiye ahabereye ibirori yateguriwe mu buryo bw’ibanga, atungurwo no kuhabona abantu benshi azi kandi akisanga ari we mushyitsi w’imena. Yasanganiwe n’umusore we Josh, agiye kwicara ku ntebe isanzwe yari abonye hafi aho umusore we aramwangira, amwereka intebe idasanzwe yateguriwe imeze nk’iy’Abamikazi.

Josh Ishimwe yakoreye umubyeyi we ibirori bikomeye ku munsi w’amvuko

Josh Ishimwe yabwiye inyaRwanda ko ari ikinege. Ati Ndi ikinege, nta wundi mwana mama yabyaye, abandi ni abo yareze bo mu muryangp”. Yavuze ko impamvu yateguriye umubyeyi we ibi birori muri uyu mwaka “ni cyo gihe nabonaga cyiza kuri we”.

Yongeyeho ko asanga umubyeyi we ageze mu myaka myiza yo gutaramirwa. Ati “Ni umubyeyi mukuru udashaje ariko nyine ugejeje imyaka yo gutaramirwa n’umuhungu we. Kuri njye byari uyu mwaka ni bwo numva ari byiza kuri njye mbifiye n’ubushobozi bwo kubikora”.

Yavuze ko byari ibanga “Surprise” ntabwo umubyeyi we yari abizi kandi “yabyakiriye neza cyane yishimye rwose pe, ni amwe mu mateka atazibagirwa yamubayeho”. Yavuze ko yari yatumiye abantu bacye kubera ko “nabiteguye nifuza ko hazamo abantu bacye bo mu muryango n’abantu basengana bya hafi n’abantu duturanye”.

Josh Ishimwe wihebeye injyana Gakondo imaze kumuhuza n’abakomeye, yunzemo ko iyo atumira abantu benshi muri ibi birori by’umubyeyi we byari kurangira avumbuwe, bikabishya ibirori. Aragira ati “Iyo biba binini cyane [ibirori], sinari kubasha kubigeraho kuko yari kumvumbura igihe cyo ari cyo cyose”.

Yavuze ko yamuteguriye umutsima [cake] mu gushimangira urukundo amukunda na cyane ko wari wanditseho ko amukunda. Avuga ko kuba yamuteguriye intebe nk’iy’Abamikazi, yabikoze mu kumushimira no kumwereka ko amwubaha cyane. Ati “Intebe yo idasanzwe ni icyubahiro numvaga mugomba kuko yambereye Mama ndetse na Papa”.

Umubyeyi wa Josh Ishimwe akunze gushyigikira kenshi umuhungu mu bikorwa by’umuziki

Mu muziki, Josh Ishimwe yavuze ko ahishiye abakunzi be indirimbo nshya nyinshi by’umwihariko mu Ukuboza, 2024. Ni nyuma uyu mwaka wa 2024 nabwo atabicishije irungu kuko yashyize hanze indirimbo zitandukanye zirimo “Ngumirize Nigine Imana”, “Ni wowe Rutare rwanjye”, “Uri Imana yo gushimagizwa” na “Nzohaguruka ndirimbe”.

Josh Ishimwe avuga ko mu mwaka wa 2000 ari bwo yatangiye urugendo rwo gukorera Imana binyuze mu kuririmba muri korali y'abana mu rusengero. Ariko icyo gihe ntiyari aziko ari umwuga ushobora kuzamubeshaho mu buzima bwe bwose.

Uyu musore w'imyaka 24 y'amavuko yanyuze mu matsinda y'abaramyi ari na ko akuza impano ye yatangiye kugaragaza kuva mu myaka ibiri ishize. Yanyuze mu Urugero Music, kandi yakoranye bya hafi n'abaramyi barimo Yvan Ngenzi [Ngenzi y’Intore] na René Patrick bamufashije kwisanga mu muziki.

Mu 2017, Josh Ishimwe yabwiye TNT ko yabashije guhuza indirimbo zihimbaza Imana na gakondo “mbifashijwemo n'abahanzi nka Yvan Ngenzi”. Yavuze ariko ko byanaturutse ku kuba akunda indirimbo za gakondo.

Josh Ishimwe uzwi mu ndirimbo nka 'Amasezerano' n’izindi zitandukanye, avuga ko yibazaga ibijyanye n'aho azakura amafaranga yo kwishyura indirimbo ya mbere kugeza ubwo yabonye abamufasha atangira gukora umuziki. Avuga ko nk'abandi bahanzi bose yari afite ubwoba bw'uburyo abakunzi b'umuziki bazamwakira.

Josh Ishimwe wihebeye gakondo ari mu bahanzi bakunzwe cyane mu Rwanda

Josh Ishimwe umaze kwitabazwa n’abahanzi banyuranye mu bitaramo byabo, yahiriwe cyane n’umwaka wa 2023 kuko yabashije kuririmba inshuro ebyiri mu cyumweru kimwe imbere y'Umufasha w'Umukuru w'Igihugu Madamu Jeannette Kagame.

Kuwa Gatanu tariki 11 Kanama 2023, Josh Ishimwe yaririmbye mu isozwa ry'igiterane All Women Together (AWT2023) gitegurwa na Women Foundation Ministries yashinzwe ndetse iyoborwa na Apotre Mignonne Kabera uzwiho gushyigikira cyane abaramyi.

Ni igiterane cyabereye muri Kigali Convention Center, kitabirwa n'abagore barenga 5,000. Madamu Jeannette Kagame wari Umushyitsi Mukuru, yagaragaye yizihiwe cyane mu ndirimbo 'Reka Ndate Imana Data' yaririmbwe n'abaririmbyi bari barangajwe imbere na Josh Ishimwe.

Madamu Jeannete Kagame yabyinnye iyi ndirimbo ari kumwe na Apotre Mignonne Kabera na Sinach wo muri Nigeria ufatwa nka nimero ya mbere muri Afrika mu bahanzikazi bakora umuziki wo kuramya no guhimbaza Imana. Babyinnye iyi ndirimbo banayiririmba ijambo ku rindi.

Tariki 13 Kanama 2023, Josh Ishimwe yongeye kugirirwa umugisha wo kuririmba imbere ya Madamu Jeannette Kagame. Hari mu masengesho yo gusengera igihugu cy’u Rwanda, yabereye muri Kigali Serena Hotel, akaba ahuza urubyiruko ruri mu nzego z'ubuyobozi.

Aya masengesho azwi nka Young Leaders Prayer Breakfast, yitabiriwe n'abagera kuri 400 biganjemo urubyiruko. Insanganyamatsiko yayo yari 'Abayobozi bato no kurera muri iyi Minsi' bisobanuye “Young leaders and parenting today”, ikaba iboneka mu Imigani 127: 3-5.

Mu bitabiriye aya masengesho ategurwa n'Umuryango Rwanda Leaders Fellowship, harimo: Madamu Jeannette Kagame wari Umushyitsi Mukuru, Ange Kagame, Bertrand Ndengeyingoma, Minisitiri w'Ubutegetsi bw'Igihugu Musabyimana Jean Claude;

Minisitiri w'Urubyiruko, Dr. Utumatwishima Jean Nepo Abdallah, Aline Gahongayire, Lt Col Simon Kabera, Atome/Gasumuni, Producer Ishimwe Clement, Lucky Nzeyimana, Pamela Mudakikwa, Ingabire Egidie Bibio wa Televiziyo Rwanda, Mutesi Scovia, Sandrine Isheja, n'abandi.

Abahanzi baririmbye muri aya masegesho bari bayobowe na Josh Ishimwe — niwe wateraga indirimbo. Ubwo Madamu Jeannette Kagame yinjiraga, yasanze barimo kuririmba indirimbo 'Inkovu z'urukundo' ya Aime Uwimana ukunzwe mu ndirimbo “Muririmbire Uwiteka”.

Josh Ishimwe n’aba baririmbyi baririmbye indirimbo zitandukanye, iteraniro ryose ririzihirwa cyane. Mu zo baririmbye harimo “Inkingi Negamiye”, “Imana iraduteturuye”, “Reka Ndate Imana Data”, “Rumuri Rutazima”, zose zikaba zarasubiwemo na Josh Ishimwe mu mudiho wa Kinyarwanda.

Josh Ishimwe yavuze ko yanejejwe no kuririmba imbere y'abanyacyubahiro barimo Madamu Jeannette Kagame. Ati 'Byankoze ku mutima. Byari ibyishimo kuririmba imbere y'umubyeyi wacu First Lady ndetse na Apostle Mignonne na Sinach, ntibyari ibisanzwe pee'.

Mu 2023, Josh Ishimwe yakoze andi mateka aho yakoze igitaramo cye cya mbere yise 'Ibisingizo bya Nyiribiremwa' cyabaye tariki 20/08/2023 muri Kigali Conference and Exhibition Village ahazwi nka Camp Kigali. Cyaritabiriwe bikomeye ndetse cyomora imitima y’abantu ibihumbi bacyitabiriye. Muri iki gitaramo, Josh yahaye umubyeyi we impano y’ishimwe.

Josh Ishimwe yashimiye umubyeyi we mu gitaramo aheruka gukora

Josh Ishimwe mu gitaramo gikomeye yakoze mu mwaka wa 2023

Josh Ishimwe ari mu bahanzi bubashywe mu gihugu mu njyana Gakondo

Josh Ishimwe yamamaye cyane mu ndirimbo “Reka Ndate Imana”

Josh Ishimwe yifatanyije n’umubyeyi we kwizihiza isabukuru y’amavuko anamushimira mu ruhame