Author: webrwanda

Ni ibirori byabaye mu mugoroba wo kuri uyu wa Gatandatu tariki  23 Ugushingo 2024.

Hon. Tito Rutaremara usanzwe ari Umuyobozi w'Inama ngishwanama y'Inararibonye z'u Rwanda, yavutse mu mwaka wa 1944, avukira i Kiziguro muri Gatsibo mu Ntara y'Iburasirazuba.

Amashuri abanza imyaka itanu (5) yayigiye i Kiziguro, umwaka wa Gatandatu (6) awigira mu Ruhengeri i Nemba. Nyuma ahavuye yize mu Iseminari ku Rwesero imyaka ibiri (2) ndetse yiga umwaka umwe n'igice muri St Andre, ari bwo we n'umuryango we bahitaga bahunga bajya muri Uganda.

Ageze muri Uganda n'umuryango we, yaje gushaka ishuri ndetse araribona, yiga mu ishuri rikuru mu bijyanye no kwigisha ndetse ahakura Buruse yo kujya kwiga mu gihugu cy'u Bufaransa ahakura Licence, Maîtrise ndetse na Doctorat.

Hon. Tito Rutaremara yakoze imirino itsindukanye ,imwe muri yo harimo nko kuba umuyobozi w'akanama kashyizeho FPR-Inkotanyi mu 1987, ndetse yabaye mu ishyaka NRM riyoboye Uganda, ubwo ryafataga ubutegetsi Museveni akajya ku buyobozi.

Hon. Tito nk'umwe mu mpuguke n'inararibonye u Rwanda rufite, mu 2019 yagizwe Umuyobozi Mukuru w'Urwego rw'Igihugu Ngishwanama rw'Inararibonye, nyuma y'uko urwo rwego rutari rufite umuyobozi kuva Dr. Iyamuremye Augustin yagirwa Umusenateri akanatorerwa kuba Perezida wa Sena.

Mu yindi mirimo yakoze harimo kuba Umunyamabanga Mukuru wa FPR-Inkotanyi (1987-1989), Komiseri ushinzwe Ubukangurambaga (1989-1991), Umuhuzabikorwa wa Politiki n'igisirikare (1991-1993).

Yabaye n'umudepite (1995-2000), ayobora Komisiyo yo gushyiraho Itegeko Nshinga (2000-2003), aba Umuvunyi Mukuru (2003-2012), umwanya yavuyeho ajya kuba Senateri.

Perezida Kagame na Madamu Jeannette Kagame bifatanyije na Tito Rutaremara kwizihiza isabukuru y’imyaka 80

Tito Rutaremara arizihiza isabukuru y’imyaka 80 

Iki gitaramo “Friends of Amstel” cyabereye muri Kigali Conference and Exhibition ahazwi nka Camp Kigali mu ijoro ryo kuri uyu wa Gatandatu tariki 23 Ugushyingo 2024. 

Yaririmbiye mu mbuga yakira abantu bari hagati y’ibihumbi 10 n’ibihumbi 8, ariko yataramiye abatarenga 350.

Azwi mu bitaramo Mpuzamahanga byamuhuje n’abakomeye, ariko benshi bibajije impamvu atabonye abantu benshi muri iki gitaramo cye cya mbere.

Hari abasesenguzi muri Showbiz, bavuga ko Bnxn Buju yabuze abantu ahanini binaturutse mu kuba nawe atarigeze yamamaza iki gitaramo.

Yatangajwe ko azataramira i Kigali mu mezi abiri ashize, ariko byatunguye benshi kubona mu ijoro ryo ku wa Gatanu ari bwo yabwiye abamukurikira barenga Miliyoni 1.7 ko afite igitaramo i Kigali.

Abandi bajya kure bakavuga ko igitaramo cye cyabuze abantu binaturutse mu kuba nta mbaraga zashyizwe cyane mu kucyamamaza.

Nubwo bimeze gutya ariko Bnxn Buju yagaragaje ko ari umuhanzi ukomeye muri Afurika, kandi ko indirimbo yakoranye n’abandi zacengeye.

Ku rubyiniro yabanjirijwe n’abahanzi Nyarwanda barimo Kenny K-Shot, Bruce The 1 St n’abandi.

InyaRwanda igiye kugaruka ku bintu 10 byaranze igitaramo cye i Kigali;

1.Yaririmbye yifubitse

Uyu musore yageze ku rubyiniro ahagana saa 22:20′ ava ku rubyiniro saa 23:30′, bivuze ko yakoresheje iminota 50′. 

Mbere y’uko azamuka ku rubyiniro yabanje gusoma ku itabi rizwi nka ‘Cigar, maze asuzuma indangururamajwi ye.

Ageze ku rubyiniro yaririmbye ‘microphone’ idacanye, umwe mu ikipe ye azakumufasha arayicana.

Yari yambaye imyenda imugaragaza nk’umuntu ukonje- ubanza byatewe n’uko ikirere kitari kimeze neza.

Buri ndirimbo yaririmbye, yarenzaho kubwira Abanyarwanda ko abakunda, kandi yishimiye kubataramira. 

Ikindi ni uko mbere y’uko agera muri ‘Back Stage’ abahanzi bose mu Rwanda bakuwemo, bamusigira umwanya. Kandi yanahawe imodoka ebyiri ziherekeza iye. 

Ku rubyiniro, yanyuzagamo akabyina, akaganiriza abafana, akajya ku byuma bya Dj, akanywa ku mazi ya Vital’O n’ibindi. 

Urutonde rw’indirimbo yaririmbye rwiganjemo izo yakoranye n’abandi bahanzi nka ‘Gwagwalada’ yakoranye na Kizz Daniel na Seyi Vibez, ‘Romeo Must Die’ yakoranye na Ruger, ‘Fi Kan we Kan’ na Rema, ‘Feeling’ na Ladipoe n’izindi.

2.Symphony Band yatunguranye

Aba basore bacuranze cyane indirimbo yabo yakunzwe bise ‘Respect’ bakoranye na Alyn Sano.

Iri mu ndirimbo zatumbagije izina ry’iri  tsinda kugeza ubwo bamenyekanye kuva mu myaka itandatu ishize.

Ku rubyiniro banaririmbye indirimbo yaciye ibintu ya Shaggy wamamaye muri Jamaica no ku Isi hose.

3.Hari abakinaga ‘Biyari'

Ni umwe mu mikino igezweho muri iki gihe, aho usanga cyane bamwe mu bahanzi bawuharaye.

Uzwi nk’umukino w’abasirimu n’abandi boroheje!

Iki gitaramo gisobanurwa cyane nk’igihuza inshuti za Amstel, binatuma hategurwa ibikorwa birimo nko gukina ‘Biyari’.

Iyo wahageraga, wasanga abasore n’inkumi bari gukina uyu mukino.

Ariko kandi ku ruhande, hari abasore n’inkumi bashushanyaga bahanga ibihangano binyuranye kuri ‘Tabulo’. Byiganjemo ibigaragaza ibyiza nyaburanga mu Rwanda.

4.Dj Muun n’umushyushyarugamba Zuba bamaze iminota irenga 30 bataramira abantu

Zuba amaze igihe kinini yifashishwa cyane mu bitaramo nk’ibi bitumirwamo abahanzi Mpuzamahanga.

Ni mu gihe DJ Muun akunze gucuranga cyane mu tubyiniro twinshi tugezweho muri iyi Kigali.

Mu gihe cy’iminota irenga 35′ bombi bahuje imbaraga mu ndirimbo zakunzwe cyane muri Afurika mu bihe bitandukanye, cyane cyane izo muri Nigeria.

Bacuranze kandi indirimbo nka ‘Sikosa’ ya Kevin Kade, Element na The Ben, ‘Oule’ ya Cassava, ‘Hashtag’ ya Christopher, ‘Binkolera’ ya Sheebah na The Ben, ‘Inana’ ya Chriss Eazy n’izindi.

5.Umunyarwenya Babou niwe wakiriye Symphony

Deejay June niwe wa Mbere wafunguye iki gitaramo, akurikirwa n’umunyarwenya Babou.

Uyu munyarwenya Babou ni nawe wakiriye Symphony Band ku rubyiniro.

Agisoza umwanya we, yakiriye ku rubyiniro MC Zuba, nawe yakira DJ Muun bamarana iminota irenga 35′ bataramira abantu.

6.QD Mapamera yabimburiye abandi bahanzi kuririmba

Uyu musore w’i Musanze yinjiriye mu ndirimbo ye yise “Idage” aherutse gushyira hanze.

Yaririmbye mu buryo bwa ‘Play Back” afashijwe na DJ wari ku rubyiniro.

Uyu musore yari wenyine ku rubyiniro, kuko nta n’umubyinnyi yigeze yitwaza.

Mbere y’uko aririmba indirimbo ye yise ”Teta” yamamaye yavuze ati ‘ndakeka mwese iyi ndirimbo muyizi”.

Uyu musore yigeze kuvuga ko indirimbo ye ‘Teta’ yayikoze mu buryo bwamutunguye, byanatumye uwamukoreye amashusho ataramwishyuje.

 7.E.T Ndahigwa yari afite umubare munini w’abafana

Ni umwe mu basore bamaze imyaka ine mu muziki, ndetse benshi mu rubyiniro bazi ibihangano bye.

Yinjiriye mu ndirimbo ye yise ‘Ndahigwa’ yitiriye Izina rye, akomereza kuri ‘Coconut”- yavuze ko iyi ndirimbo ayikunda cyane.

Buri ndirimbo yose yaririmbaga, hari umubare munini w’abafana babaga bari imbere bamugaragariza ko bamushyigikiye.

8.Nillan ku rubyiniro, Mistaek aserukana umubyinnyi udasanzwe

Nillan yaserutse mu myambaro yihariye yinjirira mu ndirimbo ‘Magic’ yakoranye na Kivumbi King, akomereza kuri ‘Sober’.

Nyuma yo gusoza izi ndirimbo, yavuze ko yanyuzwe n’uburyo yakiriwe. Yavuyeho abisikana na Mistaek.

Bigaragara ko uyu musore yari amaze igihe kinini yitegura uru rubyiniro.

Kuko mbere ye, habanje umubyinnyi wari wambaye bidasanzwe, mu ishusho y’umupfumu.

Kuva mu myaka itatu ishize, uyu musore yigaruriye cyane umubare munini w’Urubyiruko.

Yanaririmbye indirimbo ‘Ndikwikora’ yakoranye na mugenzi we B-Threy,

Yasoreje ku ndirimbo ‘Ku cyaro’ yaririmbye amanuka ku rubyiniro, kuko abafana basigaye bayiririmba bonyine

9.Bruce the 1^st, uyu mwaka waramuhiriye

Uyu musore ugezweho muri iki gihe, yinjiriye mu ndirimbo ‘Way to win’, akomereza kuri ‘Up’ yakunzwe cyane yakozwe na Producer Muriro.

Yabwiye abafana be gufatanya nawe kwishima kuko ‘twaje hano kubyina, nta bukonje bukwiye kubaranga’.

Asoje kuvuga aya magambo, yakomereje ku ndirimbo yise ‘Ku mihanda’ yakoranye na Juno Kizigenza.

Mu kwitegura gusoza umwanya we, yaririmbye indirimbo ‘Demo’ yakoranye na Ariel Wayz, Sagamba, Sogier Kid na Kivumbi King.

Mbere y’uko ava ku rubyiniro, uyu musore yaririmbye indirimbo ‘Bwe Bwe Remix’ yahurijemo abaraperi b’ikiragano gishya n’abandi bamaze igihe kinini mu muziki.

10.Kenny K-Shot yabisikanye na Bruce the 1^st

Aba baraperi ni inshuti z’igihe kirekire, ku buryo hari indirimbo nyinshi bagiye bakorana.

Mbere y’uko Kenny K-Shot azamuka ku rubyiniro, Bruce yamwakiriye avuga ko bakoranye indirimbo bise ‘Umutima’.

Kenny yageze ku rubyiniro, aganiriza abafana be, ubundi aranzika mu ndirimbo yari yateguye. 

Uyu musore yaririmbye muri iki gitaramo, mu gihe aherutse gushyira ku isoko indirimbo zigize Album ye ya Kabiri yise ‘Intare II’. 

Yavuze ko arwaye ariko ‘natunguwe n’uburyo ndi kubarusha ‘vibe’. Ati “Turi Intare uko byagenda kose. “ 

Bnxn Buju wamamaye muri Nigeria yataramiye i Kigali ku nshuro ye ya mbere mu gihe cy’iminota 50′ asoza ashima uko yakiriwe 

Bnxn yitaye cyane ku ndirimbo yakoranye n’abandi bahanzi kurusha ize bwite

Bnxn yaririmbye anyuzamo akaganiriza abafana be, ndetse yavuze ko yishimiye gutaramira mu Rwanda

Mu mwanya muto Kenny K-Shot yari yahawe yagaragaje kuririmba cyane indirimbo ziri kuri Album ye ‘Intare”

Umuraperi Kenny K-Shot 

Umushyushyarugamba Zuba [Ubanza ibumoso] yanyuzagamo agataramira abantu mu ndirimbo zinyuranye

Umuraperi Mistaek wamamaye mu ndirimbo ‘Ku Cyaro’ yari yitwaje ababyinnyi ku rubyiniro

Umuraperi Bruce The 1St yigaragaje mu isura idasanzwe, ubwo yaririmbaga indirimbo z’abahanzi banyuranye

Umuraperi Nillan yari afite umubare munini w’urubyiruko rwari rumushyigikiye muri iki gitarami

Abasore babarizwa muri Symphony Band bishimiwe mu buryo bukomeye muri iki gitaramo 

NYUMA Y’IKI GITARAMO TWAGANIRIYE NA MISTAEK URI MU BAGEZWEHO MURI IKI GIHE

“>

Kuri uyu wa Gatandatu tariki 23 Ugushyingo 2024 muri Serena Hotel, habereye ibirori byo kumurika ibitabo bibiri byanditswe na Pastor Paddy Musoke ushumbye itorero Trinity Tabernache ku Isi. Ibyo bitabo ni”The Science & Art of Servant Leadership” na “Mon Travail, Mon Ministère”.

Igitabo”Mon Travail, Mon Ministère”, ni iyerekwa yagize mu myaka14 itambutse rikubiye mu gitabo “My Work, My Ministry” ari nacyo yashyize mu rurimi rw'Igifaransa cyitwa “Mon Travail, Mon Ministère”.

Iki gitabo gikubiyemo inyigisho ziganisha ku gukizwa, cyagarutsweho cyane na Rizikhi ukomoka muri Kenya, Pastor Igiraneza Christella na Gedeon Rudahunga washinze Rwanda Leaders Fellowship.

Rizikhi yavuze ko ababyeyi bakwiye kwigisha abana babo kwandika no gusoma ibitabo kuko ariyo soko yo kumenya amateka. Yatanze urugero ko igitabo gisobanura ibintu byinshi nka Bibiliya ku bantu batari bayisobanukirwa, usanga iyo bayisomye basobanukirwa bakanamenyeramo ubuhanga no gushaka kw'Imana.

Ikindi gitabo cyamuritswe, ni “The Science & Art of Servant Leadership” kigaruka ku kuba umuyobozi ukorera abandi nk'uko na Yesu yabaye urugero agakorera abantu kuruta uko abantu bamukoreraga.

Aloysius Kiiza yavuze ko impinduka Imana yifuza kuzana ku Isi zizanyura mu bayobozi b'icyitegererezo akaba ariyo mpamvu yashishikarije abantu bose kugura iki gitabo kugira ngo biyungure ubumenyi maze izo mpinduka Imana yifuza kuzana zizabanyuremo.

Ati 'Buri gihe Imana yifuza kuzana impinduka muri sosiyete kandi ibyo byose bibanzirizwa no kugira abayobozi b'icyitegererezo.

Ndabashishikariza kugura iki gitabo kugira ngo mujye kugisoma ntimukibike. Muzahere kuri chapter ya mbere mugere kuri chapter ya nyuma kuko buri chapter ubwayo nabonye ari igitabo ubwacyo.'

Pastor Juliene Kabanda wa Grace Room, yavuze ko amaze imyaka 26 aziranye na Pastor Paddy Musoke ari umugabo wo guhamya ubukristo bwe ndetse n'umwuka w'ubuyobozi afite.

Dr Joel Bazira nawe yashishikarije abantu kugura no gusoma iki gitabo avuga ko nubwo gihugura abayobozi kuyobora bakorera abaturage, abayoborwa bemera kugandukira abayobozi babo nabo bakwiye gushimwa cyane.

Pastor Paddy Musoke yashimiye umuryango we kuba waje kumushyigikira ndetse bakaba baragize n'uruhare rukomeye mu gutuma agera ku nzozi ze zo kwandika iki gitabo cy'uburyo bwo kuba abayobozi b'icyitegererezo Imana yifuza gukoresha.

Pastor Paddy Blessed Musoke waminuje mu bijyanye n’Ubwubatsi (Civil Engineering) ariko kuri ubu akaba ahugiye cyane mu kogeza Yesu mu buryo bwose bushoboka burimo no kwandika Ibitabo, avuga ko “kwandika “Ibitabo” ni umurimo w’Imana [Ministry] kuri njye, sinandika ibyo nkura mu mutwe, nandika ubutumwa Imana impa kwandika.”

Pastor Paddy Musoke umaze imyaka 30 mu murimo w’Imana, yavuze ko imiryango myinshi [ingo z’abashakanye] iri gusenyuka, bikaba biterwa n’ubwoko bw’imiyoborere bakoresha. Yizera ko uburyo bw’imiyoborere bugaragara muri Bibiliya, buramutse bukoreshejwe neza mu ngo, mu madini no muri Leta, byatanga impinduka nziza cyane muri sosiyete.

Pastor Paddy yamuritse ibitabo bibiri

Pastor Paddy yashimiye umuryango we waje kumushyigikira muri iki gikorwa cyo kumurika igitabo

Pastor Paddy yamuritse ibitabo bibiri yanditse aho buri kimwe kigura amafaranga 20,000 Frw

Pastor Julienne Kabanda yari yaje gushyigikira Pastor Paddy bamenyanye mu myaka 26 ishize

Umuramyi Chryso Ndasingwa niwe wafatanyije kuramya no guhimbaza Imana abitabiriye ibi birori byo kumurika ibitabo bya Pastor Paddy

Umwe mu batangije amasengesho ya Rwanda Leaders Fellowship, Gedeon Rudahunga bitabiriye ibi birori ndetse agira icyo avuga ku gitabo “Mon travail, mon ministère”

Amb.Charles Murigande yitabiriye ibi birori

Umuhanzikazi Kamikazi yitabiriye ibi birori byo kumurika ibitabo bya Pastor Paddy

Pastor Alain Numa niwe wayoboye ibi ibirori

Ab’inkwakuzi bamaze kugura ibi bitabo kugira ngo biyungure ubumenyi

Pastor Paddy yifatanyije n’abatumirwa be bakatana Cake yo kwishimira ibyo yagezeho mu bushakashatsi bukubiye mu bitabo bye

Kanda Aha urebe andi mafoto

Photos: Ngabo Serge-InyaRwanda.com

Ibyo byabereye mu Mudugudu wa Rukamba Akagari ka Mashyuza Umurenge wa Nyakabuye mu karere ka Rusizi ku wa 23 Ugushyingo 2024.

Mu gitondo nibwo abaturage bajyaga mu isoko bageze kuri iki cyuzi, babonamo umurambo bahita babimenyesha ubuyobozi.

Umunyamabanga Nshingwabikorwa w'Umurenge wa Nyakabuye, Kamali Kimonyo, yabwiye IGIHE ko bakimenya aya makuru ubuyobozi bw'inzego z'ibanze bwajyanyeyo n'Urwego rw'igihugu rw'ubugenzacyaha RIB, gutangira iperereza.

Ati “Ikigaragara ni uko yaguyemo nimugoroba kuko umubiri wari watangiye kwangirika Ariya mazi abamo gaz hari aho bagera gaze ikabarusha imbaraga”.

Ubuyobozi bumaze iminsi bubuza abaturage kwirinda kogera muri aya amazi. Ni mu gihe abaturage bakundira aya mazi ko abavura amavunane, imitsi n'izindi ndwara zirimo n'izo mu nda.

Kamali Kimonyo yavuze ko icyo bamaze kumenya ku myirondoro ya nyakwigendera ari uko akomoka mu Mudugudu wa Kiboza, Akagari ka Kingwa mu murenge wa Gitambi.

Mu mezi abiri ashize nabwo hari umugabo wasanzwe muri iki kidendezi yapfuye. Bombi bikekwa ko bishwe na gaz yo ku mashyuza.

Umurambo wa nyakwigendera wajyanywe mu Bitaro bya Mibilizi gukorerwa isuzuma mbere y'uko ushyingurwa.

Byagarutsweho mu Nama y'Igihugu yo kurwanya indwara ziterwa n'udukoko zigira ubudahangarwa ku miti, mu cyumweru cyahariwe kwibutsa abantu ingaruka zabyo.

Prof. Muvunyi yavuze ko u Rwanda ndetse n'Isi byugarijwe n'icyo kibazo, aho gishobora kuzatuma abarenga miliyoni 35 bahasiga ubuzima bitarenze mu 2050.

Yagize ati 'U Rwanda ndetse n'Isi yose muri rusange bihangayikishijwe n'ikibazo cy'indwara zigira ubudahangarwa ku miti, ibi bigira ingaruka mu kumunga ubukungu bw'igihugu, ariko turi mu rugamba rwo guhangana nabyo kuko hatagize igikorwa, ubuzima bw'abantu benshi bwazabigenderamo.'

Dr. Mukagatare Isabelle, uhagarariye ishami rya Serivisi z'Ubuzima muri RBC, yavuze ko abantu bose bakwiriye kwigishwa kugira ngo u Rwanda rurusheho guhangana n'udukoko duhangana n'imiti ishinzwe kutuvura.

Yagize ati 'Ubu buri muntu wese akwiriye kwigishwa yaba abaganga, abakora muri farumasi ndetse n'abaturage. Umuganga akamenya ibyo avura ariko akoresheje imiti ikwiriye kuko ibyo bizadufasha kurushaho guhangana n'ikibazo gihari.'

Yakomeje avuga ko udukoko duhangara umuti twabaye twinshi, aho ubu imiti isuzugurwa natwo igera kuri itandatu.

Ati 'Iyo udukoko utumenyereje imiti tugeraho tukayisuzugura tukagira ubudahangarwa kuri wo. Ubu twariyongereye cyane. Mbere washoboraga gusanga imiti idakora ari ibiri gusa ariko ubu usanga mu 10 igeragejwe, itandatu iba idakora kuri izo ndwara.'

Ubudahangarwa bw'udukoko ku miti buri no mu matungo nk'uko byagarutsweho na Dr. Rukundo Jean Claude ukora ubushakashatsi mu bijyanye n'amatungo muri RAB.

Ati 'Mu kuvura amatungo dukoresha imiti isa nk'iy'abantu, icyo dutandukaniraho ni ku ngano y'umuti utangwa. Mu matungo n'aho ikibazo kirahari kandi giteye inkeke ku Isi hose.”

Yakomeje avuga ko ibi akenshi biterwa no gukoresha imiti nabi.

Ati 'Iyo ufashe umuti wagenewe guhabwa itungo runaka ukawukoresha mu bundi buryo budakwiye, bituma ya ndwara ibona umwanya wo kurwanya uwo muti.'

Inzego z'ubuzima ku Isi zigaragaza ko mu 2030 amafaranga akoreshwa mu ku rwanya indwara ziterwa n'udukoko tugira ubudahangarwa ku miti, aziyongera akagera kuri miliyoni 400$ ku mwaka.

Umuyobozi wa RBC, Prof. Muvunyi Mambo Claude yavuze ko hatagize igikorwa mu guhangana n’indwara z’iterwa n’udukoko tugira ubudahangarwa ku miti ubuzima bwa benshi bazabigenderamo

Abo mu nzego z’ubuzima zitandukanye bari bitabiriye inama

Umuyobozi wa RBC ubwo yagezaga ijambo ku bitabiriye inama

Habaye ibiganiro bitandukanye bigaruka kubyakorwa ngo Isi ihangane n’ikibazo cy’indwara ziterwa n’udukoko tugira ubudahangarwa ku miti

Hatanzwe ibitekerezo bitandukanye ndetse habazwa n’ibibazo bitandukanye

Tito ni umugabo wagize uruhare runini mu mateka y'u Rwanda, aho ari umwe mu bamaze igihe kirekire muri politiki yarwo. Azwi cyane kubera uruhare rwe mu rugamba rwo kubohora igihugu ndetse n'umusanzu ukomeye yagize nyuma ya Jenoside yakorewe Abatutsi mu 1994.

Rutaremara kandi ni umwe bagize uruhare rukomeye mu buyobozi bwa RPF-Inkotanyi, ndetse ni umwe mu banyamuryango b'imena batangiranye nayo mu 1987.

Tito Rutaremara n'abandi banyamuryango, bakoraga ibikorwa byo guhuza Abanyarwanda bari mu mahanga kugira ngo bige uburyo bwo guharanira uburenganzira bwabo, dore ko bari barambiwe kubaho mu buzima bw'ubuhunzi n'akarengane.

Muri urwo rugendo, Tito Rutaremara yagize uruhare mu gusakaza ibitekerezo bya demokarasi, ubumwe, n'ubwiyunge byari inkingi za RPF-Inkotanyi.

Mu 1990, ubwo RPF-Inkotanyi yatangiraga urugamba rwa gisirikare rwo kubohora u Rwanda, Tito Rutaremara yari mu buyobozi bukuru bw'iri shyaka.

Nubwo atari umusirikare ku rugamba, yagize uruhare rukomeye mu gutanga ibitekerezo no gushyiraho gahunda zifasha mu rugendo rwa politiki rwajyanaga n'urugamba rwa gisirikare.

Yari umwe mu bakanguriraga Abanyarwanda kumva akamaro k'urugamba rwo guharanira uburenganzira bwa buri Munyarwanda, nta vangura cyangwa akarengane.

Nyuma yo guhagarika Jenoside yakorewe Abatutsi mu 1994, Tito Rutaremara yari umwe mu bantu bagize uruhare mu gushyiraho politiki z'ubwiyunge, aho yakanguriraga Abanyarwanda kwiyunga, gusenyera umugozi umwe, no kubaka u Rwanda rushya rushingiye ku bumwe n'ubutabera.

Mu mirimo y'ubuyobozi yakoze, harimo kuba umwe mu bari bagize Inteko y'Inzibacyuho hagati ya 1994 na 2000, umwanya yavuyemo ajya kuyobora Komisiyo yari ishinzwe Itegeko Nshinga n'andi mategeko kuva mu 2000 kugera mu 2003.

Yabaye kandi Umuvunyi Mukuru wa mbere mu mateka y'u Rwanda, umwanya yariho hagati ya 2003 na 2011. Muri izo nshingano, yagize uruhare rufatika mu gukangurira abaturage n'inzego z'ubuyobozi kurwanya ruswa no kwimakaza imiyoborere myiza.

Mu 2011, Rutaremara yabaye Umusenateri mbere yo guhabwa inshingano zo kuyobora Urwego rw'Inama Ngwishwanama mu 2019.

Rutaremara kandi azwiho kuba umunyabwenge w'imitekerereze n'inyigisho zijyanye n'ubumwe n'ubwiyunge, akaba n'umwe mu bakunze kuvuga ku mateka n'imigambi RPF-Inkotanyi yagenderagaho mu rugamba rwo kubohora u Rwanda.

Tito Rutaremara asobanura amavu n'amavuko ya FPR-Inkotanyi

Tito Rutaremera avuga ku buzima bwe akiri muto

Tito Rutaremara asobanura uko yinjiye ku rugamba

Bimwe mu bitangaje ku buzima bwa Tito Rutaremara

Perezida Kagame na Tito Rutaremara mu birori byo kwizihiza isabukuru y’imyaka 80 amaze avutse

Perezida Kagame yifatanyije na Tito Rutaremara mu kwizihiza isabukuru y’imyaka 80

Perezida Kagame na Madamu Jeannette Kagame bifatanyije na Tito Rutaremera n’umuryango we mu kwizihiza isabukuru y’imyaka 80 amaze avutse

Tito Rutaremara n’abo mu muryango we bakase umutsima mu rwego rwo kwizihiza isabukuru y’imyaka 80 amaze avutse

Kuri uyu wa Gatandatu ni bwo hakinwe imikino yo ku munsi wa 12 ya shampiyona y’icyiciro cya mbere mu gihugu cy’u Bwongereza. Umukino wari utegerejwe na benshi ni uwo ikipe ya Manchester City yakiriyemo Tottenham Hotspur kuri Etihad Stadium saa Moya n’iminota 30.

Uyu mukino watangiye ikipe ya Manchester City ihererekanya neza mu buryo bwihuta ndetse ku munota wa 5 yashoboraga kubona igitego ku mupira mwiza Josko Gvardiol yahaye Erling Haaland ariko aratinda arekuye ishoti birangira umupira ushyizwe muri koroneri itagize icyo ibyara.

Abakinnyi ba Manchester City barimo Savinho bakomeje kubona uburyo ariko kububyaza umusaruro bikaba ikibazo.

Ku munota wa 13 ikipe ya Tottenham Hotspur itari yakinnye ibintu byinshi yaje gufungura amazamu ku gitego cyatsinzwe na James Maddison ku mupira yahawe na Dejan Kulusevski.

Iyi kipe isanzwe ishobora Manchester City, yaje kubona igitego cya 2 ku munota wa 20 gitsinzwe na James Maddison ku mupira yahawe na Heung Min Son.

Nyuma yo gutsindwa igitego cya 2, ikipe ya Manchester City yongeye kugerageza guhererekanya ariko ikabura aho yamenera ngo yinjire mu rubuga rw’amahina.

Abakinnyi ba Manchester City bagiye bagerageza guha imipira Erling Haaland ariko ntagire icyo ayibyaza dore ko ba myugariro ba Tottenham Hotspur bari bamugoye.

Igice cya mbere cyarangiye Tottenham Hotspur ikiyoboye n’ibitego 2-0. Mu gice cya kabiri Pep Guardiola yaje akora impinduka mu kibuga havamo John Stones hajyamo Nathan Ake. 

Nubwo Manchester City yaje ikora impinduka mu kibuga ariko ku munota wa 52 yahise itsindwa igitego cya 3 gitsinzwe Pedro Poro ku mupira yahawe na Dominic Solanke.

Manchester City yakomeje kwigirizwaho nkana na Tottenham Hotspur maze ku munota wa 90+3′ Brendan Johnson atsinda igitego cya Kane ahawe umupira na Timo Werner.

Umukino warangiye Tottenham Hotspur itsinze ibitego 4-0. Ni umukino wa gatanu ikipe ya Manchester City itozwa na Pep Guardiola itsinzwe yikurikiranya.

Indi mikino yakinwe ikipe ya Arsenal yari yakiriye Nottingham Forest yayitsinze ibitego 3-0. Ni ibitego byatsinzwe na Bukayo Saka ku munota wa 15 ahawe umupira na Martin Odegaard, Thomas Partey ku munota wa 52 ahawe umupira na Bukayo Saka ndetse na Ethan Nwaneri ku munota wa 86 ahawe umupira na Rahim Sterling.

Chelsea yari yagiye gusura Leicester City inayitsindirayo ibitego 2-1. Ni ibitego byatsinzwe na Nicholas Jackson ku munota wa 15 ahawe umupira na Enzo Ferndandez ndetse na Enzo Ferndandez ku munota wa 75 mu gihe 1 cya Leicester City cyo cyatsinzwe na Jordan Ayew ku munota wa 90+5 kuri penariti.

Kugeza ubu Liverpool iracyakomeje kuyobora urutonde rw’agateganyo rwa shampiyona y’u Bwongereza n’amanota 28, Manchester City iri ku mwanya wa 2 n’amanota 23, Chelsea ikaba ku mwanya wa 3 n’amanota 22 inganya na Arsenal iri ku mwanya wa 4.

Manchester City yanyagiwe na Tottenham Hotspur ibitego 4-0

Ku wa 04 Mutarama 2024 ni bwo Tonzi yamuritse Album ya Cyenda yise “Respect” igizwe n’indirimbo 15. Album zose z’uyu muhananzikazi uko ari icyenda (9) ni: Humura, Wambereye Imana, Wastahili, Izina, I am a Victor, Amatsiko, Akira, Amakuru na Respect.

Muri iyi minsi Tonzi ari gusohora indirimbo zitandukanye mu buryo bwa ‘Acoustic version’ kuko afite indirimbo nyinshi ziri kuri Album 9, kandi hari zimwe zasibwe kera kuri YouTube. Kuri ubu iza kera ari kuzigarura muri ubwo buryo nka “Izina” abantu bakunze n’izindi.

Izo ndirimbo zo mu bihe bya kera, Tonzi yaje kuzisubiza kuri Youtube ariko kubera ko hariho indirimbo nyinshi cyane nshya, bimusaba kongera kuzibutsa abakunzi be. Ni muri ubwo buryo ari kuzongeramo ibirungo akazibutsa abakunzi b’umuziki we.

Avuga ko gusohora indirimbo mu buryo bwa ‘Official video’ birahenda kandi bisaba n’umwanya. Ati “Hagati aho ni bwo buryo nzajya njyenda ngarura zimwe mu ndirimbo zanjye ziri kuri izo Albums mu buryo nk’ubwo ndi gukora, ariko nkajya nyuzamo n’izindi cyane ko vuba ndi hafi gushyira hanze indirimbo nshya izasohokana n’amashusho yayo.”

Yahaye isezerano abakunzi be ati “Buri cyumweru nta gihindutse kugera umwaka tuwusoje nzajya nshyira hanze indirimbo yaba ari ‘Acoustic version’ cyangwa igaragaza amashusho “Visualiser”. Abakunzi banjye rero ibyiza biracyaza, ubushize nabwo nasohoye indi yo mu rurimi rw’igiswahili “Ni kwa neema tuu”.

Yikije ku ndirimbo yashyize hanze mu mpera z’iki Cyumweru ati “Iyi rero nashyize hanze nayo yitwa “Si kubwanjye” kandi koko si ku bwanjye kuba ndiho ahubwo ni ubuntu bw’Imana, maze igihe nyikoze ari audio imaze imyaka irenga 6 nyikoze hamwe na Producer Aron Nitunga.

Tonzi wamamaye mu ndirimbo “Ushimwe”, “Humura”, “Respect” n’izindi, yakomeje agira ati: “Ndi kugenda nzigarura muri ubwo buryo cyane cyane abanyarwanda ba hano benshi ntibakurikira muri ‘Digital platforms’ kenshi ni ababa mu mahanga.

Ni uburyo rero bwo kugenda nzikora muri ubwo buryo kugira ngo n’abatarazumvise cyangwa bataguze Album bazumve kuri YouTube kuko ni urubuga benshi bakoresha, ubundi inkuru nziza ikomeze yamamare. Kandi ndi kubategurira ibyiza byinshi mube hafi kuri Tonzi Official nta rungu.”

Tonzi ashyize hanze iyi ndirimbo mu gihe ari i Nairobi muri Kenya mu biruhuko hamwe n’umuryango we. Yavuze ko mu minsi bamaze muri Kenya, agace kihariye abana bashakaga cyane ni ugutembera muri ‘Nairobi National Park’ ndetse n’ibikinisho by’abana bidasanzwe. Yavuze ko abana be bishimiye cyane ubwo basuraga “2 Rivers Mall”.

Uyu muhanzikazi uri mu barambye mu muziki wo kuramya no guhimbaza Imana, yashimiye itsinda rigari riri hafi ye kugira ngo bigende neza avugamo Producer Camarade, Bahati, Joshua n’abandi benshi baba babiri inyuma.

Yongeyeho ati: “Nshimira na Women Tv bampaye aho gukorera iyi video aho bita kwa ‘Nta foto nta cyabaye aka Mimi’. Abanyamakuru bose n’abakunzi banjye mumba hafi mukamfasha kwamamaza ubutumwa bwiza cyane cyane inyaRwanda.com buri gihe muba hafi y’abahanzi.”

Tonz yateguje indirimbo nshya buri Cyumweru

REBA INDIRIMBO “SI KUBWA NJYE” YA TONZI

Mu 2014 ni bwo Ikigega RNIT Iterambere Fund yatangijwe na Guverinoma y'u Rwanda, gitangira gukora neza mu 2017.

Hari hagamijwe kwigisha Abanyarwanda ibyiza byo kwizigama n'uburyo bwo kugenzura ishoramari ryabo mu gihe runaka ariko banahabwa n'inyungu yiyongera, ku buryo n'ufite 2000 Frw ashobora kujya kwizigamira kandi akabona inyungu.

Uwazigamye muri RNIT aba afite uburenganzira bwo kubitsa igihe ashakiye no kubikuza igihe ashakiye kandi akabona inyungu, aho ubu imaze kugera kuri 11.5%.

Mu kiganiro yagiranye na The Long Form na Sanny Ntayombya, Umuyobozi Mukuru wa RNIT, Jonathan Gatera ati 'Ni inyungu uwizigama ahabwa nta kintu yatswe haba n'umusoro ku byinjijwe. Niba washoye miliyoni 1 Frw mu gihe uyashaka uyasubizanywa n'inyungu nta musoro. Byatumye abizigama biyongera kuko ubu tumaze kugira abarenga ibihumbi 40 bamaze gufunguza konti iwacu.'

Uyu muyobozi yagaragaje uburyo muri RNIT, ishoramari rikorwa n'abantu babizobereye bazi gushora ahatateza ibyago, ubundi amafaranga y'uwashoye akunguka uko iminsi isimburana.

Ibyo bijyana n'uko leta yashyizeho inzego zayo zitandukanye zigenzura imikorere y'iki kigega umunsi ku wundi, bityo gukorera mu gihombo bikaba bidashoboka

Gatera ati 'Tugira n'itsinda ry'abantu barindwi bashoye imari muri RNIT bahora bagenzura aho imari yabo na bagenzi babo igeze. Natwe tubaha amakuru ya buri kwezi y'uko imirimo ikorwa. Ikindi turi ikigo cya leta tugenzurwa n'Umugenzuzi Mukuru w'Imari ya Leta uhora areba niba ibyo dukora binyuze mu mucyo.'

Umuyobozi Mukuru wa RNIT, Jonathan Gatera yagaragaje ko abarenga ibihumbi 40 bamaze gufunguza konti muri icyo kigega

Umuntu wese wizigamiye aba afite ubushobozi bwo gukurikirana konti ye, uko ishoramari ryunguka aho agize ikibazo akabaza kandi agasubizwa bidatinze.

RNIT ishora imari mu buryo bugenwa na Banki Nkuru y'Igihugu, ha handi hataba hari ibyago byashyira mu kaga imari y'abanyamuryango, nko mu mpapuro mpeshwamwenda n'ubundi buryo bwizewe bw'igihe kirekire.

Uko kuzamura imari y'ikigega, ni na ko gutuma Gatera avuga ko byitezwe ko n'inyungu izakomeza kwiyongera aho nk'uyu mwaka ishobora kugeza kuri 12% ndetse umwaka utaha ikazagera kuri 13% kuko imari ihora izamuka umunsi ku wundi.

Uwo mushya aba asabwa indangamuntu ku Munyarwanda cyangwa pasiporo ku banyamahanga, icyakora abanyamahanga bagasabwa gushora mu Mafaranga y'u Rwanda gusa.

Ni ibintu bikomeje kungura Abanyarwanda, Gatera akagaragaza ko bitanasaba abakire gusa. Yatanze urugero rw'umumotari utuye Kimisagara mu Karere ka Nyarugenge, utanga 2000 Frw buri munsi, akunguka ibihumbi 800 Frw ku mwaka.

Ati 'Kuko atayibikura, iyo nyungu na yo ibyara indi. Mu myaka itatu amaze kugura moto eshatu. Ni ibintu byabayeho.'

Mu kumvikanisha uburyo RNIT ari amahirwe ku bantu b'ingeri zose, yatanze urundi rugero ku muntu ufite amikoro agereranyije ushobora kwiyemeza kujya atanga ibihumbi 100 Frw bya buri kwezi.

Gatera yerekana ko mu myaka 20, uwo muturage yazaba afite miliyoni 87 Frw, bijyanye n'inyungu igenda yiyongera.

Ati 'Ni amafaranga wagura inzu za Nyarutarama cyangwa Kibagabaga nta nguzanyo ya banki.'

Uyu muyobozi yagaragaje ko nubwo izo serivisi ziri ahantu hatandukanye, ariko abantu bagomba kubanza bagashishoza bakareba ibitabashyira mu kaga cyangwa ngo bibahoze ku nkeke.

Umuyobozi Mukuru wa RNIT, Jonathan Gatera yari kugaragariza abanyamuryango uko bakoze mu 2022

Atanga urugero ku kugura umugabane mu kigo runaka, ha handi umuntu aba asabwa kugira ibihumbi 100 Frw ngo agure umugabane umwe, amafaranga amara igihe kirekire washaka kuyasubizwa na byo bigasaba ko hazamo abandi bakugurishiriza.

Ati 'Ariko kuri twe usabwa 2000 Frw nk'amafaranga ya nyuma, ukurirwaho umusoro, igihe ushaka amafaranga yawe uhita uyahabwana n'inyungu n'ibindi. RNIT ni ikigega kidaheza umukire n'uw'amikoro yoroheje, barashora bakunguka.'

Gatera yatanze urugero rundi rw'umukiliya bakorana. Uwo musaza yari afite inzu mu Karere ka Kicukiro bamuha ibihumbi 300 Frw by'ubukode bya buri kwezi, ariko bikajyana no kuyivugurura buri mwaka n'ibindi bitwara amafaranga bigenda kuri iyo nzu.

Ubwo hubakwaga umuhanda wa Kicukiro-Nyamata, icyo gikorwaremezo cyagonze inzu ye bamuha ingurane y'amafaranga ashyushye y'inzu n'ubutaka.

Umusaza yabonye amakuru muri RNIT, afata igice cya ya mafaranga yahawe, agishora muri icyo kigega.

Gatera ati 'Yaduhaye miliyoni 100 Frw, inyungu yabonaga ku mwaka yari ikubye inshuro eshatu amafaranga yabonaga kuri ya nzu mu mwaka. Yungukaga miliyoni 11 Frw ku mwaka. Yari yahawe miliyoni 300 Frw n'andi yose arayazana. Ukoze imibare usanga abona miliyoni 35 Frw buri mwaka. Ni amafaranga abona adahangayitse.'

Gatera yibukije ko indi nyungu iri mu gushora muri RNIT, ni uko ibyo washoye biba ingwate mu bashaka inguzanyo mu bindi bigo by'imari bashaka kwihangira imirimo runaka, agasaba abakiri bato kubyaza umusaruro ayo mahirwe, mu kubaka ejo hazaza heza habo bigishoboka.

Muri Werurwe 2024, ubuyobozi bwa RNIT Iterambere Fund bwatangaje ko ubwizigame bw'abanyamigabane bacyo bwageze kuri miliyari 41 Frw mu 2023, buvuye kuri miliyari 28 Frw mu 2022.

Abari mu zabukuru babonye Ikigega RNIT nk’uburyo bwiza bwo gushora imari yunguka badahangayitse

Abanyamigabane ba RNIT bari mu nteko rusange yabaye muri Werurwe 2023

Ku mugoroba wo kuri uyu wa 23 Ugushyingo 2024 ni bwo Inama Njyanama y'Akarere ka Rusizi yateranye isuzuma ndetse inemeza ubwegure bwabo.

Umuyobozi w'Inama Njyanama y'Akarere ka Rusizi, Dr Uwizeye Odette, mu kiganiro na IGIHE yemeje aya makuru avuga ko nk'inama njyanama ntacyo banenga mu mikorere y'aba bayobozi beguye.

Ati “Ntacyo twabanengaga n'amabaruwa yabo arabisobanura beguye ku mpamvu zabo bwite.”

Habimana Alfred wari Umuyobozi w'Akarere ka Rusizi ushinzwe iterambere ry'ubukungu yagizwe Umuyobozi w'Akarere ka Rusizi w'agateganyo, naho Uwimana Monique wari Umunyamanga w'Inama Njyanama y'Akarere agirwa Umuyobozi wungirijwe w'Akarere ka Rusizi w'agateganyo.

Ibi bibaye nyuma y'icyumweru kimwe Mukase Valentine wari Umuyobozi w'Akarere ka Karongi na Niragire Theophile wari Umuyobozi wungirije w'Akarere ushinzwe ubukungu n'iterambere ndetse na Dusingize Donatha wari Perezida w'Inama Njyama beguye.

Dr. Kibiriga wayoboraga Akarere ka Rusizi yeguye

Meya na Visi Meya ba Rusizi beguriye rimwe