Author: webrwanda

Umuyobozi wa Syria magingo aya, Ahmed al-Sharaa, yavuze ko bateganya gukora amatora mu myaka ine iri imbere, mu gihe Itegeko Nshinga ryari risanzwe rigiye gukurwaho, ibikorwa byo kwiga Itegeko Nshinga rishya bikazatwara nibura imyaka itatu.

Uyu mugabo kandi yavuze ko umutwe wa HTS uherutse gufata ubutegetsi uzavangwa n'izindi nzego za Leta ntiwemererwe kugira ishyaka ryawo, icyakora benshi bakavuga ko indi mitwe ya politiki ishobora kutazawemera.

Ahmed al-Sharaa yavuze ko hategerejwe inama izahuza amashyaka yose ari mu gihugu, amoko yose ndetse n'amadini atandukanye, kugira ngo yigire hamwe uburyo bwo kuzayobora igihugu.

Hagati aho, umuyobozi w'ihuriro ry'amashyaka ataravugaga rumwe n'ubutegetsi bwa Bashir al-Assad, Hadi al-Bahra, yavuze ko imyaka ine ari myinshi, avuga ko igihe gikwiriye cyari amezi 18, arimo amezi atandatu yo gutegura Itegeko Nshinga rishya.

Umuyobozi wa Syria, Ahmed al-Sharaa, yavuze ko amatora azabaho mu myaka ine iri imbere

Iki gikorwa cyabaye ku wa 28 Ukuboza 2024 cyanagendanye no kwizihiza iminsi mikuru ya Noheli n'Ubunani. Iyi miryango yahawe ifu y'igikoma ndetse n'ibikoresho byo mu rugo.

Mukangenzi Claudine wo mu Mudugudu wa Magonde, Akagari ka Rukira, Umurenge wa Huye, wavuze mu izina ry'abahawe inyunganiramirire y'igikoma cyuje intungamuri ku bana n'umuryango muri rusange, yavuze ko we na bagenzi be bahora bifuza ko abana babo bagira ubuzima bwiza, bityo ko kubona inkunga nk'iyi biba ari byiza.

Ati'' Iki gikoma ni inyunganizi izafasha umwana wanjye gukura neza, mbese iyi ni Noheli kuko banatubwiye ko iyi fu ikubiyemo byose, urumva ko kuyiha umwana rwose ari ukumuha ubuzima.''

Mukantabana Cecile wo mu Mudugu w'Amajyambere, Akagari ka Gahana, Umurenge wa Kinazi, wahawe ibikoresho byo mu nzu birimo ibiryamirwa, intebe n'amafunguro, nawe yavuze ko ashimira Imana na Rotary bamugiriye neza.

Ati “Noheli murayisohoje, ntunguwe n'ibi byiza munkoreye rwose, Imana ijye ikomeza kubasakazaho imigisha.”

Umuyobozi wa Rotary mu Club-Kigali Virunga, Masterjerb Birungi Paul, yavuze ko iki gikorwa n'ibindi bajya bakora, bigamije kugira uruhare mu kunezeza abaturanyi b'aho batuye.

Ati “Ubusanzwe twe duhora twibaza tuti mu gace dutuyemo, mu badukikije, ni iki twakora kibazamura mu mibereho myiza? Ni byo by'ibi twakoze hano i Huye rero kandi dukora n'ahandi.''

Yakomeje avuga ko abanyamuryango bose ba Rotary Club ku Isi bahora bibutswa ko buri wese ari ho kubera abandi, ari nayo mpamvu nta n'umwe uba akwiriye gusigara inyuma, bityo ko ufite icyo arusha abandi cyose yakibasangiza.

Umuyobozi w'Akarere ka Huye wungirije ushinzwe imibereho myiza y'abaturage, Kankesha Annonciatha, yashimye urukundo abagize Rotary Club-Kigali Virunga beretse abaturage b'i Huye, avuga ko ibyo bakoze bigaragaza ubumuntu.

Ati “Ahari urukundo n'Imana iba ihari. Kuba bifuje ko dusangira Noheli n'Ubunani ni ubumuntu. Iki gikorwa kiratanga ubuzima kuri iyi miryango yose, kuko nk'umubyeyi ufite umwana ufite ubumuga, iyo abonye inyunganizi bituma ubuzima burushaho kuba bwiza, akanabona umwanya wo gukora indi mirimo izamura umuryango.”

Umuryango wa Rotary Club ushimwa byinshi muri Huye birimo ibikorwa by'isuku n'isukura aho mu bihe bitambutse batanze matela zisaga 1500 muri gahunda yo guca nyakatsi yo ku buriri, bubakira abaturage inzu zo kubamo, bafasha mu buvuzi, uburezi n'ibindi.

Rotary Club-Kigali Virunga igizwe n'abanyamuryango 103, batanze inkunga yagera kuri miliyoni 7.5 Frw, byagezweho mu bufatanye n'uruganda rutunganya ibiribwa rwitwa African Improved Food.

Visi Meya ushinzwe imbereho myiza mu Karere ka Huye, Kankesha Annonciatha ashyikiriza ifu y’igikoma umubyeyi w’umugabo ufite umwana ufite ubumuga.

Imiryango ifite abana bafite ubumuga 300 yahawe inyunganizi y’igikoma ngo bazamure imirire myiza yabo

Abagize Rotary bishimira gukora ibikorwa bihindura ubuzima bw’abandi

Ifu y’igikoma izwi nka Nootri Family ni yo yahawe imiryango isaga 300 mu mirenge ya Huye na Kinazi mu Karere ka Huye.

Muri iki gikorwa banageneye umuryango wo mu Murenge wa Kinazi ibiribwa n’ikoresho byo mu rugo birimo matela 4, imisego y’intebe n’ibindi byaje bisanga inzu bari baramugeneye

Umwe mu babyeyi ubwo yatahanaga ikarito ye y’inkunga y’igikoma

N’abana bakiri bato batangira gutozwa ibikorwa byiza bya Rotary Club

Uyu mugabo agaragara avuga ko yaje kurwana muri Repubulika Iharanira Demokarasi ya Congo yoherejwe n'u Rwanda ngo arwane ku ruhande rwa M23, ariko akaza gufatirwa mu Majyepfo ya Lubero ubwo yari yagize igikomere, bagenzi be bakamusiga.

Ambasaderi Nduhungirehe yavuze ko uyu mugabo, uvuga ko yitwa Hakizimana Iradukunda Jean de Dieu, akiyitirira kuba umusirikare wa RDF, yatanze ibisobanuro by'ibinyoma bityo adakwiriye kwizerwa, cyane ko atari umusirikare wa RDF.

Mu butumwa yanyujije kuri X, yagize ati “Igisirikare cya Congo cyerekanye uwiyita umusirikare w'Ingabo z'u Rwanda (RDF), [ariko] utazi 'unit' ye cyangwa komanda we, udashobora kugaragaza nimero imuranga mu Ngabo z'u Rwanda.”

Ambasaderi Nduhungirehe yavuze ko bitumvikana uburyo uyu musirikare yitiranya inkomoko ye, dore ko avuga ko aturuka mu Burengerazuba bw'u Rwanda, mu 'Localité' ya Ngororero, muri 'Groupement' ya Murenge muri teritwari ya Kazabi.

Ati “Ikibazo hano ni uko ibyo bice by'imiyoborere biba muri RDC ariko bitaba mu Rwanda. Buri Munyarwanda azi neza ko igihugu cyacu kigabanyije mu ntara, uturere, imirenge, utugari n'imidugudu. Akarere ka Ngororero kabaho, kakagira imirenge 13, ariko nta n'umwe witwa 'Murenge' cyangwa 'Kazabi'.

Ambasaderi Nduhungirehe yibukije ko atari ubwa mbere Leta ya Congo igaragaza amakuru y'ibihuha ku bagabo yitirira kuba Ingabo z'u Rwanda byitwa ko baba bafatiwe ku rugamba, nyamara ibi byose atari byo.

Ati “Twibuke ko atari ubwa mbere ibi bigeragejwe na FARDC. Ku itariki ya 16 Gashyantare, 2024, Umuvugizi wa FARDC, Colonel Guillaume Ndjike, yerekanye 'Ndayambaje Abouba' wiyitaga umusirikare wa RDF uturuka mu gace kitwa Kayonza (bishingiye ku byavuzwe na Ndayambaje) yambaye impuzankano nshya.”

Gusa uyu mugabo yari yarerekanwe na mbere, aho yari yafashwe yambaye imyenda isa nabi yacitse n'ibirenge bitigeze byambara inkweto za gisirikare.

Nduhungire yavuze ko ibi byose byerekana ko nyuma yo gutsindwa ku rugamba, FARDC yahisemo kwinjira mu ntambara yo ku mbuga nkoranyambaga, ati “Bigaragara ko FARDC, nyuma yo gutsindwa ku rugamba, yahisemo kuba umuyoboro w'amakuru y'ibinyoma.”

Mu Burasirazuba bwa Repubulika Iharanira Demokarasi ya Congo hatuye abaturage b'icyo gihugu ariko bavuga Ikinyarwanda, ku buryo bidatangaje kuba haboneka abavuga Ikinyarwanda bakaniyitirira u Rwanda.

Manifestement les FARDC, outre d’être incompétentes sur le théâtre des opérations, sont également médiocres dans la propagation des #FakeNews. Ainsi donc, l’armée congolaise nous présente un soi-disant soldat des Forces rwandaises de défense (RDF) qui ne connait pas son unité ou… https://t.co/n9HVnLDJZZ pic.twitter.com/P8RBwwhA4w

— Olivier J.P. Nduhungirehe (@onduhungirehe) December 29, 2024

Kuri iki Cyumweru  tariki 29 Ukuboza 2024, muri BK Arena, hari kubera igitaramo Joyous Celebration Live in Kigali cyatumiwemo iyi korali yamamaye mu myaka 30 itambutse ndetse n’umuhanzi Gentil Misigaro wari umaze imyaka 5 adataramira mu Rwanda kongeraho itsinda rya Allarm Ministries. 

Kuva ku isaha ya Saa Sita, amarembo ya BK Arena yari yamaze gufungurwa hanyuma abakristo bari bavuye gusenga bakomereza kwinjira muri BK Arena kugira ngo bataza gucikanwa n’iki gitaramo cyari gitegerejwe na benshi.

Amakuru InyaRwanda yamenye, ni uko hari bamwe mu bavuye mu bihugu by’abaturanyi baje gutaramana na Joyous Celebration mu Rwanda dore ko amakorali menshi muri Afurika ayifatiraho icyitegererezo.

Saa 18:40; Abitabiriye igitaramo basabwe bose guhaguruka bakabyina indirimbo “Hariho impamvu” imwe mu ndirimbo za Alarm Ministries zamamaye cyane. 

Saa 18;35 Mu gihe Alarm Ministries ikiri kuramya no guhimbaza Imana, abantu bakomeje kugenda baza umwe ku wundi. Ni mu gihe abitabiriye iki gitaramo ubona ko bafashijwe cyane.

Saa 17:45 Itsinda ry’abaramyi rya Alarm Ministries rigeze ku rubyiniro. Aba baririmbyi baserutse bambaye amakanzu y’umweru ku bagore n’imyenda yirabura ku bagabo, nibo bafunguye igitaramo Joyous Celebration Live in Kigali.

Saa 17:35 Rene Patrick yakiriye Tracy ku rubyiniro babanza gushima Imana yabahuje bakaba umwe ndetse ikaba yemeye ko bayoborana iki gitaramo. Aba bombi nibo bagiye kuyobora iki gitaramo. 

Saa 17:20 Umuramyi Rene Patrick yageze ku rubyiniro atangiza igitaramo n’isengesho hanyuma abanza gufatanya n’abacyitabiriye mu kuramya no guhimbaza Imana yo yemeye ko  kiba.

Kuva saa 12:00 Abantu batangiye kwinjira muri BK Arena benshi mu bari bavuye gusenga mu nsengero zitandukanye hirya no hino muri Kigali.

Itsinda ry’abaririmbyi ba Alarm Ministries nibo bafunguye igitaramo Joyous Celebration Live in Kigali 

Abitabiriye igitaramo baryohewe n’umwuka wo kuramya no guhimbaza Imana Alarm Ministries yabashyizemo

Rene Patrick na Tracy nibo batangije igitaramo Joyous Celebration Live in Kigali akaba ari nabo bakiyoboye

Joyous celebration yagakwiye kuba yarataramiye mu Rwanda mu mwaka wa 2019 ariko byaje gukomwa mu nkokora na COVID-19 

Kuva Saa Sita, Abakristo baturuka hirya no hino mu gihugu batangiye kwinjira muri BK Arena mu gitaramo Joyous Celebration

Akanyamuneza n’amatsiko ni byose ku bitabiriye igitaramo Joyous Celebration Live in Kigali

Photos: Ngabo Serge/InyaRwanda 

Ibi ni bimwe mu byavuye mu mahugurwa y'abayoboke b'ishyaka PSD yabaye ku wa 28 Ukuboza 2024.

Yari agamije kwigisha uruhare rw'abagore n'urubyiruko rw'abayoboke b'iri shyaka mu ishyirwamubikorwa ry'umurongo wa politiki n'intego by'ishyaka mu kuryubaka no kubaka igihugu muri rusange.

Abayitabiriye basobanuriwe serivisi za BDF, ubwoko bw'inguzanyo itanga, ndetse n'uburyo yishingira abantu mu bigo by'imari kugira ngo bahabwe inguzanyo zo gukora imishinga yabo.

By'umwihariko abagore n'urubyiruko bashobora kwishingirwa kugeza kuri 75% by'amafaranga ukeneye mu mu mushinga wawe, mu gihe abagabo ari 50%.

BDF kuva yatangira imaze gufasha imishinga ibihumbi 18,063.

Umuyobozi Mukuru w'Ikigega gishinzwe guteza Imbere Imishinga Mito n'Iciriritse (BDF), Munyeshyaka Vincent, yavuze ko guteza imbere urubyiruko n'abagore by'umwihariko biri muri gahunda y'igihugu yo kwihutisha iterambere, mu cyiciro cyayo cya kabiri (NST2).

Yabakanguriye kandi gukora ku mishinga ijyanye n'urwego rw'ubuhinzi ndetse na serivisi kuko ari byo bitanga akazi kenshi kandi bigira uruhare runini mu kuzamura ubukungu bw'igihugu.

Yagize ati 'Mu mibare iherutse gusohoka igaragaza ko ubukungu bwazamutseho 8.1%, urwego rw'ubuhinzi rwagizemo 24% mu gihe inganda ari 20%. Navuga ngo tugomba guha ubutabera urwego rw'ubuhinzi n'ubworozi tugashyiramo ishoramari rihagije.'

Yongeyeho kandi ko kandi bakwiye kureka kumva amakuru avuga ko BDF idatanga amafaranga kuko atari byo.

Ati 'BDF ntabwo ari cyo kigo cy'imari cyonyine gikora, dufite abafite imishinga n'abagomba gutanga amafaranga hagati tukagira BDF nk'umuhuza. Niba amafaranga BDF yashoyemo arangiye amabanki ntabwo amafaranga yarangiye.'

Umuyobozi w'urwego rw'Igihugu rushinzwe iyubahirizwa ry'Uburinganire n'Ubwuzuzanye (GMO), Rurihose Florien, nawe yasabye abitabiriye amahugurwa gukora imishinga itamenyerewemo abagore nk'inganda n'ubucukuzi bw'amabuye y'agaciro.

Umuyobozi Wungirije Ushinzwe Uburinganire muri PSD, Uwanyirigira Gloriose, yavuze ko aya mahugurwa yari agamije kongerera abagore ubumenyi n'ubushobozi mu rwego rwo kwiteza imbere kuko iterambere ry'umugore ari iterambere ry'igihugu.

Yagize ati 'Turifuza ko umugore wo muri PSD abanza kwigira akamenya no kwiteza imbere ni nayo mpamvu twatumiye BDF, kugirango tubatoze kwihangira imirimo, kumenya gukora mbese bakagira ubushobozi'

Umuyobozi wungirije w'ishyaka rya PSD avuga ko aya mahugurwa agiye kuba imbarutso y'iterambere ku bahuguwe ndetse n'imiryango yabo.

Aya mahugurwa yari yitabiriwe n'abagore bahagarariye abandi ku rwego rw'akarere ndetse n'urubyiruko ruhagarariye urundi mu gihugu muri PSD.

Umuyobozi Mukuru wa BDF, Munyeshyaka Vincent yasabye urubyiruko n’abagore kwirinda kumva amakuru y’uko BDF idatanga amafaranga

Nyuma y’umwaka umwe aba bombi bashinze urugo, The Ben yavuze ko yungutse byinshi bishya, aho yaryohewe n’urukundo ariko na none akiga isomo rikomeye ryo kwihangana.

Ati”Nibwo bwa mbere nari maze umwaka mbana n’umuntu tutavukanye, tutareranwe, aho ugomba kumenyera ibintu bimwe na bimwe, hari ibyo ugomba kwiyima kuko ntabwo uba ukiri uwawe ngo wigenge cyane.”

Yakomeje agira ati: “Ni umwaka urimo inararibonye nziza ariko ni umwaka n’ubundi w’urugendo navuga ko rwuzuyemo urukundo, kwihangana ndetse no gusobanukirwa ko buri umwe ku wundi ari urutugu rw’undi yegamaho mu gihe bitoroshye.”

The Ben yabwiye RBA ko nyuma y’indagagaciro hazaho ibyo buri wese akunda rimwe na rimwe usanga bihinduka iyo umuntu yashinze urugo, atanga urugero ko mbere yashoboraga gutaha saa Cyenda z’ijoro ariko nyuma yo kubana na Pamella bikaza guhinduka bitewe n’inshingano nshya yari agize.

Yavuze ko kwifashisha Pamella mu ndirimbo ze bimworohera cyane kuko ari umugore we kandi abantu bakaba basanzwe bamwishimira.

Ati: “Ukuri ni uko iyo dukoranye biba byiza, abantu barabikunda, ni umuntu abantu bakunda, ni umuntu ufite igikundiro cy’Imana. Rero iyo duhuje tugashyira amaboko hamwe, dukora ikintu cyiza abantu bishimira.”

Abajijwe niba igihe kizagera na Pamella agatangira kumvikana aririmba, The Ben yasubije ko atekereza ko impano ye mu kuririmba idahagije, gusa ahishura ko abikunda ndetse agira ‘ugutwi kwiza cyane k’umuziki.’

The Ben yaboneyeho no kunyomoza abamaze iminsi bahwihwisa ko ba baribarutse nyuma y’uko ashyize hanze amashusho y’indirimbo yise ‘True Love’ agaragaramo umugore we atwite inda y’imvutsi.

Ati: “Oya uko si ukuri. Nibyo rwose turitegura (kwibaruka), ariko ntabwo isaha iragera turacyafitemo agahe sinzi n’ahantu byaturutse.”

Ibi The Ben yabitangaje nyuma y’iminsi ibiri ashyize hanze indirimbo yahimbiye umugore we yise ‘True Love,’ aho mu buryo bw'amajwi yakozwe na RealBeat mu gihe amashusho yakozwe na John Elarts.

Iyi ni indirimbo ya kabiri ya The Ben igaragayemo umugore we, nyuma ya 'Ni Forever' yamukoreye nyuma yo kurushinga.

The Ben yasezeranye imbere y'amategeko na Uwicyeza Pamella ku wa 31 Ukwakira 2022, ibirori byari bikurikiye ibyabaye mu Ukwakira 2021 ubwo yamwambikaga impeta y'urukundo bakemeranya kubana.

Nyuma y'ibi birori, ku wa 15 Ukuboza 2023 nibwo The Ben yasabye anakwa umugore we, mbere y'uko bakora ubukwe ku wa 23 Ukuboza 2023.

The Ben yagaragaje ko agiye kwibaruka imfura, mu gihe akomeje imyiteguro y'igitaramo ateganya gukorera muri BK Arena ku wa 1 Mutarama 2025.

Iki gitaramo yise 'The New Year Groove' byitezwe ko azanamurika album ye nshya ikaba iya gatatu akoze kuva yatangira umuzika.

Ni igitaramo avuga ko kizaba ari umwihariko kuko azagaragara aririmbana na buri muhanzi wese bakoranye indirimbo, ndetse hakaba hari n’abahanzi byitezwe ko bazatungurana ku rubyiniro.

Ati: “Icyo nabwira abantu, bitegure bihagije inkweto ndende bazisige mu rugo.”

The Ben yavuze ko mu gitaramo cye mu bashobora kucyitabira harimo na Diamond. Ati: “Ni igitaramo kinini kurusha album. Ni igisobanuro gikomeye cy’aho umuziki Nyarwanda ugeze. Na Diamond turi kuganira, ejo tuzaba twamenye aho bigana.”

Kugeza ubu amatike yo kwinjira mu gitaramo cye ari ku isoko, iya make ikaba iri kugura 5 000 Frw naho iya menshi ikagura miliyoni 1,5 Frw.

The Ben avuga ko mu mwaka utaha azarushaho guha abakunzi be ibyishimo binyuze mu bihangano byiza. Ati: “Umwaka wa 2025, twiyemeje kurushaho kwagura umuziki. Tuzakora ibintu byiza kurenzaho.” 

The Ben yatangaje ko mu mwaka amaranye mu rugo na Pamella yize byinshi birimo no kwihangana

Baritegura kwibaruka nyuma y’umwaka umwe barushinze

Mu gitondo cyo kuri iki Cyumweru tariki 29 Ukuboza 2024, kuri Intare Conference Arena, habereye umuhango wo gusaba no gukwa Nyampinga w’u Rwanda wa 2020, Nishimwe Naomie wasabwe n’umukunzi we, Michael Tesfay.

Mu masaha ashyira Saa Tanu z’amanywa, nibwo umuryango wa Tesfay wari utangiye imisango y’ubukwe aho basabye umugeni mu muryango wa Kamali (Umuryango wa Miss Nishimwe Naomie) mu ndimi z'Ikinyarwanda n'Icyongereza.

Ni umuhango witabiriwe witabiriwe n’abandi bakobwa babaye ba Nyampinga barimo Miss Jolly Mutesi, Miss Nshuti Divine Muheto n’abandi bakobwa benshi bitabiriye irushanwa rya Miss Rwanda.

Naomie, yasohowe na Ruti Joel, Itorero Intayoberana na NEP DJs basusurutsa abitabiriye ibirori. Miss Nshuti Muheto Divine ufite ikamba rya Miss Rwanda ryatanzwe mu 2022 ari mu bambariye abageni.

Nyuma y'umuhango wo gusaba no gukwa, harakurikiraho uwo gusezerana imbere y'Imana muri 'Women Foundation Ministries' Kimihurura mbere y'uko abatumiwe bajya kwakirirwa ku Intare Arena i Rusororo.

Miss Naomie yari yasezeranye imbere y'amategeko na Michael Tesfay kuwa Gatanu tariki 27 Ukuboza 2024.

Muri Mutarama 2024 nibwo yari yambitswe impeta na Michael Tesfay bagiye kurushinga.

Inkuru y'urukundo rw'aba bombi yatangiye kumvikana mu itangazamakuru kuva muri Mata 2022. Kuva icyo gihe yaba Nishimwe Naomie na Michael Tesfay bahorana agatoki ku kandi, mu ngendo zitandukanye no mu bikorwa bakora mu Rwanda no hanze yarwo.

  

Miss Naomie yasabwe ndetse anakobwa n’umukunzi we, Michael Tesfay

Byari ibyishimo gusa gusa ku mpande zombi

Abakobwa bambariye umugeni

Nyirasenge wa Miss Naomie ni nawe wamubereye ‘Marraine’

Ubwo umukwe yari ategereje umugeni we n’akanyamuneza kenshi ku maso

Aha umugeni yari ahageze azanwe na musaza we

Naomie ni uko byarangiye bamuhaye umuryango wa Tesfay

Ababyeyi ba Naomie bashimiwe

Ababyeyi ba Tesfay na bo bashimiwe

Abavandimwe ba Naomie bahawe impano

Miss Nshuti Muheto ari mu bambariye umugeni

Miss Naomie yahaye impano Miss Mutesi Jolly

Umuranga akaba na mukuru wa Naomie, Kathia Kamali n’umukunzi we bari bambariye umukwe n’umugeni

Uyu mugabo ubarizwa muri Kenya, yageze i Kigali mu ijoro ryo kuri uyu wa Gatandatu tariki 28 Ukuboza 2024, yakirwa n’inshuti zirimo Nizzo bakorana mu itsinda.

Humble Jizzo yaherukaga i Kigali, ubwo yaririmbiraga mu gitaramo ‘Baba Experience’ cya Platini cyabereye muri Camp Kigali.

Humble avuga ko ageze Kigali, agenzwa no kuririmba mu bitaramo bya DJ Bisoso bizaba tariki 31 Ukuboza 2024 na tariki 1 Mutarama 2025.

Ni ibitaramo bihuje abahanzi benshi, mu rwego rwo gufasha abanyarwanda kwishimira impera z’umwaka.

Ni ibitaramo ariko Humble Jizzo azakorana na Nizzo batari kumwe na Safi Madiba kandi amaze iminsi mu Rwanda.

Urban Boys mu bitaramo byo gusezera abafana?

Humble yavuze ko baheruka guhurira ku rubyiniro nk’itsinda ubwo bamurikaga Album yabo ya nyuma.Kandi akarenzaho ko bishoboka ko bakongera guhuza imbaraga bagakora igitaramo cyo gusezera.

Uyu muhanzi yavuze ko Urban Boys ari itsinda ryakoze amateka akomeye, ku buryo ibikorwa byabo biri mu matwi ya benshi.

Ati “Uretse ibibazo byatubayeho, nk’abandi bantu abo aribo bose uko mubitekereza, uko mubona ko bishoboka, niko natwe tuba tubitekereza.”.

Yavuze ko kuva mu 2017 batandukana nk’itsinda habayemo ‘ibikomere ku mpande zose’ bityo bakeneye kwiyubaka.

Kwiyunga na Safi

Yavuze ko mu bihe bitandukanye aganira kuri Telefone na Safi Madiba, ariko ntibarahura ngo bahoberane.

Yavuze ko ‘Iyo abantu bahoberanye, buri umwe ashobora guhindura intekerezo ntawamenya.”

Humble Jizzo yageze i Kigali mu ijoro ryo kuri iki Cyumweru tariki 29 Ukuboza 2024

Humble Jizzo yasanganiwe na Nizzo babana muri Urban Boys 

Humble yavuze ko batekereza gukora ibitaramo bya Urban Boys, kandi Safi baravugana

Kuwa Gatandatu, Joyous Celebration yakoze ikiganiro n’itangazamakuru kigaruka ku myiteguro y’igitaramo bafite kuri iki Cyumweru muri BK Arena aho bahurira ku ruhimbi na Gentil Misigaro ndetse na Alarm Ministries.

Abari bahagarariye itsinda rigari rya Joyous Celebration muri iki kiganiro, bagaragaje ko bishimiye kugera mu Rwanda ndetse batunguwe n’uburyo u Rwanda rwiyubatse mu myaka 30 ishize nyuma ya Jenoside yakorewe Abatutsi.

Ibi babihamije nyuma yo kujya gusura urwibutso rwa Jenoside yakorewe Abatutsi mu 1994 basobanurirwa amateka mabi yaranze u Rwanda dore ko umuyobozi wa Joyous Celebration yasize ubutumwa kuri uru urwibutso. 

Umwe mu baririmbyi ba Joyous Celebration, yavuze ko kubona umuntu wari ufite imyaka 10 igihe ababyeyi be bicwaga, akababarira abamuhemukiye bakamugira imfubyi, ari ibintu by’igitangaza. 

Alarm Ministries yo yishimiye kuba bagiye gutaramana na Joyous Celebration cyane ko bahoze bakunda ibihangano byabo ndetse banabiririmba kabone nubwo batumvaga urwo rurimi baririmbagamo.

Umuyobozi wa Alarm Ministries yahishuye ko bagerageje gutumira Joyous Celebration mu mwaka wa 2019 ariko bikomwa mu nkokora na COVID-19 nuko umushinga usa nk’usinziriye ariko Imana yongera guca inzira, Joyous Celebration iza mu Rwanda.

Gentil Misigaro wari umaze imyaka 5 adataramira mu Rwanda, yavuze ko uyu ari wo mwanya mwiza wo kongera gutaramana n’abafashwa cyane n’ibihangano bye ndetse ahishura ko hari indirimbo nshya azaririmba muri iki gitaramo.

Gentil Misigaro yaboneyeho kumena ibanga ko mu kwezi kwa Gashyantare 2025, azashyira hanze album nshya nyuma y’igihe yari amaze adakora umuziki nk’uko abakunzi be babyifuza kubera ahanini inshingano z’urugo n’indi mishinga yari ahugiyemo.

Ku muntu uzi neza indirimbo za Joyous Celebration, ashobora guhabwa amahirwe yo kuririmbana ku rubyiniro rumwe n’iyi korali ikunzwe cyane muri Africa kuva mu myaka 30 ishize ishinzwe.

Si ibyo gusa kandi, Umuyobozi mukuru wa Joyous Celebration yavuze ko bifuza kuba bakorana indirimbo n’umuhanzi cyangwa korali yo mu Rwanda mu gihe umwanya bafite waba ubakundiye kuko intego n’intumbero yabo ari ugukwirakwiza ubutumwa bwa Kirisito ku Isi hose.

Amatike yo kwinjira muri iki gitaramo cy’akataraboneka, aracyari ku isoko ariko isaha n’isaha yashira. Nyura kuri www.ticqet.com ugure itike yawe. Wanayasanga ku nsengero zitandukanye ndetse no kuri Camellia zose na Samsung 250 zose.

Umuyobozi wa Sion Communications yatumiye Joyous Celebration mu Rwanda, yavuze ko ari inzozi zari zibaye impamo

Umuyobozi wa Joyous Celebration yavuze ko haramutse habonetse amahirwe cyane cyane ay’umwanya, nta kabuza hari abahanzi bo mu Rwanda bakorana 

Umuyobozi wa Alarm Ministries yavuze ko mu mwaka wa 2019 bifuje gutaramana na Joyous Celebration ariko COVID-19 iba kidobya

Abaririmbyi ba Joyous Celebration basogongeje abanyamakuru ku ndirimbo baza kuririmba uyu munsi muri BK Arena 

Gentil Misigaro yavuze ko yasengeye iki gitaramo cyane kuruta imyiteguro yakoze akaba yemeza ko nta kabuza Imana iza kwigaragaza

Gentil Misigaro yavuze ko aza gusohongeza abitabira iki gitaramo zimwe mu ndirimbo ze nshya atari yashyira hanze

Joyous Celebration Live in Kigali irabera muri BK Arena kuri iki Cyumweru 

Ubwo basuraga Urwibutso rwa Jenoside rwa Kigali kuri uyu wa Gatandatu tariki 28 Ukuboza 2024, bashimye aho u Rwanda rugeze rwiyubaka nyuma y’imyaka 30 Jenoside yakorewe Abatutsi imaze ihagaritswe.

Uhagarariye iri tsinda rya Joyous Celebration yagize ati: “Ntewe ishema cyane n’abaturage b’u Rwanda. Nk’abanya-Afurika y’Epfo, hari byinshi byo kwigira ku Rwanda binyuze mu byo Abanyarwanda mwanyuzemo. Ikiruta ibyo byose ariko, dukwiriye kwigarukaho nk’Abanyafurika tukareba uko twakwirinda, uko twita ku bo turi bo, n’uburyo tutakwemerera buri wese kuducamo ibice ngo atuyobore”

Yakomeje avuga ko Abanyafurika bakwiriye guhindura imyumvire, agaragaza ko iryo ari rimwe mu masomo yize kuri uyu munsi ubwo basuraga uru rwibutso.

Abagize iri tsinda ry’abaramyi kandi, bagaragaje ko ibihugu bya Afurika bikwiye kwigira ku ivangura ryaranze u Rwanda na Afurika y’Epfo bikahavoma imbaraga zo gushyira hamwe nk’umugabane no kubana mu mahoro nk’uko byemezwa n’umuyobozi waryo.

Yagize ati: “Hari byinshi cyane duhuriyeho. Mu kanya navugaga ibyo kuducamo ibice no kutuyobora. Muri Afurika y’Epfo tugira amoko menshi, hari ubwo rero usanga ayo moko ashyamirana ugasanga birakurura amakimbirane. Turebeye ku mateka y’u Rwanda rero, twakiga twese ko turi umwe, tukareka ibidutanya biri mu guhitamo amashyaka ya politiki, amoko, kuko urebye twese tuva mu butaka bumwe, ibyo turya tubikura mu butaka bumwe, turi umwe rero.”

Itsinda 'Joyous Celebration' rimaze imyaka 30 rishinzwe ndetse rikaba riri ku ruhembe rw’akomeye mu muziki wo kuramya no guhimbaza Imana muri Afurika y'Epfo ndetse no ku Isi muri rusange, ryasesekaye mu Rwanda kuwa Gatnu tariki 27 Ukuboza 2024.

Mu kanyamuneza kenshi bakigera i Kanombe, abaririmbyi ba Joyous Celebration bavugaga ko bizeye y’uko igitaramo cyabo kizagenda neza cyane ko imibare ibereka y’uko ibihangano byabo bikurikirwa n’abantu benshi mu Rwanda kandi nabo bafata mu Rwanda nko mu rugo nyuma ya South Africa.

Uyu munsi tariki 29 Ukuboza 2024, ni umunsi w’amateka mu muziki wa Gospel mu Rwanda kuko ari bwo itsinda Joyous Celebration ryo muri Afrika y’Epfo rigiye gutaramira mu Rwanda ku nshuro ya mbere mu gitaramo gikomeye cyateguwe na Sion Communications na Zaburi Nshya Events.

Iki gitaramo kirabera muri BK Arena ndetse kuri ubu amatike asigaye ni mbarwa. Amatike ari kuboneka mu buryo bw’ikoranabuhanga kuri www.ticqet.rw ndetse ushobora no guhamagara nimero za telefone: 0787500113 bakakuzanira itike aho uherereye. Amatike kandi ari kuboneka kuri Camellia zose ndetse na Samsung 250 zose.

Kwinjira muri iki gitaramo cy’amateka biroroshye kuko itike ya macye ari 7,000 Frw, itike ya Bronze iragura 15,000 Frw, itike ya Gold iragura 25,000 Frw, itike ya Silver iragura 30,000 Frw, itike ya Platinum iragura 40,000 Frw naho muri VVIP ni ukwishyura 50,000 Frw. Ukurikije uburyo abantu banyotewe cyane, amatike ashobora gushira vuba.

Igitaramo Joyous Celebration bagiye gukorera mu Rwanda kiri mu bitaramo bikomeye 6 bagiye gukora mu mpera za 2024. Ni ibitaramo bise “Joyous Celebration 28 Summer Tour” bizaherekeza uyu mwaka.

Joyous celebration ni itsinda ryo kuramya no guhimbaza Imana ribarizwa mu gihugu cya Afurika y'Epfo, ryatangiye umurimo wo kuramya no guhimbaza Imana mu mwaka wa 1994.

Iri tsinda ryatangijwe n’abaramyi batatu ari bo; Lindelani Mkhize, Jabu Hlongwane na Mthunzi Namba. Muri Mata 2011, ni bwo Joyous Celebration yatangiye ivugabutumwa rizenguruka mu bice bitandukanye baryita ‘My gift to you,’ ryakozwe iminsi itandatu.

Tariki 2 Werurwe 2015, Joyous Celebration bashyize hanze Album Volume ya 19 bise ‘Back to the Cross.’ Iyi album yanaje ku mwanya wa mbere muri Afrika y’Epfo mu byumweru bibiri bikurikiranye, ndetse igurisha kopi zirenga 51.271, bituma iza ku mwanya wa mbere mu bihembo byiswe South Africa Music Awards.

Tariki 29 Kamena 2018, Joyous Celebration yatangiye ivugabutumwa ry'iminsi itanu yise ‘Joyous 22 All for You Tour,’ barikorera muri Midburg, Mpumalanga, Times Square Arena i Tshwane basoreza muri Gauteng.

Joyous Celebration ni itsinda ry'abanyamuziki ryakoranye na Sony Music mbere y'uko mu 2021 batangira gukorana na Universal Music hamwe na Motown Gospel.

Iri tsinda rikunzwe bikomeye mu muziki wa Gospel muri Afrika, rimaze gukorera muri studio album umunani zisanga izindi icyenda bakoze mu buryo bwa Live, ndetse uyu munsi rigizwe n'abaririmbyi barenga 45.

Mu ndirimbo zabo zikunzwe cyane, harimo iyitwa ‘Bekani Ithemba,’ ‘Alikho Lelifana,’ ‘Awesome is your name,’ ”I Am the winner,’ ‘Who Am I,’ ‘Wenzile,’ ‘Wakhazimula,’ ‘Tambira Jehova,’ ‘Iyo Calvari’ n’izindi nyinshi zagiye zirebwa na za miliyoni kuri YouTube.

Tariki 07 Ukuboza aba baririmbyi bo muri Afrika y’Epfo bazataramira muri Kimberly; tariki 15 Ukuboza bataramire muri Johanesburg muri Rhema Bible Church; tariki 16 Ukuboza bataramire muri Mafikeng muri Mbatho Convention Center;

Tariki 20 Ukuboza aba baririmbyi bazataramira muri Malawi mu Mujyi wa Lilongwe muri Bingu International Conventional Centre; bataramire muri Mayine (Durban) muri ICC ku ya 31 Ukuboza, nyuma yo gutaramira i Kigali kuri iki Cyumweru tariki 29 Ukuboza 2024.

Abagize itsinda rya Joyous Celebration ryo muri Afurika y’Epfo basuye Urwibutso rwa Jenoside rwa Kigali mbere y’igitaramo cyabo cya mbere mu Rwanda

Umuyobozi w’iri tsinda yavuze ko igihe kigeze ngo Abanyafurika bamenye ko ari bamwe  

Bunamiye inzirakarengane za Jenoside ziharuhukiye

Ubwo bageraga i Kigali

Bishimiye gutaramira mu Rwanda ku nshuro ya mbere