Author: webrwanda

Ibi byagarutsweho n'Umunyamabanga Uhoraho muri MIGEPROF, Batamuriza Mireille kuri uyu wa 19 Gashyantare 2025, ubwo yatangizaga inama y'iminsi ibiri yo kwizihiza Umunsi Mpuzamahanga wo kurwanya kwinjiza abana mu gisirikare.

Ni inama iri kubera i Kigali yateguwe n'Umuryango Dallaire Institute for Children, Peace and Security uharanira kurwanya ikoreshwa ry'abana mu gisirikare ndetse no kugarura amahoro n'umutekano.

Uwo muryango ukorera hirya no hino ku Isi, icyicaro cyawo cya Afurika kikaba kiri mu Rwanda.

Batamuriza yagaragaje akaga kazanwa no kwinjiza abana mu ntambara ndetse ko mu Rwanda icyo kibazo kidahari kuko inzego z'umutekano zikora kinyamwuga.

Yavuze ko hari n'andi mategeko yo kurengera uburenganzira bw'umwana mu gihugu n'andi mpuzamahanga yubahirizwa mu Rwanda.

Ati 'Umwana iyo agiye mu gisirikare si uburenganzira bwe gusa buba buhonyowe ku bwo kujya ku rugamba, ahubwo aba atakaje n'ishuri, ataye umuryango we ndetse adahura n'abandi. Kujya ku rugamba agafata imbunda byo ni ikizira, ni ikintu kiremereye ku mwana.'

Yavuze ko uburyo igisirikare, polisi n'izindi nzego zo mu Rwanda zinjiza abantu mu kazi, bwemewe kuko hinjira abujuje imyaka.

Batamuriza yasabye ibindi buhugu kwirinda amakimbirane kuko ariyo abyara intambara ituma abo bana hamwe bahatirwa na bo gufata intwaro bakajya ku rugamba.

Yongeyeho ko Rwanda rwatangiye gutanga umusanzu mu kurengera abana, aho ku bufatanye na Dallaire Institute for Children, Peace and Security abasirikare, abaplolisi, abakora mu bugenzacyaha n'abandi bo mu Rwanda barenga 2.500 bamaze guhugurwa ku kurwanya kwinjiza abana mu ntambara.

Umujyanama Mukuru ku bufatanye mpuzamahanga, amahoro n'umutekano mu Muryango wa Afurika Yunze Ubumwe, Amb.Gateretse Ngoga Frédéric, yavuze ko uyu munsi muri Afurika hari ibihugu 16 bituranye n'ibihugu bibiri bya RDC na Sudani biri mu ntambara kandi ko bimwe muri byo byohereza abana muri izo ntambara ku ngufu.

Yavuze ko ibyo ari ikibazo gikomeye ku rwego rw'umugabane ubu bakaba bagenda begera ibihugu babisaba gukura abana mu ntambara no kubavura ihungabana, kandi ko aho biri ngombwa ibihugu bizafatirwa ibihano kugira ngo bikemure icyo kibazo.

Umuyobozi Nshingwabikorwa wa Dallaire Institute for Children, Peace and Security, Dr. Shelly Whitman, yavuze ko muri iyo nama hagamijwe gushaka uburyo bunyuranye bwo kurengera abana kuko batugarijwe n'ikibazo cyo kujyanwa mu ntambara gusa.

Umuryango w'Abibumbye, ugaragaza ko mu mwaka wa 2023 wonyine abana barenga ibihumbi 27 ku Isi bakorewe ibyaha bikomeye harimo abagera kuri 35% binjijwe mu ntambara ku gahato.

Muri abo kandi harimo abana b'abakobwa bacurujwe bajya gukoreshwa uburaya ndetse n'ab'abahungu bafunzwe bagakorerwa iyicarubozo.

Umunyamabanga Uhoraho muri MIGEPROF, Batamuriza Mireille, yavuze ko u Rwanda rwatangiye gutanga umusanzu muri Afurika mu kurwanya iyinjizwa ry’abana mu ntambara

Amb Gateretse Ngoga Frédéric yavuze ko uyu munsi muri Afurika hari ibihugu byohereza abana mu ntambara

Abahagarariye polisi ni bamwe mu bitabiriye inama yo kurwanya iyinjizwa ry’abana mu ntambara

Iyi nama yo kurwanya ibijyanye no kwinjiza abana mu ntambara yitabiriwe n’abakora mu nzego zinyuranye harimo n’iz’umutekano

Umuyobozi Nshingwabikorwa wa Dallaire Institute for Children, Peace and Security, Dr Shelly Whitman yavuze ko bazakomeza gukumira ibijyanye no kujyana abana mu ntambara

Ku wa 18 Gashyantare ni bwo Ibiro bya Guverinoma y'u Bwongereza bishinzwe Ububanyi n'Amahanga, Commonwealth n'Iterambere, FCDO, byasabye ibisobanuro Ambasaderi w'u Rwanda mu Bwongereza, ku bikorwa byavuze ko RDF na M23 bikomeje gufata ibice mu burasirazuba bwa RDC.

FCDO yavuze ko u Rwanda rugomba guhagarika intambara, hakisungwa inzira y'ibiganiro by'amahoro nk'uko byemejwe n'Umuryango wa Afurika Yunze Ubumwe (AU).

Ambasade y'u Rwanda mu Bwongereza yasubije FDCO yayisabaga ibisobanuro ko RDF yakajije ingamba z'umutekano ku mipaka y'u Rwanda mu kwirinda ibibazo byahungabanya umutekano w'igihugu nk'uko byagiye bigaragara mu bihe bitandukanye.

Mu itangazo yashyize hanze ku wa 19 Gashyantare 2025, yakomeje iti 'Bimwe muri ibyo bibazo byagaragaye ku wa 26 Mutarama 2025, aho ibitero byagabwe ku mupaka wa Rubavu nyuma y'ifatwa rya Goma, bigahitana abantu 16 abandi basivili 177 bagakomereka.'

Yagaragaje kandi ko u Rwanda rwahuye kenshi n'ibibazo by'umutekano bituruka muri RDC, bigizwemo uruhare n'abarwanyi ba FDLR basize bakoze Jenoside yakorewe Abatutsi mu 1994 mu Rwanda.

Iyi ambasade yagaragaje ko FDLR yagabye ibitero ku Rwanda muri Kamena 2022, irasa ku butaka bwarwo. Ibi bitero byagabwe mbere y'ibyumweru bibiri ngo Inama y'Abakuru b'Ibihugu na za guverinoma zikoresha Icyongereza, CHOGM, ibe.

Iti 'FDLR yagabye ibitero 20 ku butaka bw'u Rwanda ariko uyu munsi yatewe icyuhagiro ndetse ihabwa ikaze mu ngabo za RDC, aho ingabo zose zihuje, FDLR igafatwa nk'umufatanyabikorwa w'ingenzi.'

Guverinoma y'u Bwongereza yibukijwe ko u Rwanda ruri gushinjwa ibyo binyoma nyamara ruri mu bihugu bya mbere bitanga umusanzu utaziguye mu butumwa bwa Loni bwo kugarura amahoro mu bice bitandukanye by'Isi, ibyo bigakorwa kinyamwuga.

Ambasade y'u Rwanda mu Bwongereza kandi yagaragaje ko M23 iri kwamaganwa, igizwe n'Abanye-Congo bahanganye n'uruhuri rw'ibibazo by'ivangurwa n'ubuhezanguni bishingiye ku moko bakorerwa, bikozwe na Leta yabo, bigakorerwa mu maso y'umuryango mpuzamahanga, n'u Bwongereza budasigaye.

Iryo vangura n'ubuhezanguni bushingiye ku moko bisa n'ibyakwirakwiye mu karere, Ambasade y'u Rwanda mu Bwongereza igashimangira ko bigomba kurandurwa mu guharanira amahoro n'iterambere rirambye.

Iti 'U Bwongereza bwagakwiriye kugendera mu murongo w'inzira y'ibiganiro by'amahoro yemejwe na Afurika Yunze Ubumwe (AU), EAC na SADC aho gukomeza gutera ingabo mu bitugu RDC itsimbaraye ku gukoresha imbaraga za gisirikare nk'igisubizo.'

Iyi ambasade yavuze ko hari ingingo zigomba gushingwaho agati zirimo ko abantu badakwiriye kurangazwa n'imvugo z'uko FDLR ari umutwe w'abakambwe utagifite imbaraga, ikagaragaza ko icyo ari ikinyoma cyambaye ubusa.

Yavuze ko ahubwo uyu mutwe w'abajenosideri watangiye kubaho nyuma gato ya 1994, mu myaka yakurikiyeho wakomeje kwiyubaka, ukongera ubushobozi mu bijyanye n'intwaro ari na ko ukomeza kwinjiza abarwanyi bashya, ubifashijwemo na RDC mu bihe bitandukanye.

Hagaragajwe ko imbogamizi FDLR iteza zidashingiye ku bya gisirikare gusa, ahubwo uyu mutwe unakomeje gukwirakwiza ingengabitekerezo y'urwango ku Batutsi, ibyagize uruhare rukomeye mu bugizi bwa nabi bushingiye ku moko mu myaka 30 ishize.

Ikindi Ambasade y'u Rwanda mu Bwongereza yagaragaje ni imvugo z'urwango ziganjemo ubuhenzanguni bushingiye ku moko byakunzwe kugaragazwa na bamwe mu bayobozi bakuru ba RDC n'u Burundi, na bwo bukomeje kongera ibibazo mu bindi mu karere kose.

U Bwongereza bweretswe ko bugomba kumva neza impamvu imirwano yongeye kubura, bugaragarizwa ko Ingabo za EAC (EACRF) zafashije mu buryo bukomeye gahunda yo gushyiraho agahenge mu mezi atandatu, ariko RDC igakomeza kwigaragaza nk'umwanzi w'amahoro.

Ambasade y'u Rwanda mu Bwongereza yibukije ko RDC yifashe, nta we igishije inama, ihagarika ubutumwa bwa EACRF mu kugarura amahoro muri iki gihugu, bitari uko yari irangamiye amahoro, ahubwo ari ugukomeza intambara.

Ambasade y'u Rwanda i Londres irakomeza iti 'Ihuriro ry'ingabo za RDC, rigizwe n'igisirikare cyayo FARDC, SAMIDRC, ingabo ibihumbi 10 z'u Burundi, FDLR, abacancuro b'Abanyaburayi, bafite intwaro nyinshi zitandukanye, ntabwo rigamije kugarura umutekano, ahubwo rigamije gukomeza kurwanya M23 igizwe n'Abanye-Congo bavuga Ikinyarwanda no gukomeza gushotora u Rwanda.'

Mu myaka irenga 20 MONUSCO imaze igerageza kugarura umutekano mu Burasirazuba bwa RDC, mu gihe yari iri aho ni bwo Abanye-Congo bavuga Ikinyarwanda bahuye n'ibibazo bikomeye cyane by'ubugizi bwa nabi, guhezwa no kwicwa.

Hagaragajwe ko ibyo byabaga mu gihe FDLR na yo yongeraga ubushobozi umunsi ku wundi, yagura ibirindiro ari na ko ibona indi mitwe y'abafatanyabikorwa.

Ku bw'izo mpungenge Ambasade y'u Rwanda mu Bwongereza irakomeza iti 'U Rwanda rwakomeje kubaka ubushobozi bwarwo burufasha kurinda umutekano warwo n'uw'abaturage barwo, ari na ko rukomeza kubaka ubushobozi mu kwimakaza umutekano mu karere.'

RDC izenguruka ibice hafi ya byose by'u Burayi isaba ko u Rwanda rwafatirwa ibihano no kuba rwakomanyirizwa ku gutanga wa musanzu wo kugarura amahoro, iyi ambasade ikavuga ko ibyo Kinshasa ikora bihabanye kure n'ubushake bwo kwimakaza amahoro.

U Bwongereza kandi bwibukijwe ko nyuma y'imyaka 30 Jenoside yakorewe Abatutsi ihagaritswe, iki gihugu cy'i Burayi gikomeje kuba indiri y'abajenosideri batunzwe n'imisoro Abongereza baba bavunikiye.

Ambasade y'u Rwanda iti 'Mu gihe ibindi bihugu byo mu Burengerazuba bw'Isi bikomeje kohereza abakekwaho Jenoside, u Bwongereza bwo bwakomeje kuba ubwihisho bukingira abakekwaho ibyo byaha.'

Iyi ambasade kandi yavuze ko uko gutinda k'u Bwongereza mu kubohereza bitihanganirwa, ikagaragaza ko nk'uko FDLR imaze imyaka 30 muri RDC bimeze kimwe no kuri abo bantu bamaze iyo myaka bacumbikiwe n'iki gihugu cyo mu Burayi cyaruciye kikarumira.

Igaragaza ko bijyanye n'uko hari imyanzuro yemejwe na AU, EAC na SADC igamije kurandura FDLR, inahamagarira u Bwongereza kugendera muri uwo murongo iyo miryango yafashe ndetse bukagaragaza uruhare rwabwo.

Ibiro bya Guverinoma y'u Bwongereza bishinzwe Ububanyi n'Amahanga, Commonwealth n'Iterambere, FCD, biherutse kwikoreza u Rwanda ibibazo bya RDC

Ambasaderi w'u Rwanda mu Bwongereza, Johnston Busingye

Gereza ya Bukavu iherereye mu Mujyi rwagati hafi ya Place de l'Indépendance. Ahantu iherereye, ikikijwe n'inzu z'abaturage, hejuru yayo, umuturage uri mu rugo rwe, aba areba umuntu uri muri gereza ibyo ari gukora.

Ni gereza nto, yagenewe kwakira abantu nibura 500. Ariko ku wa Gatanu yari irimo abantu 2.391. Aba bose nta n'umwe wigeze asohoka mu buryo busanzwe ahubwo ubwo umutwe wa M23 wari ugeze i Bukavu, abasirikare ba FARDC bari bacunze iyo gereza, bahise bayifungura, abantu bose baragenda.

Nta muntu n'umwe uzi aho baherereye. Umwe mu baturage uturiye iyi gereza, yavuze ko afite impungenge ko abo bantu bazasubira mu ngo zabo, bakongera gukora ibyaha.

Emile Muhindo utuye i Bukavu, aturiye Gereza. Ati ' Abagororwa bisanze batereranywe, kuko nta muntu wabarebereraga, baratoroka baragenda. Byabaye mu ijoro ryo ku wa Gatanu rishyira ku wa Gatanu, bari hirya no hino buri wese yanyuze inzira ye.'

Ugeze muri iyi gereza, ntiwatekereza ko ari ahantu hari hasanzwe haba abantu. Ibice bimwe na bimwe byayo byaratwitswe. Harimo umwanda mwinshi, ndetse wagira ngo iherukamo umuntu mu myaka myinshi ishize, binagaragaza uburyo abari bayicumbikiwemo bari babayeho nabi.

Ahantu hose humvikana umunuko, hari aho umuntu agera akabona imyenda yari isanzwe ikoreshwa n'abasirikare ba FARDC yatawe, bivuze ko bakuyemo imyambaro yabo bagahunga nk'abandi.

M23 ivuga ko aba bagororwa batorotse bigizwemo uruhare na FARDC ndetse ko yanabikoze i Goma, ikabarekura iminsi ibiri mbere y'uko umutwe wa M23 winjira muri uyu mujyi.

Amafoto: Kwizera Herve

Ni igikorwa gikomeye kizahuriza hamwe Abanyarwandakazi bibumbiye muri DRB-Rugari barimo abahakorera, abahiga n'abatuye n'inshuti zabo.

Biteganyijwe ko uwo munsi uzabera mu Mujyi wa Bruxelles ku wa 08 Werurwe 2025.

Abo bagore bazaba bizihiza intambwe imaze guterwa mu kwimakaza ihame ry'uburinganire, uburenganzira, no kubakira abagore ubushobozi byashyizwemo imbaraga hirya ni hino ku Isi.

Iki gikorwa kiri gutegurwa k'ubufatanye na Ambasade y'u Rwanda mu Bubiligi.

Uretse ibiganiro kandi abagore baba mu Bubiligi bazagira umwanya w'ubusabane, mu mbyino n'indirimbo za Kinyarwanda

Nkuko abategura iki gikorwa babivuga, kiba ari umwanya mwiza wo kongera guhura, guhanahana amakuru ku ngingo zitandukanye no kumenyana.

Uyu mwaka DRB-Rugari ifatanyije n'Ikigo 'Team Production' kizobereye mu gutegura ibitaramo no gutumira abahanzi b'Abanyarwanda n'abandi Banyafurika kuza kwerekana ubumenyi bwabo mu Burayi.

Abayobozi ba DRB-Rugari bakomeza bagira bati: Uyu Munsi Mpuzamahanga wahariwe Umugore ntiwaba mwiza utitabiriwe ngo wizihizwe n'Abagore n'Abagabo.'

Amafoto yerekana uko Umunsi Mpuzamahanga w'Abahore witabirwa ukaba gahuzamiryango muri DRB-Rugari mu Bubiligi ( amafoto yo muri 2023)

[email protected]

Uyu mutwe ukigera mu Mujyi wa Bukavu waharaniye kurwanya iryo huriro no guhagarika ibikorwa by'ubugizi bwa nabi byakorerwaga abaturage

Ubu iyo ugeze i Bukavu nko mu gace kazwi nka Nyawela, ubona ko imirimo yasubukuwe, amasoko yarafunguwe, imirimo y'ubwikorezi irakorwa na cyane ko abaturage bagaragaza ko barindiwe umutekano nubwo bagifite impungenge z'abasirikare.

M23 yasabye ko abasirikare bo mu ihuriro ry'ingabo za RDC, bakiri mu Mujyi wa Bukavu, bakwishyikiriza uyu mutwe, ukagaragaza ko nibatabyaza umusaruro ayo mahirwe uzabahiga aho bari hose, kuko utazihanganira ko bagirira abaturage nabi nk'uko byahoze.

Mutuelle y'inka ni uburyo bwatangijwe n'aborozi 40 bo mu Murenge wa Kabarondo mu Kagari ka Kabura, banagemura amata ku ikusanyirizo rito rya Kabura.

Buri muturage atanga ibihumbi 15 Frw buri mwaka, bakayashyira hamwe bakagura imiti irimo ivura zimwe mu ndwara zirimo gasheshe, ikibagarira, igabanya umuriro, iya vitamine, imiti y'inzoka n'indi myinshi bakunze gukenera.

Iyo umuturage arwaje inka ye ahamagara kuri koperative ubundi na bo bakabwira ushinzwe ubworozi ku Murenge akajya kureba ikibazo ya nka ifite, bagakora kuri ya miti baguze inka ikavurwa. Iyo basanze umuti ntawuhari bakora kuri ya mafaranga bakagura undi muti ubundi umuturage akishyura 1000 Frw cy'urugendo gusa atarindiriye kujya kwigurira ya miti.

Umuyobozi w'ikusanyirizo rya Kabura, Harorimana Jean Bosco, yabwiye IGIHE ko bahisemo kwishyira hamwe kuko babonaga ubuvuzi bw'inka buhenze cyane, mu gihe umuturage arwaje inka kuyivuza bikaba ingorabahizi.

Ati 'Twaricaye rero nk'abanyamuryango turavuga tuti turamutse duhuje ibitekerezo tugahuza amafaranga ntabwo twajya twivuriza inka zacu. Bose babyumvise neza, tubibwira umukozi ushinzwe ubworozi ku Murenge na we arabyemeza, yanadufashije gushaka imiti ikenerwa cyane, twatangiye buri muturage atanga 6500 Frw tuza gusanga ari make ubu twashyize ku bihumbi 15 Frw kandi ibintu bimeze neza.''

Harorimana yavuze ko kuva batangiza iyi Mutuelle y'inka byatanze agahenge mu gupfusha inka no mu gutanga amafaranga menshi bavuza inka zabo, birinda benshi kuvuza inka zabo mu buryo bwa magendu kuko ngo buri wese iyo inka ye irwaye yihutira kubimenyekanisha.

Muhawenimana Devotha avuga ko mbere yo kwinjira muri ubu buryo yahamagaragara umukozi ushinzwe ubworozi hakaba ubwo amuciye amafaranga menshi atapfa guhita abona ariko ubu bisigaye bimworohera.

Ati 'Iyo inka yawe yarwaye uhamagara hano kuri koperative ukabivuga mu minota mike umukozi ushinzwe ubworozi aba akugezeho. Niba inka irwaye gasheshe cyangwa ikibagarira arayivura ukishyura cya 1000 Frw gusa. Ubu navuga ko umukamo w'inka yanjye wiyongereye.''

Nsengiyumva Théoneste utuye mu Mudugudu wa Kabeza we yavuze ko ubu buryo bwa Mutuelle y'inka ari igisubizo kuko ngo hari ubwo warwazaga inka nta mafaranga ufite ikaba yanagupfana kubera gutinda kubona ubuvuzi.

Umunyambanga Nshingwabikorwa w'Umurenge wa Kabarondo, Gatanazi Longin, yabwiye IGIHE ko ubu buryo bwa Mutuelle y'inka bwatangijwe mu Kagari ka Kabura bifuza kubukwirakwiza mu Murenge wose kuko babonye ko aho buri gukorwa bwatanze umusaruro mu buryo bugaragara, yavuze ko bazifashisha abaturage ba Kabura mu gusobanurira abandi.

Umurenge wa Kabarondo utuwe n'abaturage ibihumbi 40 batuye mu tugari tune, kuri ubu habarurwa inka zirenga 5000. Biteganyijwe ko nibura aborozi bose bazakoresha ubu buryo mu kubafasha kuvuza inka zabo.

Aborozi b’i Kayonza basigaye batanga ubwisungane mu kwivuza bw’inka

Batanze ubwisungane bagura imiti ngo bahendukirwe n’ubuvuzi bw’inka zabo

Kuri uyu wa Gatatu itariki 19 Gashyantare 2025 mu Rwanda hakinwe imikino y'igikombe cy'Amahoro muri kimwe cya munani. Ubu ikipe ya APR FC yakiriye Musanze FC mu mukino wo kwishyura wa 1/8 ariko kugeza ubu nta kipe irizera gukomeza.

Umukino warangiye APR FC ibifashijwemo na Mamadou SY watsinze ibitego bibiri, mahamadou Lamine Bah na Hakim Kiwanuka itsinze Musanze FC ibitego 4-0, ndetse ikomeza ku giteranyo cya 4-0 kuko umukino wabereye mu karere ka Musanze amakipe yombi yari yanganyije 0-0.

Muri kimwe cya kane ikipe ya APR FC izakina na Gasogi United. Mu mwaka w'imikino ushyize Gasogi United niyo yasezereye APR FC muri kimwe cya kane.

UKO UMUKINO WAGENZE UMUNOTA KU MUNOTA

UMUKINO URARANGIYE

88′ Mamadou SY wari ushatse gutsinda igitego cya gatanu ariko umupira yari ahawe na Niyomugabo Claude awutera hanze’

82′ Musanze FC ikoze impinduka maze Leonidas Munyangabo asimbura Confor Bertrand’

81′ Abakinnyi ba APR FC batangiye gukina batuje nyuma yo gutsinda ibitego bike ku busa bwa Musanze FC ubu bakaba bamaze kwizera gukina muri kimwe cya kane’

76′ Mamadou SY yanditse igitego cya kane cya APR FC nyuma yo kugundagurana igihe kinini imbere y’izamu rya Musanze maze ku buhanga Bwa Mugisha Gilbert na bagenzi be batanga ubudasa bw’umupira kwa mamadou SY maze nawe yanga kubatenguha’

76′ Gooooooooooooooooooooooooooooooooooooooooooooo! Mamadou SY

72′ Ruboneka Jean Bosco ahaye umwanya Nshimiyimana Ismael Pichou’

69′ Musanze FC ikoze impinduka maze Sunday Inemesit asimburwa na Batte Sheif’

66′ APR FC ikoze impinduka mze Nzotanga na Dushimirimana Olivier basimbura Hakim Kiwanuka na Mugisha Gilbert’

62′ Hakim Kiwanuka itsindiye APR FC igitego cya gatatu nyuma y’uko umupira wari ucaracaye imbere y’izamu igihe kinini’

62′ Gooooooooooooooooooooooooooooooooooooooooooooooooo! Hakim Kiwanuka

60′ Mugisha Gilbrt arase igitego akimara kwinjira mu kibuga’

60′ Musanze ikoze impinduka maze kamanzi Ashlaf aha umwanya Adeaga Adeshola Johnson’

59′ Ikipe ya APR FC ikoze impinduka maze Niyigena Clement na Denis Omedi baha umwanya Nshimiyimana Yunusu na Mugisha Gilbert’

58′ Ikipe ya Musanze FC iri ku gitutu

57′ Umuzamu wa Musanze FC Nsabimana Jean De Dieu atabaye ikipe nyuma yo gukuramo amashoti abiri yungikanye ya Niyigena Clement’

56′ Niyomugabo Claude yari akiniye neza Ruboneka Jean Bosco ariko abakinnyi ba Musanze um,upira bawushyira muri koruneli

55′ Mahamadou Lamine Bah ateye umupira numutwe nyuma ya pass ya Ruboneka ariko ujya hanze’

53′ Kwizera Tresor yari akiniye neza Sunday Inemest ariko Niyigena Clement atabara APR FC’

51′ Umuzamu wa APR FC Ishimwe Pierre atabaye ikipe nyuma ya kufura ya Musanze yari itewe na Sunday Inemesit’

50′ Mahamadou Mamine Bah yari akiniye neza mamadou SY ariko umupira awutera hanze y’izamu

48′ Abakinnyi ba Musanze FC batangiye bubakira umupira mu kibuga hagati ngo barebe ko bagombora ibitego cyane ko baramutse banganyije uyu mukino aribo bakomeza’

45′ Ikipe ya Musanze FC itangiranye impinduka maze Tuyisenge Pacifique na Tuyisenge Clement bajya mu kibuga basimbura Mackelenga Rachid na Nduwayo Valeur’

IGICE CYA KABIRI KIRATANGIYE

Abakinnyi ba APR FC nyuma yo gutsinda igitego cya kabiri

Mahamadou Lamine Bah nyuma yo gutsinda igitego cya mberer

Igice cya mbere cy’umukino kirangiye ikipe ya APR FC ifite ikizere cyo gukomeza muri kimwe cya kane mu gikombe cy’Amahoro nyuma y’uko ubu ifite ibitego 2-0 bwa Musanze FC

IGICE CYA MBERE KIRARANGIYE

45+1′ Kufura abakinnyi ba APR FC barayihererekanyije ariko Musanze iratabara’

45′ Kufura ya APR FC nyuma y”ikosa rikorewe Niyomugabo Claude’

42′ Ruboneka yari ahererekanyije umupira na kapiteni Claude ariko abakinnyi ba Musanze baratabara bakiza izamu’

41′ Kufura ya APR FC nyuma y’ikosa rikorewe Ruboneka Jean Bosco’

40′ Kapiteni wa APR FC Niyomugabo Claude akoreye umupira mu rubuga rw’amahina aho gutanga penaliti umusifuzi atanga ikosa ko rihanwa na APR FC’

39′ Mamadou SY yari akiniye neza Ruboneka Jean Bosco ariko umuzamu wa

38′ Aliou Souane yari acomekeye umupira mwiza Mamadou SY ariko umuzamu wa Musanze Nsabimana aratabara’

36′ Kamanzi na Bertrand bari bazamukanye umupira imbere y’izamu rya AP{R FC ariko habaho kurarira’

35′ Hakim Kiwanuka yari azamukanye agapira imbere y’izamu rya Musanze FC ariko umupira uramurengana’

30′ Mamadou SY atsindiye APR FC igitego cya kabiri nyuma yo gucenga abakinnyi babiri ku mupira mwiza ahawe na Ruboneka Jean Bosco’

30′ Goooooooooooooooooooooooooooooooooooooooooooooooooo! Mamadou SY

28′ Imbere y’izamu wenyine Mamadou SY ananiwe gutsinda igitego cya kabiri cya Musanze FC’

26′ Denis Omedi yari ashatse kongera kwiyereka abakunzi be ariko umupira ujya hejuru y’izamu’

25′ Ruboneka Jean Bosco yari ateye urutambi mu izamu rya Musanze ariko umupira ujya hanze’

22′ Ruboneka Jean Bosco yari akinanye na Lamine Bah imbere y’izamu rya Musanze ariko abakinnyi ba Musanze FC baratabara’

19′ Umuzamu wa Musanze FC atabaye ikipe nyuma ko gukibita ibipfunsi umupira wari uvuye muri Koruneli yatewe na Ruboneka Jean Bosco’

18′ Mamadou Sy yari azamutse ashaka kwataka umuzamu wa Musanze ariko ariko agwa hasi’

16′ Confor Bertrand yari ateye ishoti rikomeye mu izamu rya APR FC ariko umuzamu Ishimwe Pierre aratabara’

14′ Mamadou SY yari yakiriye umupira mwiza uturutse kwa Ruboneka ariko ateye umutwe umuzamu Nsabimana wa Musanze aratabara’

13′ Kufura ya APR FC itewe na ruboneka Jean Bosco ariko umupira ubura uwushyira mu izamu’

11′ Mathaba Lethabo yari azamukanye umupira imbere y’izamu rya APR FC ariko Kamanzi ananirwa kuwushyira mu rubuga rw’amahina ngo ba rutahizamu birwaneho’

11′ Niyomugabo Claude yari agiye gutera ishoti ariko Mathaba lethabo aratabara’

9′ Ikipe ya APR FC nyuma yo kubona igitego cya mbere ikomeje kubakira umukino mu kibuga hagati ireba uko yatsinda igitego cya kabiri maze igasezerera Musanze FC’

4′ Mu gihe abakinnyi ba Musanze bari bari kwiga umukono umunya Mali Mahamadou Lamine Bah atsinze igitego cya APR FC nyuma yo gukinana neza kw’abakinnyi ba APR FC bahererekanya agapira buri wese agakoraho rimwe’

4′ Goooooooooooooooooooooooooooooooooooooooooooooooooooooo! Mahamadou Lamine Bah

1′ Hakim Kiwanuka yari azamukanye umupira ariko abakinnyi ba Musanze FC baratabara’

UMUKINO URATANGIYE

Abakinnyinbabanje mu kibuga ku ruhande rwa Musanze FC ni Nsabimana Jean De Dieu, Kwizera Tresor, Dufitumufasha, Bakaki Shafik, Hakizimana, Nduwayo Valeur, Mathaba Lethabo, Confor Bertrand, Mackelenga Rachid, Kamanzi Achraf na Sunday Inemesit.

Abakinnyi babanje mu kibuga ku ruhande rwa APR FC ni Ishimwe Pierre, Niyigena Clement, Niyomugabo Claude’ Ruboneka Jean Bosco, Byiringiro Gilbert, Seidou Dauda Youssif, Alioume Souane, Mamadou SY, Denis Omedi, Mahamadou Lamine Bah na Hakim Kiwanuka.

Ibintu birakomeye hagati ya Musanze FC na APR FC kuko umukino wabanje wabereye mu Karere ka Musanze amakipe yombi yanganyije ubusa ku busa none kugeza ubu ntawe uzi niba ari APR FC ikomeza muri ¼ cya ngwa Musanze FC.

Ikipe ya APR FC irasabwa gutsinda uyu mukino kugira ngo yizere itike ya ¼ bitaba ibyo gukomeza byayisaba kunganya ubusa ku busa maze amakipe yombi agakizwa na za penaliti.

Kunganya ibitego muri uyu mukino biraha Musanze FC amahirwe yo kugera muri kimwe cya Kane nta kujurira kubera ko yaba yinjije igitego iri mu rugo rwa APR FC kandi mu karere ka Musanze ikipe ya APR FC yo ikaba itarashoboye kwizigama impamba y'igitego cyo hanze.

Ikipe ya APR FC iramanuka mu kibuga ifite gahunda yo gutsinda uyu mukino kuko igikombe cy'Amahoro kiri mu byo umutoza Darko Novic asabwa kwegukana kugira ngo agume kwemeza abakunzi ba APR FC.

APR FC kandi ifite inyota yo kwitwara neza muri iri rushanwa kubera ko imyaka 8 irihiritse itazi uko risa.

APR FC iheruka kwegukana Igikombe cy'Amahoro mu 2017. Mu mwaka washyize yaviriyemo muri kimwe cya kane nyuma yo gusezererwa na Gasogi United.

Abakinnyi ba Musanze FC mbere y’uko umukino utangira

Abakinnyi ba APR FC ubwo bari mu myitozo mbere y’uko umukino utangira

Uko abakinnyi ba Musanze FC basesekaye kuri Kigali Pele Stadium

Uko abakinnyi ba APR FC bageze kuri Kigali Pele Stadium

Yabigarutseho mu kiganiro yagiranye n'itangazamakuru kuri uyu wa Gatatu tariki 12 Gashyantare 2025. Album ye ya 12, yatumye aca agahigo ko kuba umuhanzi wa mbere mu Rwanda ugejeje umubare w'izi Album, kuko nta wundi urazigezaho.

Ni Album ateguye mu gihe cy'imyaka ibiri, ndetse yakozweho na ba Producer batandukanye barimo Made Beats ubarizwa mu Bwongereza muri iki gihe, Aaron Niyitunga, Rwiza, Bob Pro, Didier Touch wo mu Bubiligi n'abandi benshi 'bagize uruhare nka Dawidi, Bolingo Paccy, abacuranzi ba gitari z'ubwoko bunyuranye.  

Iriho indirimbo 27 zirimo: Rwabihama, Batashye, Tsinda, Ikibasumba, MporeMpore, Urwererane, Umwali, Mbonezamakuza, Duhananye umurego, Zarwaniyinka, Milindi ya Ngoma, Kamonyi, Nyangenzi, Nyiramaliza, Amagaju, Nyaruguru Vol II, Dukumbuye Rwanda Yacu, Abe, Muyumbu wa Nziga, Twaje kugutaramira, Urabeho Shenge, Twazindutse, Iyambere Ukwakira Voll II, Sisi wenyine Vol II, Dimba Hasi Vol II, Fourteen Vol II na Vive Lange.

Massamba yabwiye itangazamakuru, ko iyi Album ye yise 'Mbonezamakuza' isohotse mu gihe yihaye gahunda y’uko azongera gusohora Album nyuma y’imyaka itanu.

Yavuze ko agiye gukora ku ndirimbo ze zirenga 100 ziri kuri izi Album 12 hanyuma 'nkazikubira mu gitabo kimwe.' Ati ‘Ni ukwandika izo ndirimbo zikajya mu manota ku buryo byorohera abantu kuzimenya, kandi zikazakomeza kubaho na nyuma yanjye.'

Ni icyemezo avuga ko yafashe bitewe n’uko aho yagiye atumirwa hirya no hino ku Isi, byamugoraga kugirango abantu baririmbe indirimbo ze, yaba mu bitaramo, ibirori n'ahandi byasabaga ko abacuranzi be n'abaririmbyi baziga mbere ye.

Ati 'Urumva rero kwandika izo ndirimbo zose ukazishyira mu manota urumva ko kari akazi kenshi cyane. Birasaba n’ubushobozi bwinshi.”     

Massamba yasobanuye ko bitewe n'umubare w'indirimbo uri kuri Album, bishoboka ko azakora ibitabo byinshi, aho buri gitabo kizaba gikubiyemo Album imwe.

Massamba asobanura ko ‘Amakuza’ ari ‘amacumu’. Ati “Njye Massamba Intore kuntandukanya n’urugamba biragoye. Muri njye hazengurutsemo indirimbo z’urugamba. Mbonezamakuza rero ni amacumu. Ndifuza ko urubyiruko rwacu mwamenya gufata amacumu, ariko nanone cyikaba bumwe mu butwari, kuko ari cyo Isi yose ituziho.”

Yavuze ko izi ndirimbo ziri kuri Album ye, zibutsa cyane urubyiruko kugira uruhare mu rugamba rwo kubaka u Rwanda. Ati “Nashakaga kugirango indirimbo z’ingabo zicengere’ mu bana”.

Yanavuze ko kuri Album ye hariho indirimbo z’abageni ‘kuko basigaye banyita Bishop Gakondo, kuko buri wa Gatandatu no ku Cyumweru mba nsohora abageni’.

Uyu muhanzi yavuze ko yahisemo izi ndirimbo z’abageni, kugirango yongere umubare w’izo asanzwe aririmba mu bukwe. Ariko kandi Album ye inariho indirimbo zigaruka ku bupfura, indangagaciro z’umuntu warezwe.

Nta muhanzi n’umwe uri kuri Album ye

Uyu muhanzi yasobanuye ko asohoye iyi Album mu gihe afite umubare munini w’abahanzi bagezweho muri iki gihe bamusaba gukorana indirimbo.

Kandi avuga ko uruganda rw’umuziki ‘rugikura’ binatuma hari umubare munini w’abahanzi wigana iby’ahandi mu bindi bihugu.

Uyu munyabigwi mu muziki yasobanuye ko kudakorana indirimbo n’abahanzi kuri Album ye, byatewe n’uko yihaye gahunda y’uko bazakorana mu gihe cy’imyaka itanu ubwo azaba ari no gukora gitabo gikubiyemo Album ye 15.

Uyu muhanzi asohoye iyi Album mu gihe aherutse gutangaza ko ku wa Gatanu tariki 21 Gashyantare 2025 azakora igitaramo azamurikiramo zimwe mu ndirimbo zigize iyi Album, kizabera kuri Institut Français.

Yasubije ko kuba ageze kuri Album ya 12, byaturutse ku muhate yashyize mu rugendo rwe rw'umuziki, no kuba ari umukuru kandi avuga kwa Sentore.

Massamba asanzwe afite ku isoko Album zirimo 'Mukomere ku muco', 'Murambarize impamvu', 'Ikaze mu Rwanda', 'Ubutumwa', 'Iyo ndirimbo', 'Intore ni Intore', 'Kanjongera', 'Uzaze urebe' n'izindi.

Album ze ziganjemo ubutumwa bw'ubutwari, umuco, ndetse n'indirimbo zicuranze mu njyana ya gakondo y'u Rwanda. Hari izindi ndirimbo yakoze zitari kuri izi Album ariko zakomeje gukundwa cyane.  

Massamba Intore yatangaje ko agiye gukora igitabo kizaba gikubiyemo Album 12

Massamba yavuze ko Album ye yamutwaye amafaranga menshi mu ikorwa ryayo, ariko yizeye kuzayagarurira mu bitaramo azakora

Massamba yavuze ko agiye kumara imyaka itanu adasohora indirimbo, ahubwo akorana indirimbo n'abandi bahanzi

Massamba ubwo yari kume n'abakobwa bo muri Kigali Protocol bamwakiriye mu kiganiro n'itangazamakuru 

KANDA HANO UBASHE KUMVA INDIRIMBO MASSAMBA INTORE YITIRIYE ALBUM YE YA 12

“>