Author: webrwanda

Byatangajwe mu iteka rya Minisitiri w'Intebe no 008/03 ryo ku wa 27 Gashyantare 2025 rimwirukana, ryasohotse mu igazeti ya Leta ku wa 3 Werurwe 2025.

Iryo teka rya Minisitiri w'Intebe rigaragaza ko yirukanwe nyuma y'uko bisabwe na Minisitiri w'Abakozi ba Leta n'Umurimo, Inama y'Abaminisitiri yateranye ku wa 30 Werurwe 2023 ikabisuzuma ndetse ikanabyemeza.

Minisitiri w'Intebe kandi yagaragaje ko Minisitiri w'Uburezi, Minisitiri w'Abakozi ba Leta n'Umurimo na Minisitiri w'Imari n'Igenamigambi bashinzwe gushyira mu bikorwa iri teka.

Mu 2022 ni bwo Eng. Mulindahabi na bagenzi be 19 bafashwe mu iperereza ryari riri gukorwa ku byaha by'ubujura no kunyereza umutungo byakorewe mu Ishuri rya IPRC-Kigali.

Eng Mulindahabi wari Umuyobozi wa IPRC Kigali, yavuzweho kunyereza umutungo ndetse ngo hari imashini ikurura amazi basanze iwe mu rugo ndetse n'indi mashini na yo ikora mu bijyanye no gutunganya amazi.

Ku wa 22 Ugushyingo 2022, Eng Mulindahabi n'abandi 11 baregwaga hamwe muri dosiye y'ubujura, gukoresha inyandiko mpimbano no kunyereza umutungo wa leta Urukiko rw'Ibanze rwa Kicukiro rwategetse ko barekurwa by'agateganyo bagenzi babo batanu barafungwa.

Icyo gihe Ubushinjacyaha ntibwanyuzwe n'imikirize y'urubanza rujurira rusaba ko Eng. Mulindahabi yakurikiranwa afunzwe nubwo we yakomeje gusaba ko yarekurwa akuburana ari hanze.

Bwari bwagaragaje ko hatwawe ibikoresho birimo indobo z'amarangi, inzugi n'amadirishya bya metallic, utubati dukorerwa muri IPRC, insiga, imashini n'ibindi bitandukanye.

Batanu Urukiko rwari rwategetse ko bafungwa harimo abahawe akazi ku bukarani bemezaga mu rukiko ko bagiye batwara ibikoresho babikuye muri IPRC Kigali bikajya bikubakishwa na bamwe muri abo bayobozi bareganwaga.

Mu byo bagaragaje batwaraga harimo amakaro, amasima, inzugi, ibyuma byo kubakisha n'ibindi.

Yaburanye ahakana ibyaha byose agaragaza ko ubuhamya bushingirwaho n'Ubushinjacyaha butari bukwiriye guhabwa agaciro kuko burimo kujijinganya.

Eng. Mulindahabi Diogène wayoboraga IPRC Kigali yirukanwe mu bakozi ba Leta

Kiriya gihe asohora indirimbo ya mbere, yumvikanaga cyane aririmba mu rurimi rw’Icyongereza ariko uko imyaka yagiye yicuma yashyize imbaraga no mu kuririmba mu rurimi rw’Ikinyarwanda. 

Yatangiye umuziki afite intangiriro, kuko yari amaze gusoza amasomo ye ku ishuri rya muzika rya Nyundo, ahakuye ubumenyi yakwifashisha mu rugendo rw’umuziki nk’abandi bose. 

Ni umukobwa wagaragaje ko ashaka gushyira itafari ku rugendo rw’umuziki w’abakobwa mu Rwanda, kandi akora ibihangano byatumye umubare munini umurangamira. Yewe, yabonye n’ibiraka hirya no hino mu gihugu ndetse no hanze yacyo .

Mu rugendo rwe, yanakoranye indirimbo n’abandi bahanzi, ndetse na ba Producer. Ariko kandi yanashyize imbere gusubiramo zimwe mu ndirimbo z’abahanzi bakomeye ku Isi nka Adele, kandi avuga ko akunda byimazeyo umuhanzi Bruno Mars.

Mu kiganiro cyihariye na InyaRwanda, Ariel Wayz yagarutse kuri zimwe muri Paji zaranze ubuzima bwe mu myaka ine ishize. Yavuze impamvu yinjiye mu muziki rimwe na rimwe asubiramo indirimbo z’abandi bahanzi, umubano we na Juno Kizigenza, Album nshya yise “Hear To Star” agiye gushyira ku isoko n’ibindi.

Ariel Wayz yasobanuye ko kwinjira mu muziki anyuzamo agasubiramo indirimbo z’abandi, bishingira ahanini mu kuba ari ibyo byamuranze mbere y’uko atangira urugendo rw’umuziki nk’umuhanzi wigenga. 

Ati “Gusubiramo indirimbo z’abandi nibyo byandanze mbere y’uko ntangira urugendo rw’umuziki. Numva rero ari ibintu bifite ikintu kinini bivuze ku muziki wanjye. Ndabikunda. Nkunda indirimbo z’abandi, rero gukurira muri uwo mutaka ngirango niyo mpamvu nkomeza kumva ntakibazo, usibye ko numva ntakibazo.”

Uyu mukobwa yavuze ko ibi byose byabanjirije imyaka ine ishize ari mu muziki. Ariko kandi yumvikanisha ko iyi myaka yaranzwe n’ibyiza n’ibibi ‘mbese ni ubuzima busanzwe’. Ati “Ibyiza bikomeje kuganza.”

Yumvikanishije ko iyi myaka ine ishize ari mu muziki, yabanjirijwe n’imibanire myiza yari afitanye n’itsinda rya Symphony Band nubwo igihe cyageze akarivamo.

Ni icyemezo kitoroshye gufata!

Ariel yavuze ko Symphony ari umuryango azahora yibuka, kuko bamubaniye neza mbere y’uko atangira umuziki ari wenyine. Ati “Ni ‘Band’ ifite inkuru yihariye mu rugendo rwanjye rw’umuziki.” Ariko kandi muri Nzeri 2020, nibwo yatangaje ko yavuye muri Symphony Band. 

Mu gusubiza, Ariel Wayz yavuze ko atorohewe no gufata icyemezo cyo kuva muri iri tsinda kuko ‘ntabwo ari ibintu biba byoroshye, kuko hari ibintu byinshi muba mwarapanze, bikaba bigiye gupfa, ukareba uburyo umuntu agiye gutuma ibyo bintu bipfa, rero ni umwanzuro umuntu afata yawutekerejeho, bimugoye.”

Yavuze ko yorohewe no kuva muri Symphony Band, kuko yakurikije ibyo umutima we wamubwiraga. Ati “Rero no gufata uwo mwanzuro ni uko byagenze. Numvise ari ikintu ngomba kuvugaho ako kanya, aho ngaho.”

Yavuze ko yagiye kwiga ku Nyundo ‘mbizi ko ngomba kuba umuhanzi, ngomba kuba umusitari’. Ati “Nagiye mu bintu nkunze, akaba ari nabyo bintunze. Ni zo zari inzozi.”

Uyu mwari yavuze ko kujya kwiga umuziki byanashingiye mu kuba ababyeyi be baramushyigikiye cyane. Kandi ngo akiri muto nabwo yakundaga kuririmba ‘byatumye ababyeyi banjye numva ko umuziki ari ikintu cyanjye’. Ati “Ntekereza ko ariyo mpamvu bemeye kunshyigikira.”

Ariel yavuze ko nta mubyeyi ukwiye kubuza umwana we gukurikira inzozi ze. Ati “Gushyigikirwa n’umubyeyi ni ikintu uba ukeneye cyane. Rero, iyo udashyigikiwe biri mu bintu bishobora gutuma utagera ku nzozi zawe. Ikintu nabwira umubyeyi wese ni uguha amahirwe uwmana wawe.”

Yakurikijwe agahinda gakabije! 

Ariel Wayz yavuze ko akimara kuva mu itsinda rya Symphony Band yagize agahinda gakabije ahanini bitewe n’ubutumwa yakiraga kuri telefone bw’abantu bamubwiraga nabi, umutima we unanirwa kubyakira.

Yavuze ko byamurenze ku buryo n’ubu kubasha kubisobanura atari ikintu cyoroshye. Ariel avuga ko yakomerewe ahanini bitewe n’uko byari ibintu bishya kuri we, kuko atari asanzwe amenyereye gutukwa.

Avuga ko ubu yamaze kwakira ko ikintu cyose yakibazwaho, kandi afite uburyo yagisubizamo. Ati “Ubu namenye ko umuntu wese afite uko yakira ikintu, kandi n’uburyo yagisubizaho. Rero, icyo nicyo cyabaga ikibazo, kubireba bikambaza, ariko ndashima ko ubu ngubu mbireba nkabirenga.”

Ariel yavuze ko gusohoka mu gahinda gakabije, yibutse impamvu yinjiye mu muziki ‘ndongera ndahagaruka njya muri studio njya gukora’. Ariko kandi avuga ko umuryango we, inshuti n’abandi bamubaye hafi cyane.

Yavuze ko nubwo yanyuraga mu bihe bishaririye umutima we, ariko ntiyigeze atekereza mu kuba yasubira muri Symphony Band.

Away yabaye Away!

Ku wa 18 Nyakanga 2021, nibwo Ariel Wayz yashyize ku rubuga rwe rwa Youtube indirimbo ‘Away’ yakoranye na Juno Kizigeza. Kuva icyo gihe kugeza uyu munsi imaze kurebwa inshuro zirenga Miliyoni 5.

Ni indirimbo yacuranzwe cyane mu bitangazamakuru by’imbere mu gihugu, iherekezwa n’inkuru y’uko bombi bakundana.

Bifashishije imbuga nkoranyambaga bateranye imitoma karahava, ariko kandi igihe cyarageze buri umwe aca ukwe.

Ariel Wayz yabwiye InyaRwanda ko iyi ndirimbo ari nziza kandi “yamfunguriye imiryango myinshi’ kandi ‘impora ku mutima’.

Yasobanuye ko gukorana na Juno Kizigenza ari ibintu byikoze, kuko atari afite muri gahunda gukorana nawe.

Ati “Ni indirimbo yikoze. Twari muri ‘studio’ yamperekeje ngiye gukora indirimbo ari njye wamubwiye ngo tujye muri ‘studio’ umperekeze birangira ndirimbye, nawe ahita aririmbamo gutyo.”

Uyu mukobwa yavuze ko yari yagiye muri studio n’ubundi agiye gukora iyi ndirimbo ‘Away’ ariko ko bitewe n’ibihe yagiranye na Juno muri ‘studio’ byagejeje ku ikorwa ry’iyi ndirimbo.

Yavuze ko atajya kure y’abantu bavuga ko bari barishimiye urukundo rwabo nubwo baje gutandukana. Ati “Ntabwo nabahakanya rwose niba bari barabikunze. Ni uburenganzira bwabo. Ntabwo nabahakanya, ngo mvuge ngo ibyo bavuga atari byo.”

Ariel Wayz yashimangiye ko atorohewe no gufata umwanzuro wo gutandukana na Juno Kizigenza. Kandi ko nta byinshi amukumburaho ahanini bitewe “n’uko turacyari kumwe, turacyavugana, rero ntacyo gukumbura gihari mu buzima bwa buri munsi.”

Aritegura gusohora Album ye ya mbere

Iyi album izaba igizwe n'indirimbo 12, izajya hanze ku mugaragaro ku wa 8 Werurwe 2025, ku munsi Mpuzamahanga wahariwe Abagore. 

'Hear to stay'' ni album ikubiyemo urugendo rw'imyaka ine Ariel Wayz amaze mu muziki, ibihe byiza yawugiriyemo ndetse n'ingorane yahuriyemo na zo.

Mu butumwa bwe, Ariel Wayz yatangaje ko 'Hear to stay irenze kuba album y'indirimbo, ni ubuzima bwanjye mu muziki.''

Indirimbo ziri kuri album ya Ariel Wayz, zikubiyemo ubutumwa bw'urukundo, ubudaheranwa n'ingorane abari n'abategarugori banyuramo mu muziki. 

Izi ndirimbo zumvikanaho umwimerere wa Ariel Wayz binyuze mu myandikire ye inoze irimo ibarankuru, iherekejwe n'ijwi rinyura amatwi y'uryumva, rigakurura amarangamutima ye.

Yakomeje ati 'Iyi album ivuga ku rugendo rwanjye, gukura kwanjye, intambara nahuye na zo n'uko nihebeye umuziki. Nifuza ko abakunzi banjye bazatega amatwi indirimbo ziyiriho kuko bizatuma bumva neza impamvu ndi mu muziki by'iteka.''

Ariel Wayz yavuze ko yahisemo 'Hear to Stay' nk'izina rya album kuko yashakaga guha agaciro urukundo abahanzi berekwa n'abakunzi babo.

Ati 'Nashakaga gutera ibuye rimwe nkica inyoni ebyiri. Izina uryumvise wariha ibisobanuro bibiri birimo icya mbere cy'uko abakunzi b'umuziki bakwiye kuwumva ukabagumamo. Icya kabiri ni uko urwo rukundo rutuma tuguma mu muziki.''

Ibyo wamenya kuri Ariel Wayz

Uwayezu Ariel, ukoresha amazina ya Ariel Wayz mu muziki, afite imyaka 22. Yatangiye kwiyumvamo impano yo kuririmba afite imyaka ine.

Mu kwagura impano ye, mu 2016 Ariel Wayz yagiye kwiga umuziki mu Ishuri ry'u Rwanda ry'Umuziki ryahoze ku Nyundo.

Agisoza amasomo ya muzika, yaririmbye mu Itsinda Symphony Band mbere y'uko atangira urugendo nk'umuhanzi wigenga mu ntangiriro za 2019.

Ariel Wayz yamenyekanye mu ndirimbo zitandukanye zirimo 'Away' yakoranye na Juno Kizigenza, 'You Should Know', 'Wowe Gusa', 'Good Luck', 'Katira' yakoranye na Butera Knowless. Indirimbo aheruka gusohora yayise 'Made for you' yayikoze nk'impano yageneye abakundana. 

Kuva atangiye umuziki, Ariel Wayz amaze gushyira hanze EP ebyiri zirimo Love & Lust yasohotse ku wa 10 Ukuboza 2021 ndetse na TTS (Touch The Sky) yo muri Nzeri 2022. 

Ariel Wayz yatangaje ko imyaka ine ishize ari mu muziki yaranzwe n'ibyiza n'ibibi

Ariel Wayz yavuze ko indirimbo yakoranye na Juno Kizigenza yamutunguye, kuko atari ibintu bari bapanze

KANDA HANO UBASHE KUREBA IKIGANIRO KIHARIYE TWAGIRANYE NA ARIEL WAYZ

“>

VIDEO: Melvin- Pro: InyaRwanda.com

Guverinoma ya Madagascar yemeje kandidatire ya Ngororano ku wa 1 Werurwe 2025.

Ubutumwa bwashyizwe ku rukuta rwa X rw'Ishami rya Loni rishinzwe intego z'iterambere rirambye bwifuriza ishya n'ihirwe 'Ngororano Anthony washyizweho n'Umunyamabanga Mukuru wa Loni ngo ayobore abakozi bacu muri Madagascar, bateza imbere intego z'Isi nta muntu n'umwe usigaye inyuma.'

Ngororano afite uburambe bw'imyaka irenga 20 mu bijyanye no kwita ku iterambere rirambye, no mu miyoborere y'Umuryango w'Abibumbye hamwe n'inzego z'abikorera.

Mu myaka yashyize yabaye Umuyobozi w'Ishami ry'Umuryango w'Abibumbye ryita ku Iterambere, UNDP, muri Kenya aho yagiye avuye mu mwanya nk'uyu muri Mauritanie.

Mbere yo kujya muri Mauritanie yari Umuyobozi Nshingwabikorwa mu biro by'Umuyobozi Mukuru w'Ishami ry'Umuryango w'Abibumbye ryita ku Mibereho Myiza y'Abaturage (UNFPA) i New York, ndetse yakoze inshingano nyinshi mu Ishami rya Loni rishinzwe Iterambere ry'Abagore, aho yarihagarariye muri Haiti ndetse akurira agashami gashinzwe Afurika mu biro byaryo i New York.

Ngororano kandi yabaye Umujyanama Mukuru mu by'Ubukungu wa Minisitiri w'Intebe mu Rwanda. Mbere yaho yari yarabaye umujyanama mu biro bya UNDP bishinzwe Afurika biri muri New York, n'umujyanama muri gahunda za politike n'igenamigambi muri UNDP ishami rya Nigeria, Zambia n'u Rwanda.

Uyu mugabo yanabaye umujyanama mu by'ishoramari muri Citigroup N.A muri Kenya na Tanzania. Imirimo y'ibijyanye n'imari n'ubukungu yayitangiriye muri Uganda, aho yari ashinzwe ubukungu muri Minisiteri y'Imari n'Igenamigambi n'Iterambere ry'Ubukungu ya Uganda.

Ngororano afite impamyabumenyi y'icyiciro cya gatatu cya Kaminuza mu Iterambere ry'Ubukungu yakuye muri Kaminuza ya East Anglia n'indi ijyanye n'Imibanire n'Amahanga (International Relations) yakuye muri Kaminuza ya Sussex.

Afite kandi impamyabumenyi y'icyiciro cya gatatu cya kaminuza mu bijyanye n'ubukungu yavanye muri kaminuza ya Edinburgh.

Umuhuzabikorwa w'Amashami ya Loni mu gihugu ni we uba ukuriye abandi bakozi bose b'uyu muryango n'abayobozi b'amashami yawo bakorera mu gihugu ashinzwe.

Aba ashinzwe guhuza ibikorwa by'amashami yose, hagamijwe iterambere ry'igihugu akoreramo, agaharanira imikorere myiza n'ubwisanzure bwa buri shami kandi akaba ikiraro gihuza Loni na Guverinoma y'igihugu.

Anthony Ngororano yagizwe Umuhuzabikorwa w’Amashami ya Loni muri Madagascar

Yabigarutseho ubwo yari mu Nteko Ishinga Amategeko y'u Rwanda, Umutwe w'Abadepite mu biganiro yagiranye n'Abagize Komisiyo y'Imiyoborere, Uburinganire n'Ubwuzuzanye bw'Abagabo n'Abagore, bishingiye ku bibazo byagaragaye muri raporo y'Urwego rw'Igihugu rw'Imiyoborere RGB.

Iyo raporo yagaragaje ko urwego rw'uburezi rwishimiwe n'abaturage ku kigero cya 76,0%. Hari ibyo abaturage bagaragaje ko batishimiye muri serivisi zitangwa muri urwo rwego.

Politiki y'ikoranabuhanga mu burezi igena ko abanyeshuri mu byiciro byose bagomba gutegurwa no guhabwa ubumenyi bwose bubafasha guhatana bijyanye n'ikinyejana cya 21 aho ubukungu bwose bushingiye ku ikoranabuhanga.

Iyi politiki yemejwe n'Inama y'Abaminisitiri yo muri Mata 2016 ni yo ikigenderwaho icyakora hari amakuru ko iri mu nzira zo kuvugururwa.

Minisitiri Nsengimana yagaragaje ko hakozwe byinshi mu guteza imbere ikoranabuhanga aho kuri ubu ibigo by'amashuri bifite icyubamba cy'ikoranabuhanga 'Smart Classroom' bingana na 64%.

Ati 'Ibigo 64% bimaze guhabwa Smart classroom. Hari ibifite imwe n'ibifite ebyeri. Gushyiraho Smart Classroom bigendera ku mashuri afite afite ibyumba byihariye ishobora kujyamo. Ugasanga rero hari abafite icyumba kimwe cyangwa hari n'abadafite icyumba gishobora kujyamo. Hari n'ibigo bifite ibyumba bibiri byihariye, Smart Classrooms tukazigira ebyiri bakabona mudasobwa 105 aho kuba 55 zijya mu cyumba kimwe.'

Yakomeje agaragaza ko muri gahunda ya NST2 ari uko ibigo byose by'amashuri bizaba bifite Smart Classrooms kandi zinakoreshwa uko bikwiye.

Ati 'Icyo tugamije muri NST2 ni uko Smart Classrooms zagera ku mashuri yose, ubwo turacyabura 36% by'ibigo bigomba kuzibona. Bimwe muri ibyo bigo usanga harimo n'ibidafite umuriro w'amashanyarazi ubwo bizibona ari uko byamaze kubona amashanyarazi.'

Yavuze ko abarimu bahugurwa kugira ngo bemenye uko bakwiye kubyaza umusaruro ibyo byumba by'ikoranabuhanga nk'uko bikwiye.

Yerekanye kandi ko hari aho usanga ibigo by'amashuri bidakoresha ibyo byumba uko byagenwe, ahandi bakabifunga ngo abana batangiza izo mudasobwa kandi zaragenewe kwigirwaho.

Ati 'Bimwe mu byo twabonye ni uko hari amashuri yagize ibyo byumba ibyo kwigiramo isomo ry'ikoranabuhanga (ICT) gusa aho kugira ngo babikoreshe no mu yandi masomo. Birasaba ko twongera kubahugura kugira ngo bamenye ko atari byo yagenewe. Hari n'amashuri amwe n'amwe wasangaga bazifunze ngo abana batazica cyangwa ugasanga batazikoresha, aho rero tugenda twibutsa impamvu zirimo no kugira ngo bazikoreshe.'

Yemeje ko kuri ubu hagiye kujya hanatangwa amafaranga ashobora kwifashishwa mu gucungira umutekano ibyo byumba bya Smart Classroom mu buryo bwa kinyamwuga, hirindwa ko ibibazo bikunze kugaragara byo kwibwa kwa mudasobwa.

Hari kandi amasezerano Urwego rw'Igihugu rw'Uburezi bw'Ibanze REB rugiye kugirana n'ikigo kizajya gifasha mu gukora imashini zagize ikibazo kandi nabyo bizatanga umusaruro.

Yashimangiye ko hari gahunda yo guhugura abiga uburezi haba mu mashuri nderabarezi ndetse n'abiga muri Kaminuza ibijyanye n'uburezi ku ikoreshwa ry'ikoranabuhanga mu burezi.

Gahunda ya Smart Classroom yatangijwe hagamijwe guteza imbere ikoranabuhanga mu mashuri abanza n'ayisumbuye. Buri cyumba kiba kirimo mudasobwa 50, zishyirwamo amasomo ari mu ikoranabuhanga ajyanye n'ubumenyi ndetse n'ururimi rw'Icyongereza.

Minisitiri w'Uburezi mu Rwanda, Nsengimana Joseph, yavuze ko bitarenze 2029 amashuri yose azaba afite smart classrooms

Ibyumba by’ikoranabuhanga bifasha abanyeshuri

Aho ibyo byumba by’amashuri byashyizwe umusaruro ugenda uboneka

Ku Cyumweru itariki 2 Werurwe 2025 ni bwo Ishyirahamwe ry'Umupira w'Amaguru mu Rwanda ryatangaje ko Umunya-Algeria, Adel Amrouche ari we mutoza mushya w'Amavubi asimbuye Frank Spittler. Azungirizwa na Eric Nshimiyimana ndetse n'Umudagekazi Dr Carolin Braun.

Amrouche, umutoza ukomoka muri Algeria ariko ufite ubwenegihugu bw'u Bubiligi, yagize urugendo rudasanzwe rwamugejeje ku rwego rw'abatoza bakomeye muri Afurika.

Adel Amrouche yavukiye i Kouba, muri Algeria, ku itariki ya 7 Werurwe 1968. Yatangiye gukina umupira w'amaguru akiri muto, ahitamo gukina mu kibuga hagati nk'umukinnyi ushinzwe kurinda ba myugariro (Defensive Midfielder).

Adel Amrouche yanyuze mu makipe akomeye nka CR Belouizdad na JS Kabylie mu gihe cy'ubuto bwe, akomeza kwigaragaza muri OMR El Anasser, USM Alger ndetse aza no gukina mu Burayi muri Favoritner AC (Austria), RAA Louvière, RAEC Mons, Termonde, na SK Lombeek-Liedekerke zo mu Bubiligi.

Nyuma yo guhagarika gukina umupira, Amrouche yahisemo kwinjira mu mwuga w'ubutoza. Yatangiye nk'umuyobozi wa tekinike muri FCA Brussels mu 1995, ahava yerekeza muri Royale Union Saint-Gilloise aho yamaze imyaka itandatu akora nk'umuyobozi wa tekinike.

Nyuma yo kwigaragaza nk'umutoza ushoboye mu Burayi, yerekeje muri Afurika aho yatangiye gutoza DC Motema Pembe yo muri Repubulika Iharanira Demokarasi ya Congo.

Mu 2004, yahawe inshingano zo gutoza Ikipe y'Igihugu ya Guinée Equatoriale, ariko ntiyahatinze kuko yahise ajya muri Gençlerbirliği SK yo muri Turikiya, nyuma yaho agasubira muri Motema Pembe.

Adel Amrouche yakomeje kugenda yerekana ubuhanga bwe nk'umutoza, ahabwa amahirwe yo gutoza Burundi kuva mu 2007 kugeza mu 2012, aho yafashije iyi kipe kuzamuka ku rwego mpuzamahanga. 

Nyuma y'iyi myaka, yerekeje muri Kenya, ayifasha kubona umwanya mwiza mu irushanwa rya CECAFA Kagame Cup mu 2013.

Nyuma y'akazi keza yakoze muri Kenya, yaje gutoza amakipe n'ibihugu bitandukanye harimo Libya (2018), Botswana (2019 – 2022), Yemen (2022 – 2023), Tanzania (2023 – 2024), ndetse ubu akaba ari umutoza mushya w'Amavubi, ikipe y'igihugu y'u Rwanda.

Amrouche ni umutoza uzwiho kugira imyumvire ikomeye ku miyoborere y'amakipe, ndetse agashyira imbaraga mu gushyiraho uburyo bwo gukina bugendeye ku ngufu, ubuhanga n'ikinyabupfura. 

Akunda gukoresha abakinnyi bafite ubuhanga bwo gukina umupira muto kandi basatira banyuze mu mpande.

Mu bihe bye nk'umutoza, yakunze kunengwa ku kuba afite imyitwarire ikomeye, ariko nabyo byamufashije gukomeza kuba umutoza ushakishwa n'amakipe atandukanye. 

Afite impamyabumenyi y'Ubutoza ya UEFA Pro License, akaba yarize muri Higher Institute of Science and Technology of Sport.

Ku wa 2 Werurwe 2025, Ishyirahamwe ry'Umupira w'Amaguru mu Rwanda (FERWAFA) ryatangaje ko Amrouche ariwe mutoza mushya w'ikipe y'igihugu. 

Ibi byateye amatsiko abakunzi b'Amavubi, kuko benshi bagize amatsiko y'uburyo azafasha ikipe kuzamura urwego no kubona itike yo kwitabira amarushanwa akomeye.

Adel Amrouche mu nshingano zo gutoza ikipe y'igihugu y'u Rwanda afite akazi gakomeye ko gusigasira ibyagezweho n'umudage Trossten Frank Spitller ubwo yatozaga u Rwanda. 

Uyu mutoza asanze u Rwanda ruyoboye itsinda C mu gushaka itike yo kujya mu gikombe cy'isi cya 2026 kizakinirwa muri USA, Canada na Mexico. 

Muri iryo tsinda u Rwanda ruri imbere y'ibihugu by'ibihangange nka Nigeria, Benin, South Africa, Lesotho na Zimbabwe.

Umutoza mushya w’Amavubi Adel Amrouche niwe uhanzwe amaso kujyana u Rwanda mu gikombe cy’isi

Adel Amrouche ni we mutoza mushya w’u Rwanda

Ku Cyumweru ni bwo Adel Amrouche yatangajwe nk’umutoza mushya w’u Rwanda

Ku Cyumweru tariki ya 9 Werurwe Saa Kumi n’Ebyiri nibwo ikipe ya APR FC izakira Rayon Sports mu mukino wo ku munsi wa 20 wa shampiyona y’icyiciro cya mbere mu Rwanda muri Stade Amahoro.

Amatike y’uyu mukino yamaze kujya hanze aho ahasanzwe hejuru ari 3000 Frw, ahasanzwe hasi hakaba ari 5000 Frw,VIP ikaba 30,000 Frw,VVIP ikaba 50,000, Executive Seats ikaba 100,000 Frw naho SKY Boxes ikaba ari 1,000,000 Frw.

Mbere y’uko uyu mukino ukinwa Rayon Sports iri mu bibazo bitandukanye itakabaye yifuza kubamo mbere yo guhura na mukeba w’ibihe byose .

Ibibazo mu buyobozi 

Ubwo ubuyobozi bushya bwa Rayon Sports bwatorwaga mu kwezi kwa 11 mu mwaka ushize wa 2024,  benshi batunguwe no kubona hatowe abayobozi b’inzego ebyiri aho bamwe bagiye mu rwego rw’ikirenga naho abandi bandi bagahabwa kuyobora umuryango wa Rayon Sports.

Ibi byateye benshi kwibaza niba ibi bihanga bibiri bitazarwanira mu nkono imwe ndetse hibazwa n’inshingano za buri rwego gusa aba bayobozi bo bakerekana ko ibintu bisobanutse ndetse nta kibazo kizabamo.

Mu minsi ya mbere ubumwe bw’Aba-Rayon bwari bwose gusa bidatinze uwitwa Munyakazi Sadate wari watorewe kujya mu rwego rw’ikirenga yerekanye ko bitazoroha aba atangiye kwandikira ikipe ayishyuza amafaranga yayigurije mu myaka 5 ishize ndetse ibyo kuyiba hafi birangira ubwo.

Abandi basigaye bakomeje gusenyera umugozi umwe berekana ko ibya Sadate batabyitayeho gusa uko iminsi yagiye igenda hatangira kuvuka ibibazo muri bo.

Byatangiye ku isoko ry’igura n’igurisha ku bakinnyi ryo mu kwezi kwa Mbere aho bamwe bashakaga abakinnyi bamwe naho abandi ntibabashake.

Ibibazo byakomereje mu nama y’inteko rusange idasanzwe yabaye mu ntangiriro z’ukwezi gushize kwa Kabiri aho habayeho ukutumvikana gukomeye ku bijyanye n’amategeko mashya yarimo aratorwa.

Amakuru InyaRwanda ifite ni uko ubu hari bamwe mu bayobozi ba Rayon Sports bamaze kuva ku rubuga rwa Whatsapp bahuriragaho ndetse ngo harimo bamwe bifuza ko Twagirayezu Thaddée uyobora umuryango wa Murera yakweguzwa hagashyirwaho undi muyobozi naho abandi bo bakifuza kwegura ubwabo.

Ntabwo ari ibibazo byo kutimvikana biri mu buyobozi bwa Rayon Sports gusa kuko harimo n’ibyo kudaha abafana ibyo babemereye. Mbere y’uko imikino yo kwishyura ya shampiyona itangira, bari bemereye ikipe imodoka ndetse no kugura abakinnyi bakomeye gusa birangira nta na kimwe gikozwe.

Kuri ubu muri Rayon Sports haravuhwamo ibibazo mu buyobozi 

Ibibazo mu batoza

Ikipe ya Rayon Sports igiye gucakirana na APR FC ifite ibibazo mu batoza aho uwari umutoza w’ungirije,Quanane Sellami yayisezeyeho avuga ko agiye kwita ku mugore we urwariye iwabo muri Tunisia.

Nubwo ariyo mpamvu uyu mutoza yatanze ariko amakuru avuga ko nawe atari amaze iminsi yishimiye uburyo afatwamo aho ngo mu minsi yashize abakinnyi n’abandi bahembwe umushara w’ukwezi kwa Mutarama gusa we ntahembwe.

Ntabwo ari ibi gusa kuko bivugwa ko umutoza Mukuru muri Rayon Sports, Robertinho atumvukana n’uwongerera imbaraga abakinnyi, Lebitsa Ayabonga uheruka kugarurwa.

Ni nyuma y’uko kandi mu minsi yashize byavuzwe ko Robertinho ashobora kwirukanwa bitewe nuko ikipe idafite umusaruro mwiza ndetse abakinnyi bakaba bamaze iminsi batishimiye uburyo abatozamo.

Ibibazo mu bakinnyi 

Ikipe ya Rayon Sports yitegura gucakirana na APR FC ifite ibibazo mu bakinnyi aho bamwe mu nkingi zayo za mwamba bavunitse.

Rutahizamu uyoboye abandi mu gutsinda ibitego byinshi muri iyi kipe ndetse akaba ari nawe uyoboye abandi muri shampiyona,Fall Ngagne yagize ikibazo cy’imvune gituma azamara uyu mwaka wose w’imikino adakina ndetse yabazwe ku wa Gatandatu.

Kapiteni w’iyi kipe, Muhire Kevin nawe yaravunitse dore ko imikino ibiri ya shampiyona iheruka kongeraho n’ubanza wa 1/4 mu gikombe cy’Amahoro ntabwo yigeze ayikina. 

Inkuru nziza kuri uyu mukinnyi ukina mu kibuga hagati afasha ba rutahizamu gusatira we nuko yatangiye imyitozo ndetse akaba yiteguye kuzakina na APR FC.

Mu bandi bakinnyi bavunitse harimo Youssou Diagne na Souleymane Daffe kandi bose basanzwe babanza mu kibuga.

Usibye aba bavunitse kandi , abakinnyi iyi kipe yaguze mu kwezi kwa Mbere ntabwo baragaragaza ko hari kinini bayifasha dore ko usibye Souleymane Daffe na Biramahire Abbedy abandi bo batarabona n’unwanya uhagije wo gukina.

Ibibazo mu musaruro 

Bimwe mu bibazo bikomeye ikipe ya Rayon Sports ifite kugeza ubu harimo n’iby’musaruro udahagaze neza kubera ko mu mu mikino itanu iheruka ya shampiyona ifitemo intsinzi imwe gusa.

Yatsinzwe na Mukura VS,inganya na Musanze FC,itsinda Kiyovu Sports,inganya n’Amagaju FC ndetse inangana na Gasogi United.

Bivuze ko mu manota 15 yashobokaga yabonyemo amanota 6 gusa ibyanatumye yararushaga mukeba wayo amanota 5 none kuri ubu hakaba harimo amanota 2 gusa.  

Ubwo umukino wo ku Cyumweru Rayon Sports idacunze neza ushobora kuzasiga ivuye ku mwanya wa mbere ndetse igahita itangira no kugenda iva ku gikombe gake gake. APR FC iramutse itsinze yahita ifata umwanya wa mbere ubundi ikayirusha inota rimwe.

Rayon Sports ibintu byose bikomeze neza

Mu batoza ba Rayon Sports haravugwamo ibibazo aho Quanane Sellami wungirije Robertinho we yamaze no gusezera

Twagirayezu Thaddée we yatangaje ko bigoye kwitegura gukina na APR FC mu minsi 9 gusa

Rayon Sports igiye gukina na APR FC ifite ibibazo by’imvune 

Ni indirimbo yari itegerejwe mu buryo bukomeye. Byanatumye, na n’uyu munsi The Ben akiyibazwaho, akavuga ko asaba imbabazi mugenzi we Bull Dogg kubera ko itigeze ijya hanze mu gihe we yabishakaga. Ubu, ibitse mu kabati, n’ubwo bigoye kumenya nyiri ako kabati. 

Uti byagenze gute? 

Mu 2021, nibwo Bull Dogg na The Ben batangaje ko bari gukorana indirimbo, kandi ko izaba idasanzwe mu rugendo rwabo rw’umuziki. Ni nyuma y’indirimbo ‘Impfubyi’ bakoranye yari imaze igihe ica ibintu hirya no hino.

Iyi ndirimbo ‘Impfubyi’ kugira ngo bayikorane, byabaye mu buryo bw’impanuka, kuko Bull Dogg yigeze kuvuga ko bayikoranye bombi bataziranye.

Mu kiganiro na ‘Don Podcast’ hari aho Bull Dogg yagize ati 'Urumva Lick Lick na The Ben bari inshuti, umunsi umwe The Ben yari kuri studio yumva indirimbo arayikunda ariko ntiyashima inyikirizo Lick Lick yari yakoze amusaba ko yayisubiramo. 

Mvuye mu ngando ngeze kuri studio nasanze yararangiye imeze neza bansaba ko nashyira The Ben mu itangira ryayo!'

Yasobanuye ko iyi ndirimbo yasohotse, hanyuma amenyana na The Ben bahuriye ku rubyiniro mu gitaramo kimwe. 

Ati 'Aho naviriye mu ngando naje gutumirwa mu gitaramo ngihuriramo na The Ben, ntabwo twari twarigeze dutegura kuririmbana iyi ndirimbo ku rubyiniro. Mu gihe rero nari ndi kuririmba nagiye kubona mbona arazamutse numva birandenze.'

Nyuma y’iyi ndirimbo, buri umwe yakomeje imishinga kugeza ubwo mu 2021 batangazaga ko bagiye kongera gukorana indirimbo.

Amakuru agera kuri InyaRwanda agaragaza ko The Ben yatangiye gukorana iyi ndirimbo na Bull Dogg, ari no mu mishinga y’indirimbo ‘Why’ yakoranye na Diamond imaze kurebwa inshuro zirenga Miliyoni 24 ku rubuga rwa Youtube.

Kuva muri Nyakanga 2022, Bull Dogg yahise atangira kuganira n’itangazamakuru agaragaza ko yahemukiwe na The Ben nyuma y’uko bakoranye indirimbo ariko ntisohoke.

Ku wa 21 Ukwakira 2022, yabwiye MIE Empire ko The Ben yamuhemukiye mu buryo bukomeye kuko indirimbo bakoranye itigeze isohoka, nyamara barakoze buri kimwe.

Ushingiye ku gihe yabitangarije, hari hashize amezi atandatu indirimbo ‘Why’ The Ben yakoranye na Diamond isohotse. Bivuze ko yari yamaze kwemeranya na The Ben kudasohora iyi ndirimbo.

Ari muri kiriya kiganiro, Bull Dogg yavuze ko atazongera kuvuga ukundi ku kibazo cye na The Ben kuko yamuhemukiye. 

Ati “Reka mbabwize ukuri. Uriya mutipe yarananiye, yarananije, naramwihoreye kandi sinzongera kubivugaho. Indirimbo ifite amashusho yararangiye na hano ndayifite kuri telefoni.'

Kuva kiriya gihe, abantu bari batarumva ijambo rya The Ben, ku cyatumye iyi ndirimbo idasohoka, kugeza ubwo ku wa 9 Gicurasi 2024 yabwiraga itangazamakuru ko yandikiye Bull Dogg ubutumwa bumusaba imbabazi.

Ati 'Bull Dogg naramwandikiye, musaba imbabazi. Muri iki gihe ntabwo ari ugusohora indirimbo uko wishakiye, habanza kubaho kuganira kuri sosiyete izacuruza iyo ndirimbo yaba iyanjye cyangwa se iya Bull Dogg. Ndi umufana wa Bull Dogg, turi umuryango. Ndabizeza ko tuzakora indirimbo mu gihe gikwiriye, igasohoka kandi izagera ku Banyarwanda.'

Imyaka ine irashize, ariko The Ben aracyasaba imbabazi 

Ku mugoroba wo kuri uyu wa Mbere tariki 3 Werurwe 2025, The Ben yagarutse i Kigali avuye mu rugendo i Zanzibar muri Tanzania ahatangiwe ibihembo bya 'Trace Awards' byihariwe na Rema wo muri Nigeria.

Mu kiganiro yagiranye n'itangazamakuru akigera i Kigali, uyu mugabo yongeye kubazwa ku ndirimbo ye na Bull Dogg, asubiza ko tariki 14 Ukuboza 2024, yongeye kwandikira no kuvugana n'uyu muraperi amusaba imbabazi, kandi yizeye ko yamubabariye.

Ati “Njyewe nk’umuntu nakoze iby’umuntu yakora. Nahamagaye Bull Dogg inshuro nyinshi. Ubwo mperuka ni tariki 14 Ukuboza 2024 nsaba imbabazi Bull Dogg, ubwo ni indi nshuro kuko nari narazimusabye mbere.”

The Ben yavuze ko ariwe wasabye Bull Dogg ko indirimbo bakoranye itasohoka, bitewe n'uko yiteguraga gusohora 'Why' yakoranye na Diamond.

Avuga ati 'Bull Dogg yifuzaga ko tuyisohora mu gihe twari tugiye gusohora ‘Why’ (yakoranye na Diamond) nsa nk’umugira inama, ndamubwira nti Bull Dogg nidusohora indirimbo igasohokana na ‘Why’ iraza kuzimirira muri ‘Why’ kuko abantu bari bayiteze cyane.”

Yavuze ko yubaha Bull Dogg kandi “ndamusaba imbabazi nanone.” The Ben avuga ko yiteguye gukora buri kimwe cyose cyatuma umubano we na Bull Dogg wongera gushibuka. Ati 'Namubwiye ko niteguye gukora kintu cyose cyatuma njye nawe twongera kuzana ubuvandimwe bwacu, arambwira ati agiye kubitekerezaho.”

The Ben yumvikanishije ko yiteguye kwishyura indirimbo mu gihe cyose Bull Dogg yaba yamaze kwakira mu mutima we kurenga ibyabatandukanya. Ati “Niteguye kubikora. Kuko njye nita ku kintu cyampuza n’umuntu kurusha icyantandukanya nawe. Nditeguye ijana ku ijana.”

Yavuze ko yagiye anandikira ubutumwa bwo kuri Instagram, Bull Dogga amusaba imbabazi ‘kandi nawe arabibona, kandi buri gihe mpora mbivuga’.

Bull Dogg yarinangiye?

Ku wa 1 Mutarama 2025, The Ben yakoreye igitaramo gikomeye muri BK Arena yamurikiyemo Album ye “Plenty Love” iriho indirimbo 12.

Mu bahanzi bamufashije ku rubyiniro, harimo n’itsinda rya Tuff Gang ritagaragayemo Bull Dogg wari witezwe na benshi.

Nyuma y’uko atagaragaye ku rubyiniro, havuzwe byinshi bijyanye n’uko uyu muraperi atitabiriye igitaramo cy’uyu muhanzi ahanini bitewe n’ibibazo bafitanye bishamikiye ku ndirimbo ‘Rotate’ bari barakoranye.

Mu kiganiro aherutse kugirana na 3D TV, Bull Dogg yumvikanishije ko yarenze ibibazo yagiranye na The Ben kuko bimaze igihe kinini. Ariko kandi yumvikanishije ko The Ben atigeze amutumira, kandi yubaha amahitamo ya buri umwe.

Ati “Ibyo ngibyo ni ibintu bya kera byarangiye. Ubwo nyine ubushuti bwararangiye. Ikindi hano mu muziki aba ari ibintu by’inyungu cyane, urabyumva nyine hari igihe umuntu mushobora kubana ku bw’inyungu runaka, zarangira agakomeza.”

Akomeza ati “Nta mfitanye na The Ben. Nta kibazo mfitanye n’umuntu uwo ari we wese. Umuntu akora ibintu mu buryo bwe. Byaba ikibazo ari uko hari ibyo yangombaga akaba yarabinyimye.”

Mu butumwa yatambukije ku rubuga rwe rwa Instagram mu ijoro ryo kuri uyu wa Mbere tariki 3 Werurwe 2025, Bull Dogg yagaragaje ko atinangiye umutima, ashimangira ko nta kibazo afitanye na The Ben. Ati “Nta kibazo mfitanye n’umugabo [Yirinze kumuvuga mu izina] ariko njyewe ‘wangu’ (nshuti).”

Bull Dogg yatangaje ko nta kibazo afitanye na The Ben 'yirinze kumuvuga mu izina' n'ubwo imyaka ine ishize bakoranye indirimbo ikibitse mu kabati 

The Ben yongeye gusaba imbabazi, yumvikanisha ko Bull Dogg ataramubabarira, ariko kandi yiteguye gukora buri kimwe cyatuma biyunga 

The Ben yavuze ko ariwe wasabye Bull Dogg kudasohora iyi ndirimbo bitewe n'uko yitegura gusohora indirimbo 'Why' yakoranye na Diamond

KANDA HANO UREBE IKIGANIRO TWAGIRANYE NA THE BEN UBWO YARI AGEZE MU RWANDA

“>

Yabitangaje ubwo yaganiraga n'itangazamakuru ageze ku kibuga cy'indege Mpuzamahanga cya Kigali, ubwo yari avuye i Zanzibar muri Tanzania mu itangwa ry'ibihembo bya Trace Awards byahuje ibihumbi by'abantu, ndetse n'ibyamamare binyuranye muri Afurika.

The Ben yageze i Kigali ku mugoroba wo kuri uyu wa Mbere tariki 3 Werurwe 2025. Yasobanuye ko ubwo yari muri Tanzania mu mpera za Gashyantare 2025, ari nabwo yakoranye indirimbo ya Kabiri na Diamod, kandi ko izasohoka vuba aha. 

Yasobanuye ko bateganya gusohora iyi ndirimbo mu mpeshyi, kandi ko muri iki gihe bari kuyikoraho mu bijyanye n'amashusho. Ati 'Ahubwo muyitege mu mpeshyi. Video ntabwo turayikoraho. Ntabwo turayirangiza, ariko uko byagenda kose bizasohokana.'

The Ben atangaje isohoka ry'indirimbo ye ya Kabiri na Diamond, nyuma y'uko bakoranye indirimbo 'Why' imaze kurebwa inshuro zirenga Miliyoni 24, aho yagiye hanze tariki 4 Mutarama 2022.

Diamond Platnumz ni umwe mu bahanzi bakomeye muri Afurika, cyane cyane muri Afurika y'Iburasirazuba. Gukorana na we bifasha The Ben kumenyekana kurushaho ku rwego mpuzamahanga, cyane cyane mu bihugu bikoresha ururimi rw’Igiswahili nka Tanzania, Kenya, na Uganda.

Diamond afite igikundiro gikomeye, bityo gukorana indirimbo na we bituma n'abafana be bamenya The Ben, bikazamura umubare w'abamukurikirana no kumva ibihangano bye, unashingiye ku bigaragazwa n'imibare ye muri rusange.

Diamond kandi ni umwe mu bahanzi bageze kure mu muziki wa Afurika, akaba ari n'umwe mu bafite ibigo bikomeye bikora umuziki nka Wasafi. Gukorana na we bivuze gukora ku rwego ruhanitse haba mu buryo bw'amajwi ndetse n'amashusho.

Indirimbo ya The Ben na Diamond yitezweho kandi kuba inkuru nini mu itangazamakuru rya Afurika, bityo bikamufasha gukomeza kuba mu mwuka wa muzika no kuguma mu biganiro by'abakunda umuziki.

Diamond ari mu bahanzi binjiza amafaranga menshi mu muziki. Gukorana na we bituma indirimbo icurangwa cyane ku ma radiyo, ku ma TV, no ku mbuga zigurisha umuziki nka Boomplay, Apple Music na Spotify. Ibyo byose bivuze inyungu nini kuri The Ben.

The Ben yatangaje ko indirimbo ya Kabiri yakoranye na Diamond izasohoka mu mpeshyi

KANDA HANO UBASHE KUREBA AMASHUSHO Y'INDIRIMBO 'WHY' YA THE BEN NA DIAMOND

“>