Author: webrwanda

Nyuma y’uko umutoza Kayiranga Jean Baptiste amurikiye komite ya Rayon Sports abana 10 iyi kipe ishobora kuzifashisha mu myaka iri mbere, ni nyuma yo kumara igihe abakurikirana, ubuyobozi bw’iyi kipe bukaba bwarahise bubasinyisha amasezerano y’igihe kirekire.

Ni igikorwa cyabaye ku mugoroba wo ku wa Mbere tariki ya 15 Kamena 2020, aho Kayiranga yatangarije ubuyobozi bw’iyi kipe ko nyuma y’umwaka ahawe akazi ko gukurikirana ibijyanye n’irerero ry’iyi kipe ari zo ntoranywa yabonye zitwaye neza.

Aba bana bakaba bagiye gushakirwa amakipe batizwamo kugira ngo bazamure urwego ubundi Rayon Sports izabagarure bari ku rwego ruri hejuru ku buryo bazatanga umusaruro ikipe ibitezeho.

Nk’uko umuvugizi w’iyi kipe yabyemereye ISIMBI, aba bana uko ari 10 bakaba barasinye amasezerano ari hagati y’imyaka itanu n’irindwi.

Urutonde rw’abana 10 Rayon Sports yamaze gusinyisha

1. Rudasingwa Prince (imyaka 20)
2. Ngarambe Sadjad (imyaka 21)
3. Gitego Arthur (imyaka 18)
4. Gatsinzi Augustin (imyaka 20)
5. Migambi Kevin (imyaka 21)
6. Kwizera Sibo Theotime (imyaka 20)
7. Nshimyumuremyi Jean Claude (imyaka 22)
8. Manzi Olivier (imyaka 21)
9. Niyomugabo Yves (imyaka 21)
10. Sibomana Theogene

Rudasingwa Prince, rutahizamu utanganga icyizere

Ngarambe Sadjad(upfukamye0 umwe mu bana bazamuwe

Rimwe na rimwe inzoka zinjira mu nzu zikinjira no mu buriri ariko abantu ntibamenye impamvu zibitera. Inzoka ni inyamaswa zitinyitse kandi zigirira abantu nabi niyo mpamvu abantu iyo bazibonye bashya ubwoba.

Inzoka zishobora kwihisha ahantu hatandukanye, mu rugo nko mu musarane, mu gikoni, mu bwogero n’ahandi.

Ahantu hatera abantu ubwoba iyo bahabonye inzoka ni mu buriri, ariko hari ibintu bibiri inzoka zikurikira mu buriri.

1.Ubushyuhe

Inzoka ni zimwe mu nyamaswa zigira umubiri ukonja cyane niyo mpamvu zikurikira aho zishobora kumva ubushyuhe. Mu byumba abantu babaramo by’umwihariko ku bururi mu mashuka haba hari agashyuhe niyo mpamvu inzoka rimwe na rimwe zijya mu buriri. Kugeza aha birumvikana ibihugu bibiri Iceland na Ireland nta nzoka n’imwe ibayo. Ni uko ibi bihugu bibiri bikonja cyane. Ikigaragaza ko inzoka zuzura n’ubushyuhe ni uko mu butayu zihaba zikahashobora.

Uburiri bugira ahantu ho kwitsimba

Inzoka zikunda kuba ahantu hihishe kandi hari umwijima niyo mpamvu hari igihe uzasanga inzoka munsi y’igitanda. Ibi zibikora kugira ngo zihishe inyamaswa zishobora kuzigirira nabi n’umuntu arimo.

Inzoka zinisha ahantu hari akijima kugira ngo zibone uko zifata ibyo zirya.

Uburyo bwo kwirinda ko inzoka zijya mu buriri harimo gusasura amashuka buri gitondo uko ubyutse ukayasubizaho ugiye kuryama. Mu cyumba cyo kuraramo ukwiye gushyira ibikoresho bike ku buryo inzoka niyinjiramo ibura aho yihisha igasohoka. Ikindi ni uko mbere yo kuryama ukwiye kubanza kumurika munsi y’igitanda ukareba nib anta nzoka yihishemo.

Ni umwe mu myanzuro y’Inama y’Abaminisitiri yateraniye I Kigali ku wa Kabiri tariki ya 16 Kamena 2020 iyobowe na Perezida wa Repubulika Paul Kagame.

Mukasine agiye kuri uyu mwanya asimbura Madeleine Nirere, wari uyoboye iyo Komisiyo mu gihe cy’imyaka umunani (manda ebyiri z’imyaka ine, ine).

Marie Claire Mukasine wahawe kuyobora iyi komisiyo, yakoze imirimo itandukanye harimo kuba Senateri, ndetse yigeze no kuba Umunyamabanga Uhoraho muri Minisiteri y’Ibikorwa Remezo.

Indi mirimo uyu mugore yakoze harimo kuba yarabaye muri Sosiyete Sivile nko mu muryango uharanira uburenganzira bw’umugore n’umwana ‘Haguruka’ yayoboye hagati ya 1994-1996.

Mukasine kandi yabaye mu nama z’ubutegetsi bw’ibigo bitandukanye birimo ibya leta n’ibyigenga.

Afite impamyabumenyi y’icyiciro cya gatatu cya kaminuza (Master’s) mu miyoborere, ndetse n’impamyabumenyi y’icyiciro cya kabiri cya kaminuza (Bachelor’s) mu mategeko.

Byatangajwe mu myanzuro y’Inama y’Abaminisitiri yateranye ku wa Kabiri tariki 16 Kamena 2020 ikiga ku ngingo zirimo ingamba zinyuranye zigamije gukomeza kwirinda ikwirakwira rya covid-19.

Iyi nama y’Abaminisitiri yayobowe na Perezida Kagame muri Village Urugwiro. Abayitabiriye bicaye mu buryo bwubahirije amabwiriza yo kwirinda icyorezo cya COVID-19 giterwa n’agakoko ka Coronavirus burimo kwambara agapfukamunwa no guhana intera ya metero hagati yabo.

Umurwayi wa mbere wa COVID-19 iterwa n’agakoko ka Coronavirus yagaragaye mu Rwanda ku wa 13 Werurwe 2020, hamaze kuboneka 636 bayanduye mu bipimo 96 801 bimaze gufatwa, 338 barayikize mu gihe 296 bakirwaye naho babiri barimo umushoferi w’imyaka 65 n’umupolisikazi bitabye Imana.

Hari Abanyarwanda bari batangiye gukeka ko guverinoma y’u Rwanda ishobora gusubizaho ibihe bidasanzwe bya guma mu rugo bitewe n’uko imibare y’abanduye covid-19 mu Rwanda iri kwiyongera cyane mu karere ka Rusizi.

Kugeza ubu Rusizi na Rubavu utu turere twashyizwe mu kato nta ngendo ziduhuza n’utundi turere zemewe.