Author: webrwanda

Nk’uko bivugwa n’abantu batandukanye barimo abaturanyi n’abo mu muryango wa nyakwigendera, uwo musore ngo yari asanzwe akora akazi ko gushyira abagenzi mu modoka, abo bakunze kwita abakarasi. Aho yakoreraga mu murenge wa Rugerero mu karere ka Rubavu ninaho yaje kugirana ikibazo n’umushoferi wanze kumuha amafaranga 100 yamwishyuzaga nk’igihembo cy’umuzigo yari amaze kumushyirira mu modoka.

Uko gushyamirana kwaje kuvamo ko yakubise inkokora umushoferi ava imyuna mu mazuru, undi aramwirukankana aramukubita bikomeye hanyuma ajya kumurega agaragaza ko ari we wakubiswe (umushoferi) hanyuma aza gufungirwa mu murenge wa Rugerero ari ahava ajyanwa mu mujyi wa Gisenyi aho yaje kurembera bimuviramo n’urupfu.

Abo mu muryango we kimwe n’umuyobozi wa IBUKA mu murenge wa Rugerero bavuga ko bitari bikwiye ko anafungwa kuko asanzwe afite ikibazo cy’uburwayi bwo mu mutwe yatewe n’ingaruka za Jenoside yakorewe abatutsi. Kugeza ubu bagaragaza ko babangamiwe no kuba uwamukubise atarabihaniwe kandi azwi, gusa uyobora IBUKA mu murenge we agahamya ko bazakomeza gukora ubuvugizi n’izindi nzego ubutabera bukaboneka cyane ko n’umurambo woherejwe i Kigali ugapimwa.

IREBERE VIDEO UKO BABISOBANURA BYOSE HANO :

Ubwo berekwaga itangazamakuru ku cyicaro cya polisi yo mu mujyi wa Kigali, uwitwa Kalinijabo Francois yemeye ko afatanyije na bagenzi be bakoraga Perimi mpimbano. Avuga ko ari akazi yashishikarijwemo n’uwitwa Murenzi Hamdun ari nawe wari umuyobozi w’itsinda.

Yagize ati: “Mu bihe bya COVID-19 igihe abantu bari batangiye kuva mu rugo, nahamagawe na Murenzi Hamdun ambwira ko amfitiye akazi. Yatangiye ambwira ko namufasha gushaka umuntu ukora photocopy ya za Perimi, nahise mpamagara mushuti wanjye Bora Adam niwe wari ufite imashini izikora.”

Kalinijabo akomeza avuga ko ariwe wahise aha akazi Bora Adam, ko kujya akora photocopy ya za perime mpimbano. Kalinijabo yabwiye itangazamakuru ko Bora yamuciye amafaranga ibihumbi bitanu kuri photocopy imwe, Kalinijabo yasubiye kwa Murenzi Hamdun amubwira ko Bora yamuciye ibihumbi 10 kuri photocopy imwe.

Uzamukunda Philomene avuga ko nawe yahawe akazi na Murenzi Hamdun, bakorana yiyita umupolisikazi ufite ipeti rya CIP. Uzamukunda avuga ko Murenzi yamuhamagaraga iyo habaga habonetse umukiriya bagiye guha Perimi mpimbano.

Yagize ati: “Murenzi yampaye akazi avuga ko icyo nzajya nkora ari ukujya ampamagara njyewe aho ndi nkavuga nti “munyure ku marembo y’inyuma”. Ushaka perime iyo yazaga, Murenzi yampamagaraga anyita afande nanjye nkitaba, nkamubwira nti uwo muntu mubwire anyure ku marembo y’inyuma. Iyo byarangiraga Murenzi yampaga amafaranga ibihumbi 10.”

Uyu Murenzi wari ukuriye itsinda ni nawe wohererezaga abantu ubutumwa bugufi kuri telefoni z’abo ababwira ko batsindiye impushya zo gutwara ibinyabiziga. Ni nawe wabashakaga bakanamwishyura, iri tsinda ryafashwe rimaze gukorera abantu 42 perimi mpimbano.

Umuvugizi wa Polisi y’u Rwanda, CP John Bosco Kabera

Umuvugizi wa Polisi y’u Rwanda, Commissioner of Police(CP) John Bosco Kabera yavuze ko bariya bantu bakoze ibyaha bitandukanye birimo gukora impapuro mpimbano, kwiyita abapolisi kandi atari bo no gushuka abaturage bakabambura amafaranga yabo.

Yakanguriye abaturarwanda kwirinda umuntu wese ubashuka ababwira ko atanga serivisi izo arizo zose nyamara zitangwa n’inzego za Leta zizwi ndetse zinafite uburyo buzwi zitangwamo.

Yagize ati: 'Bariya bantu bahindanyije isura ya Polisi y’u Rwanda biyita abapolisi batanga impushya zo gutwara ibinyabiziga. Polisi igira uburyo itangamo impushya zo gutwara ibinyabiziga, itanga amatangazo abantu bagakora ibizamini ubitsinze akishyura amafaranga azwi ubundi agahabwa uruhushya rwe.”

Yasabye abantu kujya bihutira gutanga amakuru hakiri kare igihe cyose bahuye n’abantu nk’abo babambuzi. Yanabibukije ko umuntu wese ufatwa akoresha ibyagombwa by’ibihimbano nawe afatwa nk’umufatanyacyaha mu gukoresha impapuro mpimbano.

CP Kabera yibukije abantu ko polisi y’u Rwanda itazahwema gukurikirana abantu nka bariya ndetse n’abandi banyabyaha. Yasabye undi wese waba ufite umugambi nk’uwabariya bafashwe kubireka kuko amaherezo nawe azafatwa.

Itegeko nº68/2018 ryo ku wa 30/08/2018 riteganya ibyaha n’ibihano muri rusange mu ngingo ya 276 havuga ko umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

Ingingo ya 279 havuga ko Umuntu wese utabigenewe, wivanga mu mirimo y’ubutegetsi ya gisivili cyangwa iya gisirikare cyangwa wiha gukora umwe muri iyo mirimo, wiyita umukozi wa Leta atari we cyangwa wambara ku mugaragaro umwambaro w’ubutegetsi, umwambaro uhuriweho n’abahuje umurimo, urwibutso cyangwa ikimenyetso, agambiriye kuyobya rubanda, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi y’ibihumbi magana atatu (300.000 FRW) ariko atarenze ibihumbi magana atanu (500.000 FRW).

Ni mugihe ingingo ya 174 ivuga ko umuntu wese wihesha umutungo w’undi, imari ye yose cyangwa igice cyayo mu buryo bw’uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Mesut Ozil ntari ku rutonde rw’abakinnyi 25 Arsenal yatanze ngo bazayikinire muri shampiyona ariyo mpamvu kwihangana byamunaniye avuga ko 'ababajwe cyane n’uyu mwanzuro wa Mikel Arteta ndetse avuga ko iyi kipe itari iyo kwizerwa.'

Kuva Premier League yagaruka mu kwezi kwa Kamena uyu mwaka,Mesut Ozil ntarakina n’umunota n’umwe muri Arsenal,ariyo mpamvu yagiye ku mbuga nkoranyambaga ze agenera ubutumwa abafana ababwira ko ababaye ndetse n’umwanzuro wafashwe n’ikipe udakwiriye.

Yagize ati 'Ubu n’ubutumwa bukomeye bwo kwandikira abafana ba Arsenal maze imyaka mike ishize nkinira.Mbabajwe cyane no kuba ntashyizwe mu bakinnyi bagomba gukina Premier League.

Kuva nakongera amasezerano muri 2018,nabereye umwizerwa iyi kipe nkunda ya Arsenal ariko mbabajwe nuko yo itabinkoreye.Icyo nabonye nuko ubudahemuka ari ikintu kigoye muri iyi minsi.Nakomeje kwihangana nizeye ko nzagaruka mu ikipe vuba niyo mpamvu nakomeje guceceka.

Mbere ya Guma mu rugo,nari nishimiye gukorana neza n’umutoza wacu Mikel Arteta.Twari tumeranye neza ndetse navuga ko n’imikinire yanjye yari ku rwego rwo hejuru ariko ubu ibintu byahindutse ntabwo nemerewe kongera gukinira Arsenal.Ni iki kindi navuga?.London haracyari mu rugo,ndacyafite inshuti mu ikipe ndetse ndacyafitanye umubano mwiza n’abafana.

Uko byagenda kose,nzakomeza kugerageza amahirwe yanjye kandi sinzemera ko umwaka wanjye wa 8 muri Arsenal urangira nabi gutya.Ndabasezeranya ko uyu mwanzuro wanjye ukomeye utazigera uhinduka.Nzakomeza kwitoza cyane bishoboka kandi uko mbishoboye kose nkoreshe ijwi ryanjye namagana ubunyamaswa,mparanire ubutabera.'

Mesut Ozil afitanye umubano mubi n’ikipe ya Arsenal bitewe nuko yanze kugabanya umushahara ndetse no gushyamirana n’Ubushinwa akica isoko ry’ikipe ya Arsenal muri iki gihugu.

Ni indirimbo iyo uyumvise irabyinitse kandi ikaba ikubiyemo amagambo abaraperi babigize umwuga bakunda gukoresha ari naho abayumva usanga iryoheye amatwi dore ko ifite n’ibyo twakwita isubirajwi.

Mucoma asanzwe ari umuhanzi ukunda gukorera indirimbo ze nyinshi inaha mu Rwanda iyo aje mu biruhuko dore ko asanzwe abarizwa muri Leta Zunze Ubumwe za Amerika ari naho akorera imirimo ye ya buri munsi.

Mucoma na MNG CoCo

Indirimbo ze akenshi zibanda mu gutanga ubutumwa rubanda rukeneye, haba ubwo guhumuriza ababaye babayeho nabi, abadafite amikoro ariko kandi akateza imbere ururimi rwo kwivuga rukunda kuvugwa mu karere ka Rubavu.

Imvano y’ubuhanzi bwe akenshi abukomora ku mibereho ye yagiye anyuramo mu myaka itandukanye mbere y’uko yerekeza muri amerika.

Ubusanzwe amazina ye nyakuri yitwa Nizeyimana Didier wiyise Mucoma kubera ko yigeze gukora akazi ko kotsa inyama mu tubari two muri Kenya, avuga ko yamaze igihe kinini adafite icyizere cyo kubaho, kubera ubuzima bushaririye yagiriye mu muhanda.

Urugendo rwe rwo gusatira ubuzima ni rurerure, ariko byose byatangiye ubwo yavaga iwabo muri Rubavu n’amaguru ahunga ubukene, akaza gushaka ubuzima i Kigali aho atari azi umuntu n’umwe.

Byatumye atangira ubuzima bwo kurara mu muhanda no ku mbaraza z’amazu nk’umwana w’umuhanda, ubunyoni bwavuga akabyuka akajya gushaka icyo asamura.

Ubuzima bwa Kigali bwaranze ahitamo kujya muri Kenya nabwo anyuze mu nzira igoye, kuko yagendaga adafite icyangombwa na kimwe atanafite ifaranga ryamugoboka mu nzira kandi agenda n’amaguru.

Amaze gukora indirimbo nyinshi zitandukanye zirimo nka ; niguco mbaga,ni ikibazo,nizindi zitandukanye.

Kanda hano urebe indirimbo Papa Trap
https://www.youtube.com/watch?v=wFaZOpBX_5A

Umudage ukinira ikipe ya Arsenal mu Bwongereza, Mesut Ozil ari mu gahinda gakomeye nyuma y’uko iyi kipe itamutanze ku rutonde rw’abakinnyi izifashihsha mu mwaka w’imikino wa 2020-2021.

Uyu mukinnyi aheruka kongera amasezerano ye muri Arsenal muri 2018 yamugize umukinnyi uhembwa menshi muri iyi kipe ndetse no mu mateka yayo, aho ahembwa £350,000 ku cyumweru.

Nyuma y’uko Arsenal itangaje abakinnyi 25 izifashisha mu mikino ya shampiyona uyu mwana w’imikino, uyu mukinnnyi yagaragaje ko atishimye na gato kuko atisanze kuri urwo rutonde.

Mu ibaruwa yuzuyemo agahinda kenshi n’umubababaro, yavuze ko imyaka 8 amaze muri Arsenal atayireka ngo igende ityo kuko agomba guharanira uburenganzira bwe akarwanya ibikorwa bya kinyamaswa.

Ati' Ubu ni ubutumwa bukomeye bwo kwandikira abafana ba Arsenal nakiniye imyaka mike ishize. Mbabajwe cyane no kuba ntashyizwe mu bakinnyi bagomba gukina Premier League.

Kuva nakongera amasezerano muri 2018, nabereye umwizerwa iyi kipe nkunda ya Arsenal ariko mbabajwe n’uko yo itabinkoreye. Icyo nabonye ni uko ubudahemuka ari ikintu kigoye muri iyi minsi. Nakomeje kwihangana nizeye ko nzagaruka mu ikipe vuba niyo mpamvu nakomeje guceceka.

Mbere ya Guma mu rugo, nari nishimiye gukorana neza n’umutoza wacu Mikel Arteta. Twari tumeranye neza ndetse navuga ko n’imikinire yanjye yari ku rwego rwo hejuru ariko ubu ibintu byarahindutse ntabwo nemerewe kongera gukinira Arsenal. Ni iki kindi navuga? London haracyari mu rugo, ndacyafite inshuti mu ikipe ndetse ndacyafitanye umubano mwiza n’abafana.

Uko byagenda kose nzakomeza kugerageza amahirwe yanjye kandi sinzemera ko umwaka wanjye wa 8 muri Arsenal urangira nabi gutya. Ndabasezeranya ko uyu mwanzuro wanjye ukomeye utazigera uhinduka. Nzakomeza kwitoza cyane bishoboka kandi uko mbishoboye kose nkoreshe ijwi ryanjye namagana ubunyamaswa mparanire n’ubutabera.'

N’ubwo na mbere bitari bimeze neza, umubano wa Ozil na Arsenal wabaye mubi kurushaho ubwo yangaga ko akatwa umushahara mu gihe cya Coronavirus ubwo amakipe yari yugarijwe n’amikoro atari meza.

Yinjiye muri Arsenal 2013 avuye muri Arsenal, yayikiniye imikino 184 ya shampiyona ayitsindira ibitego bigera kuri 33.

Ozil yagaragaje agahinda yatewe na Arsenal

Rutahizamu w’umunyarwanda wari mu biganiro na Rayon Sports, Biramahire Abeddy bimvugwa ko yamaze kumvikana na AS Kigali kuzayikinira mu myaka 2 iri imbere.

Uyu mukinnyi ukinira ikipe ya Buildcon FC yo muri Zambia, mu minsi ishize ubuyobozi bwa Rayon Sports bwemeje ko bari mu biganiro na we ndetse ko bigeze kure.

Amakuru avuga ko uyu mukinnyi yumvikanye na Rayon Sports ariko bakamubwirwa ko amafaranga ataraboneka ko yaba yihanganye.

Muri uku kumubwirwa ngo ategereze niho AS Kigali yinjiriye ndetse yo imubwira ko ntabyo gutegereza ahubwo ihita imwishyura akigera mu Rwanda dore ko akiri muri Zambia.

Amakuru avuga ko yemerewe miliyoni 8 agasinya imyaka 2 aho azajya ahembwa ibihumbi 800 by’amafaranga y’u Rwanda ku kwezi.

Biramahire Abeddy yakiniye amakipe nka Police FC na Mukura VS zo mu Rwanda, Club Sfaxien yo muri Tunisie na Buildcon FC yo muri Zambia yakiniraga kugeza uyu munsi.

Abbedy mu muryango winjira muri AS Kigali

Abbas Hameed ni umusirikare washinze minisiteri y’ivugabutumwa ‘Hameed Christian Ministries’. Yabaye umunyamerika kubw’amasezerano muri 2011 ariko yavukiye muri Irake. Yabonye Imana ku buryo bukomeye mu kazi ke ka buri munsi, haba mu ntambara, mu bitero by’abiyahuzi, mu bihe by’umubabaro n’ahandi. Nyuma yuko Imana yamurokoye mu rupfu inshuro nyinshi, yaje ku mwiyereka biciye mu gusoma Bibiliya buri munsi, nyuma yakira Yesu nk’Umwami n’Umukiza w’ubugingo bwe.

Christianity Today nkuko yabyanditse muri 2017, Dore imvano y’amashimwe ya Abbas wiyeguriye ivugabutumwa ku isi by’umwihariko mu basirikare:

Nakuriye muri Irake nkaba ndi uwa gatatu mu bavandimwe umunani. Umuryango wanjye ntiwari usanzwe. Mama yari Umuyisilamu, naho papa we yari Umugatulika. Ntabwo bigeze baduhatira kwinjira mu idini iryo ari ryo ryose , ntabwo bigeze bita cyane ku bijyanye n’amadini. Data yari umucuruzi ukize, ku buryo twabanaga neza kandi twari dutuye mu nzu nziza nini. Navuga ko twahawe imigisha myinshi, twari dufite umukozi wo mu rugo twari dutunze n’intama zirenga 250.

Igihe nari mfite imyaka umunani, ubucuruzi bwa papa bwatangiye guhura n’ibibazo. Kubera guhangayikishwa n’akazi ke, byatumye mbaho ntakibona amahirwe yo kuba hafi ya papa. Yatangiye kunywa inzoga no kwifatanya n’abanyangeso mbi. Nyuma yumwaka umwe, yagiye agirana ibibazo n’abapolisi buri gihe. Ibyo byatumye ajya muri gereza inshuro zigera kuri 20.

Bwa nyuma ajya muri gereza byari biturutse ku kuba guverinoma yaramenye ko atarangije imyaka itatu yagombaga gukora mu gisirikare cya Irake. Mu gihe cy’intambara ya Irani na Irake, yakozemo umwaka umwe nyuma yaho arihungira.

Nk’igihano rero yahawe, yakatiwe umwaka umwe muri gereza, aho yari afungiye ahantu habi cyane: Hari mu mwijima munsi y’ubutaka, yahabwaga iminota ibiri yonyine yo kuzamuka hejuru buri munsi. Nta bwogero bwari aho, kandi ibiryo n’amazi byari bike cyane. Yarababajwe cyane, nibwo yigiriye inama yo gutakambira Imana. Yatangiye kwiyegurira Imana kandi rwose umutima wa papa warahindutse cyane ku buryo bugaragara.

Ubwo yafungurwaga, umuryango wanjye wabonye itandukaniro rinini hagati yuko yari mbere na nyuma yo kuva muri gereza. Yahindutse umunyamwete cyane, arangwa no kutikunda. Papa yabaye umugabo uhorana ibyishimo.

Nk’urugero, nyuma y’icyumweru kimwe arekuwe , twajyanye guhaha imyenda. Twahuye n’umugabo wambaye imyenda yatanyaguritse kandi utagira aho aba. Papa yamugiriye impuhwe cyane yiyambura imyenda ye, arayimuha. Ati: “Akeneye iyi myenda kundusha.” Naguye mu kantu kubera ubuntu yagiriye uwo mugabo. Nibwo nahise menya ko ubuzima bwa papa koko bwahindutse burundu.

Nyuma y’ibyo byose byabaye, nabajije Imana bucece niba koko ibaho. Ndasenga nti: “Nyamuneka ntumpane nkuko wabikoze kuri papa, ariko rwose umfashe kuba umugabo mwiza kandi ushaka mu maso hawe.”

Uko Imana yandokoye mu gitero cy’ubwiyahuzi!

Mfite imyaka 19, narangije amahugurwa nasabwaga mu ishuri ry’igipolisi rya Irake. Naherutse nariyandikishije gukora imyaka itanu, ariko ku byangombwa byanjye by’akazi, barabihinduye banyandikira ko nzakora imyaka 25. Narababaye cyane ariko ntacyo nashoboraga kubikoraho kuko natinyaga ko nshobora kuzicwa na leta.

Muri Werurwe 2003, papa yarankanguye ansaba ko nakwifatanya n’abasirikare b’Abanyamerika bateye Irake. Kubera ko umuryango wanjye wahoraga wubaha cyane Abanyamerika, nahisemo kujya i Tikrit njya mu gipolisi cya Amerika. Nakoraga nk’umukozi ushinzwe umutekano kuri sitasiyo ya polisi kandi nkaba n’umusemuzi, kubera ko nari nzi icyarabu n’icyongereza.

Nyuma y’amezi make, abarimu bo mu gipolisi cya gisirikare cyo muri Amerika baje gushaka abapolisi bo muri Irake, kandi nari mu bari mu myitozo. Nari nishimye cyane kuko iyo yari inzira yanjye yo kuva mu gipolisi cya Irake, nishimiye ko ngiye gukorana n’ Amerika.

Mu mpeshyi ya 2005, twakanguwe igitaraganya n’ibyo twakekaga ko ari umutingito. Inyubako twarimo yatarigise ubwo twumvaga igisasu kinini giturika. Liyetona wacu yahise atwohereza mu gace katarimo abasirikare, nshingwa kuyobora ibinyabiziga no kugenzura ibinyabiziga byose byakekwaga. Nyuma y’iminota 15, imodoka imwe yaje mu cyerekezo cyanjye, ndayihagarika iranga ikomeza kuza insanga.

Nari niteguye kurasa umushoferi nko muri metero 15, aba yiturikirijeho igisasu. Mba ntumbagiye mu kirere, ngwa hasi, maze nandara ngana ku ruhande. Abandi basirikare barasa aho nari mperereye. Maze kuzanzamuka nirebye ku mubiri wanjye ngo ndebe ibikomere mfite, natunguwe no kubona nkiri muzima, nta maguru navunitse, nta bice by’umubiri nabuze, cyangwa wenda ngo mbe nahiye. Nari mfite igikomere kimwe gusa kuruhande rw’ivi.

Icyakora mu mutwe wanjye numvaga nk’itewe ubwoba n’umuvuduko w’igisasu numvise, kandi natangajwe no kubona mpagurutse bikemera. Narebye hirya no hino, mbona wa mwiyahuzi yacitse amaguru. Byari ibintu by’ubugome biteye ubwoba, byari amaraso gusa gusa, umuntu ntiyabona uko abisobanura.

Mu gihe nari ntegereje kujya mu bibitaro kugirango nsuzumwe, natekereje kubyabaye uwo munsi. Numvaga ntashidikanya ko Imana yaremye ijuru n’isi ariyo yakoze ibikomeye ikarokora ubuzima bwanjye.

Igitabo cyahebuje ubuzima bwanjye( Bibiliya)

Muri 2007, nongeye koherezwa muri batayo ya 82 y’ingabo zirwanira mu kirere. Nkimara guhura na Sgt Scott Young, nasanze hari byinshi atandukaniyeho n’abandi. Buri gihe yahoranaga igitabo mu mufuka w’ivi. Igihe cyose twabaga turi mu kiruhuko, nabonaga asoma kandi rwose ibyo bintu byankoze ku mutima.

Scott yambwiye ko iyo yari Bibiliya, maze najye ndiyemeza ntangira kuyisoma umunsi ku munsi. Nakomeje kujya nsubira kureba Scott musobanuza kubyo nabaga nasomye ntumvaga neza. Narishimiye cyane rwose kubona umujyanama nka scott.

Kugira ngo iyi nkuru nziza y’agakiza irusheho kuba igitangaza, Scott ntabwo yari yarateganyijwe koherezwa muri Irake. Ariko kubera umugambi w’Imana utangaje, yoherejwe i Samarra, hanyuma Kompanyi ye ijya gukorera mu gice cy’iwacu. Mbega ukuntu Imana yacu iteye ubwoba!

Igihe abiyahuzi bicaga papa nyuma y’amezi abiri, narakariye Imana, ariko ikomeza kungirira neza binyuze muri Scott. Umunsi umwe, ubwo twari mu butumwa bwa gisirikare, nagiye kwa Scott mubwira ko ntakifuza ku ba njye, kandi ko nta na rimwe nzigera nifuza kongera kuba njye.

Naramubajije nti: “Ni gute nshobora kuba umukristo?”

Scott yambwiye ko ngomba kujya ahantu hatuje maze ngasenga. Yavuze ko nkwiye kubwira Yesu ko nshakaga guhinduka nkaba umukristo. Yavuze ko Yesu azaza akinjira mu buzima bwanjye, kandi ko azampa ibyiringiro byuzuye n’inkomezi. Narasenze rero, nsenga mbikuye ku mutima. Nasabye Yesu kuza mu buzima bwanjye akampindura, kugira ngo nemererwe kuba umwana w’Imana.

Bukeye bwaho, kompanyi yose y’abasirikare yabonye impinduka, nkuko nabonye impinduka ubwo papa yahindukaga . Nari nkeye mu maso hanjye, kandi rwose ntabwo nari nkiri mubi nka mbere. Imana yari yakoze impinduka zikomeye mu buzima bwanjye.

Nyuma y’ibyumweru bibiri, napakiye ibintu byanjye ndahaguruka njya i Bagidade. Ubwo ninjiraga mu gisirikare aho, habayeho amasezerano ku basemuzi, bambwira ko nindamuka maze nibura imyaka ibiri nshobora kwimukira muri Amerika, nkaba umwenegihugu waho. Kandi kubera ko nari maze imyaka irenga ine nkorera igisirikare cy’Amerika, nari nzi ko kuguma muri Irake ari ugushyira ubuzima bwanjye mu kaga

Nkiri i Bagidadi, mama, mushiki wanjye muto, na murumuna wanjye muto baransezeye. Twaganiriye kubyerekeye ejo hazaza, uko bizagenda kuri bo no kuri njye , bari bazi ko batazongera kumbona muri Irake.

Nyuma y’igihe gito mbana na mwarimu n’umuryango we, nimukiye kwa Scott iwe n’umugore we Meagan, i Fayetteville, muri Caroline y’Amajyaruguru. Aho, natangiye kwitabira ibijyanye no kwiga Bibiliya muri ‘The Navigators’. Nasabwaga gufata mu mutwe Ibyanditswe, nkabyiga ku buryo bwimbitse, kandi nkabazwa n’abandi mu matsinda.

Mu gihe cy’umwaka umwe nabanye na Scott na Meagan, umubano wanjye na Nyagasani Imana warushijeho gukomera no gutera imbere kurusha uko byahoze mbere.

Uyu munsi, ntuye mu ntara ya Lancaster, muri Pennsylvania, ndi kumwe n’umugore wanjye, umuhungu wacu muto, n’umukobwa wacu aribo Ashe na Grace. Umwaka ushize twahawe umuhamagaro wo gutangira umurimo w’ivugabutumwa ryiza rya Yesu muri ‘Hameed Christian Ministries’. Mu gihe mbwiriza ubutumwa bwiza ntanga n’ubuhamya bwanjye mu matorero no mu birindiro bya gisirikare, hamwe no mu itsinda ry’abasirikare mbarizwamo, nshimira Imana kuba yararokoye ubuzima bwanjye, kandi ikanyiyegereza ikampa agakiza nkizera Yesu.

Reba Abbas Hameed washinze minisiteri y’ivugabutumwa ‘Hameed Christian Ministries’

Source: ChristianityToday

[email protected]