Webrwanda Backend

Author: webrwanda

  • Ikamyo yakoreye impanuka i Save, umwe ahita apfa #Rwanda #RwOT via @kigalitoday #rwanda #RwOT

    Nk’uko bivugwa n’umwe mu batuye muri aka gace wahise ahagera iyi mpanuka ikimara kuba, iyi kamyo yaturukaga i Huye yirukaga cyane, igonga imodoka itwara ibicuruzwa bya Enterprise Urwibutso, uwari kumwe na shoferi ahita apfa.

    Shoferi w’iyi modoka y’Urwibutso, hamwe na shoferi w’ikamyo n’uwo bari kumwe ngo bajyanywe ku bitaro bya Kabutare kuko bakomeretse.

    Ku Kabutare kandi hajyanyweyo umunyeshuri wiga mu ishuri ry’imyuga ry’i Save iyi mpanuka yasanze ku muhanda ari mu nzira agana ku ishuri.

    Ku bitaro bya Kaminuza bya Butare (CHUB) na ho hajyanywe undi wakomeretse biturutse kuri iyi mpanuka wari urembye cyane.

    Polisi yatangaje ko abapolisi bashinzwe umutekano wo mu muhanda bihutiye kugera ahabereye iyi mpanuka, abakomeretse bajyanwa kwa muganga.

    source https://www.kigalitoday.com/umutekano/imbere-mu-gihugu/article/ikamyo-yakoreye-impanuka-i-save-umwe-ahita-apfa

  • Huye: Babiri baguye mu mpanuka abandi barakomereka bikomeye #rwanda #RwOT

    Kuri uyu wa Mbere tariki ya 9 Ugushyingo 2020, mu Murenge wa Ruhashya , mu Karere ka Huye , mu masaha ya mu gitondo muhanda Huye-Kigali habereye impanuka aho ikamyo ya rukururana yagonganye n'imodoka ya Daihatsu y'uruganda 'Entreprise Urwibutso' rwa Sina Gerard, umuntu umwe ahita ahasiga ubuzima, undi apfa agejejwe kwa muganga naho abandi bane barakomereka bikomeye.

    Abaturage bayibonye bavuze ko ikamyo yavaga mu Mujyi wa Huye yagonze mu rubavu Daihatsu yakataga mu muhanda ishaka kujya i Save mu Karere ka Gisagara.

    Muri abo bayibonye harimo umuturage wagize ati: 'Yaturukaga i Kigali ubundi, iva i Kigali ishaka gukata i Save. Noneho arakata, iriya kamyo ituruka hirya iriya, ikubita amahoni…undi niba yashakaga kugira ngo avemo, iba imugezeho, aramwambara aramusunika, arazaaa, bagwa hariya.'

    Yakomeje avuga ko iyo Daihatsu ari yo nyirabayazana w'impanuka kuko uwari uyitwaye yambukiranyije umuhanda atabanje kureba ko hari indi modoka irimo.


    Umunyamabanga Nshingwabikorwa w'Umurenge wa Ruhashya, Rugira Amandin Jean Paul, yavuze ko abantu babiri ari bo bamaze gupfa bazira iyo mpanuka ikomeye. Yagize ati:

    'Yahitanye umuntu umwe ikimara kuba; undi we yitabye Imana agejejwe kwa muganga. Ni ikamyo yagonze Daihatsu noneho abari barimo barakomereka n'abandi bagonze bagendaga ku muhanda, hakomeretse bane.'

    Amakuru atugeraho avuga ko abapfuye bose ni abari bari muri iyo Daihatsu. Umwe yahise apfa ako kanya n'aho undi apfa ageze kwa muganga.

    Impanuka ikimara kuba Polisi ishinzwe umutekano wo mu muhanda yahageze ikora ibikorwa by'ubutabazi birimo kujyana abakomeretse kwa muganga.Daihatsu yagonzwe yangiritse cyane ndetse n'iyo kamyo yayigonze yangiritse. Hangiritse n'indi modoka yari iparitse aho hafi.

    Polisi yasabye abatwara ibinyabiziga kurushaho kwitwararika mu gihe bari mu muhanda birinda impanuka, cyane cyane abashaka kwambukiranya umuhanda.

    Ahabereye iyo mpanuka hasanzwe haparika moto ku bwinshi ariko ni hato, ubuyobozi buvuga ko bufite gahunda yo kubimurira ku ruhande rwo hirya ahari kubakwa Station ya lisansi.

    Source : https://impanuro.rw/2020/11/09/huye-babiri-baguye-mu-mpanuka-abandi-barakomereka-bikomeye/

  • Ikibuga cy'indege cya Bujumbura cyafunguwe nyuma y' amezi arindwi gifunze abahageze bose bagomba kuyita bajya mu kato #rwanda #RwOT

    Kuva ejo ku cyumweru tariki ya 8 Ugushyingo 2020, ikibuga cy'indege cya Bujumbura cyongeye gufungurwa ku ndege zitwara abagenzi nyuma y'amezi arindwi gifunze, abahageze bagomba kujya mu kato mu minsi itatu nk'uko abategetsi babitangaje.

    Kugeza ubu leta ivuga ko abantu 421 ari bo basanzemo Covid-19 kandi ubu 62 ari bo bakiyirwaye, naho umwe gusa ari we yishe mu gihugu.

    Melance Ndayisenga uba mu mujyi wa Bujumbura yabwiye BBC dukesha iyi nkuru ko bishimiye gufungura ikibuga cy'indege, ariko hakiri byinshi byo gukora ngo igihugu cyongere kugendwa nka cyera.

    Itangazo ry'ibiro by'ubuvugizi bwa leta ku gufungura ikibuga cy'indege rivuga ko imipaka yo kubutaka no ku mazi yo ikomeza kuba ifunze.

    Iri tangazo rivuga ko abageze i Bujumbura n'indege bagomba kuba bafite icyemezo ko batanduye Covid-19 kitarengeje amasaha 72h, bagahita bapimwa maze bakajya mu kato muri hoteli mu gihe cy'iminsi itatu, ku kiguzi cyabo.

    Perezida Evarsite Ndayishimiye uherutse muri Guinée équatoriale, ibiro bye byatangaje ko ari mu kato k'iminsi itatu 'nyuma y'urugendo mu gihugu kikirimo coronavirus'

    Nyuma y'uruzinduko muri Guinée équatoriale, Perezida Ndayishimiye ubu nawe ari mu kato mu gihe cy'iminisi itatu kuva kuwa gatandatu

    Bwana Ndayisenga avuga amezi ashinze ikibuga cy'indege gifunze byasubije inyuma kurushaho ubukungu n'ubukerarugendo mu Burundi byari bisanzwe bihagaze nabi.

    Ati: 'Uburundi bwari busanzwe budasurwa nka mbere, nubwo leta yuguruye ikibuga cy'indege iracyakeneye gukora byinshi ngo yereke abantu ko Uburundi ari igihugu abantu bakongera gusura, kuko ubu bimeze nk'aho igihugu kitakigendwa'.

    Ubukungu n'ubukerarugendo mu bihugu byinshi byazahajwe no guhagarara kw'ingendo z'indege kubera icyorezo cya Covid-19.

    Mu bindi bihugu byo mu karere byafunguye Tanzania nicyo gihugu cya mbere cyafunguye ingendo mpuzamahanga z'indege mu kwezi kwa gatanu, Sudani y'Epfo mu kwezi kwa karindwi, u Rwanda na Kenya mu kwa munani, na Uganda mu kwezi kwa cyenda.

    Source : https://impanuro.rw/2020/11/09/ikibuga-cyindege-cya-bujumbura-cyafunguwe-nyuma-y-amezi-arindwi-gifunze-abahageze-bose-bagomba-kuyita-bajya-mu-kato/

  • Tanzania: Uwari mw' ishyaka ritavuga rumwe n' ubutegetsi yahungiye muri Kenya ahageze arafungwa #rwanda #RwOT

    Godbless Lema wahoze ari umudepite muri Tanzania mu ijoro ryo ku cyumweru yafungiwe i Nairobi muri Kenya nyuma y'uko yinjiye muri icyo gihugu mu buryo bunyuranyije n'amategeko, nk'uko ibinyamakuru byaho bibivuga.

    Bwana Lema yafashwe ari mu modoka atwawe n'umunyamategeko we bari kwerekeza i Nairobi. Yari kumwe n'umugore we n'abana.

    Muri Tanzania hari ibikorwa bimwe byo kwibasira abatavuga rumwe n'ubutegetsi nyuma y'amatora Perezida John Magufuli yatsinze ku bwiganze.

    Ikinyamakuru the Standard kivuga ko polisi ya Kenya yafashe aba bantu bageze mu mujyi uri ku ntera ya 45Km uvuye ku mupaka wa Tanzania binjiye muri Kenya.

    Hari amakuru avuga ko uyu mugabo wari umudepite mu nteko ya Tanzania yanze guha urwandiko rwe rw'inzira (passport) abakozi bo ku mupaka ba Tanzania.

    Umunyamategeko we, George Luchiri Wajackoyah, yasubiwemo n'iki kinyamakuru avuga ko yari ajyanye uyu munyapolitiki ku biro bya UNHCR i Nairobi.

    Iki kinyamakuru gisubiramo kandi amagambo ya Bwana Lema avuga ko yazanye n'abana be batatu n'umugore we. Akaba ari 'gusaba ubuhungiro'.

    Bwana Lema yari mu bakuru b'ishyaka CHADEMA ritavuga rumwe n'ubutegetsi bafunzwe bakarekurwa mu cyumweru gishize, bashinjwaga gutegura imyigaragambyo yo gusaba ko amatora asubirwamo.

    Source : https://impanuro.rw/2020/11/09/tanzania-uwari-mw-ishyaka-ritavuga-rumwe-n-ubutegetsi-yahungiye-muri-kenya-ahageze-arafungwa/

  • Rubavu: Hashyizweho uburyo bushya bufasha abacuruzi bambukiranya umupaka #Rwanda #RwOT via @kigalitoday #rwanda #RwOT

    Abacuruzi bo mu Rwanda n
    Abacuruzi bo mu Rwanda n’ab’i Goma memeranyijwe uburyo bazajya bakora ubucuruzi

    Ni amabwiriza avuga ko Abanyarwanda bakorera mu makoperative kandi hakambuka ubahagarariye aho kugenda ari benshi, bajya gucuruza ku giti cyabo nk’uko byari bisanzwe icyorezo cya COVID-19 kitaragera mu Rwanda.

    Mu nama yahuye Abanyarwanda n’Abanyekongo batuye mu Mujyi wa Goma basanzwe bakora ubucuruzi bwambukiranya umupaka, bumvikanye uburyo bazajya bakorera ku mupaka birinda Covid-19 kandi birinda no guhura n’ibihombo byatuma basubira mu rugo nyuma y’amezi umunani badakora.

    Babonampoze Moussa, ni umuyobozi wa Koperative KOTIHEZA ijyana ibicuruzwa by’ibiribwa mu mujyi wa Goma ndetse akaba ariko ukuriye ihuriro ry’amakoperative yohereza ibicuruzwa mu Mujyi wa Goma.

    Avuga ko guhura kw’abacuruzi bambukiranya umupaka uhuza Goma na Gisenyi hari ibyo bumvikanyeho, kandi bizakemura ibibazo by’imyitwarire mu mupaka ndetse bikabafasha kwirinda icyorezo cya COVID-19.

    Agira ati “Twahuye n’abacuruzi b’i Goma tuganira ku mikorere, twemeranya kuzajya twohererezanya ibicuruzwa nk’uko Abanyekongo babikeneye batubwira tukabibashyira, natwe ibyo dukeneye tukabibasaba bigatuma tugabanya urujya n’uruza mu kwirinda icyorezo cya Covid-19”.

    Babonampoze avuga ko baganiriye ku bituma ubucuruzi bwambukiranya umupaka bukomeza kandi hatabaye ingendo nyinshi, ibi bikazagera ku bakora n’akazi ko gucuruza ku ibase cyangwa agatebo.

    Ati “Abari mu nama bifuje ko hatorwa abantu 500 bajya bambuka umupaka harimo 250 bavuye i Goma hamwe na 250 bavuye mu Rwanda, icyakora nk’u Rwanda, icyo dushyize imbere ni ukohereza ibicuruzwa byinshi kurusha uko twohereza abantu benshi”.

    Babonampoze avuga ko ubusanzwe biyemeje kuzajya bohereza imodoka cyangwa igare ry’abafite ubumuga byikoreye ibicuruzwa bigaherekezwa n’umucuruzi umwe, naho ku bacuruza ku gataro ngo bagomba kwishyira mu matsinda.

    Ati “Kugira ngo bidatera akajagari, abacuruza ku gataro basabwa kwihuriza mu matsinda, hanyuma itsinda rigomba gucuruza tukaryandika. Iryo tsinda rigashyira ibicuruzwa mu igare cyangwa iriya moto itwara byinshi bigaherekezwa n’umuntu umwe akabicuruza yarangiza akazanira abandi amafaranga”.

    Ni uburyo bushobora kugera kuri benshi bukozwe neza kandi bugatuma benshi bari barakennye bongera kugira icyo binjiza mu miryango yabo.

    Inama yahuje Abanyarwanda n’Abanyekongo yabereye mu mupaka mu butaka butagira nyirabwo. Icyanyuze abacuruzi ni uko bagiye gusubukura ibikorwa byari byarahagaze, ariko bakagira amakenga mu kubahirizwa kuko bibayemo amakosa byatuma ubwandu bw’icyorezo bwiyongera amahirwe bahawe agakurwaho.

    Abacuruzi b’Abanyarwanda bavuga ko bishimiye kongera kohereza ibicuruzwa i Goma babyiherekejere, kuko ibyajyanwaga n’Abanyekongo bamburwaga cyangwa bagahombywa ku maherere.

    Babonampoze avuga ko ubucuruzi nibutangira uzaba umwanya mwiza wo kwishyuza abari barabambuye, naho ibirebana n’Abanyekongo baje gutura mu Rwanda bakajya bajyana ibicuruzwa i Goma ngo ntibazongera kubikora.

    Agira ati “Ntibazongera kuko ubu ibintu bigiye gukorerwa mu makoperative, wenda bakora ubwikorezi ariko ntibazongera kuduhombya”.

    Abanyarwanda bohereza ibicuruzwa mu Mujyi wa Goma, mu kwezi kwa Nzeri 2020 babwiye Kigali Today ko bahombejwe n’Abanyekongo amafaranga abarirwa muri miliyoni 100, bitewe no kuzanira Abanyarwanda ibicuruzwa bitasoze, ba nyirwabyo bagacibwa amande n’ikigo gishinzwe imisoro mu Rwanda kandi kizi neza ko batambutse, ibi bikiyongeraho ko Abanyarwanda basabaga Abanyekongo kubazanira ibicuruzwa aho kubizana uko babisabwe bagashyiramo n’ibicuruzwa bitasabwe, na bwo ababitumije bagacibwa amande.

    Umupaka muto uhuza Goma na Gisenyi ni wo uzajya ukoreshwa mu bucuruzi buciriritse bwambukiranya imipaka, ndetse abanyura kuri uyu mupaka bapimwa icyorezo cya COVID-19 bagahabwa igisubizo mu minota 30 ku buntu.

    Ibipimo bizajya bikorwa mu minsi 14, mu gihe abanyura ku mupaka munini hakoreshwa ibipimo byishyurwa biboneka mu masaha 24.

    Umupaka uhuza Umujyi wa Goma na Gisenyi uri mu mipaka ikoreshwa cyane ku Mugabane wa Afurika, aho mbere ya COVID -19 wakoreshwaga n’abantu ibihumbi 50 ku munsi.

    Kuva mu kwezi kwa Werurwe 2020 wafungwa kubera icyorezo cya COVID-19, ubu ni bwo wongeye gufungurwa na bwo ukoreshwa n’abantu bakeya batagera no ku gihumbi ku munsi.


    source https://www.kigalitoday.com/ubukungu/ubucuruzi/article/rubavu-hashyizweho-uburyo-bushya-bufasha-abacuruzi-bambukiranya-umupaka

  • Samuel Eto’o yarokotse impanuka ikomeye #Rwanda #RwOT via @kigalitoday #rwanda #RwOT

    Samuel Eto
    Samuel Eto’o yakoze impanuka Imana ikinga akaboko

    Biravugwa ko Samuel Eto’o yakoze impanuka ari mu muhanda wa Nkongsamba ubwo yagongwaga n’imodoka nini yahungaga abashinzwe umutekano.

    Umwe mu banyamakuru b’inshuti ya Samuel Eto’o Martin Camus yavuze ko Samuel Eto’o usibye kuba yahungabanye ariko ngo ameze neza, abaganga bari kumwitaho.

    Samuel Eto’o biravugwa ko yakoze impanuka avuye mu birori no mu bukwe bwo mu muryango we.

    Samuel Eto’o Fils yamenyekanye mu ikipe ya Mallorca aza kuba umukinnyi w’igihangange ubwo yakinaga mu ikipe ya FC Barcelone, yatwaye ibikombe byinshi cyane cyane by’umukinnyi witwaye neza ku mugabane wa Afurika.


    source https://www.kigalitoday.com/umutekano/hanze-y-igihugu/Samuel-Eto-o-yarokotse-impanuka-ikomeye

  • Nice Ndatabaye yasubiyemo ‘Umbereye Maso’ ayikorana n’abaririmbyi batandukanye -VIDEO #rwanda #RwOT

    Ni imwe mu ndirimbo za Gospel zikunzwe byo ku rwego rwo hejuru dore ko magingo aya imaze kurebwa inshuro hafi miliyoni eshanu kuri Youtube. Nyiri iyi ndirimbo, Nice Ndatabaye yamaze kuyisubiramo.

    Nice Ndatabaye umuhanzi nyarwanda uba muri Canada, ari mu bahanzi bari ba Gospel bakunzwe cyane mu Rwanda no muri Diaspora nyarwanda abicyesha indirimbo ‘Umbereye maso’ yakoranye na Gentil Misigaro wamamaye mu ndirimbo ‘Biratungana’, ‘Buri munsi’, n’izindi.

    Kuri ubu indirimbo ‘Umbereye maso’ mu myaka ibiri n’amezi 4 imaze kuri Youtube kuri shene yitwa Byishimo live, imaze kurebwa inshuro 4,596,305. Imaze gutangwaho ibitekerezo bigera kuri 504. Abantu ibihumbi 9 nibo bagaragaje ko bishimiye cyane iyi ndirimbo.

    Nice Ndatabaye hamwe n’umuryango we babana muri Canada, barashima Imana ko ibabereye masowe

    Tariki 08/12/2019 Nice Ndatabaye yataramiye bwa mbere mu Rwanda mu gitaramo gikomeye cyahembuye imitima ya benshi. Ajya gutegura iki gitaramo, yatekereje izina yacyita, mu mutwe hahita hazamo kucyitirira indirimbo ‘Umbereye maso’ yatumye izina rye rimenyekana, ni ko kucyita ‘Umbereye maso live concert’.

    Ni igitaramo cyabereye mu ihema rya Kigali Serena Hotel. Muri iki gitaramo, ni bwo yasubiyemo iyi ndirimbo ye, ayikorana n’abaririmbyi b’abahanga cyane bari baje kumushyigikira. Kuri ubu rero amashusho y’iyi ndirimbo baririmbanye icyo gihe yamaze kugera hanze.

    Nice Ndatabaye mu gitaramo cya mbere yakoreye mu Rwanda

    Abahanzi bagaragara muri iyi ndirimbo ‘Umbereye maso’ yasubiwemo ikanyuzwa kuri shene ya Youtube ya Nice Ndatabaye, ni Serge Iyamuremye, Daniella Rugarama, Gaby Kamanzi, Chance Mbanza, Prosper Nkomezi, Jado sinza, Muhoza Janvier na Nice Ndatabaye. Baririmbye iyi ndirimbo ubwo amatara yose y’ihema ryabereyemo iki gitaramo yari yazimijwe, abantu bose bakaba bari bacanye amatara ya telefone zabo.

    Nkuko tubikesha InyaRwanda.com Nice Ndatabaye impamvu yasubiyemo iyi ndirimbo ikubiye muri aya amagambo ati “Impanvu nahisemo gusubiramo iyi ndirimbo 'Umbereye maso' ni indirimbo abantu benshi bakunze dore ko ari nayo nitiriye igitaramo yafatiwemo amajwi n’amashusho mu buryo buri Live.”

    Ndatabaye yavuze ko icyamuteye kuyiririmbana n’abaririmbyi twavuze haruguru, ari uko bose ari inshuti ze ukongeraho no kuba yaranejejwe bikomeye no kubabona mu gitaramo cye cya mbere yakoreye i Kigali. Ati “Impanvu yanteye kuyikorana n’abaramyi bagenzi banjye byatewe n’impanvu nyinshi ariko navugamo ebyiri”.

    Gaby Kamanzi ni umwe mu baririmbye muri iyi ndirimbo ya Nice Ndatabaye

    Nice Ndatabaye yakomeje ati: “Icya mbere ni uko buri umwe wese muri bo ari inshuti yanjye mu buzima busanzwe turashyikirana, tugirana inama, turasabana, rero ni inshuti zanjye cyane. Impanvu ya kabairi ni uko byanejeje kubabona aba bene Data bitanze bakaza kudushyigikira byaratunejeje cyane.

    Ndetse si bo bonyine baje harimo n’abandi bene Data bamwe ntibuka amazina ariko ndanashimira abayobozi bacu bo muri All Gospel Today itsinda ry’abaramyi duhuriramo barimo umuyobozi 'Gedeon' ndetse n’abandi benshi biganjemo abashumba n’abaririmbyi”.

    Ndatabaye arashimira byimazeyo abamushyigikiye mu gitaramo yakoreye i Kigali

    Nice Ndatabaye yasoje agira ati “Muri rusange ndashimira Pastor Olivier, Bishop Dr Fidèle Masengo na Madamu, umuramyi Ada Bisabo Claudine etc…. n’abandi mwese bahabonetse turabashimira. By’umwihariko abo twaririmbanye ndabashimira cyane n’abaje kudushyigikira, abaramyi ku giti cyabo ndetse n’ama Ministere”.

    Ku bijyanye na gahunda z’umuziki afite mu minsi iri imbere, Ndatabaye yagize ati “Project ziri imbere hari indirimbo nyinshi ndimo gutegura ziri muri studio zirabageraho vuba cyane, ikindi hasigaye indirimbo imwe mu zo nakoreye i Kigali muri Serena Hotel nayo iri gutuganywa nirangira nzayibagezaho. Hanyuma ibindi bikorwa tuzagenda tubibamenyesha ibitaramo n’izindi gahunda uko iminsi igenda yegereza y’ibyo bikorwa”.

    REBA HANO ‘UMBEREYE MASO’ YA NICE NDATABAYE FT ALL STARS

    Source: Inyarwanda.com

    [email protected]

    Source : https://agakiza.org/Nice-Ndatabaye-yasubiyemo-Umbereye-Maso-ayikorana-n-abaririmbyi-batandukanye.html

  • Prosecution seeks 8-year sentence for former PM Habumuremyi #rwanda #RwOT

    The former PM and his co- accused, Charles Sebushyana this Friday appeared before the Nyarugenge intermediate court, to face two charges which they committed as officials of the Christian University of Rwanda; offering and signing on bouncing cheques which were handed to different business partners, suppliers and breach of trust in not paying back loaned money which led to some of the victims incurring financial losses in their businesses.

    Persons affected in this case filed a lawsuit seeking compensation for the damages caused by Jean Bosco Ngabonziza who supplied computers (in a Rwf7.5million tender) to the university and was asked to pay a guarantee of Rwf10million.

    Court heard again from prosecution that the supplier was not paid this amount even after supplying the good as agreed in the contract and the supplier was forced to look for more money to cover his financial tracks. Court also heard that PM Habumuremyi on personal level sought a personal loan of Rwf38million from one Charles Nkurunziza but refused to refund the money till to date.

    Prosecution argued that the duo signed bouncing cheques to its debtors and used their person (as the President and DAF of the Christian University of Rwanda) which is criminal penal code on financial payments.

    It is against this background that the prosecution sought their respective sentences requesting for former PM Habumuremyi a five year jail sentence and Rwf892million compensation for the count of offering and signing on bouncing cheques.

    They also requested an addition three year jail term and Rwf1million for the alleged crime of betraying the trust of his debtors, of which prosecution asked court to find the intent in these actions; moreover, prosecution sought the confiscation of PM Habumuremyi’s house located in Gacuriro, Kinyinya sector Gasabo district.

    Prosecution informed court that 'this property has since the start of the trial been transferred in the names of Clement Uwajeneza with him they signed a transfer agreement but we want this property to be added to sources of the compensation requested.'

    However Habumuremyi and his two defense lawyers told court that the defendant’s bank accounts have been freezed and property confiscated which is a setback in maintaining his family thus asked court to liberate the property involved.

    On compensation, Habumuremyi said that he is innocent and there is no basis of being slapped with this punishment arguing that the cheques he offered were done in the name of the university and each of the debtors was supposed to be paid in portions.

    'We have agreements with the persons whom we gave cheques. The payment arrangements were instead breached in the course of paying off some of them,' Habumuremyi said.

    He asked court to release him on this basis and on grounds that he was suffering from heart, stomach and eye problems which he said were putting his life in danger.

    On the same grounds, however his lawyers presented a different argument seeking Habumuremyi’s release saying that his case should be tried by a commercial court since it involves compensation of which a civil court doesn’t have competence.

    His lawyer Jean Pierre Kayitare said that legally Habumuremyi offered the cheques as a guarantee for payments which were to be made and there was no law broken considering the law provision of payment using immovable property as an option of settling a payment.

    However, prosecution said that in under such a context the parties would have sought a government registrar’s signature to legalize the said cheque payments as guarantees — which is only validated by the Rwanda Development Board.

    Responding to this, Habumuremyi said there was no need to validate the arrangements and when the cheque holders complained over the unbanked cheques, he sought bank help to have him sign replacing cheque of which his accusers agreed to.

    For Charles Sebushyana, the Prosecution asked a four year sentence and a compensation fine of Rwf87.5million on the alleged crime of endorsing as a signatory to the said cheques.

    In his defense Sebushyana said that he was no longer an employee of the university and when he signed on the cheques, it was because the university sought his help as they had no DAF at the time to do the same.

    Business partners in the Habumuremyi and Sebushyana case sought court to order the duo for compensation.

    Victor Semuhoza, lawyer for Jean Bosco Ngabonziza asked court that Habumuremyi refunds Rwf17.5million to his client, over Rwf6million as compensationand lawyer fees plus interest on a bank loan taken to cover the delayed payment.

    Semhoza also asked that one of the accused who is deemed to be able to pay immediately should be given the first task or alternative payment of this money collectively.

    Emmanuel Uyisabye who represented Charles Nkurunziza for Rwf38million given to Habumuremyi said he wants the money refunded and over Rwf19million in compensation, value for money, lawyer fees, and case follow up among others.Court will on November 27, 2020 reconvene to take a decision on the above case.

    IGIHE

    Source : https://en.igihe.com/news/article/prosecution-seeks-8-year-sentence-for-former-pm-habumuremyi

  • Umuhanzi Irakunda Mexance Yashyize hanze indirimbo yise Niyibigena #rwanda #RwOT

    Mexance Irakunda ni umusore w'Umunyarwanda ukiri muto,wavukiye mu mujyi wa Kigali afite imyaka makumyabiri n'ibiri y'amavuko akaba yaratangiye umuziki akiri muto ariko ari umucuranzi wa guitar.
    Irakunda Mexance ,ubusanzwe ni umucuranzi wa guitar wamenyekanye mu gucurangira benshi mu bahanzi ba gakondo.

    Uyu musore rero yamaze gushyira hanze indirimbo ye Yise Niyibigena,igamije gukangurira abantu muri rusange ko abantu bakura,babaho mu buryo bwinshi ariko bose nta mahitamo yabo aba arimo,byose aba ari Imana Ibigena. Ikinyamakuru Rushyashya News iganira nuyu musore yatubwiyeko iyi ari mwe mu ndirimbo zari mu nzozi ze agira ati ' Mu buhanzi bwanjye numvaga nshaka gukora indirimbo igakora ku mutima ya benshi,ndetse ikanabasigira ubutumwa,navuga ko nabigezeho.

    Mexance akomeza avuga ko afite indi mishinga myinshi y'indirimbo ateganya gukora kandi zigamije kubaka no gukomeza kwigisha umuryango Nyarwanda n'isi muri rusange. Mexance asoza asaba Abanyarwanda muri rusange gushyigikira umuziki wee! Ukunze indirimbo ye akayigeza ku wundi kugeza igeze kuri benshi. Irakunda Mexance afite inzozi zo kuba umwe mu bahanzi bakomeye hano mu Rwanda kandi bafite umuziki w'umwimerere,aho avuga ko kuba azi gucuranga gitari neza bigiye kumufasha gukora umuziki w'umwimerere akazagera ku nzozi ze zo kuba icyitegererezo mu muziki Nyarwanda,Mexance ati ' Nzakora kugeza igihe mbaye icyitegererezo ku bazaba barimo baza mu muziki icyo gihe'.

    Iyi ndirimbo mu buryo bwa amajwi yatunganyijwe na Meira Pro muri Studio ya Umushanana Records yunganirwa na Boris Pro hakaba hagaragaramo amashusho yafatiwe muri Clinic St Samuella izwiho kuvura cyane indwara z'imitsi iganisha mu bwonko.

    Hanyuma mu buryo bw'amashusho yakozwe na Mutuzo Otto Shamamba umwe mu batunganya amashusho bari gutanga icyizere mu iterambere ry'ikorwa ry'amashusho mu Rwanda,uyu Otto Shamamba niwe wakoze amashusho ya bimwe mu bihangano bya Clarisse Karasira birimo Indirimbo yitwa Urungano,ndetse na Urumbabaje Gakondo.
    Reba Niyibigena ya Mexance hano.

    The post Umuhanzi Irakunda Mexance Yashyize hanze indirimbo yise Niyibigena appeared first on RUSHYASHYA.

    Source : https://rushyashya.net/umuhanzi-irakunda-mexance-yashyize-hanze-indirimbo-yise-niyibigena/

  • Amavubi yerekeje Cap-Vert mu rugendo rw’amasaha umunani (AMAFOTO) #Rwanda #RwOT via @kigalitoday #rwanda #RwOT

    Mu gitondo cyo kuri uyu wa Mbere ni bwo abakinnyi 23 b’ikipe y’igihugu y’u Rwanda Amavubi berekeje muri Cap-Vert, aho bagomba gukina umukino n’iki gihugu mu guhatanira itike yo kujya mu gikombe cya Afurika kizabera muri Cameroun mu mwaka wa 2022.

    Muri uru rugendo, ikipe y’igihugu yahawe indege yihariye ya Rwandair igomba kubajyana ikazanabagarura, aho baza kunyura i Cotonou muri Benin mu rugendo ruza kumara amasaha ane, bakahva bakomeza i Praia muri Cap-Vert naho bagakoresha amamasaha ane.

    Mu rutondo Mashami Vincent yatangaje ku munsi w’ejo, 21 ni bo bahagarutse I Kigali, bakazahurira muri Cap-Vert na Mukunzi Yannick ukina muri Sweden, ndetse na Bizimana Djihad ukina mu Bubiligi mu gihe Kevin Monnet-Paquet we atigeze yitabira ubutumire yahawe.

    Abakinnyi 23 b’Amavubi bitabajwe ku mukino wa Cap-Vert:

    Abanyezamu: Kimenyi Yves (SC Kiyovu), Kwizera Olivier (Rayon Sports), Ndayishimiye Eric (AS Kigali).

    Ba myugariro: Manzi Thierry (APR FC), Rwatubyaye Abdul (Colarado Springs Switchbacks, USA), Ombolenga Fitina (APR FC), Imanishimwe Emmanuel (APR FC), Eric Rutanga (Police FC), Mutsinzi Ange (APR FC), Nsabimana Aimable (Police FC) na Rugwiro Hervé (Rayon Sports).

    Abakina Hagati: Bizimana Djihad (Waasland-Beveren, mu Bubiligi), Mukunzi Yannick (IF Sandvikens, Sweden), Haruna Niyonzima (Yanga SC, Tanzania), Muhire Kevin (El Gaish, Misiri), Ally Niyonzima (Azam FC, Tanzania), Nshuti Dominique Savio (Police FC), Manishimwe Djabel (APR FC) na Rubanguka Steve (A.E. Karaiskakis FC, u Bugereki).

    Ba rutahizamu: Meddie Kagere (Simba SC, Tanzania), Jacques Tuyisenge (APR FC), Hakizimana Muhadjili (AS Kigali) na Iyabivuze Osée (Police FC).

    source https://www.kigalitoday.com/imikino-11/football/article/amavubi-yerekeje-cap-vert-mu-rugendo-rw-amasaha-umunani-amafoto