Webrwanda Backend

Author: webrwanda

  • Amajyepfo: Imboni z’umupaka zahize izindi zahembwe #Rwanda #RwOT via @kigalitoday #rwanda #RwOT

    Bakoze amarushanwa mu ndirimbo n’imbyino, imivugo, imikino mbarankuru (ikinamico ngufi), ndetse no mu mupira w’amaguru wakinwaga hanatangwa ubutumwa bushishikariza abaturiye imipaka kuyirinda neza.

    Umuyobozi w
    Umuyobozi w’itorero Imbere Heza yashyikirijwe ibihembo

    Itorero Imbereheza ry’i Cyahinda mu Karere ka Nyaruguru ryahize ayandi mu mbyino, ryabiherewe igikombe, seretifika n’amafaranga ibihumbi 250. Itsinda ry’Abakundamahoro na ryo ryo muri Cyahinda na ryo ryahize ayandi mu mikino mbarankuru, ryahembwe igikombe, seretifika n’amafaranga ibihumbi 250.

    Cansilde Mukatisini na we wo mu Karere ka Nyaruguru ariko mu Murenge wa Ngoma, ni we wahize abandi mu mivugo, abiherwa umudari, seretifika n’amafaranga ibihumbi 50.

    Cansilde Mukasitini wabaye uwa mbere mu mivugo
    Cansilde Mukasitini wabaye uwa mbere mu mivugo

    Icyakora ibihembo byo mu gukina umupira w’amaguru byo ntibyatashye i Nyaruguru kuko ikipe yatwaye igikombe ari iya Mugombwa muri Gisagara yahembwe n’ibihumbi 250. Umukino wa nyuma wari wayihuje n’Ikipe y’i Kibilizi mu Karere ka Nyanza yo yahembwe seretifika hamwe n’amafaranga ibihumbi 150.

    Mu butumwa bukubiye mu bihangano byahize ibindi, harimo ubushishikariza abaturiye umupaka kwirinda kwambuka cyangwa kwambukana ibicuruzwa mu buryo butemewe n’amategeko, ariko no kutabyemerera abaturutse i Burundi, kandi ubonye ababirenzeho akabibwira ubuyobozi.

    Nko mu mbyino y’itorero Imbereheza hari ibango rigira riti “Umutekano ni uw’abaturage, wowe nanjye biratureba. Kuko ducungamiye ku nkiko, wowe nanjye biratureba. Kandi umutekano tukawuncunga gute? Dutangira amakuru ku gihe, uba ijisho rya mugenzi wawe, uba ucunze umutekano.”

    Icyivugo cy’imboni z’umupaka na cyo gikubiyemo ubutumwa bugira buti “Turi maso, twiyemeje kuwurinda, no kuwubungabunga, dukumira magendu n’ibyahungabanya umutekano byose, kandi dutangira amakuru ku gihe.”

    Ubwo abatsinze amarushanwa babihererwaga ibihembo mu Kagari ka Muhambara ho mu Murenge wa Cyahinda mu Karere ka Nyaruguru, tariki 30 Ukwakira 2020, Guverineri w’Intara y’Amajyepfo, Alice Kayitesi, yavuze ko amarushanwa y’imboni z’umupaka azakomeza, ariko noneho mu buryo budahuza abantu benshi, mu rwego rwo kwirinda ikwirakwira rya Coronavirus.

    Yagize ati “Ubu noneho aya marushanwa yatangiriye mu masibo, akaba azibanda ku gusuzuma uko amasibo, imidugudu, utugari, imirenge n’uturere bahiganwa mu kuzamura uruhare rw’umuturage mu kwibungabungira umutekano, mu guhagarika magendu, kwirinda kwambuka umupaka mu buryo butemewe ndetse n’ubukangurambaga muri gahunda zigamije iterambere n’imibereho myiza y’abaturage.”

    Minisitiri w’Ubutegetsi bw’Igihugu, Prof. Anastase Shyaka, ni we washyikirije ibihembo Imboni z’umupaka zahize izindi. Yashimye kuba barashishikarijwe gutanga ubutumwa binyuze mu guhiganwa, anifuza ko umuco wo guhiganwa washyirwa no mu bindi bikorwa bifitiye akamaro abaturage.

    Yagize ati “Guhiganwa mu mibereho yacu ya buri munsi tubigire umuco. Uyu munsi yari imihigo y’imboni z’umupaka, ejo tuzayikomeza, ariko turebe n’imihigo y’isuku mu ngo, no mu midugudu. Duteze imbere isuku, kandi n’abagize isuku mu buryo bw’intangarugero tubavuge.”

    Minisitiri Shyaka yanasabiye abagize umwanya wa kabiri mu ndirimbo n’imbyino, imivugo n’imikino mbarankuru, na bo kuzashakirwa ibihembo, kuko ubundi ibihembo byahawe aba mbere gusa.

    Minisitiri Shyaka yasabye ko gukorera ku guhiganwa byakozwe n
    Minisitiri Shyaka yasabye ko gukorera ku guhiganwa byakozwe n’Imboni z’imipaka byakwifashishwa no mu bundi bukangurambaga, urugero nk’ubushishikariza abantu kwita ku isuku
    Abagize itorero Imbereheza baje kwakira igikombe cy
    Abagize itorero Imbereheza baje kwakira igikombe cy’imbyino yahize izindi
    Abayobozi b
    Abayobozi b’uturere twa Nyanza na Gisagara na bo bitabiriye igikorwa cyo guhemba Imboni z’umupaka


    source https://www.kigalitoday.com/amakuru/amakuru-mu-rwanda/Amajyepfo-Imboni-z-umupaka-zahize-izindi-zahembwe

  • Umuganga wabaze Maradona arashinjwa kuba ari we wamwishe #Rwanda #RwOT via @kigalitoday #rwanda #RwOT

    Polisi ya Buenos Aires ikaba yamaze gufatira ibiro ndetse n’urugo rwa Dr Luque, kugira ngo bakomeze bakusanye ibimenyetso bishobora kugaragaza ko uwo muganga yaba yaragize uburangare mu kuvura Maradona, bikamuviramo kwitaba Imana.

    Mu kinaniro n’abanyamakuru, Dr Luque w’imyaka 39 yagize ati “Murashaka kumenya icyo banshinja? Ndazira kuba narakunze Maradona, nkamwitaho mu gihe ubuzima bwe bwari bugoye, nkamwongerera iminsi yo kubaho kugeza ku iherezo”.

    Yakomeje avuga ko atewe ishema n’ibyo yakoreye Maradona byose, kuko kuri we yumva yari inshuti ikomeye ya Maradona, ndetse akanamufata nk’umubyeyi, kuko kuri we atari umurwayi gusa.

    Yavuze kandi ko atazi icyatumye Maradona agira ikibazo cy’umutima igihe yari iwe muri Tigre, kuko ngo icyo yakoze kwari ukumubaga mu mutwe, ndetse byagenze neza, ibindi byari kubazwa abaganga bagombaga gukomeza kumwitaho.

    Gusa yakomeje anavuga ko Diego Maradona yari afite amabwiriza agoye ku buzima bwe, aho yashatse kujya mu rugo rwe, yanga kujya kurwarira mu kigo kirimo abaganga bagombaga gukomeza kumwitaho.

    source https://www.kigalitoday.com/amakuru/mu-mahanga/article/umuganga-wabaze-maradona-arashinjwa-kuba-ari-we-wamwishe

  • Rayon Sports yatsinze Muhanga, Iranzi asobanura icyatumye ataguma mu Misiri (AMAFOTO) #Rwanda #RwOT via @kigalitoday #rwanda #RwOT

    Kuri iki Cyumweru kuri Stade ya Muhanga, ikipe ya AS Muhanga yari yahakiriye ikipe ya Rayon Sports mu mukino wa gicuti, umukino waje kurangira ikipe ya Rayon Sports itsinze AS Muhanga ibitego 3-1.

    Abakinnyi 11 Rayon Sports yabanje mu kibuga
    Abakinnyi 11 Rayon Sports yabanje mu kibuga
    Abakinnyi 11 ba AS Muhanga babanje mu kibuga
    Abakinnyi 11 ba AS Muhanga babanje mu kibuga

    Rayon Sports ni yo yafunguye amazamu ku munota wa 10, ni igitego cyatsinzwe na Oumar Sidibe nyuma y’umupira wari uturutse kuri Niyonkuru Sadjati, umaze iminsi ahabwa amahirwe yo kubanzamo n’umutoza Guy Bukasa.

    Ku munota wa 40, Hakundukize Adoplphe ukunda gutsinda ikipe ya Rayon Sports, yishyuye igitego ku mupira yari aherejwe na Niyigena Shawali uturutse ku ruhande rw’iburyo.

    Ku munota wa 43, Drissa Dagnogo yatsinze igitego cya kabiri cya Rayon Sports n’umutwe ku mupira wari uvuye muri koruneri yatewe na Niyonkuru Sadjati, igice cya mbere kirangira ari ibitego 2-1.

    Igice cya kabiri gitangiye, Ernest Sugira yahise asimbura Drissa Dagnogo wari wavunitse mbere gato y’uko igice cy ambere kirangira, Sugira aza no guhita atsindira Rayon Sports igitego cya gatatu n’umutwe ku munota wa 63, kuri Coup_Franc yari itewe na Iranzi Jean Claude.

    Iranzi Jean Claude yongeye gukinira Rayon Sports
    Iranzi Jean Claude yongeye gukinira Rayon Sports

    Nyuma y’uyu mukino twaganiriye na Iranzi Jean Claude wagarutse muri Rayon Sports, atubwira impamvu atagumye mu ikipe ya Aswan Sporting Club yo mu Misiri, ndetse anatubwira ko ubu agiye gukira Rayon Sports umwaka wari usigaye w’amasezerano.

    “Ni byo nari maze igihe ntahari naragiye kugerageza ngo ndebe ko nabona ikipe yisumbuye kuri Rayon Sports,urebye byaciyemo biza kugera igihe bisa nk’aho bihinduka ni yo mpamvu yatumye umbona hano. Nari mfite amasezerano y’igihe gito y’amezi atandatu haza kubamo ikibazo cya Corona bituma Football ihagarara ahantu hose”

    ”Aho ifunguriye nari ntarabona ibyangombwa bituma hakomeza abakinnyi bari babifite kandi njye icyo gihe Rayon Sports yari itarabimpa, bituma ntegereza ngo shampiyona irangire tugire ibyo twumvikana bitandukanye, ariko hari ibyo tutabashije kumvikana”

    Iranzi avuga ko kandi ubu yari agifitiye Rayon Sports amasezerano y’uumwaka umwe, Rayon Sports ikaba yaramusabye ngo agaruke abakinire, akaba nawe yiteguye gukinira ikipe ya Rayon Sports muri uyu mwaka w’imikino wa 2020/2021.

    Andi mafoto yaranze uyu mukino

    Nishimwe Blaise umuhungu wa Mateso Jean de Dieu, ni umwe mu bakinnyi bakiri bato bari kwitwara neza muri iyi mikino ya gicuti Rayon Sports iri gukina

    Nishimwe Blaise umuhungu wa Mateso Jean de Dieu, ni umwe mu bakinnyi bakiri bato bari kwitwara neza muri iyi mikino ya gicuti Rayon Sports iri gukina

    source https://www.kigalitoday.com/imikino-11/football/article/rayon-sports-yatsinze-muhanga-iranzi-asobanura-icyatumye-ataguma-mu-misiri-amafoto

  • Ibaruwa Rayon Sports yandikiye Bugesera FC #rwanda #RwOT

    Rayon Sports yandikiye Bugesera FC bayisaba gukemura ikibazo cy’umukinnyi Nihoreho Arsene bitakunda bakamubasubiza akajya gutangira imyitozo muri Rayon Sports.

    Mu mpera za Kamena 2020 ni bwo Rayon Sports yasinyishije imyaka 2 uyu rutahizamu watsinze ibitego 17 mu mwaka w’imikino wa 2019/2020 ndetse aba uwa 3 mu batsinze ibitego byinshi i Burundi.

    Uyu mukinnyi akaba yarahise atizwa muri Bugesera umwaka umwe, akaba yarabwiye ISIMBI ko impamvu yatijwe ari uko iyi kipe ifite umubare mwinshi w’abanyamaanga cyane cyane ku mwanya we.

    Mu gitondo cyo kuri uyu wa Mbere, Rayon Sports yandikiye Bugesera FC bayisaba gukora ibyo bumvikanye bakishyura uyu mukinnyi amafaranga bumvikanye azamufasha gutangira akazi.

    Muri iyi baruwa yasinyweho na perezida wa Rayon Sports Uwayezu Jean Fidele yabwiye Bugesera ko uyu mukinnyi yabandikiye abamenyesha ko amafaranga angana miliyoni bumvikanye batarayamuha, bityo niba bananiwe kuzuza ibyo bumvikanye bakwiye kohereza uyu mukinnyi akajya gutangira imyitozo muri Rayon Sports.

    Amakuru avuga ko uyu musore yaguzwe miliyoni 7, Rayon Sports ikaba yari yarishyuye 4 bamusigayemo 3.

    Uyu musore aherutse kubwira ISIMBI ko muri aya mafaranga asigaye hari ayo azahabwa na Bugesera(miliyoni) andi akayahabwa na Rayon Sports.

    Ibaruwa Rayon Sports yandikiye Bugesera FC

    Arsene Nihoreho ntarahabwa amafaranga yemerewe na Bugesera FC

    Source : http://isimbi.rw/siporo/article/ibaruwa-rayon-sports-yandikiye-bugesera-fc

  • Manzi, Eunice na Sarah basohoye indirimbo nshya ‘Usinipite’ basaba ko yaba isengesho rya buri umwe wugarijwe-VIDEO #rwanda #RwOT

    Nyuma y’ukwezi bashyize hanze indirimbo nshya bise ‘Ahora hafi yawe’ yakunzwe n’abatari bacye kuri ubu bamwe mu baririmbyi b’abahanga u Rwanda rufite ari bo; Sarah Sanyu Uwera, Nelson Manzi n’umugore we Irakiza Eunice basohoye indirimbo nshya bise ‘Usinipite’.

    ‘Unisipite’ ni indirimbo isanzwe ari iyo mu gitabo, ikaba yitwa ‘Ntumpiteho Mukiza’. Amashusho yayo yatunganyijwe na Producer Eliel Sando muri Eliel Filmz mu gihe amajwi yayo yakozwe na Bruce & Boris. Ubwo bashyiraga hanze iyi ndirimbo ihumuriza imitima yugarijwe n’ibibazo bitandukanye, aba baririmbyi bavuze ko yaba isengesho rya buri umwe wese uri mu bihe bigoye ubwo ibintu byose biba bitagenda neza, bagatabaza Imana kandi ko izabasubiza ikabakomeza ikabaha imbaraga zo guca muri ibyo bihe bitaboroheye.

    Ni indirimbo iri mu rurimi rw’Igiswahili gusa, ikaba yishimiwe bikomeye n’abamaze kuyireba kuri Youtube, basabira umugisha mwinshi aba baririmbyi. Miryam Felician wo muri Tanzania yagize ati “Indirimbo nziza cyane, amajwi meza cyane! Muhabwe umugisha. Ndi Tanzania”. Uwiringiyimana Fortunee yagize ati “Uwiteka akomeze abahe imbaraga n’ubushobozi bwo gukomeza kutugezaho ijambo ry’Imana mu binyujije mu mpano yanyu yo kuririmba, ndabakunda cyane.”

    Aba baririmbyi uko ari batatu barazwi cyane mukuramya no guhimbaza Imana mu Rwanda. Bose babarizwa mu Itorero ry’Abadivantiste b’Umunsi wa Karindwi. Manzi na Sarah baririmba muri korali Ambassadors of Christ iri mu zikunzwe cyane mu Rwanda no muri Afrika, naho Eunice Irakiza umugore wa Manzi Nelson, ni umwe mu baririmbyi b’imena muri Epee du Salut choir ibarizwa kuri Kigali SDA Bilingual church, imwe muri korali zikunzwe cyane mu gihugu.

    Nkuko tubikesha InyaRwanda.com Nelson Manzi aherutse gutangariza iki kinyamakuru ko yatangiye kuririmbana n’umugore we Eunice mu bihe bya ‘Guma mu rugo’ ubwo ibikorwa byose by’imyidagaduro birimo n’iby’amakorali bitakoraga mu kwirinda ikwirakwira ry’icyorezo cya Covid-19 cyugarije Isi. Nk’abantu bakunda kuririmba kandi basanzwe ari abaririmbyi ndetse bakabisabwa na benshi, bahuje imbaraga bahumuriza abantu binyuze mu mpano bahawe n’Imana yo kuririmba. Nyuma ni bwo na Sarah Sanyu yabisunze.

    Kugeza ubu uko ari 3 bamaze gukora indirimbo zinyuranye zirimo; ‘Kua Mkristo’, ‘Ahora hafi yawe’, n’iyi nshya basohoye ‘Unisipite’. Hari n’izindi Manzi yaririmbanye n’umugore we, zose ukaba wazisanga kuri shene yabo ya Youtube yitwa ‘Manzi & Eunice Official’. Basabye buri uwo byashobokera kubashyigikira kugira ngo uyu murimo w’Imana bakora urusheho kugenda neza. Bashyizeho uburyo bubiri inkunga ya buri umwe yabageraho; kuri Paypal kanda HANO. Kuri Patreon kanda HANO.

    REBA HANO INDIRIMBO ‘USINIPITE’ YA MANZI, SARAH & EUNICE

    Source: Inyarwanda.com

    [email protected]

    Source : https://agakiza.org/Manzi-Eunice-na-Sarah-basohoye-indirimbo-nshya-Usinipite-basaba-ko-yaba.html

  • Imburamukoro na Dundubwonko, bimwe mu bihungabanya umudendendezo muri Huye #Rwanda #RwOT via @kigalitoday #rwanda #RwOT

    Abayobozi bavuga ko inzererezi n
    Abayobozi bavuga ko inzererezi n’inzoga zitujuje ubuziranenge bihungabanya umutekano

    Babibwiye Abasenateri bo muri komisiyo y’ububanyi n’amahanga, ubutwererane n’umutekano, babagendereye tariki 27 Ugushyingo 2020 bagamije kureba uko abaturage bagira uruhare mu kwibungabungira umutekano.

    Marc Kayonga uyobora umudugudu wa Ruvuzo mu Kagari ka Matyazo mu Murenge wa Ngoma, agira ati “Dufite urubyiruko rudashaka gukora, birirwa bakoze mu mifuka, abandi bakirirwa banywa inzoga, byagera nijoro bakajya mu ngo z’abantu bagapfumura ibikoni bagatwara amatungo n’ibindi biba birimo”.

    Aba kandi ahanini ngo si ba kavukire. Ahubwo ni abantu baba baje mu mujyi gushaka imirimo inyuranye nko kuragira no gukora mu ngo, yabananira bakajya gutura mu Matyazo kuko haboneka inzu bakodesha makeya (haba n’iz’ibihumbi bibiri), hanyuma bagatungwa no kwiba.

    Antoine Ngiruwonsaga ukora irondo mu Matyazo, ati “Dufite umubare munini w’abaturage harimo urubyiruko n’abataye amashuri badakora, nyamara bashaka kurya. Ni kwa kundi wanika umwenda, ntumenye aho ugiye. Hari n’igihe ushyira ihene hariya, umuntu akahanyura ntumenye uko ayinize, akayishyira mu mufuka akayitwara”.

    Ikindi gihungabanya umudendezo mu Matyazo, ni inzoga ziza zipfundikiye nk’aho zujuje ubuziranenge, nyamara atari byo kuko abazinywa zibica, byatumye bazita ‘Dundubwonko’.

    Ngiruwonsanga ati “Hari ahantu nari ndi ejobundi hari dépôt yazo, nkajya numva ibintu biturika, nkagira ngo ni ibintu barimo bahonda, naho ari amacupa arimo za nzoga. Inzoga imena icupa, urumva igeze mu bwonko byamera gute? Ni Dundubwonko nyine! Kandi ni agacupa k’amafaranga 200. Umusore arakanywa ukabona ararerembuye, yashyiramo itabi bikaba ibindi”.

    Ibi bituma Ngiruwonsanga yifuza ko ziriya nzoga zakongera kujya zipimwa kuko atekereza ko kuba zisindisha bene kariya kageni hari ibindi zongerewemo, bidahuye n’ibyari bizigize ubwo abazikora bemererwaga kuzajya bazikora.

    Ati “Abazinyoye ujya kubona ukabona umwe aje ugutwi kwenda kuvaho bamukomerekeje, undi ijisho, undi yagwiriye ikintu kikamukomeretsa. Twe tubanza kubakorera ubutabazi bw’ibanze, hanyuma tukajya kureba aho icyaha cyabereye”.

    Abatuye mu Murenge wa Ngoma banavuga ko bahangayikishijwe kurushaho n’abana batangira kuba inzererezi bakiri no mu ishuri, kuko baba babona bazavamo abajura mu bihe biri imbere. Faustin Musabyimana ukuriye inkeragutabara mu Kagari ka Matyazo avuga ko abo bana babita ‘abamarine’.

    Agira ati “Usanga ababyeyi babo baraje mu mujyi baje gukora mu ngo hanyuma bikabananira, nuko bagashakana. Ntabwo bamenya kuboneza urubyaro ku buryo hari n’abo usanga bafite abana nka barindwi, bakabyuka bajya kubashakira imibereho nyamara ntibabashe kubabonera ibibahaza, hanyuma abana na bo bakajya kwirwaho”.

    Anavuga ko abo bana ubasanga ku modoka zizanye ibirayi byatakara bakabitora bakajya kubihisha. Imyenda barayanura bakayitwara. Niba banyuze ku rugo bakabona isafuriya mu rugo ba nyir’urugo bari mu nzu, baraterura bagatwara.

    Umunyamabanga nshingwabikorwa w’Umurenge wa Ngoma, Alphonse Mutsindashyaka, avuga ko mu rwego rwo guhangana n’ibi bibazo bibangamira umudendezo w’abaturage bakora akenshi ubukangurambaga bwo kurwanya ibiyobyabwenge.

    Ngo banashyizeho amarondo. Hari irondo rikorwa n’abaturage, hakaba n’iry’umwuga rya nijoro no ku manywa mu bice bituwemo n’abantu birirwa ku kazi.

    Kandi ngo bamaze kwegeranya miliyoni zirindwi zo kugira ngo bazigurire imodoka ya miriyoni 21 yo kuzajya ibafasha mu bikorwa by’umutekano. Asigaye na yo ngo bari kuyashakisha kugira ngo igurwe.

    Ubushakashatsi bwashyizwe hanze n’Urwego rw’Imiyoborere (RGB) muri uyu mwaka wa 2020, bwagaragaje ko muri rusange abaturage bo mu Rwanda bishimira umutekano ku rugero rwa 91.6%.

    Senateri Clothilde Mukakarangwa na Senateri Ephrem Kanyarukiga, i Huye baganiriye n
    Senateri Clothilde Mukakarangwa na Senateri Ephrem Kanyarukiga, i Huye baganiriye n’abahagarariye abaturage bo mu Murenge wa Huye n’uwa Ngoma

    Bwagaragaje kandi ko imbogamizi ya mbere ku mutekano w’abantu n’ibintu ari ubujura ku gipimo cya 38.5%. Hakurikiraho ubutekamutwe bukoresheje ikoranabuhanga kuri 20.3%, ikoreshwa ry’ibiyobyabwenge kuri 20.2%, gukubita no gukomeretsa kuri 18.9% impanuka zo mu muhanda kuri 11.6%, n’icuruzwa ry’abantu kuri 2.8%.

    Ubushakashatsi ku gipimo cy’imiyoborere mu Rwanda muri 2019 bwagaragaje ko u Rwanda rufite umupolisi 1 ku baturage 780, mu gihe Umuryango w’Abibumbye uvuga ko ubundi hakagombye kubaho umupolisi 1 ku baturage 334.

    Abasenateri biyemeje kujya kureba igikorwa kugira ngo umutekano w’abaturage ucungwe neza hifashishijwe kwicungira umutekano (community policing) n’urubyiruko rw’abakorerabushake, kuko ibibangamira umudendezo w’abaturage binabangamira iterambere.

    Senateri Clothilde Mukakarangwa, Visi Perezidante wa Komisiyo y’Ububanyi n’Amahanga muri, ubutwererane n’umutekano Sena, waje kuganira n’Abanyehuye ku ko bicungira umutekano, avuga ko muri rusange komisiyo barimo izagenderera uturere 16, kandi bagasura imirenge ibiri muri buri karere.

    Ibizava mu biganiro n’abaturage ndetse n’abayobozi ngo bazabigeza ku Nteko Ishinga Amategeko, izatanga inama ku cyakorwa kugira ngo umudendezo w’abaturage ugerweho uko byifuzwa.


    source https://www.kigalitoday.com/umutekano/imbere-mu-gihugu/article/imburamukoro-na-dundubwonko-bimwe-mu-bihungabanya-umudendendezo-muri-huye

  • Umutoza wa Gor Mahia yakomoje ku bakinnyi ba APR FC babagoye #rwanda #RwOT

    Umutoza wa Gor Mahia w’agateganyo watoje umukino wa APR FC, Sammy 'Pamzo’ Omollo avuga ko bagowe n’abakinnyi barimo Omborenga Fitina, Mangwende ndetse na Jacques Tuyisenge winjiye mu kibuga asimbura.

    APR FC yari yakiriye Gor Mahia mu mukino ubanza w’ijonjora ry’ibanze rya CAF Champions League ku wa Gatandatu tariki ya 28 Ugushyingo 2020.

    Ni umukino warangiye ku ntsinzi ya APR FC y’ibitego 2-1. Ni umukino Gor Mahia yatojwe n’umutoza w’agateganyo, Sammy 'Pamzo’ Omollo kuko Robertinho CAF yavuze ko ibyangombwa bye bitamwemerera gutoza aya marushanwa.

    Nyuma y’uyu mukino, Sammy yavuze ko n’ubwo baje bakererewe ntibakorere imyitozo ku kibuga bakiniyeho, ibibazo by’amikoro biri mu ikipe nta na kimwe bagira urwitwazo rwo gutsindwa, yemeye ko barushijwe gusa ngo haracyari indi minota 90.

    Agaruka ku bakinnyi ba APR FC babagoye, yavuze ko impande za APR FC zari zikomeye cyane ndetse ari nabyo byatumye batsindwa.

    Ati'icyo twari twiteze uyu munsi ni igitutu cyo ku ikipe iri mu rugo, bari bakomeye cyane imbere, by’umwihariko abakina ku mpande(Omborenga na Mangwende) basatiraga banugarira, uwanyuraga ku ruhande rw’iburyo we yari mubi cyane ni nabyo byatumye dutsindwa igitego cya kabiri.'

    'Ubwo Jacques yazaga mu kibuga, yadusyizeho igitutu, yajemo abakinnyi bacu babaniwe bidushyira ku gitutu, ariko amakipe yombi yakinnye neza muri rusange.'

    Umukino wo kwishyura ukaba uteganyijwe ku wa Gatandatu tariki ya 5 Ugushyingo 2020 muri Kenya i Nairobi.

    Kwinjira kwa Jacques Tuyisenge mu kibuga byateye igihunga kuri Gor Mahia

    Mangwende yanyuraga ku ruhande rw’ibumoso, ni umwe izina rye ryasigaye mu mutwe w’umutoza Sammy

    Omborenga wanyuraga ku ruhande rw’iburyo yazengereje Gor Mahia

    Source : http://isimbi.rw/siporo/article/umutoza-wa-gor-mahia-yakomoje-ku-bakinnyi-ba-apr-fc-babagoye

  • Rwabugiri Umar arerangana, ninjye wakoze amakosa – Umutoza Adil wa APR FC #rwanda #RwOT

    Nyuma y’uko APR FC itsinze Gor Mahia 2-1, igitego APR FC yatsinzwe ntabwo cyavuzweho rumwe aho abantu benshi bashyize ikosa ku munyezamu Rwabugiri Umar, umutoza w’iyi kipe akaba avuga ko amakosa ari aye atari ay’umunyezamu we.

    Hari ku wa Gatandatu tariki ya 28 Ugushyingo 2020, APR FC yari yakiriye Gor Mahia mu mukino ubanza w’ijonjora ry’ibanze rya CAF Champions League.

    APR FC yari imbere n’igitego 1 cyatsinzwe na Sefu ku munota wa 9.

    Ku munota wa 28, Gor Mahia yishyuye igitego gitsinzwe na Andrew Juma, ni ku mupira w’umuterekano yatereye nko muri metero 23, Rwabugiri ananirwa kuwukuramo. Wamwidunze imbere uramurenga ujya mu izamu. APR FC yaje kubona igitego cya 2 ku munota 62, ku mupira Omborenga yahinduye imbere y’izamu bakitsinda.

    Nyuma y’uyu mukino, Adil yabajijwe ku makossa y’umunyezamu we niba akinamufitiye icyizere, avuga ko amakosa ari aye atari ay’umunyezamu.

    Ati'Ntabwo ari Umar wakoze ikosa, ni umutoza wakoze ikosa, nta kosa yakoze n’ikipe n’umutoza bakoze ikosa. Nta kibazo mfite ku munyezamu wanjye yari ahari, yakinnye neza, yagize umukino mwiza. Ikipe yose yakoze ikosa ntabwo ari Umar, APR FC ni umuryango iyo umwe akoze ikosa twese tuba twarikoze, rero Umar nta kosa yakoze ninjye wakoze ikosa.'

    Uyu mutoza kandi yavuze ko bagomba kwitegura umukino wo kwishyura uzaba ku wa Gatandatu tariki ya 5 Ukuboza 2020 bagasezerera iyi kipe uko byagenda kose.

    Rwabugiri ashinjwa kuba ari we watsindishije APR FC

    Adil ahamya ko nta kosa Rwabugiri yakoze ari we wakoze amakosa

    Source : http://isimbi.rw/siporo/article/rwabugiri-umar-arerangana-ninjye-wakoze-amakosa-umutoza-adil-wa-apr-fc

  • Covid-19: Amakuru Mashya 29/11/2020 #rwanda #RwOT

    Minitseri y'ubuzima mu Rwanda yatangaje, umugore w'imyaka 25 yahitanwe na Covid-19,aba umuntu wa 48 uhitanwe n'iki cyorezo mu Rwanda.

    Kuri iyi tariki kandi abantu 28 basanganywe ubwandu bwa Coronavirus, mu gihe nta n'umwe wayikize,mu bipimo 2,042 byafashwe mu masaha 24 yashize.

    Dore aho abo barwayi bagaragaye ni mibare yabo

    Kigali: 8, Musanze: 8, Rubavu: 4, Rusizi: 3, Gicumbi: 2, Nyagatare: 1, Gatsibo: 1, Burera: 1.

    Source : https://impanuro.rw/2020/11/30/covid-19-amakuru-mashya-29-11-2020/

  • AS Kigali yagize ikibazo cy’abakinnyi 4 batakinnye, yatsinzwe na Orapa United (AMAFOTO) #rwanda #RwOT

    AS Kigali yaraye itsinzwe umukino ubanza w’ijonjora ry’ibanze rya CAF Confederations Cup na Orapa United yo muri Botswana 2-1, ni nyuma yo kudakinisha abakinnyi bayo 4 babuze ibyangombwa.

    Ni umukino wabaye ku munsi w’ejo hashize ku Cyumweru aho umukino warangiye ku ntsinzi ya Orapa United y’ibitego 2-1.

    Ibitego bya Orapa byatsinzwe na Gafoame Mabaya ku munota wa 12 na Elias Mbatshi atsinda icya kabiri ku munota wa 19, ni mu gihe igitego kimwe rukumbi cya AS Kigali cyatsinzwe na rutahizamu w’umunya-Nigeria, Aboubakar Lawal.

    AS Kigali ikaba yakinnye uyu mukino idafite abakinnyi bagera kuri 4 kubera ibibazo by’ibyangombwa, barimo rutahizamu w’umunya-Nigeria, Orotomal Alex, Ishimwe Christaian, Ahoyikuye Jean Paul(Mukonya) na Karera Hassan.

    AS Kigali biteganyijwe ko izahaguruka muri Botswana ku wa Kabiri aho izarara muri Ethiopia ikagera mu Rwanda ku wa Gatatu, ni mu gihe umukino wo kwishyura uzaba ku wa Gatandatu. Izakomeza hagati y’aya makipe izahura na KCCA yo muri Uganda.

    11 ba Orapa babanje mu kibuga

    Abakinnyi 11 ba AS Kigali babanje mu kibuga

    Rutahizamu Aboubakar Lawal

    Shabani Hussein Tchabalala yagerageje

    Biramahire Abeddy ashaka uko acenga umukinnyi wa Orapa United

    Nsabimana Eric Zidane ni we wari kapiteni wa AS Kigali

    Rutahizamu Lawal yagerageje kugora ubwugarizi bwa Orapa United

    Lawal Aboubakar yishimira igitego cy’impozamarira yatsindiye AS Kigali

    Christian(ibumoso), Karera Hassan(hagati) na Orotomal Alex (iburyo) bakurikiraniye umupira muri Stade kuko bagize ikibazo cy’ibyangombwa

    Perezida wa AS Kigali, Shema Fabrice yarebye uyu mukino

    Umutoza Eric Nshimiyimana ntiyahiriwe n’umukino ubanza

    Source : http://isimbi.rw/siporo/article/as-kigali-yagize-ikibazo-cy-abakinnyi-4-batakinnye-yatsinzwe-na-orapa-united-amafoto