Author: webrwanda

Imboga zitwa Okra mu Cyongereza cyangwa Gombo mu Gifaransa ntizimenyerewe cyane mu Rwanda, ariko zimaze igihe zitangiye kugaragara ku masoko amwe n’amwe cyane cyane ayo mu Mijyi.

Uru ruboga ruboneka ku migabane y’isi hafi yose, rukaba rufite ibyiza bitandukanye ruzana ku buzima bw’abantu barukoresha rwaba rutetse cyangwa se ari rubisi.

Ku rubuga https://www.santeplusmag.com, bavuga ko okra ari uruboga rukize ku ntungamubiri zitandukanye ndetse na za vitamine A, B, C na K, n’ubutare bwa magnésium, potassium, calcium, fer, zinc ndetse n’ibyitwa 'fibres’.

Umuntu urya Okra ku buryo buhoraho, bimufasha kugira inzira y’igogora ikora neza, bikamurinda kugira ibibazo bitandukanye mu mara, harimo no kumurinda kumva agugaye mu nda, kuba yarwara impiswi cyangwa impatwe n’ibindi. Ikindi Okra ifasha mu kugabanya ibinure bibi 'cholestérol’ mu mubiri.

Imboza za okra kandi zifasha ubudahangarwa bw’umubiri gukora neza, zikagabanya umuvuduko w’amaraso uri hejuru, zigatuma umutima ugira ubuzima bwiza. Okra kandi ifasha amaso kugira ubuzima bwiza kuko ikungahaye cyane kuri Vitamine A.

Imboga za Okra zikungahaye cyane ku byitwa 'antioxydants’ na vitamine A, bituma uruhu rugira ubuzima bwiza, zikanafasha mu komora inguma zoroheje zaba ziri ku ruhu.

Kuri urwo rubuga kandi bavuga ko uburyo bwiza bwo gutegura okra ushobora kuzikatagura, zikarara mu mazi, nyuma umuntu akanywa amazi.

Ku rubuga https://www.lifehack.org/294087/, bavuga ko Okra ituma umuntu uyiriye yumva yijuse, bikamurinda kurya bya hato na hato, bikamufasha kugabanya ibiro mu gihe abyifuza. Ikindi kandi imboga za Okra zifasha umubiri kwisukura.

Imboga za okra zifasha mu kurwanya kanseri kubera ko zikungahaye cyane ku byitwa 'antioxidants’. Okra kandi zongera uburumbuke 'fertility’ zikanafasha umugore utwite kumererwa neza kuko zikize cyane ku byitwa 'folates’.

Okra zifasha mu kuringaniza isukari mu maraso, zikanakumira indwara ya diyabete. Okra kandi zikumira indwara zimwe na zimwe zibasira impyiko cyane cyane ku bantu bazirya ku buryo buhoraho.

Imboga za okra zifasha abantu barwaye asima kumererwa neza, kuko zituma bashobora guhumeka neza. Okra kandi zituma umuntu agira imisatsi myiza, iyo bazifashe bakazitogosa nyuma zamara guhora bakazivanga n’umutobe w’indimu, bagasiga mu musatsi nyuma bakawumesamo, bituma usa neza kandi ukabyibuha.

Imboga za okra zituma ubwonko bumererwa neza, bukanakora neza ku buryo ari nziza ku bana b’abanyeshuri baba bagomba kugira ibyo bafata mu mutwe.

Kubera vitamine K iba mu mboga za okra, ituma umuntu ukunda kuzirya agira amagufa akomeye kandi ikayarinda indwara y’amagufa izwi nka 'osteoporosis’.

Source: kigalitoday

[email protected]

Ni igitaramo giteganijwe kizaba hifashishijwe ikoranabuhanga kigamije gutuma abantu bongera kuzirikana ko Yesu yatuvukiye bityo bakarushaho kwizihiza umunsi wibukwaho ivuka rye nk’imwe mu minsi ikomeye y’umukristu.

Mu kiganiro na Gisele Precious yavuze ko iki gitaramo kizabera kuri televiziyo mu rwego rwo kwirinda COVID19 ndetse ngo giteganijwe kuba mu buryo bwa Live.

Iki gitaramo mbere cyari cyatangajwe ko kizaba tariki ya 25 Ukuboza 2020 ariko kubera impamvu zitandukanye itariki yaje kwimurwa ishyirwa ku wa gatandatu tariki ya 26 Ukuboza 2020 nkuko nanone Gisele yabibwiye umunyamakuru wacu.

Muri iki gitaramo kandi Gisele azafatanya na Band igizwe n’abagore gusa imwe rukumbi mu muziki wo kuramya no guhimbaza Imana ikaba yaranubatse amateka akomeye ubwo yagaragaraga bwa mbere muri Rabagirana Festival 2019 ndetse igakora ibitarakozwe n’indi band nkayo mu mateka y’umuziki wo kuramya no guhimbaza Imana mu Rwanda. Iki gitaramo kizaririmbamo abagore gusa

Iki gitaramo kiziharirwa n’abagore gusa ngo kuko n’abahanzi bandi bataratangazwa bazaririmbamo ari bamwe mu bahanzi bakomeye muri iki gihugu kandi b’itsinagore gusa.

Uyu muhanzikazi avuga ko igihe kigeze ngo abagore bakorere Imana mu buryo bwose bwo kuyikorera kandi bagaragaze impano zindi nyinshi bafite harimo n’izo gucuranga ibicurangisho basaza babo bacuranga.

Gisele Precious ni umuhanzikazi ukiri muto kandi w’impano ikomeye ndetse wanatunguranye cyane,akaba akomeje kuzamuka neza mu murimo wo kuririmbira Imana dore ko amaze imyaka itatuatanguye kuririmba ariko benshi bakaba bamaze kumumenya kubera Impano itangaje afite.

Ni ikihe kintu kidasanzwe kiri mu buzima bwanyu. Ese haba ubusambanyi bukabije, ese haba ubukene budasobanutse, murakora ntimutere imbere, mu buzima bwawe ntiwaba ufite umujinya udafite uko wawusobanura, nawe ubwawe utabasha kugenzura kubera ko uherekejwe n’imbaraga z’umwijima?. Mu muryango wanyu ko abantu batinda gushaka ubona ari ibintu bisanzwe?, Ese gupfusha ubukwe bya buri gihe cyangwa se gutwita zikavamo ubona ari ibintu bisanzwe?

Iyo umuntu ari muri Kristo Yesu aba ari icyaremwe gishya nta muvumo aba agifite. Ese koko muri Kristo Yesu abantu bose barimo?, bageze ku kigero cy’ubukure muri Kristo kugeza ubwo batafatwa n’umuvumo uva mu gisekuru?

Ibintu bigaragaza ko ufite imivumo y’uruhererekane, nibyo Pasiteri Desire Habyarimana yagarutseho mu kiganiro 'Ubutumwa bukiza’ kinyura kuri Agakiza Tv.

Hari ubwo abantu benshi bakira Kristo ariko bakamwakira mu buryo butuzuye. Bamwakiriye nk’Umukiza kuko bari baremerewe n’ibyaha, ntibibuke kumwakira nk’Umwami w’ubuzima bwabo aho agera muri buri nguni yose y’ubuzima bw’umuntu, akima akaba Umwami w’ubuzima bwabo. Iyo bitagenze gutyo uzasanga umuntu yubaka urugo nk’uko se yarwubatse, mamawe yatandukanye na se , nawe yatandukanye n’umugabo we ukibaza ko uyu muntu yari akijijwe kubera iki bimubaho?.

Ibi si uko ari umugambi w’Imana ahubwo ni uko abantu batakiriye agakiza mu mwuzuro wako. Niwibonaho kimwe muri ibi bintu ukwiye kumenya ko hari ikintu kidasanzwe, kandi ukwiye kubimurikira Yesu kuko yaje kudukura munsi y’imbaraga z’umuvumo.

Indwara zo mu mutwe

Hari abantu ubona mu muryango babana n’ubwo burwayi bugendanye no mumutwe, ukabona bahora ku miti ihoraho. Hari naho usanga hari Sinezite zifata abantu bose mu buryo bw’uruhererekane, ariko mu byukuri iyo abantu basengewe bene izo ndwara zirakira.

Ubugumba /Gukuramo inda

Nubwo kutabyara biterwa n’impamvu nyinshi , ingingo tuzagarukaho by’umwihariko ariko hari ubwo biba ari umuvumo.

Kutumvikana ku muryango

Hari imiryango itumvikana bakabaho batumvikana, badashobora gusangira, bakabaho batari umwe bakaba bangana ku buryo buteye ubwoba. Ibi akenshi bituruka ku mbaraga z’umuvumo kuko ahari Umwuka w’Imana haba hari ubumwe, haba hari urukundo, haba hari amahoro. Igihe cyose rero hariho ukutumvikana mu muryango haba hari umuvumo kandi hari ubwo uba ari uw’uruhererekane rw’ibisekuru. Ugasanga wenda papa wawe yatandukanye na mama wawe, nawe watandukanye n’uwo mwashakanye. Yewe hari n’ubwo upfusha ubukwe biturutse kuri uyu muvumo.

Ubukene

Gukene biva ahantu henshi, birasaba ko iyi ngingo nayo tuzayigarukaho by’umwihariko. Ariko hari ubwo umuntu ashobora gukena kuko ari umunebwe, agakena kubera abadayimoni badashaka ko hari icyo ageraho, ariko hari n’igihe akena kubera umuvumo. Hari ubwo baba baratambye ibitambo by’amaturo ku bigirwamana, igihe cyose ubutunzi bwakoreshejwe mu kuramya izindi mana umuvumo uzakurikira umuryango wawe. Niyo mpamvu hakwiye kubaho gutandukana kw’izo mbaraga z’umuvumo.

Impanuka n’imfu zidasobanutse

Mwibuke ko Satani azanwa no kwiba, kwica no kurimbura naho Yesu niwe utanga ubugingo bw’inshi. Hari ubwo uhora ukora impanuka zikakwibasira, ukabona hahoraho Imfu mu muryango kandi zidasobanutse. Akenshi biba ari umuvumo, ni abadayimoni baba baje kwishyuza ibitambo by’amaroso. Ibi ntabwo twabifata nk’ibisanzwe kuko kurama ni umugisha, gukenyuka ntabwo ari umugisha w’Imana.

Kwiyahura

Hari abantu ubona byorohera kwiyahura, ugasanga mu muryango hari abantu barenze nka 5 bose bapfuye biyahuye. Iyo urebye imibare y’abantu biyahura buri mwaka ku isi, iteye ubwoba kandi ibyo ntabwo ari umugisha, kuba umuntu yanze ubuzima ni umuvumo.

Kwigomeka

Satani niwe mwami w’ibyigomeke byose. Birababaje ko muri iyi minsi hari n’aho usanga mu rusengero abantu bigomeka, ukabona yigometse ku mushumba we ajya gushing irye torero. Kwigomeka uko ari ko kose kuva kuri Satani.

Ubusambanyi budasanzwe

Hari ubwo biba bizwi neza ko umuhungu cyangwa umukobwa wo muri uwo muryango mbere y’uko ajya gushaka aba yarabyaye. Twibuke ko iyo umuntu asambanye bifata ibisekuru icumi kugira ngo uwo muvumo uve mu muryango. Imana yanga gusambana kuko biba uruhererekane mu muryango, Dawidi yasambanye na mukaUliya, hashize iminsi umuhungu we Amunoni afata ku ngufu mushiki we. Hashize igihe umuhungu wa Dawidi Abusalomo amwigomekaho asambanya abagore ba se ku gasozi. Mwibuke ko Salomo yarongoye abagore 1001 kubera umuvumo wa se.

Ibiyobyabwenge

Nubona abantu bajya mu biyobyabwenge ku kigero kiri hejuru, uzamenye ko biterwa n’abadayimoni n’imbaraga z’umuvumo, nubwo hari n’igihe biterwa n’amarangamutima akomeretse.

Gutsindwa/Ubuswa

Hari ubwo ubona ibintu bikoranywe ubuswa ukabo ntibyari umugambi w’Imana. Mwibuke ko Bibiliya ivuga ko 'ahatari ubwenge, ihishurirwa ishyanga rirarimbuka rigashiraho’. Hari ubwo abantu bashobora kwicwa n’imirire mibi kandi ibyo kurya biba bihari. Hari ubwo ureba mu muryango ugasanga hari ibibazo byo guhora mu gutsindwa, ariko ntukemere gutsindwa.

Uburiganya

Hari igihe abantu baba mu buriganya, bakabaho bishimira ibyo bagezeho kandi byaravuye mu kuriganya. Ukaba warakoze umushinga wo gufasha imfubyi abaterankunga baza bakaguha amafaranga, ugahita wikubira. Ushobora kuriganya akazi k’abandi, kwiba imisoro, ibintu byose bije mu buriganya ni icyaha kandi akenshi biherekezwa n’imbaraga z’umuvumo.

Gutandukana kw’abashakanye( Divorce)

Hari aho ubona gutandukana kw’abashakanye atari ikintu gisanzwe ahubwo ari umuvumo w’icyaha ukomoka mu gisekuru.

Reba inyigisho Yose: Ibi bintu n’ubibona mu buzima bwawe uzamenye ko ufite imivumo y’uruhererekane by Pastor Desire H.

Source: Agakiza Tv

[email protected]

Ikipe ya Rayon Sports imaze iminsi mu kato nyuma y’uko mu mpera z’icyumweru gishize abakinnyi bane bari bapimwe basanganwa iki cyorezo gikomeje kuyogoza Isi.

Rayon Sports ifite abakinnyi 12 bamaze kwandura COVID-19 ndetse uyu munsi harongera gufatwa ibindi bipimo ku basigaye.

Nubwo Rutsiro FC yakinnye na Rayon Sports ku wa Gatanu, imaze iminsi mu kato, nta murwayi wa COVID-19 iravugwamo.

Kugeza magingo aya kandi, ntacyo inzego zibishinzwe zirimo amakipe cyangwa FERWAFA ziratangaza kuri iki cyorezo kivugwa mu makipe.

FERWAFA iherutse kongera gusaba amakipe kujya ayitangariza ibyavuye mu bipimo bya COVID-19 byafashwe abakinnyi, bigashyikirizwa komiseri w’umukino.

Mu mategeko mashya yatangajwe na FERWAFA mbere y’uko Shampiyona ya 2020/21 itangira ku wa Gatanu, harimo ko ikipe igomba kuba ifite abakinnyi 16 barimo n’umunyezamu kugira ngo yemererwe kwitabira umukino.

Ubu bujura bwabaye mu ijoro ryo kuri uyu wa Mbere rishyira kuwa kabiri tariki 8 Ukuboza 2020, mu Murenge wa Munyiginya muri aka Karere ka Rwamagana.

Ubuyobozi bw’Umurenge wa Munyiginya bwatangaje ko abo bajura bahageze ahagana saa 12:40 z’ijoro bitwaje intwaro gakondo.

Bivugwa ko umwe yagiye ajya kwataka umuzamu uharinda yari ari inyuma abandi bo ngo bari batangiye kumena ibirahure ngo bakingure maze ahita amurasa yikubita hasi ahita apfa abandi bariruka.

Umuvugizi wa Polisi mu Ntara y’Iburasirazuba, CIP Hamduni Twizeyimana, yabwiye IGIHE ko uwo murinzi avuga ko yabanje kurasa isasu mu kirere mbere yo kurasa uwo mujura amasasu atatu.

CIP Twizeyimana yasabye abaturage gukomeza gutanga amakuru ku bantu nk’abo bahungabanya umutekano bakanatanga amakuru ku gihe.