Webrwanda Backend

Author: webrwanda

  • APR FC Icyuye amanota atatu mu mukino wayo wa mbere wa Shampiyona itorohewemo na Kiyovu Sports #rwanda #RwOT

    APR FC Icyuye amanota atatu mu mukino wayo wa mbere waAPR FC ikipe yatwaye igikombe cya Shampiyona idatsinzwe umukino n'umwe hano mu Rwanda, Shampiyona y'Umupira w'amaguru yasubikwaga yari imaze iminsi ikubutse I Nairobi aho yavanywemo na Gor Mahia F.C. mu marushanwa y'amakipe yabaye aya mbere iwayo

    Kuri uyu wa gatanu nibwo abasore b'Umutoza Mohammed Adil Erradi bamanukaga mu kibuga kuri Stade ya Kigali-Nyamirambo besurana na Kiyovu Sports ya Olivier Karekezi yakomeretse ubwo iheruka gutsindwa na Marine FC ibitego 3-O bwa Kiyovu ku mukino wabaye kuwa 7 Ukuboza 2020 ariko nanone Ntabwo ariwo mukino wonyine wabaye kuko Marine FC itoroshye muri iyi minsi yaguye miswi na Sunrise ya Nyagatare igitego 1-1

    Umukino wahuje APR FC na Kiyovu ni umukino utari woroshye ariko watangiye Kiyovu Sports ubona ko irimo kuzibira izamu ryayo ariko biba iby'Ubusa Ku munota wa 36 ubwo izamu rya Kiyovu ryari risumbirijwe maze Umukinnyi Serumogo Ally akitsinda igitego rukumbi cyabonetse muri uyu mukino n'ubwo APR FC yaje kubona Penaliti Lague Byiringiro ayitera mu maboko ya Kimenyi Yves bahoze bakinana

    Abakinnyi babanje mu kibuga ku ruhande rwa APR FC, Herthier mu izamu, Omborenga,Imanishimwe,Manzi, Mutsinzi,Seifu, Bosco, Djabel, Djuma, Lague na Tuyisenge
    Abakinnyi babanje mu kibuga ku ruhande rwa Kiyovu Sports, Kimenyi mu izamu, Serumogo witsinze, Irambona,Mbogo, Ngando, Vincent,Cedrick,Abedi, Saba,Gilbert na Babua Samson

    The post APR FC Icyuye amanota atatu mu mukino wayo wa mbere wa Shampiyona itorohewemo na Kiyovu Sports appeared first on RUSHYASHYA.

    Source : https://rushyashya.net/apr-fc-icyuye-amano-ta-atatu-mu-mukino-wayo-wa-mbere-wa-shampiyona-itorohewemo-na-kiyovu-sports/

  • Gatsibo: Imibiri yakuwe mu rwobo rwa Kiziguro izashyingurwa muri Mata 2021 #Rwanda #RwOT via @kigalitoday #rwanda #RwOT

    Gushakisha imibiri mu rwobo rwa Kiziguro byarasojwe, iri gutunganywa ngo ishyingurwe mu cyubahiro
    Gushakisha imibiri mu rwobo rwa Kiziguro byarasojwe, iri gutunganywa ngo ishyingurwe mu cyubahiro

    Gushakisha imibiri y’Abatutsi bajugunywe mu rwobo rwa Kiziguro muri Jenoside yakorewe Abatutsi muri Mata 1994 byatangiye ku wa 12 Ukwakira bisoza kuwa 18 Ugushyingo 2020.

    Kuwa 27 Ukwakira nyuma y’iminsi 15 imirimo yo gushakisha imibiri itangiye ni bwo umibiri wa mbere wabonetse. Wabonetse abashakisha bageze kuri metero 14 z’ubujyakuzimu, bakaba barasoje bageze kuri metero 24 n’igice.

    Umuyobozi wa Ibuka mu karere ka Gatsibo Sibomana Jean Nepomscene avuga ko ubu barimo gutunganya iyi mibiri kugira ngo izashyingurwe mu cyubahiro.

    Ati “Twarasoje umubiri wa nyuma wakuwemo, umwobo ntiwari muremure nk’uko twabitekerezaga. Ubu turimo gutunganya imibiri kugira ngo izashyingurwe mu cyubahiro mu gihe cyo kwibuka Jenoside yakorewe Abatutsi muri Mata 1994 ku nshuro ya 27”.

    Sibomana avuga ko umubare w’imibiri yakuwemo utaramenyekana kubera ko yangiritse cyane, gusa ngo bakeka ko abajugunywe mu rwobo rwa Kiziguro barenga ibihumbi bitanu.

    Igikorwa cyo gushakisha iyi mibiri kigitangira, umuyobozi w’Akarere ka Gatsibo Gasana Richard yatangirije itangazamakuru ko nibasoza hazakurikiraho gusukura imibiri no kuyishyingura mu cyubahiro ndetse ko bizaruhura imitima y’ababo.

    Yagize ati “Nidusoza tuzayisukura, dushake amasanduku, dutumire imiryango ifite ababo bishwe bakajugunywa muri uru rwobo, inshuti n’abavandimwe cyane abacitse ku icumu kugira ngo baze tubakorere umuhango wo kubaherekeza mu cyubahiro bari bakwiye, twari tubagombye”.

    Yakomeje agira ati “Kuri aba bo kubera urupfu bishwe ngira ngo n’imitima y’ababo barokotse izaruhuka, isubire mu gitereko bumve baruhutse kuko babashije gushyingura abantu babo”.

    Urwibutso rwa Kiziguro rurimo kubakwa neza
    Urwibutso rwa Kiziguro rurimo kubakwa neza

    Urwobo rwa Kiziguro rwacukuwe n’abapadiri bera bakoreraga umurimo w’iyogezabutumwa bw’Imana muri Paruwasi ya Kiliziya gatolika ya Kiziguro mu mwaka wa 1972 ngo hashakishwa amazi meza.

    Amazi abuze urwo rwobo ntirwigeze rusibwa, kugeza muri Mata 1994 abicanyi bajugunyamo Abatutsi bamaze kwica abandi bajugunywamo ari bazima.

    Kuwa 11 Mata 1994, ni bwo Abatutsi bari bahungiye muri Kiliziya baturutse ahantu hatandukanye muri komini Murambi n’izindi zari ziyegereye batangiye kwicwa bakajya kujugunywa muri uru rwobo.

    Urwibutso rwa Jenoside rwa Kiziguro ubu rurimo kubakwa mu buryo bwo kubungabunga amateka ya Jenoside mu cyahoze ari komini Murambi, ruruhukiyemo imibiri y’Abatutsi 14,835 bishwe muri Jenoside.

    Urwobo rwa Kiziguro na rwo ruzabungabungwa kugira ngo amateka yarwo atazibagirana, ubu hakaba hatekerezwa gukorwa inyigo y’uko ruzaba rumeze.


    source https://www.kigalitoday.com/amakuru/amakuru-mu-rwanda/article/gatsibo-imibiri-yakuwe-mu-rwobo-rwa-kiziguro-izashyingurwa-muri-mata-2021

  • APR FC yongeye guhusha penaliti mu mukino yatsinzemo Kiyovu Sports (Amafoto) #Rwanda #RwOT via @kigalitoday #rwanda #RwOT

    Wari umukino wa mbere wa shampiyona ikipe ya APR FC ikinnye nyuma yo gusezererwa mu marushanwa ya CAF Champions League, aho imikino ibiri ya mbere yagombaga gukinwa yasubitswe.

    Ikipe ya APR FC yatsinze igitego kimwe ku munota wa 36, igitego cyitsinzwe na Serumogo Ally ku mupira wari uvuye kuri Mutsinzi Ange.

    Nyuma yaho ikipe ya APR FC yaje kubona penaliti ku ikosa ryari rikorewe Niyonzima Olivier Sefu, Byiringiro Lague ayiteye Kimenyi Yves ayikuramo.

    Abakinnyi babanje mu kibuga:

    APR FC: Ahishakiye Heritier, Omborenga Fitina, Imanishimwe Emmanuel, Mutsinzi Ange, Manzi Thierry, Niyonzima Olivier ‘Seif’, Ruboneka Jean Bosco, Nizeyimana Djuma, Byiringiro Lague, Manishimwe Djabel, Tuyisenge Jacques

    Kiyovu Sports: Kimenyi Yves, Serumogo Ally, Dusingizimana Gilbert, Irambona Eric, Ngando Omar, Mbogo Ally, Habamahoro Vincent, Bigirimana Abedi, Babuwa Samson, Mugenzi Cedrick, Saba Robert

    source https://www.kigalitoday.com/imikino-11/football/article/apr-fc-yongeye-guhusha-penaliti-mu-mukino-yatsinzemo-kiyovu-sports

  • Musanze : Umukecuru yishwe urw’agashinyaguro, harakekwa umwuzukuru we #rwanda #RwOT

    Abaturage babonye umurambo wa nyakwigendera ubwo wari umaze gukurwa mu musarane bavuze ko byagaragaraga ko yishwe amaze kunigwa kuko bari bamuhambiriyeho ingutiya ndetse n’uburangiti bigaragara ko aribyo bakoresheje bamuniga.

    Mu gitondo cyo kuri uyu wa Gatanu tariki 11 Ukuboza 2020, nibwo umwe mu baturanyi b’uyu mukecuru yaje kureba asanga harafunze kandi hamaze iminsi hameze nk’aho nta muntu uhari.

    Umunyamabanga Nshingwabikorwa w’Umurenge wa Musanze, Dushimire Jean yabwiye UKWEZI ko bahageze basanga uyu mukecuru yarishwe akajugunywa mu bwiherero.

    Ati 'Twakomeje guperereza, baduhaye amakuru ko uwamwishe ari umwuzukuru we witwa Gasaza, kugeza ubu yabuze, ntabwo ahari turi kumushakisha ariko hari abandi bantu babanaga nawe nibo tumaze gufata.'

    Gitifu avuga ko amakuru yatanzwe n’abaturage ari uko uyu muhungu yamujije imitungo ari naho yahereye asaba urubyiruko gukura amaboko mu mufuka bagakora aho kurarikira iby’ababyeyi babo.

    Reba ikiganiro ikinyamakuru UKWEZI cyagiranye n’abaturage ndetse n’ubuyobozi..

    Source : http://www.ukwezi.rw/mu-rwanda/2/article/Musanze-Umukecuru-yishwe-urw-agashinyaguro-harakekwa-umwuzukuru-we

  • Ababyibushye n'abananutse cyane ntibemerewe guhatana muri Miss Rwanda 2021 #rwanda #RwOT

    N'ubwo indeshyo n'ibiro by'umuntu byakuwe mu bigenderwaho kugira ngo umukobwa yemerwe guhatana mu irushanwa rya Miss Rwanda 2021, abazemererwa ni abazaba bafite ibiro bijyanye n'uburebure bafite (Health Body Mass Index).

    Guhera i saa sita z'ijoro kuri uyu wa 11 Ukuboza 2020 abakobwa bashaka guhatanira ikamba rya Miss Rwanda 2020 baratangira kwiyandikisha biciye ku rubuga rwa Interineti.

    Mu mpinduka zigaragara kuri iyi nshuro ni uko uburebure, n'ibiro bitazongera kugenderwaho mu gutoranya abemererwa guhatana. Ikindi nuko imyaka yongerewe ikagera kuri 28 ivuye kuri 25.

    Umuvugizi w'irushanwa rya Miss Rwanda, Nimwiza Meghan yavuze ko impamvu imyaka yongerewe ari ukugira ngo bahe amahirwe abakobwa bifuza kwitabira iri rushanwa kandi barengeje imyaka 25.

    'Twasanze hari abakobwa batabashaga kwitabira irushanwa bitewe n'imyaka fatizo yari iriho, kandi twasanze mu marushanwa mpuzamahanga hari abafatira kuva ku myaka 16 kugera kuri 28. Twatekereje gufungura kugira ngo abagiraga imbogamizi barengeje imyaka bisange.'

     Ku bijyanye n'indeshyo n'uburebure Nimwiza Meghan yavuze ko icyatumye babikuraho ariko bitagisabwa no mu marushanwa mpuzamahanga y'ubwiza u Rwanda rwitabira.

    Ati 'Mu marushanwa mpuzamahanga habagamo icyo kintu cyo kuvuga ngo uhagarariye igihugu agomba kuba arengeje cm 170 arikoa henshi byavuyeho natwe icyatumaga tubikoa ni ukugira ngo duhuze n'ibisabwa ku ruhando mpuzamahanga.'

    Nubwo indeshyo n'ibiro bitazagenderwaho, si buri wese uzemerewa gutambuka kuko agomba kuba afite ubuzima bwiza bigendeye ku bipimo bya Body Mass Index [BMI].

    Ati 'Ntabwo tumutegetse ngo agire BMI ingana gutya kuko BMI igira ikigero fatizo kigaragaza ko ufite ubuzima bwiza, iyo uyigiye hejuru uba ufite ikibazo, iyo uyigiye mu nsi uba ufite ikibazo. Umuntu ashobora kuba afite ibipimo bya BMI bigaragaza ko ari muzima adafite cm170, ashobora kuba afite ibiro 60 cyangwa se 50'

    Ibipimo bya MBI bigaragaza ko umukobwa ameze neza biba biri hagati ya 18,5 na 24,9. Uri munsi ya 18,5 aba afite ibiro bike bitajyanye n'uko areshya mu gihe ufite hagati ya 25,0 na 29,9 aba afite ibiro byinshi bitajyanye n'indeshyo ye naho uri hejuru 3 aba afite umubyibuho ukabije.

    Kugira ngo umenye BMI ufite ufata ibiro byawe ukabiganya uburebure bwawe bwikube kabiri.

    Source : https://impanuro.rw/2020/12/11/ababyibushye-nabananutse-cyane-ntibemerewe-guhatana-muri-miss-rwanda-2021/

  • Kwiyandikisha muri Miss Rwanda2021 biratangira iri joro ! Menya ibisabwa n’impinduka ziri mu irushanwa #rwanda #RwOT

    Iri rushanwa rigiye kuba ku nshuro ya 11 rizanye impinduka zidasanzwe haba mu mitegurire yaryo, ibihembo biritangwamo ndetse n’ibisabwa kugira ngo umuntu abashe kuryitabira.

    Rwanda Inspiration Back Up iritegura kuri uyu wa Gatanu tariki 11 Ukuboza 2020, yagiranye ikiganiro n’abanyamakuru hasobanurwa aho imyiteguro yaryo igeze, ibijyanye n’impinduka zajemo ndetse n’uko rizaba hubahirizwa ingamba zo kwirinda COVID19.

    Ibihembo byariyongereye…

    Umuvugizi wa Rwanda Inspiration Back Up, Miss Nimwiza Meghan, yavuze ko kuri iyi nshuro hongewemo amakamba abiri ; mu rwego rwo kwagura iri rushanwa, no gukomeza gushyigikira urugendo rw’iterambere rw’umukobwa.

    Avuga ko hazatangwa amakamba ; arimo ikamba rya 'Talent Winner’. Miss Meghan asobanura ko bongeyemo iri kamba bitewe n’uko mu bihe bitandukanye bagiye babona abakobwa bafite impano, ariko nyuma ntibabashe kubakurikirana.

    Avuga ko muri uyu mwaka umukobwa uzagaragaza impano bazajya bamuhuza n’abandi basanzwe babifite ubumenyi, ku buryo bizamufasha gukuza impano ye.

    Muri aba bakobwa kandi buri wese azaba 'Brand Ambassador’ w’ibigo byateye inkunga iri rushanwa. Hari ikamba kandi rya 'Best Innovation Project’ rizahabwa umukobwa ufite umushinga mwiza kandi ubyara inyungu.

    Miss Nimwiza avuga ko uyu mukobwa azajya asanga hari umushinga wateguwe hanyuma atangire awushyire mu bikorwa. Yavuze ko bahisemo gutegura umushinga kuri uyu mukobwa, kugira ngo umukobwa azajya ahita atangira gushyira mu bikorwa uyu mushinga.

    Yavuze ko ariko ko bitabujije ko umukobwa nawe abaye afite umushinga yawushyigikirwamo. Ati 'Ni umushinga nawe azajya azana tuzawushyigikira. Ariko hari undi azajya asanga twamaze gutegura.'
    Rwanda Inspiration Back Up itegura Miss Rwanda n’abafatanyabikorwa bayo bagiranye ikiganiro n’itangazamakuru kuri uyu wa Gatanu

    Abakobwa 20 bazagera mu mwiherero wa Miss Rwanda, buri wese azahabwa amahirwe yo kwiga muri Kaminuza ya Kigali. Niba umukobwa yarasoje icyiciro cya kabiri cya kaminuza azakomeza muri iyi kaminuza, niba yarasoje 'Master’s’ nabwo azashakirwa aho kwiga.

    Miss Nishimwe Meghan wabaye Nyampinga w’u Rwanda 2019, yavuze ko 'Nyampinga’ atorwa kugira ngo abere abandi bakobwa urugero mu mishinga itandukanye.

    Yavuze ko ikigo Rwanda Inspiration Back Up kikimara gufata mu biganza iri rushanwa cyahaniriye ko riba irushanwa ngaruka mwaka, riba mpuzamahanga, aho umukobwa ashobora kwitabira nka Miss World n’andi marushanwa akomeye ku Isi.

    Ati 'Miss Rwanda ubu ni igikorwa aho umukobwa atowe abona amahirwe yo kwitabira amarushanwa mpuzamahanga.’ Avuga ko muri iki gihe iri rushanwa risigaye rinahanzwe amaso n’ibinyamakuru mpuzamahanga.

    Nimwiza Meghan avuga ko iki gikorwa gishingiye ku muco, hakiyongeraho uburanga n’ubwenge. Ati 'Kugira ngo rero ibe Miss Rwanda ni uko uwo muco ugamaho. Yavuze ko igamije guteza imbere umukobwa no guteza imbere ubukerarugendo bushingiye ku muco.

    Yavuze ko Miss Rwanda iri mu marushanwa ateza imbere umwana w’umukobwa, bivuze ko buri wese ubashije kuryitabira kugeza ku mukobwa wegukanye ikamba. Ati 'Umukobwa ntabwo asubirayo nk’uko yaje.'

    Nimwiza avuga ko bashyize imbaraga cyane mu guteza imbere ubukerarugendo bushingiye ku muco. Avuga ko umukobwa wese utwaye ikamba rya Miss Rwanda aharanira gushyira mu bikorwa umushinga we aba yiyemeje.

    Ati 'Miss Rwanda ni irushanwa rifasha umukobwa kugira icyo amarira abanyarwanda. Ashobora gutorwa ntagire icyo akora. Ririya kamba ntabwo rituma ibyo yakorera abanyarwanda.'

    Uyu mukobwa yavuze ko abantu benshi baba babiteza ibidasanzwe ku mukobwa wegukanye ikamba, ariko ngo siko byagakwiye kugenda, kuko hari ibindi bikorwa bakora biba bishakimiye ku mirongo migari Leta yashyizeho. Ati 'Umushinga umukobwa akora ni wo uhereza ishema Miss Rwanda.'

    Miss Nimwiza Meghan kandi yavuze ko mu gusoza iri rushanwa bazita cyane ku masaha azaba yatangajwe. Avuga ko guhera saa sita z’ijoro uyu munsi ku wa Gatanu tariki 11 Ukuboza 2020, abakobwa batangira kwiyandikisha.

    Abaterankunga bariyongereye

    Thierry wo muri Bank of Kigali, yavuze ko bafite inshingano zo guhindura ubuzima bw’abantu mu bijyanye n’ubukungu. Avuga ko bateye inkunga Miss Rwanda, kugira ngo umukobwa uzaba ufite umushinga mwiza muri iri rushanwa, ugaragaza ko ari umushinga wahindura ubuzima bw’abantu mu bijyanye n’ubukungu, bazamufashe kumushakira abafatanyabikorwa banamwigishe uko imishinga ikorwa n’uko ikurikiranwa.

    Uhagarariye Bella Flowers yavuze ko ari umwaka wa Gatatu bakorana na Miss Rwanda, kandi ko ari ibyishimo n’ibyiza kuri bo. Yavuze ko ari ibyiza byabaye mu bindi, kuko Miss Rwanda yubakiye ku bwiza kandi nabo bakaba bakora indabo zihariye mu kugaragaza ubwiza gusa.

    Yavuze ko bazakorana n’Igisonga cya mbere mu bijyanye no kumenyekanisha Bella Flowers mu Rwanda no mu mahanga. Ati 'Uko twabiteguye twizera ko ari ko bizakomeza kugenda.

    Kompanyi ya Hyundai izatanga imodoka kuri Miss Rwanda, yavuze ko muri uyu mwaka batewe ishema n’uko ubuyobozi bwa Miss Rwanda bwabegereye kugira ngo bazahembe umukobwa. Avuga ko iyi kompanyi yatangiye gukora mu Rwanda mu myaka itandatu ishize.

    Ni imodoka avuga ko ikoze neza, kandi izafasha byihariye umukobwa uzegukana ikamba.

    Wibabara Phanny wo muri MTN, yavuze ko iyi sosiyete yishimiye gutera inkunga iri rushanwa 'Kuko Miss Rwanda yamaze kuba abafatanyabikorwa bacu’. Avuga ko muri uyu mwaka bishimiye kugaruka kongera gufatanya na Miss Rwanda gutegura iri rushanwa.

    Ati 'Nka MTN dusanzwe turi sosiyete ya mbere, rero twishimiye kongera gukorana n’aba bakobwa b’uburanga. Twebwe nka MTN ubushize twari twahembwe Miss Popularity, uyu mwaka nabwo twifuza kuzahemba 'Miss Popularity’.

    Phanny yavuze ko mu bakoresha 'Yolo’ bazamuwe kuva ku myaka 15 kugera ku myaka 30. Ni mu gihe na Miss Rwanda nayo yavanye ku myaka y’abakobwa 25 ikagera kuri myaka 28.

    Yavuze ko ibi babikoze kugira ngo bajyanishe n’impinduka zabaye muri iri rushanwa. Phanny anavuga ko Miss Rwanda 2021 uzatorwa azanahabwa telefoni nshya. Ndetse ko bazakorana n’umukobwa uzegukana 'Miss Talent’.

    Umukobwa wiyandikisha muri Miss Rwanda asabwa kuzuza 'form’ iri ku rubuga rw’iri rushanwa avuga amazina ye yombi ; ashyiramo nimero y’irangamuntu n’imyaka ye, nimero ya telefoni na Email ye, abiro afite n’amashuri yize.

    Asabwa gushyiraho 'Document’ igaragaza amasomo yize, avuga Intara abarizwamo cyangwa Umujyi wa Kigali hanyuma akivugaho 'Short Biography’, abiherekeje gushyiraho ifoto imugaragaza wese 'Full Picture’.

    Abakobwa bazishyurirwa Kaminuza, uburebure n’ibiro byakuwemo

    Irushanwa rya Miss Rwanda rigiye kugaruka mu isura nshya ! Ritegerejwe n’abakobwa b’Uburanga Ubwenge n’Umuco, guhera kuri uyu wa tariki 11 Ukuboza 2020.

    Miss Rwanda, yagaragaje ibikorwa by’irushanwa rya Miss Rwanda kuva mu myaka 10 ishize riba, rigashyigikira imishinga ya ba Nyampinga, rigirira akamaro sosiyete n’ibindi bikorwa by’indashyikirwa bakoze. Yanagaragaje ibikorwa by’irushanwa rya Miss Rwanda mu myaka iri imbere.

    Miss Rwanda ni irushanwa ry’ubwiza rimaze igihe kirekire ryamenyekanye nka Nyampinga. Umukobwa watsindaga habaga hagendewe ku ngingo eshatu : Ubwiza, Ubumenyi n’indangagaciro.

    Miss Rwanda yagarutse mu isura nshya kuva icyo gihe kugeza ubu iriho imaze kwegukanwa n’abakobwa 9. Yahaye imbaraga n’ubushobozi benshi mu bayitabiriye iteza imbere n’umuco nyarwanda.

    Miss Rwanda yaremye ubufatanye n’imikoranire n’andi marushanwa y’ubwiza ku rwego mpuzamahanga n’imitegurire yayo 'yarazamutse’.

    Kuva irushanwa rya Miss Rwanda ryatangira gutegurwa n’ikigo Rwanda Inspiration Back Up mu 2009, umukobwa witabiraga irushanwa yasabwaga kuba atarangeje ibiro 70 no kuba afite uburebure kugera kuri centimeter 170.

    Ni ingingo yagiye igonga benshi mu bakobwa mu bihe bitandukanye. Rimwe na rimwe uwasanze adafite uburebure mu mwaka umwe, ugasanga umwaka ukurikiyeho aritabiriye noneho uburebure yabugejeje.

    Cyo kimwe n’ibiro byasabwaga kugira ngo umukobwa yitabiriye. Hari abamaraga igihe kinini barahinduye ibyo kurya kugira ngo bazahuze neza n’umunzani wa Miss Rwanda wakunze kuzonga benshi mu bakobwa babaga bafite inyota yo kwitabira iri rushanwa.

    Abakobwa bazahatana muri iri rushanwa ni aba afite imyaka kugeza kuri 28 y’amavuko. Ni mu gihe byari bimenyerewe ko umukobwa witabira iri rushanwa agomba kuba atarengeje imyaka 25 y’amavuko.

    Abakobwa 20 bazagera mu cyiciro cya nyuma cy’iri rushanwa bifitemo impano zihariye kandi bazafashwa kuziteza imbere. Nk’ibisanzwe, umukobwa uzegukana irushanwa rya Miss Rwanda azahabwa imodoka nshya.

    Nyampinga mushya w’u Rwanda azasimbura Nishimwe Naomie umaze umwaka afite ikamba rya Miss Rwanda 2020.

    Amakamba azatangwa muri iri rushanwa ni irya Miss Rwanda 2021, Igisonga cya mbere n’icya kabiri ; ikamba ry’ufite umushinga udasanzwe 'Most Innovative Project’.

    Ikamba ry’umukobwa ufite impano 'Talent Winner’, ikamba ry’umukobwa ukunzwe 'Most Popularity’, ikamba ku mukobwa wabaniye neza abandi 'Miss Congeniality’, ikamba ry’umukobwa uberwa n’amafoto 'Miss Photogenic’ ndetse n’ikamba rya Nyampinga w’Umurage 'Miss Heritage’.

    Muri iri rushanwa hari hasanzwe hatangwa amakamba arimo Miss Rwanda, Igisonga cya mbere, igisonga cya kabiri, ikamba ry’umukobwa ukunzwe [Miss Popupality], iry’umukobwa wabaniye neza abandi [Miss Congeniality] n’iry’umukobwa w’Umurage n’Umuco [Miss Heritage].

    Ingengabihe y’irushanwa rya Miss Rwanda 2021

    Amajonjora yo gushakisha umukobwa uzambikwa rya Miss Rwanda 2021 azatangira ku wa 09 Mutarama 2021 mu Karere ka Rubavu mu Ntara y’Iburengerazuba, ku wa 16 Mutarama 2021 iri rushanwa rizerekeza mu Ntara y’Amajyaruguru mu Karere ka Musanze.

    Ku wa 23 Mutarama 2021 iri rushanwa rizabera mu Karere ka Huye mu Ntara y’Amajyepfo. Ku wa 30 Mutarama 2021 rizabera mu Karere ka Kayonza mu Ntara y’Iburasirazuba naho tariki 06 Gashyantare 2021 hatorwe abakobwa bo mu Mujyi wa Kigali.

    Abakobwa 20 bazitabira umwiherero 'Boot Camp’ wa Miss Rwanda uzabera mu Mujyi wa Nyamata mu Karere ka Bugesera bazamenyekana ku wa 20 Gashyantare 2021. Umuhango wo guhitamo aba bakobwa uzabera ahasanzwe habera imurikagurisha 'Expo Ground Gakondo’.

    Umukobwa uzambikwa ikamba rya Miss Rwanda 2021 azamenyekana ku wa 20 Werurwe 2021, mu muhango ukomeye uzabera muri Intare Conference Arena i Rusororo mu Mujyi wa Kigali.

    Miss Rwanda mu 2014 yatangiranye intego yo gutuma iba igikorwa ngaruka mwaka, gutuma imenyekana ku ruhando mpuzamahanga no gutuma ikorwa ariko hashingiwe ku muco uko iminsi ihita igasimbura indi.

    Miss Rwanda iri mu bihugu 10 bya mbere bihemba neza abakobwa bayitabira ku Isi. Muri Afurika, Miss Rwanda iza ikurikira Afurika y’Epfo mu mitegurire.

    Iri rushanwa rigamije gushyigikira urugendo rw’iterambere rw’umukobwa no gutuma aba intangarugero ku bandi bakobwa.

    Source : http://www.ukwezi.rw/Imyidagaduro/article/Kwiyandikisha-muri-Miss-Rwanda2021-biratangira-iri-joro-Menya-ibisabwa-n-impinduka-ziri-mu-irushanwa

  • Ibiro bya Perezida byijeje ko imibereho myiza izazamuka nyuma y’ibyiciro bishya by’ubudehe #Rwanda #RwOT via @kigalitoday #rwanda #RwOT

    Minisitiri muri Perezidansi, Judith Uwizeye
    Minisitiri muri Perezidansi, Judith Uwizeye

    Minisitiri Uwizeye yabitangaje amaze kumurikirwa ubushakashatsi ngarukamwaka bw’Urwego rw’Igihugu rw’Imiyoborere (RGB), bugaragaza ishusho y’uko imiyoborere ihagaze kugeza ubu mu Rwanda (Rwanda Governance Scorecard (RGS).

    Ubu bushakashatsi bushingira ku nkingi umunani ari zo (1) Iyubahirizwa ry’amategeko, (2) uburenganzira mu bya politike n’ubwisanzure bw’abaturage, (3) imiyoborere abaturage bagizemo uruhare kandi idaheza(4) Umutekano (5) guteza imbere imibereho myiza y’abaturage (6) Kurwanya ruswa no gukorera mu mucyo, (7) Ireme ry’imitangire ya serivisi hamwe n'(8) Imiyoborere mu bukungu n’ubucuruzi.

    Inkingi eshanu muri izi umunani zirangajwe imbere n’iy’umutekano ni zo zahawe amanota ari hejuru ya 80%, naho eshatu ari zo ireme ry’imitangire ya serivisi, imiyoborere mu by’ubukungu n’ubucuruzi, hamwe no kuzamura imibereho myiza y’abaturage, bikaba byahawe amanota ari munsi ya 80% ariko ari hejuru ya 73%.

    By’umwihariko iyi nkingi yo guteza imbere imibereho myiza y’abaturage yahawe amanota 73.32%, nubwo yazamutseho 4.8% ugereranyije n’ibipimo bya RGS ya gatandatu (y’umwaka ushize).

    RGB ivuga ko kuza inyuma kw’iyi nkingi biterwa ahanini n’imbogamizi zikigaragara muri gahunda zo kwita ku mibereho y’abafite ubumuga, guhangana n’ingaruka ziterwa z’imihindagurikire y’ikirere hamwe n’ibibazo bikigaragara mu rwego rw’uburezi.

    Aha ni ho Minisitiri Uwizeye Judith avuga ko hagiye gushyirwa imbaraga cyane, ariko ko Leta izabirebera ku rwego rwa buri rugo cyangwa umuryango, hashingiwe ku byiciro by’ubudehe bishya bizatangazwa mu kwezi gutaha kwa Mutarama 2021.

    Minisitiri Uwizeye Judith yijeje ko inkingi zahawe amanota make muri RGS zizashyirwamo imbaraga
    Minisitiri Uwizeye Judith yijeje ko inkingi zahawe amanota make muri RGS zizashyirwamo imbaraga

    Yagize ati “Aha ni ahantu hasaba ubufatanye cyane bwa Leta n’abaturage, ibi byiciro by’ubudehe turimo kuvugurura tureba uko imibereho imeze n’icyo abaturage bakeneye kurusha ibindi, bizafasha kuko tuzaba twamenye aho dukwiriye gushyira imbaraga kugira ngo imibereho yabo izamuke”.

    Umuyobozi Mukuru wa RGB, Dr Usta Kaitesi, ashima ko hari inkingi zimaze gufata intera iri hejuru kandi ihoraho cyane cyane nk’ijyanye n’umutekano, ubutabera, kurwanya ruswa no gukorera mu mucyo.

    Abafatanyabikorwa ba RGB biyemeje gushyira imbaraga mu kuzamura imibereho y
    Abafatanyabikorwa ba RGB biyemeje gushyira imbaraga mu kuzamura imibereho y’abaturage nyuma yo kwerekwa ibikubiye mu bushakashatsi bwa RGS

    Kaitesi akomeza agira ati “Ibikwiriye kwitabwaho cyane bigahabwa ingufu ni ibirebana n’imitangire ya serivisi, kurwanya ubukene, kwagura uburyo n’ubushobozi bwo kurwanya igwingira ry’abana, hamwe no guhugura Abanyarwanda mu bijyanye no gukoresha ikoranabuhanga”.

    Biteganyijwe ko mu mwaka wa 2024 serivisi mu nzego za Leta zizaba zitangwa zose (100%) hakoreshejwe ikoranabuhanga. RGB ikomeza isaba ingamba zikomeye mu guhangana n’ingaruka ziterwa n’imihindagurikire y’ikirere.


    source https://www.kigalitoday.com/amakuru/amakuru-mu-rwanda/article/ibiro-bya-perezida-byijeje-ko-imibereho-myiza-izazamuka-nyuma-y-ibyiciro-bishya-by-ubudehe

  • Umuhanzi Cyusa yakosoye indirimbo yari Imaze iminsi isubirwamo nabi 'Marebe ya Cecile Kayirebwa' #rwanda #RwOT

    Umuhanzi umaze gusiga umugani no kwinjira mu mitima ya benshi mu ndirimbo gakondo noneho yamaze gushyira hanze indirimbo yasubiyemo Marebe yaririmbwe na Cecile Kayirebwa ariko nawe ayivanye mu gisigo cya Nyakwigendera Rugamba Cyprien

    Mu kiganiro yagiranye n'Umunyamakuru wa Rushyashya News, Cyusa yatangaje ko byose abikora mu nyungu z'abakunda ibihangano gakondo ariko by'umwihariko kugirango yigishe abajya bayisubiramo nabi uko iyi ndirimbo iririmbwa bya nyabyo, Kubera ukuntu iyi ndirimbo ikundwa cyane biri mu mpamvu ituma urubyiruko rukunda gakondo ruyisubiramo kenshi ariko akenshi bagasubiramo amagambo yayo nabi

    Ni igikorwa yabanje kumvikanaho na Cecile Kayirebwa udakunda kwanga ko ibihangano bye bisubirwamo n'ubishatse, aha twatanga urugero rwa Patrick Nyamitari wasubiyemo Indirimbo Umunezero yamenyekanye cyane kuri Radio Muhabura mu rugamba rwo kubohora Igihugu cy'u Rwanda n'izindi zitandukanye, Hanyuma yamwumvishije amagambo amwe na mwe agize indirimbo Marebe ni uko Cyusa nawe ayishyira mu ijwi rye, Ubwo abajya bataramira muri Hotel Grand Legacy bashyizwe igorora kuko yari asanzwe ayiririmba ariko noneho itagiye muri byuma nkuko asanzwe aririmba n'izindi mu gitaramo

    Nk'Uko Ubuyobozi bw'iyo Hotel ataramiramo bubitangaza uyu munsi igitaramo kirasiba kugirango bagire ibyo bahindura mu ngamba zo kwirinda Covid 19 bategura uburyo abataramyi bazajya bisanzura badakoranyeho, Cyusa yamenyekanye cyane ubwo Umuvandimwe we nawe w'Umuhanzi Stromae ubwo yazaga gutaramira abanyarwanda mu myaka itanu ishize, byagaragaye ko kuririmba ari ibintu byabahiriye, Cyane cyane ko usanga bakurikirwa n'abatari bake aho baba baherereye

    Mu itsinda rye Cyusa n'Inkera akenshi aba ari mu bukwe yifatanya n'abakwe n'abageni ariko nanone ntasigane na Munganyinka Alouette ufite ijwi rihebuje nawe udatana cyane n'indirimbo za Cecile Kayirebwa, Iyi ndirimbo Marebe yari itegerejwe na benshi kuko yamamajwe cyane ku mbuga nkoranyambaga aho wasangaga abantu bose bandika 'I can't wait', Cyusa afite izindi ndirimbo zigizwe n'iza rubanda zirimo ; Imparamba, Muhoza wanjye…..akagira n'izindi ze nk'Umwitero,Rwanda Nkunda, Umwiza aherutse gukorana na Riderman n'izindi

    Reba indirimbo Marebe hano

    The post Umuhanzi Cyusa yakosoye indirimbo yari Imaze iminsi isubirwamo nabi 'Marebe ya Cecile Kayirebwa' appeared first on RUSHYASHYA.

    Source : https://rushyashya.net/umuhanzi-cyusa-yakosoye-indirimbo-yari-imaze-iminsi-isubirwamo-nabi-marebe-ya-cecile-kayirebwa/

  • Mukeshabatware, Maribori, Papa Sava mu banikiye abandi mu ‘Inganji Performing Awards’ #rwanda #RwOT

    Ibi bihembo bigiye gutangwa ku nshuro ya mbere byahawe izina rya 'Inganji Perfoming Arts Awards 2020′, mu birori biteganyijwe ku wa 18 Ukuboza, bikaba bizahabwa abatsinze binyuze mu matora akorerwa kuri Internet.

    Mu byiciro bitandukanye bihatanirwa harimo ikirimo umunyarwenya w’umwaka, umukinnyi w’ikinamico [umugore n’umugabo], umwanditsi w’ikinamico, umwanditsi w’imivugo, itorero ribyina gakondo, itorero ribyina ibigezweho n’ibindi byiciro bitandukanye.

    Ubwo twatunganyaga iyi nkuru mu masaha y’igicamunsi cyo kuri uyu wa Gatanu tariki 11 Ukuboza 2020, hari hashize amasaha make gutora kuri internet birangiye.

    Bivuze ko abafite amajwi menshi mu byiciro bitandukanye bari mu bazahabwa ibihembo cyane ko hazabaho n’akanama nkemurampaka kazatanga amanota.

    Umuyobozi wa 'Inganji Performing Arts Awards’, Kalinda Isaie yabwiye UKWEZI ko hari ibyiciro bizaba bifite ibihembo by’umuntu wakunzwe n’abantu hatagendewe ku manota atangwa n’akanama nkemurampaka.

    Kalinda yatanze ingero zirimo nk’umukinnyi w’ikinamico w’umwaka ahatsinze Mukeshabatware, umukinnyi w’ikinamico w’umugore w’umwaka ahatsinze Maribori ndetse na Papa Sava watowe nk’umunyarwenya w’umwaka.

    Yakomeje avuga ko hari ibindi byiciro bizaba ngombwa ko hitabazwa akanama nkemurampaka noneho ya majwi yo kuri internet nayo akifashishwa n’ako kanama mu kureba niba koko uwo muhanzi akwiye igihembo cy’uwahize abandi.

    Mu cyiciro cy’abanyarwenya 'Acting Comedy Male’, harimo abazwi cyane ariko uwitwa Niyitegeka Gratien uzwi ku mazina menshi arimo Papa Sava akomeje kubanikira dore ko amaze kugira amajwi 3339, mu gihe umukurikira ariwe Twahirwa Ravanelly afite amajwi 547.

    Icyiciro cy’umukinnyi w’ikinamico kuri radio 'Theathre/Drama Radio Male actors’, ukomeje guhiga abandi ni Mukeshabatware Disman uzwi nka Rutaganira mu ikinamico Musekeweya aho afite amajwi agera kuri 6306 mu gihe umukirikiye ari Tuyishime Jado Fils ufite 5682.

    Muri icyo cyiciro ariko noneho mu bagore uwitwa INGABIRE Mimy Marthe (Maribori), amaze kwanikira abo bahatanye kuko afite amajwi 10423, akaba akurikiwe na Kayitesi Mediatrice (AGNES/URUNANA) ufite amajwi 10000.

    Hari kandi icyiciro cy’abasizi/abanditsi b’imivugo kirimo uwitwa Gasizi ka Sinzi umaze kugira amajwi 10367, ukurikiwe na Tuyisenge Olivier ufite 9068.

    Mu bari bahatanye mu cyiciro cy’itsinda ribyina gakondo 'Traditional Dance Troupes’, harimo Urwiririza bafite amajwi 868 mu gihe bakurikirwa na Imena Cultural Troupe bafite 850.

    Ababitegura ibi bihembo bya 'Inganji Performing Arts Awards’ bavuga ko babitekereje ku nyuma yo kubona ko hari amarushanwa menshi mu Rwanda ashimira ndetse agahemba abakoze neza kurusha abandi mu byiciro bitandukanye by’ubuhanzi ariko bakabona abari muri iki gisata cy’ubuhanzi bukinwe badakunze gutekerezwaho.

    Source : http://www.ukwezi.rw/Imyidagaduro/article/Mukeshabatware-Maribori-Papa-Sava-mu-bakomeje-kwanikira-abandi-mu-Inganji-Performing-Awards

  • Impamvu Miss Nishimwe Naomie atahembwe miliyoni 9.6 Frw nk’uwabaye Miss Rwanda2020 #rwanda #RwOT

    Ubwo yari amaze kwegukana ikamba rya Nyampinga w’u Rwanda wa 2020, Miss Nishimwe yahise atangaza ko ibikorwa bye bitazaba biri mu biganza bya Rwanda Inspiration Back Up itegura Miss Rwanda nk’uko byari bisanzwe bigenda ku bamubanjirije.

    Mu kiganiro n’abanyamakuru cyagarutse ku myiteguro y’iri rushanwa kuri uyu wa Gatanu tariki 11 Ukuboza 2020, Miss Nimwiza Meghan Umuvugizi wa Rwanda Inspiration Back Up itegura irushanwa rya Miss Rwanda, yavuze ko kuba Miss Nishimwe Naomie atarishimiye gukorana nabo ari 'amahitamo meza’ kuri we kandi ko nta kibazo babigizeho.

    Yavuze ko nta tegeko ririho rihana Nyampinga utakoranye na Rwanda Inspiration Back Up, kandi ko nta gikuba cyacitse abantu bakwiye kubyumva.

    Miss Nishimwe Naomie yagombaga guhembwa ibihumbi 800 buri kwezi n’ikigo Africa Improved Food, bivuze ko ku mwaka yari kwakira kuri konti ye miliyoni icyenda n’ibihumbi Magana atandatu [9,600,000 Frw].

    Miss Nimwiza yavuze ko ibihembo birimo imodoka, kujya muri salon n’ibindi Nishimwe Naomie yabibonye ariko ko ibijyane n’umushahara atari kubibona bitewe n’uko atakoranye n’ikigo cyari kumuhemba.

    Ati 'Ibihembo birimo imodoka, kujya muri Salon n’ibindi yarabihawe ariko niba atakoranye na kampani yagombaga gukorana nayo agakorera indi kampani twizeye neza ko iyo kompanyi imuhemba, kuko ntabwo yaba acyiyikorera.'

    'Ariko ntabwo Africa Improved Food [AIF] izamuhemba umushahara. Ntabwo ushobora guhemba umukozi utakoze sibyo ?'

    Akomeza ati 'Niba yarahisemo gukoana n’ahandi, ahandi baramuhemba. Dufite icyizere ko bamuhemba. Yahisemo gufata inzira ye, kandi turamushyigikira bitari ubu gusa. No mu rugendo rwe arimo.”

    Uwari uhagarariye kompanyi AIF mu kiganiro n’itangazamakuru, nawe yavuze ko batari guhemba Miss Nishimwe Naomie mu gihe atigeze akorana nabo mu gihe cy’umwaka umwe agiye kumarana ikamba

    Muri uyu mwaka umukobwa uzegukana ikamba rya Miss Rwanda 2021, ibisonga bye n’abandi bazegukana amakamba bazasinya amasezerano yo kuba umukozi w’iki kigo.

    Source : http://www.ukwezi.rw/Imyidagaduro/article/Impamvu-Miss-Nishimwe-Naomie-atahembwe-Miliyoni-9-6-Frw-nk-uwabaye-Miss-Rwanda2020