Webrwanda Backend

Author: webrwanda

  • Ni agashya, harimo niya Meddy! Wa mwana w’i… – #rwanda #RwOT

    Bavuginyumvira Emmanuel w'imyaka 17, atuye mu Karere ka Rusizi mu murenge wa Nyakabuye mu kagari ka Kamanu mu mudugudu wa Bikinga. Avuka mu muryango uciriritse kuko se na nyina ahanini bakura ibibatunga mu guhinga. Yatunguye benshi ubwo yakoraga Radio yise ‘EMMA RADIO’ ivugira ku murongo wa 96.4 na 96.5.  


    Ni uku muri studio yayo hameze

    Mu biganiro bitambuka kuri iyi Radio ye yatubwiye ibyo abaturage bakunda cyane, yagize ati 'Ibiganiro ni ibyerekeranye n'amashyamba, inyamaswa, mbega ku bidukikije ndetse n'ibishishikariza abanyarwanda kwirinda icyorezo cya Coronavirusi'. Yongeye ko ibindi bakunda ari ibijyanye n'umuziki.

    Kuri iyi ngingo y'umuziki nk'abibanda ku myidagaduro, InyaRwanda.com twahise tumusaba kudukorera urutonde rw'indirimbo 10 z'abahanzi Nyarwanda zakunzwe cyane kuri iyi radio ye muri uyu mwaka wa 2020.

    URUTONDE RW'INDIRIMBO 10 YADUKOREYE

    Mu ruturuturu by The Ben ft Bushali

    Ni Wowe by Marina

    Dance Like Dis by Jay Polly ft King Dirios

    Closer by Uncle Austin, Meddy & Yvan Buravan

    Twapfaga iki by Clarisse Karasira

    Ndabigukundira by Yvanny Mpano

    Warabutwaye by Patricko

    Delira by Ally Soudi ft Amalon

    Saa Moya by Bruce Melodie

    Rwanda ndagukunda by King Jams

    Mu kuzitondeka ntacyo yakurikije, gusa yatubwiye ko 2 zakunzwe cyane ari iyitwa ‘Rwanda ndagukunda’ ya King Jams na ‘Saa Moya’ ya Bruce Melodie. Twaganiriye na Deo Habineza umunyamakuru ukora ibiganiro by'imyidagaduro kuri RC Rusizi wamugendereye kenshi tumubaza indirimbo yumvise zikunzwe kuri iyi Radiyo mu zo yatubwiye twumva harimo iziri kuri uru rutonde Emmanuel yaduhaye. 

    Yagize ati 'Numvise ari iyitwa 'Mu ruturuturu' ya Bushali, kandi yanambwiye ko iyo ayicuranze abaturage bumva ari sawa, n'iyitwa 'Ni Wowe' ya Marina. Yongeyeho ko ubwo aheruka kumusura yasanze Bavuginyumvira Emmanuel ari kumwe na mugenzi we bari gukora ibyegeranyo babwira abaturage uko icyorezo cya coronavirus cyaje ndetse n'ibindi bijyanye n'abakinnyi.

    Deo Habineza [iburyo] ubwo aheruka gusura EMMA RADIO yasanze bari mu biganiro byo kwirinda COVID-19

    IBITANGAJE KURI IYI RADIO YE EMMA RADIO

    Iyi Radio ye avuga ko yayikoze mu bikoresho byarangije manda yagiye atoragura mu ngarandi z'abakanishi, ifite ubushobozi bwo kumvikana muri metero 200 uvuye ku cyicaro cyayo ku buryo abaturanyi be bakurikirana ibiganiro byayo gatanu kuri gatanu.

    Bavuginyumvira Emmanuel yatubwiye ko yayikoze abivanye mu mutwe we gusa nta na hamwe akopeye. Yagize ati 'Ntabwo ndigera ninjira muri studio n'imwe nabaho yaba ari ikora indirimbo, iya Radio cyangwa iya televiziyo'.

    Yongeyeho ko yayikoze bimuje mu mutwe gusa. Yavuze ko ifite mikiseri yikoreye. Mu bindi bikoresho bitangaje yavuze ni mikoro ijyana amajwi muri furekanse (Frequency). Mu gihe tumenyereye ko muri studio ya Radio haba harimo imashini ikinirwaho imiziki, we akoresha telefone. Yashyizemo memori kadi (Memory card) iriho indirimbo Magana inani.

    Ibiganiro byayo birategurwa, mu gusobanura iyi ngingo yagize ati 'Nifashisha umunyamakuru umwe nawe n'umwana twigana dutegura ibyo biganiro tukabanza tukabivugaho tukareba niba ibyo tugiye kuvuga aribyo noneho twarangiza akaza akabitanga'. N'ubwo bitamunanira kuvuga amakuru cyangwa gutanga ibiganiro yavuze ko we yabihariye uwo munyamakuru we, kuko we aba ari ku buhanga bw'ibyuma ayungurura amajwi n'ibindi.

    Mu gusoza ikiganiro twagiranye nawe yavuze ko umwe mu bayobozi atibuka izina wo muri RURA yamuhamagaye akamubwira ko ibyo akora bagiye kubigenzura niba nta mbogamizi bishobora kuzagira ku mirongo mu kirere cyangwa ku mirongo y'izindi Radio. Yongeraho ko ari umuvumbuzi w'umuhanga ukeneye gufashwa.

    Uyu mwana nawe yasabye buri wese ubishoboye kumufasha akabyaza umusaruro impano yifitemo kuva mu buto. Ngo yakuze yumva yazaba umwe mu bakurikirana ibibera mu kirere. Mu bindi yakoze bigaragaza ubuhanga budasanzwe harimo jomeri (indebakure), indege, impuruza (Alarm) n'ibindi.


    Iyi mixeri niwe wayikoreye mu bikoresho byashaje yagiye atoragura


    Iyi minara yakoze niyo ituma amajwi ashobora kugera ku baturage


    Javanix wa kabiri [iburyo] wakoranye indirimbo na Bulldog niwe muhanzi wa mbere yakiriwe muri iyi studio


    Emmanuel avuka mu muryango uciriritse ariko afite impano itangaje ikwiriye gushyigikirwa

    Source : http://inyarwanda.com/inkuru/102002/ni-agashya-harimo-niya-meddy-wa-mwana-wi-rusizi-wakoze-radio-yatubwiye-indirimbo-10-zakunz-102002.html

  • Bugesera: Umusoro ku butaka wahindutse nyuma y’ubusabe bw’abaturage #Rwanda #RwOT via @kigalitoday #rwanda #RwOT

    Tariki 24 Kamena 2020, Inama Njyanama y’Akarere ka Bugesera yari yemeje ibiciro by’umusoro ku bukode bw’ubutaka, ishingiye ku itegeko No 75 /2018 ryo ku wa 7/09/2018 rigena inkomoko y’imari n’umutungo by’inzego z’imitegekere y’igihugu zegerejwe abaturage, ishingiye kandi ku Iteka rya Minisitiri No001/20/10/TC ryo ku wa 10/01/2020 rigena ibipimo fatizo n’ibindi bikurikizwa mu kugena umusoro wishyurwa ku bibanza.

    Nk’uko bisobanurwa na Ndahiro Donald, Perezida w’Inama Njyanama y’ Akarere ka Bugesera, bwa mbere Inama Njyanama yari yagennye ibiciro by’umusoro w’ubukode bw’ubutaka, ibanje kureba ahantu uko hameze n’ubushobozi bw’abahari, kuko ngo hari aho bari bagerageje kuzamura kuko abahakorera bafite ubushobozi busa n’ubuzamutseho.

    Yagize ati “Nko mu Mujyi wa Nyamata, kimwe no mu yindi mijyi, Inama Njyanama yari yemeje ko umusoro uzaba amafaranga 120 kuri metero kare imwe, ku butaka bugenewe ubucuruzi, kuko n’ubundi itegeko ryavugaga ko umusoro waho ugomba kuba hagati y’amafaranga 100-140 kuri metero kare imwe”.

    Nyuma y’uko abaturage bagaragaje ko ibyo biciro byafashwe n’Inama Njyanama bibaremereye, inama yongeye guterana yemeza ko bigomba gusubirwamo, bagafatira ku giciro cyo hasi giteganywa n’itegeko.

    Ndahiro ati “Nubwo nyuma y’ubusabe bw’abaturage, Inama Njyanama yemeje gufatira ku biciro byo hasi nk’uko biteganywa n’itegeko, nk’aho twari twabishyize ku 120Frw kuri metero kare, ubu ni 100Frw kuri metero kare. Ariko n’ubundi ntihazabura abavuga ko bikiri hejuru, bitewe n’uko icyorezo cya Covid-19 cyahungabanyije ubukungu, bityo umuntu yareba ayo mafaranga n’ubundi akabona ari menshi”.

    Uwo muyobozi w’Inama Njyanama y’Akarere ka Bugesera avuga ko nyuma yo kumva ubusabe bw’abaturage, tariki 23 Ukuboza 2020, Inama Njyanama yongeye guterana igahindura ibyo biciro by’umusoro ku bukode bw’ubutaka. Biteganyijwe ko imyanzuro yafashwe uwo munsi, izoherezwa ku Ntara bitarenze ejo tariki 31 Ukuboza 2020, igisubizo gituruka ku Ntara ngo kiboneka mu minsi irindwi,kandi kuko ari imyanzuro yakozwe hakurikijwe amategeko ngo bizeye ko izemezwa no ku rwego rw’Intara.

    Iyo myanzuro yo gusubiramo ibiciro by’umusoro ku bukode bw’ubutaka ireba Akarere ka Bugesera kose,ariko ngo hari n’aho bitahindutse kuko n’ubundi bari bafatiye ku biciro byo hasi bishoboka nk’uko biteganywa n’itegeko.

    Iyo hagenwa ibiciro by’umusoro ku bukode bw’ubutaka, harebwa icyo bwagenewe gukoreshwa, niba ari ubucuruzi,gutura,inganda,ubukerarugendo n’ibindi. Inama Njyanama mu kugena ibiciro kandi ireba niba ari ubutaka buteguye,bufite ibikorwaremezo by’ibanze nk’umuhanda,umuriro,amazi n’ibindi, cyangwa se niba ari ubutaka buteguwe ariko budafite ibikorwaremezo by’ibanze.

    source https://www.kigalitoday.com/amakuru/amakuru-mu-rwanda/article/bugesera-umusoro-ku-butaka-wahindutse-nyuma-y-ubusabe-bw-abaturage

  • Umwaka wa 2020 usize ibikorwa remezo by’icyitegererezo #Rwanda #RwOT via @kigalitoday #rwanda #RwOT

    Muri ibyo bikorwa harimo imidugudu 14 y’icyitegererezo yubatswe ku mafaranga y’u Rwanda Miliyari 88 na miliyoni 82.

    Inzu 528 zubakiwe abasigajwe iheruheru na Jenoside yakorewe Abatutsi, ibiraro 20, ibirometero 401 by’imihanda, ibigo nderabuzima 11, amashuri, amasoko, gutanga amazi ndetse n’ibikorwa by’ubuhinzi n’ubworozi.

    Ibi bikorwa byose byatwaye amafaranga y’u Rwanda Miliyari 88 na miliyoni 82.

    Imidugudu y’icyitegererezo uko ari 14 yahaye icumbi imiryango 318 mu turere 14 mu ntara zitandukanye.

    Hubatswe inzu 286 zubakiwe abasizwe iheruheru na Jenoside zikaba zicumbitsemo imiryango 651, izi nzu zikaba zaruzuye zitwaye amafaranga y’u Rwanda miliyari 6 na miliyoni 990.

    Uyu mwaka kandi hubatswe ibitaro 2 ari byo ibitaro bya Gatonde mu Karere ka Gakenke na Gatunda muri Nyagatare abaturage bemerewe n’umukuru w’igihugu, hubakwa n’ibigo nderabuzima 9.

    Hubatswe kandi ibiraro 20 mu turere twa Ngorero, Burera, Muhanga, Karongi, Ruhango na Nyabihu. Ibyinshi ngo byubatswe hagamijwe gukemura ingaruka zatewe n’ibiza byibasiye utwo duce.

    Iyubakwa n’isanwa ry’ibi biraro ryatwaye amafaranga y’u Rwanda miliyari 17 na miliyoni 233.

    Imihanda yubatswe hirya no hino mu gihugu ku burebure bwa kilometero 401 bitwara amafaranga y’u Rwanda miliyari 36 na Miliyoni 167.

    Mu mihanda yubatswe harimo uwa Kagitumba-Rusumo uhuza u Rwanda na Uganda ndetse na Tanzaniya.

    Mu Mujyi wa Kigali by’umwihariko hubatswe imihanda ifite agaciro ka miliyoni 76 z’amadolari ya Amerika.

    Ni umushinga watangiye mu mwaka wa 2019 mu rwego rwo kugira indi mihanda yunganira iyari isanzwe ihari, no kugabanya umubyigano w’ibinyabiziga mu Mujyi wa Kigali.

    Hari imwe muri iyi mihanda izifashishwa mu gihe u Rwanda ruzaba rwakiriye inama ya CHOGM ihuza ibihugu bikoresha ururimi rw’Icyongereza, ikaba iteganyijwe kubera i Kigali mu mwaka utaha wa 2021.

    Muri iyo mihanda harimo uva ahitwa kuri Rwandex werekeza kuri Kigali Convention Centre n’ahitwa mu Myembe. Iburyo bwawo ukinjira, harimo undi muhanda mushya ugana ahirwa kuri Sonatube.

    Hari undi muhanda uca munsi y’ahahoze Alpha Palace i Remera ugakomeza ukagera munsi y’urusengero rwa EAR mu Giporoso, ku muhanda ukomeza ujya Kabeza.

    Undi muhanda uca imbere y’Akarere ka Gasabo ku Gishushu, ugatambika ukagera munsi ya Airtel ugakomeza ukagera mu Migina.

    Hari undi muhanda wo uva ahitwa muri Nyabisindu werekeza i Nyarutarama umanuka mu gishanga ugaca munsi y’ishuri rya Green Hills, ugakomeza ukagera ku muhanda wa Nyarutarama.

    Mu mwaka wa 2020 kandi nibwo huzuye sitade 3 z’umupira w’amaguru mu Ntara y’Iburasirazuba mu turere twa Nyagatare, Ngoma na Bugesera ku buryo zisigaye zakira imikino ya shampiyona.

    Umwaka wa 2020 usize ibyumba by’amashuri 22,505 n’ubwiherero 31,932 byubatswe

    Ku wa Gatanu tariki 19 Kamena 2020, Minisiteri y’Uburezi yatangaje ko hagiye kubakwa mu buryo budasanzwe ibyumba n’ubwiherero bikenewe ku buryo byarangirana na Kanama 2020.

    Hari ibyumba byatangiye kongerwa ku bigo by’amashuri bisanzwe n’ibigo by’amashuri bishya byatangiye guhangwa, byose bigomba kuba byuzuye muri Kanama. By’umwihariko hazubakwa amashuri 81 mashya y’imyuga n’ubumenyingiro.

    Muri ibyo byumba 22 505, Banki y’Isi ifitemo uruhare rwo kubaka ibyumba by’amashuri 11 004 naho Guverinoma ifite 11 501. Banki y’Isi izubaka kandi ubwiherero 14 680 naho Guverinoma yubake ubwiherero 17 252.

    Ibyumba bishya by’amashuri byitezweho kuzamura ireme ry’uburezi

    Minisitiri w’Intebe Dr. Edouard Ngirente, yifatanyije n’abaturage bo mu Murenge wa Tabagwe mu Kagari ka Tabagwe mu muganda wo kubaka ibyuma by’amashuri ari na ho igikorwa cyatangirijwe ku rwego rw’igihugu.

    Minisitiri w’Intebe Dr. Ngirente yavuze ko iyi gahunda yo kubaka amashuri icyarimwe kandi menshi arimo abanza n’ayisumbuye, isubiza ibibazo byinshi bishingiye ku ireme ry’uburezi.

    Ati “Icya mbere ni ukugabanya umubare w’abana biga mu ishuri rimwe kugira ngo ishuri ryigemo abana bake bashobora kwigishwa, mwalimu agashobora kubacunga neza no kubakurikirana ari byo twita kugabanya ubucucike mu mashuri, icya kabiri ni ukugabanya ingendo ndende abana bakora bajya ku mashuri, icya gatatu ni ukorohereza umwalimu wigisha abana 100, biramugora kurusha uwigisha abana 50 cyangwa 40”.

    Banki y’Isi yatanze miliyari 123Frw naho Guverinoma y’u Rwanda ikazakoresha miliyari 95 frw hatabariwemo umuganda w’abaturage.

    Isesengura rya Minisiteri y’Uburezi ryo mu 2019 ni ryo ryerekanye ko hari icyuho cy’ibyumba by’amashuri birenga ibihumbi 22, ubwiherero n’ibikoni.

    source https://www.kigalitoday.com/amakuru/amakuru-mu-rwanda/article/umwaka-wa-2020-usize-ibikorwa-remezo-by-icyitegererezo

  • Utubyiniro n’utubyeri ntitubarangaze: Impanuro za Minisitiri Shyaka na Mbabazi ku rubyiruko rwitegura kwinjira mu 2021 – #rwanda #RwOT

    Minisitiri Shyaka abinyujije kuri Twitter yibukije ko uyu munsi ari uwa nyuma mu igize 2020, abasaba kuguma mu rugo mu rwego rwo kwirinda Covid-19.

    Ati “Uyu ni umunsi wa nyuma wa 2020! #Rubyiruko, #Banabacu, #Nkomezamihigo turabakunda, turabifuriza gupfundikira 2020 no gupfundura 2021 muri bazima: uyu munsi nimugume #imuhira, mwirinde #Covid. Utubyiniro n’utubyeri, ntitubarangaze ntaho tuzajya! #2021 tuzegukana #Intsinzi.”

    “DDay”.Uyu ni umunsi wa nyuma wa 2020! #Rubyiruko, #Banabacu, #Nkomezamihigo turabakunda, turabifuriza gupfundikira 2020 no gupfundura 2021 muri bazima: uyu munsi nimugume #imuhira, mwirinde #Covid. Utubyiniro n’utubyeri, ntitubarangaze ntaho tuzajya! #2021 tuzegukana #Intsinzi

    — Anastase SHYAKA (@ashyaka) December 31, 2020

    Ubu butumwa bwa Minisitiri Shyaka bwakurikiwe n’ubwa Minisitiri Rosemary Mbabazi we wakanguriye urubyiruko gukoresha ubwenge, umutima n’amaboko mu kubaka urwababyaye.

    Yagize ati “Rubyiruko, bana b’u Rwanda tubifurije gusoza umwaka 2020 amahoro no gutangira 2021 muri bazima. #Ndindankurinde, twirinde tuzatsinda Covid-19. Mukoreshe ubwenge, umutima n’amaboko yanyu mu kubaka u Rwanda.”

    Rubyiruko, bana b’u Rwanda tubifurije gusoza umwaka 2020 amahoro no gutangira 2021 muri bazima. #Ndindankurinde, twirinde tuzatsinda Covid 19. Mukoreshe ubwenge, umutima n’amaboko yanyu mu kubaka u Rwanda.

    — Rosemary mbabazi (@RMbabazi) December 31, 2020

    U Rwanda ruri kwizihiza iminsi mikuru isoza umwaka mu buryo butandukanye n’ubwari busanzwe, bitewe n’icyorezo cya Covid-19. Zimwe mu mpinduka zajemo harimo ko nta bikorwa by’imyidagaduro byemewe cyane cyane ibihuza abantu benshi, kuba nta muntu wemerewe kurenza Saa Mbiri z’ijoro atarataha.

    Umujyi wa Kigali uherutse gutangaza kandi ko nta bikorwa byo kurasa umwaka uzakora nk’uko byari bisanzwe bitewe nuko bishobora kubangamira ingamba zo kwirinda Covid-19.

    Kwizihiza ibi bihe by’iminsi mikuru Abanyarwanda barakangurirwa gukomeza kubifatanya n’ingamba zo kwirinda Covid-19 bakaraba intoki, bambara neza agapfukamunwa n’amazuru ndetse bakibuka guhana intera igihe cyose bari kumwe n’abandi.

    source http://igihe.com/amakuru/u-rwanda/article/utubyiniro-n-utubyeri-ntitubarangaze-impanuro-za-minisitiri-shyaka-na-mbabazi

  • Amafoto y'abastar nyarwanda yabiciye bigacika kuri instagram muri uyu mwaka wa 2020 – YEGOB #rwanda #RwOT

    Source : https://yegob.rw/amafoto-yabastar-nyarwanda-yabiciye-bigacika-kuri-instagram-muri-uyu-mwaka-wa-2020/

  • Leta mu ngamba zo kugabanya umusaruro wangirika utaragezwa ku isoko #rwanda #RwOT

    Nshimiyimana Claude ni Perezida wa koperative ubumwe bugamije iterambere igizwe n’banyamuryango 608 bahinga ibigori kuri hegitari 120 mu Karere ka Kamonyi.

    Ni bamwe mu bahinzi bafashijwe na Leta kubakirwa ubwanikiro bufite agaciro ka miliyoni 52 ku buryo yemeza ko ubu bwanikiro bugezweho bwatumye umusaruro wabo w’ibigori wumishwa neza ku buhehere bwa 13% bavuye ku buhehere bwa 18 & 20% ku buryo n’ikiguzi cyabyo cyazamutse cyane bagereranyije n’igihe batari babufite.

    Gusa hari abahinzi b’imboga n’inyanya bavuga ko ikibazo cy’umusaruro utakara mbere yuko ugezwa ku isoko ngo ni ikibazo kibakomereye.

    Umuyobozi Mukuru Wungirije mu kigo cy’ubuhinzi n’ubworozi Dr. Bucagu Charles avuga ko mu mpera z’ukwezi kwa mbere no mu ntangiriro z’ukwa 2 ni bwo uyu musaruro mwishi utegenyijwe kuboneka uzatangira gusarurwa nyamara ngo ni mu gihe hazaba ari mu itumba ku buryo izasarurwa igitose.

    Abaturage barasabwa kwifashisha ibyo bikorwa remezo bagabanya umusaruro utakara.

    Impuguke mu birebana n’ubuhinzi akaba n’umwarimu muri Kaminuza y’u Rwanda Dr. Ukozehasi Celestin agira inama abahinzi kwirinda gukomeretsa imyaka igihe basarura, kwirinda gusarura imyaka iteze, kwanika no guhunika ahantu heza umusaruro wabo ndetse no kugirira isuku n’umusaruro ukomoka ku bworozi harimo n’amata

    Asanga igihe ikigero cy’umusaruro utakara kizaba kigabanyijwe hakagombye no kwita ku gutunganya no kongerera agaciro uwo musaruro kugirango wongererwe igihe cyo kugezwa ku muguzi

    Amafaranga asaga Miliyari 11 yo mu ngengo y’imari y’umwaka ushize wa 2019 ni yo leta y’u Rwanda yashoye mu bikorwa remezo birimo ubwanikiro, ubuhunikiro n’imashini zumisha imyaka.

    Ibyo bikorwa remezo byose bigera kuri 678 bikaba bigamije kugabanya umusaruro w’ubuhinzi utakara mbere yuko ugezwa ku isoko bityo bigafasha igihugu kugera ku ntego cyihaye yo kugabanya icyo gihombo bitarenze 2024.

    Kugeza ubu umusaruro w’ibigori wangirika utaragezwa ku isoko uri ku kigero cya 21.5% mu gihe intego igihugu gifite ari uko bitarenze 2024, byaba bigeze ku kigero cya 13.3%

    Umusaruro w’ibishyimbo wangirika utaragera ku muguzi nawo uri kuri 12.2% mugihe intego ari uko icyo kigero cyaba cyaragabanutse kikagera kuri 7.5% bitarenze 2024.

    Imibare igaragazwa na Minisiteri y’Ubuhinzi n’Ubworozi , yerekana ko muri uyu mwaka wa 2020, ubuhinzi bwinjirije igihugu miliyoni 419 z’amadorali ya Amerika, ni ukuvuga akabakaba miriyari 419 mu mafaranga y’u Rwanda.

    Source : http://www.ukwezi.rw/mu-rwanda/3/article/Leta-mu-ngamba-zo-kugabanya-umusaruro-wangirika-utaragezwa-ku-isoko

  • Utubyiniro n'utubyeri ntitubarangaze: Impanuro za Minisitiri Shyaka na Mbabazi ku rubyiruko rwitegura kwinjira mu 2021 – #rwanda #RwOT

    Minisitiri Shyaka abinyujije kuri Twitter yibukije ko uyu munsi ari uwa nyuma mu igize 2020, abasaba kuguma mu rugo mu rwego rwo kwirinda Covid-19.

    Ati 'Uyu ni umunsi wa nyuma wa 2020! #Rubyiruko, #Banabacu, #Nkomezamihigo turabakunda, turabifuriza gupfundikira 2020 no gupfundura 2021 muri bazima: uyu munsi nimugume #imuhira, mwirinde #Covid. Utubyiniro n'utubyeri, ntitubarangaze ntaho tuzajya! #2021 tuzegukana #Intsinzi.'

    “DDay”.Uyu ni umunsi wa nyuma wa 2020! #Rubyiruko, #Banabacu, #Nkomezamihigo turabakunda, turabifuriza gupfundikira 2020 no gupfundura 2021 muri bazima: uyu munsi nimugume #imuhira, mwirinde #Covid. Utubyiniro n’utubyeri, ntitubarangaze ntaho tuzajya! #2021 tuzegukana #Intsinzi

    — Anastase SHYAKA (@ashyaka) December 31, 2020

    Ubu butumwa bwa Minisitiri Shyaka bwakurikiwe n'ubwa Minisitiri Rosemary Mbabazi we wakanguriye urubyiruko gukoresha ubwenge, umutima n'amaboko mu kubaka urwababyaye.

    Yagize ati “Rubyiruko, bana b'u Rwanda tubifurije gusoza umwaka 2020 amahoro no gutangira 2021 muri bazima. #Ndindankurinde, twirinde tuzatsinda Covid-19. Mukoreshe ubwenge, umutima n'amaboko yanyu mu kubaka u Rwanda.”

    Rubyiruko, bana b’u Rwanda tubifurije gusoza umwaka 2020 amahoro no gutangira 2021 muri bazima. #Ndindankurinde, twirinde tuzatsinda Covid 19. Mukoreshe ubwenge, umutima n’amaboko yanyu mu kubaka u Rwanda.

    — Rosemary mbabazi (@RMbabazi) December 31, 2020

    U Rwanda ruri kwizihiza iminsi mikuru isoza umwaka mu buryo butandukanye n'ubwari busanzwe, bitewe n'icyorezo cya Covid-19. Zimwe mu mpinduka zajemo harimo ko nta bikorwa by'imyidagaduro byemewe cyane cyane ibihuza abantu benshi, kuba nta muntu wemerewe kurenza Saa Mbiri z'ijoro atarataha.

    Umujyi wa Kigali uherutse gutangaza kandi ko nta bikorwa byo kurasa umwaka uzakora nk'uko byari bisanzwe bitewe nuko bishobora kubangamira ingamba zo kwirinda Covid-19.

    Kwizihiza ibi bihe by'iminsi mikuru Abanyarwanda barakangurirwa gukomeza kubifatanya n'ingamba zo kwirinda Covid-19 bakaraba intoki, bambara neza agapfukamunwa n'amazuru ndetse bakibuka guhana intera igihe cyose bari kumwe n'abandi.

    Source : http://igihe.com/amakuru/u-rwanda/article/utubyiniro-n-utubyeri-ntitubarangaze-impanuro-za-minisitiri-shyaka-na-mbabazi

  • Utubyiniro n’utubyeri ntitubarangaze ntaho tuzajya – Min. Prof Shyaka #rwanda #RwOT

    Mu butumwa Minisitiri Shyaka yanyujije kuri Twitter, yifurije urubyiruko gusoza umwaka amahoro kandi bagaharanira gukora neza ngo binjire muri 2021 badashyira ubuzima bwabo mu kaga.

    Ati 'Uyu ni umunsi wa nyuma wa 2020 ! Rubyiruko, Banabacu, Nkomezamihigo turabakunda. Turabifuriza gupfundikira 2020 no gupfundura 2021 muri bazima : uyu munsi nimugume imuhira, mwirinde Covid. Utubyiniro n’utubyeri, ntitubarangaze ntaho tuzajya ! 2021 tuzegukana Intsinzi.'

    Mu ntangiriro z’Ukuboza, Inama y’Abaminisitiri yafashe ibyemezo birimo no guhagarika imihango ihuriza hamwe abantu benshi.

    “DDay”.Uyu ni umunsi wa nyuma wa 2020 ! #Rubyiruko, #Banabacu, #Nkomezamihigo turabakunda, turabifuriza gupfundikira 2020 no gupfundura 2021 muri bazima : uyu munsi nimugume #imuhira, mwirinde #Covid. Utubyiniro n’utubyeri, ntitubarangaze ntaho tuzajya ! #2021 tuzegukana #Intsinzi

    — Anastase SHYAKA (@ashyaka) December 31, 2020

    Icyo gihe byakuruye impaka kuko uwo mwanzuro wahagarikaga n’imisango y’ubukwe, bamwe bavuga ko hari abari bageze kure ibikorwa byo kwitegura ku rwego rushobora kubasigira ibihombo, bagasaba kudohorerwa.

    Minisitiri Shyaka yasubije avuga ko abari bafite ubukwe muri ibi bihe bakwiye kwihangana bagategereza ko iki cyorezo gicogora ubundi bagasubukura imihango yabo, avuga ko 'nitubikora neza mu gihe cy’ibyumweru bitatu biri imbere, ikirere kizaba gikeye, iyo mihango yose yasubitswe yongere ikorwe.'

    Yakomeje avuga ko ibi bishoboka ariko ko buri wese asabwa kubigiramo uruhare, ati 'Ntabwo bizizana, turasabwa kubikorera no kubiharanira.'

    Prof. Shyaka kandi yavuze ko abantu badakwiye guhatiriza ngo bashake gukora ibibujijwe ngo bumve ko bagoragoza.

    Ati 'Ikidashobotse ntushake uburyo ukigoragoza ngo gishoboke kuko COVID yo ntabwo tuza kuyigoragoza gutyo ntabwo itereteka ni ukujya mu murongo wo kuyirinda no kuyikumira ibindi tukaba tubishyize ku ruhande.'

    Ubutumwa nk’ubu butanzwe mu gihe habura amasaha make ngo umwaka wa 2020 urangire.

    Ni umwaka waranzwe n’ibihe bidasanzwe byasabaga ko buri wese yimenyereza kubaho mu buryo budasanzwe, harimo no kuzibukira bimwe mu bikorwa byongereraga ibyishimo imbaga nyamwinshi.

    Ubutumwa bwa Minisitiri abutanze mu gihe mu ijoro ryakeye wari umunsi w’ikiriyo mu Rwanda, aho abantu 7 bishwe n’icyorezo cya Covid-19 ku munsi umwe, abanduye bashya mu mibare yatanzwe na Minisiteri y’Ubuzima ni 122.

    Source : http://www.ukwezi.rw/mu-rwanda/2/article/Utubyiniro-n-utubyeri-ntitubarangaze-ntaho-tuzajya-Min-Prof-Shyaka

  • Ishimwe Clment yagaragaje abahanzi batanu bo… – #rwanda #RwOT

    Mu gihe umwaka wa 2020 ugana ku musoza ni ngombwa kureba mu nguni zose z'ubuzima; ibyagezweho, ibitaragezweho n'ibyo umuntu yakwitega mu 2021.  Umwaka 2020 urangiye ushaririye benshi, dore ko hari abari bafite imishinga ikomeye bagiye basubika bitewe n'icyorezo cya Covid-19.

    By'umwihariko uruganda rw'imyidagaduro rwarashegeshwe bitewe n'uko kuva muri Werurwe 2020 kugeza uyu munsi nta gitaramo na kimwe kigeze kiba. Ibitaramo byabaye byose byabaye hifashishijwe ikoranabuhanga.

    Hari abahanzi bari bafite imishinga yo kujya gutaramira mu mahanga, abari bafite gukorana indirimbo n'abahanzi bo mu mahanga, kumurika Album no kuririmba mu bitaramo bitandukanye n'ibindi byinshi byahagaritswe bitewe n'ingamba zo kwirinda Covid-19.

    N’ubwo umwaka wa 2020 waranzwe n'icyorezo cya Covid-19 n'ubu umwana w'umuntu atazi iherezo ryacyo; abahanzi b'ikiragano gishya cy'umuziki n'abamaze igihe mu muziki bakoze uko bashoboye basohora indirimbo mu bihe byikurikirana. Bakora n'ibindi bikorwa bifite aho bihuriye n'umuziki.

    Muri uyu mwaka kandi hari abifashishije ikoranabuhanga bamurika Album zabo za mbere. Abandi bateguza ibitaramo bikomeye mu mwaka wa 2021.

    Ishimwe Clément Umuyobozi wa Kina Music, yabwiye INYARWANDA, ko ashingiye ku abahanzi batandukanye bigaragaje muri uyu mwaka; Nel Ngabo, Platini, Igor Mabano, Butera Knowless na Bruce Melodie ari bo bahanzi batanu bo kwitega mu mwaka wa 2021.

    Mu bahanzi batanu yagaragaje bane ni abo muri Label ye ya Kina Music n'aho umwe ni Bruce Melodie washinze icyiswe 'igitangaza Music' yahurijemo Kenny Sol na Juno Kizigenza.

    1.Nel Ngabo

    Ku wa 04 Nyakanga 2020, Nel Ngabo ubarizwa muri Label ya Kina Music yamuritse Album ya mbere yise 'Ingabo' iriho indirimbo 13 yatuye Ingabo zari iza RPA zabohoye u Rwanda zirimo na Se umushyigikira mu rugendo rwe rw'umuziki.

    Uyu muhanzi uri mu batanga icyizere mu muziki yamurikiye iyi mu rugo rwa Knowless na Clement ruherereye i Nyamata mu karere ka Bugesera. Ni igitaramo cyayobowe n'umushyushyarugamba akaba n'umunyamakuru Anitha Pendo.

    Iyi Album iriho indirimbo 'Why' yatangije urugendo rwe rw'umuziki, 'Byakoroha', 'Ya motema' yakoranye na Platini, 'Ntibikabe' yakoranye na Butera Knowless, 'Nzahinduka', 'Boss' yakoranye na Dj Miller na 'Nzagukunda'.

    Hari kandi 'Nyereka inzira' ihimbaza Imana, 'My Queen', 'Zoli', 'Low Key', 'Agacupa', 'Ndaku(Blocka)' yakoranye na Bull Dogg, 'Mukwakarindwi' na 'Baby'. Yavuze ko iyi Album ariyo ntangiriro y'urugendo rwe mu muziki. Avuga ko yayituye ingabo zitanze ku rugamba rwo kubohora u Rwanda 'Kugira ngo tube turi aho turi ubu'.

    2.Platini Nemeye

    Umwaka urirenze Platini atangiye urugendo rw'umuziki wenyine nyuma y'isenyuka ry'itsinda rya Dream Boys ryakoze ibikorwa by'indashyikirwa mu bihe bitandukanye.

    Ni umwe mu bahanzi bavumbukanye imbaduko muri uyu mwaka agaragaza ko afite impano ityaye yo gushyigikirwa. Yakoze indirimbo zoroshye gufata mu mutwe, ziherekezwa n'umudiho ujegeza ingoma z'amatwi zirakundwa karahava!

    Ni indirimbo zakunzwe mu buryo bukomeye binagaragazwa n'uko umubare w'abakurikira shene ye ya Youtube wikubye kabiri. Yahereye ku ndirimbo 'Fata Amano' yakoranye na Safi Madiba, akomereza ku ndirimbo 'Veronika' byavuzwe ko yacyuriyemo uwari umukunzi we na 'Pase' yakoranye n'umwami wa Coga Style, Rafiki.

    Mu mezi atatu ashize yasohoye amashusho y'indirimbo yitwa 'Ntabirenze' yakoranye n'umuhanzikazi Butera Knowless, iheruka yitwa 'Atansiyo' yakoreye mu Mujyi wa Dubai yifashishije umunyamideli Cycy Beauty bakanyujijeho mu rukundo.

    We na Nel Ngabo bazapfundikira ibitaramo bya 'My Talent Live Concert' ku wa kane tariki 31 Ukuboza 2020 guhera saa yine n'igice z'ijoro kuri Televiziyo y'u Rwanda.

    3. Butera Knowless

    Muri Mata 2020, Butera Knowless yabwiye INYARWANDA, ko ari gutekereza kwizihiza mu buryo bwihariye imyaka 10 amaze mu muziki amurikira Album ebyiri abafana be mu gitaramo yashoboraga gukora mu mpera z'uyu mwaka.

    Yavugaga ko Imana yabanye nawe mu gihe cy'imyaka 10 amaze mu muziki. Bitewe n'icyorezo cya Covid-19 ntiyabashije gukora iki gitaramo. Ahubwo yakomeje urugendo rwo kunogereza Album ze ebyiri. 

    Knowless yinjiye mu muziki mu 2010 mu gihe kimwe n'abahanzi barimo Oda Paccy, Miss Jojo, Ciney, Miss Shanel n'abandi.

    Zimwe mu ndirimbo ze yahereyeho zamumenyakanishije zirimo 'Ibidashoboka', 'Nkoraho' n'izindi. Ibi byatumye ataramira mu Bubiligi n'ahandi aza no gutangira gukorana na Label ya Kina Music ya Ishimwe Clement barwubakanye ubu.

    Uyu muhanzikazi yegukanye ibihembo birimo ibya Salax Awards, Primus Guma Guma Super Stars, HIPIPO Awards n'ibindi.

    Mu 2011 yamuritse Album 'Komera'; mu 2013 amurika Album 'Uwo ndiwe', mu 2014 yamuritse Album 'Butera' naho mu 2016 yamuritse Album 'Queens'. Uyu muhanzikazi afite indirimbo nshya zirimo 'Player', 'Nyigisha', 'Blessed', 'Inshuro 100' n'izindi.

    4.Igor Mabano

    Muri uyu mwaka, Igor Mabano yashyize ku isoko Album ye ya mbere yise 'Urakunzwe' iriho indirimbo 16 zirimo: 'Habi cyane', 'Back', 'Ndagutekereza', 'Gake' yakoranye na Nel Ngabo, 'Dear Mashuka', 'Too Late', 'Urakunzwe', 'Ni ukuri', 'Iyo utegereza', 'Ubutumwa'.

    Uyu muhanzi aherutse kubwira INYARWANDA, ko yanatangiye urugendo rwo gutegura Album ye ya kabiri. Muri uyu mwaka kandi Igor Mabano yaririmbye mu bitaramo bya 'Iwacu Muzika Festival'.

    Ku wa 21 Ugushyingo 2020, Igor Mabano yasohoye amashusho y'indirimbo yise 'For Real' yakoranye na Mugisha Benjamin uzwi nka The Ben. Icyo gihe yabwiye INYARWANDA, ko we na The Ben ari inshuti z'igihe kitari gito bitewe n'uko bagiye bahurira mu bikorwa bitandukanye by'umuziki.

    Mabano yacurangiye The Ben mu bitaramo bikomeye birimo icyo uyu muhanzi yakoreye mu Mujyi wa Kigali, ku nshuro ya mbere ubwo yagarukaga mu Rwanda avuye muri Leta Zunze Ubumwe za Amerika nyuma y'imyaka irindwi.

    Uyu muhanzi kandi wabaye umucuranzi ukomeye yanacurangiye The Ben mu bitaramo bya sosiyete y'itumanaho ya Airtel byazengurutse igihugu. Ndetse Igor Mabano ni umwe mu bacurangiye The Ben mu gitaramo cy'ibihembo byitiriwe Mo Ibrahim cyabereye muri Kigali Convention Center cyarimo n'itsinda ryo muri Kenya, Sauti Sol.

    5.Bruce Melodie

    Bruce Melodie, umuhanzi wahariwe n'umwaka wa 2020! Yasohoye indirimbo zakunzwe mu buryo bukomeye zinavugisha benshi amangambure. Yashyize ku isoko indirimbo nka 'Saa Moya', 'Katerina' yabyinywe muri Tanzania, 'Abdu Dhabi' n'izindi zimaze kurebwa n'umubare munini kuri Youtube.

    Muri Nyakanga 2020, Bruce Melodie yashyize umukono wo kwamamaza ikinyobwa cya Brok. Anafite amasezerano yo kwamamaza Star Times, Infinix, Visit Rwanda n'ibindi byinshi bimwinjira agatubutse mu mufuko.

    Mu Ukwakira 2020, yatanzweho urugero na benshi nk'umuhanzi wubakiye inganzo ye ku muziki witsa ku rukundo rwo mu mashuka. Byatumye abantu benshi bataramira ku bahanzi bari mu murongo nk'uwe. Ndetse abayobozi batandukanye barabihaniza.

    Uyu muhanzi kandi yegukanye ibihembo bibiri birimo icya Kiss Fm n'icya Isango Star. Yanavuzwe cyane muri uyu mwaka nyuma y'uko we na Shadd Boo bafunzwe kubera kurenga ku mabwiriza yo kwirinda Covid-19.

    Aherutse kubwira INYARWANDA, ko ari gutekereza kuzakora igitaramo cyo kuzihiza imyaka 10 azaba amaze mu muziki.

    Ishimwe Clément yagaragaje abahanzi batanu barimo umugore we Butera Knowless bo kwitega mu mwaka wa 2021.

    Source : http://inyarwanda.com/inkuru/101998/ishimwe-clement-yagaragaje-abahanzi-batanu-bo-kwitega-mu-2021-101998.html

  • Utubyiniro nutubyeri, ntitubarangaze ntaho… – #rwanda #RwOT

    Uyumunsi turi kumunsi wa nyuma usoza umwaka wa 2020, nk’uko bisanzwe abantu baba bishimiye ko barangije umwaka ndetse bagiye no gutangira undi mushya aho bamwe baba basohokera ahantu hatandukanye abandi bajya kureba imiryango yabo ariko by’umwihariko biramenyerewe ko urubyiruko ruba ruri mu birori bitandukanye byaba ibyemewe n’ibitemewe. Bijyanye n’ingamba zo kwirinda icyorezo cya Coronavirus kibasiye Isi, urubyiruko rurasabwa kwirinda cyane ku munsi nk’uyu.

    Minisitiri Prof. Shyaka yahanuye urubyiruko

    Abantu batandukanye bari kugenda bifurizanya umwaka mushya muhire ari nako batambutsa ubutumwa butandukanye ku mbuga nkoranyambaga. Prof Shyaka Anastase, Minisitiri w'Ubutegetsi bw’Igihugu, abinyujije ku rukutarwe rwa Twitter nawe yagize ubutumwa agenera urubyiruko muri rusange, ati: 

    “DDay”. Uyu ni umunsi wa nyuma wa 2020! #Rubyiruko, #Banabacu, #Nkomezamihigo turabakunda, turabifuriza gupfundikira 2020 no gupfundura 2021 muri bazima: Uyu munsi nimugume #imuhira, mwirinde #Covid. Utubyiniro n’utubyeri, ntitubarangaze ntaho tuzajya! #2021 tuzegukana #Intsinzi”.

    Ubutumwa bwa Prof Shyaka Anastase ku rubyiruko kuri uyu munsi wa nyuma wa 2020

    Source : http://inyarwanda.com/inkuru/102000/utubyiniro-nutubyeri-ntitubarangaze-ntaho-tuzajya-2021-tuzegukana-instinzi-minisitiri-prof-102000.html