Author: webrwanda

Iyo umuntu yakijijwe, agomba kumenya ngo ndi nde muri Kristo Yesu, naremewe iki, hanyuma ni gute nagikora?. “Nk’uko umubiri udafite umwuka uba upfuye, ni ko no kwizera kudafite imirimo kumeze, kuba gupfuye”

“Mbese bene Data, byavura iki niba umuntu avuga yuko afite kwizera, nyamara akaba ari nta mirimo akora? Bene uko kwizera kwabasha kumukiza? Cyangwa se, hagira mwene Data w’umugabo cyangwa w’umugore wambaye ubusa, kandi akaba abuze ibyokurya by’iminsi yose, maze umwe muri mwe akamubwira ati 'Genda amahoro ususuruke uhage', ariko ntimumuhe ibyo umubiri ukennye byavura iki? uko ni ko no kwizera iyo kudafite imirimo, ahubwo kuri konyine kuba gupfuye.

Ahari umuntu yazavuga ati 'Wehoho ufite kwizera, jyeweho mfite imirimo.' Nyereka kwizera kwawe kutagira imirimo, nanjye ndakwereka kwizera kwanjye kugaragazwa n’imirimo yanjye. Wizera yuko Imana ari imwe rukumbi. Ibyo ni byiza, ariko abadayimoni na bo barabyizera bagahinda imishyitsi.

Wa muntu utagira umumaro we, ntuzi yuko kwizera kutagira imirimo ari impfabusa? Mbese sogokuruza Aburahamu ntiyatsindishirijwe n’imirimo, ubwo yatangaga Isaka umwana we ngo atambwe ku gicaniro? Ubonye yuko kwizera kwafatanije n’imirimo ye, kandi ko kwizera kwe kwatunganijwe rwose n’imirimo ye.

Ni cyo cyatumye ibyanditswe bisohora, bya bindi bivuga ngo 'Aburahamu yizeye Imana bimuhwanirizwa no gukiranuka', yitwa incuti y’Imana. Mubonye yuko umuntu atsindishirizwa n’imirimo, adatsindishirizwa no kwizera gusa.

Dore na maraya uwo Rahabu. Mbese ntiyatsindishirijwe n’imirimo ubwo yacumbikiraga za ntumwa, akaziyobora indi nzira?. Nuko rero nk’uko umubiri udafite umwuka uba upfuye, ni ko no kwizera kudafite imirimo kumeze, kuba gupfuye”. Yakobo 2: 14-26

Mu nyigisho iheruka twasobanuye ko Imana idushakaho kwizera ariko gufatanyije n’imirimo. https://www.agakiza.org/Burya-kwizera-kutagira-imirimo-ni-imfabusa.html, uyu munsi tugiye kuvuga noneho kuri bamwe muri benshi twafatiraho ikitegererezo bagize kwizera gufatanyije n’imirimo.

Aburahamu

Yizeraga Imana, yahagurutse muri Uri kuko yumvise ijwi araryizera agenda atazi aho agiye. Kwizera kwe kandi kwarageragejwe kugira ngo Imana irebe koko ko yizeye, nyuma yo kubyara Isaka ashaje Imana yaramumusabye, aho yamubwiye ko ajyana Isaka umwana we w’ikinenege kumutamba.

Imana ntishobora kudusaba ibyo itaduhaye, ariko se ibyo yaduhaye tubikiranukamo dute?. Erega Imana izi n’ibyo dutunze!: Izi imyenda ufite mu kabati, izi amafaranga ufite kuri konte, izi ibibanza ufite n’amazu wubatse. Imana izi ibyo ukoresha n’ibyo usigaza, Imana izi n’ibijya mu mufuka inyuma muri pubeli, ibyo byose irabizi.

Reka tuvuge ku rugendo rwo kujya gutamba Isaka

Imana yamwohereje kuri Moliya, mwibuke ko Aburahamu yagiye gutamba Isaka afite imyaka 126. Murebe uwo musaza kuva aho yari atuye kugera aho yagiye gutambira Isaka, hari nk’ibirometero 80. Kuki Imana yamwohereje kure, yagira ngo ibanze irebe ko yisubiraho.

Hari igihe umuntu areba akavuga ati’ Uwakora iki kintu mu bwami bw’Imana’, hashira iminsi akisubiraho ati nanjye ndabikeneye nta n’impamvi yo kubitanga’! Ariko mwibuke ko igihe cyose tudashyikiye ubwami bw’Imana tuzaba dufite kwizera kumeze nk’ukw’abadayimoni.

Kuva aho Aburahamu yari atuye ujya kuri Moliya, hari indi misozi yashoboraga guhinira bugufi agatambira hafi ntagende urugendo rw’iminsi itatu, ariko Imana yari yaramubwiye kuri Moliya. Hari abantu bahinira bugufi agakora ibimworoheye, ntiyumvire ijwi ry’Imana. Nujya no gutanga ujye ubanza kugenzura, uvugane n’ijwi ryo mu mutima wumve ko ubibye ku butaka bukwiriye.

Aburahamu aragenda afite kwizera ntan’umubabaro yagaragazaga mu maso, bageze mu nzira Isaka amubaza aho igitambo kiri buve amubwira ko Uwiteka aribwishakire igitambo. Kandi koko niko byagenze Imana yamweretse umwana w’intama atamba mu kimbo cya Isaka, nibwo Imana yamubwiraga ko imenye ko ayikunda. Abantu bose Imana yakoresheje mukwizera, bakoze ibirenze ibyo siyanse yemera.

Siyanse ntiyemera ko Sida, Kanseri, Diyabete bikira, ariko Bibiliya iravuga ngo 'Tuzarambika ibiganza ku barwayi bakiire’. Kwizera ni ugushyira mu bikorwa ibintu bijya gusa n’ubusazi! Ubundi umuntu wizera: Yumva ibyo abandi batumva, akora ibyo abandi batarimo barakora, abaho ubuzima bujya gusa n’ubw’abafite uburwayi bwo mu mutwe. Ariko kwizera ntikujya gukoza isoni, igihe cyose wizeye Imana izabikubaraho nko gukiranuka.

Igihe cyose tutari aho Imana idushaka tuzahomba imigisha myinshi

Aburahamu iyo atambira ahandi atari kuri Moliya, Isaka yari bupfe kuko Moliya honyine niho hari intama yo gucungura Isaka, kandi ahandi nta jwi rimubwira ko azaba sekuruza w’amahanga yari kumva. Igihe cyose tutari aho Imana idushaka ngo tube duhagaze mu kwizera dukora imirimo yo kwizera, tuzahomba imigisha myinshi, ba Isaka bacu bazapfa n’ibindi byose bizangirika.

Rahabu

Uyu Rahabu nawe yafashe risk ( yarishoye), yakoze ikintu kidasanzwe ahisha abatasi. Yari azi ko nibamufata bamwicana nawe, ariko yemeye ikiguzi cyabyo Imana imubwira ko izamurokorana n’umuryango we kandi niko byagenze. Bibiliya igira iti' Aba mu bisilaheli na bugingo nubu kuko yahishe za ntumwa Yosuwa yatumaga gutata i Yeriko'.

Abantu bizera Imana izabakizanya n’imiryango yabo, abantu bizera Imana izabakizanya n’ibyo batanze. Iyo umuntu atanze mu Bwami bw’Imana mu kwizera, Imana ntikiranirwa ngo yibagirwe imirimo myiza, izabimugarurira, izabimwitura.

Koroneliyo

Uyu Koroneliyo yari umusirikare w’umuroma, yari umuntu woyobotse idini rya kiyuda ariko yubaha Imana. Ntabwo yari umurokore, ariko ngo yari umunyamasengesho uko gusenga kwe akabigerekaho gufasha abantu mu buryo butangaje. Gusenga byari akamenyero ke, ngo igihe kimwe arimo gusenga saa cyenda z’amanywa abona Malayika arinjiye, aramubwira ngo’ Koroneliyo, gusenga kwawe kugeretseho imirimo byazamukiye imbere y’Imana’.

Hari abantu basenga ariko bagakora n’imirimo, bikagera aho bizahinduka urwibutso imbere y’Imana. Icyo umuntu abiba ni cyo azasarura, niba utanga amafaranga Imana izaguha amafaranga, niba uha abantu imyenda Imana izaguha imyenda, niba uha abantu umwanya Imana izabikwitura, nta muntu usarura aho atabibye.

Hari abantu babaza ngo ' Ese gutanga icyacumi ni ngombwa?', abandi ntabwo batanga 1/10 gusa, ahubwo ibyo batunze nabo ubwabo ni iby’uwo mucunguzi!. Ntabwo ukwiye guhora urwana no guha Imana 1/10, aho ubutunzi bwawe buri niho n’umutima wawe uri. Ntukwiye kubeshya ngo uba mu nzu y’Imana uri umurokore, kwizera kutagira imirimo kuba gupfuye.

Ibi tuvuze tubimenye, abarwayi bose babona ubagemurira, imfubyi zose zabona aho ziba. Ibi byose tubishyize mu bikorwa bikaba ubuzima bwacu bwa buri munsi, ubwami bw’Imana bwagera kure.

Inyigisho zifitanye isano no kwizera wasoma kandi ni:

https://www.agakiza.org/Kwizera-ni-iki-Dore-ubwoko-10-bwo-kwizera.html

https://www.agakiza.org/Ibintu-bikuza-kwizera.html

https://www.agakiza.org/Ibi-bintu-bibangamira-kwizera.html

Iyi nyigisho yateguwe kandi inatambutswa na Pasiteri Desire Habyarimana kuri Agakiza Tv. Wayikurikira hano

[email protected]

Seleri ni ziumwe mu mboga zigomba kuribwa zidatetswe kuko kuziteka byangiza intungamubiri ziba zirimo.Kuba zifatwa ari mbisi bivuze ko n’umutobe wazo ari ingenzi kandi by’umwihariko ufasha abantu b’ingeri zose abagabo n’abagore ndetse burya kuzifata nk’umutobe bifite akarusho.

Ibintu byinjiye mu mubiri ari amazi byoroha kugogorwa kandi intungamubiri zirimo zikoreshwa zose kuko ntibitinda mu gifu ngo hagire ibyangirikiramo. Akamaro ko kunywa umutobe wa seleri ku buzima.

Kubyimbura

Ubusanzwe umubiri wacu iyo ubyimbiwe byaba byizanye cyangwa se hari impanuka ibaye biba byerekana ko umubiri uri kwirwanaho ariko iyo bitinze nabyo ubwabyo bihinduka indwara. Muri seleri harimo ibirwanya uburozi mu mubiri bituma irwanya kwa kubyimbirwa no kuribwa nka rubagimpande, imitsi n’izindi ndwara zigendana no kubyimbirwa.

Gufasha mu igogorwa

Umutobe wa seleri uzwiho gufasha umubiri kugogora ibyo turiye kubera ko seleri zikungahaye kuri polysaccharides. Ndetse burya seleri zinazwiho kurinda ibisebe byo mu gifu.

Gusohora uburozi mu mubiri

Ubu si uburozi buvuye hanze ahubwo ni ubuzanwa n’imikorere y’umubiri aho imyanda igenda yibika ikazabyara uburozi cyane cyane ku bafite ikibazo cy’umwijima, impyiko n’uruhago. Kunywa uyu mutobe bifasha abafite uburwayi bw’agasabo k’indurwe, impindura n’impyiko kuko ahanini buterwa na bwa burozi.

Kwihutisha gutakaza ibiro

Niba wifuza gutakaza ibiro, uyu mutobe ntukabure kuri buri funguro ryawe. Kuko seleri ibamo calories nkeya gusa ikaba ikungahaye ku ntungamubiri na za vitamin bivuze ko kuyikoresha bituma utakaza ibiro ariko umubiri ukomeye.

Kugabanya igipimo cya cholesterol mbi

Muri seleri dusangamo 3-n-butylphthalide, izwiho kuba irwanya ibinure ku rwego rwo hejuru. Iki kinyabutabire kikaba kiboneka muri seleri gusa. Niyo mpamvu niba uri gufata imwe mu miti irwanya cholesterol (izwi nka statins) biba byiza no gufata umutobe wa seleri.

Kurinda umwijima

Uyu mutobe kandi urinda umwijima kuba wagira ibinure byinshi dore ko byazabyara indwara ndetse niba waramaze kurwara iyi ndwara iterwa n’ibinure byinshi mu mwijima kunywa umutobe wa seleri birabafasha cyane.

Kongera ubudahangarwa

Kuba seleri zikungahaye kuri vitamin C bituma umutobe wazo uba mwiza mu kongerera ingufu ubudahangarwa bw’umubiri bikawurinda indwara zandura. Biragoye kuba warwara ibicurane unywa uyu mutobe.

Ubushake bwo gukora imibonano

Muri seleri dusangamo androsterone,uyu ukaba umusemburo utagira impumuro ariko ubusanzwe urekurwa mu cyuya cy’umugabo (niyo cyaba kitaje ngo gitembe) ugatuma umugore agira ubushake bwinshi.Uretse kongera ubushake kandi, ku bagore inafasha kongera amavangingo akaba menshi kandi acyeye.

Ikintu cy’ingenzi dukwiye kuzirikana,uyu mutobe nubwo ari mwiza ku buzima bwacu gusa ntabwo umugore utwite yemerewe kuwunywa.

Source:inyarwanda.com, www.wikihow.com

[email protected]

Muri aya matora yo guhagararira abaturage yo ku nzego z’ibanze, Evelyne Anite yatsinzwe na mugenzi we babana mu ishyaka riri ku butegetsi rya NRM rinaherutse gutsinda amatora y’Umukuru w’Igihugu.

Muri Nzeri 2020, Evelyn Anite yari yatanze iriya mbangukiragutabara ayiha abatuye mu mujyi wa Koboko ubwo amatora yari yegereje.

Ni umuhango na we ubwe yari yitangarije, ashyira amafoto kuri Twitter atanga iriya mpano yo gufasha abatuye muri uriya mujyi.

Wilson Sanya uyobora uriya mujyi, avuga ko nyuma yo gutsindwa amatora, uriya Muminisitiri yasabye gusubizwa iriya mpano.

Aganira na Daily Monitor, Wilson Sanya yagize ati 'Ndemeza ko iyo modoka yasubijwe Anite. Bwa nyuma mvugana n’umushoferi wayo, yanyemereye ko bayisubije ku mategeko y’uwo minisitiri.'

Minisitiri Evelyn Anite yari yatanze iriya mbangukiragutabara iriho n’ifoto ye nk’impano yo gufasha abatuye muri uriya mujyi by’umwihariko korohereza abagore, abana n’abageze mu za bukuru kugera kwa muganga.

UKWEZI.RW

Kapiteni w’ikipe y’igihugu y’abakinnyi bakina imbere mu gihugu akaba na rutahizamu wa APR FC, Jaques Tuyisenge, agiye kumara hagati y’ibyumweru bine na bitandatu hanze y’ikibuga nyuma yo kugira imvune.

Jacques Tuyisenge wari na Kapiteni w’iyi kipe y’u Rwanda yagarukiye muri 1/4, yavunikiye mu mukino wahuje u Rwanda na Guinea.

Kuri uyu wa Kabiri tariki ya 02 Gashyantare 2021, nibwo Tuyisenge yanyuze mu cyuma (MRI), kugira ngo barebe neza uko imvune ihagaze.

Nyuma y’ikizamini muganga w’ikipe y’igihugu, Patrick Rutamu aganira na The New times dukesha iyi nkuru, yavuze ko imvune izamara ibyumweru bitandatu.

Yagize ati “Jacques Tuyisenge yagize imvune mu ivi, bizafata hagati y’ibyumweru bine na bitandatu kugira ngo akire neza”.

Rutamu avuga kandi ko Kalisa Rashid nawe yagize ikibazo cy’umutsi, akaba ashobora kugaruka igihe shampiyona izaba isubukuwe.

Ati 'Twavuga ko amahirwe ya Kalisa yo gukina imikino ya CAF Confederation Cup iteganyijwe muri uku kwezi kwa Kabiri ari make, biragoranye'.

UKWEZI.RW

Uru rugendo rwa mbere rwagiyemo abantu 37 barimo Soraya Hakuziyaremye Minisitiri w’Ubucuruzi n’Inganda na Minisitiri w’Ibikorwa Remezo, Amb. Claver Gatete.
Ni urugendo rugaragaza ko ibi bihugu bishaka kongera ingufu mu mikoranire by’umwihariko mu by’ubucuruzi.

Umuyobozi mukuru wa RwandAir, Yvone Manzi Makolo yavuze ko uru rugendo rwa mbere rwagiyemo abiganjemo abacuruzi basanzwe.

Centrafrique ibaye igihugu cya 30 gitangijwemo ingendo za RwandAir, izajya ijyayo kabiri mu cyumweru.

Uyu muyobozi wa RwandAir kandi avuga ko gutangiza ingendo zerekeza i Bangui ari ugukomeza kwagura amarembo y’u Rwanda n’ibindi bihugu byo ku mugabane wa Africa.

Ubusanzwe abaturuka mu bihugu bya Africa baza mu Rwanda, bahabwa VISA bageze ku kibuga cy’indege cyangwa ku mupaka.

Uru rugendo kandi rutangiye mu gihe mu kwezi gushize, Umuryango wa Africa Yunze Ubumwe watangije igice cy’Isoko rusange ry’Umugabane wa Africa.

Perezida wa Repubulika Paul Kagame wakunze kugaruka kuri iri soko rusange, yakunze kuvuga ko Abanyafurika bagomba gusangira amahirwe y’Umugabane wabo bityo ko guhahirana ari byo bizatuma uyu mugabane utera imbere ukazabasha kugera ku cyerekezo 2063.

UKWEZI.RW

Nibura umwe mu bakobwa bigaga muri Chibok bashimuswe na Boko Haram mu 2014 yashoboye gucika umunyururu, nk’uko Open Doors ibitangaza.

Hauwa Halima Maigana yari umwe mu bakobwa 276 biganjemo abakirisito bashimuswe n’umutwe w’iterabwoba ku ishuri ryabo muri Nijeriya mu myaka irindwi ishize.

Open Doors, umuryango ushinzwe gukurikirana no kurengera abakristo batotezwa watanagaje ko bishoboka ko abandi bakobwa babashije gutoroka ariko mubyukuri kugeza ubu ntibarabasha kumenya no kwemeza imibare ihamye y’abo bakobwa.

Illia Djadi, umusesenguzi mukuru wa Open Doors ushinzwe ubwisanzure bw’imyemerere n’imyizerere muri Afurika yo munsi y’Ubutayu bwa Sahara, yagize ati: “Umwe mu bakobwa ba Chibok watorotse yabashije kuvugana na se kuri telefoni amumenyesha amakuru ye yose”.

Henrietta Blyth, umuyobozi mukuru wa Open Doors mu Bwongereza na Irlande, yagize ati: “Amakuru y’abakobwa bacitse Boko Haram harimo n’umukobwa w’umunyeshuri ku ishuri rya Chibok. Ni urumuri rw’icyizere ko abandi bakiri mu bunyage na bo bashobora kubona umudendezo wabo.

“Ishimutwa ry’abakobwa ba Chibok mu myaka irindwi ishize ryabaye urugero rubabaje rw’uko abagore bibasirwa cyane n’itotezwa muri Nijeriya kubera imyizerere yabo (abakristo) ndetse bakorerwa ihohoterwa rishingiye ku gitsina.

“Ndetse na nyuma yo gutoroka, urugendo rwabo rw’umubabaro ubusanzwe ntirurangirira aho. Bakeneye gusubira mu gace kabo kandi bagahangana n’ihungabana ryo gushimutwa kwabo”.

Mu myaka myinshi ishize, bamwe mu bakobwa b’ishuri rya Chibok bararekuwe cyangwa bashoboye gutoroka ariko byibuze ijana baguma mu bunyage.

Djadi yavuze ko byari imyaka irindwi y’amaganya n’ububabare bukabije ku babyeyi babo, anaburira ko ikibazo cy’ishimutwa kitarangiye muri Chibok.

Yakomeje agira ati: “Mu majyaruguru y’uburasirazuba bwa Nijeriya, Boko Haram ikomeje gukwirakwiza iterabwoba n’ibitero byayo mu baturage biganjemo abakirisitu bashimuswe, ihohoterwa rishingiye ku gitsina ndetse n’ubwicanyi”.

Dukurikije imibare yatanzwe na Open Doors, abakristu 990 bashimuswe n’imitwe yitwara gisirikare ya kisilamu muri Nijeriya mu 2020.

Djadi yanenze guverinoma ya Nijeriya kuba yarananiwe kurinda umutekano w’abakristo.

Ati: “Ibisubizo byatanzwe na guverinoma biragaragara ko bidahagije, kubera ko abakoze iryo hohoterwa bashoboye gukomeza kwibasira abakirisitu, ndetse n’abandi Banyanigeria, mugihe nta bihano bafatiwe'.

“Mu gihe cya Noheri, abaturage benshi biganjemo abakirisitu bo muri Chibok bibasiwe n’ibitero, barasenyerwa ndetse baricwa.

'Open Doors, turashaka kongera guhamagarira guverinoma ya Nigeriya gushyira umutekano ku mwanya wa mbere no kurinda abaturage batishoboye'.

“Hatabayeho umutekano abantu baba mu majyaruguru ya Nijeriya, ntibazashobora kubaho mu buzima busanzwe”.

Source: christiantoday.com

[email protected]