Webrwanda Backend

Author: webrwanda

  • Amakosa 10 akorwa nabagabo bubatse ingo – #rwanda #RwOT

    1. Gutekereza ibyishimo byo mu buriri wenyine utitaye ku wo mwashakanye 

     Abagabo benshi ni ba nyamwigendaho ku ngingo yo gutera akabariro ndetse ntibatekereza ku byishimo by'abagore babo. Kutita ku byishimo by'umugore wawe igihe muri mu gikorwa cy'abashakanye bishobora kugusenyera urugo vuba cyane. Kugira ngo mwembi mubashe kwishimira iki gikorwa bisaba ko muganira byo ku rwego rwo hejuru mukaganira mutuje kandi mukumvana. 

     2. Kwaya umutungo w'urugo

    Kugira ibyo ugira bihenze utabanje kubiganiraho n'umugore wawe cyangwa kwaya umutungo w'urugo ni irindi kosa abagabo bakora rikaba ryabasenyera. Kuba ufite konti muri banki ukayihisha uwo mwashakanye ni 'sakirirego' mu rugo. Iyo utumye umugore wawe atamenya ibyerekeye umutungo wawe, bituma yumva adakunzwe bihagije ndetse akaba yakwibona nk'umunyamahanga mu rugo rwanyu. Ni ngombwa ko wizera umugore wawe n'umutima wawe wose ndetse n'ubutunzi bwawe. 

     3. Kwigira ntibindeba mu kurera abana

      Abagabo benshi baharira abagore uburere bw'abana babo bakibwira ko icyo basabwa gukora gusa ari ugutanga ibitunga umuryango, kandi ibi bihabanye n'ukuri. Si byo na gato rwose kwirengagiza uruhare rwawe rwo kurera abana ufatanyije n'uwo mwashakanye. Ukwiye gufata umwanya ukawumarana n'abana bawe ndetse ukugira uruhare runini mu buzima bw'abana bawe.

     4. Kutita ku mubiri wawe 

    Abagabo benshi baba bifuza ko abagore babo bita ku mibiri yabo nyamara bo batabikora. Uko umugabo agaragara ni ikintu abagore bitaho kandi kibatera ishema. Abagabo benshi iyo bamaze gushaka, ntibongera kugira icyo bakore ngo bite ku mibiri yabo kandi ntibishimisha abagore. Nkuko wifuza ko umugore yiyitaho nawe ni ko uba ugomba kubigenza. 

    5. Kudateganyiriza ejo hazaza 

    Nk'umutware w'urugo, ukwiye gutekereza no kumenya guteganyiriza umugore n'abana bawe. Ugomba gupangira urugo rwawe ahazaza, ubutunzi bwawe, abana n'ibindi. Ntukabe umugabo ubaho nk'ubara ubukeye, akarya nk'aho ari bwo bwa nyuma. Ugomba guteganya ikizababeshaho mu busaza, utagishoboye gukora, ugateganyiriza igihe uzaba wapfuye cyangwa abana bawe nibashyingirwa n'ibindi. 

     6. Kutumva umugore wawe 

    Abagabo benshi ntibabasha kubona abagore babo nk'umufasha cyangwa umufatanyabikorwa bituma batabatega amatwi ngo bumve uko babona ibintu. Ntukumve ko uzi ibyo umugore agiye kuvuga ngo umuce mu ijambo mbere y'uko avuga uti 'Ni ay'abagore'. 

     7. Kutizera umugore wawe 

     Kutizera umugore ngo ube wamubitsa amabanga akomeye ni irindi kosa abagabo benshi bubatse bakora mu ngo. Umugore wawe aba agomba kuba umuntu ubwira udukuru twose ndetse ukamubitsa utubanga twose; ni urubavu rwawe. Umugore wawe ashaka kumenya ikikwerekeye cyose kandi erega nta cyo atazi, wigira ibyo umukinga rero.

     8. Kwemerera umuryango n'inshuti zawe gusuzugura umugore wawe 

    Nk'umugabo, uzaba utsinzwe niwemerera abagize umuryango wawe ndetse n'inshuti zawe kutubaha umugore wawe. Umuntu wese utubashye umugore wawe nawe aba agusuzuguye; ni ibyo rwose. Ujye wirinda kuvuga nabi no gutaranga umugore wawe mu ruhame bitazatuma ata icyubahiro cye. 

    Umuryango ndetse n'inshuti zawe bagomba kumenya gusa ibyiza by'umugore wawe, ibibi ni wowe ugomba kubimenya gusa. Wowe n'umugore wawe ni mwe mwenyine mugomba kwicarana mugakemura ibibazo mufite mutihaye rubanda. 

     9. Kudasaba imbabazi wahemutse 

    Kutemera gusaba imbabazi wafuditse ni rimwe mu makosa abagabo bakora mu mibanire y'abo mu ngo. Abagabo benshi bibwira ko ari ukwisuzuguza no kwitesha agaciro gusaba imbabazi umugore kandi mu by'ukuri si byo. Kuba uri umugabo si impamvu yo kuba utasaba imbabazi umugore wawe igihe wamukoshereje. 

     10. Kugereranya uwo mwashakanye n'abandi bagore 

    Kugereranya umugore wawe n'abandi ni bibi cyane ndetse bishobora kugusenyera; ntukagereranye uwo mwashakanye n'abandi bagore. Iteka ryose iruhande rwawe, aho ukorera n'aho uba ntuhazabura abagore bafite ibyo barusha umugore wawe, ariko se uzi ibibi cyangwa intege nke abo bagore bagira? Jya wita, uteteshe, ukunde kandi wubahire umugore wawe uko ari bitari ibyo akora cyangwa adakora. 

    Src:www.pschologytoday.com

    Source : https://inyarwanda.com/inkuru/102818/amakosa-10-akorwa-nabagabo-bubatse-ingo-102818.html

  • Nyuma yo gukena bikabije ,akaza kugira agatubutse amaze kubyara abana barindwi ku myaka 21 gusa|Uyu musore ntasanzwe. – YEGOB #rwanda #RwOT

    Umusore wahoze abayeho mu buzima bushaririye ,nyuma Imana ikaza kumwibuka agakora ikofi nkuko imvugo z'iki gihe zibivuga, kuri ubu afite abana barindwi ku myaka 21 y'amavuko gusa.

    Uyu musore w'umuraperi witwa Kentrell DeSean Gaulden,ku myaka ye 21 gusa amaze kwigwizaho abana barindwi. Uyu turi kuvuga ni umusore ukiri muto kuko yavutse kuwa 20/10/1999. Uyu ni umuririmbyi ukaze muri Amerika, ndetse akandika n'indirimbo. Uyu yamenyekanye ku mazina y'ubuhanzi nka YoungBoy NBA (NBA: Never Broke Again).

    Kumva izina rye gusa uhita wumirwa kuko 'Never Broke Again' bisobanura ngo 'Ntuzongere gukena ukundi' bivugwa ko uyu musore ngo yaba yaramaze igihe m'ubukene bukabije bitewe n'ubuzima bubi yanyuzemo maze agashakisha amafaranga m'uburyo bwose ndetse akaza no kuyabona. Nyuma yo kuyabona rero yihaye intego yo kutazongera gukena uko byagenda kose. Uyu musore yanyuze mubikomeye cyane kuko ku myaka ine yagize impanuka yamusigiye igikomere gikaze ku isura ye.

    Sibyo gusa kuko ku myaka 8 se w'uyu musore yahise afungwa ndetse akatirwa imyaka 55 muri gereza azira ubujura, nkaho bidahagije nyina nawe yahise amuta, bityo asigara arerwa na nyirakuru. Ku myaka 9 uyu musore nawe yahise atabwa muri yombi ndetse ajyanwa mukigo ngororamuco amezi atandatu ari naho yasohotse atangira kuririmba.

    Uyu musore kuri ubu arera abana be barindwi neza cyane, kubera ko afite byose akeneye ngo abiteho uko bikwiye. Mu bana barindwi afite ubu harimo abahungu batanu n'abakobwa babiri gusa umwe muribo ntabwo yamubyaye ahubwo yaramutoye aramwirerera hamwe nabe yibyariye.

    Avuga ko yize amasomo menshi nko kuba ataragira ifaranga nta muntu wamwikozaga ariko ubu akaba atangazwa n'ukuntu buri wese aba yifuza kuba inshuti ye. Gusa kuri we ngo ntacyo bimubwiye kuko yiteguye kubana na buri wese.

    Like this:

    Like Loading…

    Source : https://yegob.rw/nyuma-yo-gukena-bikabije-akaza-kugira-agatubutse-amaze-kubyara-abana-barindwi-ku-myaka-21-gusauyu-musore-ntasanzwe/

  • Ibintu by'ingenzi ukwiye kuzirikana mbere yo kujya mu rukundo ,niba umaze gutandukana nuwo mwahoze mukundana. – YEGOB #rwanda #RwOT

    Gatanya ni ikintu gikomeye kuri buri muntu yaba ari wowe yaturutseho cyangwa ari mugenzi wawe,buri muntu ajya gushinga urugo yifuza kugira umuryango kandi wishimye iyo habayeho gutandukana ubabazwa n'uko ya ntego itagezweho.

    Nyuma ya gatanya umuntu anyura mu bihe bikomeye ariko usanga biba bimuganisha aheza, ni ibisanzwe ku muntu kugira amarangamutima atandukanye bitewe n'icyamubayeho.

    Kubwa Elisabeth Kubler Ross, inzobere mu bibanire y'abantu avuga ko hari ibyiciro umuntu anyuramo nyuma ya gatanya birimo kutumva ibyabaye, uburakari, kumvikana n'uwo mwatandukanye, kugira agahinda gakabije no kwiyakira.

    Nubwo biba ari ibihe bitoroshye ariko ubuzima burakomeza ndetse ukaba wakongera no kujya mu rukundo ko gutandukana nti bisobanuye ko ubuzima bw'urukundo burangiye.

    Gusa gutangira undi mubano bisaba kwitonda kugira ngo uwo utangiye utazahungabana bitewe n'ibisigisi by'uwa mbere. Dore ibintu bitanu ukwiye kwitaho mbere yo gutangira urukundo rushya.

    Uwahoze ari umukunzi wawe

    Nubwo mujya guhana gatanya mwabyumvikanyeho ariko uwo mwahoze mubana iyo yumvise ko uri mu rukundo bishobora kumutera gufuha, bikaba byatuma akwima uburenganzira ku bana abereka ko ari wowe wisangiye abandi.

    Bisaba kugira uko ubyitwaramo kuburyo umubano wawe mushya utazamutera ishyari, ndetse ukareba neza niba mudashobora kwiyunga no gusubirana mbere yo kujya ahandi biba byiza kugutekereza kuwo mwatandukanye.

    1.Abana

    Nubwo ibijyanye n'urukundo rwawe ari ubuzima bwawe bwite ariko rushobora kugira aho ruhurira n'abakuri hafi, niba uwo mwatandukanye mwari mufitanye abana kujya mu rukundo rushya biragusaba kubanza kwitonda.

    Iyo ababyeyi batandukanye ntibituma n'abana batandukana n'ababyeyi babo baba bagomba gukomeza kubabona nkuko bikwiye, kandi bisaba no gukomeza kubereka urukundo ko bo ntibaba bumva uburyo mwatandukanye.

    Iyo ugiye mu rundi rukundo rushya abana bawe batarakira itandukana ryanyu bishobora kubagora kubereka undi mukunzi wawe utandukanye n'umubyeyi wabo, bikaba byabaviramo kumwanga bumva ariwe ntandaro ya gatanya y'ababyeyi babo.

    Bisaba kwitonda abana bakabanza bakabyakira ndetse ukamenya n'uko bazabana n'umubyeyi wabo n'umukunzi wawe nta kibazo biteje.

    2.Banza wiyubake ubwawe

    Gatanya ituma amarangamutima yawe ahungabana bikaba byagutera kwiyanga no kwitakariza icyizere. Hari abagira agahinda gakabije bitewe no kwigaya ko batabashije kurinda umuryango wabo gutandukana.

    Mbere yo gushaka umuntu mwakundana banza wikunde wowe ubwawe wongere wigirire icyizere, ndetse umenye n'uruhare wagize muri gatanya kugira ngo utazongera gukora ayo makosa nanone.

    3.Igihe

    Igihe ni ingenzi mu kumenya niba witeguye kujya mu rukundo rushya. Icyo bigufasha ni ukureba niba warihaye igihe gihagije cyo kwiyakira kuri gatanya wagize.

    Biba byiza iyo uvuye mu rukundo kudahita utangira urundi rushya kuko ushobora gusanga utarakira ko rwa rundi rwarangiye bikaba byatuma n'urushya ugiyemo rwangirika kuko uvanga ibishya n'ibyashize.

    Iyo wihaye igihe kirekire cyo kubanza kwiyakira, bituma ukora ibyo watekereje ugafata n'umwanya wo gutekereza ku mukunzi mushya naho iyo uhubutse ushobora gufata uwo ubonye cyangwa utamukunze ari ubuhungiro ushaka.

     

    Niba ushaka umukunzi kanda kuri iyi link ukurikize ibisabwa:http://yegob.rw/dating

    Like this:

    Like Loading…

    Source : https://yegob.rw/ibintu-byingenzi-ukwiye-kuzirikana-mbere-yo-kujya-mu-rukundo-niba-umaze-gutandukana-nuwo-mwahoze-mukundana/

  • Umva ibyo Arthur Nkusi yasubije Sandrine wasabaga ubufasha ku mwana we wujuje imyaka 4. – YEGOB #rwanda #RwOT

    Umunyarwenya Arthur Nkusi yasubije Isheja Sandrine mu buryo busekeje ubwo uyu munyamakuru yavugaga atebya ko ashaka ko bamuremera nk'umubyeyi umaze imyaka ine yibarutse imfura ye.

    Umwana wa Sandrine yujuje imyaka 4

    Sandrine Isheja na Arthur basanzwe bafite uburyo butandukanye kandi bwinshi bwo gushimisha ababakurikira mu kiganiro 'Breakfast With The Stars' bakora buri gitondo kuri Kiss FM kuva saa 06:00 kugeza saa 10:00. Icyo bakoze kuri uyu wa Kabiri tariki 3 Gashyantare 2021 nacyo cyarimo urwenya rwinshi ahanini rwaturutse ku isabukuru y'umuhungu wa Sandrine Isheja Butera wujuje imyaka 4 uyu munsi.

    Bombi babigarutseho bamwifuriza isabukuru nziza bavuga ko imyaka 4 yujuje umwana aba ageze mu kigero cyiza atangiye gukura maze mu rwenya rwinshi Arthur avuga ko muri iriya myaka we yari azi gukora indege mu bibabi by'amapera,maze asaba uyu mubyeyi kuza kumutungura akayimukorera kuko abana bazikunda.

    Yagize ati 'Nugera mu rugo ukamukorere, abana bakunda utwo tudege ni igikinisho kitaguhenda kandi umwigishe n'uburyo babikora hahahahaha'. Basetse baratembagara maze Sandrine yishimira inama Arthur yamugiriye yo gutungura umuhunguwe wujuje imyaka 4 akamuha impano idahenze kandi iri bumushimishe. Yagize ati 'Oya reka nze muremere hahahah umva urakoze ako gatekinike ndagakoresha'.

    Yakomeje abaza niba batari bumuremere nk'umubyeyi wabonye umugisha wo kwitwa 'Mama' kuri iyi tariki maze Arthur arongera aratebya ati 'Happy byara day hahaha umunsi mwiza rwose wo kuba warabashije guca muri uriya munsi ukomeye ntabwo biba byoroshye n'ibyo gushimira Imana'.

    Yanamwigishije ukuntu iyi mpano y'indege idahenze ari buyikore avuga ko ari bufate akabibi agaca uruhande rumwe yarangiza agahindura agaca n'urundi hanyuma agashingamo agati.

    Ntibyarangiriye aho ahubwo yamuhaye urugero rw'ukuntu abana bazikunda yihereyeho avuga ko mu buto bwe, iyo bashakaga kumutuma babanzaga kumusaba gukora indege kuko kugira ngo yikarage bisaba kwiruka bityo ngo ibi byatumaga abanguka niyo mpamvu mbere yo kumutuma babanzaga kumusaba kuyikora.

    Like this:

    Like Loading…

    Source : https://yegob.rw/umva-ibyo-arthur-nkusi-yasubije-sandrine-wasabaga-ubufasha-ku-mwana-we-wujuje-imyaka-4/

  • Dr. Stella Nyanzi wari wariyemeje kuzahangana n'ubutegetsi bwa Museveni utaranasibaga kujyanwa muri Kasho,Yahunze #rwanda #RwOT

    Ni amakuru umunyamategeko we, Prof. George Luchiri Wajackoyah yahamirije itangazamakuru ryo muri Uganda, aho yavuze ko impamvu yatumye Dr. Nyanzi ahunga, ari 'ubwicanyi Leta ya Museveni ikora abanyapolitiki.'

    Dr. Nyanzi wigeze kuba umushakashatsi muri Kaminuza ya Makerere, ni umwe mu banyapoltiki bakunze gufungwa, ahanini ashinjwa guteza imvururu.

    Impamvu ikomeye yigeze gufungirwa ni iyo kuba yaratutse Perezida Museveni na nyina utakiriho mu 2017, abinyujije mu gisigo yashyize ku rubuga rwa Facebook.

    Nyanzi waburanye afunzwe, ubwo iki cyaha cyari kimaze kumuhama amaze no gukatirwa igifungo cy'amezi 18, yatangaje ko atazarekera guhangana n'ubutegetsi bwa Museveni, abwita 'umwanda'.

    Mu mpera z'umwaka ushize, Dr. Nyanzi yiyamamarije umwanya w'umudepite ahagarariye Kampala, avuga ko atangiye urugendo 'ruva muri ggereza rugana mu Nteko Ishinga Amategeko' gusa aya matora yabaye tariki ya 14 Mutarama 2021 ntiyamuhiriye, kuko yaratsinzwe.

    Muri Nzeri 2020, Dr. Nyanzi nabwo yagerageje guhungira muri Kenya, inzego zishinzwe umutekano zirimo abapolisi, abasirikare, abo mu rwego rw'iperereza; zimufatira ku mupaka wa Busia uhuza ibihugu byombi.

    Source : http://umuryango.rw/amakuru/mu-mahanga/article/dr-stella-nyanzi-wari-wariyemeje-kuzahangana-n-ubutegetsi-bwa-museveni

  • Kaneza Christa uherutse kuvugwaho kwica umugabo we Thierry Kubwimana kugira ngo asigarane imitungo ye,Yabaye Afunguwe #rwanda #RwOT

    Ni mu gihe abagabo babiri bafunganwe; Niyongabo Emmanuel na Ndibanje Jean Paul bo bakomeza gufungwa by'agateganyo.

    Uyu mugore w'imyaka 18 y'amavuko yategetswe ibintu bibiri mu gihe ari hanze ya gereza, ari byo: kujya yitaba ubucamanza igihe cyose bumukeneye no kutarenga imbibi z'u Burundi urubanza rwe rutararangira.

    Thierry Kubwimana wari umaze igihe gito ashakanye na Kaneza, yarasiwe mu cyumba bararagamo mu ijoro ryo ku wa 24 rishyira uwa 25 Ugushyingo 2020, apfira mu bitaro.

    Christa Kaneza wari usanzwe yonsa uruhinja rw'amezi atanu yabyaranye na Thierry Kubwimana, yatawe muri yombi tariki ya 20 Mutarama 2021, hamwe na Niyongabo na Ndibanje.

    Bitewe n'uko uyu mugore yari afite umwana w'uruhinja, abenshi bamusabiye gufungurwa bakoresheje intero nka #FreeKaneza; bamwe muri bo bagahamyaga ko yaba anarengana.

    Hari amakuru yaturutse mu Burundi, yavuze ko bitewe n'ubu busabe bwa benshi, ubuyobozi bwa Gereza ya Mpimba yari afungiwemo, bwamugunguye tariki ya 25 Mutarama 2021 ariko bigeze ku mugoroba, umucamanza w'urukiko rwa Muha ategeka ko yongera gufungwa.

    Source : http://umuryango.rw/amakuru/mu-mahanga/article/kaneza-christa-uherutse-kuvugwaho-kwica-umugabo-we-thierry-kubwimana-kugira-ngo

  • Biravugwa ko Missrwanda 2021 ishobora kuba hifashishijwe ikoranabuhanga #rwanda #RwOT

    Ni igikorwa ubusanzwe cyajyaga kiba kigahuza abana babakobwa baturutse impande zitandukanye zigihugu, hakitabwa kukureba Indeshyo yabo, Ibiro,imyaka ndetse nibindi. gusa kurubu hakaba harabayemo impinduka zitandukanye aho uburebure, Ibiro byavanywe mubigomba kugenderwaho ngo umukobwa yitabire iri rushanwa.

    habayemo kandi izindi mpinduka aho umukobwa wese uzagera mu mwiherero wese azarihirirwa ikiciro cyose azaba agezemo cya Kaminuza.

    Ni impinduka zabaye kandi nyinshi nko kuba byari biteganijwe ko izatangira taliki ya 9 Mutarama uyu mwaka ariko ikaza gusubikwa kubera icyorezo cya Covid-19 ndetse kurubu hakaba hari amakuru avugwa ko bishoboka ko iki gikorwa cyaba hifashishijwe ikoranabuhanga.

    Amakuru yizewe agera kUmuryango avuga ko mubategura iki gikorwa hari kwiga uburyo ki aya marushanwa yuyu mwaka aho gusubikwa yaba hifashishijwe ikoranabuhanga.
    Gusa na none hakaba hari imbogamizi zuko abana bose biyandikishije badafite ubushobozi buhagije kandi bungana kuburyo bahatana ntamususu biciye kuri Murandasi.

    Ikindi nuko hari bamwe biyandikishije badafite mudasobwa cyangwa telefone zigezweho (Smart Phone) kuburyo byaborohera guhatana nabafite ibyo byose, bikaba bishobora kuba byaha amahirwe bamwe abandi ntibiborohere.

    Kurundi ruhande kandi hari abahamya ko ntakidasanzwe kuko nubundi mukwiyandikisha biyandikishije bikorewe kuri murandasi bityo ko ntacyo bitwaye ko ahubwo byakorohera abazaryitabira yaba murwego rwo gukoresha igihe neza ndetse no kubahiriza ingamba zo gukumira ikwirakwizwa ry'Icyorezo cya Covid-19.

    Twashatse kumenya ku ruhande rwa Rwanda Insipiration BackUp isanzwe itegura aya marushanwa ibyaya makuru nyamara ntibabasha kudusubiza ubwo twateguraga iyi nkuru.
    Yaba uburyo byakorwamo, Igihe byakorerwa, byose ntibiramenyekana kugeza ubu gusa ikiriho kandi Kizewe nuko ntamukowa wiyandikishije uzabura uko ahatana.

    Iyi nkuru iracyakurikiranwa…….

    Source : http://umuryango.rw/imyidagaduro/article/biravugwa-ko-missrwanda-2021-ishobora-kuba-hifashishijwe-ikoranabuhanga

  • Dore ingaruka zikomeye zibasira umuntu ukunda kuryamira #rwanda #RwOT

    Gusinzira mu buzima bw’umuntu ni igikorwa cy’ingenzi cyane, ari nayo mpamvu mu masaha 24 umunsi ugira, amenshi muri yo umuntu ariyo akoresha aryamye kurenza ibindi bikorwa byinshi akora bitandukanye muri ayo masaha.

    Kuryama uko bikwiye abahanga bavuga ko ari ukuryama umuntu akurikije igihe n’amasaha bigenewe imikorere y’umubiri we.

    Iyo umuntu aryama neza uko bikwiye bimufasha kwirinda zimwe mu ndwara zikomeye nk’umubyibuho ukabije, diyabete, indwara z’umutima no gupfa urupfu rutunguranye. Gusa na none ku bantu bakunda kuryamira bagakabya bibagiraho ingaruka zikurikira:

    1.Kubyibuha bikabije

    Hari isano hagati yo kuryamira cyane n’umubyibuho ukabije. Mu gihe uryamye amasaha menshi, bituma igihe umara ukoresha umubiri wawe kigabanuka, uko utawukoresha ni ko ibiro byiyongera bitewe n’uko calories zitwikwa ku rugero rwo hasi.

    2.Kuribwa umugongo

    Niba ukora akazi kagusaba kwicara cyane, wagera mu rugo ugahita uryama, niko ibyago byawe byo kurwara umugongo byiyongera cyane. Kumara igihe kinini uryamye mu buryo bumwe byongera uburibwe bw’umugongo kuko imikaya n’amagufa aba abangamiwe cyane kubera guhora ahantu hamwe.

    3. Byongera ibyago byo kwibasirwa na diyabete

    Kuryama igihe kirerire bishobora guhindura imikorere y’umubiri mu buryo ukoresha isukari, bikongera ubwinangire bw’umusemburo wa Insulin, bityo isukari ikaba nyinshi mu maraso. Kumara igihe kinini wicaye ntacyo ukora (nko mu gihe uryamye) ndetse n’umubyibuho ukabije ni bimwe mu byongera cyane ibyago byo kurwara diyabete.

    4.Byongera ibibazo byo kurwara umutima

    Umutima uko uryama igihe kirekire niko umutima wawe ubigenderamo. Uba uri kugenda wongera ibyago byo kwibasirwa n’indwara z’umutima. Kuryama igihe gito byongera ibyago ku kigero cya 18% byo kwibasirwa n’indwara ya stroke mu gihe kuryama igihe kirekire byongera ibyago ku kigero cya 46% byo kwibasirwa n’iyi ndwara.

    5.Bitera imikorere mibi ku bwonko

    Kuryama igihe kirekire bishobora guhindura ubushobozi bw’ubwonko kuko bituma busaza vuba. Iyo usinzira amasaha menshi bishobora guhindura isaha yo mu mutwe (ubu ni uburyo ubwonko bubasha gutandukanya umunsi n’ijoro, kuryama no kubyuka) bikaba byatera imihindagurikire mibi ku miterere y’ubwonko n’ubushobozi bwo kwibuka bugatangira kugabanuka.

    6. Byongera kuribwa umutwe

    Ibi bishobora kuba byarakubayeho, niba nawe ujya uryama igihe kirekire ukumva uribwa umutwe, biterwa n’imihindagurikire mu bihererekanyamakuru ku bwonko (Neurotransmitters) cyane cyane Serotonin igihe usinziriye. Kuribwa umutwe bishobora guterwa kandi n’isukari iba yagabanutse cyane cyangwa umwuma mu mubiri, uterwa no kumara igihe kinini uryamye.

    7.Bishobora gutera kwigunga bikabije

    N’ubwo kimwe mu bimenyetso byo kwigunga bikabije (Depression) ari imihindagurikire y’uburyo usinzira, byaragaragaye ko kuryama igihe kirekire bigira icyo bihindura kuri ‘Mood’ yawe bikaba byatera agahinda gakabije. Kuryama cyane bihindura ihererekanya makuru ku bwonko; aho imisemburo ya Dopamine na Serotonin igabanuka cyane bikaba byatuma wumva ubabaye cyane, akanyamuneza kakagabanuka.

    Source: www.wikihow.com

    InyaRwanda.com

    [email protected]

    Source : https://agakiza.org/Dore-ingaruka-zikomeye-zibasira-umuntu-ukunda-kuryamira.html

  • Amakipe yageze ku mukino wa nyuma wa CHAN 2020 yamaze kumenyekana #rwanda #RwOT

    Guhera mu mukino wa 3 wo mu itsinda C,ikipe ya Maroc yagiye itsinda ibitego birenze 2 none kuri uyu wa 3 yanyagiye Cameroon ibitego 4-0 iri imbere y'abakunzi bayo I Limbe.

    Ibitego bya Maroc byatsinzwe na Soufiane Bouftini, Soufiane Rahimi watsinze 2 na Mohamed Bemammer watsinze icya nyuma.

    Rahimi yahise ayobora urutonde rw'abamaze gutsinda ibitego byinshi muri iyi CHAN 2020 kuko ubu afite 5.

    Cameroon yari imbere y'abafana bayo yaruhijwe kuva ku munota wa 1 kugeza kuwa nyuma kuko igice cya mbere cyarangiye ari 2-0.

    Igice cya kabiri byabaye ibindi bindi kuko Maroc yaje yariye karungu irayirusha karahava kugeza ubwo iyongeyemo ibindi 2.

    Ku mukino wa nyuma wo mu itsinda C,Maroc yanyagiye Uganda ibitego 5-2,muri ¼ itsinda irusha Zambia ibitego 3-1 hanyuma muri ½ yanyagiye Cameroon ibitego 4-0.

    Iyi Maroc ishobora kwisubiza iyi CHAN kuko muri 2018 nabwo ariyo yayitwaye inyagiye Nigeria kuri Final ibitego 4-0.

    Mu wundi mukino wa ½ wabaye,Mali yanganyije 0-0 mu minota 120 hitabazwa penaliti zahiriye abanya Mali binjije 5-4.Uwahushije iya Guinea ni Morlaye Sylla wasezereye u Rwanda.

    Umukino wa nyuma wa CHAN uzakinwa ku cyumweru.

    Source : http://umuryango.rw/imyidagaduro/imikino/article/amakipe-yageze-ku-mukino-wa-nyuma-wa-chan-2020-yamaze-kumenyekana

  • Enjoy a football festival this February with StarTimes #rwanda #RwOT

    Source : http://umuryango.rw/inkuru-z-amamaza/article/enjoy-a-football-festival-this-february-with-startimes