Author: webrwanda

Ni mu kiganiro cyihariye yahaye INYARWANDA, ni nyuma y'itangazo rigenewe abanyamakuru rivuga ko inyungu n'ibikorwa by'umuziki bya Bruce Melodie biri mu maboko ya kompanyi ya Cloud9 Entertainment kuva kuri uyu wa kabiri tariki 16 Gashyantare 2021.

Lee Ndayisaba yatangiye gukorana na Bruce Melodie nyuma y'uko uyu muhanzi atandukanye na Bwana Jean De Dieu Kabanda bari bamaranye imyaka itanu.

Soma: Bruce Melodie yabonye umujyanama mushya, yiha intego ikomeye

Ntacyo atamugejejeho! Kabanda atandukanye na Bruce Melodie amusigiye igikundiro cyihariye, ibikorwa bifatika n’ibikombe; ndetse imyaka ine ishize afatwa nka nimero ya mbere ya mu Rwanda.

Ibi ariko byahuriranye n'uko Bruce Melodie ari umuhanzi w'umukozi. Ajya atebya akaririmba ko ari 'Munyakazi'.

Mu Ukuboza 2020, Bruce Melodie yabwiye INYARWANDA ko afite intego yo kurenza imipaka umuziki w'u Rwanda, akagera ku rwego nk'urw'ingagi zo mu Birunga ku buryo bamukerarugendo bazakururwa n'umuziki we, amadevize akinjira.

Ibi akazabikora binyuze mu gukora imiziki myiza idaheza buri wese. Yavuze ko hari ibimenyetso bimwereka ko urugamba ariho rushoboka.

Lee Ndayisaba umujyanama we mushya yabwiye INYARWANDA ko nyuma y'ibiganiro yagiranye na Bruce Melodie yasanze bahuje intego n'ibitekerezo bahana umukono biyemeza gukorana mu gihe cy'imyaka itigeze ivugwa mu itangazo.

Yavuze ko Bruce Melodie afite buri kimwe umujyanama yakwifuza ku muhanzi. Ko ahawe buri kimwe idarapo ry'umuziki yaryitera ibihe n'ibihe. Ati 'Ntaho Bruce Melodie atagera… Ubushake, ubwitange, impano n’Imana arabifite.'

Yavuze ko hamwe na Bruce Melodie bazakora ibishoboka byose kugira ngo intego bihaye bayigereho.

Lee Ndayisaba nk'umwe mu bashinzwe ibikorwa by'iterambere muri Wasafi ya Diamond, yavuze ko ashaka kubaka umuziki wa Bruce Melodie ku buryo abahanzi bakomeye bifuza gukorana nawe indirimbo.

Ati 'Twifuza ko Bruce ibikorwa bye byivugira n’abo uvuze n’abandi bakamwishakira bagasaba gukorana nawe. Kandi birashoboka.'

Uyu mugabo wabaye umunyamakuru n'umuyobozi mu bigo bitandukanye, avuga ko yize amasomo menshi y'ubuzima agenda akenyereraho mu rugendo rwe rw'ubuzima. Bityo ko ari menshi afite mu cyerekezo gishya ashaka guha umuziki wa Bruce Melodie.

Ibyo wamenya kuri Lee Ndayisaba wasinyishije umuhanzi Bruce Melodie

Lee Ndayisaba watangiye gukorana na Bruce Melodie nk'umujyanama we atuye mu Karere ka Bugesera mu Mujyi wa Nyamata mu Ntara y'Uburasirazuba. Igice kinini cy'ubuzima yakimaze muri Tanzania no muri Kenya, aho yakoranye n'abahanzi b'amazina azwi.

Ni umuyobozi w'ibigo bitandukanye. Ni we wari ufite mu biganza gutegura irushanwa ryahuje abanyempano mu muziki rya East Africa’s Got Talent 2019.

Ni we muyobozi Mukuru wa kompanyi ya Cloud9 Entertainment yasinyishije Bruce Melodie. Uyu mugabo yayoboye kandi akorana n'ibigo bikomeye muri Tanzania, bitanga ishusho y'uko Bruce Melodie akomereje mu maboko meza.

Lee Ndayisaba ari mu bantu bamaze igihe kinini muri muzika yo mu karere k'Afurika y'Uburasirazuba muri rusange. Yabaye umunyamakuru, aba n'umuyobozi w'igitangazamakuru gikomeye muri Tanzania, Clouds Tv [Cyahoze gikorera mu Rwanda].

Birashoboka ko ari ho yakuye igitekerezo cyo gushinga kompanyi ifite izina nk'irya Cloud Tv yakoreye igihe kinini. Aziranye n'abantu benshi bafite ijambo mu muziki mu bihugu bitandukanye.

Lee Ndayisaba ugiye gucunga inyungu za Bruce Melodie ni umwe mu bantu bamaze igihe kinini muri muzika nyarwanda ndetse n'Akarere k'Afurika y'Uburasirazuba muri rusange.

Yagize uruhare mu gutegura ibitaramo bikomeye byabereye mu Rwanda birimo icyo Vanessa Mdee yakoreye i Kigali, icy'itsinda Morgan Heritage, icya Rwanda Fiesta cyajemo Diamond Platnumz, icya Beer Fest cyajemo umunya-Nigeria Wizkid n'ibindi.

Lee yakoranye bya hafi n'abahanzi barimo Yvan Buravan, Chege wo muri Tanzania, itsinda rya The Brothers ryasenyutse, Luwano Tosh [Uncle Austin] n'abandi.

Bruce Melodie yatandukanye na Kabanda wari umujyanama we mu gihe cy’imyaka itanu ishize

Muri Mutarama 2021, Lee Ndayisaba [Ubanza ibumoso] yagiranye ibiganiro byihariye na Bruce Melodie byaganishije ku gusinya amasezerano y’imikoranire

Lee Ndayisaba yavuze ko afite intego yo kurema Bruce Melodie ufite igitinyiro mu bandi bahanzi

Ndayisaba aziranyi n’abahanzi barimo Jaguar wakunzwe mu ndirimbo zitandukanye

Lee Ndayisaba yagize uruhare mu gitaramo umunya-Nigeria Wizkid yakoreye mu Rwanda

Lee Ndayisaba na Koffi Olomide ukunzwe mu ndirimbo ‘Waah!’ aherutse gukorana na Diamond

Lee Ndayisaba wegeranye n’umunyarwenya Anne Kansiime ni we wateguye irushanwa rya East Africa’s Got Talent ryegukanwe n’abanya-Uganda

 Lulu, nyuma y’uko Sebuja (Nyirayo), Bill Dorris apfuye umwaka ushize, sebuja wayo yayisize ku nshuti ye, Martha Burton ngo azayirere ariko asiga atangaje ko imbwa ye irazwe akayabo ka Miliyoni 5 z’Amadorali mu rwego rwo kuzajya ibona ibiyitunga buri kwezi.

Martha Burton, uri kurera iyi mbwa yitwa Lulu, yabwiye CNN ishami rya WTVF ati: “Ni imbwa nziza”. Iyi mbwa Lulu imaze igihe ikurikiranwa na Burton w’imyaka 88. Burton avuga ko yabitse isezerano nya Bill Dorris, akavuga ko Nyakwigendera yari inshuti ye magara mu buzima busanzwe. Ati: 'Bill yari inshuti yanjye. Ni byo, buri gihe yansigiraga imbwa kugira ngo nyiteho.'

Bill yakundaga cyane imbwa ye byahebuje nk’uko Burton abishimangira, ati: “Sinzi rwose icyo nabitekerezaho kugira ngo nkubwize ukuri, gusa yakundaga rwose imbwa ye cyane birenze urugero'. Nk'uko WTVF ibitangaza, hari n’isambu ya nyakwigendera izagurishwa kugira ngo Burton azishyurwe n’ibyo azakomeza gutakaza kuri Lulu.

Iyi mbwa yabaye inyemari ku Isi nyuma yo kuragwa miliyari hafi 5 z’amanyarwanda

Yabitangaje kuri uyu wa Kabiri tariki 16 Gashyantare 2021, ubwo yagezaga ku Nteko Rusange y'Inteko Ishinga Amategeko, Umutwe w'Abadepite, ibikubiye mu masezerano ashyiraho FEDA.

Abadepite bahise batora itegeko ryemerera kwemeza burundu amasezerano ashyiraho FEDA.

Perezida wa Komisiyo y'Ubukungu mu Nteko Ishinga Amategeko, Depite Munyangeyo Théogène, yavuze ko bashingiye ku miterere y'icyo kigega babona kije gukemura ibibazo Abanyarwanda bahuraga nabyo byo kubura igishoro kandi bizafasha n'Abanyafurika muri rusange.

Yagize ati 'Ibihugu bya Afurikika biba bifite icyuho cy'ibyoherezwa hanze ugereranyije n'ibyo twinjiza, aha ngaha rero harimo inyungu ku bihugu bya Afurika. Ni ikintu cyiza kizongera ubumenyi Abanyarwanda ariko kikanakemura ibibazo byerekeye igishoro.'

Inama y'Abaminisitiri yo ku wa 11 Ugushyingo 2020, yemeje ko Ikigega gishinzwe guteza imbere ibyoherezwa hanze muri Afurika/Fund for Export Development in Africa (FEDA) kigira icyicaro mu Rwanda.

Minisitiri Dr Biruta yavuze ko amasezerano ashyiraho iki kigega yasinyiwe i Cairo mu Misiri ku wa 22 Ugushyingo 2020, azafasha cyane mu guteza imbere ishoramari ry'u Rwanda na Afurika no gukemura inzitizi zijyanye n'ubuhahirane n'ubucuruzi no korohereza ishyirwa mu bikorwa ry'Isoko rusange rya Afurika.

Yagize ati 'Ariko azanatuma haba n'iterambere ry'ishoramari ariko by'umwihariko mu gihugu cyacu cyane ko hazaba hari n'icyicaro gikuru cy'iki kigega bizatuma n'u Rwanda rubonamo inyungu zitandukanye zirimo kwimakaza isura y'u Rwanda nk'ihuriro ry'ibigo by'imari mpuzamahanga.'

'FEDA kandi izafungurira abacuruzi bo mu Rwanda, irembo ribahuza n'ibihugu bya Afurika n'abandi bashoramari, ikigega kandi kizaha Abanyarwanda akazi.'

Iki kigega kizatangirana na miliyoni 200 z'amadorali, zizatangwa na African Export—Import Bank (Afrexim Bank) nk'imari shingiro.

Minisiteri y'Ububanyi n'Amahanga n'Ubutwererane, itangaza ko iki kigega kinitezweho kuzamura ihangwa ry'imirimo.

Minisitiri Dr Biruta yavuze ko Abanyarwanda bazungukira mu ishyirwaho ry’ikigega FEDA

Abadepite batoye itegeko ryemerera kwemeza burundu amasezerano ashyiraho Ikigega FEDA

Ku wa Gatatu tariki 17 Gashyantare 2021, ni bwo urubanza rw'aba bantu 21 bose ruteganyijwe kubera i Kigali, mu cyumba cy'Urukiko rw'Ikirenga ku Kimihurura mu rwego rwo kwirinda icyorezo cya COVID-19.

Urugereko rwihariye rw'Urukiko rukuru ruburanisha ibyaha mpuzamahanga n'ibyambukiranya imipaka ruherereye mu Karere ka Nyanza rwanzuye ko urubanza rugomba kubera mu cyumba cy'Urukiko rw'Ikirenga.

Umuvugizi w'Inkiko, Mutabazi Harrison, yabwiye RBA, ko bahisemo kwimurira urubanza i Kigali kuko ariho hari icyumba cyisanzuye kizafasha mu kubahiriza amabwiriza yo kwirinda COVID-19.

Yagize ati 'Impamvu rwimuwe ni ukubera ko hifuzwa ko hubahirizwa uburyo bwo kwirinda icyorezo cya COVID-19. Twahisemo n'ubundi buryo bw'ikoranabuhanga bw'uko abashaka barukurikirana mu buryo bw'ikoranabuhanga rya 'Live Streaming'. Ikindi tumaze iminsi dukoresha ikoranabuhanga, haba kwakira ibirego, gukurikirana imanza twagiye dukoresha ikoranabuhanga.'

Biteganyijwe ko uru rubanza ruzanyuzwa ku mbuga nkoranyambaga z'Ubushinjacyaha bw'u Rwanda zirimo na YouTube.

Ubwo Ubushinjacyaha bwasabaga ko dosiye z'abaregwa zihuzwa bwavugaga ko ibyaha baregwa bifitanye isano ku kigero cyo hejuru. Bwavuze ko bose bakurikiranyweho ibyaha bijyanye n'umutwe wa MRCD-FLN, bityo mu buryo bw'imigendekere myiza y'urubanza, ari byiza ko izo dosiye ziburanishirizwa hamwe kuko mu byo baregwa hari byinshi bahuriyeho.

Abaregwa bakurikiranyweho ibyaha birimo iterabwoba, gutera inkunga imitwe y'iterabwoba, gushyira abana mu mitwe yitwara gisirikare, gushimuta, gutwika no kurema imitwe y'iterabwoba.

Umwanzuro wo guhuza izi manza wafashwe tariki ya 3 Ukuboza 2020, n'Urugereko rwihariye rw'Urukiko rukuru rushinzwe kuburanisha ibyaha mpuzamahanga n'ibyambukiranya imipaka nyuma y'uko Ubushinjacyaha bubisabye bugaragaza ko gutandukanya izi manza byazatwara igihe kinini.

Rusesabagina yatawe muri yombi muri Kanama 2020

Nsabimana Callixte yahoze akuriwe na Rusesabagina

Nsengimana Herman wari wasimbuye Sankara ku buvugizi bwa FLN