Webrwanda Backend

Author: webrwanda

  • Iruka ry’ikirunga ryica abacyegereye ariko abarokotse bakagaruka kuhatura; ni iki bahakurikirana? –

    Ntawakwifuza ko habaho ibiza, ariko hari ubwo biba bikangiza bimwe nyuma bikagira n’akamaro. Nyuma y’igihe kirekire, usanga twa duce twarongeye guturwa kandi twishimiwe. Ni muri ubwo buryo amashyamba yo mu duce tw’Ibirunga by’u Rwanda aba atoshye, akaba icumbi ryiza n’ibyo kurya ku nyamaswa z’agasozi.

    Abahaturiye nabo babigiriramo inyungu cyane cyane izishingiye ku buhinzi, kuko babona umusaruro utubutse bigizwemo uruhare n’ubutaka babukoreraho burumbutse.

    U Rwanda rw’imisozi igihumbi rufite ibirunga bitanu biri mu Majyaruguru n’agace gato k’Uburengerazuba, ariko abenshi mu batuye muri utwo duce ushobora kubabaza akamaro k’iruka ry’ikirunga ntibamenye ngo ni akahe. Nyamara ubuzima bwabo bwa buri munsi ahanini bushingiye kuri ako kamaro kuko ari uduce dukorerwamo ubuhinzi cyane.

    Ubutaka bwirabura buba muri utwo duce bugatuma ubuhinzi bwaho bugenda neza, ni umusaruro w’iruka ry’ibirunga ryabayeho mu myaka ibihumbi ishize. Hemezwa ko ibikoma bizamuka iyo ikirunga kiruka bizamukana n’ibinyabutabire bikungahaza ubutaka, maze bukera cyane.

    Umushakashatsi akaba n’Umwarimu muri Kaminuza y’u Rwanda, Dr Rutazuyaza Byizigiro Vaillant, yasobanuye ko bitwara igihe kinini kugira ngo ubwo butaka buboneke.

    Ati “Ibyo bikoma bisohoka bishyushye, byamara gukonja bikabanza byakora ibintu bimeze nk’ibitare. Ibyo bitare birabora nabyo bigacagagurika, bikagenda bihindagurika bitewe n’imiterere y’ikirere (ubushyuhe cyangwa ubukonje) kugeza habonetse ubwo butaka.”

    “Ubushyuhe butuma kubora [kw’ibyo bitare] byihuta naho ubukonje bugatuma bitinda. Ntabwo wahamya ngo mu by’ukuri bitwara igihe kingana iki usibye kugereranya, ariko kiba ari kirekire.”

    Yongeyeho ko kubora kw’ibyo bitare bitaba bihagije kugira ngo ubutaka buhingwa buboneke, ahubwo hari n’ikindi gihe bitwara habaho kubora kw’amababi y’ibimera bihaba bwa mbere ndetse nabyo ubwabyo, uko bibora ari ko birushaho kubukungahaza.

    Volcano Discovery igaragaza ko iruka rya Kalisimbi rishobora kuba ryarabayeho mu 8050 mbere y’ivuka rya Yezu.

    Urwo ni urugero rushobora kwerekana ko akamaro k’iruka ry’ikirunga katabonwa n’abakibonye kiruka bitewe n’imyaka bitwara kugira ngo kagaragare, ahubwo abavuka mu myaka myinshi nyuma y’uko ibyo bibaho ni bo bakabona bigatuma bahiyegereza bakahabyaza umusaruro.

    Ku rundi ruhande ariko Dr Byizigiro yavuze ko ibirunga byose birutse atari ko bizana ubutaka burumbutse.

    Ati “Impamvu ubutaka bw’uduce tw’ibirunga byo mu Rwanda bwera cyane ni uko biriya byari ibirunga bifite ibinyabutabire byiza. Hari utundi duce twabayemo ibirunga ariko ubutaka bwaho butajya bwera kubera ko ibinyabutabire byaho atari byiza ku bimera.”

    Uwo mushakashatsi yavuze ko ibinyabutabire bizamuka habaho iruka ry’ikirunga bishobora kuza ari byiza ku binyabuzima (base) cyangwa bikaza ari bibi kuri byo (acide). Iyo ibizamutse ari acide ubwo butaka burumbutse ntibushobora kuboneka.

    Uretse ubuhinzi bukorerwa mu duce tw’ibirunga bugatanga umusaruro utubutse, amashyamba yaho ameramo ibyatsi n’ibiti bitoshye ku buryo inyamaswa ziyabamo zihonokerwa bikaba byatuma zitahimuka.

    Amakoro aboneka nyuma y’iryo ruka nayo agira akamaro gakomeye, aho yifashishwa mu bwubatsi cyangwa akaba yanakorwamo sima. Kuva muri Nzeri 2020, uruganda rwa Prime Cement ruri i Musanze, rukora sima rwifashishije amwe mu makoro yaturutse ku iruka ry’ikirunga.

    Kuva muri Nzeri 2020 Prime Cement iri i Musanze yatangiye gutunganya sima yifashishije amakoro

    Amakoro aboneka nyuma y’iruka ry’ikirunga arifashishwa mu bwubatsi

    Iyi foto igaragaza ikirunga cya Nyiragongo cyo muri RDC kiruka, byerekana uko iruka ry’ikirunga riba riteye ubwoba / Ifoto: Getty Images

    Ikirunga cya Kalisimbi kiriho ishyamba ribamo ingagi n’abahaturiye bagakura umusaruro mwiza mu buhinzi, bikekwa ko cyarutse mu 8050 mbere y’ivuka rya Yezu

  • Perezida Kagame yagaragaje amasomo Afurika ikwiye kwigira ku cyorezo cya Covid-19 –

    Icyorezo cya Covid-19 cyagize ingaruka zikomeye ku Mugabane wa Afurika, binyuze mu gusubiza inyuma ubukungu bw’uyu Mugabane ndetse no gutwara ubuzima bw’Abanyafurika.

    Perezida Kagame yavuze ko n’ubwo icyorezo cya Covid-19 cyazahaje imibereho ku Mugabane wa Afurika, hari amasomo uyu Mugabane ukwiye kugikuramo, kugira ngo mu bihe biri imbere, uzabe uri ku rwego rwo guhangana n’ibyorezo nk’ibi.

    Ati “Nta ngingo ifite agaciro [nka Covid-19] kuri Afurika, reka ntange ibitekerezo by’uko ibintu byakorwa mu bihe biri imbere. Icya mbere, icyorezo cyagaragaje akamaro gakomeye ko kongera ingengo y’imari igenewe ibikorwa by’ubuvuzi ku Mugabane wacu”.

    “Inzego z’ubuzima zabaye ingirakamaro cyane mu guhangana n’icyorezo ku Mugabane wacu. Nk’uko nabigarutseho muri raporo [nagejeje] ku Muryango wa Afurika Yunze Ubumwe, nk’ushinzwe ibikorwa byo kongera ingengo y’imari igenewe ubuzima, hari ibyangombwa byafasha za Leta bitari gusa mu kongera ingengo y’imari igenewe ubuzima, ahubwo no kuyikoresha neza.”

    Hejuru yo kongera ingengo y’imari mu bihugu imbere, Perezida Kagame yanasabye ibihugu bya Afurika gushyira imbaraga mu guteza imbere ikigo cya Afurika gishinzwe kurwanya indwara zirimo n’ibyorezo, Africa CDC.

    Ati “Icya kabiri, Ikigo cya Africa CDC, cyerekanye akamaro kacyo muri ibi bihe by’icyorezo. Cyafashije mu kubona no gukwirakwiza ibikoresho bipima n’ibirinda Covid-19, gikusanya amakuru y’icyorezo ndetse kinafasha mu bikorwa byo gushaka inkingo. Tugomba rero gukomeza gushyigikira Africa CDC, kugira ngo igire ubushobozi buri ku rwego rwo hejuru kandi itange umusaruro”.

    Kuri iyi ngingo, Perezida Kagame yasabye ibihugu bya Afurika kwihutisha ibikorwa byo gusinya no kwemeza amasezerano ashyiraho Ikigo cya Afurika Gishinzwe ubuvuzi (African’s medicine Agency Treat), “kugira ngo gitangire gukora vuba bishoboka”.

    Perezida Kagame kandi yavuze ko Afurika ikwiye gushyigikira Isoko Rusange rya Afurika, kuko rizagira uruhare mu kwihutisha izanzamuka ry’ubukungu bwa Afurika.

    Ati “Icya gatatu, dukwiye kwihutisha ishyirwa mu bikorwa by’amasezerano y’isoko rusange rya Afurika, nka kimwe mu byadufasha kongera kwiyubaka”.

    Yongeyeho ko iryo soko rizatuma ibigo bikora imiti n’inkingo birushaho kugana Afurika, bityo uyu Mugabane ukungukira muri iryo terambere ku buryo bizawufasha guhangana n’ibyorezo by’ahazaza.

    Perezida Kagame kandi yasoje asaba Afurika kugira ijwi rimwe mu rugamba rwo gusaba ko inkingo za Covid-19 zigabanywa mu buryo bungana ndetse zikagezwa kuri bose bazikeneye.

    Perezida Kagame yavuze ko hari amasomo Afurika ikwiye gukura mu cyorezo cya Covid-19/ Ifoto: Village Urugwiro

  • Source : https://agakiza.org/????-LIVE-IGITARAMO-05-Josue-Daniella-Aaron-7748-7748-7748-7748-7748-7748-7748.html

  • Umukobwa ukiri muto yapfuye ubwo bamutunguraga bamwifuriza isabukuru y'amavuko. – YEGOB #rwanda #RwOT

    Umukobwa ukiri muto cyane ukomoka mu gihugu cy'u Burundi yitabye Imana nyuma yo kumutungura bamwifuriza isabukuru nziza y'amavuko.

    Jacqueline Mushimiyimana, yari atuye mu gace ka Carama III. Umukunzi we n'abandi bashuti be, ubwo yuzuzaga imyaka 19 y'amavuko baramutunguye cyane (Anniversaire surprise), kubera umutima we usa nk'uworoshye yahise yikubita hasi arapfa. Nk'uko bitangazwa na JimbereMagazine yaganiriye n'umuryango wa Nyakwigendera, uyu muryango uri mu gahinda kenshi kuje ikiniga. Bati:

    'Jacqueline yari yujuje imyaka 19 y'amavuko, bagenzi be bari bamuteguriye umunsi mukuru ku mugoroba wa tariki 24, amaze kubitaba aho babiteguriye, yaratunguwe ahita apfa, bukeye bwaho mu ma saa tanu, twabonye umuhungu bakundanaga na mugenzi we bamuzanye kuri moto ya bajaj ari umurambo.'

    Nyuma y'aya makuru ababaje, umukunzi we n'abandi bari bamuteguriye isabukuru y'amavuko batawe muri yombi, bakaba bafungiye kuri polisi ya Jabe. Nyakwigendera Mushimiyimana yigaga mu mashuri ya Kaminuza mu mwaka wa kabiri mu gisata cy'Ubumenyi n'Ikoranabuhanga (Informatique de Télécommunication).

    Like this:

    Like Loading…

    Source : https://yegob.rw/umukobwa-ukiri-muto-yapfuye-ubwo-bamutunguraga-bamwifuriza-isabukuru-yamavuko/

  • Icyo wakora ukanoza umubano wawe n’Imana #rwanda #RwOT

    Hari ibihe biza bigakomerera abantu bikananiza imbaraga zose biringira harimo ubwenge, ubunararibonye, kumenyekana, uburanga n’ubwiza, imiryango ikomeye, amashuri bize n’ibindi. Iyo bigeze ha nta rindi rembo ryo gutabarwa riba risigaye uretse kuba buri wese yatakira Imana ye.

    Iyo turbye inkuru dusanga mu gitabo cya Yona 1:4 kugeza 6 hagira hati: 'Maze Uwiteka yohereza umuyaga mwinshi mu nyanja, mu nyanja haba ishuheri ikomeye inkuge yenda kumeneka. Abasare baterwa n’ubwoba, umuntu wese atakambira ikigirwamana cye, ibintu bari batwaye mu nkuge babijugunya mu nyanja ngo boroshye inkuge. Ariko Yona we yari mu nkuge hasi cyane, aryamye yisinziriye. Nuko umutware w’inkuge aza aho ari aramubaza ati'Wabaye ute wa munyabitotsi we? Byuka utakire Imana yawe, ahari Imana yawe yatwibuka ntiturimbuke'.

    Ibi bivuze iki? ni uko ibihe twita ko bigoye nta muntu n’umwe uriho bitageraho kuko bishobora kuza ari rusange:Aha hari igihe bitadukomerera cyane kuko tuba twumva n’abandi ari uko bamerewe, ariko hari n’igihe biza ari umwihariko w’umuntu aho ujya mu kibuga wenyine benshi bagatangira kuvuga ko ugiye guseba cyangwa kumwara hakabaho n’abagukomeza ariko uko bikugora bakakuvaho gake gake,kuko umwana w’umuntu mu bitamuriho ahagararana n’undi igihe gito.

    Mu nkuru ya Yona bigaragara ko batewe n’ umuyaga ariko udasanzwe kuko wari ufite ibintu bikurikira: wari woherejwe n’Imana murumva ko wari ufite ubukarihe ku kigero cyo gukora kw’Imana.Wari ufite inkunga y’Imana yitwa imbaraga zayo,wakoraga mu bushobozi bw’Imana,wari uhagarariye Imana, Imana ntiyari yaje ariko umuyaga woherejwe wari ufite inkunga y’Imbaraga zingana n’uko Imana yari yabishatse, mbega umuyaga ugiye gukorera kuri Gahunda y’Imana: Umuyaga wari wahawe igihe uribukoreremo (Time) n’aho utagomba kurenga (Field) ndetse n’abo ugomba kwibasira cyane (critical points).

    Uyu muyaga wateye ishuheri mu nyanja: Uyu muyaga ufite ubushobozi bwo kubyara ibindi bibazo mu nyanja murumva ko umuyaga wateye, wari nyina w’ibindi bigomba gutera ibibazo mu Nyanja,burya hari igihe uterwa n’ikibazo ariko cyakugeraho kigakurura cg kikabyara ibindi.

    Uyu muyaga wendaga kumena inkuge: Ibi bivuze ko ibyuma byose byari bishinzwe Gufasha inkuge mu kwirwanaho igihe ihuye n’imiyaga, byari byananiwe. Uzi ko hari igihe ibyo dukoresha twirwanaho binanirwa! Ikindi kandi umuyaga wateye ubwoba abasare aba bari bamenyereye imiyaga ariko uwo munsi bahura n’uwabateye ubwoba cyane. Uziko hari igihe kibaho mu buzima tugahura n’ibidutera ubwoba kandi hari uko twari tuzwi abari mu bwato babonye ko bikomeye buri wese asabwa gutakira Imana ye cyangwa ikigirwamana cye.

    Mwene Data, mu makosa ukwiriye kwirinda mu buzima nuko udakwiriye kubaho mu manegeka mu mibanire yawe n’Imana kuko hari ibihe bizananiza ibyo wari umenyereye, bigusabe gutakira Imana yawe, Kandi ndashaka kubabwira Icyo nahawe Kumenya: Ni uko uko turushaho gusatira iminsi y’imperuka, ibihe binaniza ibyo abantu bamenyereye , biziyongera kuko n’ibimwe mu bimenyetso by’iminsi y’imperuka:Harimo ibishyitsi n’imitingito,imiraba mu nyanja,kwaka kw’imiriro itunguranye,indwara z’ibyorezo,kubeshyerwa no gucurirwaho imigambi mibi, kuhangana kw’abana n’ababyeyi,inzara zikomeye cyane,intambara zikomeye,gutarwa Abagore cyangwa abagabo,irari riteye ubwoba, n’ibindi n’ukuri bizaba Aribihe birushya (2Timoteyo 3:1-9).

    Mwibuke amakuru y’ibyabaye kuri Sawuli : Yatewe n’abafirisitiya benshi , bamukura umutima cyane ariko ibi bihe bimusanga ahagaze nabi mu kubana n’Imana (1Samwel 28:3-25).Mubyukuri kuba umuntu agihanura, acyerekwa, cyangwa acyitwa Mushumba , Pasiteri, Evangeliste ,umuririmbyi si byo bimenyetso simusiga byerekana ko agikorana n’Imana kuko na Sawuli yitwaga Umwamiwa Isiraheli ariko Imana yaramuciye ku ngoma. Ese nyuma y’uwo abantu bakwita,Imana ikwita nde?.

    Undi mugabo wahuye n’ibihe bikomeye mu rugendo rwe rwo kujya mu Italiya Ni Pawulo Ariko bisanga abanye n’Imana neza (Ibyakozwe n’Intumwa 27:1-44,28:1-10):Bahuye n’ubwoko bw’imiyaga batari bafiteho ubushobozi bwo kugira icyo bayikoraho irimo: Ulakuro, Ruhuhuma n’indi.Icyo babonaga kibegereye ni urupfu kandi Pawulo we yanahuye n’incira ku kirwa cy’i Melita,aha mbibutseko barayemeraga kandi yamurumye nk’itari umwiga mu kuruma,kuko yarumye ku gikonjo (surface d’intoxification)! Ariko muri ibi byose, Imana ya Pawulo yaramurengeye, ndagira ngo mbabwire ko ihumure ryuzuye riva gusa ku bantu babanye n’Imana neza kuko niyo ifite amakuru yizewe y’ibihe.

    Ese wowe iyo uhuye n’intambara zikomeye cyangwa ibigeragezo witabaza nde? Ese niba utabaza Imana ikaba nyambere mwaba mubanye mute? Imana niyo buhungiro bukomeye kandi niyo mufasha utabura kuboneka mu byago no mu makuba mumuhungireho.

    Source:cepurhuye.org

    [email protected]

    Source : https://agakiza.org/Icyo-wakora-ukanoza-umubano-wawe-n-Imana.html

  • Umugabo yafashwe agiye kwica umugore we amuhoye kumuca inyuma agatwara inda y'undi mugabo #rwanda #RwOT

    Uyu mugabo Mwitwa Tersso, ukomoka mu muryango w'aba Yelwata, muri leta ya Nasarawa,yari amaze imyaka 10 ashyingiranwe n'umugore we Mary ariko nta mwana yari afite kuko atabyara ariyo mpamvu uyu mugore yabonye arwaye ahita ajya kwishakira undi mugabo wamuteye inda.

    Ubwo uyu mugabo yari arwaye,uyu mugore yamusanze mu bitaro ngo amubwira ko napfa azahita ashaka undi mugabo ndetse ko atwite inda y'undi mugabo wari usanzwe ari inshuti y'uyu mugabo we.

    Ku bw'amahirwe uyu mugabo yaje gukira ataha mu rugo afite umugambi mubisha wo gushyingura uyu mugore we ari muzima kubera ko ngo yamuciye inyuma akanamwifuriza gupfa.

    Uyu mugabo yavuze ati 'Amagambo ntiyasobanura agahinda nagize ubwo namenyaga ko umugore tumaze imyaka 10 dushyingiranwe atwite inda y'inshuti yanjye.Ntabwo nari niteze ko umugore wanjye yambabaza umutima akajya gusambana n'undi mugabo njyewe ndwaye.

    N'ubugambanyi bukomeye kurusha ubundi nahuye nabwo mu buzima bwanjye.Umugore wanjye yambereye igikomere ndateze kubabarira.Numvise ngambaniwe cyane ubwo umugore yambwiraga ko adateze gukuramo iyo nda.

    Ii yanjye yose yariyubitse.Uburyo bumwe bwo kumuhana kwari ukumushyingura ari muzima nawe akumva ububabare yanyifurije bwo gupfa ubwo nari ndwaye.

    Ntabwo nigeze ntekereza ko umugore wanjye yambwira ko azahita ashaka umugabo nimpfa ko anatwite inda y'undi mugabo.'

    Uyu mugabo yakomeje avuga ko akimara gukira yifuje guhita yica uyu mugore we kugira ngo amutange gupfa nkuko ngo yari yabimwifurije.

    Uyu mugabo yavuze ko mu muryango we bari bahangayikishijwe nuko batabyara gusa ngo yagiye yumva amakuru ko umugore we akundana n'iyi nshuti ye yaje kumutera inda nyumaakanga kubyemera.

    Bwana Tersso yavuze ko agiye kwishyura iki cyaha yafashwe agiye gukora ariko atazigera ababarira uyu mugore we wamuciye inyuma.

    Madamu Mary yavuze ko nawe yicuza ibyo yakoreye umugabo we ariko aticuza kuba yaratewe inda n'undi mugabo kuko ngo yari akeneye umwana.

    Ati 'Ubwo umugabo wanjye yambwiraga ko azanshamo ibice akanshyira mu mufuka,numvaga ari gukina.Nyuma yaje gucukura umwobo wa metero 3 hafi y'imva ya se.Icyaha nakoze nuko ubwo yari arwaye nahise nanzura ko azapfa kuko twagiye mu bitaro byinshi Twanagiye no mu bitaro bya gakondo.

    Nahise ntangira gusuzuma niba koko natwita ku mugabo wari inshuti ye birangira anteye inda.Nanze gukuramo inda ndetse sinamuhishe ko ntwite.

    Yashatse kwihorera anshyingura ndi muzima kubera ko natewe inda n'undi mugabo kandi yamaze imyaka 9 yose yarananiwe kuntera inda.Umugabo wanjye yari yaranze ko dutera akabariro na mbere y'uko arwara.'

    Se w'uyu mugore nawe yavuze ko adashigikiye uyu mukobwa we waciye inyuma umugabo we ariko ngo yamushimiye ko nibura yagerageje kumubwiza ukuri.

    Uyu musaza yavuze ko iki gikorwa cy'uyu mukwe we kigayitse ndetse ashimira Imana ko yakomwe mu nkokora atarabasha kubigeraho.

    Abaturage bo mu gace Terssso atuyemo bamuguye gitumo ataragera ku mugambi we wo gushyingura uyu mugore we ari muzima,bahita bamushyikiriza abakuze muri bon abo bamushyikiriza ubuyobozi.

    Source : http://umuryango.rw/ubuzima-115/udushya/article/umugabo-yafashwe-agiye-kwica-umugore-we-amuhoye-kumuca-inyuma-agatwara-inda-y

  • Itangazo rya cyamunara y'ikibanza kirimo n'inzu (Prince House) giherereye Remera mu Karere ka Gasabo #rwanda #RwOT

    Umuhesha w'inkiko w'umwuga aramenyesha abantu bose babyifuza ko kuwa gatatu taliki 03/03/2021 saa tanu za mu gitondo (11h00) azagurisha muri cyamunara umutungo utimukanwa ugizwe n'ikibanza kirimo n'inzu y'igorofa izwi nka Prince House iherereye mu Karere ka Gasabo Umurenge wa Remera, Akagali ka Rukiri I, Umudugudu wa Gisimenti.

    Gupigana ku buryo bw'ikoranabuhanga bizatangira taliki 26/02/2021 saa 17H00 z'umugoroba birangire taliki 03/03/2021 saa kumi za mu gitondo (04h00). Gusura uwo mutungo aho uherereye bikorwa mu masaha y'akazi.

    Niba ukeneye ibindi bisobanuro wareba itangazo rir hano hasi cyangwa se ugahamagara Umuhesha w'Inkiko w'Umwuga Me Gervais Bajeneza kuri nomero 0788357831/0785109745.

    Source : http://umuryango.rw/amatangazo/article/itangazo-rya-cyamunara-y-ikibanza-kirimo-n-inzu-prince-house-giherereye-remera

  • Ububabare yabubyajemo imbaraga zo kubaka amahoro- Ubuhamya bwa Cardinal Kambanda kuri Padiri Ubald – #rwanda #RwOT

    Padiri Ubald wari usanzwe umenyerewe mu bikorwa by'ubumwe n'ubwiyunge no gusengera abarwayi yitabye Imana ku wa 8 Mutarama 2021 nyuma y'igihe yari amaze arwariye COVID-19 muri Leta Zunze Ubumwe za Amerika. Urupfu rwe rwaturutse ku bibazo by'ubuzima yasigiwe n'iki cyorezo.

    Nyuma y'ukwezi kurenga atabarutse, umurambo we wagejejwe mu Rwanda Ku wa 27 Gashyantare 2021, aho imihango yo kumusezeraho no kumushyingura igomba kubera.

    Kuri uyu wa 1 Werurwe 2021 ni bwo habaye Misa yo gusezera kuri Padiri Ubald Rugirangoga, yabereye muri Paruwasi Regina Pacis i Remera yitabiriwe n'abantu batandukanye barimo na Antoine Cardinal Kambanda.

    Abafashe ijambo bose bagarutse ku butwari bwaranze uyu mupadiri, ahanini mu bijyanye no kubaka amahoro binyuze mu gushyigikira ubumwe n'ubwiyunge mu Banyarwanda.

    Cardinal Kambanda yavuze ko Padiri Ubald Rugirangoga yasohoje ubutumwa Imana yari yaramutumye atitaye ku kababaro yatewe n'amateka yanyuzemo ahanini ashingiye kuri Jenoside yakorewe Abatutsi mu 1994.

    Ati 'Bavandimwe Padiri Ubald Imana yari yaramuduhaye none yamwisubije, yamuremye imufitiye umugambi n'ubutumwa azasohoza muri iyi myaka amaze. Muri aya mateka, burya buri muntu Imana imurema hari ubutumwa imuremeye ifite impamvu, ikamuha impano zijyanye no gusohoza ubwo butumwa yamuremeye mu gihe yamugeneye n'ahantu yamugeneye, ikamurema mu gihe cy'amateka, amateka y'umuryango, amateka ya kiliziya, amateka y'igihugu n'Isi igihe azayagiramo uruhare, asohoza ubutumwa bwayo hano ku Isi.'

    'Padiri Ubald rero muri ibi bihe by'amateka yacu yaranzwe n'amacakubiri, amakimbirane, ubuhunzi kugeza no kuri Jenoside yakorewe Abatutsi asohozamo ubutumwa bw'Imana nk'umukirisitu, nk'Umusaserodoti.'

    Yakomeje avuga ko hashingiwe ku mateka Padiri Ubald Rugirangoga yanyuzemo byagaragaraga ko Imana imutegurira kubaka umuryango w'Abanyarwanda.

    Ati 'Yarababaye cyane muri Jenoside Imana iramurinda, na none ubona ko imutegurira kuzasohoza ubutumwa nyuma ya Jenoside mu kubaka umuryango w'Abanyarwanda, umuryango wa Kiliziya. Mu butumwa yakoraga bwo kunga abantu n'Imana, kubafasha kwiyunga nabo ubwabo, kwiyunga n'imitima yabo no kwiyunga n'amateka yabo bityo bagakira ibikomere by'imitima bakiyunga n'abavandimwe bagasana imiryango.'

    Yavuze ko Padiri Ubald muri ako kababaro ke yanze guheranwa n'agahinda n'ububabare bw'ibyo yanyuzemo ahubwo yubaka umuryango uhamye.

    Yakomeje ati “Yabubyajemo imbaraga zikomeye zo kubaka amahoro yigisha, gusaba imbabazi, kwicisha bugufi ugasaba imbabazi Imana, ugasaba imbabazi abavandimwe wahemukiye, kubabarira umvandimwe waguhemukiye ukamubohora umutima. Ngubwo ubutumwa bw'imbabazi bwamuranze afasha abantu kwiyunga, kwiyunga n'amateka yabo no kwiyunga n'abavandimwe.'

    Yaranzwe no kuvugisha ukuri no kwicisha bugufi

    Bishop John Rucyahana wari uhagarariye Komisiyo y'Ubumwe n'Ubwiyunge muri uyu muhango yavuze ko Padiri Ubald yatanze umusanzu ukomeye mu bumwe n'ubwiyunge yemeza ko yari impano y'Imana.

    Ati 'Komisiyo y'Igihugu y'Ubumwe n'Ubwiyunge muri aka kanya irabakomeza kandi inabasaba gushima kuko Imana ishobora byose kandi Imana igira neza yaduhaye impano muri Padiri Rugirangoga, indangagaciro ze zikaba zikwiriye kuba itabaza rikomeza kuba mu buzima bwacu.'

    'Rugirangoga yari Umurinzi w'Igihango muri uru Rwanda akaba yarabaye umwe mu bantu babaye intwari, kugaragaza kwizera kwabo ariko kandi bagacungura ubuzima, kuva mu mwuka wabo kuva mu bugingo bwabo mu bitekerezo no mu ngiro yabo.'

    Yavuze ko Padiri Ubald Rugirangoga yaranzwe no kuvugisha ukuri no kwicisha bugufi.

    Ati 'Komisiyo y'Igihugu y'Ubumwe n'Ubwiyunge yababajwe no gutabaruka k'uyu Murinzi w'Igihango wo ku rwego rw'igihugu, Padiri Rugirangoga Ubald. Padiri Ubald yaranzwe n'indangagaciro zo gukunda u Rwanda, agakunda Abanyarwanda ariko akabigaragariza mu gukunda Imana no kuyizera no kuyumvira. Yabaye inyangamugayo kuri twe abamuzi n'abakoranye na we Rugirangoga. Yakoreshaga ukuri kandi yari afite impano idasanzwe yo kwicisha bugufi, yaranzwe no kwanga ndetse akarwanya akarengane kandi yihaga agaciro kandi agaha abandi agaciro.'

    Biteganyijwe ko nyuma ya Misa yo kumusezeraho, umurambo wa Padiri Ubald Rugirangoga ujyanwa i Rusizi ahari Centre Ibanga ry'Amahoro ari naho azashyingurwa ku wa 2 Werurwe 2021.

    Imihango yo kumushyingura izabera ku Gasozi k'Ibanga ry'Amahoro gaherereye mu Kagari ka Kamatita, Umurenge wa Gihundwe, Akarere ka Rusizi ho mu Burengerazuba. Ni muri Diyosezi Gatolika ya Cyangugu, Paruwasi Nkanka, Santarari Muhari. Ni agasozi gafite ubuso busaga hegitari 25 ndetse hari ibikorwa yagizemo uruhare.

    Padiri Rugirangoga Ubald wavutse ku wa 26 Mata 1955, azibukwa by'iteka, afatwa nk'uwatangije ibikorwa by'isanamitima n'ubwiyunge muri Paruwasi Gatolika ya Mushaka yo mu Karere ka Rusizi.

    Mu mwaka wa 2015, yagizwe Umurinzi w'Igihango kubera uruhare yagize mu gutangiza gahunda y'Ubumwe n'Ubwiyunge muri Paruwasi ya Mushaka, ikaba yarabyaye imbuto nyinshi mu baturage ndetse inarenga imbibi igera no mu zindi.

    Mu 2019, Padiri Ubald yanditse igitabo kivuga ku bumwe n'ubwiyunge cyitwa 'Forgiveness Makes You Free' kigamije gufasha Abanyarwanda gukomeza urugendo rw'ubwiyunge.

    Source : http://igihe.com/amakuru/u-rwanda/article/ububabare-yabubyajemo-imbaraga-zo-kubaka-amahoro-ubuhamya-bwa-cardinal-kambanda

  • U Rwanda ruratangira kwakira inkingo za COVID-19 muri iki cyumweru –

    Amakuru IGIHE yamenye ahamya ko nta gihindutse, muri iki cyumweru, ari bwo inkingo zizatangwa binyuze muri gahunda ya Covax, yashyizweho ku bufatanye n’Ishami ry’Umuryango w’Abibumbye ryita ku Buzima, OMS, igamije gufasha ibihugu gusaranganywa inkingo za COVID-19, zigezwa mu gihugu.

    U Rwanda ruri mu bihugu bine bya Afurika byemerewe kwakira inkingo za COVID-19 zakozwe n’Uruganda rwa Pfizer rwo muri Amerika. Ibindi bihugu birimo Tunisia, Cape Vert na Afurika y’Epfo.

    Binyuze muri gahunda ya Covax, ibihugu bibiri byo muri Afurika ni byo bimaze guhabwa inkingo, birimo Ghana yahawe dose ibihumbi 600 z’inkingo za Astrazeneca na Côte d’Ivoire yakiriye dose ibihumbi 500 z’inkingo za Astrazeneca zavanywe mu Buhinde.

    U Rwanda rwatangaje ko rwamaze kurangiza imyiteguro yose mbere y’itangwa ry’inkingo, kuko rwanamaze kugura ibyuma bifite ubushobozi bwo kubika inkingo zikonje kuri degree Celcius -70, bikagira ubushobozi bwo kubika inkingo ibihumbi 300.

    Muri rusange, u Rwanda ruzahabwa inkingo miliyoni 1 098 960 zishobora gukingira abaturage 549 480 kuko izi nkingo zombi zikenera guterwa kabiri kugira ngo zitange umusaruro.

    Izo nkingo zirimo ibihumbi 996 zakozwe n’Uruganda rwa AstraZeneca ndetse n’izindi 102 960 zakozwe na Pfizer, ndetse byitezwe ko ari zo zitangira gutangwa muri iki cyumweru.

    Mu minsi ishize kandi u Rwanda rwari rwatanze inkingo 1 000 zahawe abarimo abakora mu nzego z’ubuzima ndetse n’abakinnyi b’Ikipe y’Igihugu, Amavubi, ariko izo nkingo ntabwo zari muri gahunda ya Covax.

    U Rwanda rurateganya kuzaba rwakingiye 60% by’Abanyarwanda bitarenze umwaka utaha, ndetse ingengo y’imari ya miliyoni 124$ yamaze gutegurwa, ikazifashishwa muri icyo gikorwa.

    Byitezwe ko abantu ba mbere bari bwakire izi nkingo barimo abakora mu nzego z’ubuzima, abakuze n’abasanganywe indwara zidakira.

    U Rwanda rurakira inkingo za Covid-19 muri iki cyumweru/: MNA

  • Igitima kiradiha muri RNC, urupfu rwa Bamporiki rwaciye igikuba – #rwanda #RwOT

    Amakuru y'urupfu rwa Bamporiki Seif yamenyekanye mu gitondo cyo ku wa 22 Gashyantare, nyuma y'uko yari yaraye arasiwe mu Mujyi wa Cape Town mu gace ka Nyanga Township.

    Uyu mugabo yishwe yaraye avuye mu Mujyi wa Johannesburg mu bikorwa byo kwibuka abandi bayoboke ba RNC bagiye bagwa muri iki gihugu.

    Amakuru agaragaza ko Seif ari umwe mu bayoboke bake batangiranye n'ishyaka rya RNC ubwo ryashingwaga na Kayumba Nyamwasa wari umaze igihe gito atorotse ubutabera bw'u Rwanda.

    Yagize uruhare mu gucengeza amatwara ya RNC mu banyarwanda baba muri Afurika y'Epfo ndetse no mu bindi bihugu bitandukanye byo hirya no hino ku Isi. Yanagize n'uruhare rukomeye mu kwinjiza abanyamuryango bashya, aha umuntu yavuga nka Camille Nkurunziza na we wishwe arashwe mu 2019 nyuma y'ubushyamirane yagiranye na Polisi ya Afurika y'Epfo.

    Kubera uku kugaragaza umuhate mu gucengeza mu bandi imyumvire y'ubutagondwa, yagiye ahabwa inshingano zitandukanye muri RNC.

    Yabaye umuyobozi wa RNC mu Ntara ya Western Cape, nyuma aza kugirwa umuyobozi wayo muri Afurika y'Epfo yose.

    Yarangwaga no guharabika Leta y'u Rwanda

    Mu mvugo z'uyu mugabo wari icyegera cya Kayumba Nyamwasa humvikanamo ubutagondwa no gusiga icyasha umuryango FPR inkotanyi n'abayobozi b'u Rwanda.

    Mu kiganiro uyu mugabo yatanze mu mwaka ushize, yumvikanye avuga nabi imigabo n'imigambi bya FPR Inkotanyi ndetse n'ubuyobozi bw'u Rwanda, n'imvugo zigamije kubiba amacakubiri mu Banyarwanda.

    Muri iki kiganiro Bamporiki kandi yumvikana avuga ko FPR igenzura amadini ngo ku 'buryo ishaka ko ubutegetsi bwayo bumera nk'ubwa gisirikare'.
    Ati 'ADEPR bayigiyemo barayishwanyaguza bafata ubuyobozi bwayo baraburindagiza, ngo bashaka ko ubuyobozi bw'amadini buhinduka nk'ubwa gisirikare, ubuyobozi bwa gisirikare n'ubuyobozi bw'amadini akoresha Bibiliya andi agakoresha Korowani ntibuhuye, bumwe ni ubuyobozi bwigisha imibereho myiza y'Imana ubundi ni ubuyobozi bwigisha politike.'

    Nyuma y'urupfu rwe muri RNC baradagadwa

    Amakuru avuga ko Bamporiki Seif yaraswa, igikuba cyacitse mu bandi bayobozi ba RNC kugeza n'aho kuri ubu mu biganiro bagirana hagati yabo badahwema kugaragaza ko bashobora gupfa urusorongo.

    Mu kiganiro abayoboke ba RNC baherutse kugirana bagaragaje ko batewe ubwoba n'uburyo bakomeje gupfa umwe ku wundi.

    Umwe muri bo witwa Jimmy mu kiganiro cyanyujijwe kuri Youtube yagize ati 'Amakuru yangezeho bambwira ko ari impamo, amakuru nanjye nahise nyasangiza abandi ku rubuga ari nako mbwira abandi bayoboke ba hano. Urumva byari ibibazo bose bacika intege abandi barababara n'ubu bamwe baracyakubwira bati tuzashirira mu mahanga, bazajya batwica umwe ku wundi.'

    Uwitwa Habimana Ezra yagize ati 'Njyewe ubwanjye narababaye ku muntu utuvuyemo ariko ntabwo twakomeza kuba mu gahinda gusa ndihanganisha umuryango we n'abari inshuti ze ndetse n'abanyamuryango ba RNC.'

    Muri iki kiganiro abayoboke ba RNC bakomeza bagaragaza ko batewe ubwoba n'uburyo bakomeje kugenda bagwa ishyanga, mu gihe abandi bo bagaragaza ko badashoboye kuva ku izima ngo batahe mu mahoro.

    Kuva Bamporiki yaraswa, abayoboke ba RNC ntibahwemye kubigereka kuri Leta y'u Rwanda nk'uko bagiye babivuga ku bandi nubwo iperereza rya Polisi ya Afurika y'Epfo ryazaga rivuga ibitandukanye n'ibi.

    Urugero ni nk'igihe Camille Nkurunziza yapfaga RNC igatangira kuvuga ko yishwe n'u Rwanda nyamara Polisi ikagaragaza ko ariyo yamurashe nyuma yo kugerageza kuyirwanya akoresheje icyuma.

    No kuri Bamporiki, RNC ikomeje kugaragaza ko yishwe na Leta y'u Rwanda mu gihe amakuru y'ibanze aturuka muri Polisi ya Afurika y'Epfo igaragaza ko yaguye mu gico cy'amabandi y'abagizi ba nabi.

    Ku bazi Afurika y'Epfo bemeza agace Bamporiki yaguyemo gasanzwe karangwa n'ibikorwa by'ubugizi bwa nabi birimo n'ubujura.

    Polisi ya Afurika y'Epfo yabwiye BBC ko iperereza ry'ibanze rituma “yizera ko impamvu y'ubu bwicanyi ari ubujura”.

    Polisi yavuze ko nta muntu irafata kugeza ubu aregwa ubu bwicanyi, ivuga ko uwapfuye yavanywe mu modoka akaraswa, abamwishe bagatwara imodoka.

    Polisi ya Afurika y’Epfo yatangaje ko Bamporiki waranzwe no guharabika ubutegetsi bw’u Rwanda ashobora kuba yarishwe n’abajura

    Urupfu rwa Bampoyiki Seif rwaciye igikuba muri RNC. Aha yari kumwe na Serge Ndayizeye ukunze kumvikana mu biganiro by’abarwanya ubutegetsi bw’u Rwanda

    Source : http://igihe.com/amakuru/u-rwanda/article/ubwoba-no-kwanga-kuva-ku-izima-umwuka-uri-muri-rnc-nyuma-y-urupfu-rwa-bamporiki