Author: webrwanda

Umuhoza Aurelie w'imyaka 39 uyu munsi ni umuyobozi ushinzwe ubukungu,imari n'imishinga muri ADEPR kuva muri 2017, akaba ariwe wasigaye mubo bari kumwe muri biro nyobozi ya ADEPR kuko abandi bakuwe mu nshingano zabo na RGB kuwa 02/10/2020 kubera ibibazo by'imiyoborere mibi,imikorere n'imikoranire mibi

Icyo gihe Umuhoza Aurelie yahise ahabwa inshingano zijyanye n'imicungire y'abakozi n'umutungo kugeza igihe abazayobora ADEPR mu gihe cy'inzibacyuho bazashyirirwaho.

Kuwa 08/10/2020 ubwo RGB yashyiragaho komite y'inzibacyuho yo kuyobora ADEPR Madame UMUHOZA Aurelie yashyizwe mur'iyo komite.

Ni ubwo uyu mudamu yizewe muri ADEPR ndetse na RGB yamushyize muri komite nyobizi y'idini ye, amakuru Umuryango wamenye ni uko Umuhoza Aurelie yatangiye gukurikiranwa mu bugenzacyaha kuwa 03 kanama 2020 akurikiranweho ibyaha byo gukorana n'imitwe y'iterabwoba.

Umuhoza akaba akurikiranweho ibyaha birindwi (7) nk'uko bitangazwa n'umuvugizi w'inkiko! Bimwe mu byaha akurikiranweho birimo:

1. Icyaha cyo kuba mu mitwe y'iterabwoba

2. Icyaha cyo gukoresha ibikangisho,

3. Icyaha cyo kwiha ububasha mu mirimo itari iyawe

4. Icyaha cyo gufata icyemezo gishingiye ku itonesha,ubucuti,urwango,ikimenyane cyangwa icyenewabo

5. Icyaha cyo kunyereza umutungo

6. Icyaha cyo gukoresha nabi umutungo ufitiye rubanda akamaro

7. Icyaha cyo kwiha inyungu zinyuranije n'amategeko

Amakuru Umuryango wamenye kandi ni uko Umuhoza Aurelie yitabye mu bushinjacyaha mu rwego Rwisumbuye rwa Nyarugenge kuwa mbere tariki ya 01/03/2021 abazwa kur'ibyo byaha akurikiranweho.

Amakuru twahawe n'umuvugizi w'Urwego rw'Ubushinjacyaha NKUSI Faustin mu butumwa bugufi kuko yari ari mu rukiko yemeje aya makuru atubwira ko Umuhoza Aurelie koko ari gukurikiranwa n'ubushinjacyaha bw' u Rwanda ko adakurikiranywe wenyine kuko areganwa na bagenzi be bandi batanu(5).

Faustin Nkusi uvugira ubushinjacyaha bw' u Rwanda ntabwo yashatse kuvuga bane (4) bakurikiranywe ariko Umuryango wabashije kubona amakuru abo bandi bari gukurikiranwa hamwe na Umuhoza Aurelie harimo Pasteur KARURANGA Ephrem wabaye umuvugizi wa ADEPR kuva 2017 kugeza 2020 ,Pasteur KARANGWA John yabaye umuvugizi wa ADEPR wungirije nawe kuva 2017 kugeza 2020 ,Pasteur GATEMBEREZI Muzungu Paul umunyamabanga mukuru na Dr. KARAKE Musajya Vincent.

Ibibazo bya ADEPR bidashira umuzi wabyo ni uwuhe?

Ibibazo by'urudaca muri ADEPR byatangiye kumvikana muri 2012 ubwo komite yayoborwaga na Pasteur Usabyimana Samuel yakurwagaho bashinjwa kunyereza umutungo w'amafaranga yari yatanzwe n'abakristo batanze Mu kigega cya CICO no gukorana byahafi n'abantu bakoze Jenoside yakorewe abatutsi 1994 bahungiye mu mahanga no gukorana n'abantu barwanya ubutegetsi.

Usabyimana Samuel yasimbuwe na biro yari iyobowe na Bishop Sibomana Jean wari umuvugizi we wungirijwe na Bishop Tom Rwagasana.

Aba nabo hamwe n'abandi bari muri biro nyobozi harimo umunyamabanga mukuru SEBAGABO Muyehe Leonard na MUTUYEMARIYA Christine wari ushinzwe imari n'ubukungu ntabwo batinzeho kuko muri gicurasi muri 2017 baje gutabwa muri yombi bacyekwaho kunyereza asaga amafaranga y'itorero arenga Miliyari 5 nkuko byemejwe n'ubugenzuzi.

Kuva icyo gihe baracyari mu nkiko baburana kuko bose bahakana ibyo kunyereza izo Miliyari ni urubanza rumaze imyaka ine ruburanwa, urwo rubanza baregwamo rugeze mu Rukiko Rukuru Ruzasubukurwa kuwa 12 werurwe 2021 saa mbiri,aho urukiko rwanahamagaje umuyobozi wa BDO Rwanda ltd yakoze ubugenzuzi kuzitaba kugira ngo asobanure ubugenzuzi bakoze.

Iyi biro nyobozi yaje gusimburwa na biro yari iyobowe na Pasteur Karuranga Ephrem, yungirijwe na Pasteur KARANGWA John GATEMBEREZI MUZUNGU Paul yari umunyamabanga mukuru UMUHOZA Aurelie yari ashinzwe imari n'ubukungu
RGB yashyizeho komite shya iyobowe na Pasteur Ndayizeye Isaie ibaha Umwaka wo gukemura ibibazo byagiye bivugwa muri ADEPR mubihe bitandukanye.

Jean Paul NKUNDINEZA
UMURYANGO.RW}

Source : http://umuryango.rw/amakuru/mu-rwanda/article/umuhoza-aurelie-umwe-mubayobozi-ba-adepr-akurikiranweho-kuba-mu-mutwe-w

Source : https://yegob.rw/musore-mwiza-dore-abakobwa-udakwiye-gutereta-niba-wumva-ko-utari-umuherwe/

Minisitiri Ngamije nyuma yo gukingirwa yahumurije abaturage bagifite impungenge zo kwikingiza, ababwira ko urukingo rwa Covid-19 nta ngaruka rufite ko n'uwo rwagiraho ingaruka ari izidasanzwe kandi yahita yitabwaho n'abaganga agakira.

Ati 'Ubu meze neza maze iminota 30 nkingiwe kandi nta ngaruka numva.'

Yanibukije kandi abakingiwe ko bitavuze ko bagomba guhagarika kubahiriza amabwiriza, ngo kuko hakiri umubare munini wo gukingirwa kugira ngo abantu babashe gusubira mu buzima busanzwe.

Kimwe n'ahandi hose mu gihugu kuri uyu wa Gatanu, ku bitaro bya Masaka haratangwa inkingo 1776, zihere ku bakozi b'ibitaro, abajyanama b'ubuzima, abakuze batoranyijwe, ndetse n'inzego z'umutekano.

Zizahabwa kandi n'abakorera ku mipaka y'u Rwanda ngo kuko babarirwa mu baba bafite ibyago byo kwandura iki cyorezo.

Source : http://umuryango.rw/amakuru/mu-rwanda/ubuzima/article/minisitiri-w-ubuzima-dr-daniel-ngamije-yahumurije-abaturage-bagifite-impungenge

Yabigarutseho kuri uyu wa Gatanu tariki 5 Werurwe 2021, mu Murenge wa Nduba mu Karere ka Gasabo, ubwo ADEPR yizihizaga Umunsi Mpuzamahanga wahariwe Umugore, ubusanzwe ku rwego rw'Isi wizihizwa buri tariki 8 Werurwe.

Insanganyamatsiko y'uyu mwaka iragira iti “Munyarwandakazi ba ku ruhembe mu Isi yugarijwe na COVID-19”.

Umuvugizi wa ADEPR, Pasiteri Ndayizeye, yavuze ko umugore afite uruhare kugira ngo abo mu muryango baba abana, umugabo barusheho kwirinda COVID-19, asaba ko uruhare rwabo barushaho kurugaragaza.

Mu gufasha abagore kubahiriza izi nshingano, ADEPR yahaye inkunga imiryango 128 irimo 99 iyobowe n'abagore yatujwe mu Mudugudu w'abatishoboye wa Munini mu Kagari ka Shango, Umurenge wa Nduba mu Karere ka Gasabo. Buri muryango wahawe kandagira ukarabe, udupfukamunwa, ibikoresho by'isuku ndetse n'ibiribwa.

Pasiteri Ndayizeye Isaïe agendeye ku nsanganyamatsiko y'uko umugore akwiye kuba ku ruhembe rwo kwirinda COVID-19, yibukije ko umugore afite agaciro ntagereranywa mu buzima bw'umuryango, itorero n'igihugu.

Yagize ati “Umugore ni we nyina w'umuntu kuko twemera ijambo ry'Imana, twemera ko kuva mu iremwa hari uruhare rw'umugore, noneho no mu bikorwa byose by'ivugabutumwa, kurera no mu bindi umugore afite umwanya.”

Yakomeje avuga ko nk'Itorero rya ADEPR bizihije uyu munsi w'umugore 'kuko tubona agaciro afite mu bikorwa by'itorero harimo ivugabutumwa, ibikorwa by'iterambere, imibereho myiza kandi itorero rizima rigira imiryango mizima'.

Ati “Rero ntitwagira umuryango muzima tudafite umugore muzima, ntitwanagira itorero rizima tudafite umuryango muzima”.

Ibiribwa n'ibikoresho by'isuku byatanzwe na ADEPR kuri uyu munsi bifite agaciro ka 6.840.000 Frw.

Umuyobozi Nshingwabikorwa w'Akarere ka Gasabo, Umwali Pauline, yavuze ko ubufatanye bw'inzego z'ibanze n'amadini bukomeye cyane, ashima uruhare rwa ADEPR mu kwirinda icyorezo cya COVID-19.

Yagize ati “Iki ni igikorwa cyo gutanga ibikoresho by'isuku n'ibiribwa cyaje kugira ngo twirinde ikwirakwira ry'icyorezo cya COVID-19”.

Mu kwizihiza umunsi mpuzamahanga w'umugore, Umwali yasabye abagore bo mu Karere ka Gasabo kugira uruhare mu kwita ku bana batewe inda z'imburagihe, bakabafasha kongera kuba Abanyarwanda beza binyuze mu kureba ibibazo bafite bityo bakabagarurira icyizere.

Yagize ati “Turasaba buri mugore kuba umubyeyi, yaba uwabyaye uwo mwana ndetse n'umuturanyi. Kongera kwegera abana bacu b'abakobwa tukabaganiriza ku birebana n'ubuzima bw'imyororokere, kubegera nk'ababyeyi”.

Umwe mu batishoboye wahawe inkunga, Nyirampirwa Chantal wo mu Mudugudu wa Munini, Akagari ka Shango, yavuze ko bimufasha kwirinda COVID-19 kandi bikamurinda inzara muri ibi bihe bitoroshye.

Ati “Biramfashije ku buzima bwanjye kuko mpora kwa muganga buri kwezi singire icyo nsiga mu rugo nkagenda nta tike mfite inzara ikanyica ngataha inzara ikandya ariko ubu ndashima ibyo bampaye nzabifata neza… Ndabashimira Imana izabahe umugisha ku byiza mudukoreye”.

“Kuko bampaye n'agapfukamunwa nzajya nshishikariza na bagenzi banjye kujya dukomeza kwambara agapfukamunwa no gukaraba intoki kenshi”.

Umunsi Mpuzamahanga w'Umugore ku Isi wizihizwa buri tariki ya 8 Werurwe buri mwaka, ukaba waratangiye kwizihizwa mu kinyejana cya 20, ubu ukaba wizihizwa mu bihugu hafi ya byose ku Isi n'u Rwanda rurimo.

Kuri uyu munsi akenshi Isi yose izirikana ibyiza byinshi abagore bagezeho, n'akamaro kabo mu buzima bwa muntu.

Umuvugizi wa ADEPR, Pasiteri Ndayizeye Isaïe, yashimangiye ko umugore ari umusingi w'umuryango n'itorero muri rusange

Hanatanzwe ibirimo amasabune n’ibiribwa birimo umuceri

Umuvugizi wa ADEPR, Pasiteri Ndayizeye Isaïe, ashyikiriza umwe mu baturage ibikoresho by’isuku

Nyuma y’iki gikorwa hafashwe ifoto y’urwibutso

---

Source : http://igihe.com/amakuru/u-rwanda/article/ntitwagira-umuryango-muzima-tudafite-umugore-muzima-umuvugizi-wa-adepr

Uyu mugore umaze kuba ikimenyabose mu Rwanda ndetse no hanze, ubu yatangiye no kugurisha amashusho n'amafoto ye ku mbuga zicuruza amashusho yishimisha mubiri ku isi.

Shabdoo yagaragaje amashusho arikumwe n'abana be ubona bahimbawe babyina muburyo akunze kugaragaramo nawe abyina ari nabyo byatumye amenyekana.

Muri aya mashusho arikumwe n'abana be babiri b'abakobwa, uko bigaragara aba abatoza kubyina imbyino zigezweho ariko ubonako ari muburyo budasanzwe.

Aba bonye aya mashusho bati 'hahiye koko!', abakurikirana uyu mugore abenshi bagiye bamushimira ko abana be atangiye kubigisha nkibyo asanzwe akora, nyamara hari n'abagiye bamunenga bavugako bidakwiriyeko nk'umubyeyi yatoza abana be b'abakobwa ngo bakore nkibyo yirirwa yigaragazamo bavugako yaba ari amahitamo mabi kuribo nk'abana.

Mubatanze ibitekerezo harimo uwagize ati 'kwigisha abana bangana gutya gukora nkibyo ukora kandi uziko bidashimwa na benshi, ni amakosa ndetse uri kubahemukira kuko si amahitamo yabo, ibaze hari uwari kuzaba umuvugabutumwa muribo, ubu ntiwa umwiciye amayira'

Uwitwa Janvier Gatari nawe ati 'Abana akaba abakoreye launch kumugaragaro binjiye mumwuga hahhhh mbega'

Gisa nawe yaje agira ati 'Hhh umubyeyi atanze icyafite kurubyarorwe kbs mukomeze mugende murema udu sly queen tutazabura abahazaza hhhhh gusa abobo baza rusha nyina mumwuga kuko batojwe ninzobere kd batangira arabana abashora imari babafadhe'

Munezero Bobo nawe ati 'Umwana nanyina bahatwitsewee🥱🔥🔥'

Ikibaruta Appolo nawe yagize ati '💕💕💕💕 nukuri NKUNDA CYANE Morale yawe Imana iguhe umugisha mwinshi cyane rwose 🙏🙏🙏'

Uwitwa Wibabara Irene nawe yaje agira ati '💕💕💕💕 nukuri NKUNDA CYANE Morale yawe Imana iguhe umugisha mwinshi cyane rwose 🙏🙏🙏'

Source : http://umuryango.rw/imyidagaduro/article/shaddyboo-yibasiwe-bikomeye-nyuma-y-amashusho-yashyize-hanze-n-abana-be-amafoto

Uru ruzinduko rw'iminsi ine rugamije gukomeza umuryango w'abagatolika uri gucyendera muri Iraq no gushyigikira ibiganiro bihuza amadini.

Papa azahura n'umukuru w'abasilamu b'aba-Shia, avugire isengesho i Mosul anasome misa muri stade.

Yasabye cyane ko uru rugendo ruba nubwo bwose Covid-19 iri kwiyongera muri Iraq ndetse hari n'impungenge ku mutekano we.

Abashinzwe umutekano bagera ku 10,000 bateguwe ngo bamucungire umutekano, mu gihe muri iki gihugu kandi hari n'umukwabu wa nijoro wo kwirinda ubwiyongere bwa coronavirus.

Mu 1999 Papa Yohani Pawulo wa II yaburijemo urugendo yari kugirira muri Iraq nyuma y'uko ibiganiro n'uwari Perezida Saddam Hussein ntacyo bigezeho.

Mu myaka 20 kuva icyo gihe, umwe mu miryango ya cyera cyane y'abakristu ku isi wo muri Iraq waragabanutse uva kuri miliyoni 1.4 ugera hafi ku 250,000.

Benshi barahunze kubera ubugizi bwa nabi bushingiye ku myemerere bwakabije muri iki gihugu kuva mu 2003 Amerika yatera ikavanaho Saddam.

Abandi ibihumbi bibarirwa muri mirongo bavuye mu byabo ubwo umutwe wa Islamic State (IS) wigaruye amajyaruguru ya Iraq, ugasenya kiliziya zabo ukanyaga ibyabo, ukanabaha amahitamo yo gusora, guhindura idini cyangwa kwicwa.

Umunyamakuru Mark Lowen wa BBC wajyanye na Papa, avuga ko kiliziya gatolika igamije kwifatanya n'abakristu bagirirwa nabi no gusaba amahoro mu nama n'abategetsi n'abakuriye amadini.

Mu butumwa bwa video yatangaje, Papa Francis yavuze ko agiye “nk'urugendo rw'amasengesho, gusaba imbabazi z'Imana no kwiyunga nyuma y'imyaka y'intambara n'iterabwoba, no kwinginga Imana ngo yihanganishe imitima kandi ikize ibikomere”.

Yabwiye abakristu bo muri Iraq ati: “Ndashaka kubazanira urukundo rwa kiliziya yose, kuko ibegereye, hamwe n'akarere k'uburasirazuba bwo hagati kazahajwe n'intambara, no kubakomeza ngo mutere imbere”.

Abakristu muri Iraq ni bande?

Mu kizwi nka Iraq ya none abantu bahindutse abakristu mu kinyejana cya mbere ya Yezu

Leta ya Amerika ivuga ko ubu muri Iraq hasigaye abakristu 250,0000, benshi muri bo baba i Ninive no muri Kurdistan mu majyaruguru.

Hafi 67% muri bo ni abagatolika bemera ubutegetsi bw'i Roma, abandi bagera kuri 20% ni abakristu ba Assyria bivugwa ko ari bo bamaze imyaka myinshi cyane

Bacye cyane basigaye ni abakristu b'aba Orthodox, Syriac, Apostolic, Abangilikani, n'Abaporoso

Gahunda ya Papa iteye ite?

Kubera umutekano no kwiyongera kwa Covid-19 biteganyijwe ko uyu mugabo w'imyaka 84 atazabonana kenshi na rubanda, nk'uko umunyamakuru wa BBC abivuga.

Papa Francis yakiriwe na minisitiri w'intebe na perezida w'iki gihugu mbere yo guhura n'abakuriye amadini mu murwa mukuru Baghdad.

Kuwa gatandatu, azafata indege ajye mu mujyi mutagatifu w'aba-Shia wa Najaf, aho azasura Grand Ayatollah Ali al-Sistani. Umugabo w'imyaka 90 ukuriye aba-Shia muri Iraq n'ahandi ku isi.

Nyuma azitabira ikiganiro cy'abakuriye amadini kuri site ya Ur, aho bivugwa ko ari ho Intumwa Abraham yavukiye.

Ku cyumweru azajya mu majyaruguru mu mujyi wa Mosul. Aho azatura igitambo cya misa ahantu hagutse cyo gusabira abishwe na IS babarirwa mu bihumbi mirongo.

INKURU YA BBC

Source : http://umuryango.rw/ubuzima-115/iyobokamana/article/papa-francis-yakoreye-urugendo-rw-amateka-mu-gihugu-cya-iraki

Kuri uyu wa gatanu tariki ya 5 Werurwe 2021, ubuyobozi bw'ikipe ya Kiyovu Sports ndetse n'umuryango udaharanira inyungu 'Lawyers of Hope (LOH)' basinye amasezerano y'imikoranire agamije kuzamura impano y'umupira w'amaguru mu bana bato.

Aya masezerano y'imikoranire yashyizweho umukono na Perezida wa Kiyovu Sports Juvenal Mvukiyehe na Jean Claude Rudacogora wari uhagarariye Lawyers of Hope, ni amasezerano biteganyijwe ko azamara imyaka 10, ariko impande zombi zikazajya zihura buri myaka ibiri kugirango zigirane ibiganiro bigamije kureba uko ayo masezerano ari gushyirwa mu bikorwa no kureba niba hari icyavugururwa.

Aya masezerano kandi azatuma bamwe mu bana bafite impano babarizwa mu marerero y'umupira w'amaguru ya LOH bahabwa amahirwe yo gukina mu ikipe ya Kiyovu Sports.

Lwayers of Hope ifite amarerero y'umupira w'amaguru arimo abana 500 bari mu byiciro bitandukanye kuva ku myaka 8 kugera kuri 20, aba bana bari mu marerero y'i Kabuga, Ndera, Kimisagara (amakipe 2), Jabana, Karembure, Kagugu, n'andi makipe 2 y'abakobwa.

Mu muhango wo gusinya aya masezerano, Perezida wa Kiyovu Sports Mvukiyehe Juvenal yavuze ko aya masezerano yasinywe ari intambwe itewe muri gahunda nini Kiyovu Sports ifite yo kubaka iyi kipe ihereye mu kuzamura impano z'abakiri bato nk'uko byahoze mu myaka yashize.

Perezida Mvukiyehe yagize ati: 'Umwaka ushize twashoye amafaranga menshi mu kugura abakinnyi beza kugira ngo twubake ikipe nziza by'igihe gito. Ubu tugiye gushyira imbaraga mu marerero y'umupira w'amaguru kugira ngo tuzamure impano z'abana bityo twubake ikipe ikomeye by'igihe kirekire.'

Perezida wa Kiyovu Sports yongeyeho ko ubuyobozi bw'iyi kipe bufite gahunda yo gutangiza amarerero y'umupira w'amaguru hirya no hino mu gihugu.

Ikipe ya Kiyovu Sports izaha amarerero y'umupira w'amaguru ya LOH ubufasha mu bya tekinike, gutoza ndetse n'amahugurwa mu rwego rwo gukomeza kuzamura impano z'abana.

Ibi byose bizakorwa hubahiriza uburenganzira n'amahame arengera abana, ndetse hubahirizwa amahame n'amategeko ya FERWAFA na FIFA mu rwego rwo kubaka indagagaciro z'umupira w'amaguru mu bana n'iterambere ryabo muri rusange.

Nk'uko bikubiye muri aya masezerano kandi ikipe ya Kiyovu Sports izajya itegura amarushanwa y'aba bana mu byiciro byose nibura inshuro 3 mu mwaka. Kiyovu kandi izaha aya marerero ibikoresho birimo imipira n'ibindi, ndetse izashyiraho n'umukozi uzakurikirana ibyo bikorwa.

The post Ikipe ya Kiyovu Sports na Lawyers of Hope basinye amasezerano agamije kuzamura impano y'umupira w'amaguru mu bana bato. appeared first on RUSHYASHYA.

Source : https://rushyashya.net/ikipe-ya-kiyovu-sports-na-lawyers-of-hope-basinye-amasezerano-agamije-kuzamura-impano-yumupira-wamaguru-mu-bana-bato/

Source : http://umuryango.rw/inkuru-z-amamaza/article/harabura-iminsi-100-ngo-startimes-itangire-kwerekana-imikino-ya-euro-2020

Ibikorwa byo gukingira Covid-19, byatangijwe ku mugaragaro kuri uyu wa Gatanu tariki 5 Werurwe 2021, nyuma y'amasaha make u Rwanda rwakiriye ibyiciro bitatu by'inkingo zo mu bwoko bwa AstraZeneca na Pfizer.

Muri rusange ibitaro 45 ndetse n'ibigo nderabuzima bisaga 500 nibyo byatangiwemo inkingo. Abakingiwe ni abakozi bo kwa muganga, abakuze cyane, abajyanama b'ubuzima, abapolisi n'abafite indwara zidakira zirimo umuvuduko w'amaraso, diyabete n'izindi.

Imibare ya Minisante igaragaza ko kugeza ku mugoroba wo kuri uyu wa Gatanu, nibura abakingiwe bagera kuri 80%, aho byitezwe ko ku munsi w'ejo bazagera kuri 95%, abasigaye bose bakazakingirwa ku Cyumweru.

Ubwo yasobanuraga ibyaranze umunsi wa mbere wo gukingira icyorezo cya Covid-19, Minisitiri w'Ubuzima, Dr Ngamije Daniel yabwiye RBA ko muri rusange ibikorwa byo gukingira Abanyarwanda byagenze neza kandi ubwitabire bwagaragaye.

Yagize ati 'Mu bantu bari bateganyijwe uyu munsi wa none navuga ko turi hejuru ya 80%, ni umunsi wa mbere urimo n'imyiteguro kugira ngo abakozi batangire gukora akazi neza. Twumvaga ko umunsi w'ejo tuzaba tugeze kuri 95%, ku buryo abandi bake cyane bashobora kuzaba basigaye bazakingirwa bose ku Cyumweru.'

Muri rusange imibare y'abantu ibihumbi 50 bamaze kubarurwa ko bakingiwe ni abo mu bitaro 31 mu gihe byitezwe ko raporo y'ibitaro 45 byose iza kugararagaza imibare yisumbuyeho aho bashobora kugera mu bihumbi 55.

Akomeza avuga ko mu bakingiwe bose uyu munsi nta muntu n'umwe wigeze agira ikibazo mu gihugu hose.

Ati 'Ariko by'umwihariko abantu bose bahawe uru rukingo nta n'umwe wigeze ugira ikibazo, tumaze gukingira abantu benshi, abo bose kuva mu gitondo nta kidasanzwe cyabaye.'

Nta byera ngo de!

Mu byaranze uyu munsi wa mbere wo gukingira Covid-19, hirya no hino mu gihugu hari imyumvire imwe yagaragajwe na bamwe mu batuye mu Karere ka Ruhango, Intara y'Amajyepfo aho bari banze guterwa inkingo.

Minisitiri Dr Ngamije yavuze ko bari babyanze bitwaje imyemerere yabo ariko nyuma baje kuganirizwa birangira bemeye gukingirwa.

Ati 'Hari nka hamwe hagiye haba utubazo tworoshye mu bakozi bo kwa muganga, ndashaka kuvuga nko mu gice cya Ruhango, aho abantu kubera imyumvire idafututse wasangaga bamwe muri bo ubwitabire budakwiriye cyangwa budashimishije.'

Yakomeje agira ati 'Nyuma y'ibiganiro n'abayobozi cyangwa abakuriye ibitaro, baje kwitabira. Bari bafite ikibazo cyo kubanza gusobanukirwa kurushaho, ariko amakuru bayahawe ku buryo ubwitabire bwagiye buzamuka.'

Dr Ngamije avuga ko abo bantu bari banze gukingirwa ahanini ari ababihuzaga n'imyemerere yabo. Ibintu avuga ari uguteza urujijo mu bantu.

Ati 'Ndahamya ntashidikanya ko na bo baza kwikubita agashyi, ayo makuru adasobanutse, kuvangitiranya ibintu, kudasobanukirwa ibintu neza kandi dufite uko twagiye tubisobanura na n'ubu tugikomeza kubisobanura.'

Yakomeje agira ati 'Abantu ntibavange imyemerere yabo ku giti cyabo n'amakuru yo mu nzego z'ubuzima kuko ni ibintu bibiri bitandukanye bigatuma haza urwo rujijo rutari ngombwa. Ariko uretse aho ngaho ahandi hose mu gihugu ibikorwa byo gukingira abantu byagenze neza.''

Minisitiri Dr Ngamije na we uri mu bakingiwe Covid-19, yasabye abantu kwirinda kuyobywa n'imyumvire ya bamwe kuko urukingo rwizewe kandi rwujuje ibisabwa.

Ati 'Ndashishikariza Abanyarwanda bose kugira ngo buri wese watumiwe kugira ngo abone uru rukingo, aya mahirwe atayitesha, abantu bere kugendera ku bihuha, uru ni urukingo rwemewe, rwujuje ibyangombwa rumaze gukoreshwa mu bihugu byinshi.''

Minisiteri y'Ubuzima itangaza ko abari gukingirwa ari ibyiciro byatoranyijwe ariko byitezwe ko mu bihe biri imbere uko inkingo zizagenda ziboneka n'abandi bazagenda bakingirwa.

Muri rusange inkingo zose zimaze kugera mu Rwanda ni ibihumbi 397, zaje mu byiciro bitatu birimo harimo 102.960 za Pfizer n'izigera kuri 240.000 za AstraZeneca ndetse n'izindi 50 000 za AstraZeneca zatanzwe na Leta y'u Buhinde.

Intego ya Guverinoma y'u Rwanda, ni uko uyu mwaka wa 2021 uzarangira rukingiye 30 %.

Leta y'u Rwanda yihaye umuhigo wo gukingira 60% by'abaturarwanda bose mbere y'uko umwaka wa 2022 urangira. Leta y'u Rwanda ikomeje ibiganiro n'ibindi bihugu, abakora inkingo ndetse n'abafatanyabikorwa batandukanye kugira ngo haboneke inkingo zihagije.

Izindi nkuru wasoma:

  Meze neza nta kibazo mfite mu mubiri – Minisitiri Dr Ngamije wakingiwe Covid-19

  Byabarenze: Uko igikorwa cyo gukingira Covid-19 bwa mbere cyagenze

Abakozi bo kwa muganga nabo bakingiwe mu ba mbere

Abajyanama b ubuzima ni bamwe mu bakingiwe ku ikubitiro

Mbere yo gukingirwa babanza gusobanurirwa

---

Source : http://igihe.com/amakuru/u-rwanda/article/ibihumbi-50-bakingiwe-ishusho-y-umunsi-wa-mbere-wo-gukingira-covid-19-mu-rwanda

Washirawit Bee Moosika na mushiki we Rinrada Breem bakoze ubukwe kuwa 04 Werurwe 2021 ahitwa Nakhon Si Thammarat muri Thailand mu rwego rwo kubahiriza imigenzo y'idini ry'ababyeyi babo b'Aba Budhiste.

Ababyeyi b'aba bana aribo Weerasak w'imyaka 31 na nyina Rewadee w'imyaka 30 bubahirije imyizerere yo mu idini yabo ivuga ko abana bavutse ari impanga baba bafite 'Karma' cyangwa se ko mu buzima bwabo bwashize bakundanaga ariko bapfa badashyingiranywe bityo mu buzima bwabo bushya bagomba kubana nk'umugabo n'umugore.

Aba babyeyi bavuze ko igihe aba bana babo batashyingiranwa,ubuzima bwabo bwarangwa n'imyaku ndetse n'ibibazo biturutse ku buzima bwabo bwa mbere.

Weerasak n'umugore we Rewadee batumiye inshuti n'abavandimwe kugira ngo baze muri ubu bukwe bw'izi mpanga zabo.

Madamu Rewadee yagize ati 'N'umugisha kuba narabyaye impanga ariko nari mpangayikishijwe nuko hari ikintu cyabakurikiye giturutse mu buzima bwabo bwa mbere.Imyizerere yacu ivuga ko bagomba gushyingiranwa kugira ngo twikiranure niyo Karma.

Umu monk w'aba Budhiste yari aho hafi kugira ngo ahe umugisha aba bana bashyingiranwe.

Nyuma y'ubukwe abatumiwe bahise bajya mu kirori baranywa,bararya,nbashyiramo umuziki barabyina karahava nkuko ubukwe bwose bisanzwe bigenda.

Se w'aba bana yavuze ko nta yandi mahitamo yari afite uretse kubashyingiranya kuko ngo imyizerere yabo ivuga ko iyo utabikoze umwe arwara bikaba byamuviramo urupfu.

Ati 'Twizera ko iyo ubyaye abana b'impanga bafite ibitsina bitandukanye baba bagomba gushyingiranwa bitakorwa umwe akaba yarwara agapfa akiri muto.'

Icyakora ngo uku gushyingiranwa ntikwemewe mu mategeko ahubwo byakozwe nk'umuhango kugira ngo aba babyeyi barinde abana babo.

Source : http://umuryango.rw/ubuzima-115/udushya/article/abana-b-impanga-bashyingiranwe-ku-myaka-5-ababyeyi-babo-bavuga-ko-mu-bundi